رواية مملكة ميراث العشق الفصل الثالث والثلاثون 33 بقلم مريم نصار
رواية مملكة ميراث العشق الجزء الثالث والثلاثون
رواية مملكة ميراث العشق البارت الثالث والثلاثون
رواية مملكة ميراث العشق الحلقة الثالثة والثلاثون
في إيطاليا..
في جناح سفيان..
سفيان : واقف قدام المرايا بيسرح شعرو.
باري : بتخبط..
سفيان : Enter (أُدخل)
باري : دخلت وقالت. Good morning سفيان.
سفيان : بابتسامه..صباح الخير ياحبيبتي.
باري : بتذمر. بابي ومامي منتظرينك تحت ع الفطار.
سفيان : بتكشيره..طيب ممكن اعرف مالك مكشره ليه ع الصبح..؟
باري : بغيظ.. وأنت يعني يهمك أختك مضايقه ولا لأ؟ حضرتك مش فاضي..طول اليوم امبارح بره البيت..وراجع نص الليل..ولا حتى سألت عليا..
سفيان : أبتسم..وقال.يامجنونه افصلي شويه..هو انا يعني اتأخرت بمزاحي؟ غصب عني.ولما رجعت سألت ماما عليكي وكنتي نايمه..وانهردا هعوضك عن كل حاجه ها مبسوطه؟
باري : ربعت أيديها بزعل وقالت.. لأ مش مبسوطه.. أنا عايزه اعرف كنت فين كل ده؟..مامي قالت إن كاسبر كان زعلان جدآ ع فراق جدو.. وأنت اخدته معاك في العربيه..وقولت إنك ساعه وراجع.. والساعه دي أخدت معاها ١٢ ساعه..ممكن أعرف بقى حضرتك كنت فين؟
سفيان : بضحكه..ده أنتي لو مراتي مش هتسأليني وتحققي معايا كدا..
باري : برقه..بس انا أختك حبيبتك وهتقولي مش كدا.بليييز؟
سفيان : رفع حاجبه وقال..مين اللي بتتكلم دي؟ لأ لأ انا حاسس إن في مصلحه كبيره من ورا الرقه دي..
باري : حطت ايدها ف دراعه وقالت بمرح.. طبعآ وهى الأخت ليها إيه عند أخوها غير حبة مصالح..!!!
سفيان : ابتسم وقال.. الأخت ليها كل حاجه حلوه عند أخوها.. الأخت هى أول بنوته لقلب أخوها.. الأخت نوع تاني من الحب..والحب الطاهر. وأول قطعه من الأب وألام. الأخت ليها كل حاجه.. فهمتى يا باري.؟
باري : ضمت دراعه بسعاده..وقالت..فهمت..بحبك اوى ياسيفان..وع فكره بقى هتخليني اعيط بكلامك ده..والميكب هايبوظ..
سفيان : ضحك بصمت وقال..لا خلاص وانا مش عايزك تعيطي.. ولما الميكب يبوظ بتبقي مخيفه جدا.. ههههه.
باري : اتنفست غيظ..وقالت. أوكي سفيان.. ثانكس بجد..
سفيان : هههه تعالى بقى.. بهزر معاكي.. وعلشان تعرفي إن زعلك مهم عندي هقولك كنت فين.. لكن تحت ع الفطار..علشان لازم ماما وبابا يعرفوا باللي حصل أوكي؟
باري : أممم أوكي.لنذهب..Let’s go
سفيان : يلا بينا..وعايزك عاقله قدام ماما. بلاش هزار لازم نراعي حجم الحزن إللي بتمر بيه..
باري : بحزن..ع فكره أنا بضحك معاك أنت بس.. حسيت إني محتجالك..أنا من امبارح جمب مامي.ومسبتهاش لحظه. وزعلانه جداً ع جدو..
سفيان : بتفهم.. أنا فاهم ياحبيبتي..ومقصدش حاجه.. أنا حبيت ألفت نظرك مش أكتر.. أوكي.
باري : أوكي..يلا بينا بقى..
Автор: Меріам Насар
تحت ع السفره..
رعد : يلا هالي..كلي دي من أيدي..
هيلينا : بحزن. لأ رعد مش عايزه..
رعد : بعتاب..بقى كدا مش عايزه تأكلي من أيدي؟
هيلينا : بتنيهدة زعل..صدقني رعد sorry أسفه. ماليش نفس لأي حاجه..
رعد : تمام..يبقى انا كمان مش هاكل حاجه..
هيلينا : بوهن.. أوو بليز رعد ارجوك متعملش كدا..
رعد : برفض.لأ..هتاكلي هاكل..مش هتاكلي .أنا كمان مش هاكل.. وأنتي حره بقى ذنبي ف رقبتك..
هيلينا : رعد بليز..ليه بتعمل كده؟
رعد : مسك أيدها وقال.. لأنك حبيبتي وزوجتي واختي وامي وكل حاجه حلوه..وماينفعش اسيبك وقت ضعفك. وماينفعش أقول اسيبها دلوقتي وشويه هتتحسن..
لأ ياهالي إحنا وعدنا بعض أننا هنهون على بعض مُر الأيام. ومنسمحش لأي زعل يأثر علينا.. وبعدين انتى طبعك مابتحبيش اليأس ولا الاستسلام..يبقى ليه مش راضيه تتجاوبي معايا علشان نعدي المحنه دي؟
هيلينا : بدموع..كلامك جميل اوى رعد..لكن داد فراقه ساب أثر كبير جوايا..مش قادره أتخيل إني مش هسمع صوته تاني.. خلاص كدا رعد أنا مبقاش عندي أم ولا أب.. أنا قلبي حزين اوي رعد..!!
رعد : ربت ع ضهرها بحنان وقال..وحدي الله ياهالي.. وأنا جمبك ديما ومعاكي..عمرك ما تكوني لوحدك أبدا..
سفيان : ضمها من الخلف..وقال. هو انا ورعد باشا مش كفايه ولا إيه يا أمي؟
هيلينا : مسحت دموعها وابتسمت بتمثيل..وهزت راسها..
سفيان : باسها من خدها..وقال.. صباح الخير ياست الكل..
هيلينا : صباح الخير سفيان..
سفيان : صباح الخير يابابا.. إيه مزعل هالي ليه؟
رعد : صباح الفل ياسيفو..وكمل بمكر..
أبدا مفيش..هي عايزه تاكل مربى..فبقولها هو في مربى تاكل مربى.؟. بس كدا..
هيلينا : غصب عنها أبتسمت..
رعد : أبتسم..وغمز..بزمتك مش انا قولت كدا؟
هيلينا : هزت راسها نو رعد انت مش قولت كدا..
رعد : ديما بتحرجيني بزوقك..دي إسمها إيه؟
هيلينا : دي مربى..
رعد : بغمزه..وهو في مربى تاكل مربى؟ اهو قولتها ولا لأ؟
باري : ههههه بابي قالها طبعاً..فكي بقى بليز مامي.. أنا متعوده دايما على ضحكتك الجميله.. أوكي؟
هيلينا : هزت راسها بتنهيده..
سفيان : قعد جمبها وقال.. أحسن دلوقتي ياحبيبتي؟
هيلينا : الحمدلله حبيبي..
باري : اووو بعشق النوتيلا.. ومسكت البرطمان.. وبدأت تعمل الساندوش.. وتاكل بنهم..
رعد : بياكل..ومهتم بهيلينا.. ومبتسم ع شكل باري. وقال..
.ها عملت ايه أمبارح ياسيفان بعد مكالمة المحامي؟
سفيان : بتنهيدة حزن.. المحامي قالي.. جدو قبل الوفاه بفتره.. أتنازل ليا بيع وشرا للمجموعه والفيلا دي.. وحط مبلغ كبير بإسم باري.. وباقي الأملاك لماما وعيلة ماما حسب الشرع..!!!
باري : سابت الأكل..وعيونها لمعت بدموع..وقالت.. مبلغ علشاني أنا؟
سفيان : مسد ع شعرها وقال.. ايوه يا حبيبتي.. وبلاش عياط بقى..علشان الميكب هيبوظ وانتي عارفه بقى..
باري : مسحت دموعها وابتسمت بتمثيل..
رعد : الله يرحمه ويغفرله.. طيب أنت ناوي تعمل إيه ياسفيان؟
سفيان : الرأي يرجع لست الكل..عايزاني أكمل هنا ف إيطاليا ونعيش هنا مفيش اي مشكله..
هيلينا : بحزن.. أنا ماليش حد هنا سفيان.. عيلتي الحقيقية في مصر.. أنت كمل السنتين في جامعتك. وصفي شغل هنا وارجع مصر بليز سفيان..كفايه سفر وبُعد..
سفيان : باس ع راسها وقال.. طلباتك اوامر.. وأنا كمان ده رأيي.. إن شاء الله.. المهم إنك تكوني مبسوطه..
هيلينا : أكيد هبقى مبسوطه لما أنت وباري تكونوا جمبي حبيبي..
رعد : أحم احم.. وأنا كيس فاضي يعني ولا إيه؟
هيلينا : أبتسمت.. أنت كل حاجه حلوه ف الدنيا دي رعد..!!!
——————بقلمي مريم نصار.
فيلا مصطفى عزيز.
چود : نايمه..
مصطفى : دخل عليها..وماسك ورقه وقلم..وقعد جنبها..وبيصحيها.. چوود.. بت ياچوووود.
چود : هرشت خدها بنعاس..ونامت تاني.
مصطفى : وبعدين بقى..ماتقومي يابت.. چوووووووود..
چود : فتحت عينيها بخضه..وقالت.. إيه اللي حصل..في ايه يامصطفى..جرالك حاجه؟ اتشليت ولا جالك مغص معوي.علشان تصحيني بالطريقه دي.؟
مصطفى : ههههههه لا بعد الشر عليا..الشلل ده سيبيه عليا انا..هجبهولك. لو مالمتيش أم لسانك ده.
چود : نفخت بنفاذ صبر..واتعدلت.. وقالت..بملل. في ايه بس يامصطفى.بتصحيني ليه وعايز مني ايه؟ ماتسبني نايمه حرام عليك..
مصطفى : يابت انتى نايمه بقالك ٢١ سنه اصحي بقى.. وبعدين أحنا الضهر.. واخوكي چواد جاي في الطريق علشان نلعب بلايستيشن..
چود : بتتاوب..وقالت ياااه الضهر؟ طيب كويس إنك صحتني..
مصطفى :.وبعدين الناس الطبيعيه..لما تصحى..تقول صباح الخير..
چود : بتريقه.. الناس الطبيعيه بقى.. المهم ياحبيبى هنروح نشوف آرين امتى؟
مصطفى : لأ مش هينفع. أمك جايه تتغدا معانا انهردا..
