رواية مملكة ميراث العشق الفصل العشرون 20 بقلم مريم نصار
رواية مملكة ميراث العشق الجزء العشرون
رواية مملكة ميراث العشق البارت العشرون
رواية مملكة ميراث العشق الحلقة العشرون
فيلا السيوفي..
رودي : قاعده قدام التسريحه.. وسرحانه وباصه ف المرايا.. ودموعها نازله بصمت..
فارس : دخل عليها.. وشاف حالتها..وشد كرسي وقعد جنبها..ومسك ايديها وقال..وبعدين يارودي.. مش كفايه بقى وجع ودموع..هي دي الدعوه الي عمي الله يرحمه منتظرها منك..!!؟
رودي : مسحت دموعها..وقالت بوجع..كنت فاكره كل ما يعدي الوقت ع موت بابي.. إن الوجع هيقل ويختفي واحده واحده..لكن الي بيحصل معايا عكس كدا.. اكتر من تلات شهور على وفاته وحاسه اني هتجنن واسمع صوته.. هو ابويا وأمي واخواتي..ليا مين بعدو ف عيلتي يافارس..!! انا حاسه إني عريانه من غير وجود ابويا في الدنيا..حاسه باليتم من تاني..
فارس : مسح دموعها وباس ع ايديها..وقال..الله يرحمه. دي سنة الحياه. احنا في الدنيا دي عباره عن ضيوف..وكل واحد بيستقر لما ربنا يريد.. وبعدين ليكي مين إزاي؟ اومال انا ابقى إيه؟
مش ديما اقولك انا أبوكي وأخوكي ودنيتك..دا انتي بنتي المجنونه يارودي..وصعب عليا اشوفك ف الحاله دى..
وبعدين أنا عرفت إن اخوكي بسام هيوصل مصر قريباً. وانا بنفسي هعزمه يقضي معانا يوم من أوله..مش انتي كان نفسك إن اخوكي يدخل بيتك ويقعد معاكي..!!
رودي : ضحكت بدموع..بجد يافارس..!!؟ بجد بسام اخويا جاي ..قول والله..
فارس : ابتسم..وباسها برقه..وقال..والله. وكمان يستي عشان الضحكه الحلوه دي.. انا هصمم أنه يقعد معاكي هنا أسبوع بحاله قبل ما يسافر..
رودي : ضحكتها اختفت..وقالت.. فارس..هو بسام ممكن يكون جاي عشان الاوراق؟ والورث؟
فارس : مسد ع خدها بحنان.. وقال..هشش مش عايزك تفكري في أي حاجه. كلها فتره صغيره.
واخوكي يقولك هو جاي ليه؟ وانا متأكد أنه جاي لأخته حبيبته وبس..
رودي : رفعت ايديها وحضنته.وقالت بتمني.. ياريت يافارس.. ياريت بجد يكون جاي عشاني..!!
فارس : رفع دقنها.. وباسها بدقة قلب وقال وحشتيني اوي يامجنونة فارس..وقرب منها بحب كبير..واخدها لعالمه الخاص..
Автор: Меріам Насар
فيلا مصطفى عزيز..
مصطفى : هيتجنن ويطمن على چود لانه مشافهاش من آخر يوم في الامتحان.. ومحتار يتصل عليها ولا لأ؟
وافتكر آخر موقف ليها بعد وفاة جدها وأنه اتكلم معاها يواسيها..سابته ومشيت..
مصطفى : قال لنفسه معلش يامصطفي خليها عليك واتصل.. دي مهما كانت دي تراب القمر.
اتصل عليها واطمن يمكن تكون اتشلت..او انتحرت ولا حاجه..
وفتح فونه يتصل وقال لنفسه…سجلني يا عيد غياب أنا قلبي ملوش أحباب…!!!
چود : قاعده بتتفرج على التلفزيون وبتاكل فيشار ومندمجه..وفونها رن..وشافت رقم مصطفى..وضحكت بمكر..وقالت وحياة أمك لا اطلع عينك يابن يوسف عزيز. وكنسلت عليه..
مصطفى : اتصل عليها تاني..
چود : كنلست عليه تاني وضحكت..
مصطفى : كشر عينيه بغيظ..وبعتلها مسج..
چود : فتحت الرساله..وتنحت.. ماتحن ياجن..
متراعي يالبن المراعي..!! ردي يامتخلفه..!!
چود : صكت ع أسنانها بغيظ واضح.. أنا متخلفه ياحيواااان.. أنت لازم تتهزأ..واتصلت عليه.
مصطفى : نام ع السرير وحط رجل ع رجل..ورد عليها وقال..كنت عارف انك هتحني..!!
چود : بتتنفس غيظ. أنا متخلفه يامتخلف..؟ انا لبن المراعي؟ يعنى انا جاموسه يامصطفي؟
مصطفى : ببرود. تؤ تؤ تؤ ازعل انا منك لو قولتي كدا..
ليه اخدتيها ع نفسك انك جاموسه..ليه ماخدتيهاش إنك بقرة مثلاً ياتراب القمر..!!
چود : تنحت.. بقرة؟ بقرة؟ انا بقرة ياحيواااان؟
مصطفى : ببرود..انتي عارفه ياچودي انا ماشوفتش بنت في نص عقلك ده أبدا.. بس معرفش ليه حاسك وحيده اوووي و حزينه احكيلي بقيتي كدا ازاي؟
چود : بنرفزه..ولا عارف انت لو قدامي دلوقتي.؟ كنت……!!!
مصطفى : قاطعها كنتي قولتي بحبك اوى يامصطفى..
چود : بنرفزه احبك؟ دا انا احب عبدو البواب ولا احبك أنت..
مصطفى : بتحذير..طيب قوليها تاني كدا وقسما بالله هتلاقيني عندك ولاعب في وشك البخت..
چود : بتنهج انا بكرررررهك يالا..
مصطفى : بجديه..چود حتى لو بهزار بجد متقوليش الكلمه دى..انا بحذرك..
چود : حطت ايدها ف جمبها..والله كويس اوي ان في حاجه بتأثر فيك.. وكمان ده مش هزار دي حقيقه انا بكرهك.. لأنك حيوااان.. وقفلت المكالمه. وقعدت بنرفزه انا بقرة ياغبي.؟
مصطفى : وقف بنرفزه..وقال بتحدي..مااااشي ياچود هنشوف بقى مدى كرهك ليا قد ايه؟
بس الصبر.. وحدف الفون ع السرير.. وخرج من الاوضه ونزل يتكلم مع مريم عزيز..
——————بقلمي مريم نصار.
في الليفنج..
مصطفى : بخنقه وبعدين يعني ياماما..هفضل مستني كدا كتير؟
مريم : بنفاذ صبر.. يامصطفى ياحبيبي. عمك فارس ورودي عندهم ظروف..عيب أوي أننا نتقدم لچود بنتهم في الوقت ده..هيقولوا علينا إيه بس؟
مصطفى : نفخ بنفاذ صبر..وقال..هيقولوا ايه إزاي يعني؟ ما عمي فارس والدكتورة رودي عندهم علم.. وبابا أتكلم مع جدو طارق..
وإننا كنا رايحين نتقدم.. لولا جدها عبدلله بقى الله يسامحه ويرحمه..فلسع.
مريم : خبطته في كتفه..وقالت.. إيه ياولد اللي أنت بتقوله ده؟ أحترم نفسك شويه..وده قضاء الله وقدره..هنعترض يعني؟
مصطفى : أوووف..حاسبي إيدك بس لاتوحشك يادكتوره.
وبعدين مفيش اعتراض ولا حاجه. أنا بس بقول كفايه كده..فات وقت كبير على حالة الوفاة. والناس في حالة حزن..يبقى واجبنا بقى أننا نشهيصهم ونفرحهم..
مريم : صكت ع أسنانها بغيظ وقالت. اااه ياناري منك.. أنت مش هتجيبها لبر يامصطفى.. أنا عارفه.. نازل زن عليا وعلى باباك..ده حتى جدك مسلمش منك.. أنت مبتزهقش..؟هي البنت هتطير يعني؟
مصطفى : اه هتطير.. وقال بتفكير..طيب بقولك ايه يامرمر ياقمر انتي.. إحنا نروح نتقدم لچود..ونعمل حفله على الضيق كدا..المهم نلبس الدبل.. وفي الفرح عتلاق لاخربها..
مريم : بدهشه..عتلاق..!!! لله الأمر من قبل ومن بعد يااارب..
مصطفى : هاااا… قولتي ايه يامؤمنه..ولا اروح اتفق مع جدو أشرف..!!!
مريم : بيأس..بص أنا مش هتكلم معاك في حاجه.. شوف جدك وباباك.. واللي شايفنه صح هنمشي عليه..
مصطفى : بمكر..وبص قدامه وقال.. لأ حيث كدا بقى..يبقى خطوبتي على چود كلها أسبوع وتم إن شاء الله.. يلا بينا على جدو أشرف..!!!
——————بقلمي مريم نصار.
في الجهاز.. في مكتب مراد.
مراد : بيحط الملف في الخزنه.. ولف لأدم إبنه وقال..
إنما قولي ياديزل..!!
آدم مراد : نعم يا يابابا..
مراد : أنا كنت ديما عايز أسألك على حاجه مهمه..بس أنت شايف اننا إنشغلنا كلنا الفتره الاخيره في الجهاز.في قضية حيدر والتحقيقات..
آدم مراد : كشر عينيه.. سؤال أيه؟
مراد : بص في عينيه..وقال..مهمة حيدر وقت ضرب النار..وكنا كلنا في خطر حقيقي..والموت مفيش بينه وبينا خطوة. أنت طلبت آرين للجواز..!!! طيب إزاي؟
آدم مراد : بشبح ابتسامه.. قال..حضرتك جاوبت على نفسك ف السؤال..
كنا في خطر حقيقي..والموت قدامنا.. إيه اللي يخليني أتراجع في طلب آرين..!!
أنا وقتها حسيت اني لازم اعمل كدا..حتى لو كنت مت..مكونش مت من غير ما أعمل المفروض إني اعمله ومن زمان..
مراد : هز راسه..بس أنت ممهدتش الموضوع لخالك فهد.. وخصوصاً أنت عارف علاقته ب آرين..
آدم مراد : مط شفايفه اممم..مظنش إن خالي فهد معندوش خلفيه.. لأني ديما بشوف عينيه مرقباني في كل مكان..
مراد : عموماً أنت قولتلي أنك هتتصرف.. بس لو عايز نخلص في الموضوع.. أنا هتصرف واتكلم مع فهد وكبار العيله.والامبراطور.
آدم مراد : قام وقف..وحط السلاح في جيبه وقال.. الإمبراطور عارف بكل حاجه..لكن انا وعدت الحوت إني مش هتكلم غير بعد سنه..وابنك لما يوعد…!!!
مراد : هز راسه.لازم يوفي..!!! طيب يلا بينا عشان عيد ميلاد ميرو..وعايز أكون موجود على الوقت.. العيله كلها على وصول.
