رواية منقذي الامير الفصل السابع 7 بقلم آية طه
رواية منقذي الامير الجزء السابع
رواية منقذي الامير البارت السابع
رواية منقذي الامير الحلقة السابعة
امير:هاهاها ماشي نبقى نشوف المره دى مش هتعرف تطلع منها انت متلبس.
هلال:انت اللى مش هتلحق تعمل اي حاجه واسمع منى سبنى احسن لك صدقنى.
امير:انت بتهددنى انت تعرف ان دى قضيه تانيه.
ويذهب امير ويضع هلال وافراد العصابه فى سياره الشرطه وذهب امير لسيارته يستقبله ياسر بابتسامه وفخر ولكن سرعان ماتلاشت هذه الابتسامه الى نظره فزع وخوف.يجري ياسر ويقوم بدفع امير بعيدا عندما راي شخص يضرب ار بى جي ناحيه امير.ليقع امير على الارض ويقوم هذا الار بى جى بانفجار هائل.
يستيقظ امير فى المشفى تانى يوم.
امير وهو على سرير المشى ومتوصل بالاجهزه والممرضه تتاكد من مؤشرات الحيويه.
امير:انا فين وايه اللى حصل.
الممرضه:الحمد الله على سلامتك يافندم.اطمن انت فى المستشفى.
امير:زمايلى….باقى زمايلى وياسر حالتهم ايه.
الممرضه:معنديش علم والله يافندم انا هروح ابلغ الدكتور انك فوقت.
امير:انا لازم اقوم اشوف ياسر وزمايلى.
ويحاول النهوض من على السرير لتمنعه الممرضه وتقول له:اهدى حضرتك ممنوع دا مش هينفع انت كانت حالتك خطيره جدا.
امير:انا لازم اطمن على ياسر وزمايلى.
الممرضه:اهدى حضرتك وانا هنادى على الدكتور وهو هيطمنك.
وتذهب الممرضه لتنادى الدكتور بعض دقائق ويدخل الدكتور ومعه اللواء مختار رئيس امير.
الدكتور:الف حمدالله بالسلامه عليك يابطل.
امير:ياسر وباقيه زمايلى عاملين ايه.
الدكتور:لا عال عال انت بقيت احسن اهو الحمدلله.
وهو يقرا التقارير الطبيه.
امير بعصبيه:بصلى هنا ورد عليا ياسر وزمايلى عاملين ايه.
هنا الدكتور ينظر للواء.
اللواء مختار:انا عارف انك مؤمن بالله وموحد وعارف ان دا قدر يعنى محدش ليه يد فيه.
امير:سياده اللواء ارجو من غير مقدمات قولى في ايه.
اللواء مختار:ياسر وخمسه من زمايلك استشهدوا امبارح والباقي مصابين زيك كدا.
ليقع الخبر على مسمع امير مثل البرق وترتسم على وجهه ملامحه الصدمه الممزوجه بالحزن.
ويقول:والله لاحاسبه على كل دا دم اخواتى مش هيروحو كدا انتو اكيد هتحاسبوا صح.
اللواء مختار:ممكن تهدا شويه انت قصدك مين.
امير:هيكون مين يعنى ياباشا هلال الناجى.
اللواء مختار:للاسف مقدرناش نمسك عليه حاجه
امير بصدمه:نععععم احنا ماسكينه متلبس يافندم دا غير الادله اللى عندنا لنشاطاته وحساباته المشبهوه يافندم.
اللواء مختار:كل الادله اتلفت فى الحادثه والنيابه معرفتش تثبت حاجه عليه وهو عملك محضر كيدي وقال انك بتستغل سلطاتك عليه وهو كان بيخلص صفقه شغل وانت هجمت عليه وقطاع طرق ضربو عليكم نار وار بي جى.
يضحك امير بسخريه عاليه ويقول:طب دا كلام يتصدق يافندم اى حد معدى فى الشارع مش هيصدقه.
اللواء مختار:للاسف هو عنده دليل على كلامه دا وشهود وانت معندكش حاجه خالص ضده.
امير بعصبيه:ازاى يعنى يافندم انا معايا تقارير وادله ضده وحضرتك قولتلى انى لازم امسكه متلبس علشان القضيه تلبسه.
اللواء مختار:مهو للاسف كل التقارير دى اختفت من مكتبي ومكتبك.
امير بذهول:اختفت…اختفت ازاى يعنى.
اللواء مختار:دا اللى هنعرفه لما نتيجه التحقيق تطلع الظاهر كدا فى جواسيس عندنا فى المكتب والتحقيق دا هيظهرهم ان شاء الله.
