رواية مملكة ميراث العشق الفصل الثالث 3 بقلم مريم نصار
رواية مملكة ميراث العشق الجزء الثالث
رواية مملكة ميراث العشق البارت الثالث
رواية مملكة ميراث العشق الحلقة الثالثة
فيلا العدوي..
ف الليفنج..
فريحه : بحزن.قالت ل رنا…
مامي..آدم أبني اقنع بابي انه يرجع ع البيت بصعوبه..قومي انتى ارجعي البيت ياحبيبتى..بابي ف الطريق واكيد محتاجلك جمبه دلوقتي..!!
رنا : هزت راسها بتنهيده..ماشي يابنتي.. والحمدلله أنه وافق..لازم يرتاح شويه عشان يقدر يكمل..
فريحه : بتنهيده.. إن شاء الله.وطمنيني عليه..
رنا : بتتأمل البيت.وعيونها لمعت.وقالت. والله البيت من غيرهم مالوش لازمه.ومسحت دموعها..وقالت بتنبيه..
.اسمعي يافريحه انتي وريتال..انتو دلوقتي ف اختبار مهم..!!
و لازم تقومو بواجباتكم وتشيلو المسؤلية.خلو بالكم من نور ورينو وكمان تمارا و آرين..
كل واحده منهم أمها فيها ال مكفيها..انتي وريتال لازم تحطو ايديكو ف ايدين بعض.. والبيت يمشي زي ما مكان ماشي زي الاول..تشوفو مريم كانت معوادكم ع ايه وتفضلو ماشيين عليه.. العادات والتقاليد دي يابنتى لو اتغيرت صدقيني الدنيا هتتغير للاوحش..
وكل واحده تحتوي جوزها..وتراعي الظروف ال هو فيها..!!
طبعا انتو مش محتاجين حد يوصيكو بس انا لازم الفت انتباهكم ياحبايبي..وربنا يعدي الايام دي ع خير..
فريحه : بحزن..متقلقيش يامامي كل حاجه هتفضل زي ما هي..والبنات هنا بناتنا مفيش فرق بينهم..!!!
ريتال : مسحت دموعها..وقالت..متقلقيش ياعمتو.. تمارا و آرين ف عينينا..وكملت بوجع..بس نفسي اطمن ع زين..!!
فريحه : ربتت ع أيدها..انا عارفه انك عايزه تروحي ل زين الشركه تهوني عليه..قومي ياريتال..قومي روحي ل جوزك..!!
ريتال : بدهشه..بجد يافريحه؟ طيب.. طيب والبيت ورينو والبنات..!!
فريحه : ابتسمت بتمثيل. أنا هنا وهخلي بالي من كل حاجه. قومي ياحبيبتى..انا حاسه بيكي..!!
ريتال : بإمتنان..ربنا يباركلي فيكي يافريحه يارب.. بعد اذنكم..
واخدت الفون والشنطه. وجريت بسرعه ع الجنينه
.وركبت وقالت بلهفه للسواق.. اطلع ع الشركه الأم بسرعه لو سمحت..!!!
السواق :بإحترام.تحت امرك يا هانم.. واتحرك.
رنا : مسدت ع ضهر فريحه..ال واضح في عيونها الوجع لانها مش قادره توصل ل مرادها..وقالت ربنا يبارك فيكي ياروحي..ويريح قلبك..
فريحه : مسحت دموعها..واكتفت انها هزت راسها..
رنا :قامت بتعب.وودعت الموجودين.ومشيت مع رودي وچود..!!!
فريحه : غمضت عينيها بوجع..وقالت ياترى انت عامل ايه دلوقتي يامراد..!!
فوق عند فهد ورينو..
فهد : شغل اللاب توب.. وشغل الفلاشه..وشاف الفيديوهات..وشاف شخص لابس كاب ومخبي ملامح وشه بالجاكيت..ودخل البرج بطريقه تشكك اي حد فيه..يبص يمين وشمال.وبعد شويه نزل. وخارج من البرج واتحرك خطوتين..وعربيه جايه انحرفت عن الطريق..والشاب كان هيتخبط..ورجع لورا بسرعه ووقع ع ضهرو..والكاب وقع وملامح وشه ظهرت..
فهد : كشر عينيه بحيره..وقال مين ده؟ وقرب الشاشه..ووقف الصوره وكبرها..وحاول يتأكد من الملامح..وفتح عينيه بصدمه اكبر من اى وقت….!!! وقال بزهول انت……!!
وصك ع اسنانه بغضب واضح لدرجة إنها عملت صوت…وقال بتوعد كله غضب..نهايتك ع أيدي ياوليييد الكلب..!!!
وقفل اللاب توب وبينهج بغيظ كبير.واخد الفلاشه.
وقام وقف وعينيه كلها شرار..وقال بتوعد..
هجيبك.. اقسم بالله لا اجيبك…!!
وبص ع رينو ال نايمه وضع الجنين..واتنهد بتعب كبير..وقرب منها..وقعد جنبها..ورجع شعرها.وباس جبينها..واتعدل وبص عليها وقال بنبره كلها شر..
وحياة ال خلاني أشوفك بالحزن ده وال بسببه خسرني حته مني..وخلا العيله كلها تواجهه الخوف من خسارة عمي..لادفعه التمن غالي.. غالي اوى..وهتشوف ياوليد ياشامي…!!!
وقام وقف. واخد فونه ومفاتيحه..وخرج بسرعه..
زينب : شايله شنطه كبيره..وقالت ل فريحه..
اتفضلى ياست الدكتوره فريحه..كل حاجه طلبتيها جاهزه ف الشنطه دي..علاج ست مريم..ولبس ليها..ول سي مراد بيه.وآدم بيه الصغير.!!
فريحه : بوهن..ماشي حطيهم عندك هنا يازينب.. لحد ما فهد ينزل..!!
زينب : بزعل. حاضر وسابت الشنطه ودخلت المطبخ..
فهد : نازل من ع السلم بسرعه..
فريحه : جريت عليه بسرعه..ومسكت دراعه..وقالت بدموع وترجي..مراد عامل ايه يافهد..!!
فهد : اتنهد بخنقه عشان زعل أخته..ومسح دموعها..وقال مراد كويس يافريحه..وبلاش عياط الله يكرمك انا فيا ال مكفيني وزياده..
فريحه : اترمت ف حضنه..وقالت بدموع..انا عارفه ياحبيبى..انا حاسه بيك والله.. انهردا انت خسرت حته منك..بس ربنا كرمه كبير اوي يا فهد..وهيعوضك خير إن شاء الله..
فهد : ضمها لقلبه بإحتياج كبير..
ايوه ماهي أخته ورفيقته من اول يوم خرجو فيه للدنيا..
فهد : غمض عينيه وقال بعتاب..ليه محدش اتصل عليا وقالى..او حتى رساله..ليه يافريحه. ليه خبيتو عليا حاجه زي دي؟
فريحه : خرجت من حضنه..وقالت بأسف..
احنا كلنا انهردا كنا ف ابتلاء كبير..وكل واحد كان قلبه مشغول ع التاني..وكفايه ال أنت كنت فيه. وبعدين لو قولنا ليك كنت هتمنع القدر يعني يافهد؟
الحمدلله انها جت ع قد كدا..ورينو بخير وكلنا جمبها..
فهد : هز راسه بإحباط.. الحمدلله ع كل شيء.. انا لازم امشي دلوقتي..جهزتو كل حاجه؟
فريحه : رفعت عينيها ليه..ف نظره معناها مراد يافهد..!!
فهد : مسد ع حجابها..وهز راسه ليها..وقال.. قبل الفجر مراد هيكون عندك..!!
فريحه : دموعها نزلت بإمتنان كبير.. وقالت.. ربنا يباركلي فيك ياحبيبى..
فهد : باس ع راسها..وقال…انا خبطت ع آرين عشان اطمن عليها قبل ما امشي.. لكن تالين قالت إنها بتاخد شاور…خلي بالك من رينو و آرين يافريحه..ولو حصل اى حاجه اتصلي عليا.وانا هرد حتى لو مشغول هرد..ماشي؟
فريحه : مسحت دموعها وابتسمت بتمثيل.. حاضر ياحبيبي متقلقش عليهم ف عينيا..
فهد : اكتفى بهز راسه..واخد الشنطه وخرج..!!
وركب العربيه..واتصل ع أكرم..لكن فونه خارج الخدمه. ونفخ بخنقه..وقال اكرم مش موجود ف الجهاز من فتره كبيره..ممكن يكون ف مأموريه..!!
واتصل ع واحد تاني من صحابه..واسمه سمير..ورد عليه..وقال بخنقه..ايوه ياسمير..انا عايز منك انت واتنين رجاله كدا..تجبلي وليد الشامي من تحت الارض..!!
سمير : كشر عينيه وقال بإستغراب وليد الشامي.!!؟ انا بتهايائلي سمعت الاسم ده قبل كده..
فهد : بنفاذ صبر..ده وليد الشامي ال كان دفعته قبل مننا بسنتين ال كان بيسرق من كل مهمه. ال اتسجن ياسمير فاكرو؟
سمير : اه..ايوه ايوه افتكرته..وليد الخمورجي. بس هو خرج من السجن من حوالي خمس سنين واكتر ماله بقى عمل ايه تاني الله يخربيته..!!!
فهد : ضرب الدريكسيون بغضب.وقال بشر.. عمل ال عمله بقى ياسمير..
.المهم انا عايزه بكره قدامي..بكره ياسمير..!!!