آدم مراد : أبتسم.. اتفضل أنت.وانا هنزل أشتري ليها هديه وهكون هناك على الوقت..
مراد : تمام..بس متتأخرش.. أختك بتفرح لما أنت تكون موجود جمبها..
آدم مراد : ديما على الوقت هكون جمبها.. سلام..وخرج..
مراد : مسح وشه بأيديه..واخد المفاتيح.. وخرج ع مكتب الحوت..وخبط ودخل وقال. جاهز ياحوت..نمشي؟
فهد : قفل الملف..وقال جاهز.. يلا بينا… بس هناخد أكرم نوصله في طريقنا عشان العربيه بتاعته في التصليح..
مراد : ماشي. يلا..
Автор: Меріам Насар
في الطريق..
فهد سايق العربيه..ومراد جمبه. وأكرم في الخلف.. وبيتكلموا في الشغل..
أكرم : بحماس.. مش عايز أقولكم لما شوفت حيدر وبيبرس وهما بيتنفذ فيهم حكم الإعدام حسيت بأيه..!! ياااه استريحت..
مراد : دي النهاية المتوقعة لآخرة الشر يا أكرم.. يستاهل..
أكرم : بضحكه..ولا البت صوفيا..أكلت ضرب من الظباط السيدات.ههههههه ينهار مالوش ملامح.. أنا أول ماشوفتها بعد الضرب معرفتهاش.. يلا بنت حلال وتستاهل..
مراد وفهد ضحكوا.
فهد : أنت طبعاً أكتر واحد مبسوط.. لأنك ماشوفتش شويه منهم..
أكرم : بتوعد..سنتين يافهد..سنتين أتحرمت من بيتي وولادي بسببهم..
فهد : أبتسم.. المهم إنك رجعت بخير يصحبي..
أكرم : وكل ده بفضل الله ثم أنتم ياحيتان..
مراد : وبفضل ذكائك برضو يا أكرم..واللي كان مطمنا إنك عايش. لما بعت بوكيه الورد على الفيلا..والكارت اللي عليه تلات حروف اللغز..!!! حركة حلوه وزكية منك..
أكرم : كشر عينيه بعدم فهم..وقال..بوكيه ورد..؟؟! ورد إيه وكارت وحروف ايه؟ أنا مش فاهم حاجه؟
فهد : فرمل العربيه وبص ل أكرم في المرايه..!!!
مراد : بص ل آكرم..وقال بإستفهام.. الكارت اللي عليه حرف حيدر وأكرم و ويليام..اللي هو كان W-A-H
آكرم : هز راسه بإستغراب وقال.. أنا مبعتش حاجه خالص ياشباب.. انتو بتتكلموا عن إيه؟
مراد وفهد بصوا لبعض بغموض واضح..!!!
——————بقلمي مريم نصار.
الساعه ١٠ مساءا..
فيلا العدوي..
آدم : قاعد جمب اميرته..وبص ف الساعه..وقال تيم وميرو أتأخرو..
مريم : بابتسامة..ميرو بتلبس.هي وتيم وزمانهم على وصول..!!
آدم : تمام.. أنا هتصل على طارق أشوفه أتأخر ليه هو كمان..!!
مريم : وأنا هروح أقول ل زينب تجهز كل حاجة في الجنينه..
آدم : هز راسه ليها.. واتصل على طارق..ورد..
طارق : الو..
آدم : أيوه يا طارق..انتوا فين يبني؟الساعه ١٠ أتأخرت ليه؟
طارق : إحنا في الطريق أهو. أصل أم فهد قالت مش هتتحرك غير لما رودي تيجي معانا.
آدم : بتحذير. واوعا تكون رودي مجتش.. أم مراد أتصلت عليها وعزمتها بنفسها وأكدت عليها لازم تيجي..
طارق : لأ اطمن..رودي مع فارس وچواد جايين ورانا..
آدم : تمام.. في انتظاركم..مع السلامه..
Автор: Меріам Насар
عند رينو..
رينو : لبست..وبتجهز لبس فهد..!!
آيان : عندو سبع شهور..وقاعد في الأرض بيلعب باللعب..
آرين : دخلت على رينو..وبتلف بالفستان الجديد..باللون الوردي.. وكانت فاتنة.. وقالت بفرحه.. ماااامي إيه رأيك في بنتك القمر دي..!!!
آيان : شاف آرين..وسقف.. وبيلاغيها..
آرين : ضحكتله وباسته على الهوا..روحي أنا آيو القمر..
رينو : لفت ليها..وأنبهرت من جمالها..وقالت ماشاءالله اللهم بارك.. قمر يا آرين ياروح قلبي.. بجد اللون ده جميل جدا عليكي..
آرين : هزت كتافها بضحكه وقالت..قمر بجد يا أنا. ههههه. ويسلام بقى لو فهد حبيب قلبي..يوافق إني احط شوية ميكب كدا ع الماشي.. ااااه.. هبقى ولا الملكات في عيد الميلاد.. عااااااا ياماماااااا..
آركان : لسعها على قفاها بهزار..وقال.. ميكب اه. أصل انا سلوى هنا.. اتكلمي على قدك يابت..
آرين : صكت ع أسنانها بغيظ واضح..وقالت.. أنا مش بت.. أنا ليا إسم أوكي.؟
وبعدين أنت مالك بقى. أنت واخد أجازه عشان تخنقني.. أرجع على الكلية تاااني..
آركان : رفع حاجبه وقال..والله بقى كدا..بتبيعي اخوكي..عشان شوية مكيب..طيب تعالي بقى..!!!
آرين : صرخت بصوت عالى وجريت منه..وقالت.. الحققييييني يامااااامي.. وبتجري في الليفنج.وعند السفره..وبتلف حواليها..
آيان : صرخ عشان آرين..وبيلاغي بصوت مش مفهوم..وكأنه مضايق عشانها..وبيزحف عشان يخرج..
رينو : ضحكت من قلبها وشالت آيان النرفوز..وواقفه تتفرج عليهم..وقلبها مبسوط جدا أنهم رجعوا زي الاول..
آركان : بيضحك عليها..وبيجري وراها..على مهله وسايبها تجري منه بمزاجه..وقال..
دا انا هعمل منك كباب حله.. بقى انا بخنقك..ولا أنتي علشان حلوه اوي يعني..هتتغري عليا..دا انا هفرمك..
آرين : بتجري..وبتضحك..وقالت.. أنت غيرراااان عشان أنا بنوته جميله.
وآيان أجمل منك.بس أنت بشع.ههههه عاااااااا.. لأ لأ بليييز ياركان بليييز دانا أختك….
آركان : علقها من قفاها بهزار..وقال.. أختي..!!!
بقى انا بعيوني الخضرا وقوامي الممشوق وعضلاتي دي؟..تقولي عليا بشع؟
ده انا هكمل تدريب عليكي انهردا.. وخصوصاً وشك ده..هخليه ميكاج طبيعي..
آرين : ضحكت من قلبها..وقالت قوام ممشوق..!!! ههههههههه الموديلز آركان السيوفي هههههههه.. وسسسع بقى سسيببببني يارخم…!!!
آركان : أنا رخم..!!! كمان بتشتمي؟لسانك طول ولازم تعتذري..!! عشان مطبقش وشك ده..!!!
آرين : هزت راسها بعند.. وقالت.. لأ مش هعتذر.. أنت المفروض تعتذر. عشان أنت ضربتني.. ولما يرجع بابي انا هقوله.. شوف بقى هيعمل فيك إيه؟
آركان : يابت انتى فكراني خايف.؟ أنا مبخفش من حد ياماما..وبعدين لو بابا عرف باللي أنت عايزه تهببيه مش بعيد يضرب معايا..
آرين : عاااااا الحقني يابااابي..بللليييييز إبنك هياكلني..
آركان : بمكر.. الحقني يابااابي…!!! ها ها طيب شوفي مين هينقذك مني. ده أنا هنفخك..!!
آرين : عااا والله حرام عليك يا آركان عايز تنفخ أختك..حتى مش خايف من بااابي..
آركان : مسكها من خدودها..وقال من بين أسنانه.. آركان السيوفي مابيخفش من حد….!!!!
فهد : من وراه بحزم… آركاااان…!!!
آيان : شاف فهد وسقف بأيديه..وشاور لأمه عليه.
آركان : سمع صوت أبوه.. وفتح عينيه بدهشه..وكمل و قال..
مابيخفش من حد غير فهد السيوفي وبس..وضحك بتمثيل..وطبطب على خد آرين..وقال بمكر..قمر قمر بجد أنا اختي توأمي قمرررر…وبصلها بتحذير..لو قولتي حاجه..هعرف شغلي معاكي..
رينو : بتضحك عليهم.. وخصوصاً على شكل آركان..
آرين : جريت على فهد بسرعه..وقالت..الحقني يابااابي آركان كان…….!!!
فهد : حاوطها من كتفها وضمها لقلبه كأنه بيقولها.. أمانك هنا… هنا وبس..!!! وقال بتحذير..كان إيه؟
آرين : كشرت عينيها بغيظ..وقالت..كان عايز يضربني وينفخني ياباابي..تخيل حضرتك..!!!؟
آركان : بضحكه.. أضربك؟ آرين ياحبيبتي استهدي بالله.انا بهزر معاكي.الحج مايعرفش حاجه إسمها هزار..!!
آرين : طلعت لسانها ليه..وقالت.. أحسن بابي هيوريك عشان متفتريش عليا تاني..!! لأ وكمان قالي اعتذري وانت اللي غلطان..ربنا يسامحك..
آركان : كشر عينيه..ربنا يسامحني؟ يخربيت البراءه..ده بعد البوق ده لازم الحج يحن .. دا انتي صعبتي عليا أنا شخصياً..
فهد : بص ل آركان.. بشرز..
آركان : هرش في قفاه..!! وهمس..ربنا يستر..!!!
فهد : ساب آرين.. وراح وقف قدام آركان..
رينو : ضحكتها اختفت..وخافت من فهد..ونزلت آيان في الأرض..
آرين : فتحت عينيها بدهشه..وخافت على آركان.. وإن الهزار يقلب جد..!!
فهد : قعد ع الكرسي..وقال لآركان بجمود.. أقعد هنا..!!
آركان : بص لارين ورينو..وقعد قصاد فهد..وقال..نعم يا بابا..
رينو : جت بسرعه.. وقالت..فهد الولاد..كانوا…!!!
فهد : شاور ليها..متكملش..
آرين : ضغطت ع شفايفها..وحست بالندم…
آيان : زحف على الأرض وراح جمب آرين..!!
فهد : حط أيدو على التربيزه ده.. وفتح كف أيدو.. يلاعب آركان رست..!!
آركان : رفع حاجبه بتعجب.. وقال.. إيه ده يا حج..!!!
فهد : رفع حاجبه وقال..وريني عضلاتك..يلا لاعبني..!!!
آركان : هرش في قفاه وقال..مبلاش إحراج ياحج.
