رواية مملكة ميراث العشق الفصل الخامس والعشرون 25 بقلم مريم نصار
رواية مملكة ميراث العشق الجزء الخامس والعشرون
رواية مملكة ميراث العشق البارت الخامس والعشرون
رواية مملكة ميراث العشق الحلقة الخامسة والعشرون
فيلا الصاوي..
ملك : امسكي يامليكة ياحبيبتى..اشربي العصير..
مليكة : استريحي انتي يامامي.. وأنا لو عايزه حاجه هطلب متتعبيش نفسك..
ملك : قعدت..وقالت..هو انا يعني عملت ايه؟ وبصت حواليها..الله..هي حياة وكارو فين؟
مليكة : كارو.. أخدت حياة لفوق يتفرجوا على فيلم كرتون..
ملك : أنا مش عارفه..كارتون إيه في السن ده بس؟
مليكة : بضحكة..ده أحلا حاجه يامامي..طيب تعرفي.. همس أكتر الوقت قدام الكرتون.. وأنا كنت زي حضرتك كدا..بستغرب..لكن المصيبه اني أنا كمان بقيت بقعد اتفرج معاها.. ههههه
ملك : بضحكه.. لأ همس دي حالة خاصة..بس بيني وبينك..عملت لبيتك صوت كدا.. أنا الأول لما كنت بروح عندك..كان البيت هادي خالص..زي عندنا كدا.. بس دلوقتي ماشاء الله..بحس إني رايحه سيرك..
مليكة : بضحكه..دي مجننه ياسو..بس تعرفي.. أنا بضغط عليه.. أنه مالوش دعوه بيها..وميدققش على تصرفاتها.. أصل تصرفاتها كلها عفوية..هي بتحب الهزار. هنخنقها يعني ونغير من شخصيتها؟ لأ حرام.. وبعدين ياسين بحس أنه فرحان ومبسوط معاها. ديما يضحك معاها من قلبه..هنعوز إيه أكتر من كدا؟
ملك : ربنا يكملك بعقلك يارب ياحبيبتى..
مليكة : كل ده بفضل توجيهاتك ليا. أنا كنت خيبه خالص.. سبحان الله..يغير ولا يتغير..
ملك ؛ انتي زي الفل ياروح قلبي.. قوليلي بقى..محمود وحمزه عاملين ايه؟ لسه تاعبين همس؟
مليكة : بضحكه.. إلا مجنيننها.. وكل ما يكبرو يجننوها اكتر.. أهو بقى عندهم أربع شهور إسم الله عليهم. لكن مابيصدقوا الليل يجي ويصحصحوا.. ونفضل طول الليل رايحين جايين عليهم..
لكن سبحان الله..مع زياد بيبقوا حاجه تانيه خالص..
ملك : فعلاً.. أنا بشوف تعلق زياد بيهم كأنه اخوهم الكبير.. ومحمود وحمزه..بيحبوه جدآ..
مليكة : بتأكيد.. بيحبوه بس؟ دول بيموتو فيه..
وتعالى بقى لو أي حد بس ضايق محمود وحمزه.. يبقى يومه مش معدي..
ملك : ربنا يباركله زياد طول عمره حنين..
بس على كدا لما محمود وحمزه بيسهروا طول الليل..بيناموا امتى بقى؟
مليكة : بيناموا بعد الضهر لحد المغرب.. بجد الله يكون ف عون همس.
ملك : معلش يا حبيبتي..هى فتره كدا..ونومهم هينتظم مع الأيام..
مليكة : فعلاً هي أيام وأيام..
ملك : ربنا يهديهم يارب… اشربي بقى العصير..
مليكة : حاضر..وربنا يباركلنا ف عمرك ياحبيبتي…وبتشرب.. وقالت..
طيب متعرفيش بابي عايز زياد في إيه؟
ملك : علمي علمك يابنتي.. انا لما سمعته امبارح بليل وأحنا عند الحج آدم.. بيقول
ل زياد عايزك تجيلي بكره على الفيلا.. سألته..قالي شغل مهم..!!
مليكة : بإستفهام..غريبه..مع إن زياد قالي إن بابي سلم كل شغله لمالك و آسر..وكل تعاملاته مع أخويا مالك..!!!
ملك : يابنتي ياخبر دلوقتي بفلوس بكره يبقى ببلاش..!!
مليكة : على رايك..!!
Автор: Меріам Насар
في المكتب
جاسر : ها قولت إيه يازياد يبني؟
زياد : بدهشه..آسر وحياة..!!! حضرتك فاجأتني بجد ياعمي..!!!
جاسر : في الحقيقة يازياد.. أنا مش هلاقي زي حياة أبدا لحفيدي..وهي كمان حفيدتي..وعمري ما هختار ليها إختيار غلط..!!
زياد : العفو ياعمي..ده آسر شاب طموح وزكي جدآ..وماشاء الله عليه..يشرف اي حد..!! وأي عيلة تتمناه..!!! لكن..!!!
جاسر : كشر عينيه…لكن إيه؟
زياد : أنا عايز أقول إن حياة صغيره ولسه يدوب رايحه أولى جامعة .يعني سن خطر..
جاسر : وأنا اتفق معك تماماً..ومقولتش ليك تسألها دلوقتي.علشان تركز في دراستها..
واحتمال العكس برضوا ممكن يكون ارتباطها ده هدف كويس أنها تتحمس للتعليم أكتر..
وانا من وقت ما أنت قولتلي إن في عريس جاهز وعايز يتقدم لحياة وياخدها ويسافر.. أنا انزعجت..بالرغم من رفضي ورفضك للعريس ده.. لكن انا فكرت.. إن حياة حفيدتي.. تستاهل حد يحافظ ويخاف عليها.. والحد ده إبن خالها..وحفيدي.. آسر الصاوي..
زياد : بحيره..طيب و آسر عندو علم؟
جاسر : لأ.. محدش يعرف بأي حاجه.. أنا فكرت إني. اتكلم معاك أنت الأول.. كونك أبوها.. وأشوف رأيك.. ولو معندكش مانع…وقتها اتكلم مع مالك و آسر..!!!
زياد : بحيره كبيره.. أيوه ياعمي..طيب أفرض إن آسر مرتبط بحد تاني.. هو برضو شاب جامعي..
ورجل أعمال..ومش صغير.وماشاء الله عليه. يعني أكيد ليه حياته الخاصة…!! ومش عايزين جواز بالغصب..دي محصلتش في العيله كلها..
جاسر : بمكر.. لأ اطمن..حفيدي يوم ما هيتجوز.. هيتجوز من العيله هو قال كدا..
لأن مفيش أحسن من بنات العيله. ولا زي حياة حفيدتي.
.بس أنت فكر برحتك وقول قرارك.. وبعد كده لو في قبول من الطرفين.. نبقى نتكلم رسمي.. واتمنى إنك توافق يازياد يابني..
زياد : بحرج..كلام إيه ده ياعمي..ده أنت الكبير.. وحضرتك عارف إن أي حد بيتقدم لبنتي بجيلك أول واحد وبنتناقش أنا وحضرتك وباخد رأيك. لأنها حفيدتك..وهتخاف عليها زي بالظبط..!!
جاسر : أبتسم..وانتهز الفرصه..وقال..يبقى على خيرة الله. وإن شاء الله نقرأ الفاتحه قريب..
زياد : بغصة في قلبه..ربنا يقدم اللي فيه الخير..!!!
——————بقلمي مريم نصار..
جه الليل..
فيلا زياد ..
مليكة : رايحه تنام جمب زياد..ولسه هتقوله تصبح على خير.. لكن شافته نايم باصص للسقف و سرحان… وقالت..الله..زياد ياحبيبى..مالك؟ من وقت ما رجعنا من عند بابي وانت سرحان كدا؟
زياد : اتعدل..ورجع بضهرو ع السرير..وقال بتنهيدة.. سرحان في بكره يامليكة..!!
مليكة : كشرت عينيها بعدم فهم وقالت.. بكره في علم الغيب يازياد..ومحدش عارف إيه إللي هيحصل..
هو بابي قالك إيه مخليك بالشكل ده؟
زياد : أبتسم بحيره..وقال..طلب أيد حياة ل آسر..!!!
مليكة : اتعدلت بزهول..وقالت أنت بتقول ايه يازياد؟ حياة بنتي.. و آسر..!!! أنت بتتكلم بجد؟
زياد : بتنهيدة.. أيوه. هي الحجات دي فيها هزار يامليكة؟
مليكة : ضحكت بدموع..وقالت قول والله كدا.. لأ لأ أنا مش مصدقة أصلا..
زياد : رفع حاجبه وقال ليه مش مصدقه.. هي حياة بنتي مالها؟
مليكة : هزت راسها لأ..ايه يازيزو ياحبيبي إللي أنت بتفكر فيه ده..هو في زي حياة بنتنا؟ أنا بس مش مصدقه لأني بجد كنت بتمنى آسر لحياة..
آسر إبن أخويا محترم جدآ ومتربي وناجح..وفيه كل الصفات الجميلة..وفوق كل ده هيقدر يسعد بنتي..!!
زياد : هز راسه..تمام..بس الموضوع مايتفتحش دلوقتي.. لسه بدري.. ولما يجي الوقت المناسب؟
نشوف رأي حياة إيه؟ مش يمكن ليها رأي تاني.. متستعجليش..!!
مليكة : ضحكتها اختفت..وقالت.. إيه؟ ترفض؟ وهي هتلاقي زي آسر فين بس يازياد؟
زياد : بتعب.. أفرض هي مش موافقه يامليكة.. هنفرضه عليها؟ لأ طبعا..
آسر شاب طموح وزكي ومحترم..واتمناه لبنتي.. لكن في الأول والآخر ده قرارها هى..!!!