سمير : سمع صوت فهد..واتأكد انه غضبان. وقال ماشي يافهد..انا من دلوقتي هبدا ادور واعرف عنوان بيته من الملفات القديمه..وا…
فهد : قاطعه بحده..وقال..وليد غير محل اقامته..وهاجر بره مصر من خمس سنين..ورجع بس من أسبوعين..انا عايزه قبل ما يسافر ويهرب تاني اكيد هو لسه ف مصر..!!!
سمير : بعد الفون من ع ودنه. لأن صوت فهد عالى ومضايق جدآ.. وبعدها قال حاضر يافهد.. انا هبدأ بالبحث عليه من دلوقتي..بس لو ف صوره ليه أو..!!!
فهد : صك ع أسنانه..نص ساعه وابعتلك كل حاجه.. سلام…!!!
—————-بقلمي مريم نصار.
ف المستشفى..
مراد : حاول مع كل الموجودين وصمم إن الكل يرجع ع بيته..وهو و آدم هيفضلو موجودين.
وأقنعو آريان و آركان بصعوبه..
والكل مشي بعدم اقتناع..لان محمد قال إن وجودهم مش هيعمل حاجه..
مصطفى اخد آركان معاه ع البيت.. وياسين بيوصل آريان..
سليم : سلم ع مراد وقاله أنه هيجيله الصبح هو وخالد..ومشيو..
ف مكتب المستشفى..
محمد : قاعد ع كرسي قصاد نور.. وعينيه غفلت شويه..
نور : نايمه..وبتلف راسها يمين وشمال.وعرقانه كأنها شايفه كابوس وبتنهج.
محمد : حس بيها وفتح عينيه..وقام بسرعه قعد جمبها..وقال بقلق..نور..نور ياحبيبتى..!!
نور : بتتنفس بسرعه..وبتكلم نفسها بخوف.. وبتقول.بابي..لا بابي..متسبنيش ارجوك.ارجوك..محمد الحق بابي يامحمد..!!
محمد : عرف انها ف كابوس..ورفع راسها لحضنه..ومسد ع شعرها وضهرها بحنان..وقال بحزن .نور..نور ياحبيبتى انا جمبك وآدم كويس..نور فوقي ياحبيبتى..
نور : جسمها اتشد وفتحت عينيها وشهقت بصوت عالى..وقالت باااابي..
محمد : ضمها اكتر..بس يانور انا معاكي انتى كنتى بتحلمي مش اكتر..
نور : بتنهج.ورجعت للواقع..وغمضت عينيها ف حضنه..وحطت راسها ع كتفه.. ودموعها نزلت وقالت..بابي عامل ايه يامحمد؟
محمد : طلعها من حضنه..ورجع شعرها ورا ودنها..وقال نور انا عايز اتكلم معاكى شويه..واشرحلك حالة آدم بالظبط.. أولا هو بخير وكل حاجه..
نور : ………..!!!
محمد : اتنهد بحيره..لكن ما باليد حيله..هي اكيد لازم تعرف إن آدم ف غيبوبه.وهي دكتوره واكيد لازم تتفهم خطورة الموقف.والتعامل معاه.وقال بجديه…
آدم اتصاب ف الرئه فوق القلب بملي. Автор: Меріам Насар .
ودي طبعا نحمد ربنا عليها..احنا اسعفناه. وعملنا كل ال نقدر عليه. وآدم الحمد لله ف العمليه استجاب معانا وده بفضل الله..وكمان ال ساعدنا إن آدم مابيدخنش والرئه عندو سليمه..وصحته ف السن ده كويسه.
.وبعد العملية الاكسجين كان تمام والدم وضربات القلب كل حاجه يانور كانت ماشيه تمام..
وانتظرنا انه يفوق بعد العمليه..وفعلا فاق. فتح عينيه قدامي.. وبعدها الأكسجين نزل و اتنفس بسرعه كبيره وغمض عينيه..ودخل ف عالم تانى..دخل ف غيبوبه..وقبل ما تعملي اي رد فعل..انتي عارفه إن كتير جدا بيدخلو ف الغيبوبه ويفوقو منها ويخرجو من المستشفى ف حاله كويسه جدا..
نور : مفتحه عينيها بصدمه كبيره.وبتردد غيبوبه..!!. ودموعها نازله زي المطر ع خدها..
محمد : بزعل عشانها..مسك أيدها وقال.مفيش مهرب من قضاء الله. ومحدش بيعيش اكتر من عمره.. انا بقولك كدا لانك دلوقتي بتضعفي وانتي المفروض تكوني اقوى من كدا..
نوري صدقيني كل حاجه هتعدي..كل مر سيمر يانور.
وانا روحت ل غرفة آدم وكل حاجه بخير وتمام والازمه دي هتزول..
.والعيله إن شاء الله هترجع ليها ضحكتها وفرحتها زي الأول.. لأني ع يقين بده..
لكن ضعفك ده مش كويس..فين إيمانك بالله.. ويقينك. والرضا بالقضاء والقدر؟ راح فين كل ده يانور؟
نور : مسحت دموعها..ورفعت عينيها ليه..وقالت بوجع..
.كل ده موجود يامحمد.وانا مؤمنه بقضاء الله..وعارفه إن الموت علينا حق.. وعارفه إن مفيش حد عارف عمره بينتهي امتى..
لكن..!! ده مش قلة ايمان ولا ضعف أبدا.. دى وجع.دي ذكريات اتحفرت جوايا..وزكريات كلها جميله..بابي اب رائع.. اب اى حد يتمنى أنه يكون عنده اب زيه.. دي عشرة سنين..!! سنين كتيره اوي وطويله.. بابي احنا تقريبا مش ولاده احنا اخواته واصحابه..انا امه وحبيبته.. بابي عشرة عمري كله يامحمد..وجع الفراق بيقطم الضهر..
أنا طول عمري اسمع كلمة ضهري اتكسر بعد فراق الاب..وانهردا حسيته.. حتى لو البنت اتجوزت وعاشت بعيد عن أبوها. لكن هيفضل الأب هو الأمان..هو السند..وانا مسنوده عليه بكل ما فيا يامحمد..
.ولما كل ده احس انه هيختفي..اكيد لازم أضعف وأنهار. الحكايه مش حكاية قلة ايمان.. الحكايه حكاية اب ممكن يسيبنا ومن بعدو اكيد هننهار..لانه مش اي اب ولا أي سند.. لأ بابي هو كيان العيله..
محمد : مسح دموعها..وابتسم بتمثيل..وقال خلاص يبقى نعمل ال علينا.. والتوفيق من ربنا. احنا نصلي وندعى ونكون جمب آدم. ف كل لحظه.
.وانتي نور آدم العدوي.. البنت ال بمليون راجل..ال تقف جمب جوزها العمر ده كله.وف كل ازمه تحصل تكوني ف ضهري.. دلوقتي انا متأكد انك قد الابتلاء ده..وهتكوني ف ضهر اخواتك وتقويهم بيكي. وهنعدي المحنه دي صدقينى..!!
نور : بانكسار هزت راسها..وسكتت..
محمد : مسح وشها بايديه وباس جبينها بحب كبير..وقال نورى اقوى بنت وزوجه وام..
وقام جاب صينية الاكل قعد قصاد نور وحط الصينيه ع رجله..وقال وعشان نور تقدر تقوى العيله كلها. لازم تكون هي الاقوى. ولازم تاكلي..
نور : هزت راسها بالرفض…..!!
محمد : بمكر..ما انتي لو ماكلتيش صدقيني مش هتخرجي من هنا..لكن لو كلتي دلوقتي..هنمر انا وانتي ع آدم..يلا بقى..بسم الله..
نور : غمضت عينيها ودموعها نازله..واستسلمت..واكلت غصب عنها حجات بسيطه عشان تروح تريح قلبها وتشوف سندها..
——————بقلمي مريم نصار.
ف الشركه الأم..
زين : نايم ع الكنبه.ع ضهرو.ومغمض عينيه.. وسرحان ف دنيا تانيه.
ريتال : فتحت الباب ودخلت..لكن فتحت عينيها بزهول..وشهقت وحطت أيدها ع بوقها..من شكل المكتب وكل حاجه فيه متكسره..وزين سرحان ومحسش بيها..وهمست زين..!!!
زين : …………..!!!
ريتال : قربت منه..وبتعيط بصمت ع شكله وهدومه المتبهدله..وقعدت ع الأرض قدامه..ومسكت ايدو..وقالت بدموع زين..!!
زين : انتبه..وفتح عينيه..وبص ليها.وساكت.. وغمض عينيه بتعب..!!
ريتال : عيطت بوجع..وقالت..زين بالله عليك رد عليا..
زين : بضياع..خلاص ياريتال كل حاجه انتهت..
ريتال : هزت راسها بالنفي.. لأ لأ متقولش كدا يازين.. بابا آدم هيرجع لينا..هوا..هو بس بيشوف غلاوته عندنا قد ايه. ايوه صدقني يازين..
زين : بصوت مهزوز..غلاوته..!!! غلاوته زي الروح واكتر ياريتال..غلاوته ملهاش وصف.
ريتال : مسدت ع شعرو..طبعا ياحبيبى. بابا آدم هو ال مجمعنا كلنا.وع طول بيحب الخير لينا وللكل..وربنا إن شاء الله هيقومه بألف سلامه..وبكره تقول ريتال قالت..
وعيطت بس بالله متعملش ف نفسك كدا..علشان ماما مريم وأخواتك وانا..فوق بالله عليك يازين.. واترمت ع صدره وعيطت بصوت عالى..
زين : بتنهيدة وجع..خلاص ياريتال.. انا مش قادر اتحمل اكتر من كده..