فهد : بتمثيل الجديه..سمعت قولت ايه؟ وريني قوة عضلاتك..ولا هو كلام وخلاص؟
ياريت تتعود لما تتكلم متقولش غير اللي تقدر تعمله وبس.. ولا هي عضلات على الفاضي منظر وخلاص؟
آركان : اضايق.. وقال.. أنا مش ضعيف ولا جبان يابابا.. أنا بس كنت بهزر مع آرين..وا…
فهد : بجديه وصوت جهوري.. الموضوع خارج عن آرين..!!! انا دلوقتي عايز اشوف مدى ضعفك يابن السيوفي..!!!
آركان : بص لابوه بتحدي..وقال.. آركان السيوفي عمره ما كان ولاهيكون ضعيف..!!!
فهد : مط شفايفه اممم.. الكلام سهل جدا.. تحب أقولك مثلاً إني قتلت قبل كده جيش برصاصة واحده..!!!
آركان : صك ع أسنانه بغيظ مكبت..وحط ايدو ف ايد أبوه..بقوه. وقال بتحدي..
.تحب اثبتلك إني ممكن اقتل عشره في عشر ثواني من قوة و سرعة إبن فهد السيوفي..!!!
فهد : أبتسم ببرود وقبض على أيد آركان.وقال.. أثبت..!!!
آركان : بدأ يخرج عن صمته..وضغط ع أيد أبوه..وبينافسه..في اللعبه..وعينيهم متمركزة في عيون بعض بقوه من آركان.. واستفزاز من فهد..!!!
رينو و آرين بصوا لبعض..بقلق واضح..
آيان : مش فاهم حاجة..وبيبص على فهد كأنه مندهش..
فهد : بيلاعب إبنه بنص قوته ومبتسم..
آركان : بيتنفس غضب..وقال.. ألعب بكل قوتك يا حوت.. إبنك مش ضعيف..!!!
فهد : أبتسم بسخرية.. وقال بتوعد.. زي ماتحب أنت إللي اختارت.. وضغط ع ايد آركان بقوه..
وكمل وقال بسخريه ومكر…
أنا كنت خايف دراعك يتكسر في أيدي..يا..ابن فهد!!! اللي هو حوت المخابرات..!!!
آركان : صك ع أسنانه بغيظ واضح..وضغط أكتر بقوته كلها..وقال بصوت قوي وغيظ.. آركان السيووووفي مش ضعيييييف…ونزل بأيد فهد على التربيزه…!!!
و آركان كسب فهد..!!!
فهد : أبتسم..وساكت..!!!
آركان : من جواه اضايق جدآ.. وقام وقف وهو بينهج.. وبص عليهم..وسابهم ودخل على أوضته..
رينو : همست آركان..!!!
آركان ؛ مردش على حد وقفل باب الاوضه..
آرين : عيونها لمعت بدموع..ووقفت قدام فهد.. وقالت..بحزن حقيقي..
.بابي. آركان كان بيهزر معايا.. أنا السبب في كل ده .بس مكنش قصدي.. وجريت من قدامه على اوضتها..
فهد : قاعد والإبتسامة على وشه..!!!
آيان : بيصرخ لفهد كأنه بيزعق وبيلاغي..وبص على أوضة آرين.. وزحف وراح وراها..
فهد : أبتسم بصمت..
رينو : كشرت عينيها بتعجب لما شافت ضحكة فهد.. وقعدت قصاده..وقالت بدهشه.. فهد أنت بعد كل ده بتضحك؟ ابنك….!!!
فهد : بابتسامة.. أبني آركان مش ضعيف أبدا يا لاري.
أبني قوي…اقوى مني انا.. وده إللي انا عايزو..
رينو : كشرت عينيها وقالت..يعني أنت كنت قاصد تستفز آركان وتضايقه؟
فهد : بتنهيدة.. أيوه..آركان..شايف نفسه ضعيف.. وأنه مش قادر يحمي أخته..من وقت حادثة الحصان و آدم اللي أنقذها..
وكمان لما أنتي ولدتي آيان وهو مكنش جمبك وتيم اللي كان جمبك.
ومن وقتها حاسس بالعجز والتقصير من ناحية أمه و أخته.. وأنا حبيت أثبت ليه هو أنه اقوى من اي حد.. لكن انا واثق إن ابني قوي.. قوي جدا يا رينو..!!!
رينو : خرجت منها تنهيده..وقالت..بس هو مش هيفهم كدا..مسكين آركان.. دلوقتي.أكيد مضايق جداً..
فهد : هز راسه وقال.. انا هتكلم معاه..متقلقيش.. قومي أنتي شوفي آرين..!!
رينو : هزت راسها بزعل.. وسابته وراحت ل آرين..!!
——————بقلمي مريم نصار.
آركان : رايح جاي في الأوضه بنرفزه..وبيتكلم بخنقه وضيق حقيقي.. وقال..
أنا مش ضعيف.. أنا عمري ما كنت ضعيف ولا جبان.. أنا كنت صغير لكن موقفتش متكتف عشان خايف ع آرين.. انا واجهت..
ايوه واجهت.. كلام آدم لسه بيرن في وداني لحد دلوقتي..
وانا عند وعدي لنفسي.. إني هشيل الخوف من قلبي بأيديا دول وأرميه تحت رجلي.وادوس عليه واعدي.. أنا مش ضعيف..
القائد في الحربيه بينافسني في مسابقة الجري..وانا بكسب الكل. مفيش حد هناك آسرع مني..ولا حد بيضرب نار أسرع مني..القائد هناك لقبني
ب (الفهد الأسود) من سرعتي وقوتي..أناااااا مش ضعيييييف..!!!
فهد : فتح الباب..وقال..ولما أنت عارف كدا. اضايقت ليه؟
آركان : وقف مكانه..ومردش..!!!
فهد : دخل ووقف قدامه..وبص ف عينيه..!!!
آركان : لف وشه ومخنوق..وباصص بعيد وبينهج..!!
فهد : ربت ع كتفه وقال بتنهيدة.. محدش أبدا قال إنك ضعيف يا آركان..!!!
آركان : بعتاب.. للأسف حضرتك قولتها..قولت إنك عايز تشوف مدى ضعفي..!!
فهد : بنفي..ومشفتوش يا آركان..مشفتوش لأنه مش موجود..
أنا عندي ثقه كبيره فيك.. إنك عمرك ما تكون ضعيف أبدا.. أنت أبني.. إبن فهد السيوفي. اللي حتى لو انت ضعيف. يبقى بالنسبه للعالم قوه مضاعفه..
آركان : بلوم.. إزاي واثق فيا..وحضرتك ضغطت عليا.. وعاملتني بأسلوب ضايقني.. إحساس الضعف انا مبكرهش قده..
فهد : ضغط ع كتفه بسيط.. وقال..محدش بيحب إحساس الضعف.. وإن كنت ضغطت عليك فده عشانك أنت..والمفروض كنت تفهم ده من نفسك..!!
آركان : بص ف عينيه بإستفهام.. وقال..حضرتك تقصد إنك استخدمت أسلوب الضغط عشان تشوف هكون ضعيف أو لأ؟
فهد ؛ أبتسم.. وقال..غلط.. أنا ضغطت عليك عشانك انت..مش انا..
أنا قولتلك قبل كدا إني واثق فيك.. وشايف فيك ضلي. وحاضري ومستقبلي…
أنت اقوى من اي حد يا آركان.. بس أنت مكنتش تعرف ده..ولازم تتأكد وتثق في نفسك..علشان تبطل تفكر بالسلب في أى شىء حصل من الماضي.!! أرمي الماضي ورا ضهرك يابني.وبص لقدام..بص لمستقبلك
أنا أملي كله فيك أنت بعد ربنا..
آركان : بدأ يهدا. وهز راسه…لابوه وساكت..
فهد : مسك وشه بأيديه..وقال.. أنت فخر ليا يا آركان. أنت (الفهد الأسود).
آركان : أبتسم.. وقال..متشكر يابابا..
فهد : شدو لحضنه وربت ع ضهرو بحنان..وقال.. أحياناً لازم نضغط على اللي بنحبهم..من حبنا فيهم.. فهمت يبني..!!!
آركان : بضحكه..فاهم ياحج..وخرج من حضنه وقال.. ههههههههه أنا كسبت الحوت ينهار اسوس ياجدعان.. إحساسك ايه وانت خسران قصادي..!!!
فهد : بإبتسامة حب..وقال..احساس بالفخر..كنت فرحان جداً..
آركان : ابتسم بحب وقال..ربنا يباركلنا فيك ياحج فهد..!!
فهد : كشر عينيه..وقال. بتحذير..اما بقى مشكلتك مع آرين..ف انا لسه هاحاسبك عليها..
آركان : فتح عينيه بدهشه..وقال ينهار ازرق..ما أنت كنت ماشي حلو ياحوت.. إيه الموجه المفاجآة دي..!!
فهد : كتم الضحكه..وقال.. أنت لمض ليه يالا..
آرين : دخلت بحماس وسقفت بفرحه..وقالت. بااااابي واركااااان اتصالحوا.. أنه يوم لاينسى.. ههههههههه.. وجريت لحضن أبوها..
فهد : بضحكه..ضمها وضم آركان لحضنه..
آرين : طلعت لسانها لأركان..
آركان : كشر عينيه وقال.. أنتي مبتحرميش يابت..!!!
آرين : بكبرياء..نو نو نو.. ولو سمحت متتكلمش معايا اوكي؟
آركان :بص لفهد وقال بغيظ..بعد إذنك ياحج..يابت هضربك..
آرين : ضحكت بكبرياء..ولا تقدر تعمل حاجه.. أنت كنت بتقول على نفسك إيه؟ اه ممشوق القوام ههههههههههه… فطست ههههه..
آركان : طييييب أنتي إللي جبتيه لنفسك.. بعد إذنك ياحج بجد… تعالي هنا بقى..
آرين : صرخت وجريت بره الأوضه.. عاااااا الحقني يابااابي…
آركان : بيجري وراها..وقال بنصر.. لاااا بابي إيه بقى؟ انا اخدت الأذن..ده انا هطبق وشك انهردا.. وجري وراها..
فهد : واقف مربع أيديه وبيضحك عليهم..
رينو : شايله آيان..وبتضحك.. وراحت عند فهد..
فهد : فتح ايديه بسرعه..وشال آيان..وباسه بحب كبير..ورفعه على أكتافه.. وحاوط رينو من كتفها.. وبيتفرجوا على آرين و آركان..
و آيان بيضحك عليهم..
وكانت لحظات جميله جدا من أجمل عيله لقلب فهد..
——————بقلمي مريم نصار.
فيلا العدوي..
كل العيله اتجمعت على الميعاد..
تيم وميرو داخلين الفيلا.. وأيديهم في ايدين بعض. وبيضحكوا..
ميرو : لابسه فستان أبيض ستان منفوش..جميل جدا عليها. هديه من جدها طارق ورنا..!!!
فريحه : انبهرت من جمالها..وهمست .. ماشاء الله..
آدم : شافها.. وأبتسم ليها بحب كبير..
طارق : سلم عليها ورنا..وكل العيله..
الكل غازل ميرو وجمالها الهادي البريء..