چود : عوجت بوقها وقالت إسمها أمك؟ طيب ياخويا.. وبعدين ايه الورقه والقلم اللي معاك دي؟
مصطفى : بغمزه..دي علشانك ياجميل..يلا قوليلي بقى بتتوحمي على إيه؟ علشان أكتب كل طلباتك..
چود : بإبتسامة حب.. ياحبيبى يامصطفى..بتفكر فيا..
مصطفى : بمكر. أبدا والله.. أنا اتفرجت ع برنامج كدا وجت سيرة الوحم..قولت ماشي نشوفها هتتوحم ع إيه؟
چود : صكت ع أسنانها بغيظ..وقالت..طول عمرك بتفهم..
مصطفى : هههههه يابت بهزر معاكي..وانا ليا مين غيرك يا موزتي.. يلا بقى..نفسك هفاكي على إيه؟
چود : كشرت عينيها وقالت..نفسي هافاني؟ ده إللي هو إزاي يعني؟
مصطفى : يابت يعني نفسك جايه لايه..قولي متتكسفيش..
چود : بدهشه.. يامصطفى أنت بتتكلم بجد؟ لسه بدري على الوحم.انا لسه في الشهر الأول. لسه لسه متستعجلش..
مصطفى : لااااء ماليش فيه..حامل يبقى تتوحمي.. وانا هساعدك.تختاري.
أممم نفسك في بتنجان أسود؟ ولا طماطم خضرا؟ ولا يمكن نفسك هفاكي على كوتش عربيه سكودا ؟
چود : متنحه..وهمست بزهول. كوتش عربيه؟
مصطفى : خلاص ولا تزعلي..نقول مثلا فلفل اخضر؟ ولا فلفل حلو ألوان؟ ولا مخلل؟ أوعي تكوني بتتوحمي على بطيخ.؟ ده مش أوانه..بس لو نفسك فيه ندور وهنلاقي..كلة يهون علشان كونان..
چود : حست ببلاها.. قالت..لحظه واحده يامصطفى. بعيداً عن البطيخ وسوق الخضار إللي أنت عايش فيه ده..بس كونان مين؟
مصطفى : بتعجب.. الله؟ كونان ياچود أبني. كونان مصطفى عزيز.
..ويسلام لو تؤام..يبقى كونان وناروتو. ولو بنت تبقى موانا..ومولان..ياااااه حلم عمري..
چود : صكت ع أسنانها بغيظ واضح..وزعقت..مين ياخوياااا؟ كونان ونارتوووو؟
إيه جو الكرتون ده..ياعم انت.. انت متجوز سبيستون؟
طيب استنى بقى البطن إللي بعدها. اجبلك..ساكورا وساسوكي وسكاشي وساموراي وبالمرة تنه ورنه وسيف النار والقناص..!!!
مصطفى : مثل الدهشه والانبهار وقال .بجد ياچودي؟
چود : صرخت بغيظ..وقالت..ااااه ياماااا..هيولدني قبل أواني..
جوز بنتك عايزني اخلفلو مازينجر وأبو الغضب. منك لله يامصطفى..هتشل منك..
مصطفى : هههههه عارفه ياچود؟ أنتي لو مش حامل؟ كنت كملت عليكي وقولتلك نسيتي أفروديت ههههههه..
يابت انتى اعقلي انا بهزر معاكي..خلاص تعالى اقعدي بقى.. أنا ياعم طالع أشوفك نفسك في ايه تعملي فيا كدا..؟
چود : واقفه بتهز رجليها بنرفزه.وشكلها متعصب جداً.
مصطفى : ضحك بصمت وقال مجنونه والله. وقام راح عندها.. وقال..خلاص بقى يابت بهزر معاكي..
چود : بغيظ..ده حرق دم مش هزار.. أنت لو فضلت كدا أنا هروح اقعد التسع شهور عند بابا لحد ما أولد. أنا مش مستغنيه عن اللي في بطني..
مصطفى : حاوطها من وسطها وقربها منه وقال.. واهون عليكي تسبيتي تسع شهور يامفتريه؟
ومين أصلا هيسمحلك تبعدي عني.. السرير ده خد عليكي خلاص. ماينفعش تتخمدي على سرير غيرو..
چود : غصب عنها ضحكت..وقالت..الله يخربيت دماغك.. انت يبني مجنون..حتى الرومانسيه مش قادر تكملها.. الرومانسيه في ذمة الله منك..
مصطفى : بمكر.. أنتي يابت حلوه انهردا كدا ليه؟
چود : زقته من صدرو..وقالت لااا ألعب غيرها.. أنا جعانه..وحامل وعايزه اتغذى..بس مش على فلفل وطماطم.. أنت مش متجوز فرخه..
انا يوم ماتوحم هتوحم على حاجه تليق بحفيدة السيوفي.
مصطفى : بتريقه..السيوفي؟ إيه هتتوحمي ع غزوه هههههههههههه.
چود : هيهيهيهي..عسل..
مصطفى : بغمزه..طيب انا طلبت ليكي أحلى فطار وهيطلع لحد عندك حالا.. تاكلي وتشربي العصير.. علشان عايز أقولك على موضوع في غاية الخطورة..
چود : بضحكه.. لأ بعينك..وبعدين چواد جاي في الطريق..
مصطفى : بخبث..يترزع تحت هو يعني المركب هتمشي..
چود : هههههههه فظيع ياض ياتيفا..
مصطفى : بغمزه. أقسم بالله قلب وعقل تيفا..يام كونان..
چود : بغيظ…مصطفااااااااه..
مصطفى : قلب مصطفى ياتراب القمر..
——————بقلمي مريم نصار.
عند فهد..
آرين : شافت ابوها لابس وخارج ومتنرفز جداااااا.
فهد : خرج وقفل الباب بنرفزه..
آرين : اتخضت..
آركان : خرج من اوضته بيتاوب.. وقال.. إيه الصوت ده ع الصبح؟
آرين : قعدت ع الكرسي بحزن..ومردتش..
آركان : شافها واستغرب..وقرب منها وقال..الله؟ مالك يا آرين مبوزه ليه ع الصبح؟
آرين : مصيبه يا آركان..مامي سابت البيت..وبابي خرج دلوقتي متعصب جداً.. أنا خايفه..
آركان : معلش قولي تاني كدا؟ ماما سابت البيت.. سابته سابته؟ ولا نزلت للعيله؟
آرين : هزت راسها لأ سابته سابته يا آركان..مامي قالت إنها مش عايزه حد يتواصل معاها.. عااااا. هو إيه اللي بيحصل ده انا مش مصدقه..
آركان : قعد جمبها وقال.. آرين أنتي مستوعبه للي أنتي قولتيه؟ ماما سابت البيت يعني زعلانه وأكيد حصل مشكله بينها وبين بابا؟
آرين : بشهقات..مش عارفه.. أنا أمبارح نمت من التعب ومحستش بحاجه..
آركان : طيب بس بطلي عياط..وقومي اعمليلى كوباية قهوه على ماخد شاور..
آرين : بدهشه.. أنت معندكش دم؟ إحنا في مصيبه وعايز تشرب قهوة؟
آركان : اه صح. آسف. اعملي كابتشينو..ها كدا حلو؟
آرين : عاااااا أنا عايزه مامي.
آركان : يابنتي افصلي بقى.. وبعدين انتى مفكرا إن الموضوع هيطول مثلاً؟
أكيد بابا آدم مش هيسمح بحاجه زي كدا.. وبعدين بابا استحاله يخلي ماما زعلانه منه..
آرين : بدهشه..صدق عندك حق. بس إحنا مش عارفين إيه اللي حصل بينهم..مشكله كبيره ولا صغيره..
آركان : كبيره او صغيره هتعدي.. أنتي عايزه الحوت يزعل نجمته.. يلا يلا اعملي خمس سندوتشات كدا عشان امخمخ..وخبطها في أنفها بهزار..
آرين : اتغاظت وحدفته بالمخده..وقالت.. أنت باااارد جدآ.
آركان : ببرود بس يامحروقه.مش كنت سبتك تغرقي في البحر..كنتي بتعومي عوم كلاب..
آرين : حطت ايدها ف جمبها وقالت بمكر.. آدم قالي لما تحبي تعومي.؟ قلدي آركان..
آركان : اتغاظ..بقى كدا؟.طيب تعالى بقى..انا هعرفك إزاي تعومي زيي.. وجري وراها..
آرين : جريت بسرعه وبتضحك عليه..ودخلت اوضتها وقفلت ع نفسها بالمفتاح وبتضحك..
آركان : افتحي يابت..علشان معلمش عليكي انهردا.
آرين : لو فضلت تضايقني؟ انا هتصل على آدم أقوله..
آركان : هرش في قفاه وقال..ع فكره بقى أنتي معندكيش روح رياضية..
آرين : هههههههه
آركان : خلاص هسامحك المرادي..بس ع الله تكرريها تاني..انتي فاهمه؟
آرين : ههههههههه فاهمه جدآ..
آركان : طيب يلا بقى..عايز أفطر خلينا ننزل نشوف الناس القماصه دي..
آرين : فتحت الباب وقالت بترجي..توعدني إنك ترجع مامي البيت يا آركان؟
آركان : لعب في شعرها بتمثيل الهزار..وقال..من غير ما وعد.. لارين العدوي روحها فهد السيوفي..
——————بقلمي مريم نصار.
فيلا العدوي..
اوضة آدم مراد..
تالين : بدموع..يعني حضرتك هتتصرف يا أبيه؟
آدم مراد : بيحاول يلبس التيشيرت..وقال..
تالين أنا مش عايزك تشغلي تفكيرك في حاجه زي دي..
ماما وبابا مش صغيرين.. أكيد في سبب ولازم نديلهم مساحه علشان يحلوا مشاكلهم..
تالين : مسحت دموعها..وقربت منه وساعدته في لبس التيشيرت..وقالت بعتاب.. يعني حضرتك مش هتتدخل وترجع ماما للبيت من تاني؟
آدم مراد : بتفهم..قال..تالي. أنا عمري ما هتخلى عن ماما وبابا طول عمري.. وأكيد هتدخل. لكن لو لزم الأمر..
افرضي مثلاً ماما عايزه تشوف غلاوتها عند بابا.. أجري انا وارجعها والغي تصرف بابا؟ ماينفعش..
أنا هشوف بابا هيعمل ايه.. وبناءا عليه أنا هتصرف..
تالين : بحزن..بس انا خايفه إن ماما تكون زعلانه جدا ومترجعش هنا تاني. لأن ماما عمرها ما سابت البيت أبدا..