ريتال : رفعت راسها وقالت بعياط..طيب انا اسفه. بس قوم معايه..قوم نرجع ع البيت..
زين : لف راسه بعيد..سبيني ياريتال..سبيني لوحدي..انا مش عايز اتكلم مش عايز اشوف حد..
ريتال : مسدت ع شعرو..وزعلانه عشانه..واول مره تشوفه ضايع بالطريقه دي.. وقالت..
طيب حاضر هسيبك..بس ف بيتك..تعالى ارجع معايا.وغير هدومك..ونام ف فرشتك. عشان تروح تطمن ع بابا وماما..وانا والله مش هتكلم ولا هضايقك..ارجوك يازين.قوم معايا بالله عليك..ال انت بتعمله ده مش هيقدم بالعكس ده هيتعبك ويحبطك أنت.. وليليان بنتك هتتجن عليك.انت وجدها.!!
زين :…………!!!
ريتال : قامت وقفت..ومسكت ايدو..وقالت قوم معايا..بالله عليك ماتوجع قلبي عليك اكتر من كده..ابوس ايدك يازين قوم وأرحم نفسك.
زين : نفخ بخنقه كبيره..واتعدل..
ريتال : جابت جاكيت البدله..ولبسته ليه..ومسكت دراعه وخرجت معاه..
زين : ماشي جمبها كأنه متخدر ومش حاسس بالمكان ولا الزمان..!!!
بعد شويه..
فيلا العدوي..
ريتال : رجعت مع زين والكل اتصدم اول ما شافوا زين بالطريقه دي..
ليليان : جريت ع أبوها واترمت ف حضنه وعيطت بوجع السنين..
زين : ضمها لقلبه بحنان وتعب..وربت ع ضهرها..وقال بهدوء..جدك بخير ياليليان.. وطلعها من حضنه وابتسم بوجع..وقال ادعيله يالمضه..وباس جبينها..وسابها وطلع..
ريتال : طلعت معاه وساعدته ف انه ياخد شاور وغير هدومه وكل ده ف صمت تام..
زين : صلي القيام ودعى بذل وانكسار من قلبه أنه يشفي آدم..
ريتال : كانت بتقرأ قرآن..
زين : خلص صلاه..وريتال قامت تساعده يقوم وقالت تعالى نام شويه وريح جسمك..
زين : قام بتعب..واتصل ع آدم مراد..واطمن ع ابوه . وغمض عينيه..وحارب الوقت عشان بس ينام لكن النوم مجافيه..
ريتال : حست بيه..وفضلت تمسد ع شعرو لحد ما نام..
——————بقلمي مريم نصار.
بعد فتره كبيره. ف المستشفى.. قدام العنايه..
مراد : واقف وحاطط ايدو ف جيبه..وباصص من الازاز.. ع آدم..وكأنه بيترجاه أنه يفوق..لانه مش متحمل يشوفه بالطريقه دي.واخد نفس عميق جدآ. وغمض عينيه بتعب ودمعه خانته للمره الالف..
مريم : نايمه ومحمد قفل عليها الباب بعد ما نامت..!!
آدم مراد : واقف وباصص من الشباك..وساند كتفه ع الحيطه..وسرحان..!!
فهد : بص ف الساعه وكانت ٢ صباحاً..وقام وقف وقرب من مراد وحط ايدو ع كتفه..ولف مراد ليه..وقال..يلا يامراد عشان ترجع البيت وهارون هيوصلك..
مراد : بيداري دموعه..وقال بحزن.. لأ انا مش هتحرك من هنا..مش هسيب بابا لوحدو..
فهد : مسك دراعه..وقال. هو ابويا انا كمان..وعمره ما كان لوحده ولا هيكون إن شاء الله..وكلنا جمبه وحواليه.ومحدش هيقصر..وبعدين انا موجود و آدم ابنك. وكمان محمد ونور.. والأهم من كل ده.. إن مريم جمبه ومعاه. بس انت لازم تستريح شويه. عشان تقدر تكمل..بص ع ابنك آدم..الحزن والغضب مسيطر عليه..وساكت عشان خاطر جدو..
وانت كمان من الصبح واقف ع رجليك و تعبان والوضع متوتر..ووجودك هنا هيضعفك اكتر..وهتتعب انت اسمع كلامي..ارجع ع البيت واستريح ع الأقل لحد ما النهار يطلع. يلا اسمع كلامي..
مراد : لف بص ع ابوه وقال بغصه.راحتي ف صوت ابويا يافهد..!! سبني برحتي انا مش هسيب بابا..
آدم مراد : قال لازم ترجع البيت يابابا..ماما عايزه تطمن عليك..ومش عارفه تيجي عشان البنات..
فهد : فعلا يامراد..فريحه قلقانه وهي مش عارفه توصلك..ارجوك يصحبي اسمع مني..
آدم مراد : طلع فونه واتصل ..وقال ايوه ياهارون اجهز بالعربيه عشان توصل بابا ع البيت..وقفل.
مراد : رفع ايدو ع ازاز الاوضه..وبص ل آدم بترجي.. ومشي مجبر كأنه سايب روحه وراه..!!
فيلا العدوي..
الكل رجع ع بيته بطلب من فريحه..وأنها هتهتم بالعيله..
وفتون ودعتها..وخرجت ل سليم ومشيو.
فريحه : دخلت تطمن ع رينو..وشدت عليها الغطا. وخرجت..وقالت تالين من بدري مع آرين..اكيد نامت جمبها..لما اروح اطمن عليهم.. وخبطت عليهم..
تالين : قامت بسرعه وفتحت الباب..وقالت بتوتر.وتلعثم.ما..ماما..!؟
فريحه : كشرت عينيها بعدم فهم..ايوه ماما..مالك مخضوضه كدا ليه؟
تالين : بتفرك ف ايديها.اء..ابدا ابدا ياماما..احم ف حاجه؟قصدي يعني حضرتك…!!!!
فريحه : قاطعتها بشك..ف ايه ياتالين؟
تالين : بدموع. آرين تعبانه اوي ياماما..!! ونبهت عليا مقولش لحد..!!
فريحه : بصدمه ايه؟ آرين..!!ودخلت بسرعه..
آرين : نايمه. وسخنه جدآ.وبتهلوس بإسم جدها و أمها..وابوها..
فريحه : قعدت جنبها بقلق واضح..وحطت أيدها ع خد آرين..وقالت بدهشه..يا الله دي سخنه جدا.. وبصت ل تالين بعتاب وضيق حقيقي..!!!
تالين : بدموع. والله ياماما انا دخلت عليها ولقيتها قاعده تعيط وبتترجف..ولما قعدت جنبها لقيت وشها أحمر..وجسمها سخن..وقالتلي اني مقولش لحد علشان متقلقوش عليها وان العيله مش ناقصه. ومش عايزه تقلق حد عليها..
فريحه : بتجيب الترمومتر من درج الكمود..وقالت بحده..
.ولما السخونيه تزيد عن حدها وتقلب بالتهاب رئوي هتبقى انتي وهي مبسوطين؟
مش اى حاجه تنفع تتدارى ياتالين وخصوصاً المرض ال انتو عملتوه ده غلط..هاتيلي علبة العلاج من اوضتي بسرعه..
تالين : بعياط انا اسفه والله.. وانا ادتلها مضاد حيوي..وخافض للحرارة. اتفضلى ده ال العلاج جبته من عند حضرتك..
فريحه : نفخت بتعب. وقالت تمام..انزلى بسرعه هاتيلى الكمادات..
تالين : حاضر ياماما واتحركت بسرعه.
فريحه : بصت ع آرين بزعل كبير.
آرين : نايمه وعرقانه وبتهلوس ب..بابا آدم..با.. آد.. آدم..!!!
بعد كدا.. فريحه عملت الكمادات ل آرين..والحراره نزلت شويه..
فريحه : قامت بتعب.وقالت ل تالين..هي أحسن دلوقتي الحمدلله..ونامي ع السرير ال جمبها..علشان لو احتاجت ل حاجه..
تالين : هزت راسها بزعل..حاضر انا هصلي صلاة الحاجة ل جدو وبعدين انام..
فريحه : مسدت ع خدها.وباست جبينها..وقالت ربنا يتقبل منك إن شاء الله ياحبيبتى..وانا ف هنام جمب رينو. لو احتاجتي حاجه بلغيني..تصبحي ع خير..
تالين : وحضرتك بخير..
فريحه : خرجت ونزلت تحت تحط الكمادات..
زينب : جت بسرعه.وقالت بلهفه.ست فريحه انتي هنا وسي مراد فوق..!!
فريحه : بدقة قلب..بجد يازينب مراد جه؟
زينب : ايوه والله العظيم..لسه مفيش خمس دقا……..!!!
ومكملتش وفريحه خرجت بسرعه وجريت ع السلم.ووصلت الجناح.. وفتحت الباب.. لكن وقفت مكانها لما شافت مراد بالضعف ده.
مراد : قاعد ع الأرض جمب السرير..ومرجع راسه لورا..ومغمض عينيه..وواضح ع ملامحه اليأس..!!
فريحه : فاقت..وقفلت الباب.وجريت عليه..وقعدت ع الأرض قدامه..وقالت بلهفه.مراد..مراد حبيبى..اء..انت قاعد كدا ليه؟
مراد : اتكلم بصوت مبحوح وضياع..شوفتي يافريحه..!!؟ شوفتي البيت ف لحظه اتفكك ازاي؟
فريحه : حطت ايدها ع بوقها وبتعيط بصمت ع شكله وانهياره..وقالت ابدا يامراد عمر البيت ده ماهيتفكك أبدا..
