رواية منه الفصل الرابع 4 بقلم رقية محمد
رواية منه الجزء الرابع
رواية منه البارت الرابع
رواية منه الحلقة الرابعة
لفيت بصدمه
_ انت ؟!!!!
_ اى رأيك يا رُقيه؟ اصلك وحشتيني فـ قولت اجي اطمن عليكِ، اصل الخال والد برضو، ولا اي ؟
مقدرتش اتحرك اوي اتكلم، المشهد اللي مبيغيبش عن دماغى اتكرر تانى، بس المره دى بـقسوه كبيره على قلبى، مقدرتش اخد نفسي لبعض الوقت لحد ما استعدت قوتى وانا بقول بكلام غير مُرتب
_ اوعى تكون فاكر إني أنا البنت الصغيره بتاعت زمان ؟ لا انا دلوقتي ممكن اسجنك
ضحك ضحكه سذجه
_ تعرفى يا رقيه انتي عملتي اي في اهلك ؟ امك مات*ت بسبب صدمتها فيكي بعد ما افتكرت انك هربتي مع عيل، وابوكي اتجنن وما*ت بعدها بفتره، اوعى تكوني فاكره إنك أنتِ الضحيه، بلاش الدور ده
حطيت ايدي علي ودانى بصدمه، وفي لحظه خبطته بالشنطه وفتحت باب العربيه واترميت علي الارض
منه
_ رُقيه، انتِ شيفانى ؟ حبيبتي انتي كويسه ؟
الرؤيه كانت مشوشه بطريقه تعبت عيني اكتر، بس بعد ثواني بدأت الرؤيه تظهر قدامى، اتكلمت بشبه إنهيار
_ انا شوفته يا منه، والله العظيم شوفته، جالي تانى، قالي اني السبب في مو”تهم انا السبب يا منه أنا
دقايق ودخل هو…على!
على
_ اتفضلى يا منه، قهوتك اهى، صحيح الدكتور عايزك برا
ضحكت منه بخفه وطلعت
على
_ عارف انك بتحبي القهوه، بس صراحه مش هديكي علشان أنتِ تعبانه دلوقتي
اتكلمت بدموع
_ أنا مش بكدب انا شوفته والله، شوفته بعيني وكان هيأذيني لولا أني ضربته بشنطتي، صدقني
ساب القهوه علي الترابيزه الصغيره جمب السرير وهو بيقول بحنيه
_ أنا مصدقك يا رُقيه، أنا عملت بلاغ في القسم وطلبت بتفريغ الكاميرات، واكيد هيكلموني في ظرف اربعه وعشرين ساعه، أنا مش هسيب حقك، وبرافو عليكي انك دافتي عن نفسك المرادى
طبطب علي ايدي بحنيه
_ انا السبب في الاهلي وصلوله مش كده؟! انا السبب إنهم يموتوا بسبب حسرتهم عليا ! انا السبب في كل ده علشان حاولت احمي نفسي! مجتمع متخلف ولا أنا اللي مجنونه؟!
شرب شويه من القهوه وهو بيقول
_ الله القهوه دى حلوه بشكل، بصي يا ست الكل، الحقيقه إن مجتمعنا ده مش بيدي للمرأه حقوقها الكامله، لأنه ببساطة شايف إنها ملهاش اي تلاتين لازمه، وشايف إنها الطرف الاضعف، مشافش اي حاجه تانيه وإنها أساس المجتمع، وزيها زي الراجل ويمكن احسن كمان…لأن بكل بساطه الراجل بيبوظ المجتمع بسبب الا”غتصاب، الت”حرش، الاعت”داء، وما الى نهايه، لكن لو رجعنا للبنت هنشوفها هي السبب الأساسي لتطوير العالم، لأن نادراً لما تلاقي بنت او ست غير سويه نفسيا
كلامه طبطب علي قلبى، حسسني لاول مره في حياتى اني فعلاً صح، وإني مغلطتش اني هربت، وإن لو الايام اتعادت تاني هاخد حقي وأهرب علشان مكنتش هقدر أواجه المجتمع
* وبعدين يا ماما ؟ عملتي اي
ابتسمت بحنيه وانا بقفل النور
_ وبعدين يا ستي بابا جابلي حقي وأثبت إنه فعلا كان موجود، وقبل كل ده اثبتلي إنه احسن راجل في الدنيا
قرب مننا وباس راسي وراسها وهو بيقول
_ وانتِ اجمل حد في الدنيا يا وصيه الرسول
-وما أنا وأنتَ إلا روحانِ يَقتصِمانِ عناءِ الحياةَ معاً، فيَقِل
( أتمنى أكون تركت أثر خفيف على قلوبكم، والروايه الصغنونه فادتكم، ألقاكم فى روايه جديده بإذن الله )
لقراءة الرواية كاملة اضغط على : (رواية منه)