امير:يعنى ايه دم ياسر واخواتى راح غدر كدا خلاص.انا عايز اطلع حالا.
الدكتور:لا اهدى انت لسه خارج من حاله خطره مينفعش تطلع ولا تتحرك قبل 24 ساعه على الاقل.
امير:بس انا لازم اطلع دلوقتى واحضر التحقيق واكمل مباحثاتى على هلال ناجى انا لازم احاسبه.
اللواء مختار:للاسف مش هتقدر تتابع القضيه دى لانها خلاص اتقفلت وانت ممنوع تفتحها تانى.
امير:اتقفلت ….اتقفلت ازاى يعنى وتتسحب منى القضيه ليه.
اللواء مختار:النيابه امرت بكدا ودى اوامر ياحضره المقدم ولازم تتنفذ بدون نقاش.الف سلامه عليك عن اذنك.
ويخرج اللواء ومعه الدكتور ويظل امير على السرير تضارب مشاعره بين الحزن والصدمه وظل يتذكر اخر مشهد لياسر وهو يستقبله بابتسامه وفخر وكيف ضحى بحياته من اجله.
وبعد الخروج من المشفى ذهب امير لواء مختار لطلب اجازه مفتوحه.
اللواء مختار:انت لسه حاسس نفسك تعبان ولا ايه.
امير:لا يافندم انا صحيا تمام بس نفسيا لسه مش جاهز ارجع الشغل تانى.
اللواء مختار:تمام انا همضيلك على الاجازه بس مطولش علشان انا مقدرش استغنى عن ظابط كفؤ زيك تمام.
امير:تمام يافندم.
ويضرب التحيه ويخرج ويعمل مكالمه هاتفيه.
امير:ايوا انت فين؟
الشخص على الهاتف:مستنيك على الكافيه اللى جمب المديريه.
امير:تمام انا جاى حالا.
ويذهب امير للكافيه ليقابل شاب طويل بعيون خضراء ولحيه خفيفه وشعر كثيف باللون البنى.
امير:اهلا بسياده الرائد فارس.
فارس:ازيك يا امير وازى صحتك دلوقتى.
امير:تمام الحمدلله عملت ايه فى اللى طلبتو منك.
فارس:تمام حصل اتفضل بطاقتك الجديده باسم ياسر والخبر اتنشر ان المات هو امير الشافعى مش ياسر بس انت عارف لو حد شم خبر ان انا اللى ورا كل دا هيتعمل فيا ايه.
امير:عارف والله وكتر خيرك بس مكنتش هعرف اعيش ولا اكمل حياتى والكلب دا برا السجن لازم يتحاسب على كل حاجه.
فارس:عارف يا امير عيب عليك احنا دفعه واحده ولا انت بقى هتكبر عليا علشان اترقيت قبلي ولا ايه 😂.
امير:عيب عليك انت اخويا يافارس لو مكنتش واثق فيك كنت طلبت منك الطلب دا.
فارس:طب بمناسبه بقى الاخوات والثقه انا سمحت لنفسي اجمع بعض الظباط اللى كانو شغالين معاك على قضيه هلال الناجى وجمعنا بعض الادله اللى كانو معاهم ووافقو يكملو معاك القضيه بطريقه غير رسميه طبعا.
امير:بس دا خطر جدا لو حد عرف اللى احنا بنعمله دا انت عارف ايه اللى هيحصل دى ممكن توصل لمحاكمه عسكريه وانا مقدرش اتحمل المسؤليه دى.
فارس:وانت مين قالك اتحملها هما عارفين كويس بيعملو ايه وايه العواقب اللى ممكن تحصل هما مش عيال صغيره وبعدين هو انت لوحدك يعنى اللى عايز ترجع حق زمايلنا ولا ايه.
امير:ايوا بس…
فارس:من غير بس هما هيقبلوك كمان ساعه فى المكان دا…..استاذن انا بقى ومش محتاج اقولك يعنى انك لو احتجت حاجه تكلمنى ولا ايه.
امير:طبعا متشكر بجد يافارس.
ويذهب فارس ووراءه امير ليجتمع مع افراد التحقيق الذى جمعهم فارس له ووزعه بينهم المهام وثم ذهبوا للمنطقه التى يعيش فيها ياسر واجمعو اهاليها اقروا عليهم التعليمات بعدم ذكر اسم امير نهائيا وانه ياسر وسيتم التعامل معه على هذا الاساس وايضا ذهبوا لمكان عمله وقابلوا سمير واتفقوا معه.
يتبع….
لقراءة الرواية كاملة اضغط على : (رواية منقذي الامير)