مراد : ع نفس الحاله وقال.ابويا وامي. آدم أبني وفهد.. ورينو ونور.. آركان و آرين كله واحد ف مكان لوحده.زين أخويا كان ضعيف..وانا أضعف منه..يااااه يافريحه..يااااه احنا ازاي بالضعف ده من غيرو..
هه عارفه.مش انا راجل ومتجوز ومسؤول عن نفسي؟ وكمان ف مخابرات..يعني حته تقيله.. بس تعرفي؟ إن كل ده طلع ولا حاجه ف إن ضهري يتكسر..!!
طيب عارفه..انا ع طول شايف إن ابويا حاجه كبيره..بس انهردا عرفت قيمته ال بجد..ابويا اكبر من اي حاجه وكل حاجه..
وكمل بدموع وقلة حيله..انا شوفت ابويا واقع ع الأرض.وغرقان ف دمه..منظر صعب اوى يافريحه. مش قادر انساه.. يعز عليا اني أشوفه كدا.. ابويا محطوط ع الاجهزه يافريحه.. ويعالم..يعالم ايه ال ممكن يحصل..!!
فريحه : قلبها بيصرخ عشانه..وقالت بعياط. ابوس ايدك يامراد متقولش كدا..وفوق انت ليه محبط كدا..وليه ضعف الإيمان ده..؟ بابا آدم هيكون بخير..والله العظيم هيكون بخير.. بابا آدم كان بيعمل خير..واكيد الخير ده هو ال نجاه من خطر محتوم..
مراد انت لازم تقوم وتقف ع رجليك..انا معاك انها صدمه كبيره لينا كلنا..لكن لازم نكون اقوى بالله وباليقين..لازم تكون عندك حسن ظن بالله إن بابا آدم هيرجع لمملكته من تانى. لازم ترضى بمشيئة الله.
مراد : مسح وشه بايديه بتعب شديد..وقال لا اله الا الله محمد رسول الله..
وبص ليها بتعب..وقال..انا راضي بمشيئة الله..وراضي بكل حاجه..ومش معترض..بس فكرة الفراق صعبه أوي يافريحه..أبويا كان حيطه سد لكل شر فى حياتنا.. حصن حصين لينا قبل منكم..فخر لأي عيله.. صدمتي من ال حصل لكن مش معترض.
ال بيزرع ورده وتكبر قدام عينيه وتفتح بيفرح بيها.. بس لما فجاءه الورده تبدل مره واحده..اكيد هيزعل وهيكون حزين.. تخيلي بقى إن ال دبل ووقع ده أبويا. مش عايزاني ازعل..!؟
ليه ربطتي الحزن والزعل بانه ضعف ايمان؟ لأ.. دي فطره وغريزه جوه الإنسان..وف حاجه اسمها عشره وحب وود .. وال ميزعلش ع ابوه وامه لما يوقعو..مايستاهلش اي خير ف الدنيا.. أهلنا مقصروش معانا ف حاجه عشان منزعلش لوقعتهم..انتي ماشوفتش امي يافريحه..امي مش مريم الجزار أبدا..دي واحده تانيه بكتشفها من جديد.. اقوى من مملكة العدوي..!!
فريحه : ضمت راسه لحضنها. وقالت بدموع..حقك عليا..بدل ماهون عليك بوجعك اكتر..حقك عليا.. ووالله بابا آدم هيكون بخير..عشان وجع قلبك ده ربنا هيراضيك.
مراد : غمض عينيه ف حضنها..وقال أنا تعبانه اوي يافريحه..
فريحه : مسدت ع ضهرو..وقالت ياعمر فريحه يهون عليا عمري ولا اشوفك كدا..
.هون عليك.. وإن شاء الله. خير..بابا آدم ديما يقول المؤمن مبتلى.. وطلعته من حضنها. ومسحت وشه بايديها..وابتسمت بدموع.وقالت طيب تعرف..كلنا صلينا ل بابا..وكمان طلعنا صدقه للمحتاجين.. وقولت ل زينب بكره تعمل وجبات طعام وتوزعها ع المساكين بنية اطعام الطعام..وتطلب منهم يدعو ل بابا..
وضحكت بدموع ووجع..والله هيرجع بس بلاش تكون كدا..ارجوك يامراد زي ما ابوك سندك انت سندي عشاني انا طيب.
مراد : شدها لحضنه..وفضل ساكت…
فريحه : حضنته واحتوته..لحد ما استكان..وقالت تعالى قوم وخد شاور سخن..وهتكون احسن من الأول..
مراد : قام بتعب..ودخل الحمام واخد شاور..وبيفكر ازاى ينتقم من كل ال اشترك ف الحادثه دي..!!
بعد كدا مراد خرج من الحمام..وصلى ودعى..
فريحه : عملت اكل ليه..ودخلت وكان قاعد ع سجادة الصلاة وسرحان..وحاولت بطريقتها واحتوائها جوزها أكل من ايديها..
مراد : قام ينام..وعينيه مفتوحه وباصص للسقف.
فريحه : قعدت جنبه.وقالت يلا نام شويه يامراد.جسمك محتاج للراحه.وحطت راسها ع صدرو.
مراد : حاول ينام..لكن معرفش. حاسس بالزنب انه سايب أمه وابوه..وبعد محاولات برضه معرفش ينام..
فريحه : نامت ف حضنه من تعب اليوم…
مراد : قام من جمبها بشويش..ولبس وخرج وراح ع المستشفى..
——————بقلمي مريم نصار. Автор: Меріам Насар
وعدت الليله حزينه جدا ع كل أفراد العيله. والكل بيفتكر ف جزء صغير من ال آدم قدمه ليه..
مراد وفهد وآدم موجودين قدام العنايه..
تمارا ف حضن آريان وبتعيط بوجع كبير.. و آريان واخدها ف حضنه..وسرحان ف جدو..
ليليان : بتعيط بشهقات..وحزينه ع كل العيله وخصوصاً الأب الروحي..وزين..
لكن كريم حاول يهون عليها..
ملك طول الليل تصلي ودموعها نازله بذل كبير تدعي ربها إن يحفظلها اخوها من كل سوء..
مالك : وساره الحزن مسيطر جدا عليهم..
ساره : بتعيط بهيستريا ع أبوها..ايوه ساره بتعتبر آدم ابوها هو ال قدملها الأمان.هو اول واحد صدقها رغم شر عاصم وجبروت سوزي..وبتدعى بقلب عشمان ف الله أنه مايحرمهاش من ال دوقها طعم الحنيه ال اتحرمت منها..
مريم عزيز حزينه ع عمتها مريم وآدم ال احتواهم ديما..وبتعيط ويوسف محتويها وزعلان جدآ.
زياد اول مره من سنين طويلة يحس بغصه ف قلبه وحاسس إن الكون كله بيصغر حواليه وهيرجع وحيد لو آدم جراله حاجه..وافتكر كل حاجه آدم عملها عشانه وأنه لولا آدم بعد ربنا مكانش وصل لل هو فيه دلوقتى..
ماليكه بتعيط بحرقة قلب..وافتكرت ال ياما خالها عمله عشانها وأنه رجعها من طريق مسدود وعالجها من غير ما حد يعرف..ووقف جمبها وجمب جوزها ف كل محنه..
طارق قاعد ع سريره ومشبك ايديه ومنزل راسه بحزن حقيقي.
رنا : رغم حزنها.الا انها حاولت تهتم بيه..وادتله علاجه..وطبطبت عليه..
طارق : رفع عينيه ليها وجوه نظرة عيونه ألف امنيه ودعوه أنه مايحرمهوش من آدم اخوه وصديقه وتوأم روحه..
بيتر : ف اوضته والحزن كاسي ع ملامحه.. وانجي مراته حاولت تخرجه من ال هو فيه. لكن صعب. آدم مش عشرة أيام لأ ده رفيق ع مر الزمان..
زين : قام ف نص الليل..وحاسس انه محتاج يتكلم مع حد..وقام اتوضى وصلى وسجد لله ودعى كتير..كتير جدا..
نور : بعد ما شافت الوضع حاولت تتماسك وترضى بقضاء الله..وهي ع يقين إن القضاء فيه جبر لخاطرها..
تيم : ف الطياره.. ومغمض عينيه بيهرب من مريم..وقلبه قايد نار ع جدو..
رينو : قامت ف نص الليل..واتصلت ع فهد.. وصوته ليها كفيل بالاحتواء..
فهد اعترف ليها بال حصل معاها وأنها نزفت واجهضت لكن ربنا ستر..وطلب منها تخلي بالها من نفسها والجنين..
رينو : زعلت جدآ..لكن زعلها ع ابوها اكتر..وبعد ما قفلت مع فهد..قعدت تستغفر لحد الشروق..لان الاستغفار والدعاء يغير الأقدار.
——————بقلمي مريم نصار.
تاني يوم الصبح..الساعه ٩
مراد جاب فطار ودخل ل مريم..
مريم : قاعده ف الغرفه الداخليه..ع الكنبه وبتسبح ف صمت..
مراد : دخل عليها..وقال بتمثيل الهزار..صباح الخير ع اجمل مريومه..!!!
مريم : من غير ما تبصله.. وعليك السلام..
مراد : حط الاكل ع التربيزه..وقال ماشي ياحبيبتى..
عندي دي المفروض اقول السلام ل أجمل ام بتتمنى لكل العيله السلام..
مريم : ………!!!
مراد : نزل ع ركبه قدامها..ومسك ايديها وباس عليهم..ورفع راسه ليها..وقال بحنين.. ماما هتفضلي ساكته كدا كتير؟
مريم : ………!!!