مليكة : بحزن..مش كل البنات إللي في عمرها بتاخد القرار الصح يازياد.. عندك أمها أهي..كانت في نفس عمرها.وهتدمر حياتها بأيديها..وا…
زياد : مسك أيدها وقال بعتاب..كلام إيه ده يا مليكة.. إحنا دفنا الماضي من زمان جدا..واتنسى تماماً.. وأنتي دلوقتي أحسن زوجه وام وصديقة.. أنتي مفيش زيك ياماكي.. ولو قولتي الكلام ده تاني صدقيني هزعل منك..
مليكة : مسحت دموعها وابتسمت بحب وقالت.. خلاص. يبقى توافق على آسر..بالله عليك يا زياد. صدقني آسر جوهره..وهيصون بنتك بعد ما أموت..
زياد : بخنقة بعد الشر عليكي.. أنتي طالبه نكد انهردا ولا إيه يامليكة؟ في ايه بالظبط؟
مليكة : بضحكه..خلاص حقك عليا.. أنا أسفه.. أنت عارف إني مبعرفش اتكلم كلمتين على بعض حلوين.. ههههه سوري بقى. يازيزو..
زياد : نفخ بخنقه…………!!!!
مليكة : حطت راسها ع صدرو..وقالت بسعاده.. وده إللي انا بدور عليه لحياة بنتنا.. يوم ما تزعل..هو يشيل همها..ويهون عليها همها.. مفيش أحسن من آسر الصاوي..ل حياة زياد..!!!
زياد : مسد ع شعرها وقال بشرود.. أنت تريد وأنا أريد والله يفعل ما يريد..!!
——————بقلمي مريم نصار..
فيلا آريان العدوي..
تمارا : شايله محمد اللي تم خمس شهور..و رايحه جايه بيه.. وحاسه بالملل..وبصت ف الساعه وكانت ١١ مساءاً..
ونفخت بخنقة..وقالت. هترجع امتى بقى يا آريان..!!
محمد : بينام..
تمارا : راحت نيمته في سريره.. وباست جبينه..وشدت عليه الغطا. ورجعت اوضتها وجابت الفون من ع الكمود. واتصلت ع آريان.. ورد في آخر لحظة..
آريان : الو.
تمارا : بحنين..الو. آريان أنت هتخلص شغل امتى؟ أنت من الصبح بره البيت..
آريان : بتعب.. آسف ياحبيبتي غصب عني.. شغل الجامعه..وبعد كده الشركه..وعندنا صفقه مهمه عايزه تركيز كبير..
تمارا : بزعل.. آريان أنت بقالك على الحال ده فتره كبيره.. وأنا مش لايقاك معايا الفتره دي.. وأنت عارف إني في اجازة من الجامعة.
آريان : بتنهيدة..يعني اعمل ايه ياتيما؟
انتي شايفه قد ايه الحمل كبير عليا.. وبابا لوحدو في الشركات والمجموعه..ده غير المصنع الجديد.. يعني بجد فترة شغل عايزه كل تركيزي.
تمارا : بدموع..اممم. تمام أنا أسفه..
أحم أنا هنام. عموماً وقت ماترجع هتلاقي العشا تحت ع السفره.. تصبح على خير.. وقفلت..
آريان : بسرعه..تمارا تمارا استني مقصدش.. الو.. الوو..
ونفخ بخنقه كبيره..وحدف الفون ع المكتب..ومسك راسه..وغمض عينيه بتعب..
السكرتير خبط ودخل.. وقال. دكتور آريان. مسؤول الشركه التجاريه. وصل..
آريان : بإحباط وتعب..هز راسه خليه يدخل..
تمارا : قفلت.. وحدفت الفون ع السرير..وخبت وشها بأيديها..وغصب عنها عيطت..
وبعدها قامت.. وراحت أوضة محمد.. ونامت جمبه.. واخدته في حضنها وحاولت تنام..
الساعه ١٢ ونص..
آريان دخل البيت.. وكان تعبان جدا من ضغط الشغل. وبص ع العشا..ومجالوش نفس للأكل..
وطلع فوق وملقاش تمارا.. وراح ليها ف أوضة محمد.. وشافها نايمه جمب إبنه.. واتنهد بتعب.. وقعد جنبها ع طرف السرير.. وبدأ يصحيها..وقال.
تمارا..!! تيما..
تمارا :……..!!!
آريان : بتعب..تمارا انا عارف إنك صاحيه..ردي عليا..
تمارا : ………!!!
آريان : مسح وشه بايديه ونفخ بخنقه كبيره.. وبصلها بتأنيب ضمير.. لكن قام وشد عليها الغطا وباس جبينها.. ومسد على خد محمد..
وسابهم وخرج.. وراح على اوضتة.. واترمى ع السرير بلبسه بتعب واضح.. وغمض عينيه ونام من ضغط اليوم..!!!
Автор: Меріам Насар
تاني يوم الصبح..
آريان : فتح عينيه..وشاف الغطا عليه.. وأبتسم..وقام بسرعه.. ودخل الحمام.. أخد شاور..واتوضى وصلى.. ولبس بدله.. وبينادي على تمارا.. لكن مردتش عليه.. وقال أكيد مع محمد.. لما اروح اصالحها..واخد الشنطه..وراح عند محمد..ومش موجودين..وقال يبقى تحت.. ونزل بينده عليها.. تيما.. حبيبتي أنتي فين؟
ودور عليها في المطبخ والحمام ومش لاقيها.. وشاف الفطار ع السفره.. وفي ورقه جمب العصير.. واخدها ومكتوب فيها..
أنا جهزت الفطار ليك.. وانا عند بابا آدم.. ولو سمحت أنا عايزه اروح اقضي يومين عند بابي.. ولو لأ ابعتلي رساله علشان مروحش..
آريان : بغيظ مكبت..وكرمش الورقه ورماها..واضايق جدآ.. وبعتلها رساله..وقال فيها.. ده بيتك ومش هتباتي بره البيت.. وياريت تعقلي ياتمارا إيه اللي حصل لكل ده..
وخرج بسرعه مضايق..وراح الفيلا عند آدم.. وشاف تمارا قاعده قدام الزرع.وفاتحه الفون..وكانت بتقرا رسالة آريان..
آريان : راح عندها وقال بثبات.. صباح الخير..
تمارا : مسحت دموعها بسرعه.. وقالت بثبات..صباح الخير.
آريان : اتنهد بتعب..وقال بعتاب..بقى كدا ياتيما..عايزه تسيبي البيت؟ دي عمرها محصلت..
تمارا : بغصه.. أنا مقولتش إني هسيب البيت.. وبعدين انت رفضت خلاص مش هروح في مكان..
آريان : قرب منها وقال.. أنا رفضت لأني عارف إنك زعلانه..
تمارا ياريت تقدري ظروفي الفتره دي صعبه عليا.. وأنتي عارفه إن مسؤوليات الشركه كبيره جدا.. ومفيش غيرى..
يعني مفيش حد معايا في الفرع الجديد.. وأنتي عارفه إنه غصب عني مش بمزاجي..
حتى الجامعه..بفكر أخد اجازه لكن الطلاب مالهمش ذنب..
تمارا ارجوكي قدري ده.. أنا تعبان.. أنا يدوبك بنام كام ساعه..وبخرج من الصبح مبرجعش غير آخر الليل.. أنا الفتره دي مشوش ومضغوط.. متزوديهاش عليا..
تمارا : هزت راسها..حاضر مش هزودها عليك..وبعدين أنا متكلمتش أنا اتأسفت ليك أمبارح على غلطتي في إني محتجالك..
وحاولت تبتسم..وقالت بضحكة وجع.. ربنا معاك. بعد أذنك هروح أشوف إبنك..
وجت تمشي..
آريان : مسك أيدها بسرعه.. وقال.
ايه ياتمارا أنتي بتاخدي كلامي بحساسيه كبيره جدا..
تمارا أنا مش قصدي إنك تزوديها بالمعنى ده.. ويستي أنا إللي محتاجلك أكتر منك..
ده انتي وحشاني جداً ونفسي الفتره دي تنتهي علشان أرجع البيت زي الاول..
تمارا أنا معنديش حد اهم منك انتي وابني..ومش هقدر أقول لبابا آدم انا مضغوط.. ارجوكي افهميني.. وأنا آسف بجد..
تمارا : بتفهم.. أنا فاهمه كل ده..وبدعيلك.. خلي بالك من نفسك يا آريان..
آريان : أبتسم بحب.وقال.. يعني حبيبي مش زعلان مني؟
تمارا : أبتسمت بتمثيل.. لأ مش زعلانه..
آريان : باس أيدها.. وقال.ربنا يباركلي فيكي يا حبيبتي.. مع أني زعلان منك إنك تنامي بعيد عني.. بس المسامح كريم..ومش هتتكرر إن شاء الله. واوعدك اني هرجعلك انهردا بدري..
تمارا : أبتسمت بحب..وعد..
آريان : بدقة قلب..وعد..
——————بقلمي مريم نصار.
في الجامعه.
آسر : ماشي في حرم الجامعة..بيدور على حياة.. لكن مش موجوده.. وقال لنفسه.. المفروض أنها خلصت المحاضرة من بدري.. انا هتصل عليها.
واتصل عليها..وردت..
حياة : بحرج.. الو..
آسر : الو ايوه يا حياة.. انتي فين في الجامعة؟
حياة : بعفوية أنا كنت مع آرين وچود في الكافتيريا.. لكن دلوقتي أنا في السيشكن منتظره الدكتوره.. خير في حاجة؟
آسر : بتوتر.. أبدا مفيش حاجه..انا بس كنت بطمن عليكي.. أنتي كويسه؟
حياة : أبتسمت.. أنا كويسه جدا الحمدلله.. أحم.. أنت فين كدا؟ خلصت محاضراتك؟
آسر : أبتسم.. لأ لسه قدامي محاضره واحده..
حياة : بحرج وانا كمان عندي محاضره المفروض كمان شويه.
آسر : خلاص بعد المحاضره أنا هوصلك البيت قبل ما أروح ع الشركه..
حياة : بتوتر . لأ ميرسي مش عايزه اتعبك معايا..
آسر : بضحكه..ياريت كل التعب كدا.. وعلشان تطمني أكتر أنا هستأذن عمي زياد.. تمام؟
حياة : أبتسمت.. أوكي إللي تشوفه يا آسر..