آدم مراد : أبتسم بتمثيل.. وقال.. اللي بين بابا وماما.. أكبر من أي خلاف حتى لو كبير هايعدو.. اطمني..
تالين : بتنهيدة.. اللهم وإن استحالت بأمرك تكون..
——————بقلمي مريم نصار.
في الجنينه..
فهد خارج من العماره بغضب.. وقال.. ماشي يا لارين. أكيد جريتي على اخوكي مراد..
حصلت يالارين..؟ على آخر الزمن تسيبي البيت؟ بس انا مابجيش بلوي الدراع يابنت العدوي..
Автор: Меріам Насар
مراد : خارج من الفيلا بعصبيه.. وقال.. وحياة أمك يافريحه لاعدلك.. اظاهر انا دلعتلك زياده عن اللزوم. بتمشي وتسيبي البيت؟ والله عال..جديده دي..
فاكره إني كدا هقولك خلاص يابت ارجعي وهسيب شغلي. أصل شغل ابويا هو. مااااشي يافريحه..
وكل واحد ماشي يكلم نفسه..واتقابلوا في النص.. ووقفوا قدام بعض..
مراد : بنرفزه.. وفهد بغضب قالوا في صوت واحد.. أختك فييييين؟!!!
فهد : قبض ع ايديه وقال..لارين فين يا مراد؟
مراد : بغضب واضح.. أنا إللي بسألك فريحه فين يافهد؟!!!
وكل واحد استوعب..وبصوا لبعض باستفهام..
فهد : بشك..هي فريحه كمان سابتلك البيت؟
مراد : كشر عينيه وقال.. أنت تقصد إن رينو هي كمان سابتلك البيت؟
فهد : صك ع أسنانه بتوعد وقال..اااه. كدا كل حاجه بانت.
مراد : بغيظ..يبتفقوا علينا إحنا؟ وبص ل فهد وقاله.. ولااا أوعى تكون زعلت أختي عليا النعمه اعمل معاك الجلاشه..
فهد : شاور في وش مراد..وقال..عارف لو فريحه اشتكت منك إنك مزعلها..انا بقى هعمل معاك الصح والغلط..
مراد : ياشيخ اتلهي وحياة أبوك..دانتوا عيله مفتريه.. بس استنى هنا..هي رينو سابت البيت ليه؟
فهد : مسح وشه بأيديه ونفخ بخنقه وقال.. أختك عايزاني اسيب الشغل يامراد باشا.. وأنت بقى إيه السبب العظيم اللي تخليها تمشي..
مراد : مط شفايفه اممم وقال..الله..بقى الحكايه كدا.؟
. يعني فريحه عايزاني اسيب الشغل..ورينو عايزاك تسيب الشغل.. أممم دول متفقين علينا يامعلم..
فهد : بخنقه.. يعني ايه؟ أختك مصممه..وامبارح حطت شرط سخيف قال إيه؟ ياهى يالشغل..
مراد : بدهشه..صدق نفس البُق برضه من أختك. الحريم اتجننوا ولا ايه؟
فهد : بخنقه..ملهاش تفسير غير كدا..بقولك ايه.. تعالى نشوف الهوانم.. جوه بيعملوا ايه..بيتفقوا علينا في ايه تاني؟
مراد : نعم..!! هي فريحه مش عندك؟
فهد : يابني هى لو عندي هخبي عليك ليه؟ اكيد ياجوه في الفيلا ياعند أبويا..
مراد : هز راسه لأ..فريحه مش عند طارق..وكمان رينو مجتش عندنا ولا عند طارق..
فهد : فتح عينيه بصدمه وقال.. إيه؟ هيكونوا راحوا فين؟
مراد : بغيظ..اااه يابنت المستخبي.. أنتي تعملي فيا أنا كدا.؟ وحياة أمك يافريحه لاظبطك..
فهد : ماتلم نفسك بقى..ايه تظبطها دي.؟
مراد : اوووف ياعم فوكك مني دلوقتي..علشان أنا لاطايقك ولا طايق أختك..
فهد : والله الحال من بعضه.انا مابقتش طايق نفسي.. ونفخ بغيظ. يعني هيكونوا راحوا فييين دلوقتي..معقول تكون كل واحده راحت شقتها؟
مراد : هز راسه أكيد..بما إنهم لا هنا ولا هناك..
يلا ياخويا..
خد عربيتك وروح دور ع مراتك.. وأنا هروح الشقه.. بس أسمع حسك عينك تعلى صوتك ع أختي فاهم؟
فهد : ياعم بقى متقرفناش..وعارف لو فريحه اشتكت منك. هعلم ع وشك.. يلا بينا..
مراد : يلا بينا..وهنشوف مين هيعلم ع التاني.. حريم آخر زمن..!!!
وفهد ومراد كل واحد ركب العربيه وطلع يدور ع مراته..
——————بقلمي مريم نصار.
فيلا تيم عزيز..
تيم : طيب ياجماعه ممكن تهدوا وتفهمو كلامي..
انتوا مفكرين موضوع الاستقالة ده سهل كدا؟
ده شغل مخابرات ياجماعه..مش هزار..في حجات كتير يترتب عليها موضوع الاستقالة ده. وفي معرفش المادة ايه بتنص على إيه..وقرارات كبيره ومصيريه.. لازم يبقى في أسباب مقنعه يقدمها الشخص للاقاله..
رينو : مش في كل الأحوال ياتيم..في ماده بتنص على الشخص لو كمل شغل عشر سنين متواصله ممكن جدا يسوي معاشه علشان يسيب مكان للاولويه من الشباب والجيل الجديد.. وفي بنود كتير منصفه..
فريحه : أيوه فعلاً..ومراد قالي نفس الكلام ده من زمان جداً. لكن مكنش في دماغي اني هقوله سيب شغلك.. وبعدين ما آدم أبني موجود. و آركان. يبقى فين المشكله..
رينو : انا ديما كنت بكتم جوايا وبسكت.. لكن دلوقتي بجد انا مبقتش بتحمل الزعل..كفايه صدمتي في اللي حصل لبنتي أمبارح..وقبل كدا حادثة الجامعه..وحادثة بابي وحاجات كتير جدا حصلت.. لكن كان عندي قدرة تحمل.. لكن دلوقتي أنا معنديش استعداد أضحي بولادي أكتر من كدا..
تيم : هز راسه لأ انا مش مقتنع يارينو..كل اللي أنتي قولتيه ده عندك حق فيه.. إلا إنك تفرضي حاجه كبيره زي دي على فهد.. وانتي كمان ياماما فريحه.. ومتزعليش مني.. أنتي عارفه خالو مراد أكتر واحده.. يهزر ويضحك ويعدي بمزاجه..لكن عمر ماحد قدر يفرض عليه رأيه.. ووقت غضبه بيقلب في لحظه.. ده غير غضب فهد.. ياريت متعملوش فجوه بينكم وتفتحوا باب للشيطان..
رينو :………!
فريحه :…….!
تيم : صدقوني أنا بتكلم لمصلحتكم..هل انتو هتبقوا مبسوطين لما يسيبوا الحاجه إللي هما بيحبوها.؟ انتوا مش مستوعبين انتوا بتطلبوا منهم إيه؟
أنا للحظه تخيلت إن مريم طلبت مني اسيب الطب..حسيت بخنقه ورفض لمجرد التخيل.. مابالك بقى بشغل كله مغامرات وشجاعه.ويرجعوا الحق لأصحابه..وحلم عمرهم. وبيبقوا مبسوطين لما ينصروا المظلوم..
صدقوني أنصاف الحق شيء جميل جدا.. بلاش بجد تضغطوا على فهد وخالو مراد أكتر من كدا..!!
——————بقلمي مريم نصار.
فيلا العدوي.
ف جناح الامبراطور..
مريم : بحيره..وبعدين يا آدم..ماتفهمني إيه اللي في دماغك؟
آدم : مط شفايفه وقال في ايه بالظبط؟
مريم : بتنهيده..اااه ياني منك..الله يهديك يا آدم ياجوزي يارب..بصراحه أنت مش مريحني..ولا هاين عليك تريح قلبي وتقولي ناوي على إيه؟
آدم : أبتسم..وقال.. أولا يارب يستجيب منك ياروحي.. ثانياً بقى..الله يسامحك لاني عمري ما يهون عليا اتعبك يا أميرتي..
ثالثاً.. أنا حقيقي مش عارف انتي عايزه تعرفي أنهي جزء بالظبط..
مريم : ماشي يا آدم أنا هقولك.. أنت ليه وافقت إن فريحه ورينو يسيبوا البيت.؟ واشمعنى قولت يروحوا عند تيم بالذات.؟وليه مادخلتش أنت في الموضوع وحليته بكلمه منك..؟
آدم : تعالي جمبي هنا وانا هقولك كل حاجه..
مريم : قعدت جمبه..وقالت..وادي قاعده.. أتفضل أشرب قهوتك وأنا سمعاك..
آدم : بصي يامريم.. أنا دلوقتي اتحطيت في موقف حرج..
لأني لو أنصفت ابني مراد،، فريحه ممكن تضايق. ولو نصفت فريحه..مراد أكيد هيضايق.
لأن طلب أنه يسيب الشغل ده مستحيل يجي بالطريقه دي.. والعكس مع رينو وفهد..
ولما فريحه جت هنا الجناح الصبح وطلبت مني.. أنها تعبانه شويه ومحتاجه تسيب البيت.. وانا سألتها. وهي احترمتني وشرحتلي كل حاجه.. أنا بصراحه عذرتها. لأنها عانت بمعنى الكلمه..
وكمان احترمت رغبتها أنها محتاجه للتغيير. فمحبتش أفرض حكمي عليها وارفض..
فريحه كانت ممكن في وسط خناقها مع مراد تمشي من غير استئذان..لأن وقت الغضب العقل بيقف عن التفكير.. ووقت أي مشكله الشخص مابيفرقش بين الصح والغلط..وبيتصرف بشكل سيء وهو شايف إن ده الصح..
لكن فريحه طول عمرها بتعملي حساب. وجت لحد عندي تستأذني..واترجتني إن أنا مرفضش..
فصعب إني كنت أوافق أنها تسيب بيتها..
وصعب إني أرفض علشان متفكرش إني بقيد حريتها..
لكن فكرت..وقولت وماله تخرج يوم مفيش مشكله..
وأنا رميت الكوره في ملعبها..وقولتلها.. إن طارق تعبان.. وممكن الموضوع يكبر وطارق مش هيتحمل إن بنته بعد كل العمر ده تروحله زعلانه..وفي وجودي كمان هتبقى كبيره في حقي..