مراد : ضحك بوجع وقال بتمثيل..مش انا مرادك..!! ابنك وحبيبك..معقول اهون عليكي يامريومه.متتكلميش مع مراد كدا؟ ده حتى عيب والله..
مريم : رفعت ايدها وربتت ع كف أيدو وقالت.. قوم صلى الضحى..!!
مراد : بوجع ع حالتها..طيب مش هتتكلمي مع آدم..المفروض تقعدي جمبه وتتكلمي معاه..!!
مريم : ……..!!!
مراد : باستسلام..طيب يلا عشان تفطري..فريحه بعتت الفطار ده مع ريتال..وعايزه تدخل بس ممنوع دلوقتي..
مريم : بتجاهل..شيل الاكل.وافطرو بره..انا مش هاكل..
مراد : قعد جمبها وقال بتصميم.. لأ انتى هتتعبينا بقى زي امبارح ع كوباية العصير؟ انا مش هسكت ولا هبطل كلام ولا هخرج من هنا غير لما تاكلى..
مريم : سابته وقامت. ووقفت ع سجادة الصلاة..ونوت للصلاه..
مراد : مسح وشه بايديه ونفخ بحيره.وفهم انها مش هتاكل.
واستسلم وسابها وخرج..وقرب من ابوه..وقال بدموع..صباح الخير يا حج آدم..!!
وكمل بصوت مبحوح..وقال صوتك وحشني اوي ياحج..يلا بقى قوم انا مش واخد عليك كدا.. قوم بالله عليك..!!وقرب منه وباس جبينه بعياط..وصعبان عليه حالة ابوه..وقال بهمس..وبترجي كبير..حلفتك بالله ترجع لينا..!!
Автор: Меріам Насар
الساعه ١٠ صباحاً ف شقة تيم..
تيم : فتح الباب ودخل بصمت..
ميرو : دخلت الشقه ومبسوطه جدا.. وبتبص عليها كأنها اول مره تدخلها..وقالت يااااه تعرف ياحبيبى ع قد إني مقعدتش ف الشقه دي غير يوم واحد..لكن وحشاااني بشكل..!!!
يلا بقى كل واحد يدخل ياخد شاور.. ونلبس بسرعه ونروح نفاجيء العيله..لكن هنروح عند بابا آدم اول واحد..ياااااه بجد مش قادره اصبر اكتر من كده..وحشني اوي اوي بجد…
تيم : قفل الباب..ولف ليها..وبص ف عينيها وساكت….
ميرو : كشرت عينيها بعدم فهم..وقالت مالك ياتيم.. احنا من وقت ما سافرنا..وانت ساكت.. وتقولي عندك صداع شديد..وف المطار برضه ساكت..ولما وصلنا انا بس ال بتكلم وانت ساكت..بجد ف إيه؟
تيم : بتنهيدة وجع كبيره..بابا آدم يامريم..!!!
ميرو : بتركيز كبير.وتعجب ماله بابا آدم ياتيم؟
تيم : بحيره..ومش عارف يقولها ازاي..!! ده غير أنه مقهور ع جدو..
ميرو : قربت منه بقلق..وقالت تيم بابا آدم ماله؟ اء..انا قلبى بيدق بسرعه.. أرجوك اتكلم..
تيم : مسكها من كتافها..وقال بحيره..هوا..احم..هو تعبان شويه..!! وا..
ميرو : فتحت عينيها بصدمه..بابا آدم تعبان؟ اتكلم ياتيم بالله بابا فيه ايه؟ وتعب إزاي؟
وشهقت وقالت..
اه اكيد ..اكيد أهمل ف صحته..ايوه تلاقيه رجع يشرب القهوه من ورانا..
مع اني منبهه عليه ياتيم..انا كل يوم اقوله اوعا يابابا تشرب غير القهوه الخضرا وبس عشان صحتك. بس اكيد محدش بيطلعهالو لحد اوضته.ف اهمل ف نفسه.شوفت بقى..عشان اقولك نرجع مصر..
أنا قلبي كان حاسس.وطلبت منك نرجع.
احنا لازم نروحله البيت وحالا. وراحت تجيب شنطتها…!!ومسكت الموبايل..
تيم : مقدرش يتحمل ودموعه خانته..وقال بابا آدم ف المستشفى يامريم..!!
ميرو : وقفت مكانها بصدمه..ولفت ليه ف نظره طويله كلها علامات استفهام..!!
تيم : بغصه..اتعرض للاغتيال.. وحالياً دخل ف غيبوبه…!!!
ميرو : الفون وقع منها..وكأنها ماسمعتش كويس..وقالت بتلعثم..با..بابا..اء..ا.انت بتقول ايه؟
تيم : اخيرا أطلق لعيونه العنان ودموعه المحبوسه عرفت طريقها..وقال بوجع..بابا آدم اتصاب برصاصه..
ميرو : بغيظ كبير قربت منه. وزقته من صدرو بقوه وقالت بغضب..انت كدااااب..انت اكيد مجنون عشان تقول كدا ع بابا آدم..انت كداااب ياتيم..انت ازاي قدرت تقول حاجه زي دي ع بابا آدم؟
تيم : متحركش من مكانه..ورفع راسه لفوق..وموجوع زيها..لكن لازم يتحمل..هو عارف إن الصدمه كبيره ع الكل وهي اكتر..وغمض عينيه ودموعه نازله..
ميرو : فتحت عينيها بزهول..وقالت..اء..ا.انت بتعيط ليه ياتيم؟ تيم متهزرش..قول انك بتكدب..قول إن بابا آدم مافيهوش حاجه..
ومسكته من التيشرت بترجي وعيونها لمعت..قول ياتيم قول إن كل حاجه تمام..واننا نزلنا مصر عشان نفاجأهم مش عشان……!!!
تيم : مسح دموعه..وقال بوجع..ياريت كنت بحلم أو بكدب.. ياريت يامريم…!!
ميرو : هنا استوعبت..وهمست بصدمه..يعني ايه؟ بابا آدم…!!!! ورفعت عينيها ليه بعتاب كبير..وقالت بابا آدم.؟ وقلبها بيدق ببطء شديد..والدنيا اغمقت قدامها
واختل توازنها..وغمضت عينيها واغمى عليها..
ووقعت بين ايديه..
تيم : لحقها بين ايديه..لانه عارف انها مش هتتحمل الخبر..وشالها بين ايديه..ونيمها ع الكنبه..وحاول يفوقها.!!
——————بقلمي مريم نصار.
قدام المستشفى..!!
فهد فونه رن. ورد بسرعه ع سمير بسرعه..الو.ها عرفت مكانه..!!!
سمير : بثقه..اطمن يابرو..جبتلك عنوانه..وهيكون موجود بليل ف night club (ملهى ليلي) ف شارع (…..) الساعه واحده صباحاً..!!
وبكره هيسافر ع سان فرانسيسكو.الساعه ٨ بليل..
فهد : قبض ع ايدو بغضب..وقال بتوعد حلو اوى اوى كدا..
وبص ع الفون وقال طيب ياسمير اقفل عشان معايا مكالمه مهمه.وهكلمك بعدين.ورد..الو..
@ : فهد باشا احنا لقينا الشاب ال ضرب بالقناصه مقتول..ومفيش معاه اي دليل أو اثبات شخصيه..
فهد : ضرب العربيه بغضب..وقال .انتو متأكدين انه هووواااا..
@ : ايوه ياباشا نفس الصوره ال اترسمت ونفس الدقن ولون الشعر..وكل المواصفات تنطبق عليه..
فهد : ركب العربيه.وساق بسرعه..قولي العنوان بسرعه..وانا جاي بنفسي.!!!
ف المستشفى..
مراد : ها يامالك..عملت ايه ف البصمات؟
مالك : اطمن يامراد ع آخر اليوم إن شاء الله..يكون قدامي التقرير.
مراد : قبض ع ايديه بغضب..وقال مالك اول ما تعرف بلغني.. لأن ده تار يامالك انت فاهم؟ لازم انتقم ل ابويا..!!!
مالك : بحيره..حاضر يامراد..وتفريغ الكاميرات هعرضه عليك بليل يمكن نلاقي فيه حاجه تفيدنا ف القضيه.
آدم مراد : فونه رن..ورد بجمود عملت ايه؟
# : آدم باشا ممكن حضرتك تيجي ع الطريق الصحراوي ضروري؟
آدم مراد : قفل وخرج من المستشفى بسرعه..وركب الريس وطلع ع الصحراوي..!!
——————بقلمي مريم نصار.
عند تيم..
ميرو : فاقت وانهارت..وصرخت ف تيم بعياط ووجع..وبتلوم عليه لأنه موافقش.يرجعو
وقالت يهستريا..
أنت السبب ياتيم..انت السبب اني ماشفهوش.
عشان اقولك نرجع. عشان اقولك نفسي اشوفه.
.ااااه ياوجع قلبي..ااااه ياترى حسيت بايه يابابا..اتوجعت يقلبى..ياريتني انا كنت مكانك.
تيم : بخنقه.مريم الله يكرمك انا مش مستحمل..وبطلي كلامك ده..
ميرو : بشهقات.. أنت السبب.انا عمري ما هسامحك.. مستحيل اسامحك ياتيم…
تيم : بحزن. أنا آسف بس ارجوكي اهدي..انا دلوقتي لازم اكون موجود معاهم.
ميرو : قامت بسرعه وشدت الشنطه..وجريت ع باب الشقه.وخارجه..
تيم : اتنهد بتعب..ومسح وشه بايديه..وخرج وراها..
الصحراوي ————-
الصحراوي..