آسر : بدقة قلب.. قوليها تاني كدا..
حياة : وشها بقى أحمر جدآ وقالت بتوتر. إللي تشوفه..
آسر : لأ لأ..انا أقصد آسر..!!
حياة : قلبها دق بقوه وقالت بتلعثم..اء.. أحم.. آسر..
آسر : أخد نفس عميق..واتنهد بحب..وقال.. بجد انا أول مره أحس حلاوة آسر منك يا حياة..
Автор: Меріам Насар
في المحاضره..
مصطفى طبعا قاعد جمب چود من اول يوم في الجامعه..
الكل مركز في المحاضره..
وبعد شويه الدكتور قال..
تمام ..كفايه كدا ياشباب انهردا..وبكره إن شاء الله. نكمل. واللي عندو أي نقطه مش مفهومه يكلمني وانا هشرحله اي حاجه مش مفهومه..
والدكتور خرج..
مصطفى : قفل الملزمه.وقال يلا يا چودي..
چود : قامت وبتلبس الشنطه.. وقالت..طيب هروح بس ل آرين أقولها أننا هنمشي وهجيلك عند العربيه اوكي؟
مصطفى : ماشي هستناكي..وبص ل سعيد..وقال ولا ياسعيد يلا هوصلك في طريقي..
سعيد : هرش في قفاه وقال لأ ياعم..روح انت.
مصطفى : كشر عينيه بعدم فهم وقال. من امتى وأنت محترم كدا..؟
أنت كنت بتنط في العربيه قبل مني.. يلا ياض علشان متغباش عليك..
وخارجين من المدرج..
سعيد : قال. أنا مش عايز أكون متقل عليك.. ودلوقتي الوضع أختلف.. أنت دلوقتي راجل متجوز.. وشكلي بقى وحش لما كل يوم توصلني أنت ومراتك..
مصطفى : خبطه في كتفه .وقال ملكش دعوه أنت بالحورات دي.. وبعدين انا بوصلك علشان خاطر كوثر..
سعيد : بضحكه..كوثر وما أدراك.. المهم مش هتعرف كوثر ع المدام..
مصطفى : بضحكه . طبعآ يبني..بس في عيد ميلادها بقى ههههههه.
سعيد : بدهشة.. انت بتتكلم بجد يامصطفى؟ يبني انا بهزر معاك.. اوعا تعمل كدا..بطل جنان..
مصطفى : ولا فكك أنت بس من الحوار ده. وسبني أنا ودماغي..
المهم دلوقتي أنا عايز أعرف أنت مش على بعضك ليه بقالك فتره..
سعيد : هرش في قفاه وقال.. لأ ياعم أنا زي الفل اهو مالي بس..
مصطفى : بمكر..على بابا يالا؟ دنا قاريك وحافظك صم..هتقول مالك ولا أعرف بطريقتي؟
سعيد : أبتسم وقال..والله ياصحبي معارف في ايه بالظبط..من يوم فرحك وأنا حالي حال..
مصطفى : بهزار.. ليه مكلتش ولا ايه في الفرح؟
سعيد : بضحكه.. لأ ياعم كلت وفرحت كمان..بس بصراحه يعني مش عارف اقولك ايه..وكمان خايف من رد فعلك.. أصل بصراحه انتوا كرجالة العيله دي.. بحس انكوا بتتغذوا على الضرب.. تشوفوا حد لو رفع عينيه على حد بالغلط كدا.. يبقى يوم إللي خلفوه أسود من قرن الخروب..
مصطفى : بفخر.. طبعاً يبني.. ده أنت مشوفتش حاجه بقى. أنا أعرف زمان إن عمى فهد ضرب واحد لحد ما كسر كل ضلوعه.. ولا بقى عمي مراد قطع لسان واحد..ولا خد الكبيره جدي آدم رشق مسمار في عين واحد.. ولا عمي الدكتور محمد..اء….!!!
سعيد : بخوف وصدمه..بس بس كفايه.. إيه ياعم فيلم الرعب ده.. وعايزني اقولك مالي.. انا كويس ياعم.. انا زي الفل..
مصطفى : ههههههه ياض أنا بقولك حجات خفافي كدا.. اومال بقى لما تعرف آدم مراد عمل…….!!!
سعيد : والله مانت مكمل ولا قايل.. خلاص ياعم أنا أعصابي تعبت من التخيل.. خلاص أنت عيلتك مريبه أصلا..
مصطفى : مسكه من قفاه وقال بتحذير.. مالها عيلتي ياض؟
سعيد : ضحك بتوتر..ياعم عيلتك زي الفل أقسم بالله..بس بجد تخوف اي حد يبص لأي بنت من العيله..
مصطفى : كشر عينيه وقال بِشك.. أنت مركز اوي ع كلمة بنات العيله.. أنت في حاجه ياسعيد؟
سعيد : بلع ريقه بتوتر..وقال لأ صدقني مفيش حاجه..
مصطفى : رفع حاجبه بمكر وقال..طيب عتلاق لو مقولت في أي لا أنت صحبي ولا أعرفك..
سعيد : أخد نفس عميق واتنهد بتعب..وقال وليه بس كدا يصحبي.. هو الموضوع أصلا حصل صدفه..وغير كدا مش هيتم..
مصطفى : خلصت مط في الكلام؟ ارغي بقى واتكلم اخلص..
سعيد : هز راسه ماشي هقولك.. بصراحه يوم فرحك.. وأنا ماشي شوفت بنت حوالي ١٦ سنه او ١٨ مش عارف..وكانت شكلها متوتر.. في أنا قولت أشوفها مالها من باب المساعده.. وكانت فعلاً مش عارفه باب قاعة البنات منين.. وكانت مكسوفه جداً. ولما سألتها عن إسمها.. قالت دعاء وقالتلي لو سمحت متتكلمش معايا تاني لأنه عيب وحرام.وسابتني وجريت من قدامي. متعرفش يامصطفى من وقتها وانا مش على طبيعتي. وايه السر في كدا مش عارف..
بس أنا طبعاً مقصدش إني أرفع عيني في حد من عيلتك..لكن ده إحساس غصب عني.. بس أنا فوقت نفسي في آخر لحظه.. انا فين وهي فين..وياترى بنت مين..
وأنا يدوبك أبويا حتة موظف حكومي. وحالنا الحمدلله ميسور لكن برضو مش هكون أنا المناسب.. فبحاول أرجع لطبيعتي..
مصطفى : كشر عينيه بتفكير..وقال جواه.. دعاء..!!؟
دعاء مين؟ يكونش يقصد دعاء بنت عم عوض الجنايني عند جدو آدم…!!!
——————بقلمي مريم نصار..
في مستشفى النور..
ميرو : في الفون قالت بضحكه.. حبيبتي ياهوبا بجد فرحت جدا.. ألف مبروك ياروحي.. وتتربى في عزك يارب..
هبه : بسعاده..الله يبارك فيكي ياميرو ياحبيبتى.. والله أنا بجد مش مصدقه.. أنا بقيت أم.. شيلت الهم يالوزه ههههه..
ميرو : بضحكه..هم أي بس.. دول الطف حاجه في الدنيا..ربنا يرزق كل بنت إحساس الامومه يارب..
هبه : اللهم امين يارب.. قوليلي بقى..اختار إسم ايه؟ انا محتاره اوي..
ميرو : مطت شفايفها بتفكير.. أممم مش عارفه أنتي ممكن تسألي شاهين واختاروا مع بعض.. وبعدين أنتي جايه بعد ما تولدي لسه بتفكري في الإسم؟
هبه : ههههههه وحياتك اخترت ولا عشرين اسم وكلهم اجمل من بعض..وشاهين عايز يسمي رفيف بس مش داخل دماغي وزعلان مني بس مش عارفه بجد أسميها فعلاً رفيف؟
ميرو : بإعجاب..واو رفيف.. إسم جميل جدا ورقيق.. ليه مش عاجبك..
هبه : بحيره..مش عارفه بس كنت عايزه اسميها ندى.
ميرو : أبتسمت.. عارفه. لما عرفت إني حامل ف بنوته.. تيم قالي نفسه أنه يمسيها جنى.. وأنا كنت عايزه أقوله على إسم تاني..لكن لما هو قالي على أمنيته..قولت ليه اعترض.. اسم جنى جميل جدا. ومش لازم ازعله.. أصلها بنته وهتكون حبيبته وصحبته.. ومعترضتش.. ياريت انتي كمان تعملي كدا.. وع فكره إسم رفيف تحفه جدا. وعجبني أنا شخصياً..
هبه : بأقتناع..معاكي حق..ده حتى شاهين فرحان أوي بيها.. خلاص رفيف شاهين إن شاء الله..
ميرو : بإبتسامة حب. مبارك عليكي ياحبيبتى..!!
هبه : حبيبتي انتي..يا أجمل أم جنى..!!
Автор: Меріам Насар
في الجامعه..
آسر : يلا بينا ياحياة..
حياة : بلعت ريقها بتوتر. وهزت راسها وماشيه ومكسوفه جدآ..
آسر : ماشي ومبسوط أوي..وقال.. أنا اتصلت على عمي زياد..واستأذنته..ووافق.. وقالي أنه هيكلمك..
حياة : بحرج..أحم. أيوه بابي كلمني قالي.. وميرسي ليك يا آسر. كدا هتعبك معايا..
آسر : فتح ليها باب العربيه..وقال.. منا قولتلك قبل كدا ياريت كل التعب جميل كدا..ومش عايز أسمع منك الكلام ده تاني.. لأن ده واجبي.. أتفضلي..
حياة : ركبت بحرج.. وبصت قدام بالصدفه.. وشافت عربيه جيب سودا..
آسر : ركب جمبها وشغل العربيه..
حياة : بتعجب..قالت.. آسر مش دي عربية آدم مراد؟ ولا أنا بتخيل.. ومين اللي فيها دول.. وشكلهم حرس خاص..
