رواية منقذي الامير الفصل السادس 6 بقلم آية طه
رواية منقذي الامير الجزء السادس
رواية منقذي الامير البارت السادس
رواية منقذي الامير الحلقة السادسة
يجرها امير ناحيه الباب بعيدا عن غرفه والدته.
امير:هو انا مش قولت مليون مره اسم امير دا ميتقالش خالص انا ياسر هو الكلام مش بيتسمع ليه.
ايمان:اسفه والله ياباش…قصدى ياياسر بس هيبتك ليها احترامها بردو.ياسر:ياسلام وكانت هيبه ياسر ليها احترام عندك لما كنتى بتعكسي الواد حسن ولا كان عادى هو انتى مفكره انى مش فهمك ولا ايه بس انا اللى عامل نفسي عبيط بمزاجى علشان ياسر كان اهبل وانتى كنتى بتستغليه لكن انا غير فخلى بالك بعد كدا من كلامك وافعالك معايا بدل ماتزعلى.
ايمان:فى ايه انت مالك فهمنى غلط كدا ليه انا فعلا كنت حاسه انى معجبه بحسن مش هنكر دا بس مع الوقت فوقت وعرفت اننا مش نصلح لبعض ومش نافعين بس كدا وبعدين انا عمرى ما استغليت ياسر انا بس مكنتش بحب اكسر بخاطره وربنا يجعلنا من جابرين الخواطر.
امير:ايوا صح انا فهمك غلط خالص فعلا ماعلينا دلوقتى ممكن تتفضلي علشان عايز انام وارتاح.
ايمان:بكرا الايام تثبتلك انك كنت فعلا غلطان فى حقي وفهمنى غلط كمان.
ياسر:تمام ماشي ربنا يسهل يلا تصبحي على خير.
ايمان:وانت من اهله.
فخرجت وهو قفل الباب وذهب الى والدته ليطمئن عليها ويتأكد من ادويتها انها اخذتهم وذهب الى غرفته وغير ملابسه واستلقى على السرير ويتذكر.
………………فلاش باك……………….
امام فيلا عائله الشافعى يخرج شاب غامض يرتدى افخم البدلات الكلاسيكيه باللون الاسود ويذهب ناحيه سيارته.
ياسر:صباح الخير يافندم.ويفتح له باب السياره.
امير:انا مش قولتلك مليون مره بلاش يافندم دى.
ياسر:انت عارف انا مقدرش اكسرلك كلمه بس الباشا الكبير والهانم اضايقوا وكدا.
امير:ملكش دعوه بيهم خالص انت السواق الخاص بتاعى وصاحبي مش عايزه اسمعها منك تانى.ويركب السياره ويتحركوا بها.
ياسر:على فين؟
امير:هيكون فين يعنى على المكتب.
ياسر:ربنا يقويك ياامير انت لسه بردو مش عارف توقعه.
امير:ابن الكلب مش عارف اعمل حاجه كل الادله ضده بس بس ناقص امسكه متلبس.بس سيبك انت عامل ايه مع البت ايمان.
ياسر:والله مش عارف اعملها ايه عينيها من الواد حسن ومش حاسه بيا خالص وحقها والله هتحس بيا ازاى وانا عمرى ماكلمتها غير صباح الخير ومساء الخير باجى ادامها ولسانى يتشل مش بعرف اتكلم.
امير:يابنى انت لحد دلوقتى مفهمتش يابنى دى ماديه هى حاسه بيك وعارفه انك بتحبها وكل حاجه بس هى اللى عامله نفسها هبله وبتستغلك علشان تخلى الاهبل حسن يغير عليها وتوقعه وبالمره تمرمطك معاها فى المشاوير على تترسم علي صحابها وجيرانها انها بتروح وبتيجى بعربيه مخصوص مش مواصلات نسيت هى مين ومنين.
ياسر:لا متقولش عليها كدا انت بس علشان متعرفهاش كويس بتقول كدا انما انت لما تعرفها وتعاشرها هتفهم صح.
امير:انا فاهم صح بس انت اللى حبك عميك يا ياسر انا بقابل الناس دى يوميا وعارف انا بقولك ايه.انت حر بقى انت اللى عايز تتجرح بقى.
ياسر:ان شاء الله ربنا هيخيب ظنك ومش هيجرحنى ولا يكسر بخاطرى كفايه دعوه امى ليا.
امير:اه صح الحجه عامله ايه الدكتور اللى بعتلك ليه قالك ايه طمنك.
ياسر:كتر خيرك والله الدكتور طمنى الحمدلله وقال انها كويسه وادانى علاج احسن هيظبط معاها الضغط والسكر وكل حاجه.
امير:طيب ابقى عدى على الحسابات هما عايزينك هناك.
