رواية من أجلها الفصل الثالث 3 بقلم دعاء زينة
رواية من أجلها الجزء الثالث
رواية من أجلها البارت الثالث
رواية من أجلها الحلقة الثالثة
_أهدى يا تبارك وأنا أفهمم
/تفهمني ايه يا أستاذ، لا وبعد اللى أنت مهببه دا جاى بكل وقا”حه تتحكم وتتأمر أنا أتجوز مين ومتجوزش مين كأنك من بقية أهلى
_تبارك أقسم بالله
/بعصبية أقسم بمن أحل القسم يا نوح بيه لو ما رجعت فى كلامك اللى مليت بيه دماغ أبويا لأكون فضحا’ك، بدل ما أنت ماشى تنظر علي الخلق أعترف بإبنك من الشئ اللى وراكى دى
_بعصبية أخرسى سامعة أخرسى وأمشى غورى من وشى بدل ما ، أقولك أسيبكى تتخيلى أخفى
كان لأول مرة يكلمها بطريقة، أول مرة ينفعل بالشكل دا عليها، محستش بنفسها غير وهى بتجرى ودموعها بتسابقها علي خدودها
*********
بدموع وبرعشة خوف من الفضيحه ماسكه فى هدومه
+نوح أنا مش عاوزة أتفض”ح بالله عليك
_بصلها بلوم وغضب، خايفه من الناس تعرف ومش خايفه من رب الناس هااا، كان فين عقلك يوم ما هببتى اللى هببتيه
+كنت مراته
_أنتى مصدقة نفسك، هى ورقة اللى بتكتبوها على فرغ كراسة بقت جواز، والشهود كانوا ايه قلمين رصاص
+أنا ممكن أروح افهمها أنك بتساعدنى و
_أتنهد بهم، لا لا هتروحى ولا هتيجي وإن شاء الله ربنا يتم ستره عليكي علي خير، وكمل باستفهام مش توتبى
+وربنا توبت وعرفت غلطى بس أستر عليا يا نوح
_سبيها علي الله
**************
/خديجة
_باستغراب منصور، فى حاجه
/أبدًا بس شوفتك قولت أسألك راحه فين كدا
_طالعه عالكورنيش وهجيب شو ، لحظة بس وأنت مالك اصلا
/أنا قولت أطمن عليكي مش أكتر
_وأطمنت أتفضل بقى بعد إذنك
سابته ومشيت، بص لأثرها بإحراج وكمل طريقه
**********
_بابا بعد إذنك إخرج نوح من حسابات جوازى خالص أنا موافقة وعاوزاه يبقى فين المشكلة
*المشكلة فيه يا بنتى نوح عارف عنه حاجات ربنا أعلم بيها
_باستهجان والله حاجات ايه بقى دى اللى يعرفها إذا كان هو أصلا
*قطع كلامها جرس البيت، فتح الباب واتفاجأ باللى قدامه
*مدحت
=ايوه يا حاج مدحت واستئذنك تسمعنى
*الكلام مش عالباب يا بنى اتفضل أدخل نتكلم جوا
=حضرتك رفضتنى من غير ما تسمعنى ولا تديني حقى فى أنى أعرف سبب الرفض ايه
*استهدى بالله يا بنى وصلى عالنبى
=اللهم صلى عليه، يا عمى أنا شارى بنتك ويعلم ربنا
*هنفكر ونرد عليك يا حبيبي
_بس أنا موافقة يا بابا مالوش لزوم تفكير، تفكير ايه اصلا
*بصوت هادى ولكنه حازم خوفها أكتر من صوت والدها العالى، علي جوا يا تبارك
دخلت فعلا، وأبوها كمل، يا بنى أنت شكلك ابن حلال وتفهم فى الأصول، فلما أقولك نفكر لازم تفهم ويكون عقلك فطن هنسأل عليك علي أهلك وأنت كمان تسأل
=مش محتاج أسأل يا حاج أنا
*ضحك بهدوء يا بنى إزاى بس دا المثل بيقول قبل ما تناسب حاسب، وحط فى بالك كله فى الأول والأخر نصيب ولا ايه
=صح يا حاج
*دلوقتى بقى هتتفضل تستأذن ولا تتغدى معانا، أصل نوح طالع كمان شوية وموصيه علي شوية كباب وكفته إنما ايه يستاهلوا بقك
=لا يا حاج بالهنا هستأذن أنا سلام عليكم
*وعليكم
***********
-نوووح