وقولت تيم هو الحل الوحيد.. وكمان بيني وبينك ياحبيبتى..قولت أشوف ولادي و أحفادي هيتصرفوا. وهيحلوا مشاكلهم إزاي؟
مريم : طيب كل ده جميل جدا..بس انا بقى مع فريحه ورينو.. ورأيي من رأيهم..
آدم : بتفهم..هما معذورين لكن غلط فرض الرأي. وخصوصاً في الشغل…
ومراد وفهد كمان معذورين وعندهم حق الرفض.. لأن ده شغلهم إللي بيحبوه.. والموضوع جه مفاجيء
الموضوع كان محتاج وقت ويتكلموا بهدوء..
ويوصلوا لحل..
فريحه ورينو اختاروا الوقت الغلط.. يعني مراد وفهد راجعين ومحتاجين للراحه وشوية وقت.. او حتى على الأقل يمهدوا للموضوع.وكل واحد يسمع للتاني.. لكن للأسف كل واحد عندو وجهة نظر.. وللأسف كل وجهات النظر صح..مفيش فيهم حد غلطان..
مريم : بتنهيدة زعل..طيب والعمل يا آدم..؟
آدم : التفاهم..والتقدير.. والتضحيه..!!
ع العموم.. خلينا نتفرج من بعيد..ونشوف نهاية المطاف ايه؟
——————بقلمي مريم نصار.
عند آركان..
آركان : بت يا آرين.. انا نازل رايح لجدو هتنزلي معايا؟
آرين : نفخت بملل..وقالت لأ..انزل أنت. أنا ماليش مزاج لاي حاجه..
آركان : احسن ريحتي ووسعتي مكان.. سلاموز..
آرين : بغيظ..بارد..ده شكله مبسوط إن مامي مشيت..
آركان : خرج وقفل الباب.. وطلع فونه..وبيتصل على رينو لكن فونها مغلق.. ونزل بسرعه وقال.. أكيد ماما عند بابا آدم.. لازم أتصرف.مستحيل ماما تسيب بيتها مستحيل..
آرين : مخنوقه وحاسه بالملل..وبتتفرج ع التلفزيون وشارده..
وفونها رن..وكان ادامها..
آرين : ضحكت..و قفلت التلفزيون بسرعه..وردت.
الو..
آدم مراد : واقف في تراس اوضته..وقال اطلعي التراس..
آرين : بحماس..ثواني بس البس حجابي..وجريت ع اوضتها..
آدم مراد : تمام..
آرين : لبست الحجاب..وخرجت في التراس..
آدم مراد : شافها.وأبتسم بحب وقال بدقة قلب.
..صباح الخير..
آرين : بدقة قلب..صباح الخير يا آدم.. دراعك عامل ايه دلوقتي؟
آدم مراد : أمم تمام.. أنتي بقى عامله ايه دلوقتى؟
آرين : بحزن..زعلانه أوي يا آدم..
آدم مراد : عمتو لارين..هترجع ياضي آدم..
آرين : بفرحه..بجد يا آدم.. أنت متأكد بجد إن مامي هترجع..؟
آدم مراد : أنا عمري قولتلك حاجه ومحصلتش؟
آرين : بحماس.. لأ خالص ابدا. بس أنا مش مصدقة.. بس..بس. أنت عرفت إزاي.. أرجوك يا آدم لو عارف حاجه قولي..علشان خاطري..بجد انا مش قادره أتخيل إن مامي تسيبنا..
آدم مراد : لو عايزه تعرفي..يبقى انزلي تعالي..انا هستناكي في الجنينه..
آرين : بفرحه.. حاضر أوكي..باي..
آدم مراد : أبتسم..مع السلامه..وقفل..
آرين : قفلت..وجريت..ومبسوطه أنها هتشوف ادامها من قرب. ونزلت جري..
آدم مراد : وقف قدام المرايا..وسرح شعرو.ورش برفانه..واخد الفون ونزل..
آرين : خرجت من العماره.وجت تجري.. افتكرت تحذيرات آدم..ومشيت بهدوء.. وشافت آدم عند البيسين..وقربت منه.. وقالت بتوتر.. أحم..
آدم مراد : سحب ليها الكرسي..وقال اقعدي..
آرين : عوجت بوقها وقالت جواها..(اقعدي)..حتى مقالش أتفضلي ولا اذيك.. مرعب ده الكرسي خاف منك ياشيخ..
آدم مراد : خلصتي كلام جواكي؟
آرين : شهقت وتنحت..
آدم مراد : بمكر..مشعوذ بقى ولا نسيتي؟
آرين : بيلاها.. انت عرفت إزاي اني بقول حاجه جوايا؟
آدم مراد : مش محتاجه لذكاء يا آرين..رياكشن وشك بيفسر كل حاجه..وكمان واضح إنك كنتي بتمدحيني. بس مدح لو سمعتوا هيزعلني أكيد..ولا ايه؟
آرين : بلعت ريقها بتوتر وقالت..اء.. أحم لأ.. أنا مقولتش حاجه..
آدم مراد : بمكر..طيب عيني في عينك كدا؟
آرين : بحيره. اااه أسكت يا آدم أصل أنا زعلانه خالص اه والله..
آدم مراد : ضحك بصمت..وقال عارف.. وأنا كمان زعلان..
آرين : بزعل..علشان مامي مش كدا؟
آدم مراد : بتنهيدة..ع فكره ماما كمان سابت البيت..
آرين : فتحت عينيها بزهول وقالت..عمتو فريحه؟ مش معقول هى كمان؟ هى إيه الحكايه بجد؟
آدم مراد : بص بعيد وقال.. أبدا عايزين بابا وخالو فهد يسيبو شغلهم..
آرين : شهقت وحطت ايدها ع بوقها وقالت.. إيه؟
آدم مراد : أمم زي ما قولتلك..ولما رفضوا سابوا البيت..
آرين : بس ده مستحيل.. إزاي يطلبوا حاجه كبيره زي دي..وليه؟
آدم مراد : أكيد بسبب اللي حصل ليكم..والخطر إللي واجهتوه بسبب شغلهم..
آرين : هزت راسها بالرفض.. لأ كل ده مالوش علاقه بأنهم يسيبوا شغلهم..مع أني بتمنى طبعاً..لكن بعد اللي شوفتوا في إيطاليا وبعد الحادثه دي..حسيت قد ايه إني محظوظه إني عندي عيله شجاعه وقويه جداً..
آدم مراد : يعني أنتي مكنتيش خايفه؟
آرين : بنفي.. ابدا..وع فكره بقى اللي إسمها جيسيكا دي.. أنا مخوفتش منها..
آدم مراد : رفع حاجبه وقال.. معقول؟
آرين : بحماس..اه والله..طيب انا هحكيلك اللي أنا عملتوا فيها..دي كانت مضايقه جدآ مني إني مش خايفه منها..وكمان زعقتلها..
آدم مراد : أبتسم وقال.. لأ انا عندي فضول بقى أعرف حرم الديزل عملت إيه؟
آرين : اتحرجت ووشها بقى أحمر..لكن حكت لأدم بحماس كبير.. كل موقف شجاع هى عملته..
آدم مراد : بيسمعها..ومبتسم من عفويتها وحركاتها وهى بتتكلم..ونفسه يخطفها في قلبه ويخبيها عن كل الناس..
آرين : خلصت.. وقالت..وبس بقى..هى كانت متغاظه منى وتقولي..وكملت بتريقه..
وتي ثوتك وانتي بتكلمي شيسيكا ابنة سيڤن..خلتها تفرقع ههههههههه. إيه رأيك فيا بقى..
آدم مراد : قرب من وشها وقال..اعملي حسابك أننا هنتجوز بعد الإمتحانات..!!!
آرين : تنحت وفتحت بوقها وعينيها..!!! ودقات قلبها فوق الطبيعي..وحاسه إن لسانها اتلجم..!!
آدم مراد : شافها متنحه..وضحك على شكلها وتوترها.. وقام وقف..وخطى من جمبها.. وهمس ف ودنها..بحبك. وسابها ومشي..
آرين : غمضت وفتحت ببلاها..وهمست بتيه.. هو قال هنتجوز؟!!! وبحبك؟
وشهقت بصدمه..هتجوز أنا و المرعب..؟!
Автор: Меріам Насар
——————بقلمي مريم نصار.
بعد شويه..
فهد داخل بالعربيه بسرعه..ومراد وراه..ونزلوا وواضح جدا أنهم هيفرقعوا من الغيظ..
مراد : خبط ع العربيه بنرفزه.. أختك مش موجوده في الشقه ولا عند أي حد من العيله يافهد..
فهد : بغضب واضح..واختك مش موجوده في أي مكان يامراد.. أختك قافله الموبايل.. فريحه ولارين بيلوو دراعنا يامراااد..
مراد : بتوعد..فريحه ورينو..!!! أقسم بالله العظيم لو متفقين مع بعض ماهعدي الموضوع ده بالساهل..!!!
فهد : مسح وشه بأيديه ونفخ بخنقه كبيره.. وقال..مش عارف أفكر..طيب هيروحوا فين؟ هما مش عارفين إننا هنقلق عليهم.؟ أو ممكن يكون ف حصل معاهم حاجه..وزعق.. أنا هتجنن يامراااد..
مراد : نفخ بخنقه..وبيلف يسند على العربيه وبيفكر.. لكن لمح عربية فريحه.. واتعدل بسرعه..وقال.. ولا يافهد..
فهد : بخنقه..بقولك ايه انا مش فايقلك..سبني في حالي..
مراد : بص على العربيات..وشاف كمان عربية رينو..وقال أنت يازفت..
فهد : يووووه نعم عايز ايه من زفت؟
مراد : بص هناك عند الجراش..!!!
فهد : هيكون في ايه يعني..وبص.لكن فتح عينيه بدهشه..وقال عربية لارين..؟ وكمان فريحه؟ وبص ل فهد وقال..يعني هما مخرجوش من هنا؟
مراد : هز راسه وقال.. أكيد لأ مخرجوش..
فهد : كشر عينيه وقال..لحظة واحدة يامراد.. أنت سألت عمي آدم..فريحه ورينو فين؟
مراد : هز كتفه.. أمم لأ. قولت بلاش اعمل شوشورة..
فهد : صك ع أسنانه بغضب..وقال منك لله..مننننك لله..سايبني أبرم نص القاهره..وفي الآخر متسالش طرف الخيط الحقيقي..روح ادعي عليك بايه..
مراد : الله؟ مخلاص ياناديه..قلبتي خالتي اللتاته كدا ليه؟
مقولتلك محبتش أعمل شوشورة.. وبعدين هي استأذنت بابا علشان تمشي..وا……..!!!