آسر : أبتسم..وقال ايوه فعلاً هي..
حياة : بتعجب..طيب إزاي وعليها بادج الجامعة؟ وكمان إيه الحرس ده.. وهو آدم هنا؟
آسر : بضحكه.. ده حوار مع آدم..لكن العربيه كانت معايا أنا من حوالي سنه علشان بادج الجامعه ويسمحوا ليها تدخل الجامعه.. وبعد كده آدم راح مسلمها لحرس شخصي.. هو معينه..!!!
حياة : بعدم فهم.. حرس..!! طيب حرس شخصي لمين في الجامعه؟
آسر : ساق العربيه..وقال بمكر.. لأ دي بقى معرفش.. لكن انتي ممكن تسأليه بنفسك..
حياة : شهقت بخوف..وقالت . إيه؟ لأ لأ وانا مالي. ده مجرد التخيل رعبني.. لأ هو حر يارب يجيب كل الحرس. أنا ولا شوفت ولا سمعت صح كدا..؟
آسر : ضحك من قلبه. وقال صح كدا..!!!
——————بقلمي مريم نصار..
في شركة العدوي..
في مكتب آريان.. الباب خبط..
آريان : بيمضي أوراق..وقال..ادخل..
آدم مراد : فتح الباب وقال. فاضي ولا..!!!
آريان : بضحكه.. أهلا أهلا.. آدم باشا بنفسه هنا..والله انا مش مصدق نفسي..
آدم مراد : قفل الباب..ودخل وقعد..وقال.. ليه بس مش مصدق..
آريان : بضحكه..يعني.. بنشوفك في الشركه كل عيد إحتفال للشركه الأم.. ده انهردا عيد.. قولي بقى جاي مخصوص ولا معدى بالصدفه..
آدم مراد : لأ جاي مخصوص.. بابا آدم بعت معايا ملفات مهمه لعمي زين..وسلمتها ليه..وقبل ما أخرج قولت اعدي عليك..
آريان : هز راسه بابتسامه..الشركه نورت..قولي تشرب ايه؟
آدم مراد : ولا حاجه..المهم عامل ايه بين شغلك ف الجامعه والشركه..
آريان : ساب القلم..وقام قعد قصاده..وقال بتنهيدة تعب..والله يا آدم مخبيش عليك..
آدم مراد : بإستفهام..في حاجه معاك يا آريان قولي؟
آريان : هز راسه لأ..مفيش لكن تعبان المسؤوليه كبيره جدا.. الشغل كتير وانا بحاول على قد ما اقدر أوفق بين شغلي في الجامعة وبين الشركات والسفر.. وبين بيتي وأبني..كل ده مخلي ذهني شغال ديما.. مفيش راحه.. دي حتى تمارا بدأت تضايق من اهمالي ليها الفتره دي..وانهردا هتحجج بأي شكل علشان أرجع البيت بدري شويه..
آدم مراد : بتفهم.. فعلاً أنت الفتره دي مبقناش نشوفك كتير..طيب متاخد أجازه.. وتسافر أنت وتمارا..
آريان : ابتسم بصمت.. للأسف مش هينفع.. الحمل هيكون كبير ع بابا..مابين الشركات والمصنع الجديد. وكمان شغل جدو طارق..ده غير نصيب ناناه ملك.. اللي رافضه أنها تصفي حساباتها..
مع إن بابا آدم طلب منها كتير تصفي حساباتها وتاخد نصيبها وتضمه لحساب عمى مالك و آسر..لكن هي رفضت وقالت كل حاجه تمشي زي ما اتعودت..والايرادات بتتحط ليها ف البنك..
آدم مراد : مط شفايفه اممم.. مسؤوليه كبيره فعلاً..
آريان : مسح وشه بأيديه ونفخ بحيره..
آدم مراد : بص ف الساعه.. وقام وقال..طيب انا هروح أسلم على عمتو ريتال واطلع على الجهاز.. مش عايز حاجه..
آريان : هز راسه.. سلامتك..!!
آدم مراد : خرج من المكتب..وماشي يفكر.. وسلم ع ريتال ورجع على شغله في الجهاز..
——————بقلمي مريم نصار.
مساءاً في فيلا العدوي..
كل العيله متجمعه عند الإمبراطور..
آدم واميرته.. ومراد وعيلته وفهد وعيلته وزين وعيلته. ومحمد ونور. و آريان وتمارا.. وتيم وميرو..
محمد : حط فنجال القهوة وقال..ياااه إنما حتة عشوه..بجد تسلم أيديهم..
مريم : ابتسمت بحب وقالت.. ألف هنا ع قلبك يابن قلبي.
محمد : بضحكه.. تسلمي يا أجمل مريومه.. ومتجمعين ديما ف الخير..
كلهم آمين..
آرين : بمرح بجد بجد كان الأكل تحفه. وأنا بقى اتبسط أكتر علشان كنت بتعشى وانا قاعده جمب الإمبراطور..واو..
آدم : أبتسم بمكر.. وأنا أقول العشا انهردا مميز ليه؟ اتاري علشان آرين حبيت جدها جمبي..
ميرو : بتمثيل الغيره.. أحم احم نحن هنا..
الكل ضحك..
آدم : أبتسم.. أنتي عارفه بقى انتي عندي ايه ولا ايه؟
ميرو : بثقه وحب.. طبعاً.. وده أجمل دافع لاني أكمل.. وكمان عندي لحضرتك وماما مريم هديه بسيطه..ويارب تعجبكم..
مريم : بحب..وجودكم حواليا كدا بخير..دي أعظم وإغلا هديه..
ميرو : أبتسمت.. ووجود حضرتك وبابا آدم..هو اللي مكملنا..
آرين : بتذمر.. اوكي اوكي سكوت من فضلكم.. عايزه اعرف ايه الهديه بقى..علشان أنا كدا لازم اجيب بكره هديه انا كمان. وبابي حبيبي اللي هيساعدني فيها.. صح يابابي؟
فهد : بضحكه..صح ياعيون بابي..
آدم مراد :………….!!! سرحان..
تيم : بابتسامه..قدميها ياحبيبتي..
ميرو : حاضر..وفتحت شنتطها..وطلعت شنطتين هدايا صغيرين.. وقامت قعدت بين آدم ومريم.. وقالت بحماس.. طبعآ انا من زمان وعدت حضرتك إن أول كشف نضاره أعمله هيكون ليك ولماما.. ودلوقتي أنا عملتهم ودول لحفظ النظر وهتساعدكم على القراءه. وهتريح عيونكم.. اتفضل دي نضارة حضرتك يابابا.. واتفضلي ياماما دي نضارة حضرتك..ويارب تكون الهديه البسيطه دي عجبتكم..
آدم : مسك النضاره وبص ليها كتير.. وأبتسم بفخر كبير.. وإن تعب السنين جه بفايده.. وهز راسه ليها وابتسم وقال..دي من أغلا الهدايا لقلبي ياروحي..
ميرو : بسعاده..ميرسي جدآ يابابا..
مريم : ضحكت بدموع وقالت..ماشاء الله تبارك الرحمن.. تسلم ايدك يا نور عيني.. والله أنا فرحتي بيكي أكبر من مليون هديه.. وتعبك وتعليمك جه بفايده وربنا عوضك خير..تسلم ايدك..
ميرو : بفرحه..بجد انا مبسوطه اوى انكم فرحتوا أوي كدا..
فريحه : بسعاده.. كلنا فرحانين بيكي ياحبيبتي..
ميرو : بضحكه ربنا مايحرمنيش منكم ابدا.. أنا كمان عملت نضارتين لبابا طارق وماما رنا.. ولسه هعمل لجدو اشرف وجدو جاسر..
مراد : بسعاده وهزار.. وأنا يابت ياميرو مفيش نضاره كدا لابوكي علشان يقدر يصيب الهدف..ولا ايه يافهد..
فهد : بمكر.. وأنت محتاج.. ماشاء الله ده أنت الصقر..
مراد : بكبرياء..كل ده من أكل الجزر..!!
فهد : بضحكه..يبني بيضحكوا علينا الجزر مالوش علاقه بتقوية النظر إلا بنسبة ضئيلة جدا.. مش كدا يادكتوره مريم؟
مريم : فعلاً ياخالو..كلام حضرتك مظبوط.. لأن الجزر بيحتوي على فيتامين أ
والعين والجسم عموماً لازم يتغذا على جميع الفيتامينات والمعادن.. ولتقوية النظر المفروض الناس تهتم بأكل الخضروات الورقية وخصوصاً السبانخ.
والمكسرات وخاصة اللوز.. والبقوليات وفيتامين سي زي البرتقال والليمون.. وكمان الجوافه ليها دور فعال في تقوية النظر. والأهم من كل ده.. شرب معدل كبير من الميا..
مراد : أبتسم بفخر..وقال لا تمام تمام..نشرب ميا وناكل لوز..
وهمس ف ودن فهد وقال .. اشرب ميا يافهد علشان أنت نظرك في النازل.. مبقتش تعرف تشوف كويس.. وده بدأ يأثر على مخك.. (ويقصد آدم و آرين)
فهد : أبتسم بغيظ. وقال.. طول ما أنت في وشي لازم الواحد يكون عندو شيزوفيرنيا..مش ضعف نظر وبس..!!!
الكل قاعد مبسوط وبيتكلموا ويهزروا مع بعض.. لكن آدم مراد..ساكت.. والكل لاحظ شروده.. حتى آرين اضايقت منه.. لأنه ساكت طول الوقت..
فريحه : مالك يا آدم ياحبيبي..من وقت العشا وانت ساكت لحد دلوقتي..الكل قاعد بيتكلم ومبسوط وأنت في عالم تاني خير يا حبيبي مالك؟
آدم مراد : أنتبه.. وأبتسم وقال.. أبدا يا أمي مفيش حاجه.. أنا مركز معاكم..
مريم : بحيره..مالك يا نور عيني لأ في حاجه شغلاك؟
آدم مراد : هز راسه وقال. فعلاً ياماما..