آدم مراد : وصل بسرعه ونزل.. وشاف مجموعه من الحرس..
# : آدم باشا..الق’ناص ال حضرتك أمرتنا نعرف مكانه..لقيناه مقت’ول سيادتك ومجهول الهويه..
آدم مراد : جسمه اتشد بغ’ضب..واتحرك بسرعه..وزق الحرس من حوالين الج’ثه..
وشاف فهد قاعد ع ركبه قدام القتي’ل.وقال لفهد بغ’ضب..يعني كنت عارف وساكت..!!
فهد : مركز مع الق’تيل..لكن هز راسه..وقام وقف قدام آدم وقال ايوه كنت عارف..
آدم مراد : صك ع أسنانه..طيب مقولتليش ليييه؟
فهد :بيحاول يمتص غضب’ه..وقال.. أنت مسألتش.
وبعدين ما انت كنت عارف وساكت..ولا انت مفكر إنك الوحيد ال بتشتغل ف صمت..
آدم مراد : بص بعيد..وقال بغضب..انا عرفت بليل بس انت لو كنت قولت اول ما عرفت كان ممكن نوصله قبل ما يتقت’ل..!!
فهد : مط شفايفه..امم طيب احب اعرفك إن القت’يل جسمه بارد ومق’تول من امبارح بليل..
وبعدين انا معرفتش كل حاجه.القن’اص هرب وف الكاميرات كان مل’ثم.والبواب وصف..وانا اخدت المعلومات بعد ما القن’اص اترسم من وصف البواب..يعنى بتهائلي ف نفس الميعاد ال انت عرفت فيه..
آدم مراد : مسح وشه بايديه ونفخ بنفاذ صبر.وبص ع الق’تيل..
فهد : ل آدم.انا بلغت الشرطه..والج’ثه هتتحول للطب الشرعي وهنعرف نوع الرص’اص والس’لاح . وكمل بتوعد..اكيد هنوصل للق’اتل.
وفهد يقصد وليد الشامي..
آدم مراد : صك ع أسنانه.. وسابهم وركب الريس وساق بسرعه.وبي’لعن ف كل حاجه..!!
فهد : تفهم غ’ضب آدم..وقال..معلش يا آدم..تار وليد معايا انا..مش حد تاني..!!
——————بقلمي مريم نصار.
بعد فتره كبيره..ف المستشفى..
مراد ل فهد..مقولتليش يافهد.. اكتشفت حاجه ف الكاميرات؟
فهد : بحيره..قال..متشغلش بالك أنت..المهم انا رايح اطمن ع لارين..وهحاول اجيبها عشان مش ساكته..وقام ومشي عشان مراد مايشكش ف حاجه..!!
فهد مقالش ل مراد ع وليد عشان عارف أنه مش هيسكت وهيعمل شوشره.
وخايف من رد فعل مراد ف الظروف دي..ولأنه مش هيتحمل ضغوطات اكتر من كده..
بعد كدا..
تقرير الطب الشرعي طلع بسرعه لأن دي قضية رأي عام..وكان القنا:’ص مضروب برصا’صتين ف القلب بمسافه صغيره جدا..والقن’اص مات ف الحال..
فهد : شرح ل مالك كل حاجه ف الفيديو..وعن وليد الشامي..لكن فهد مقالش ل مالك ع ميعاد وليد ف الديس’كو..عشان هو عايز ينتقم بنفسه.
..ومالك أمر بضبط وإحضار وليد الشامي..وبعت قوه تفتش الفندق المقيم فيه..لكن وليد مكنش موجود ف الغرفه.. واكتشفوا الس’لاح موجود عند وليد ف قلب هدومه..واتحرز ع ال’سلاح وكان نفس التطابق.. والذخيرة ناقصها رصاص’تين بالفعل..
مالك : اتصل ع مراد..وقال ايوه يامراد التقرير لرفع البصمات قدامي ع المكتب..
مراد : بلهفه. ايه يامالك..وطلعت بصمات مين؟
مالك : دي قطعة ازاز من كاس ويس: كي..وعليه بصمات…!!! وليد الشامي..!!!
مراد : بصدمه كبيره..همس وليد الشامي..!!!
مالك : ايوه يا مراد..وكلها كام ساعه وهنقبض عليه..!
مراد : خبط الحيطه بغضب شديد..وقال بصوت عالى وغضبان..مكانه فييين ياماااالك؟
مالك : بتنهيده..لسه بندور عليه يامراد..وكمان عايز اقولك حاجه مهمه جدا.. انت لازم تهدا وتتحكم ف اعصابك.. لأن القضيه قضية رأي عام..يعني ماينفعش فيها انتقا’م..وكمان اول ما وليد يتقبض عليه. ف كل الادله ضده.. والإعد’ام مصيره..!!!
مراد : بغضب. انت بتحلم يامااااالك. وليد ح’رق قلبى..ودمر حياتي. وليد جاتله الجراءه انه يأذي ابويااا..ابويااا يامااالك..وتقولى اهدااا واتحكم ف اعصابي. ده انا هخليه يتمنى الموووت..دا انا هاتفنن وانا بعذ’به فااااهم ولييييد ده بتااااعي انااااا..!!!
——————بقلمي مريم نصار.
الساعه ١٢ ونص صباحاً..قدام الديس’كو..فهد راكن العربيه..وواقف ف مكان ضلمه.. وعينيه ع باب الديس’كو..منتظر وليد..
بعد شويه..
وليد وصل ونزل من تاكسي..ودخل الديس’كو..
فهد : شافه. واستنى عشر دقايق..ودخل وراه..
وليد : قاعد ع الب’ار..وجمبه بنت بتشرب معاه وبترقص وهي قاعده ع الكرسي جمبه وبيضحكو..
فهد : لبس كاب ومخبي وشه..ودخل الديس‘كو..ودور عليه بعيون من نار..
البنت : وشوشت وليد ف ودنه. وضحكت بجراءه..
وليد : شرب كاس..وغمزلها. وطلع حاجه من جيبه..وقال وهو سك’ران..تعرفي انا مبسوط اوى اوى اوى.
البنت : بضحكه ليه مبسوط ياروحي..
وليد : عشان حرقت قلب اكتر اتنين كرهتهم ف حياتي. ههههه وقطعت اهم راس ف عيلتهم.ههههه. وا… وبكره.. بكره هكون هوووف اختفيت وطرت بعيد هههههه..!!!
فهد : سامعه..والنار بتزيد..وقرب بسرعه..ومسكه من قفاه..ومن غير تفاهم روس’يات ف دماغ وليد..
البنت صرخت وجريت..واكتر الديس’كو بيصرخ ويطلعو جري من الدي’سكو…
فهد : مسك فك وليد بشر كبير. وقال من بين أسنانه..ادعي اني ارحمك يابن ال……..!!! ومسك شعر وليد..وخبط راسه ف ترابيزة ال’بار.. وسحبها ومشي بيها ف وسط الكاسات وازايز الخم’ره..
وليد : بيغمض عينيه ويفتح وبيتألم. بوجع كبير ف وشه وراسه..وبينهج..ولأنه س’كران مش شايف كويس ولا واعي.
فهد : بغيظ لانه بيكره ملامحه..ولأن وليد بص لمراته قبل كده..الدم على ف عروق فهد..ونزل فيه بوكسات بشر كبير..وهشمه حرفياً..!!
الجارد لسه هيتدخل..لكن عربيات البوكس..والقوه وصلت ودخلت وحاولو يبعدو فهد بالعافيه..وينقذو وليد من ايديه..
وليد : بين’زف وبينهج .. كان شبه مغمى عليه..
مالك : ربت ع كتف فهد..وقال كفايه كده يافهد..دورك خلص..
فهد : بغضب انت جيت ليه يامالك؟وعرفت ازااااي؟
مالك : عرفت إزاي؟ ف ده شغلنا برضه يافهد..وعشان انقذك قبل ما يموت ف ايديك.
وقولتلك قبل ما اقول ل مراد دى قضية رأي عام..ماينفعش تخسر نفسك عشان كلب زي ده..وانا هعرف شغلي معاه.
ال اتصاب ده خالى يافهد..خالي آدم..ال وجوده بس ف حياتنا نعمه كبيره..
والكلب وليد عايز يحرمنا النعمه دي.. انت متخيل اني هسيبه أو هرحمه. لأ اقسم بالله لا اخيله يكره الساعه ال اتولد فيها..!!!
وبعد كده.القوه.اخدت وليد ع القسم..
وفهد طلع ع المستشفى.وجواه نار لسه قايده..
——————بقلمي مريم نصار.
عدا الوقت ع مراد كأنه سنين..ومستني ضوء الشروق عشان يروح ويبرد قلبه بقتل وليد..
مراد : ساب زياد وزين قدام العنايه وخارج للانتقام..
..وفهد كان ف الدور التاني بيتكلم مع محمد.وشاف مراد نازل بسرعه. وفهد حصله.
مراد : ركب العربيه..ولسه هيتحرك..
فهد : فتح الباب بسرعه وركب جمبه..وبينهج..
مراد : بغضب واضح..انزل يافهد..وليد الشامي يخصني انا..!!!
فهد : بعند اكبر. محدش هيقطع راس وليد الشامي غيري ياصقر..ومتتعبش نفسك مش هسيبك..
مراد : صك ع أسنانه بغيظ..وداس بنزين وطلعو ع القسم..