وبعدها بص لفهد..وقال. إزاي فاتتنا دي؟
فهد : بغيظ..هى إيه ياسبع الليل؟
مراد : العماره كلها شقق مفروشة ومش بعيد يكونوا في واحده منهم.. وكمان فيلا آريان وتيم..
فهد : بتفكير…تيم…تييييم…!!! آه لارين تعملها.. ما هو تيم حبيب قلبها.. ااه يالارين بس أشوفك قدامي..
مراد : بغيره…ماتظبط زوايا اومال..ايه حبيب قلبها دي؟ ده أبنها ياحمار..
فهد : ماهو لما انا حمار.. أنت أكيد كل الفصايل..
علشان استحاله اقول حاجه تهين مراتي يا بأف..
بص بص أسلوبك بهت عليا إزاي؟ كان يوم مايعلم بيه إلا ربنا لما اشتغلت معاك..
مراد : ياشيخ اتنيل أجري.. أقولك على حاجه حلوه؟ أجري سوي معاشك ساعتها هترتاح وتحسن من أسلوبك الواو..
فهد : بغيظ..بقى في عقيد محترم..يقول واو..
آركان : جه ميا مسا على الناس الكويسه..ايه يابرو.. بتصل عليك من بدري..مبتردش ليه؟
فهد : نفخ بنفاذ صبر..وقال الموبيل في العربيه..مختش بالي.. أنت جاي منين كدا؟
آركان : من عند بابا آدم..
مراد : بدهاء..ولا ياريكو..مين جوه ياض..
آركان : مثل اللامبالاة..وقال.. أممم بابا آدم وماما مريم وآرين.وتالين…اه و آدم إبنك..وبس..ليه خير؟
مراد : يعني مسمعتش حاجه كدا ولا كدا..
آركان : ولا كدا ولا كدا..خالص.
فهد : بنرفزه.. انت هتعملهم علينا يالا..يعني معرفتش إن امك سابت البيت؟
آركان : تصدق بالله ياحج فهد..لو ماما سمعت أمك دي..مش بعيد تعيد احداث اليوم من تاني مع بعض التعديلات وتخرج بره الفيلا..وا…….اوبس..!!!
فهد : علقه من قفاه..وقال.. ايوووه وقعت بلسانك ياحلو..يعني هى مخرجتش بره الفيلا..خليك شاطر كدا.. قولي أمك فين..علشان مخليش الفهد الاسود. يقلب بطه بلدي..
آركان : بلع ريقه بتوتر وقال.. وأنا مالي ياحج..اصلا مراتك عند الدكتور تيم من بدري..ومعاها عمتو فريحه..اعترفت من أول خضه..اي خدمه أهو..
مراد : بغيظ..غضبانه عند بنتك يافريحه؟ ماااااشي.. تعالى يافهد.. وراحوا عند آدم العدوي.. ———
مريم : لحفيدها.. متنساش يا آدم علاجك كمان ١٠ دقايق يانور عيني..
آدم مراد : حاضر ياحبيبتى..
تالين : انا هطلع أجيب العلاج لابية..واتحركت..
آدم مراد : غمز لجدو..جايين..
آدم : أممم تمام.. ورفع عينيه للباب..وشافهم داخلين والخنقه واضحه عليهم..
آدم : قال بصوت مسموع..عارفه ياروحي؟
مريم : نعم يا آدم..
آدم : بمكر.. أنا انهردا عازمك على الغدا في افخم فندق في القاهره.. وحجزته كله ليكي أنتي وبس يا أميرتي..
آدم مراد : كاتم الضحكه..
مراد : وفهد..هيولعوا مكانهم..وفهد قال.. أبوك سايبنا لايصين وعازم مريم على الغدا..
مراد : لأ ومختش بالك من حاجزلها الفندق كله.. أنا شامم ريحة أنه بيسلمنا تسليم أهالي..
فهد : أبوك سلمنا من غير كارنيه حتى..
مريم : بتعجب..وليه كدا يا آدم…!!
آدم : بمكر..الفتره اللي فاتت مرينا بظروف صعبه.. ودلوقتي آرين رجعت زي الاول وأحسن كمان.. يبقى لازم نحتفل انا وأنتي..ولا إيه ياروحي..
مريم : لسه هتتكلم..
مراد : أتدخل بسرعه..وقال بعد إذنك ياحج..عايزك في موضوع مهم..
آدم : وقف وقال..بعدين يامراد.. إحنا خارجين دلوقتي.. يلا ياحبيبتى..
مريم : قامت بلخبطه..ومش فاهمه حاجه..بس يا آدم……!!!
آدم : ضغط ع أيدها بخفه..
مريم : هزت راسها حاضر.. هلبس النقاب.ثواني بس..
مراد وفهد..بصوا لبعض..وهزو راسهم ونفخو بخنقه..
مريم : بلعت ريقها بتوتر وعينها ع مراد..ونفسها تريح قلبه..
آدم : ها خلصتي؟ نمشي ياحبيبتي؟
مريم : بصت ل آدم..ف نظره معناها..ولادك يا آدم..
آدم : غمض عينيه وهز راسه ليها اطمني.. وقال.. يلا بينا ياروحي..ومسك أيدها.. وخارج.. سلام يا اولاد..
آدم مراد : هز راسه..مع السلامه..
آرين : من وقت ما آدم قالها ع الجواز وهي مكسوفه وساكته..
مراد : مسح ع شعرو.. وقال. آدم أنت معرفتش باللي حصل؟
آدم مراد : مط شفايفه اممم..ربنا معاك ياصقر انت والحوت..
مراد : بغيظ. اه ده كله مكبر دماغه بقى..تمام..بس..!!!
فهد : قاطعه ومسك دراع مراد.. وقال.. تعالى معايا..
مراد : بغيظ..ع فين؟ أنا لو روحت هعمل جنايه..
فهد : ضغط ع دراعه..وقال..تعالى بس..وغمز ليه..
مراد : نفخ بخنقه..وقال. ماشي لما أشوف اخرتها.. وخرجوا للجنينه..
آرين : بحرج.. احم. آدم أنت ليه مش عايز تتدخل. عمتو فريحه مامتك ولازم تعمل حاجه..
آدم مراد : أبتسم..منا بعمل أهو..
آرين : ببلاها..بتعمل ايه؟
آدم مراد : قاعد معاكي..
آرين : اتكسفت.. لكن قالت.. ارجوك يا آدم.. أعمل حاجه بجد..مامي وحشتني اوي..دي عمرها محصلت.
آدم مراد : طيب ممكن تهدي.. وأنا عارف انا بعمل ايه.
آرين : بترجي طيب ممكن اعرف ناوي على إيه؟ وليه مش عايز تتدخل؟ بليز علشان خاطري..
آدم مراد : أنا مش عايز أتدخل. بطلب من بابا آدم.. وع فكره دي اول مرة أقولك على حاجه خاصه.. وعايز منك..الحاجه إللي اقولهالك..مفيش حد يعرف بيها..حتى لو الكل عندو خلفيه بيها..
آرين : هزت راسها لأ لأ اطمن.. وأنا عبيطه يعني؟
آدم مراد : بشبح ابتسامة.. أبدا.
آرين : قصدك إيه بقى..
آدم مراد : غمز ليها..وسكت..
آرين : اتوترت وبصت بعيد..وقامت.. أحم المفروض تاخد علاجك.. أنا هروح لتالين.. اجيبو. واتحركت بسرعه..
آدم مراد : متابع توترها ومبتسم..!!
——————بقلمي مريم نصار.
في الجنينه..
مراد : نفخ بخنقه وقال..ايه جايبني هنا ليه؟
فهد : جايبك علشان نروح نرجع لارين وفريحه..
مراد : بجديه. بلاش انا يافهد..علشان أكيد فريحه هتزعل من اللي هعمله..
فهد : أسمع بس.. واضح كدا إن الكل حاطط أيديه في الميا البارده.. كأنهم بيقولوا دي مراتك وأنت حر..
مراد : اه منا شوفت الحج عمل ايه.. سايبنا وعازم أمي..
فهد : وماله بالهنا والشفا كمان.. بس أنا بقى جاتلي فكره حلوه..
مراد : خير..فكرة إيه؟ لايكون وافقت على شرط رينو..؟
فهد : أبتسم وقال.. أيوه بالظبط..!!
مراد : تنح وفتح عينيه بصدمه..وقال هتسيب شغلك يافهد معقول؟
فهد : بص قدامه وقال.. إحنا الاتنين هنسيب شغلنا يامراد..!!!
——————بقلمي مريم نصار.
الساعه خمسه مساءاً.
فيلا تيم عزيز..
ميرو : قفلت الفون وقالت لفريحه.. تالين بتقول.. إن آدم أخد العلاج اطمني..
فريحه : شايله جنى..وجمبها آيان بيلاغي چنى.. وقالت بقلق..ماشي ياحبيبتى..بس مش عارفه ليه قلبي مقبوض..او قلقانه..
ميرو : بضحكه.. او مثلاً خايفه يامامي.. حضرتك عارفه إن بابي بيهزر عادي..لكن وقت الجد بيقى جد جدا.. دانا مجرد التخيل بخاف..
فريحه : بخوف.. لأ. مراد أكيد هيقدر موقفي..
رينو : قاعده..وقالت بقلق.. آرين وحشتني اوي..وكمان آركان..ومش عارفه اكلم آرين فى الفون.. لو كلمتها هتقول لفهد ع طول..
ميرو : بضحكه..طيب وبالنسبه لخالو فهد.. موحشكيش هو كمان؟
رينو : كشرت عينيها وقالت..بت ياميرو..انتي اتغيرتي أوي..تيم غيرك جدآ..
تيم : بضحكه..ولسه وحياتك يارينو..وهو انا ورايا غيرها هى وجنى حبيبة قلبي..
ميرو : ضحكت حبيبي ربنا يباركلي فيك أنت وجنى..
تيم : أمين يارب..وبص ليهم وقال بمكر..تخيلوا كدا..لو موافقوش..هتعملوا ايه؟
رينو وفريحه بصوا لبعض..وقالوا هتعمل ايه في إيه؟
تيم : سؤالي واضح جدا..لو رفضوا يسيبوا الشغل انتوا هتعملوا إيه؟
فريحه : نفخت بخنقه وقالت..مش عارفه بقى..
رينو : بتنهيده..يبقى هو اللي أختار..
Автор: Меріам Насар
جرس الباب رن ورا بعض..وخبط ع الباب بسرعه..
فريحه : فتحت عينيها بصدمه..وقالت.. اكيد ده مراد..اء.. أنا خايفه..
رينو : بلعت ريقها بتوتر وقالت.. إن شاء الله مش فهد. احم..اء.. انا طالعه فوق..