مريم : خير يا حبيبي قول ايه إللي شاغل بالك؟
آدم : بعدم فهم..مالك ياحفيدي..
آدم مراد : بثبات..بابا أنا كنت عايز أطلب من حضرتك.في وقت إجازتي.. إني عايز انزل الشركه..
الكل بص لبعض بعدم فهم..
مراد : كشر عينيه وقال بإستفهام..تنزل الشركه؟
آريان : بص ل آدم..وفهم تصرفه.. وابتسم..
آدم : ………..!!!
آدم مراد : أيوه يابابا.. أنا شايف إن المسؤولية كبيره جدا ع آريان.. ما بين الجامعه. والشركه.والسفر. وأنا ببقى فاضي اكتر الأوقات..
إلا بس لما بطلع مأمورية..
هو مجرد إقتراح علشان نراضي جميع الأطراف.. وده بعد إذن بابا آدم وعمي زين طبعاً..
آدم : ……..!!!!
زين : بحماس..وليه لأ يا آدم يبني.. ده يوم المنى لما أشوفك انت و آريان أيد واحدة.. طيب تصدقوا بالله..
كلهم لا اله إلا الله..
زين : إني كنت بتكلم مع ريتال من يومين.. وبقولها لو الواد آدم ده سمع كلامي من صغره واشتغل معايا واستلم الشغل هو و آريان..هيريحوني..
ريتال : فعلاً زين قال كدا..
زين : ايه رايك ياحج..
آدم : مط شفايفه وقال.. مفيش أي مشكله..لكن مش عايز حاجه تأثر عليك يا آدم..
آدم مراد : بثقه.. أنا قدها إن شاء الله يابابا..
محمد : تسمحولي أتدخل.. وأقول إنك نادر جدا يا آدم..ورغم صعوبات عملك.. إلا إنك بتفكر في مصلحة غيرك.. ولكن عندي سؤال ليه أخدت الخطوه دي؟
آدم مراد : أبتسم..شكرا جدا يادكتور..
والخطوه دي اخدتها من بعد ما شوفت قد ايه آريان بيتعب.. وأنا شغلي باخد فيه إجازات بعد أي مهمه.. وأوقات برجع من الجهاز بدري..ومبلاقيش حاجه أعملها غير اني بتدرب.. يعني أوقات كتير بيكون عندي وقت فراغ.. ففكرت إني ف الوقت ده ممكن أريح آريان شويه..
تمارا : قلبها بيرقص وفرحت..
آريان : أبتسم..طول عمرك راجل ويعتمد عليك يا صحبي..
فهد : …………!!!
مراد : بهمس ل فهد. شوفت ياحوت..قدامك فرصه.. بدل ما تيجيلي برجليك وتتحايل عليا وتقولي مفيش ارجل من إبنك..وارجوك وافق وجوزو إبنك لبنتي..!!
فهد : صك ع أسنانه بغيظ وقال.. أنت مستفز من الدرجه الاولى..
مراد : بمكر..مستفزززززز. ههههه. الا قولي يافهد.. هو امبارح الامبراطور كان عايزك ليه في المكتب..!!
فهد : كان عايزني في………!!! وأنت مالك مدام مقولتلكش يبقى مش عايز اقول..
مراد : بأستفزاز.. اصل انا عارف ليه.. بس نسيت اقولك اني كلمت مريم الجزار..وهي اتكلمت مع الإمبراطور.. وأنت عارف بقى لما أميرة آدم بتتمنى حاجه.. أمبراطور قلبها بينفذ.. ولا ايه يافهودي..
فهد : كشر عينيه بغيظ وقال.. نفسي ارحلك بره مصر أنت وابنك..
مراد : بخبث..و آرين مرات أبني معانا إن شاء الله..
فهد : يخربيت برودك يامراد..
مراد : أحلا مراد دي ولا ايه.. وضحكوا..
——————بقلمي مريم نصار.
آدم : هز راسه وقال تمام..وقت ما تحب تبدأ..تعالى عندي المكتب وأنا هشرحلك أسس سليمة تمشي عليها في مجال الأعمال..
وطبعا الامبراطور اكتر واحد مبسوط من قرار حفيدو المفاجئ..
آدم مراد : هز راسه تمام يابابا..
آرين : قلبها بيرقص من حبيبها إللي الكل فخور بيه..وهي أولهم..
مريم : بسعاده..همست ل آدم.. وقالت.بقولك إيه يا آدم..
آدم : قولي ياروحي..
مريم : بحماس..بما إننا كدا كلنا قاعدين ومتجمعين ومبسوطين.. إيه رأيك بقى تاخد فهد ع المكتب وتتكلم معاه وتحدد وقت علشان نتقدم فيه رسمي ل آرين..
ماهو بصراحه انا مش قادره أصبر أكتر من كدا. لولا أنت منبه عليا متكلمش مع حد من البنات في الموضوع ده..
آدم : ضحك بصمت وقال..كنتي عرفتي الكل طبعاً مش كدا يا أميرتي.؟
مريم : بثقه.. طبعا..ونخبي فرحتنا ليه؟ حفيدي زينة شباب الدنيا كلها..وحفيدتي مفيش منها اتنين.. وفوق كل ده الحب والود موجود بينهم.. يبقى ليه نعذب الولاد.. ولا هنعيد قصة محمد وفهد زمان؟
آدم : أبتسم. وقال بخبث.. لأ أنتي عندك حق..بما إن الحب موجود يبقى خلاص اتكلي على الله..
مريم : بعدم فهم..ونعم بالله..بس أتكل على الله إزاي مش فاهمه؟
آدم : بمكر. تقومي زي الشاطره..وتاخدي جوز بنتك.. وتتكلمي معاه.. وأنا واثق كلمتين منك..فهد هيوافق ومش بعيد يقولك نكتب الكتاب يا سلطانه..
مريم : بتفكير..تفتكر اقدر اقنعه؟
آدم : بثقه.. أنتي يلين ليكي كل المواد الصلبة.. مش تقنعي وبس..!!
مريم : ضحكت بحب..وقالت..يسلملي كلامك الحلو ده..
آدم : بخبث..طيب كفايه بقى همهه بيني وبينك علشان محدش يفهمنا غلط..مع أني بتلكك..وغمز.
مريم : فتحت عينيها بزهول..وقالت أنت ايه يا آدم بعد كل العمر ده.. ياراجل إحنا عجزنا.. عجزنااا.. الله يهديك يا آدم..
آدم : بضحكه..يارب.. يلا قومي خدي الواد ابو دماغ حديد ده ولينيها.. وخدي معاكي الدكتور محمد.. وارجعوا بالموافقه..
مريم : بتمني..يسمع من بوقك ربنا.. وقامت.. وقالت.. فهد يانور عيني..عايزاك في كلمتين في الصالون.
فهد : قلبه حس أنها هتكلمة بخصوص آدم و آرين.. وقال حاضر يا ماما.. وبص ل مراد..
مريم : بحب.. يحضرلك الخير كله يارب.. وأنت كمان يادكتور محمد..تعالى معايا..
محمد : قال..بس كدا.انا تحت امرك ياست الكل..
فهد : جه يقوم..
مراد : مسك دراعه.. واتكلم بجديه..وقال.. خلي بالك انا بفوت بمزاجي..علشان عارف قد ايه انت بتحب بنتك.. ولو حد غيري كان زعل منك..بس انا لأ..حتى لو رفضت ابني برضو مش هزعل منك. ولا هلومك. لأن كل واحد حر في حياته..
لكن عايزك ترجع بالزمن لورا من حوالي ٢٠ سنه.. لما كنت أنت بتحب اختي لارين.وشوف أنت عملت إيه علشانها.ومحدش فينا أعترض ولا قالك أنت بتعمل ايه علشان كلنا مجربين يعني ايه حب..
وانا حبيت فريحه.. والدنيا ماشيه زي الفل..علشان أهالينا كانوا عايزنا مرتاحين البال.. فكر في مصلحة بنتك يافهد.. أنت لازم تكون مأمنها مع شخص يصونها ويقدر يحميها..!!!
فهد :…………!!!
Автор: Меріам Насар
ف الصالون..
مريم قعدت وقالت..تعالى جمب مني هنا يافهد.. وأنت كمان عايزاك تحضرنا يامحمد يبني..
فهد : قعد. وباله مشغول بكلام مراد..
محمد : قعد..وقال..خير يا ست الكل..
مريم : هو خير إن شاء الله.. وبصت ل فهد وقالت.. آدم حفيدي حابب أنه يرتبط بشكل رسمي..
محمد : بفرحه.. طيب والله ده احسن خبر..
مريم : بابتسامة حب..حفيدي عايز يتجوز آرين بنتك يافهد يبني..
فهد : بلع ريقه بغصه….
محمد : بأعجاب.. أممم آرين.. ماشاء الله..وبص ل فهد..
مريم : حست بفهد..وربتت على ايدو وقالت بحنان.. أنا حاسه بيك يافهد.. أنا أكتر واحده حاسه بيك.. يوم جوازة مراد وزين كان قلبي ده بيتعصر علشان ولادي هيبعدو عني والبيت هيفضى.. لكن عمك آدم قالي إن دي سنة الحياة. ولازم الحياة تمشي.. مش علشان بنحب ولادنا.. نقرر مصيرهم.. وأنا سمعت منه..وسبتها على الله.. وأول ما فريحه ربنا رزقها بالحمل..جت وقعدت هنا ف بيتها. وكمان ريتال..
مش عايزه اقولك يافهد قد ايه قلبي كان فرحان.. فرحان أوي..بولادي إللي حواليا وكمان زوجاتهم.. والاحسن من كل ده.. اول ما شيلت أول حفيد.. هو كان تيم إبن قلبي.. وأول إسم مريم سمعتها منه.. خطفتني..
وبعد كده ربنا رزقنا بميرو وباقي الأحفاد.. فرحتي باحفادي اكتر مليون مره من فرحتي بولادي..
وأنت يانور عيني..عايش جمب مننا.. وآرين إن شاء الله.. هتبقى جمب منك ديما..