ياسر:لا قديمه دى ياخويا محدش عايز منى حاجه.
امير:ولااا اسمع الكلام بقولك ياما انت عارف.
ياسر:ايوا عارف بس والله خيرك سابق وانا معايا فلوس كفايه عليك انك متكفل بامى بكل حاجه غير المرتب اللى انت بتدهولى والكشف والتحليل واى حاجه تعوزها امى انت اللى بتعملها.
امير:هبل هو انت مفكر انها امك لوحدك ولا ايه انا بحسدك عليها ياريت تكون امى زى امك كدا.
وصلوا للمكتب ينزل امير من السياره ودخل هو وامير على المكتب.
الشاويش عطيه يضرب له السلام:صباح الخير يافندم.
امير:هاتلنا فطار انا وياسر على المكتب ووصي على الشاى.
ياسر:ميصحش كدا يابيه انا هنزل افطر فى العربيه تحت.
امير يلف ذراعيه على رقبته:بردو بيه ياواد انت اخويا وبعدين انت عارف انى مش بعرف اكل لوحدى وانت بتفتح نفسي بصراحه بقى.
ياسر:وانت اكتر من اخويا والله بس بردو المقدم امير الشافعى لازم يبقى ليه احترام وهيبه وانا فى الاول والاخر انت بردو حته سواق يعنى.
امير:ماشي ياعم قولى بيه وبتاع قدام الناس بس لكن بينى وبينك لا مفهوم وانت مش سواقي بتاعى انت اخويا وصاحبي الوحيد ماشي متزعلنيش منك.
ياسر:مفهوم حاضر.
الشاويش عطيه يضرب السلام.يأذن له امير ليدخل.
الشاويش عطيه:الفطار ياباشا والشاى.
امير:شكرا ياعطيه.
يخرج عطيه ويأكل امير وياسر معا وعندما انتهو نزل ياسر وكمل امير شغله من المكتب حتى دخل له ظابط.
ظابط:امير باشا وصلنى معلومات ان هلال ناجى هينفذ عمليه بطن الحوت دلوقتى.
امير:معلومات اكيده.
الظابط:ايوا من مصادرنا.
امير:طب يلا بينا مستنى ايه اكلم القوات تروح للمكان التسليم فورا وتأمنه انا عايز اوقعه النهارده مفهوم.
يخرج الظابط مسرعا ويكلم امير القوات وينسق معهم وينزل مسرعا يخاف ياسر من شكله وقلقه.
ياسر:خير ياباشا في ايه.
امير:خلاص وقع ياياسر وقع انا رايحله دلوقتى.
ياسر:لوحدك لا طبعا.
امير:لوحدي ايه بس انا معايا القوات بس هى هتسبقنى على المكان.
ياسر:يبقى تتفضل ياباشا بسرعه علشان نلحق.
امير:لا انا هاخد العربيه انت مش هتيجى المكان خطر.
ياسر:والله مايحصل ويلا ياباشا علشان الوقت ومتتاخرش على المهمه.
ويركبو السياره وبالفعل يصلوا للمكان.
امير:ها عملتو ايه وايه المستجدات.
ظابط:رصدنا تحركات العصابه وعرفنا ان المخدرات والفلوس موجوده بس لسه هلال ناجى مجاش.
امير:انا عايز القناصين ينتشروا حوالين المكان وانت قسم القوات نصهم معانا هنا والنص التانى يبقى على الشارع برا مش عايز اى فرصه للهروب مفهوم.
الظابط: تمام يافندم.
وبعد فتره يحضر رجل فى منتصف الثلاثينات
يرتدى بدله انيقه باللون الرمادى وينزل من سياره فاخمه نعم انه هو هلال ناجى تاجر المخدرات ومتستر خلف شركات الناجى للاستيراد والتصدير.
يدخل على المكان ويأتى ظابط لامير.
الظابط:يافندم وصل هلال ناجى يافندم.
امير:متأكد..
الظابط:ايوا يافندم وصلنا تاكيدات من القناصين انه هو.
امير:طيب يلا اجهزه هنهجم حالا يلا.
يااااسر انت افضل هنا عند السياره ومتتحركش مفهوم مهما حصل.
ويقتحم امير والقوات المكان وخصل تبادل اطلاق نار وفى الاخر خرجو بالقبض على من باقي من افراد العصابه والباقى مصاب ومجروح ويمسك امير بهلال ناجى من يده.
هلال:اوعى تكون فاكر انها كدا خلصت ولا انتهت انتى بتعلب بالنار وانت مش واخد بالك بس دلوقتى اللعبه هتحلو.
امير:…..
يتبع….
لقراءة الرواية كاملة اضغط على : (رواية منقذي الامير)