مراد : لبس ونزل. وشاف بنت قلبه..اللي سماها على إسم مريومه روحه وكيانه..أميرة آدم..واللي ميقدرش يعيش من غيرها..وضحك ليها..وسلم عليها وغازلها..
تالين : لابسه فستان كشمير آدم جابه ليها هديه.. وبصت ع الباب وقالت.. خالو فهد جه..
فهد دخل وشايل آيان..ورينو و آرين جمبه..
آركان : دخل بمرح..سلاموووو عليكو.. وسلم ع الكل..
آرين : عينيها بتدور على المرعب لكن كشرت بتذمر واضايقت لأنه مش موجود..
فهد : سلم ع الكل..وبص ع آدم..ومش موجود..
واستريح نوعاً ما..
ميرو : بابتسامة جميله.. آرين اللهم بارك أنتي جميله جدا..
آرين : بتذمر..ميرسي يا ميرو.. أنتي اللي زي القمر..
تيم : كشر عينيه..وقال..ميرو بس اللي زي القمر..طيب وأنا..
آرين : بتنهيدة زعل.. أنت جميل برضه ياتيم..!!
تيم : ياستار.. اومال لو كنت وحش كنتي هتقوليها إزاي؟ مالك قالبه وشك ليه؟
آرين : رفعت كتفها.. أبدا..بعد اذنكم هروح اسلم على بابا طارق..
وسابتهم ومشيت بخيبة أمل.. وكانت يتتمنى إن المرعب أول واحد يشوفها..
ميرو : بهمس..تيمو حبيبي هي آرين مالها؟
تيم : مط شفايفه وقال بمكر..مش عارف يمكن كانت منتظره حد معين؟ وغمز..
ميرو : بضحكه..اهااا..تقصد ماما نور مثلاً..!!
تيم : بضحكه..بقيتي مكاره ياميرو..وضحكوا..
محمد : دخل من بابا الفيلا. ومعاه نور..وقال..السلام عليكم يا أهل الدار..!!
كلهم وعليكم السلام..
محمد : سلم ع الكل. وراح عند مريم..وباس ع راسها وايديها..عامله ايه ياحبيبتى..
مريم : ربتت ع أيدو وقالت بحب كبير..طول ما حسك في الدنيا أنا بخير يابن قلبي..!!
محمد : بإبتسامه..ربنا يباركلي فيكي.. والمملكة مالهاش معني غير بوجودك فيها..
مريم : تسلم لقلبي يانور عيني..!!
نور : بابي حبيبي.. وسلمت عليه..
آدم : حبيبت أبوكي عامله ايه دلوقتى؟
نور : زي الفل الحمد لله..
محمد : مسد ع حجاب ميرو..وقال.. الواد تيم أبني ده. حد دعاله بالسعاده في ليلة القدر.. وانتي السعاده ليه ياحبيبتى..
ميرو : حضنته بسعاده.حبيبي يابابا..بجد حضرتك جميل جدا..
تيم : طيب انا بغير ع فكره..
محمد : بضحكه.. ألعب بعيد ياشاطر.. الكلام ده مايمشيش معايا..!!
تيم : حقك ما أنت دافع بقى..
الكل ضحك…
——————بقلمي مريم نصار..
آرين : عينيها ع الباب..
فهد : إيه يا آرين..مستنيه حد؟
آرين : بتوتر..ها.. أحم.لا أبدا.. أصل چود والبنات في الجنينه.. وعيد الميلاد هيبدأ..فكنت بفكر أروح انادي عليهم..ممكن؟
فهد : بغيره داخليه..ماشي.
آرين : قامت. وخرجت بسرعه وحاسه أنها اتنفست الصعداء..
بعد دقايق..
نور : يلا ياجماعه..كل حاجه جاهزه..
فريحه : بصت ع الباب..وقالت آدم إبنك لسه مجاش يامراد..
مراد : بضيق.. أنا بتصل عليه ومبيردش..!!
فريحه : طيب وبعدين.. إحنا كدا هنتاخر..والعيله كلها قاعده..شكلنا بقى وحش اوي..
مراد : طيب يلا خدي العيله على الجنينه..وانا هحاول أتصل عليه تاني..
فريحه : هزت راسها حاضر.. ويارب يرد عليك.. وسابته ومشيت..
مراد : اتصل مره واتنين ومردش..
فهد : ايه يابني مالك مش ع بعضك ليه؟ يلا العيله راحت ع الجنينه..
مراد : نفخ بخنقه..وقال .طيب طيب.. أنا بتصل ع آدم مبيردش..ومش عارف أتأخر ليه كل ده؟
فهد : بعيداً عن أني كارهكوا..بس ده الوحيد إللي مايتخفش عليه..
مراد : رفع حاجبه..وبص لفهد بتوعد.. وقال..طيب ماتخليني محترم وساكت..عشان محطش عليك.. واخليك قدام الكل زي آيان..لا تعرف تنطق ولا تتكلم..
فهد : بغيظ.. أقسم بالله لو إللي ف دماغي حصل.. لاتشوف مني أيام سو…!!! أنا جنان مش عايز..
مراد : رقص حواجبه.. وقال.. ياعيني عليكي يارينو ياختي.. عايشه مع واحد بتاع حريم..اااه ياصدمتك يختي لو بس شميتي خبر..
فهد : صك ع أسنانه بتوعد..وقال..لارين مش هبله ولا صغيره عشان تصدقك.. أنت أصلا واحد متخلف..مين ياخد على كلامك..
مراد : بتريقه..هياخد على كلامي المتخلف اللي زيي. ههههه..
وبعدين في فرق بين إن رينو مش صغيره.. وفرق بين الحضن الأوكراني يا….حوووت.. ههههه.
فهد : من بين أسنانه.انت عايز ايه من الآخر يالا؟
مراد : ببرود..يادبلة الخطوبة عقبالنا كلنا.
فهد : بغيره..مش هيحصل بنتي لسه صغيره أنت فاهم..
مراد : مبلاش يافهودى..بلاش احطك قدام الأمر الواقع..
فهد : بغضب.. إيه هتدخل عمي آدم وبابا في الموضوع..!!!!؟
مراد : ببرود وبطء..قال..تؤ تؤ تؤ .. هدخل.. مريم الجزار.. أميرة آدم..سلطانة المملكة..أمي وأمك وام الكل. ووريني هترفض إزاي..!!!
فهد : قبض ع ايديه بغضب واضح. وساكت..
مراد : حط ايدو ع جبين فهد..وقال درجة الحرارة ٤٤ وأنت طالع.. تعالى نولع بيك الشمع..
فهد : من بين أسنانه.. كانت صحوبيه مهببه.. ياريتني معرفتك..
مراد : ههههه.. بس انا بقى بحبك..ياقاسي ههههه..
فريحه : جت. إيه ياجماعه انتوا لسه واقفين هنا. يلا الكل موجود.. وأنت يافهد مالك كدا..في حاجه مضيقاك ياحبيبى.؟
فهد : غمض عينيه بيمتص غيرته الشديدة… وبعدها أبتسم..وبص لمراد وقال. أبدا ياحبيبة أخوكي.. يلا بينا.. وسابهم ومشي..
فريحه : مال فهد يامراد..
مراد : بتريقه.. أخوكي متفيرس..وعايز فلتره..
——————بقلمي مريم نصار.
في الجنينه..
Автор: Меріам Насар
الكل واقف حوالين تربيزة كبيرة وعليها أنواع مختلفة من التورت والجاتوهات وانواع كتير من الحلو..
ميرو واقفه وجنبها تيم وأبوها وفريحه وكل العيله.
آرين واقفه..وزعلانه لأن لسه آدم موصلش..
نور : يلا ياتيمو ولع الشمع..!!
آدم : بص ف الساعه..وقال تمام .يلا ابدأ ياتيم
تيم : ماسك أيد ميرو.. وبيولع الشمع.. وبدأ أول واحد وقال..بصوت هادي ورومانسي..
هابي بيرث داي تو يو.. هابي بيرث داي تويو.. هابي بيرث داي تو ميرووو… هابي بيرث داي تويو…
ميرو : ضحكت بسعاده..
كل العيله قالت .
سنة حلوة ياجميل… سنة حلوة ياجميل.. سنة حلوة ياميرووو.. سنة حلوة ياجميل…
ميرو : رفعت عينيها وشافت آدم واقف ببوكس كبير.. وفرحتها اكتملت.. وغمضت عينيها وطفت الشمع..
الكل سقف ليها..وعايدها.. وقدموا ليها الهدايا..
مراد : شاف آدم. واستريح أنه جه ف الوقت المناسب..
تيم : باس جبينها وقال كل سنه وانتي معايا وفي حضني..
ميرو : بابتسامة جميله وأنت معايا وسندي..!!
آرين : رفعت عينيها.. وشافت آدم.. وقلبها دق بقوه..وضحكت لا إراديا..
آدم مراد : شاف ضيه..وقلبه دق ليها..لكن اتحرك بكل ثبات.. لأنه وعد فهد..
وقرب من ميرو وقدم ليها البوكس.. وأبتسم.. كل سنه وانتي طيبه يا حبيبتي..
ميرو : ضحكت..وقالت لتمارا..امسكي البوكس ده.. وحضنت آدم..وقالت بفرحه..
وأنت طيب ياحبيبى.. ربنا يباركلي فيك يا آدم..كنت خايفه تتأخر..
آدم : باس جبينها..ورفع طرف عينيه لأرين..وقال أنا موجود ديما على الوقت.. متقلقيش..!!
بعد كدا العيله كلها قاعدين مع بعض. وسهروا..
أشرف : اذيك يا حج طارق..!!
طارق : الحمدلله يا حج أشرف.. أنت اخبارك ايه؟ ومالك كدا مضايق ليه حاسس إنك مش على بعضك؟
أشرف : والله ياطارق أنت مش غريب.وياريت لو تحضرنا يا آدم أنت وجاسر في إللي هقوله..عشان محدش يلوم عليا ويقول إني مبفهمش في الأصول..
آدم : خير يا أشرف.. وأنت سيد من يفهم في الأصول..
أشرف : حبيبي يا آدم..ربنا يديم المعروف بينا..
طارق : أتكلم سامعينك يا أشرف خير إن شاء الله..
أشرف : بحرج..هو خير بأمر الله..لكن الواد مصطفى نازل زن عليا وعلى أبوه في الموضوع اللي كلمتك فيه قبل كده.
اللي هو أننا نتقدم لحفيدتك المصون چود. وأنا قولتله مش هينفع دلوقتي.. عشان الظروف إللي بتمر بيها الدكتوره..
وزي ما أنت شايف. هو الوحيد اللي مجاش عيد الميلاد.. وضارب بوز في البيت..
.وقالي أنت اول ما كريم قال ياجواز الكل وقف جمبه.. أما أنا محدش سأل فيا..
بيني وبينك الواد مصطفى ده..واخد جزء كبير من قلبي.. وبحبه جدآ..
مش واخده أنه حفيدي وبس لأ..ده أبني هو وكريم.. ويصعب عليا زعله.