ده أنت لما تفتح بس الشباك هتشوفها قصاد عينيك.. يعني لا هتسافر ولا تبعد عنك.. مش نفسك كده يبقى ليك أحفاد ينورو حياتك وعيلتك تكبر..
وكمان آدم حفيدي أنت عارف ومتأكد في قرارة نفسك أنه اكتر واحد هيحافظ عليها. ويصونها.
وآرين تربيتي هي و آدم..زي ما ربيتك أنت وباقي أخواتك.. يعني سلسال الحب والود متوارث هنا في مملكتنا..
محمد : بتأكيد.. فعلاً.كلامك كله صح. وأنا لو عندي بنت تانيه.. وآدم لمح بس..هوافق من غير تردد.. يكفي أنه جه على نفسه علشان يشيل الحمل مع آريان..ويريح عمه زين.. وكمان واخد باله من أفراد عيلته..
آدم مراد..ماشي على خطى آدم العدوي.. واتمنى بجد تفكر ومتتسرعش في الرد يافهد.. لأنك مش هتلاقي أحسن من آدم مراد..
فهد : غمض عينيه..وقال بوجع وكأنه قلبه بيتقسم.. هو مش عارف ليه الإحساس ده.. لكن شاف قدامه مستقبل بنته..وقال بغصة.. موافق..!!!
بعد أسبوع….!!! ———
بعد أسبوع..
عند فهد..
رينو : بتساعد فهد في اللبس..ومبسوطه.. وقالت. يعني خلاص آخر كلام وأنك اديتهم ميعاد لبكره..
فهد : أبتسم بتمثيل..وحاول يتعايش.. وقال.. أممم بكره..
رينو : حطت راسها ع صدرو وغمضت عينيها وقالت بسعاده.. أنت متعرفش أنا مبسوطه اوى قد ايه؟ بجد آدم العريس المناسب ل آرين بنتنا..
تعرف آركان ابنك اول ما عرف..فرح جدآ.. وقال. آدم هيقدر يحافظ على أختي..
بس أنت ليه يافهد طلبت مننا منقولش ل آرين..
فهد : نفخ بخنقه وتعب..وقال.. ده طلب عمي آدم. وقال سبني أنا أخد رائيها..علشان عارف إني….!!!
رينو : رفعت عينيها ليه وقالت..بالعكس.. أنت أنسب واحد تاخد رأي آرين..
فهد : هز راسه لأ.. أحم.كدا أحسن.. ولسه محدش يعرف من العيله.. مراد قال إنه هيروح لبابا انهردا بليل وياخد رائيه..ويتفقوا ع ميعاد علشان الكل يكون موجود عندي بكره..
رينو : حست بيه..وحطت أيدها ع خدو..وقالت.. آرين هتفضل ديما جمبنا يافهد.. دي الفيلا جمبنا ع طول.. يعنى خطوتين وتكون عندك..
فهد : أبتسم بتمثيل.وهز راسه ليها.. وقال أنا اتأخرت على مركز التدريب..ولازم أمشي..
رينو : بابتسامة حب..ربنا معاك وترجعلي بخير..
——————بقلمي مريم نصار.
فيلا العدوي..
آدم مراد : خارج من مكتب جدو.. ومبتسم..
مريم : قابلته بضحكه صافيه.وقالت. ياااه أخيرا شوفنا ضحكتك الجميله دي..
آدم مراد : باس ع أيديها الأتنين وقال..من هنا ورايح مفيش غير الضحكه الحلوه لعيونك انتي وبس يا اجمل ماما مريم في المملكة..
مريم : ربتت ع صدرو بحنان..وقالت. تدوم ضحكتك. وتدوم حياتك ويرزقك سعادة الدارين يانور عيني..
قولي بقى.. أنت رايح ع فين كدا وأنت لابس ومتشيك.. ماشاء الله تبارك الرحمن..
آدم مراد : بابتسامة حب.. رايح لضيي..
مريم : كشرت عينيها وقالت ضيك؟
آدم مراد : بضحكه..مش أنتي أميرة آدم.؟ آرين بقى تبقى ضي آدم..
مريم : ضحكت بدموع..وقالت .الله جميل اوى اوى يا آدم.. ربنا يجعلها ديما الضي إللي بتنور حياتك من أي عتمه.. روح ياحبيبى.. روح ربنا معاك..
آدم مراد : هز راسه ليها بابتسامه.. وخارج..
Автор: Меріам Насар
عند فهد..
رينو : عايزاك توحد الله كدا وسيب كل حاجه على الله..
فهد : باس جبينها.. وقال..ونعم بالله..خلي بالك من نفسك و آيو..
وودعها وخرج..
رينو : بتقفل الباب ورايحه تشوف آيان.. لكن وقفت مكانها..وحطت أيدها ع قلبها وقالت.. ياستير يارب.. إيه قبضة القلب دي..
Автор: Меріам Насар
بعد شويه..
آدم مراد : فتح باب العربيه..وفونه رن..وكان حرس آرين في الجامعه..
آدم مراد : رد عليه..وقال خير بتتصل ليه؟
الحارس : بلع ريقه بتوتر..وقال معمل الجامعة سمعنا إن حصل فيه اشتعال مواد كيميائية..!!
و آرين هانم هي إللي كانت في المعمل وإصابتها خطيره..!!!
آدم مراد : الفون وقع من أيدو..وهمس برعب.. آرين…..!!!
و واقف مصدوم وشريط آرين بيمر قدامه.. وقلبه بيدق بسرعه غير المعتاد..
وبيتنفس بصوت عالى.. وعينيه تايهه يمين وشمال.. وهمس بتيه..آرين…!! آرين.. وفتح عينيه ع الآخر.. وركب العربيه وساق بسرعه كبيره جدا..لدرجة إن صوت العربيه كان عالي جدا.. وكل إللي موجود انتبه على صوت العربيه..
آدم مراد : سايق..ومش شايف قدامه.. ولا سامع غير صوت آرين وهي بتتكلم معاه بطريقتها الطفولية..
وحط ايدو ع راسه بحيره كبيره.. ومش مستوعب إللي سمعه.. اشتعال كيميائي. دي كارثه..!!
قلبه بيدق بخفقان رابع مره تعيش إحساس الرعب والخوف يا آدم…!!
وضرب الدريكسيون بقوه..وقال بصوت عالى.. لااااااااء..
——————بقلمي مريم نصار.
ف الجامعة.
مصطفى وچود ماشيين في حرم الجامعة..
واستغربوا..
چود : بتعجب.. مصطفى ناس كتير بتجري ناحية المعمل اللي عند علوم.
مصطفى : بتفكير أيوه..بس ياترى في إيه؟
چود : الفون وقع من أيدها..وقالت بخوف.. م… مصطفى.. الدكتور آريان بيجري بسرعه ع المعمل ليه؟
مصطفى : شاف آريان..وفتح عينيه بصدمه وبص ل چود..وقال بقلق..معقول تكون.. آرين..!!!
حياة : بتجري وبتعيط.. الحق يامصطفى.. آررريييين.. اريييين يامصطفى..
مصطفى : مستناش وجري بسرعه كبيره..
چود : برعشه..مالها آرين يا حياة؟ مالها اتكلمي..
حياة : بشهقات.. أنا كنت رايحه ل آرين المدرج.. واتصلت عليها لما مالقتهاش..وقالت إنها في المعمل.بيعملوا تجارب كيميائيه. وقولتلها طيب أنا هستناكي قدام المعمل.. وروحت وقفت شوية.. و آسر جه وسمعنا صوت تكسير في المعمل وصريخ من البنات.. وجريو من المعمل.. وبنت بتصرخ وقالت آرين السيوفي جوه هي وبنت تانيه..
و آسر منعوه من الدخول. وجريت سألت البنت.. قالت هي والبنات منعرفش ايه إللي حصل.. في بنت داخله تجري متأخره وخبطت في آرين وهي بتضيف المواد الكيميائية بحذر شديد. لكن واضح لما البنت خبطت فيها الأنبوب كله وقع ع الماده القابله للاشتعال..وحصل اشتعال و آرين والبنت اتصابوا.. أنا خايفه اوي على آرين يا چود..
چود : سمعت من حياة..وقلبها بيدق بسرعه..وجريت ع المعمل..
في نفس الوقت عند المعمل..
آسر : بزعيق وسسسسع بقولك أختي جووووه..
الأمن : منقدرش يا استاذ دي مسؤوليه.. أنت مش شايف النار.. إحنا طلبنا الإسعاف..والدكتوره جاية دلوقتي تعمل الإسعافات الأولية..
آريان : بيجري بسرعه.. وزق الأمن ودخل بسرعه.. و آسر دخل وراه..
آريان : فتح عينيه بصدمه..والدموع اتحجرت في عينيه..وقلبه بيدق برعب..
آرين : واقعه على الأرض ووشها وحجابها محروقين.
وجنبها بنت وشها و ونص جسمها تقريبا محروق بطريقه بشعه.
آريان : جري بسرعه كبيره وقعد جنبها..وقال برجفه وخوف اء.. آرين.. آرين..!!
آرين : ………!!
آسر : شافها وفتح عينيه بصدمه كبيره..وهمس مستحيل..
مصطفى : زق الناس إللي واقفه ودخل بسرعه..وبيكح من الدخان..لكن وقف مكانه بصدمه.. من شكل آرين…
چود : دخلت وصرخت بصوت عالى.. آرييييين.. لاااا. آرييييين..!!! وخبت وشها بأيديها..
مصطفى : خبا چود في حضنه.. وعينيه تايهه على آرين..
آريان : رفع ايدو برعشه..وعايز يفك الحجاب..ونزل أيدو تاني..
آسر : بعدم استيعاب..شيل الحجاب يا آريان.. وش آرين متبهدل..وكدا غلط.
آريان : دموعه نزلت ع خدو وقال بوجع.. لأ الاسعافات الأولية..ميا وبس مينفعش اشيل اي حاجه. وزعق بسرعه هااااتو مياااااا..
——————بقلمي مريم نصار.