فريحه : قامت بسرعه وقالت..خديني معاكي..
تيم وميرو كاتمين الضحكه ع خوفهم..
ميرو : بصت ع الكاميرا وقالت.. ياخبر..ده بابي وخالو فهد..وشكلهم متعصب جداً..
فريحه : حطت جنى لتيم بين ايديه. وجريت ع السلم من غير ما تتكلم..
رينو : مسكت آيان..وطلعت بثبات..لكن جواها خايفه..
تيم : ضحك وقال.. إن كيدهن عظيم.. غرور وتناكه مشوفتش قبل كده..
ميرو : بتحذير..نعم؟ بتقول حاجه ياتيم؟
تيم : حط جنى بين ايديها وقال بكبرياء..اطلعي على فوق.. لما أشوف الولاد عايزين إيه؟ ومحدش من البنات ينزل من غير إذن مني.. اتفضلي..
ميرو : ضحكت.. وقالت..طيب ألحق الباب هيتكسر.. وطلعت ع فوق..
تيم فتح الباب وشاف مراد وفهد واقفين قدام الباب..
مراد : بغيظ..فين فريحه ياتيم..
فهد : بغضب.. أنت بتضحك على ايه؟ ماسمعتش مراد قالك إيه؟
تيم : أبتسم بخبث..وقال أهلا أهلا..بحبايب قلبي…!!! ماينفعش كلام من ع الباب اتفضلوا اتفضلوا..
مراد وفهد داخلين وشكلهم مايبشرش بالخير..
تيم : قفل الباب..ولف ليهم..وابتسم بمزاح..وقال.. يامراحب.. والله انا مبسوط جدا جدا.. يااااه دي الفيلا نورت.. اتفضلوا اتفضلوا استريحوا..
مراد : واقف وقال.. فريحه فين ياتيم؟
تيم : ببرود..ااااه.ده وقت غدا.. ولازم نتغدا الاول.. مش معقول تبقى ف بيت بنتك ومنقومش معاك بالواجب ياحمايا الغالي..
وبص ل فهد.. إيه يافهد هتفضل واقف كدا.. اتفضل ياراجل استريح انت مش غريب..
فهد : مسح وشه بأيديه وقال..اااه.. أنت هتشتغلنا مش كدا؟ أنطق وقول لارين فييين؟
مراد : اخلص ياتيم علشان اليوم يعدي…ونشوف الهوانم إزاي يسيبوا البيت ع آخر الزمن..
تيم : مثل الدهشه..اييييه؟..معقول اللي انت بتقوله ده؟ لا حول ولاقوة إلا بالله.. استريحوا بس وفهموني ايه اللي حصل..
فهد : صك ع أسنانه بغيظ..وقال..يابني متختبرش صبري.. أطلع نادي عليهم..علشان متصرفش تصرف مش هيعجبك..
تيم : البيت كله تحت امرك ياجوز خالتي..عايز تكسروا أتفضل..
مراد : هز راسه اممم..دي الحرب البارده بقى.. وماله.. ماهو كله هيطلع ع عين حماتك.. أقعد يافهد. لما نشوف اخرتها..
فهد : قعد ومراد قعد جمبه..
تيم : تشربوا إيه؟
مراد : بتحذير..انا عندي استعداد اقوم اشرب من دمك.. لأن لحد دلوقتي محدش قدر يتحداني.. فلو هتبتديها برود.. انا ع أتم الاستعداد..وهاخد بنتي ومش هخليك تعرف تشوف طيفها.لحد مايبانلك صاحب..
تيم : فتح عينيه بدهشه وقال..لا ياعم وحد الله.. مراتك فوق تاني اوضه ع يمينك.. وأنت يافهد مراتك معاها.. اي خدمه..
فهد : بغيظ.. نادي عليهم خلينا نخلص..
تيم : هز راسه تمام.. بس ممكن أتكلم شويه معاكم.. انا الأول كنت بهزر والله.. كنت عايز اجرب إحساس الحما. بس انتوا صعب جدا الواحد يعيش احلامو معاكم..ياستار عليكم..
مراد وفهد في صوت واحد.. أخلص عايز تقول ايه؟
ميرو : نزلت بسرعه.وقالت بتوتر.. أهلا بابي وسلمت عليهم..
مراد : بخنقه.. أهلا ياحبيبتي..جنى عامله ايه؟
ميرو : بلعت ريقها بتوتر وقالت..ج..جنى كويسه الحمدلله.. أحم حضرتك عامل ايه؟
مراد : هز راسه تمام..اعمليلنا قهوة لأني مصدع..
ميرو : هزت راسها حاضر..وجريت من قدامهم.. وقالت. ياخبر الله يكون ف عونك يا مامي انتي وخالتو.. ده واضح عليهم أنهم متنرفزين جدآ.. انا خوفت اوي..
تيم : بتفهم..انا طبعاً مش هقول إن رينو وماما غلطانين..وكمان مش هقول أنهم مش غلطانين.. بس انتوا لازم تعذروهم..
مراد : أممم يعني أنت عارف كل حاجه.. والصح بقى اللي هما عملوه ده؟
تيم : لأ طبعاً.لكن هما اتصرفوا بدافع قلب أم وزوجه وأخت..
لو فكرتوا شويه..هتلاقوا إنهم اتصرفوا بناءا على حبهم ليكم..خوف عليكم. استحملوا كتير جدا من خوف وقلق ورعب حقيقي..ياجماعه هما غصب عنهم بردو..يعنى خالو مراد وفهد وآدم وكمان آركان…. ولما ختمت بخطف البنات.. خافوا وده طبيعي جدا..
فهد : بحده..مش مبرر ده..هما وافقوا علينا واتجوزنا وأحنا مخابرات..مكتشفوش ده دلوقتي..
مراد : والصح اني اصحى من النوم ملاقيش مراتي في البيت..؟
تيم : هي مراحتش عند حد غريب ياخالوا..ده بيتها..
مراد : طيب أطلع نادي عليهم..
تيم : طيب الأول……..
مراد : قاطعه..وقال..تيم أنا لحد دلوقتي واخد الموضوع هزار . أطلع نادي فريحه علشان ماخدش قرار الكل هيندم عليه..
فهد : بحزم..وانده لارين علشان أقسم بالله لو متحركتش دلوقتي..لاطلع بنفسي واللي يحصل يحصل..
تيم : شاف جدية مراد وفهد.. وقال حاضر ثواني.. وطلع فوق .
رينو وفريحه رايحين جايين ومتوترين جدآ..
فريحه : بخوف..يلهوي..صوت مراد عالي انا خايفه اوي..
رينو : بلعت ريقها بتوتر وقالت..و..وفهد اء أنا بقى مش خايفه..هو..هو أحنا عملنا إيه يعني؟ إحنا بنتكلم الصح والمنطقي.. كفايه السنين اللي عشناها في خوف وقلق..
تيم : خبط ودخل..وهما اتخضوا..
تيم : بجديه..اسمعوا بقى..خالو مراد وفهد على آخرهم..دول مش طايقني أصلا.. ودلوقتي هما عايزين منكم تنزلوا.. اتفصلوا بقى من سكات.علشان حياتي أنا و مراتي محطوطه رهن..دول ناس أيديهم طارشه وانا لسه مفرحتش بشبابي..
فريحه : بلخبطه.هو..هو مراد متعصب صح؟
تيم : ينهار اسوس..ده ع اخروا بقولك..
فريحه : طيب وبعدين..
رينو : و..وفهد قال حاجه..
تيم : الشرار اللي في عينيه بيقول أنه هيقتلني.. يلا بقى تعالوا انزلوا.. واتكلموا بهدوء وكل واحد يشرح وجهة نظره للتاني..
فريحه : وانت بعد إللي قولته ده..فيها كلام وهدوء كمان..
رينو : غمضت عينيها وبتاخد شهيق وزفير..وقالت.. انا هنزل.. يلا يافريحه..
——————بقلمي مريم نصار.
ميرو : جابت القهوه.. أتفضل يا بابي..اتفضل يا خالوا..
مراد : شاف فريحه نازله بتقدم رجل وتأخر التانيه.. وصك ع أسنانه بتوعد ممزوج بغيظ..
فهد. : شاف رينو..ثابته..وده زود الغيظ عندو.
فريحه : نزلت.. وعلشان ماتضعفش.. افتكرت خطف تالين.. ووقفت بثبات..
رينو : واقفه وباصه بعيد..
مراد : قام وقف..وقال بجديه.. يلا يافريحه..
فريحه : بثبات..ع فين يا مراد؟
مراد : ع بيتك يامدام.. ولا أنتي ناسيه إن ده بيت بنتك؟
فريحه : أنا مش ناسيه..لكن في إتفاق بينا..وياريت تقولي قرارك..
مراد : أبتسم بتمثيل وقال من بين أسنانه.. وماله ياست الهوانم.. ننفذ قرارك ونسيب الشغل..بس يلا ع البيت..وهناك هنتكلم..
فهد : بغضب.. أظن سمعتي قرار اخوكي يادكتوره لارين.. نمشي بقى..؟
رينو : كشرت عينيها وقالت.. أنت هتسيب الشغل بجد يافهد..؟
فهد : بجديه..طبعا..بس لما نتكلم الأول.. اتفضلي. قدامي..
تيم : متنح..وقال جواه.. لأ في حاجه غلط..هما هيقتلوهم ولا ايه؟
مراد : بصوت جهوري..مش هنخلص بقى. يلا قدامي انتي وهى..
فريحه : اتخضت..وجريت ع بره هي ورينو.. ومش مصدقين اللي سمعوه..
مراد وفهد خارجين..
تيم : جري عليهم ووقف قدامهم..وقال.. استنوا بس..انتوا مش هتقتلوهم صح.؟
مراد وفهد..غصب عنهم ابتسموا.. وقالوا.. دول هيتروقوا انهردا.. وسابوه ومشيوا..
تيم : الله يرحمك يا حماتي أنتي ورينو..كنتوا طيبين أوي.
Автор: Меріам Насар
فيلا العدوي..جناح مراد
مراد قفل باب الاوضة بالمفتاح..وحدف المفتاح بعيد.بنرفزه.
فريحه : كشت في نفسها.وقلبها بيدق بقلق..
مراد : بيقرب منها..وقال بتوعد.. بقى أنتي تسيبي البيت ع آخر الزمن وتغضبي يافريحه؟
فريحه : بلعت ريقها……ومش عارفه ترد..
مراد : من بين أسنانه..غضبانه عند بنتك يامدام؟ هي أمك عملتها قبل كده وسابت بيتها وغضبت عندك؟ هاااا متردي؟
فريحه : انتفضت مكانها..وردت بتلعثم.. اء.. انا معملتش حاجه غلط..