وأنا لما شوفت الدكتوره دلوقتي مندمجه مع البنات وبتضحك..قولت ها..لعلها إشارة خير.. وننسى الأحزان ونفرح..ونفرح الولاد..
لكن..!!!! لو هتزعل..يبقى خلاص نستنى زي ما أنت عايز..
مصطفى إبنك..وچود بنتي..واللي تشوفه صح قولي عليه.. أهم حاجة منتعداش عن الاوصول ولا نزعل حد..
طارق : بيسمعه بتركيز…!!! وساكت..!!
آدم : بص ل طارق..وقال.. إيه رأيك ياطارق..!!!
طارق : بحيره..والله كلام اشرف زي الفل.. وعداه العيب.. وأنا مش هلاقي زي الواد مصطفى أبدا. وأول ما عرفت أنا فرحت جدآ. واد روحه حلوه والكل بيحبه..
وكمان سألت چود..حسيت منها القبول..وفارس معندوش مانع.. ورودي بتحب الأفراح.. بس ده مايمنعش إني أخد رائيها..ولا ايه رأيكم ياجماعه..!!
جاسر : بص على زياد..وقال بتفكير.. عين العقل ياطارق.. أنت أتكلم مع الدكتوره.. وشوف رأيها.. وأكيد هتفرح لبنتها..
آدم : …………!!!
طارق : بص ل آدم..وقال ها يا آدم ساكت ليه متقول حاجه؟
آدم : بهدوء..والله بما إن القبول موجود بين الطرفين والكل موافق..
أنا من رأيي إن أم فهد وأم مراد هما اللي يتكلموا مع الدكتوره رودي..
واكيد هيبقى ليهم تأثير كبير عليها..ولو مثلاً هي اعترضت..مش هتتحرج..وهتتكلم معاهم براحتها.. ولو وافقت.. لمراعات ظروفها.
نعمل حاجه بسيطه جدا..ويلبسها خاتم الخطوبه..
وفي الفرح إن شاء الله يبقى يعملوا اللي هما عايزينوا..
طارق : بأقتناع.. قال..وفارس اداني موافقته قبل كدا..يبقى على بركة الله..!!
أشرف : بحماس..حيث كدا بقى..ايه رأيكم إحنا الاربعه كدا.بينا وبين وبعض. نقرأ الفاتحه..
طارق : عينيه ع چود..وقال بغصه.. نقرأ الفاتحه..!!!
——————بقلمي مريم نصار
محمد ومراد وفهد و زياد وزين ومالك ويوسف ومالك وفارس.. قاعدين كلهم مع بعض.. وبيضحكوا..
محمد : لاحظ صمت فهد..وقال. ايه يابني الناس هلكانه ضحك.. وأنت في عالم تاني.. إيه؟
مراد : بضحكه.. احلام الفتى الطائر هههههه
فهد : بغيظ..يخربيت الخفه.. أنت لو اتكلمت جد شويه تتحرق مش كدا؟
زين : إيه ياعم فهد.. هو الجد في كل مكان.؟ إحنا شغالين ليل ونهار وطالع عينينا.. ودلوقتي قاعدين في مناسبه حلوه..حتى الضحك صعبتو علينا ياجدع..
الكل ضحك..
فارس : بقولك ايه أنت وهو..كل واحد يخليه في حاله..وفهد حر مش عايز يضحك.براحته.هو بالعافيه..!!
زياد : لأ طبعا وأحنا ميرضناش إن فهد يضحك.. ههههههههه..
فهد : مسح وشه بأيديه ونفخ بخنقه وقال..بقولكوا إيه؟ كلمة زياده هطلع انام تمام؟
محمد : خلاص ياجماعه..سيبوا فهد برحته.. أكيد في حاجه شغلاه..
فهد :بشرود… أبدآ يادكتور محمد.. أنا بس مصدع شويه..معلش يا شباب.
الكل قال..ولا يهمك..
Автор: Меріам Насар
آدم مراد : واقف مع تيم وياسين وكريم و آريان..
تيم : يعني مصطفى مجاش عشان كدا؟
كريم : ايوه..ده عامل إعتصام في البيت.. ياخطبها ياسود عشيتكم..مش عارف أنا مستعجل ليه؟
تيم : بصله..وقال بتريقه..مستعجل ليه؟ ع أساس انك كنت هادي جدآ لما فكرت تخطب..!!
كريم : اااه أنت هتقولي..ده انا كنت عامل زي اللي ضايع منه حاجه.. على العموم. بابا قالي أنه هيتكلم مع عمي فارس وهما موجودين هنا..
ياسين : على خير إن شاء الله..
آريان : إيه ياعم ياسين..من وقت مانقلت في الفيلا عند عمي زياد محدش شافك.. محمود وحمزه خدوك مننا خلاص.!!
ياسين : بضحكه.. أنت بتقول فيها..والله مابعرف أنام.. لولا ست الكل ربنا يبارك فيها يارب شايله عننا كتير جدا.. محمود لو نام حمزه يعيط ويصحيه..
ولما حمزه يتعب من العياط وينام..محمود يصحى ويعيط ويكمل الورديه..وهكذا..ربنا معانا بقى..!!
كريم : ربنا يباركلك فيهم ياحضرة الظابط..
آدم مراد : شاف ضيه..ماشيه مع تالين..وكأنهم الاتنين ملايكه..وشافهم داخلين الفيلا..
آريان :لتيم.. مريم قالت إنك أول مره تعمل عمليه لوحدك تحت إشراف دكتور كبير . انهردا ونجحت.. الحمدلله..قولي إحساسك وقتها كان إيه؟
آدم مراد : طيب ياجماعه..ثواني وجاي.. سابهم ومشي.. وبيكملوا كلامهم مع بعض..
تالين : تعالي اطلعي معايا هشوف الاسوره فوق ولا كدا ضاعت ووقعت مني..
آرين : طيب يلا.. وإن شاء الله..هتلاقيها..
تالين : بتفتح باب الأوضه..
آدم مراد : خرج من اوضتة وقال إيه ياتوتا.. في حاجه..؟
آرين : تنحت وفتحت عينيها على الآخر..وقالت بهمس.. إزاي خارج من الاوضه.. وكان تحت في الجنينه دلوقتي؟ وقلبها دق..
تالين : بزعل..الاسوره اللي بابا جابها ليا أمبارح..كنت لابساها..وشكلها وقعت مني..بس معرفش وقعت فين؟ فاجيت أنا و آرين نشوفها في اوضتي..
آدم مراد : عينيه ع آرين وقال..فداكي كل حاجه ياحبيبتى.
آرين : بلعت ريقها بتوتر وبصت بعيد..
آدم مراد : بمكر..طيب أدخلي شوفيها في أوضتك.. وانتي يا آرين استني عايزك.. ——–
الجزء الثاني
آدم مراد : بمكر..طيب أدخلي شوفيها في أوضتك.. وانتي يا آرين استني عايزك..
تالين : بعفويه..حاضر يا أبيه..بعد اذنكم..ودخلت أوضتها..
آرين : قلبها هيطلع من مكانه..ومكسوفه جداً..
آدم مراد : بهدوء..اذيك يا آرين..!!
آرين : بتلعثم.. الحمد لله.. أحم كويسه.. قصدي الحمد لله.. الحمد لله..
آدم مراد : أبتسم بصمت.. لكن قال.. الفستان جميل..بس…..!!!
آرين : قاطعته بسرعه. وقالت بتذمر..بس إيه؟ الفستان حلو وواسع ومحترم..ولونه هادي. متقولش بقى بس ومعرفش إيه؟
آدم مراد : رفع حاجبه بتعجب..وبصلها بغموض.. وساكت..
آرين : بصت ليه..وبصت بعيد.. ورجعت بصت تاني.. ونفخت بنفاذ صبر..يوووه في إيه بقى..متبصليش كدا..هعيط بجد والله..!!
آدم مراد : قال بتوعد..الحجاب يطول شويه..!!
آرين : بصت ع الحجاب..وبصت ل آدم بزهول..وقالت..ايييه؟ يطول شويه إزاي يعني؟ ماهو مظبوط أهو..وا……
آدم مراد : من بين أسنانه..قولت الحجاب يطول شويه.. كلمه زياده هيبقى ف كلام تاني..
آرين : خبطت ع الأرض برجليها..وقالت بغيظ.. أنت بتعمل كده ليه بقى..الفستان عاجبني والحجاب كدا مظبوط.
آدم مراد : ربع أيديه..وقال بتحذير..تتدخلي الأوضه عند تالين..وتفكي الحجاب ويطول أكتر من كدا..
آرين : صكت ع أسنانها بغيظ مكبت..وقالت أنت عايز مني ايه بالظبط؟
آدم مراد : بثبات..عايزك مثاليه في كل حاجه يا آري..!!!
آرين : قلبها دق بقوه..ووشها جاب ألوان..
آدم مراد : أبتسم..وقال بهدوء..شهادتك امتى؟
آرين : بتلعثم.. أمبارح. قصدي آخر الأسبوع..وبابي أو تيم اللي…..!!!!!
آدم مراد : من بين أسنانه بتوعد ممزوج بغيره.. آدم مراد وبس..ولا نسيتي؟ ولو سمعت إسم تيم يجيبلك دي.. أقسم بالله. هتشوفي الرعب اللي بجد من المرعب.. مش ده لقبك ليا..!!!؟
آرين : شهقت بخوف..ورجعت خطوه لورا.. وقالت جواها.. يخربيت جنانك..هو قلب على فيلم المتحولون كدا ليه؟ ياماماااعع.. المرعب هياكلني..
آدم مراد : بتحذير.. سمعتي قولت ايه؟
آرين : ها..اء.. أيوه.. أيوه طبعا. المرعب وبس.. لأ قصدي الزومبي وبس.. لأ لأ..يووووه.. بقولك ايه بقى.. أنت خارج من المستقبل وجاي ترعبني.. وبصت ف الأرض وقالت بطفوليه.. حرام عليك بجد..
آدم مراد : من جواه ضحك..على رد فعلها.. وقال.. أنا عايزك تاخدي بالك من كلامك.. وأنتي عارفه إني هضايق لما تقولي حاجه زي كده..
آرين : بمرح.. المهم بقى سيبك من كل ده.. إيه البوكس الكبير اوي اللي انت جبته لميرو ده؟ بجد تحفه . بس بليز هتتجنن وأعرف أنت جبت ليها إيه؟
آدم مراد : مط شفايفه اممم..وقال بمكر..جبت ليها صاعق..وسلاح صغير حمايه..وبرفيوم الشطه..وا…
آرين : فتحت عينيها بزهول وقالت.. آكشن..!! اء..قصدي صاعق وسلاح..!!؟
ودي بقى نقولها كل سنه وانتي طيبه..ولا تسعه أستعد و هجوم على العدو؟ إيه ده بجد..!! دي مجبتش ليها كيس دم تحلي بيه..!!!
آدم مراد : بضحكه.. لأ بس في عيد ميلادها إللي جاي بقى..وممكن جثه صغيره كدا..
آرين : هزت راسها.بصدمه..جثه؟.اه..وده المتوقع منك برضه..يامصاص دماء المصريين..