وبعد شويه ف الطريق…Автор: Меріам Насар
مراد : اتكلم بغضب. انت ليه كدبت عليا..وقولت إن مفيش حاجه مهمه ف الكاميرات.مع انك شوفت وليد.؟
فهد : انت عارف انا خبيت عليك ليه يامراد..ولو انا مكانك انت كنت هتعمل زي ما انا عملت ويمكن اكتر. انت دماغك مشغوله بعمي وأخواتك..وكمان ميرو يعني مش هتعبك واشغل دماغك..وبعدين يصحبي.. انا عرفت كأن انت عرفت بالظبط. ووليد هيموت انهردا..!!!
مراد : بتنفس غيظ..ومسح وشه بايدو..وقال ماشي يافهد.ماااااشي..
بعد شويه وصلو القسم..ومراد نزل بسرعه وبتوعد بأشد العقاب والعذاب ل وليد..حتى لو هيتسجن فيها .
فهد : ماشي جمبه وبنفس الغيظ..لكن لفت انتباهه..العساكر بتجري بسرعه..
مراد : من غير ما يدخل المكتب راح لمكان الحجز ال فيه وليد..لكن وقف مكانه هو وفهد..وقبضو ع أيديهم بغضب الدنيا..
آدم مراد : واقف قدام الحجز..وقابض ع ايديه بغضب واضح جداً..لانه كان جاي ينتقم ل جدو..لكن ال حصل..
إن وليد الشامي..لقيوه مات ف الحجز..مات منتحر..
مراد : جري بسرعه وبينهج..ومسك آدم مراد..وقال انت ال عملتها يا آدم..!!!
آدم مراد : بغضب واضح.. للأسف لأ.
الظابط امير : سمع مراد..وجه بسرعه..وقال لأ حضرتك.. آدم مقربش من ال اسمه وليد..انا كنت موجود من قبله..وكان آدم جاي ف الطريق..وانا دخلت انا والعساكر..لقينا وليد كان ميت.. وشكله انت’حر لأن ف د’م خارج من بوقه..
مراد : بهيستريا..دخل القفص..ومسك وليد من هدومه..وزعق.وقال بغضب..انت ماينفعش تموت غير ع ايددددي..انت كان لازم تموووت ع ايددددي..انت كدا رحمت نفسك منننني…!!!
فهد : دخل بسرعه..وكتف مراد..وبعدو عن وليد..وقال خلاص يامراد .خلاااص اهدا..اهو مات وغار ف ستين داهيه..!!!
——————بقلمي مريم نصار.
بعد مرور اكتر من شهر ونص..
طبعا وليد اتحول للطب الشرعي..وادا الانتح’ار..انه مات نتيجة تمزق ف شرايين القلب الداخلية.
وج’ثة القن’اص مجهولة الهوية. وعرفو أنه من بلد أجنبي واكيد ال استأجرو وليد الشامي..!!
آدم العدوي. لسه تحت الأجهزة..
الست صابره..فاقت وحكت كل حاجه لولادها. وعلية العدوي..وشوقي اشتغل بناءا ع طلب آدم..
مريم : ع نفس الحاله..لكن دبلت وكبرت وملامحها اتغيرت..وخست..
لكن بتمثل القوه..ولحد دلوقتي رافضه تتكلم مع حد..وكل يوم تقعد جمب آدم ف صمت طويل.. وبعدها تدخل ع مكانها الخاص تصلي وتنام..
نور ورينو استسلمو للأمر الواقع..وكل يوم يروحو.. ويتكلمو مع آدم..وحاولو يقفو ع رجليهم من تاني..
مراد وزين بيتابعو شغلهم بناءا ع طلب طارق وبيتر.. والكل واقف ف ضهر التاني..
ف المستشفى..
محمد : عقم طارق. لانه داخل ل آدم..وقال ل طارق..ياريت متطولش زي امبارح ياطارق..
طارق : بحزن..هز راسه..ودخل ل آدم..وقرب منه وقعد قصاده بتعب كبير..وقال صباح الخير يا آدم..!!
وبصله بعتاب..وقال…
بقى كدا يصحبي..!؟ ٤٧ يوم ماسمعش فيهم صوتك.؟
وضحك بوجع..ايه انت حبيت الغيبوبة ولا ايه؟ طيب..طيب انت ليه اناني كدا يا آدم.؟ ليه روحت وسبتنى..طيب خدني معاك ف العالم ده.. يمكن اقابلك..ساعتها هقدر احضنك..
وشاور ليه بايدو وقال بدموع. بس تعرف.؟ هحضنك بغباء.ويمكن امد ايدي عليك كمان. عشان زعلان منك..
صدق وحشني صوتك ووحشني كلمة ياض يا آدم..
هو انا مش وحشتك ولا أيه؟
انت بتخلف بالوعد ع فكره يصحبي.. انت ناسي الوعد بتاع زمان اننا هنكون ع المره قبل الحلوه..
فاكر يا آدم..فاكر اول يوم شوفتني ف المدرسه.. لما الواد ابو دم تقيل ده شد شنطتي وقطعهالى..وجاب اخوه التنح وولاد عمه..وعايروني اني وحيد ماليش أخوات.. وأنت جيت وقفت جمبي مع إنك متعرفنيش . وضربتهم معايا..ونصرتني عليهم..وقولتلهم اني اخوك..!؟ ومن وقتها واحنا واحد.؟ احنا عشرة اكتر من ٦٥ يصحبي. هانت عليك كدا بسهوله..!!؟
طيب تعرف البت چود جالها عريس..ههه بس انا طردته..وقولتله لما جدها يرجع..
ومسح دموعه..وكمل..انت عايز حفيدتي تعنس ولا ايه يصحبي.؟ قوم بقى يا اخي..انت مشبعتش نوم وفراق؟
عايز اقولك إن الدراسه بدأت..والبت ميرو وتيم مقدمين ف جامعه اسمها مكلكع كدا..بس قدمو ع اجازه..والواد تيم جدع..قال أنا مش هسافر طول ما جدو تعبان كدا.وميرو بقت واحده تانيه خالص كأنها عايشه ف دنيا لوحدها.فوق بقى عشان العيال تنجح..
البت آرين .دخلت اولى جامعه. بس خست خالص . ههه وتحس انها عقلت شويه.وانت عارف اني مبحبش العقل.
تمارا : اتعينت دكتوره جامعيه..حاجه كدا تشرف بجد. ههه بقولها يلا فرحينا وجيبي طارق الصغير قالت عايزه اجيب توأم وتسمي آدم وطارق..انا حلفت مايحصل ابدا..عارف ليه؟ عشان مفيش غير آدم وطارق واحد بس..!!
بس تعرف..انت مخلف رجاله بجد.. الواد مراد ده واد سندال..ممشي البيت زي ما انت كنت ممشيه..بس مش زيك طبعا..والواد زين واريان واقفين ف ضهر بعض عشان لما ترجع تلاقي كل حاجه زى ما هي..
البت فريحه. خدت اجازه مفتوحه.. وقاعده ف البيت. وريتال كمان..
الواد آدم بقى ياستار عليه قفل وشه اكتر ما هو قافل وطلع مأموريه اسبوعين ورجع تاني..وال عرفته أنه قتلهم بال آر بي جي..واد مفتري.. اسد ف نفسه كدا. طالعلي ههه.
الواد بيتر. تحس انه عجز من غيرك..اه والله بيقولى وحشتني الضحكه ال من القلب يصحبي..
الواد فهد ابني محتار يراضي مين.بيحبك اوي الواد ده..ماهو تربيتك..
اشرف وجاسر برضه زعلانين..
الواد زياد آجل فرح ياسين.. وقال اقسم بالله ما يحصل.
والواد ياسين طلع راجل..وهو ال قال إنه مش هيتجوز ف الظروف دي..
تعرف انا اول مره اشوف الواد زياد وهو بيبكي..وقال أنا حاسس اني يتيم من غير عمي آدم..
الواد آركان..دخل الحربيه..وقال أنا لازم اكون اقوى من كدا عشان انت’قم من ال يقرب من العيله.. ههه عيله فيها عرق شر ياض يا آدم..
عايز اقولك إن رعد وشاهين وعاشور وهارون.. عايشين ف نفس إحساسنا..واكترهم رعد..
شوفت بقى خدتي ف الكلام ازاي؟ نسيت اقولك. إن عُمال كتير وهما بيعملو عمره دعولك مخصوص..
وماليكه ومالك وساره طلعو عمره عشانك..!! الخير ال انت عملته عمره ما يضيع ابدا..!!
وف موظف خلف ولد وسماه آدم ع أسمك..
عارف البت زينبو ع رأي الواد مراد. مابتبطلش عياط . ونفسها ترجع انت ومراتك البيت..
تعرف اني امبارح كنت هتخانق مع مراد ابنك..ههه لا هو ابني ماهو تربيتي..تربيه مايعلم بيها الا ربنا..
الواد بقوله أنا هدبح عجلين لله واوزعهم ع الغلابه عشان آدم يقوم بالسلامه إن شاء الله..
الواد يقولى هدبح خمسه..فاكرو مزاد هو..وبيعاند معايا..
بس انا فرحت..عشان مراد بيقسم إنك اول ما تفوق هيدبح خمس عجول لله ومن ماله الخاص. واد ابن حلال أوي..
ومسح وشه بايديه بتعب كبير..واتنهد بتعب..وبص ل آدم وقال بوجع.. ايه يا آدم طولت الغيبه عليا.. حلفتك بالله يا اخي تفوق. والله الدنيا مهجوره من غيرك.. بطل انانيه بقى يا اخي.
تعرف انا عمري ما حب أبين ضعفي قدام حد..بس انت مش اي حد..انت كتفي التاني وضهري..وعايز اقولك اني ضعيف من غيرك يصحبي..وانت لو مقومتش طارق قريب هيودع الدنيا كلها..صدقني انا حاولت ماتهدش..بس انا من غيرك هش..!!!