مراد :بسخريه… الله…!!! معملتيش ايه يابت؟ تسيبي بيتك ومن غير ما أعرف..لييييه؟ متجوزه سوسن؟
لأ وكمان بتتشرطي عليا..عايزاني اسيب الشغل.؟ أصلك ياعيني اتفاجئتي مرة واحدة إنك متجوزة ظابط مخابرات.. كنتي نايمه ٢٥ سنه وفاجأه..اييه ده؟ بسم الله الرحمن الرحيم..مخابرات؟ ياساتر يارب لااااء سيبها يامراد..
فريحه : بحزن. أنا عارفه كل ده..بس انا خلاص تعبت يامراد أنت ليه مش قادر تفهمني.
مراد : مسك دراعها بغيظ..وقال بصرف النظر عن كل اللي قولتيه امبارح..بس إنك تمشي من البيت ومن غير علمي دي كبيره أوي يافريحه..وهتتعاقبي عليها..بس مش وقته..
فريحه : بصتله وقالت بلوم..وليه مش وقته يامراد.؟ عاقبني واهو من ضمن الوجع.. عقابك ليا مش هيكون أهون من خوفي ورعبي ووجع قلبي عليكوا كل يوم والتاني..
مراد : نفخ بخنقه.. وقال. يابنت الحلال أهدي بقى واعقلي..هو انتي بتطلبي مني أخد أجازه؟
فريحه : بطلب منك الأمان يامراد..بطلب منك إني أغمض عيني و انام وبالي مرتاح..بطلب منك مبقتش عايزه أفكر في السيء ديما..
أنا مهما أقولك أنا عايشه في ايه؟ مش هقدر أوصف احساسي صح..
أنا بموت في اليوم ألف مرة وأنت بعيد عني..ومش بس أنت لوحدك لأ..دانت واخويا توأمي وابني.كتير عليا بجد وجع القلب ده.
مراد : مسح دموعها وقال طيب بطلي عياط.. بصي انا أكتر حاجه بتخنقني إنك تتنيلي وتعيطي..
فريحه : بأمل.. أرجوك يامراد..نفذ طلبي بالله عليك..
مراد : بغيظ..ده لما تشوفي قفاكي هبقى اسيب شغلي يافريحه..
فريحه : عيونها لمعت.. يعني ايه يامراد؟ أنت كنت بتضحك عليا لما قولت إنك موافق؟
مراد : بجديه.. مش مراد العدوي إللي يضحك على حد يامدام فريحه.. وأنا عند وعدي..هسيب الشعل..بس بشروطي أنا..
فريحه : رجعت خطوه لورا وقالت..شروطك ايه يامراد؟
——————بقلمي مريم نصار.
عند فهد..
فهد قفل باب الاوضة..وسند بضهرو ع الباب..وربع أيديه.وباصص ليها بغيظ..
رينو : متوتره.. لكن قعدت ع طرف السرير.وساكته..
فهد : قال بجمود. بتسيبي بيتك يالارين؟
رينو : بجدية.. انت اللي اخترت يافهد..
فهد : زعق.. أخترت إيه يالارين؟ أنا لا اخترت ولا اتكلمت حتى..
انا واحد راجع من سفر..وكنت عايش في نار وخوف ع بنتي. وراجع هلكان وربنا اللي عالم بيا..
بدل ما أسمع منك حمدلله على السلامه. أو كرب وعدا.. تقوليلي سيب شغلك. اللي بنسبالي حلمي وشغفي..طيب حتى استني لما أخد نفسي واقدر اتناقش معاكي..
لكن لأ حضرتك قولتي كلامك ومستنيه التنفيذ.. ده ع أي أساس عايزاني اسيب شغلي هااا؟
رينو : اتخضت.. ودموعها متحجرة..وردت بجديه. على أساس عيلتي يافهد..
وقامت وقفت وقالت..عيلتي إللي واجهت الموت.. مش أنت وبس لأ..دي آرين وكمان آركان واخويا وابن أخويا. وتيم و آريان كل ده وعايزني أسكت؟
أنا عارفه إنك بتحب شغلك..لكن خلاص أنت تعبت وأنا كمان.. أنت خدمت كتير جدا.. كفايه بقى. ارجعلي..من حقي اعيش في أمان.
لسه وجعي الكبير ع ابني.. أنت من نفسك المفروض بعد إللي حصل ده..تاخد موقف.. شغلك السبب في اللي حصل لبنتي..
فهد ؛……………..!!!! باصص ليها بتعجب.. كأنه مش مصدق اللي بيسمعه منها.
رينو : أبتسمت بوجع..وقالت . إيه مستغرب كلامي؟ ولا يمكن فاكر إن قلبي يقدر يتحمل أكتر من كدا.. أنا أم يافهد..
أم عايزه الأمان والاستقرار لولادها.. لما بنتي تواجه صعوبات زي دي..منتظر مني إيه؟
لما أسمع إن أخويا أضرب عليه نار مستني مني إيه؟
لما اسمع منك إن اغتيال بابا كان من نفس الشخص اللي خطف بنتي بسبب شغلك..مستني مني إيه؟
تبقى غلطان وبتكدب ع نفسك..لو كنت منتظر مني رد فعل غير ده..
فهد أنا بجد تعبانه ومحتجالك جمبي.. أنت من حقي.. أنا واجهت كتير من غيرك.. أن الأوان بقى تبقى جمبي.. هو أنا مستاهلش منك كدا؟
فهد : مسك وشها بايديه وقال.. أنتي تستاهلي عمري كله بين ايديكي.. وأنتي عارفه إني بحاول على قد ما اقدر مكونش مقصر معاكي..
بس أنتي عارفه أنا بحب شغلي قد ايه.. ده بالنسبالي قيمتي وكبريائي.. لما بيكلفوني بمهمه صعبه واجيب منها حق المظلوم..يبقى راجع راسي مرفوعه..
انا ومراد عشنا أجمل أيام عمرنا في المجال ده.. واجهنا خوف وقلق ع بعض..بنكمل بعض. ضحكنا وفرحنا مع بعض..لينا زكريات كتيره محفوره في مجالنا..
بيتشاور علينا إننا مفيش في قوتنا ونزاهتنا.. لينا أعداء في كل مكان.بس بعون الله بنقضي عليهم..
حتى اللي خطفو آرين..مقدروش يقربوا منها.. لأنهم عارفين هما بيواجهه مين..
عارفين أنهم لو قربوا بس من بنت حد فينا..هيدفعوا حياتهم التمن..
بنتك رجعت بخير وابنك المفروض تبقى فخوره بيه.. إبنك هو بطل الحكايه يا لارين.. كان نفسي تشوفي الكل وهو بيمدح في آركان..
رينو : عيطت بوجع..وقالت.. أنا تعبت يافهد.. وأنت قولت إنك هتسيب شغلك..
فهد : نفخ بخنقه وقال تمام..هسيب الشعل يالارين.. لكن بشروطي..!!!
رينو : مسحت دموعها وقالت شروط؟ وايه هى الشروط دي؟
فهد : بص ف عينيها وقال..تسيبي شغلك وتنسي تماماً مشوارك في الطب..!!!
رينو :…………!!!
عند مراد
فريحه : بصدمه..اء.. أنت بتقول ايه يامراد..!!
مراد : بجديه.. إللي سمعتيه يافريحه.. هتسيبي شغلك..وتنسي تماماً إنك دكتوره..وتنسي سنين تعبك ودراستك كلها..
فريحه : بعدم استيعاب..بس ده شغلي يامراد. إزاي عايزني اسيبه بسهوله كدا..
مراد : رقع دقنها وقال بلوم..زي ما أنتي عايزاني بسهوله إني استغنى و اسيب حلمي.
فريحه : عينيها تايهه بصدمه.. وقالت..بس شغلي مبيأذيش حد يامراد..
مراد : بعتاب..وشغلي عمره مكان اذي لاي حد يافريحه..بالعكس.. شغلي بيحمي مبيأذيش. شغلي هو قيمتي وكبريائي..
أنا لو مكنتش في المجال ده وليا أسمي وعندي القوه والفنون القتالية..مكنتش هعرف انقذ بنتك حتى لو اتخطفت بعيدا عن مجالي..
وفي شرط تاني يافريحتي..بس ده لازم تضمنيه كويس جدا..
فريحه : هزت راسها بتيه..شرط إيه؟
مراد : بص ف عينيها وقال.شرط إنك.تضمني إني بعد ما اسيب الشغل.. إني مش هتعرض لأي أذى. ولا هيجرالي حاجه..
وتضمني إني هعيش حياتي كلها بسلام. ولا هتجرح بخدش صغير حتى.وهعيش كل اللي في راحة بال.. يلا فريحه اضمنيلي كل ده.. وأنا ع استعداد اسيب العالم كله وأكون معاكي أنتي وبس..
فريحه : غمضت عينيها ودموعها نزلت..وقالت بوجع.. للأسف يامراد..كل ده بإيد ربنا مش بأيدي.. أنا مقدرش أضمن ثانيه واحده من عمري..
مراد : مسك وشها بايديه وقال..وده اللي أنا عايز اوصلهولك يافريحه.. إن اللي ربنا كاتبه هنشوفه.. ولو سبت شغلي مش معناه إني هعيش في أمان..ممكن يحصل حجات اكتر من كده..
وبعدين يافريحه..لو كل ظابط فكر نفس تفكيرك.. مش هنعرف نعيش في أمان..
جوزك راجل مهم يافريحه..بيحميكي ويحمي وطن بحاله.. أنا مكلف برساله..وهي الحمايه وإني أحافظ عليكم.. أنا حلفت قسم يافريحه.. إني طول ما انا عايش هفضل أحمي البلد دي..
فريحه : اترمت في حضنه وعيطت….
مراد : ضمها لقلبه بحنان..وربت ع ضهرها وسابها تخرج شحنة الحزن إللي جواها..
——————بقلمي مريم نصار.
عند فهد..
رينو ؛ مسحت دموعها وقالت.. أنا مقدرش أضمن ثانيه من عمري.. أنا فاهمه وجهة نظرك يافهد..لكن……!!!
فهد : قاطعها وقال..طيب هقولك مثال بسيط.. أنتي في مجالك معرضه لأخطر من شغلنا إنك تعرضي عيلتك للخطر..
رينو : كشرت عينيها وقالت مش فاهمه؟ أنا بعالج الناس فين الخطر في ده؟..
فهد : إن كنتي أنتي بتعالجي الناس..فانا بحمي الناس..وبحمي بلد بحالها..