/ايه يا ديجا سورتيني
-بكلمك بقالى ساعه ومش بترد، ايه شاغل بالك
/ولا حاجه
-ولا حاجه إزاى بس، دا أنت مش هنا خالص، قولى تحب تاكل عدس ولا قرنبيط، بصراحه أنا نفسى فى القرنبيط اوى و
لقت أنها بتكلم نفسها، هزته مرا تانيه بشكل أقوى
/ايه يا بت يخربيت الغلاسه
-بتسرح منى قولت أردك
/هو أنا صاج عربية يا جزمه
-تبارك صح
/
-هى عملت ايه فى موضوعها صحيح
/ولا حاجه مختاره واد مش شبهها ولا ينفعها و
-اختيارها يا نوح مالكش فيه، متشلش همها فى حاجه مالكش دخل فيها من أصله
/بس الح
-متضحكش علي نفسك ولا عليا يا نوح وتقولى وأبوها الحاج سامح ومش عارف ايه ابوها لو اختار ما بينك وبينها هيختارها
هي من غير شك، فمتكونش أنت السبب فى أول أزمه هتكون بينها وبين أبوها، عليك النصيحه وعليها تنفذها او لا، سيبها تجرب نتيجة إختيارها
/اتنهد وبص ليها حتى لو كان
-حتى لو فيه البدع عرفها وهي حره، متربطش نفسك بحبال دايبه يابن أبويا
/بصلها باستغراب، بت أنتى كبرتى كدا امتى وبقيت بالعقل دا كله
-حتى مفهمك أنى هفضل صغيرة
/لو بقى عندك ميت سنه وسنانك ترمت هفضل شايفك العيله اللى كانت تتشعلق فيا عشان أجيب ليها غزل البنات، بس خلاص كبرت وبقت زينة البنات كمان وبقت قاعده تقولى أعمل ايه ومعملش ايه
-أنا بحبك يا نوح وبحب تبارك ربنا عالم، بس حبك ليها بيأذك وواجب عليا أنصحك مش مهم هتسمعنى ولا لا المهم أنى محسش أنى عاجزة وأنا شايفاك كلم يوم بتغرق فى بحر حبها وهى مش شايفاك أصلا، ولو هختار ما بينها وبينك مش هتردد ثانيه أنى اختارك
/زي ما الحاج سمير هيختارها
-ضحكت كل واحد بيختار اللى يخصه يا حبيبى
/قومى يا بت اعملينا عدس
-أنا أصلا أصلا محضره تتبيلة القرنبيط
/اومال بتسأليني ليه طااه
-تحصيل حاصل
/بقى كدا استنى عندك وقام جري وراها
***********
_وبس يا سيدى هو دا اللى حصل
/بتهزرى
_لا والله بتكلم جد سامعاه بودنى بس مشوفتش مين اللى كانت معاه للأسف
/خدى هنا أزاى تنزلى ليه لوحدك، ثم أنا مش نبهت عليكي متروحيش ليه، صح ولا غلط
_ايوه
/ردى صح ولا غلط
_صح بس
/مبسش تبارك انتى مش عامله اعتبار ليا ولا ل كلمتى أفرضى دلوقتى كان عمل فيكي حاجه أنتى كمان ولا ضايقك ولا بصة ليكي بطريقه مش كويسة هااا
_مستحيل نوح أصلًا متربى يعتبر معايا دا غير أنه ماسك ورشة أبويا وكل حاجه تخصنا، ممكن أكون أنا فهمت غلط
/ولو هو كدا صحيح يبقى مع الكل، الأخلاق مبتتفصلش، وأنا من أول ما شوفته مرتحتلوش
_طيب خلاص أهدى، وخلينا نفكر لحياتنا احنا
/دا علي أساس أنا اللى بحب أنكد مش كدا، ولا أنا اللى بجيب سيرته كل ما نتكلم
_معاك حق مش هجيب سيرته تانى خلاص مرضى كدا
/شويه، المهم باباكى قالك ايه
_اللى قالوا ليك هيستخير ربنا ويسأل، بس انا متفائلة إن شاء الله حاسه ربنا هيكرمنا ويحنن قلب بابا علينا
/يا رب يا حبيبي يسمع منك ربنا
**********
حل الليل وحسم نوح أمره وبعد شوية وقت كان واقف قدامه
_اتأخرت ليه يا نوح
/أزيك يا مدحت
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية من أجلها)