آدم مراد : هز راسه بيأس منها..وجه يمشي.. لكن قرب من دونها وهمس.. وقال بمكر..
لو عايزه تعرفي جبت إيه لميرو.. روحي أوضة عمتو لارين.. وشد الدبوس من طرف الحجاب..ونزل..!!!
آرين : واقفه ومتنحه من همسه ليها.. وقلبها بيدق بسرعه.. لكن انتبهت لحجابها..اللي اتفرد وغطى نص الفستان..!!!
تالين : خرجت من الأوضه.. وقالت.. الحمدلله..لقيت الاسورة في الحمام..كنت قلعتها وأنا بتوضى لصلاة العشاء..بس نسيتها خالص..
آرين : انتبهت ها..أه…أحم..طيب كويس إنك لقيتيها.. بصي ياتوتا.. أنا هروح أوضة مامي وانتي انزلي وانا هحصلك. اوكي؟
تالين : بإبتسامة..ماشي ياحبيبتى..بس متتاخريش.. وسابتها ومشيت..
آرين : بحماس..جريت على أوضة لارين.. ودخلت..
وشافت بوكس كبير..لونه اسود ومربوط بشريط أبيض ستان..وقفلت الباب بالمفتاح.. وجريت قعدت ع السرير..وقالت بإنبهار..واو بجد روعه..وكمان بوكس زي بوكس ميرو بالظبط..معقول يكون هو؟ لأ لأ..
هدايا ميرو راحت عندها على الفيلا. أممم طيب افتحه..ولا لأ؟
وشافت جمب شريط الستان.. دايره بتلمع..بإسم ضي آدم.. وضحكت بسعاده..وقالت..
أنا.. أيوه انا ضي آدم.. ههههه. يبقى البوكس ده ليا أنا..
وفتحت الهديه بحماس كبير.وفكت الرباط.. وانبهرت بمعنى الكلمة.. البوكس اتفرد من الاتجاهات الاربعه.. وكل اتجاه ملزوق فيه هديه..وفي نص البوكس.. ريبونزل..بتلف على ميوزك هادي..
آرين : حطت أيديها على بوقها بإنبهار حقيقي.. وهمست..واااووو.. مش معقول..
شافت أول هديه في أول إتجاهين..وكان ف كل واحد خمس وردات.. وكل ورده ملزوقه فيها شوكليت..
والاتجاه التالت..دبدوب أحمر وماسك قلب..
والاتجاه الأخير.برواز صغير مكتوب فيه..
(عندما ترى الشمس إبتسامتك ستُعلن هزيمتها..)
آرين : ضحكت بسعاده كبيره..وحضنت العروسه ريبونزل..وقامت لفت بيها كتير..وقلبها بيدق من فرط السعاده..!!!وقالت..يا احلا مرعب لحياتي..
——————بقلمي مريم نصار..
بعد فتره.. فيلا تيم عزيز..
ميرو : مبسوطه جدا بالهدايا..وقالت.. الهدايا تحفه جدا ياتيمو.. وبجد كل هديه أجمل من التانيه..
تيم : حضنها من الخلف..وقال.. أممم طيب وهديتي أنا بقى؟
ميرو : سندت راسها ع كتفه وقالت بتنهيدة حب.. أي حاجه منك أنت جميله اوي ياتيم.. وبجد أنا مش عايزه أي حاجه غير إنك تكون جمبي ديما..
تيم : باس خدها..وقال.. حبيبى أنا ياناس.. أنا اللي عايز منك إنك تفضلي معايا ديما وف حضن تيمو حبيبك.. قوليلي بقى..اتمنيتي إيه؟
ميرو : ضحكت بوجع..وقالت..اتمنيت إني أكون أم ولادك يا تيم..!!!
تيم : طلعها من حضنه ولفها ليه..وقال.. طيب وايه الجديد.؟ أنتي قبل ما تكوني أم ولادي..فانتي أمي وبنتي وحبيبتي.. أنتي كل حاجه لتيم يامريم..
ميرو : مسحت دموعها وابتسمت بتمثيل .ومردتش..
تيم : بهزار.. انتي ناسيه إنك أساس حكايتي ولا ايه؟
ميرو : هزت راسها لأ مش ناسيه..
تيم : مسك دقنها..وباسها برقه..وقال.. طول ما انتي معايه..مش عايز حاجه غيرك أنتي وبس.. أنتي ياملاكي.. وقرب منها بحب كبير واخدها لعالمه الخاص..
Автор: Меріам Насар
تاني يوم الصبح..
عند كامليا..
كامليا : صحيت من نومها.وماسكه راسها من الألم. وبتحاول تفتكر نامت امتى.؟
و نفخت بخنقه.. وشالت الغطا..لكن شافت الدم.. وجسمها اتشد..وأفتكرت كل اللي حصل أمبارح من عامر..والغل والحقد ملا قلبها..وبتنهج بغيظ.. وقالت بغضب.. أقسم بالله لاقتلكم كلكم..
وسمعت صوت الميا في الحمام..وشافت چاكت عامر على الأرض وفونه على التسريحه..
وفونها على الأرض.. وقامت بسرعه..ومسكت فونها..لكن الشاشه كانت اتكسرت.ومقفول.. وحدفته في المرايا بغيظ.. وبصت على فون عامر.. واخدته.. وفتحته وقالت بِغل كبير.. أنا بقى هجبلك الحرس بتوعي يقتلوك قدامي ياعامر الكلب..
وبتجيب سجل المكالمات.. وأخدت الصدمه الكبيره.. وشافت رقم بأسم دكتور تيم..!!! ودخلت على مواعيد الإتصالات.. ورنت على الرقم..
تيم : رد وقال..ايوه يا عامر.في جديد..!!!
كامليا : فتحت عينيها بصدمه..وقفلت بسرعه..وقالت بهمس وتوهان.تيم..!!! تيم..!!
يعني عامر معايا لصالح تيم…!!! يعني بيضحكوا علياااا..
وصكت على أسنانها بغضب شديد.. وصرخت بصوت عالى..وقالت ااااه ياولااااد الكاااال** بتستغفلوني…!!! بتستغفلو كامليا عبد الباري.. أناااااا هورييييكم..وهتشووووف ياتيييييم..
عامر : سمع صوتها.و لبس بسرعه..وخرج من الحمام..
كامليا : شافته..وبصت ليه بشر كبير..
عامر : بقلق وحرج..كامليا..أناااا..
كامليا : قربت منه..وبحركه بسيطه.. جابت الفاظه من ع التربيزه..وضربته بيها على راسه..
عامر : اتألم ووقع ع الكرسي.
كامليا : جابت اللزق.. ولفت اللزق على أيديه وبوقه ورجليه..
عامر : ببحاول يفوق من الخبطه.
كامليا : بعدها ضربته بالقلم..وقالت بشر.. أنا هعرفك إزاي تستغفلني ياعامر الكلب..
موجود معايا كل الوقت ده..وبتضحك عليا أنت وتيم..
أنا هقتلك..بس مش قبل ما اقتلها.وافرحه بجثتها.. لازم تيم يعرف إن مفيش غيري وبس..
وأنا عامله حساب لكل حاجه.. وراحت بسرعه فتحت الكمود..وطلعت ازازة..وقالت لعامر عارف إيه ده؟
عامر : فتح عينيه بصدمه..وبيحاول يفك نفسه..وهز راسه لأ لأ…!!!
كامليا : ضحكت بهستريا..وقالت..ده بنزين.. بنزين عشان أحرق مريم.. وبعدها أحرقك أنت.. وبعد كده.. تيم هيقولي برافو عليكي ياكامي.. ويفرح أوي.. وياخدني ونسافر شهر عسل.. أيوه هو هيعمل كدا..
عامر : بيهز راسه بصدمه..لجنونها الواضح في كلامها وحركاتها..
كامليا : لبست بسرعه..وحطت الازازه في الشنطه والولاعه..وقالت..
متخافش ياعامر.. انا هقتلها وهرجع اقتلك..عشان لو تيم عرف باللي أنت عملته..برضه هيقتلك.. هههههههه انت متعرفش تيم بيغير عليا قد ايه.. ههههههههه.. باي ياعامر..مش هتاخر عليك.. هههههههه…. وخرجت من الاوضه..
عامر : بيصرخ بصوت مكتوم.. وبيحاول يفك نفسه..
——————بقلمي مريم نصار.
ف المستشفى
ميرو : بتخبط على مكتب نور..وقالت بإبتسامة..ممكن أدخل؟
نور : بضحكه صافيه.. أهلا.. طبعاً ممكن جدآ..تعالي ياميرو.دي المستشفى كلها تحت أمر مرات أبني حبيبتي..
ميرو : دخلت..وقالت بضحكه.. حبيبتي ربنا يبارك فيكي يارب.. أنا لسه جايه انا وتيم.. وقولت قبل أي حاجه.لازم اعدي ع حضرتك.وأسلم عليكي..
نور : حبيبتي منحرمش منك.. اومال تيم فين؟ مجاش يسلم عليا ليه؟
ميرو : تيم كان جاي طبعا..لكن دكتوره نرمين قابلته..وبتتكلم معاه.. وأنا قولتله هسبقك أنا.. وهو قال روحي وأنا هحصلك..
نور : تمام ياحبيبتى..بس يارب يلحقني قبل ما أخرج
ميرو : كشرت عينيها..تخرجي؟ إحنا لسه الصبح. وحضرتك لسه جايه..!!!
نور : بإبتسامة.. فعلاً..لكن الدكتور محمد.. جاتله دعوه مهمة جدا لزيارة مستشفى كبيره يتابع مع الفرقه الجديده.. وانا معاه.. وميعادنا بعد ساعه ونص من دلوقتي.. ولازم نتحرك كمان شويه..
ميرو : بحماس..ربنا معاكم يارب. بجد جميل اوى. ياريت تصوري الحدث ده..
نور : بضحكه..حاضر ياحبيبتى.. ثواني محمد بيتصل.. وردت عليه الو..
محمد : ايوه ياحبيبتي انتي فين؟
نور : أنا في المكتب ياحبيبي..
محمد : طيب تعالي بقى لازم نتحرك دلوقتي. أنا قدام المستشفى في العربيه..
نور : أنا جايالك حالا مع السلامه..
ميرو : تحبي اساعدك ف حاجه؟
نور : حطت السماعه ف الشنطه..وقالت..ميرسي جدا.. أنتي عندك كشف دلوقتي؟
ميرو : أيوه.. في اوضة الكشف اللي جمب مكتب الدكتوره نرمين..!!
نور : سلمت عليها.. بالتوفيق ياحبيبتي.. وأنا واثقه إنك هتعلى من شأن المستشفى دي إن شاء الله.. بكفائتك وخبرتك أنتي وتيمو..
ميرو : أبتسمت بإمتنان.. مجامله جميله اوي. لكن أتمني اكون زي ما حضرتك تحبي.
نور : مسدت على خدها..انا بحبك زي ما انتي كدا.. أنا لازم أخرج دلوقتي عشان محمد في العربيه.. وهسلم على تيم وانا خارجه. خلي بالك من نفسك..يلا سلام.. وسابتها وخرجت..