في مركز التدريب..
فهد : بيدرب الفريق.. ومعاه مراد..
مراد : شاف الفون وقال..ولا يافهد..چود بنت أخوك بترن عليك..
فهد : هات كدا يمكن محتاجه لحاجه.. ورد عليها بابتسامه.. حبيبة عمها..عامله ايه..؟
چود : بعياط يقطع القلب.. ألحق آرين ياعمو فهد.. ألحق آرييييين آرجوووووك..
فهد : بدقات قلب بطيئة..وخوف وبينهج..ما…مالها آرين ياچود..!!!
چود : بتعيط ومش فاهم منها حاجه..
مراد : سمع صوت فهد وشاف ملامح الخوف..واخد الفون من فهد..وقال..ايوه ياچود. أنا عمك مراد.. آرين مالها.. اهدي بس مش فاهم منك حاجه..
چود : قالت ليه ع كل حاجه..
مراد : رفع عينيه بصدمه..وقال.. أنتي بتقولي إيه؟ أنا جاي حالا.. وقفل ولف وملقاش فهد..
مراد : أخد الفون بتاعه..وجري بسرعه كبيره..وعايز يحصل فهد لكن استحاله..
وخرج من المركز..وشاف عربية فهد على آخر مرمى بصره.. وركب العربيه بتاعته وساق بسرعه كبيره يحصل فهد..
——————بقلمي مريم نصار.
عند المعمل..
مصطفى : بيجري وقال الميا وقماشة مبلوله اهي يادكتوره..
آريان : أخد القماشه و سلمها للدكتوره..
والدكتوره حطتها على خدها اليمين إللي اتحرق.. وكمان البنت التانيه..
و آريان قلبه مش مطاوعه..وبيفكر في عمته لارين..
الدكتوره : بقلق.. الإسعاف يجماعه كدا مش هينفع لازم الحالتين يتحولو على مستشفى الحروق بسرعه..
آريان : بقلق ولهفه.. أنا هاخدها بالعربيه كدا أسرع.مفيش حل غير ده.. وبيقرب منها علشان يشيلها..
آدم مراد : بعيون بلون الدم..مسك أيد آريان..ورجعها مكانه..وعيونه ع آرين..
آريان : شاف آدم وقلق أكتر من شكله..وعرف امتى وازاي؟
آدم مراد : في حالة صدمه ورعب..ونزل ع ركبه جمبها. وباصص عليها..وقلبه إللي كان يشبه البلوره الكريستال من ساعه واحده بس.. دلوقتي اتكسر لمليون حته..
. وقال بصوت مبحوح..اء… آرين..!!! آرين…!!!
چود : بعياط هستيري ألحق آرين يا آدم.. لازم تروح المستشفى دلوقتي..
آدم مراد : عينيه على خدها اليمين وجمب عينها وجبينها.وكف أيديها الأتنين.وغمض عينيه..وصرخ بصوت من نار.. آرييييييييين…!!!
مصطفى : زعلان جدآ. وبيهون ع چود..
حياة : هتموت من العياط..
آريان : حط ايدو ع كتف آدم.. وقال.. قوم يا آدم. قوم خد آرين على المستشفى بسرعه.. الإسعاف أتأخر..
آدم مراد : فتح عينيه بقوه..وشال آرين بين ايديه.. وقام بيها.. وعينيه عليها..وخرج بسرعه كبيره.. ونيمها في الكرسي الخلفي.. وركب وطار بالعربيه.. وجواه نار تحرق الدنيا.. وبص عليها من المرايا.. وعيونه لمعت ودموعه نزلت ع خدو لتاني مره.. ومسح دموعه.. وساق بسرعه..
وعربية الحرس ماشيه ورا آدم..
آريان : أخد البنت التانيه وقال تعالى معايا يا آسر..
آسر : هز راسه حالا يلا.. وشد حياة من أيدها وقال.. تعالى معايا وبطلي عياط وإن شاء الله كل حاجه هترجع زي ما كانت..
مصطفى : يلا ياچود..وبالله بطلي عياط.. علشان نعرف نفكر إيه اللي حصل.. وسندها ومشيو. وسط شهقات من چود..ومراد اتصل عليها..
وبعد دقايق كل العيله عرفت من حياة وچود والكل اتصدم.. واتحركوا ع المستشفى..
——————بقلمي مريم نصار..
فيلا العدوي.
رينو : واقفه على باب الفيلا. وقلبها كان هيفف..لما سمعت صوت عياط فريحه وهي بتقول والله معرف حاجه ياريتال.. چود كانت بتتكلم وهي قاطعه النفس.. واللي فهمناه منها.. إن آرين حلصها حادثه في المعمل وحروق شديده في وشها وآدم حالا نقلها للمستشفى.
وفربحه سمعت صوت حد وقع ع الأرض.. و آيان وقع وبيصرخ..
فريحه : لفت..وصرخت بصوت عالي.. لاريييين.. لاريييين.. وجريت عليها..
تمارا : جريت بسرعه وشالت آيان.. وبتعيط.. وصرخت بصوت عالي.. اركااااان.. يا اركااااان..
فريحه : نزلت على الأرض جمب رينو..وبتفوقها وبتعيط..
آركان : سمع صوت تمارا. وجري بسرعه.. واتصدم.. ماماااااا.. وشالها بسرعه وحطها على كنبة الليفنج.. وبيحاول يفوقها.. وقال بخوف.. إيه اللي حصل ياعمتو لماما..
فريحه : بعياط.. أكيد سمعتني..
آركان : سمعت إيه؟ وبابا آدم وماما مريم خرجوا مع شاهين بسرعه كبيره..في ايه بالظبط؟
تمارا : بوجع..قالت ل آركان..!!!
آركان : رفع عينيه ليها بصدمه اكبر من اي وقت.. ودموعه اتجمعت في عينيه..وهمس آرين…!!!
Автор: Меріам Насар
——————بقلمي مريم نصار.
فهد : سايق بسرعه.. وقلبه هيقف من القلق..
ومراد سايق وراه وعايز يحصله بأي طريقة..
بعد دقايق..
مراد : حصله وقال قصاد الشباك بصوت عالى.. فهد. اطلع على مستشفى النووور.. آرين في طريقها هناك..
فهد : سمع صوت مراد لكن مردش عليه.. وغير مساره ع المستشفى.. والدموع اتحجرت في عينيه. وقلبه جواه بركان مش هيخمد غير لما يشوف آرينه قدام عينيه..
مراد : ماشي في طريقه للجامعه.. ووصل الجامعه.. ونزل وراح عند المعمل..
مراد : بصوت من نار.. اناااا عايز اعرف ايه إللي حصل.. ومحدش يقولي إنه إهمال..علشان مولعش فيكوا كلكوا بسبب الاهماااال..
الأمن : بقلق..والله ياسعادة الباشا الطلاب قالوا إللي حصل بالظبط..
مراد : بأمر.. عايز كل إللي كان موجود في المعمل.. وأولهم دكتور الماده اللي كانت عندهم.. اتحركووااا..
بعد شويه حصل هرج في الجامعه..ومعيد وعميد
الجامعه نزلوا بسرعه للمعمل.. ورئيس قسم الكيميا..
ودكتور الماده.. والطلاب..
مراد : بص ع البنات والشباب.. وقال بحزم.. مين فيكم زميل آرين..!!
الكل : …………!!
مراد : رفع حاجبه وقال إيه؟ مالهاش صحاب هنا ف الجامعه؟
زهره : بنت محجبه وسمرا قالت بخوف ودموع.. انا لكن انا محولا السنه دي في الجامعه هنا. واتعرفت ع آرين. وحبتها جدآ.. وهي الوحيده إللي تقبلتني وبتعاملني زي أختها واكتر.. واللي أعرفه إن لمار كمان صحبتها..
مراد : هز راسه..تعالى يازهره..وزعق وفين لمااار؟
لمار ؛ برجفه. اء.انا اهو حضرتك..
مراد : بجديه..ايييه مبترديش ليه من بدري؟ ولا لازم حد يطلع يفكرك أنك صحبت آرين؟
لمار : بعياط..لا والله أبدا حضرتك.. أنا بس مش مصدقه إللي حصل.. آرين دي اختي التانيه.. أنا مش مستوعبه ازاي ده حصل معاها..
مراد : مسح وشه بايديه ونفخ بخنقه..وقال تعالي يازهره..
زهره : قدمت خطوه..وعياطها يقطع القلب..وقالت نعم حضرتك..
مراد : جواه غضب كبير..لكن قال بثبات.. أنتي كنتي موجوده مع آرين من بداية اليوم مش كدا؟
زهره : بتأكيد وشهقات..ايوه حضرتك. ومستعده لأي حاجه..
مراد : بتنهيده..طيب احكيلي إللي حصل بالظبط..
زهره : مسحت دموعها وقالت.. أنا كل يوم أول ما أوصل الجامعه بلاقي آرين واقفه جمب الكافتيريا مستنياني.. وأنا سلمت عليها وطلعنا المحاضره.. وبعد كده الدكتور. طلب مننا ننزل المعمل لامتحان كيميائي عملي..
و آرين فرحت واتحمست جدآ.. وقالتلي أنها بتحب جدآ التجارب..
ردت عليها لمار وقالت.. انا مبكرهش قد المعمل ده.. عندي النظري أحسن من العملي..
ردت عليها آرين وقالت..والله دي هوايات.. وأنا بحب اوي أي تجارب.. وبعد كده نزلنا المعمل وأحنا مبسوطين..
الدكتور قال لينا وحظرنا إن الأنبوب فيه ماده قابله للاشتعال..يعني نحط بنسب متساوية زي ما موجود قدامنا في الشرح..وسابنا وخرج.. وقال ربع ساعة وراجع.. وياريت نركز علشان الدرجه..
وأنا كنت واقفه جمب آرين..
وبدانا في العملي.. وآرين بتحضر بتركيز كبير.. حتى جيت اكلمها. قالت متتكلميش غير بعد ما اخلص علشان عايزه أركز واجيب الدرجه النهائيه. وضحكنا. وأنا سبتها تركز.. واشتغلت مع نفسي..