واللي عايز اوصلهولك.. إنك وارد جدآ تعملي عمليه لأي مريض..ويموت وانتي بتعملي العمليه..مات قضاء وقدر مش إهمال منك.. وأهل المريض حملوكي المسؤوليه الكامله..هل هما هيسكتوا؟ بالعكس دول هيأذوكي وكمان في عيلتك..
لارين..الخطر محاط بينا ديما..لكن ستر الله هو اللي حامينا..
ولو كل واحد واجه صعوبات وهرب منها واستخبى فكرك هيكون ده الصح؟
رينو : بصت ليه وقالت بوجع..واللي حصل ل آرين يافهد؟
فهد : ضمها لحضنه وقال..قدر ونصيب يارينو.. كل حاجه بتحصل في الدنيا دي نصيب.. والحمد لله. آرين بخير.. إحنا مهما نواجه صعوبات نحمد ربنا إننا قدها وبنقدر نواجها..
رينو : رفعت ايديها وحضنته. وعيطت..
فهد : ضمها لقلبه أكتر وربت ع ضهرها بحنان.. وقال شوفتي بقى.. إن الموضوع كان محتاج شوية تفاهم..
وطلعها من حضنه ومسح دموعها وقال..بغمزه.بزمتك لايق عليا حاجه غير حوت المخابرات؟ تخيلي كدا إني دكتور مثلاً..ولا مهندس مش متخيل..انتي متخيله.؟
رينو : بعفويه هزت راسها لأ.. أنت مايلقش عليك غير الانتقام..
فهد : ضحك وقال.. فعلاً.؟ كلكو ظالمني..بس ماعلينا..شوفتي بقى.؟ضيعتي عليا فرحه وخبر كنت مستنيه من سنين..بس مش عارف هتفرحي علشاني ولا لأ..
رينو : بتنهيده..خبر إيه؟
فهد : أبتسم وباس أنفها..مش هقول غير لما أشوف ضحكتك..
رينو : حاولت تبتسم….
فهد : لأ عايز ابتسامه عريضه.. ولا اقولك استني لما اقرالك الخبر ده.. وأشوف رد فعلك.. ولا أقولك.. لأ لأ. خدي انتي بنفسك اقري البوست ده على صفحتي..
رينو : مسكت الفون..وقالت بعدم فهم..ده بوست واحد إسمه العقيد حسن عاملك أنت وأبيه مراد منشن عليه..
فهد : ايوه بقى اقري البوست كدا..وسمعيني..
رينو : بسم الله الرحمن الرحيم.. العقيد مراد العدوي. والعقيد فهد السيوفي. لكم مني فائق الاحترام والتقدير.. لقد فرحت فرحا بالغا عندما علمت بهذا النبأ السار.. فأنتم من الصعب تكرار أمثالكم من القوه والشجاعه والثقه بالله على أنكم ستنصرون ولو بعد حين..
ومبارك عليكم حصولكم على رتبة العميد..سائلين الله عز وجل المزيد من النجاح والتقدم.. وفي إنتظار رتبة اللواء قريباً بإذن الله تعالى..مبارك عليكم.. أخوكم العقيد حسن..!!!
رينو : حطت ايدها ع بوقها بفرحه كبيره وبصت ل فهد وقالت..عميد..!!!
فهد : أبتسم وقال.. أيوه جوزك..بقى العميد فهد طارق السيوفي..
——————بقلمي مريم نصار.
عند مراد..
فريحه : بسعاده كبيره ألف مبروك يامراد..بجد فرحت اوووووي.. الف مليون مبروك..
مراد : بتمثيل الزعل..طيب..
فريحه : خلاص بقى يامراد..والله كل ده علشان بحبك وخايفه عليك..
وبعدين أنا اطمنت خلاص لما قولت إن مفيش مأموريات ليك انت وفهد تاني..بجد فرحت جدا..
مراد : بعدم إهتمام.. أممم اوك..
فريحه : بتمثيل البراءه..طيب اعمل ايه علشان ارضيك يامرادي..
مراد : ترمي نفسك من التراس..وترشقي في نص البيسين..
فريحه : شهقت..بس انا مبعرفش أعوم يامراد..
مراد : منا عارف..
فريحه : بدلع..بس أنت هتقذني صح؟
مراد : بتريقه..ده عند ام لطفي..
فريحه : كشرت عينيها وقالت.. أم لطفي مين؟
مراد : أم لطفي اللي بتنور وتطفي..
فريحه : ههههههه حلوه اوي..المهم بقى خلاص بالله عليك حقك عليا..والله وقتها كانت أعصابي تعبانه..
مراد : بتحذير.. أقسم بالله العظيم يافريحه.لو عقلك قل بيكي وفكرتي تسيبي البيت ده تاني.. لاطلبك في بيت الطاعة.واسود عيشتك. واخليكي تشوفي المرار على حق ربنا..فاهمه يابنت كوم الشكاير؟
فريحه : فتحت عينيها بزهول وقالت.. أنت بجد هتعمل كدا؟
مراد : ببرود..عايزه تجربي اهربي..وشوفي بقى العميد مراد العدوي هيعمل ايه؟
فريحه : لفت أيديها حوالين رقبته..وقالت.. العميد مراد قلبي أنا مش هيعمل اي حاجه وحشه في فريحته حبيبته..مش كدا يامرادي..
مراد : وحياة أمك؟ العبي غيرها يابت.. انا اصلا عايز ارنك علقه تظبطلك زوايا دماغك..على عملتك السودا دي..
فريحه : بتمثيل الجديه..خلاص يامراد.. أنا هرمي نفسي من التراس إن كان ده يريحك..
مراد : قرب من وشها وقال..بس بسرعه وحياة أبوكي..
فريحه : تنحت واتغاظت..وقالت..بقى كدا يامراد؟ هونت عليك.. أوكي..خليك مكانك وأنا هروح ارمي نفسي حالا..
مراد : حط ايدو ف جيبه وبيصفر..
فريحه : اتغاظت..وراحت فتحت البلكون..وخرجت ف التراس..وبصت تحت ع البيسين..وقالت جواها.. يامامي..ده انا كدا ممكن اموت..ووقتها هبقى مت كافره كمان.. لأ لأ اعوذ بالله.. وبعدين بقى هو مجاش ورايا ليه؟ كدا شكلي بقى وحش اوي..
مراد : من وراها.. إيه هتصلي استخاره قبل ما تنتحري..
فريحه : بلعت ريقها بتوتر وقالت..ها..!! لأ وانا أرمي نفسي ليه؟ أموت كافره يعني..؟
مراد : حاوطها من وسطها وقال..بعد الشر عليك ياعم..
فريحه : ضحكت وقالت.. إيه ده يعني مش زعلان مني؟
مراد : مط شفايفه وقال..والله على حسب ما هتراضيني..
فريحه : حضنته بفرحه وقالت حبيبى يامرادي ده انا اديلك عينيا مش هتغلى عليك..
مراد : خبطها على قفاها وقال.. إحنا في التراس يابنت المستخبي.. خشي اديلي عينيكي جوه..
فريحه : ضحكت بسعاده..ودخلت..وقالت بجد انا مبسوطه اوى إنك مش زعلان مني..
مراد : شالها فاجأه..وقال.. أنتي ضحكتي يابت يا فريحه..ماينفعش أزعل منك. وأول وآخر مرة أسمع حوار سيب الشغل ده تاني..فاهمه يابت..
فريحه : بضحكه..فاهمه ياروح البت..
مراد : كدا أحبك..وقرب منها واخدها لعالمه الخاص..
——————بقلمي مريم نصار.
بعد فتره كبيره.. عند فهد..
رينو في حضن فهد..وقالت حبيبي..
فهد : بيلاعب خصلات شعرها وقال .نعم يانجمتي..
رينو : أنت قولت إنك هتاخدنا أسبوع بره البيت هنروح فين..
فهد : باس أيدها وقال.. هنروح نقضي أسبوع عند بابا وماما زي كل أجازه..إيه رأيك؟
رينو : بتفهم..ياريت يافهد..بابا طارق انا بحب اقضي اكبر وقت معاه..
فهد : أنا ناوي إن شاء الله..بعد ما چواد يتجوز ويستقر.. أجيب بابا وماما يعيشوا معايا..
رينو : بفرحه.. بجد..ده يبقى حلو اوى بجد
.وياريت يوافق..
فهد : لا هيوافق متقلقيش.. فارس بيسافر كتير وكمان هياخد رودي معاه.. وأنا مستحيل اسيب بابا وماما لوحدهم..
رينو : طيب ما أنا بتحايل عليه والله يافهد.وهو رافض.
فهد : رافض علشان چود وجواد..لكن بعد كدا هيوافق. وخصوصاً من حقي إني اراعيهم بعد العمر ده..
رينو : ربنا يبارك فيك ياحبيبي.وتكون الإبن البار ديما.
..المهم بقى بجد يعني مفيش مأموريات ليك انت وأبيه مراد تاني؟
فهد : لأ يانجمتي اطمني.. إحنا هنهتم بالتدريبات. والمساعدات.. وأي خدمه خفيفه. علشان الشباب ليه الأولويات في السفر..ومن ناحيه تانيه بفكر اساعد بابا شويه في أي حاجه تخص شغله..
رينو : تمام الحمد لله بجد كدا استريحت..
فهد، : أبتسم تمام.. أتصل بقى ع تيم أشوف آيان بيعمل ايه؟ وكمان آرين علشان تطلع والكل يجهز علشان نروح لبابا..وانتي قومي خدي شاور..
رينو : ايه ده هنروح انهردا؟
فهد : أيوه..الساعه 8 لسه بدري.. وبابا عايز يشوف آرين بعد العميلة.
رينو ،: تمام اتصل ع آركان شوفوا اختفى فين كدا..
فهد : أكيد ف الجيم.. ومسك الفون..وقال ايه ده؟ آدم مراد اتصل عليا كتير..
رينو : اممم ياترى كان عايز ايه؟
فهد : كشر عينيه وقال..هو بيتصل عليا في وقت عارف إني أكيد مضايق ومش هرد..!!!
إيه ده باعت رساله؟..وصك على أسنانه بغضب..
رينو : شافت ملامحه..واخدت منه الفون..وقرت الرساله..ومكتوب فيها..
خالى أنا اتصلت عليك كتير لكن أنت مردتش.. احب أعرفك إني خرجت ومعايه آرين هنتعشى بره..
فهد : قال..من بين أسنانه.. يابن البجح…!!
Автор: Меріам Насар
بعد فتره كبيره..
قبل الفرح بأسبوع..
آرين : بغضب واضح..قالت.. يعني ايه يا آدم مش هتعملي فرح…!!!! ———
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مملكة ميراث العشق)