.ميرو : بتنهيدة..مع السلامه..وطلعت فوق على غرفة الكشف ومرتبكه جداً..
Автор: Меріам Насар
نور : خارجه من المستشفى..وكامليا داخله المستشفى..
نور : ركبت جمب محمد..
محمد : بتعجب..قال هي ميرو من امتى بتلبس بنطايل..؟
نور : تنحت..ها؟ ميرو.!!! وبناطيل ايه؟
محمد : بتعجب.. الله..دي ميرو لسه داخله المستشفى قدامك دلوقتي..بس شكلها مستعجله جدآ..ياترى في إيه؟
نور : بعدم فهم..لسه ايه يا محمد بس..ميرو أنا سيباها في المكتب فوق.. تقولي بناطيل..!! يلا ياحبيبى..يلا هنتاخر..
محمد : بتكشيره..الله. لما ميرو فوق؟ إللي دخلت دي مين؟ ولا أنا بتخيل؟
نور : بضحكه. بتكلم نفسك يا دكتور؟ يلا الله يكرمك هنتأخر كدا..
محمد : مط شفايفه اممم أكيد بتخيل.. ماشي ياحبيبتى يلا هتحرك أهو..وداس بنزين وساق..
تيم واقف مع نرمين..وجه يتحرك..لكن دكتور تاني جه ووقف معاه..
تيم بص ف الساعه..وعايز يطلع لميرو..
كامليا : داخله وكلها شر.. وقابلت ممرضه..وقالت ليها.. بتمثيل الهدوء..لوسمحتي..مكتب مريم العدوي؟
الممرضه : ايوه مكتب الدكتورة مريم..في الدور التالت..خامس غرفه على إيدك اليمين..جمب مكتب جوزها الدكتور تيم عزيز..
كامليا : صكت ع أسنانها بغيظ. وكان هاين عليها تقتل الممرضه..لكن قالت بتمثيل.. أوكي ميرسي.. وراحت عند الاسانسير وركبت وضغط ع الدور التالت..
ميرو : بتكشف على أول كام كشف ومتحمسه جداً.. وبتكشف بحماس كبير وتوتر أكبر..
كامليا : خرجت من الاسانسير.. وماشيه في الطرقه..بسرعه..
دكتور : ماشي في الطرقه..وقال..صباح الخير يا دكتور تيم..
تيم : ماشي في الطرقه..وقال بابتسامه..صباح الخير يا دكتور علاء.
كامليا : وقفت مكانها.وقلبها دق وضحكت بسعاده وهمست تيم..!!
لكن فتحت عينيها بدهشه وقالت تيم مش لازم يشوفني هنا. وفتحت باب غرفة تغيير الملابس واستخبت فيه..وبصت بحذر من الشباك. شافت تيم بيخبط على غرفة الكشف.. ووقفت تراقبه..
ميرو : خرجت لتيم.. وبتتكلم بتوتر وحماس..وضحكتها منوره وشها..
تيم : ضحك..وماسك أيديها..وبيتكلم معاها..
كامليا : شايفه كل حاجه..لكن مش سامعه صوت.. والنار بتزيد في قلبها. والحقد والكره عموا عينيها..
تيم : بيرتب الحجاب لميرو.. وبيضحك من قلبه..
ميرو : بتضحك..وخبت وشها ف حضنه..وواضح أنها متوتره..
تيم : باس جبينها.. وبيكلمها.. وواضح أنه بيشجعها.. وأنه واثق فيها..
ميرو : هزت راسها ليه.. وأخدت نفس عميق..وطلعته ببطء..
تيم ؛ بص في الساعه.. وشاور ليها.. أنه هيمشي..
ميرو : أبتمست بهدوء..وهزت راسها…!!!
تيم : باس كف أيدها..وودعها ومشي والسعاده على ملامحه.. ونزل..!!
ميرو : أبتسمت بحب كبير. ودخلت تكمل الكشف..
كامليا : شافت كل حاجه.. وعينيها بتطلع شرار. ودموعها نازله بغيظ واضح من الغيره..وقبضت على أيديها..وقالت بتوعد ممزوج بغضب شديد.. والله العظيم لاحسرك عليها ياتيم.. أنت ماينفعش تشوف حد غيري أنا.. أنا وبس..!!!
——————بقلمي مريم نصار.
بعد شويه ..في غرفة الكشف..
الممرضه : دكتوره مريم..كدا آخر كشف.. وباقي الحالات. اتحولوا لدكتورة أبتهال..
ميرو : بابتسامه.. اوكي. اتفضلي أنتي. وأنا نازله على مكتبي..
الممرضه : حاضر بعد إذنك..وخرجت..
ميرو : قفلت دفتر العلاج..وقفلت القلم.. وقامت..
الباب خبط..
ميرو : اتفضل..
كامليا : فتحت الباب…ودخلت وقفلت الباب بالمفتاح…وعينيها حمرا زي الدم..
ميرو : رفعت عينيها..وقالت أيوه حضرتك.. أقدر اساعدك..
كامليا : لفت ليها..وقالت بشر كبير.. تساعديني بأنك تنتهي يامريم..
ميرو : القلم وقع من أيدها. وقلبها دق بخوف كبير..وقالت بصدمه..كـ… كامليا..!!!
كامليا : قربت منها بشر كبير….
ميرو : جريت على الباب..
كامليا : لحقتها بسرعه..وشدتها..وزقتها بعيد عن الباب..
ميرو : وقعت على الكنبه..وقالت..بقلق..كامليا.. أنتي.. أنتي جايه هنا ليه.؟ وعايزه ايه؟
كامليا : حدفت الشنطه على المكتب..وقربت من وش مريم..وقالت بكُره كبير..
مش عارفه أنا جايه هنا ليه؟ أنا جايه عشان أصلح كل حاجه أنتي بوظتيها..جايه عشان أخد حقي اللي هو تيم وارجعه لحضني..جايه عشان أخد حبيبى تيم اللي أنتي سرقتيه مني… جايه لتيم اللي المفروض هو جوزي أناااا..
ميرو : بغيره واضحه..زقتها.. وقامت وقفت..وقالت بقوه..
أنتي أكيد اتجننتي.. لأ أنتي فعلاً واحده مجنونه..بعد كل اللي أنتي عمليته معايا ومع تيم..جايه بتقولي أخد حقي؟
بناءا على ايه حقك ده؟ أنا اللي ليا حق عندك..حق شرفي اللي أنتي لعبتي بيه..عملتي لعبه قذره ونزلتي لمستوى تحت المتدني.. ولعبتي بحياتي..
خلتيني أشك في نفسي..واتمنيت الموت في كل وقت..عشت في كابوس مرعب بسببك..وبسبب قساوة قلبك..
انتي ايه ياكامليا؟ أنتي ايه بجد؟ ايه كمية الشر اللي فيكي دي.. يعني لعبتك اتكشفت.. وتيم عرف حقيقتك.. وكان ممكن جدآ يسجنك..لكن عمل بأصله واخلاقه.. وسابك..وقال يمكن تتغيري..يمكن تفوقي..وتفكري بعقلك..
إن أنا مرات تيم.. أنا حب الطفوله.. أنا حبه الأول والأخير.. وأننا خلاص اتجوزنا.. وبعدنا عنك من غير ما نأذيكي..
يبقى المفروض والمتوقع منك إنك تنسحبي بهدوء لأنك دمرتي كل حاجه..لكن ربنا سابلك فرص كتير تستخدميها لصالحك..وتغيري من نفسك. لكن لأ.. مصممه على الأذى..مصممه على أنك تاخدي حاجه مش بتاعتك..عايزه حق مش حقك.. انتي إيه بجد..!!!؟
كامليا : صرخت فيها وقالت.. أنتي عمرك ما كنتي حب تيم.. أنتي غلطه.. غلطه في حياته..وانا لاااااازم أصلح الغلط ده.. أنتي لازم تموتي.. لازم.. ودلوقتي..!!
ميرو : شافت تصميم في عينيها وشر كبير.. وهزت راسها بصدمه.. وقالت..
أنتي أكيد اتجننتي.. انا لازم أطلب ليكي الأمن حالا..ورايحه عند المكتب..
كامليا : شدتها من حجابها بغيظ كبير..تعالي هنا.. وزقتها على الأرض..
ميرو : صرخت.. ووقعت..وجت تقوم حست بدوخه..وهمست بصوت واطي..تيم.. الحقني ياتيم..
كامليا : هزت راسها بشر..تيم يلحقك. اااه هيلحقك بس وأنتي محروقه بناري.. وفتحت الشنطه.. ومسكت ازازة البنزين.. ورشت حوالين ميرو.. والمكتب والستاير.. وقالت.. أنا هقتلك.. انتي لازم تنتهي.. أيوه تيم كمان عايز كدا.. أنا وبس اللي هعيش مع تيم.. أنتي اللي خطفتي تيم مني..
ميرو : شمت البنزين..ومعدتها قلبت عليها..والدوخه.. زادت..لكن حاولت تقوم.. ورفعت أيدها ع طرف الكرسي..وبتسند نفسها علشان تقوم…
كامليا : رشت في إلاوضه كلها..وحدفت الازازه.. وجابت الولاعه من الشنطه.
ميرو : شهقت بصدمه.. وحاولت توصل للباب.. ورايحه تفتح..
كامليا : مسكت أيدها..وقالت..رايحه فين؟ خلاص أنتي انهردا نهايتك..ومن غير أمنيه أخيره..
ميرو : بتجمع أعصابها..وقالت ابعدي ياكاملياا.. أنتي أكيد مش واعيه للي أنتي بتعمليه..
كامليا : بابتسامه جنونيه…رفعت الولاعه قدام عيون ميرو.. وقالت..هتتحرقي..وتيم مش هيلاقي غيري..
ميرو : اتخنقت من ريحة البنزين..وبتصرخ..وقالت.. افتحي الباب ياكاملياااا..و أعقلي. إللي أنتي بتعمليه ده جنان..
كامليا : عينيها كلها شرار وجنون.. وولعت الولاعه..وقالت. تيم بتاعي أنا..وانتِ لازم تموتي.. ورمت الولاعه على البنزين.. والنار اشتعلت في كل الاوضه…!!!!
ميرو : شهقت بصوت عالى..وصدمه كبيره..و شافت النار..
كامليا : شافت النار.. وبتضحك بسعاده كبيره..بتضحك بهستريا.. وقالت..
أنا هخرج لحبيبي.. وأنتي خليكي هنا ادفعي تمن اغلاطك.. وزقت ميرو..
ميرو : مسكت أيدها بكل قوتها..وضربتها بالقلم..وقالت..
أنتي فعلاً مكنتيش تستحقي فرصه أولى حتى.. أنتي لعنه للمجتمع..
كامليا : صرخت في وشها..ومسكت ميرو تزقها على النار..
ميرو : شافت النار بتقرب منهم..وبكل قوتها..زقت كامليا..وفتحت الباب برجفه.. وخرجت بسرعه من الأوضه..وكانت هتقع..