وفجأة بنت زميلتنا دخلت بسرعه لأنها متأخره.. وماشيه بسرعه لكن ليقناها وقعت على آرين.. في نفس الوقت آرين كانت بتحط الماده القابله للاشتعال.. وحصل اشتعال شديد جه ف وش آرين. وأنا زقتها بعيد.. وباقي المواد وقعت على البنت التانيه.. والأمن طلعنا كلنا بره..
مراد : بيسمعها.. وكمان كل الطلاب أكدوا على كلام زهره..
مراد : هز راسه تمام.. وبص لعميد الكليه..وقال بجمود.. مش غريبه واحده ماشيه بسرعه عادي بتحصل.. لكن تقع على واحده وهي كمان عارفه أنها داخله معمل فيه مواد كيميائية؟ يعني أكيد هتكون حذره أكتر من كدا..
عميد الكلية : قال. أنا مقدر موقف حضرتك.. إحنا شغالين و بنحقق في الموضوع و مش ساكتين ده غير ان احنا قدمنا بلاغ والشرطه جايه فبرجاء ان حضرتك تهدي شويه واحنا هنتخذ الاجراءات اللازمه..ووارد برضوا يكون إهمال…..!!!
مراد : بتحذير..مش أنت اللي تقولي أهدى ولا لأ. ومحدش فيكوا يقولي إهمال. مفيش واحده عايزه تحرق نفسها..!!
واستبعدوا فكرة أنه يكون إهمال.. وإن بنت تخبط فيها بالغلط ويتحرقوا الأتنين مش داخله دماغي.. تمام.. وهحضر التحقيقات..
عميد الكلية : بتفهم..تمام اتفضل معايا على مكتبي..
بعد شويه من التحقيقات موصلوش لحاجه غير أنه قضاء وقدر.. واللي مكتف مراد.. إن مفيش كاميرات مراقبه في المعمل..!!
——————بقلمي مريم نصار..
مستشفى النور..
آدم مراد : شايل آرين..وجري بيها ع قسم الحروق..
نور : شافته.ومتعرفش مين إللي شايلها…وشهقت بصدمه وجريت وراحت بلغت محمد..
محمد : طلع بسرعه..
آدم مراد : ماشي بيها في الطرقه.. وتيم جاي مقابله في آخر الطرقه.. ووقفوا في نص الطرقه..
آدم مراد : واقف بينهج.. وعينيه كلها شرار وغضب..
تيم : دقق النظر وفتح عينيه بصدمه كبيره..وهمس بزهول.. آرين..!!!
وشد آدم من دراعه على أوضة الكشف بسرعه.. ومليون سؤال في دماغه.. ومش مستوعب فكرة إن دي أخته الصغيره إللي متربيه معاه وع ايديه..
آدم مراد : نيمها ع السرير..
تيم : جري عليها..وبص ع جرح وشها وجبينها وكمان رقبتها..
وقلبه انفطر عليها..و صاكك على أسنانه ومش عايز يبكي..لكن قال بغصه ودموع متحجره.. آرين مالها يا آدم..!!! وازاي ده حصل يااداااام؟
آدم مراد : واقف قصادها وعينيه عليها..وقابض ع أيديه بغضب العالم..
تيم : مسح وشه بأيديه.و انتبه.وقال لنفسه مش وقته ياتيم..الحق آرين الأول .وضرب الجرس بسرعه..
الممرضه : جت بسرعه.. افندم يادكتور تيم؟
تيم : بزعيق…بسرعه دكتور عزمي ابعتيه على هنااااا بسرعه.
. ( وده متخصص واستشاري كبير في علاج الحروق..وسنهُ فوق الخمسين سنه)
الممرضه جريت..
آدم مراد : مش عارف يغمض عينيه ولا عارف يفكر.. أول مرة يحس أنه مسلوب ومش واعي لأي شخص حواليه ولا اي حاجه..مش شايف غير آرين.. آرين وبس.. ضي آدم..ضي القمر.. ضي العتمه. ضي كل ضلمه جواه..!!
د/عزمي : جه بسرعه. وقال خير ياتيم يبني..
تيم : بلهفه وخوف..دكتور عزمي.. أختي..دي أختي ومعرفش امتى و ازاي..وحضرتك استشاري كبير.. ارجوك اعمل حاجه..بس بسرعه..
د/عزمي : حاضر يا ابني..والف سلامه عليها .ولبس النضاره..وقرب من آرين.. وبدأ يكشف عليها..ويعمل اللازم..باهتمام كبير..
تيم : مسك أيد آدم..وحاول يطلعه من الاوضه..لكن آدم متحركش خطوه.. وكان في عينيه ضعف اول مره تيم يشوفه..
واحتراما لمشاعر آدم تيم سابه..
بعد دقايق..كان محمد ونور وميرو في قسم الحروق.. ولما عرفوا
نور وميرو انهاروا من الصدمه.. وميرو بسبب الخبر ضغطها نزل واغمى عليها..
ومحمد طلب اكتر من متخصص واستشاري كبار يهتموا ب آرين..
آريان وآسر وحياة..جابوا البنت وطلعوها على فوق.. بيكشفوا عليها..
وبعد كدا.. شاهين وصل و آدم ومريم نزلوا بسرعه.. وقابلوا طارق ورنا..
وكل واحد فيهم.. قلبه الله يعينه على إللي هو فيه.. من قلق وخوف وتوتر.
آدم : وصل قسم الحروق.. والكل واقف ومترقب إللي هيحصل.. وامتى وازاي؟ وحصل بسرعه كدا؟
يعني بجد آرين اتحرقت؟ يعني الفراشه اتحرقت؟ ودبلت خلاص.
مريم : قاعده قلبها بينزف وحست بتعب.. ومحمد جاب ليها علاج.. ودموعها نازله سيل تحت النقاب.. ياترى لارين بنتها عرفت ولا لأ؟
وطارق ورنا نفس الحاله..
آدم : واقف بجمود..لكن قلبه مقسوم نصين وحزين فوق الوصف..
فهد بيجري في المستشفى ومش عارف بنته في أنهي قسم.. وبيشوف الموبيل لكن مش معاه.
وسمع بالصدفه..ممرضه بتقول بنت خالة الدكتور تيم وتبقى أخته التانيه.. جت هنا ف قسم الحروق..نص وشها محروق.. والقسم مقلوب فوق علشانها.. وعيلتها كلها فوق وشكلهم هيتجننوا عليها..
فهد : بصدمه كبيره وقلبه انقسم ميت حته..وهمس من غير وعي.. آرين بنتي…..!!! اتحرقت..؟!!!
——————بقلمي مريم نصار.
قسم الحروق..
الممرضات غيرت ل آرين. والدكاتره كشفوا عليها في وجود محمد.. وعلق ليها محلول لأنها في حالة اغماء..
وعطوها مسكن قوي علشان لما تفوق مش هتقدر تتحمل الألم..
وآدم مراد : واقف على نفس الحاله..
فهد بيجري بسرعه زي التايه وزي اللي ضايع منه جاحه كبيره.. وشاف نور واقفه بتعيط بحرقه.. وباقي العيله.. لكن بيدور فيهم على آرين..
الدكتور عزمي خرج..
والكل قام يطمن على حالة آرين..
فهد وقف مكانه..يسمع الدكتور..
نور : بعياط وترجي..طمني يادكتور عزمي بنتي حصلها إيه؟
د/عزمي : بأستياء.. للأسف..الحاله نصف وشها من الجزء الأيمن مصاب بحروق متواصله مع جبينها ورقبتها.. كل الجزئيه دي اتشوهت.. وكمان كف أيديها مصاب ببعض الحروق..
وكل الحروق دي من الدرجه التانيه.. وهتاخد معانا وقت من أسبوع ل ٢٠ يوم.
أنا هعمل إللي مطلوب مني طبعاً لآخر لحظة..كدكتور حروق..
والباقي على ربنا والدكتور تيم.. لأنها هتحتاج عملتين..
عملية ترقيع انسجه..وعملية تجميل ليزر.. وده هيحتاج مننا حوالي شهر متكامل..
آدم : واقف ومغمض عينيه وساكت..
مريم : بتبكي بحرقة قلب..وبتستجير بالله..
فهد : سمع كل كلمه قالها الدكتور.. وشريط حياته مع فراشة حياته بيمر قدامه..وعيونه لمعت بوجع كبير..
تيم: واقف جمب آرين..ومسح دموعه.. ولف ل آدم.. وشاف عينيه حمرا جدآ…و بؤبؤ عينيه تايه في ملامح آرين..والدموع متحجره.. وكأنه بيقسم لو ضيه حصلها حاجه..ليدمر كل حاجه وأي حاجه اياكانت..
تيم : تفهم غضب آدم..وسابه..وخارج من الاوضه..وعيونه حمرا من البكاء على جمال آرين إللي اختفى..وشاف فهد. وغمض عينيه لأنه عارف إن فهد مش هيتحمل إللي حصل لبنته..
الكل شاف فهد وخايفين من رد فعله..!!
فهد : ماشي بخطوات بطيئة وكأنه ماشي أميال. مع دقات قلب مختلفه..خوف وقلق ورعب وزهول وعدم تصديق.. حجات كتير جدا..
فهد : قرب من باب آرين..
تيم : مسك أيد فهد بسرعه .وقال استنى يافه……!!!
فهد : بهدوء سحب أيدو.ومردش ولا بص ع حد..!! وفتح باب الأوضه بتردد كبير….
آرين : فاقت وفتحت عينيها ببطء……
فهد : زق الباب ببطء ودخل خطوه…
——————بقلمي مريم نصار..
في غرفه خاصه..
آرين بتصرخ بهستريا..وقالت بعلو صوتها..أنا رفضاااااك..أنا مش عايزااااك في حياتي يا آدم. أبعد عنننني وأخرج من حياااتي..مش عايزه أشوفك تاااااااني. —–
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مملكة ميراث العشق)