——————بقلمي مريم نصار.
عدا يومين كمان..
ف شقة تيم.
ميرو : بحزن حقيقي وجديه..لو سمحت انا عايزه اروح المول..
تيم : قام وقف وقرب منها..وقال..حاضر بس ممكن اتكلم معاكي شويه.!!!
ميرو : عيونها لمعت.وبصت بعيد..وقالت بحزن..مفيش بينا كلام يتقال ياتيم..
تيم : قرب منها بحنان..واخد راسها ف حضنه.وضمها لقلبه بحنان كبير..وقال يااااه..حضنك وحشني اوي ياملاكي..
ميرو : عيطت بوجع كبير..وساكته..
تيم : باس ع راسها.وضمها اكتر..وقال.. آسف..والله بجد آسف..لكن لو كنت اعرف ال هيحصل..انتي عارفه اني مكنتش هتأخر ونرجع حالا..بس انا رفضت عشان عايزك جمبي وف حضني..
ميرو : بعياط مش قادره اسامحك ياتيم..انت متعرفش بابا آدم وحشني قد ايه؟ فتره كبيره ماسمعش صوته..دي عمرها ما حصلت. ليه رفضت نرجع.؟
كنت وافق ياتيم ع الأقل كنت هترمي ف حضنه. كنت حسيت حنانه ال اتحرمت منه..وكمان ماما مريم. ال اتغيرت كتير..وحاسه انها مبقتش تعرفنا. أنا ضعيفه جدا من غير بابا وماما. أنا عايزاهم..تقدر ترجعهملي؟ تقدر ترجع بالزمن وتسمعني صوته..انا خلاص مش قادره ع فراقهم اكتر من كده..
تيم : طلعها من حضنه..ومسح دموعها..ومسد ع خدها..وقال آسف.دي الامنيه الوحيدة ال مقدرش احققهالك لانها بايد ربنا مش بأيدي.. مريم احنا بنصلي وندعي وعملنا كل حاجه تقدر تتعمل..وكمان انا طلبت من بابا وجبنا دكاتره من الخارج.رغم كفائة الدكاتره والاستشاريين هنا..وطمنونا إن الحاله مستقره..وماما مريم..بتاخد علاج والدكتور مروان متابع الحاله.. وإن شاء الله.ربنا هيعوض تعبنا خير..
المملكه ماتنفعش من غير آدم واميرته ياملاكي..!!
ميرو : رفعت عينيها ليه بأمل..
تيم : ابتسم بحب..وباس جبينها وقال..تفائلو بالخير تجدوه..هو انا ال هقولك برضه..المهم عايزه تروحي المول ليه؟
ميرو : بانكسار..اجيب الصدفه. واوديها ل بابا آدم..!!
فيلا العدوي..
فريحه : نازله من ع السلم..وبتنده..زينب..يازينب..!!
زينب : جت نعم ياست الدكتوره..
فريحه : بارهاق..خلصتى الغدا عشان رايحه المستشفى ل بابا..
زينب : من عينيا هوا ويكون جاهز..بس وانبي ياست الدكتوره فريحه..عايزه من سيادتك طلب..
فريحه : خير يا زينب محتاجه فلوس؟
زينب : بنفي.. لأ لأ ابدا وانتو مخلينا محتاجين ل حاجه.. شاله يستركو دنيا وآخره ونفرح برجعة سيدى آدم بيه وست الكل وينورو الدنيا من تاني.
فريحه : بتنهيده اللهم امين يارب..قولى عايزه ايه؟
زينب : بترجي..كنت عايزه اجي معاكي انا وعوض..شاله يجبر بخاطرك يارب..انا بقالى اسبوع مروحتش وست مريم وحشاني..ده انا حتى عملتلها الاكل ال هي بتحبه..
فريحه : هزت راسها ماشي يازينب..بس اجهزو بسرعه علشان مراد زمانه ف طريقه للمستشفى..
زينب : بفرحه كبيره حالا وجريت من قدامها..
رينو : داخله الفيلا..وقالت بتعب السلام عليكم..
فريحه : وعليكي السلام ياحبيبتى.عامله ايه دلوقتي يارينو..!!
رينو : بحزن حقيقي.. الحمد لله بخير يافريحه..بقولك الله يكرمك..ابعتي حد يجيبلي علاجي من فوق..نسيت اخدو امبارح وانا مروحه..
فريحه : من عينيا ياقلبى.. بس انتي رايحه ف مكان..
رينو : مسحت دموعها..وهزت راسها ايوه..فهد جاي ياخدني يوصلني ل بابي..
فريحه : بزعل عشانها..طيب وحدي الله يارينو. انتي باين عليكي التعب جدا..
رينو : بتنهيدة وجع.. لا اله إلا الله..
فريحه : طيب اقعدي اشربي كوباية عصير الاول..وندهت ع عزه تجيب عصير..
رينو : حاسه بدوخه وقعدت بتعب..وقالت لأ هاتي بس العلاج عشان مخدتش وحاسه اني تعبانه..
فريحه : صممت إن رينو تشرب عصير..ورينو اخدت العلاج..
فهد : وصل ودخل..السلام عليكم..وقرب من رينو وباس جبينها وسلم ع فريحه..وقعد جمب رينو..
رينو : بصوت تعبان..قالت آرين هتخلص محاضرات الساعه ٣
فهد : قال ..عارف ياحبيبتى..وشاهين هيجيبها من الجامعه.يلا بينا..وبما إنك رايحه يافريحه يلا تعالي معانا.
رينو : قامت بتعب..
فريحه : منحرمش منك يافهد.. اسبقوني انتو. وانا هاجي ومعايا الغدا.. وزينب وعوض جايين معايا.وهارون هيوصلنا ..!!
فهد : حاسس بتعب رينو..وسندها..وخارجين..وفتح باب العربيه ليها..وركب جنبها.. وساق ع مهله عشان الحمل..!!
——————بقلمي مريم نصار.
ف المستشفى..
ميرو : داخله ل جدها..
تيم : بصلها ادخل معاكي..
ميرو : هزت راسها بحزن.. لأ انا محتاجه اكون لوحدي..
تيم : مسد ع حجابها. وتفهم وقال ماشي ياحبيبتى..وانا هستناكي مع باقي العيله..
ميرو : دخلت وقفلت الباب..وقربت من جدها..وقعدت جمبه ع طرف السرير.. ودموعها نازله زي المطر..
وقالت : بحنين ممزوج بوجع..مساء الخير يا بابا.. لأ لأ السلام عليكم.
آدم : ………!!!
ميرو : مسحت دموعها وحاولت تبتسم لكن صعب جدا..ومسكت ايدو وباست عليها بحب كبير. وقالت وحشتني جدا يابابا..وبصت ع ملامحه يمكن يتحرك..
آدم : ………!!!
ميرو : عيطت بيأس وقلة حيله..وقالت..بابا آدم ارجوك رد عليا..كفايه وجع كفايه بعد وجفا..حضرتك نسيتنا خالص..
طيب انا عارفه انك زعلان مني عشان بعدت عنك فتره..ومش هتتكرر صدقني انا اسفه بس أرجع لينا ومش عايزه أسافر اي مكان..هفضل جمبك ع طول..
آدم : …….!!!
ميرو : سابت أيدو..وبصت ع غرفة مريم..وقالت بوجع..ماما مريم اتغيرت جدا يابابا..
زلفت ليه..وقالت بدموع. اتغيرت لدرجه كبيره انها مش عايزه تتكلم مع حد خالص..
بس انا فاهمه انا متأكده انها زعلانه منك..وبتعاقبك بسكوتها..
عايزه تعرف ازاي انها هانت عليك كل ده..
ماما مريم انا واثقه انها لو اتكلمت معاك انت هترجع لينا من تاني..بس هي رافضه عشان زعلانه اوى منك..ماما مريم مكسوره يابابا..ومحتجالك..
عندها احتياج ليك بحجم زعلها منك..ماما مريم مش مصدقه إنك مش موجود معاها.. أحيانا بشوف ف نظرتها ليك عتاب كبير مايفهموش غير ال جرب وجع الفراق..
ومسحت دموعها..وفتحت شنطة هدايا..وطلعت منها الصدفه..وقالت بشهقات وجع..بص انا جبت ايه؟ وانا ف المالديف شوفت هناك صدف جميل جدا..ودي كانت أكبر واحده بينهم..وانا اختارتها ليك ول ماما..بص يابابا..
بص انا اخدت صورتك وصورة اميرتك..وطلبت من البنت وحطتها ف قلب الصدفه..وقولتلها تكتب.. تحت كل صوره.
بص تحت صورتك مكتوب كيان مريم..وتحت صورة ماما مكتوب أميرة آدم.. وهنا مكتوب هدوء العشق..
انا اخترت الاسم ده عشان لايق ع عشقك ل ماما مريم..
وحطت الصدفه جمبه..وعيطت بوجع كبير. وحطت راسها ع صدرو..وقالت بعياط وترجي.. بابا بالله عليك أرجع لينا..اميرتك من غيرك هتموت يابابا…!!!
آدم : فتح عينيه…وقال أميرتي..!!!
——————بقلمي مريم نصار.
بعد شويه..
مريم : رفعت عينيها ليه.واتملت بالدموع.واخيرا خرجت عن الصمت وقالت…
اكتر حاجه سمعتها صح ف حياتى لو اتحضنت من ال بتحبه مره هتفضل مريض بيه طول العمر.. اتأخرت ع أميرتك أوي يا آدم…..!!!! ———-