كامليا : قامت بسرعه عشان تلحقها لكن كانت خرجت..
تيم : لحقها..ووقعت في حضنه.. وكلبش فيها وحضنها بخوف.. وبينهج بصوت عالى..
ميرو : بتعيط بهستريا.. وكلبشت في تيم..!!!
كامليا : شافت تيم وميرو في حضن بعض..وقلبها اتقسم نصين..وهمست بصوت واطي..تيم سيبها. سيبها وابعد عنها انا إللي حبيبتك،مش هى..
تيم : حاضن مريم بكل قوته..والرعب واضح جدآ عليه..
كامليا : حست بخيبة أمل..وقفلت باب الاوضه عليها. ونزلت على الأرض ورا الباب. واستسلمت للموت.
ميرو : خرجت من حضنه..وشاورت برجفه.. على الأوضه.
تيم : بلهفه ممزوجة بخوف..مسك وشها بأيديه..مريم.. مريم متخافيش أنا جمبك.. أنتي كويسه..حصلك حاجه؟..مريم ردي عليا..
ميرو : بتنهج..وقالت بشهقات..ال…ألحق كامليا ياتيم.. أرجوك الحقها..
تيم : شدها لحضنه بخوف كبير..وزعق ألحق ايييه. الحق ايييييه؟
دانا هروح اولع فيها أكثر بأيديا دووول..دي مش بني أدمه دي حجر، دي مريضه ولازم تموووت أنتي فاهمه..!!!
ميرو : عيونها بتغيب في حضنه..وقالت بهمس..بالله عليك تنقذها ياتيم..عشان خاطري..حر…حرام عليك..متبقاش زيها..اءانت.. أنت مهما كان إنسان..عشان خاطر……!!!! وغمضت عينيها ووقعت بين أيديه..
تيم : لحقها وصرخ بصوت عالى..مريييييييم…
..وشالها..وواقف مكانه..وبص ع ملامح مريم اللي مغمى عليها بين ايديه..وبص ع الاوضه اللي بتتحرق..!!!
——————بقلمي مريم نصار.
بعد شويه في غرفة الكشف.
ميرو : نايمه ف السرير.. ومتعلق ليها محلول. وفتحت عينيها ببطء..وغمضت تاني..
تيم : قاعد جمبها على الكرسي..وماسك أيدها.. ولما شافها فاقت..نفخ براحه كبيره. وباس ع أيدها وغمض عينيه بتعب.وحط جبينه ع أيدها..
ميرو : حست بيه..وفتحت عينيها..وبصت عليه.. وهمست بتعب..تيم..!!!
تيم : رفع راسه..وقام وقعد جنبها على طرف السرير.. ومسد على خدها.. حاسه بأيه دلوقتي؟
ميرو : بلعت ريقها بتعب..وحاولت تقوم..
تيم : ساعدها..وقال..ع مهلك..
ميرو : قعدت.. وقالت بتعب.. أنا دايخه اوي..
تيم : بحزن..سلامتك. خمس دقايق ونتيجة التحاليل تظهر.
ميرو : مسكت راسها..وقالت.. بعفوية هو إيه اللي حصل.. وأنا…..!!!
وبعدها افتكرت كل حاجه..وشهقت بصوت مسموع..وقالت..كامليا..!!! وبصت لتيم بزهول.. كامليا ياتيم…كامليا كانت في الاوضه والنار.. النار ياتيم..حد يلحقها..حد يلحقها ياتيم النار شاعله في كل مكان في الأوضه..
تيم : هشش.ومسك كتافها..بس بس اهدي يامريم.. أهدي.. مفيش حاجه..كل حاجه انتهت خلاص..!!!
ميرو : بصدمه.. قصدك إيه إن كل حاجه انتهت؟ أنت سبت كامليا؟ سبتوها في وسط الحريق؟
تيم : غمض عينيه بتعب..وساكت..
ميرو : هزت راسها بعدم تصديق.. وقالت.. لأ.. لأ مستحيل تكون عملت كدا..مستحيل تسيبها تموت قدامك..
تيم :…….!!!!
ميرو : عيونها مفتوحه بصدمه ودموعها نزلت.. وقالت..ماتت..!!!
تيم : زعق بصوت عالى.. لااااااااء يامريم لااااااااء مماتتش…بس ياريتها كانت ماااااتت.. يارتها بجد كانت انتهت وخلصنا من شرها..
أنا مش عارف إزاي سمعت كلامك.. أنا كان هاين عليا.. أحط عليها بنزين ووالع فيها تاني وتالت.. أنتي مش عارفه أنتي عملتي فيا إيه؟ أنتي ليه يامريم .لييييه طلبتي مني إني الحقها ليييييه؟ دي كانت..!!!
وعيونه لمعت بدموع..وبص بعيد وسكت…!!!
ميرو : ضحكت بدموع..وهمست..مماتتش.. الحمدلله.. الحمدلله كامليا عايشه..!!
تيم : قام وقف بضيق حقيقي..وقال.. أنا رايح أجيب التحاليل لو سمحتي متخرجيش من الأوضه..واتحرك..
ميرو : بسرعه مسكت ايدو..وقالت.. لأ أنت مش هتسبني.
تيم : من غير ما يبصلها.. شويه راجع..
ميرو : ماسكه أيدو.. وشالت الغطا..ونزلت ووقفت..!!
تيم : بقلق متداري..رايحه فين الكانيولا في إيدك..و انتي تعبانه..وقعدها على السرير..!!
ميرو : بإبتسامة.. قالت.. أنا عارفه إنك مضايق مني.. وزعلان علشاني..لكن إحنا غيرها ياتيم..
إحنا مش زيها.. أنت عارف يعني ايه إنك تشوف إنسان بيموت قدام عينيك وانت تتخلى عنه..صدقني عمرك ما هتكون مستريح..هتعيش في عذاب وتأنيب ضمير..
تيم : بيكابر دموعه..وقال.. أنتي عارفه هي كانت عايزه تقتل….!!!
تقتلك يامريم..كانت عايزه تحرمني منك.. دي واحده مجنونه وقلبها كله شر..والبتر ليها حلال..
هي كانت عايزه تقضي عليا بيكي..عايزه تنهي حياتي..
أنا ندمان..بجد ندمان إني سمعت كلامك وطلبت من العمال ينقذوها.. أنا مضايق منك.. أنتي ايه.؟ انتي ايه بجد.؟ إزاي قدرتي تفكري فيها.. وأنتي في وسط النار..
ميرو : حطت ايدها ع خدو..وقالت.. أنا إنسانة.. أنا بسمع لصوت قلبي..بسمع لضميري ديما.. أنا واحده بخاف من عقاب ربنا..
أنا مقدرش أتحمل ذنب عظيم زي ده.. وأنت كمان زيي.. أنت ماتختلفش عني..
هي واحده كارهه نفسها قبل أي شيء..هي ماشيه بهوى شيطانها..هي في غفله حقيقيه ياتيم.. أنت المفروض تشفق عليها..
دي انسانه عندها غشاوة على قلبها وعينيها..مفكرتش في عقاب ربنا..ناسيه إن في عقاب. وناسيه إن في يوم عظيم وهيرجع فيه لكل واحد حقه..
أنا معنديش الجرأه و الشجاعه أقف قدام ربنا ويسألني..كان في إيدك تنقذيها..وانتي عارفه أنها مريضه بداء التملك والجنون..وسبتيها تموت..
وأنت كمان مش هتتحمل الذنب ده.. إحنا نعمل إللي علينا.. واللي يريح قلبنا وضميرنا.. إنت إنسان ياتيم..!!
تيم : شدها لحضنه..وساكت..!!
ميرو : أبتسمت بحب..ورفعت أيديها وضمته..!! وقالت.. أنا جمبك ومعاك..
تيم : دمعه نزلت على شعرها..وقال بوجع..كنت خايف أوي إني أخسرك..
ميرو : غمضت عينيها… وبتسمعه..
تيم : بوجع.. أنا مقدرش أعيش من غيرك.. مجرد الفكره بتسحب روحي مني..!!
ميرو : بتنهيدة.. أنا طول عمري هفضل جمبك..وربنا يديمك ليا.ويباركلي في عمرك..!!
تيم : مسح دموعه..وطلعها من حضنه وباس جبينها. وحاول يبتسم لكن معرفش.
ميرو : بترجي..خلاص بقى.. أنا معاك أهو..وكويسه جدآ الحمدلله..!!
——————بقلمي مريم نصار..
الباب خبط..وقالت من على الباب..انا نرمين عايزه أدخل..ممكن؟
تيم : مسد.على شعر ميرو بإبتسامة.. وقال..اتفضلي يا دكتوره..
نرمين : دخلت..وقفلت الباب..وقالت بضحكه.. ميرو روح قلبي عامله ايه دلوقتي؟
ميرو : بإبتسامه.. الحمدلله يادكتوره..ميرسي جدا..
نرمين : بمكر.. أنا عايزه اشكيلك الدكتور تيم..بصي بقى كان هاين عليه يولع في المستشفى بعيانينها وبالدكاتره..وكمان أنا.. ينفع..؟
تيم : أبتسم..
ميرو : بضحكه رقيقه.. لأ طبعاً ماينفعش.. وبعدين تيم مايقدرش يعملها.. وخصوصاً مع حضرتك.. أنتي غاليه عندو أوي..
نرمين : يختي على القمر واللسان اللي بينقط سكر.. شوفت يادكتور..سامع القمر بتقول ايه؟
وعشان كده.. أنا جبتلك التحاليل بنفسي..!! اتفضل يادكتور تيم العصبي..
تيم : أخد التحاليل..وقال..معلش بقى يادكتوره نرمين جت فيكي انتي..وبيفتح الظرف..
ميرو : كشرت عينيها وقالت.. ياستار.هو عمل ايه؟
نرمين : شهقت..هييييه..قولي معملش إيه؟ هقولك ياستي.. أنا كنت داخله عليه المكتب..وسمعته بيزعق في الموبيل..وبيقول إزاي يعني كامليا عرفت إحنا فين ياعامر..؟
وبعدها.شوفته مصدوم..و.سمعنا جرس انذار الحريق..وهو قال مريم..زي ماتقولي كدا حس إنك في خطر..
وجرينا على فوق.. وبعد ما انتي اغمى عليكي..
الدكتور تيم بهدل الدنيا..ووقف المستشفى كلها على رجل..وكمان طلب من العمال هما إللي يطلعوا إللي متتسماش دي من الأوضه..
ونبه على الكل إن الدكتور محمد والدكتوره نور لما يرجعوا. يقولوا حريق بسبب الإهمال..
وبعد كده حولوا إللي متتسماش دي ل…..!!!
تيم : قاطعها بزهول وفرحه..وقال..حامل..!!!
في قسم الحروق..
Автор: Меріам Насар
ماجده : بصريخ.. انت مفكر نفسك مييين علشان تتكلم معايا كدا؟ أنت قتلت بنتي كامليا.. انا هوديك في ستين داهيه..!!!! ———–
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مملكة ميراث العشق)
