رواية مملكة ميراث العشق الفصل التاسع 9 بقلم مريم نصار
رواية مملكة ميراث العشق الجزء التاسع
رواية مملكة ميراث العشق البارت التاسع
رواية مملكة ميراث العشق الحلقة التاسعة
ف شقة كريم..
كريم نايم بعمق..وجمبه ليليان..
ليليان : نايمه وكأنها بتاكل وبتتذوق حلاوة الأكل بشراهه كبيره.. وبتتكلم بنوم.وقالت.
اممم الشيكولاته الذ من الكريمه والفانيليا. امممم ولا الفراوله اه جميله اوي. شامم ياكريم ريحة المانجه ال تجنن دي اممم..
كريم : نام ع جمبه التاني..
ليليان : فتحت عينيها..وجعانه جدآ..واتعدلت وبتصحي كريم.. وقالت. كريم.كريييم قوم ياكريم انا جعانه..
كريم : فاق. وبيفرك ف عينيه وبيتاوب..صباح الخير ياحبيبتى..
ليليان : بضجر..خير ايه دلوقتي..بقولك جعانه. ولو مكلتش هتجنن عليك..انا بقولك اهو..
كريم : يافتاح ياعليم ع الصبح..انتى تؤمري
وقام بسرعه وقال..خمس دقايق واجبلك الفطار.ياحبيبتى
ليليان : بغيظ..خد هنا رايح فين؟ وفطار ايه. انا عايزه آيس كريم.
كريم : تنح بزهول..وهمس ايس كريم؟ وف الجو ده؟ وبصلها..وقال..
ليليان؟ احنا ف الشتا ياروحي ايس كريم ايه بس؟
ليليان : حطت ايدها ع بطنها وقالت بتمثيل العياط..
شايف ياحبيبى. شايف وسامع. من دلوقتي ابوك بيستخسر فينا اللقمه..اومال لما اولدك ياروحي. هيخلينى اشحت اكيد؟ لينا ربنا يبني..استحمل بقى..
كريم : ببلاها..تشحت؟ وبصلها بتوعد وقال. اه ياليليان معلش ما انا راجل مفتري وظالم.. لأ وطاغي وجبروت..وا……
ليليان : عااااااااااا اهيء اهيء هو انا يعني بطلب الاكل ده عشاني؟ ده عشان ابنك اااااه يابختك ياليليان.. يالى اتمرمنطي بعد جوازك ياليليان..
كريم : كشر عينيه اتمرمنط؟ اسمها اتمرمطي ياليليان..
ليليان : عااااااا كمان مبقتش عجباك ياكريم.. لينا ربنا احسن من اي حد..
.انا هتصل ع بابي. واقوله بس بنتك بتتوحم ع ايس كريم يابابي
وف ااقل من دقيقه هلاقي مصنع ايس كريم بحاله قدامي.ااااه ياعيني عليك يبني يالي جعان..اعااااا..
كريم : غصب عنه انفجر ف الضحك..وقال. والله العظيم لمضه بجد.. ههههه.. يابنتي انتى قبل الفجر طلبتى مني كيكه. وقومت عكيت واتعلمت عشانك..وكلتي ونمتي..وياستي حاضر..بما إنك بتتوحمي..انا هجبلك كل حاجه انتي عايزاها..واوردر كمان..
ليليان : ربعت رجليها..وقالت بسعاده..طيب يلا اكتب ورايا..
كريم : ببلاها..اكتب؟ اكتب ايه يالي لي؟
ليليان : بغيظ..ال بتوحم عليه ياكريم..
كريم : هي محتاجه كتابه؟طيب ياروحي انا هكتب بس هدي نفسك..مش عايز الواد يبقى نرفوز..
ليليان : اااه قول كدا بقى..انت ال يهمك المحروس ابنك..
اما أنا مش مهم..اولعي ياليليااانووووو..
عااااااا..يادي الوقعه ال انتى وقعتي فيها ياليليان..
جوزك لا بقى عاجبو كلامك.. ولا خايف عليكي..اهيء اهيء اهيء. ااااه عااااا.
كريم : بصلها بدهشه مع زهول..وقال عليا الطلاق كل الهرمونات عندك اتضربت ف الخلاط. ولا فاهم لهرموناتك كتالوج..عايز اعرف انتى حامل..ولا بيتعملك إعادة تدوير؟
ليليان : هيهيهي لا بيتعملي خفه..بص بقى..من الاخر كدا..احنا ماينفعش نكمل مع بعض..
كريم : بصوته كله وغيظ..نعمممم قولتي ايه ياختي؟
ليليان : بتوتر..اء.. لأ لأ مش قصدي كدا بالظبط. انت تروح عند مامتك وانا اروح عند مامتي..
كريم : باسها من خدها..عايزه كام نوع آيس كريم ياليليان قلبي..
ليليان : حطت راسها ع كتفه..وقالت بسعاده..كل الانواع ياكيمو ياروحي انت..
كريم : قال جواه..كل الأنواع؟ انا حاسس إن ليليان متغيره. اه والله..
ليليان : يلا بقى ياكيمو. الوحم هيخلص..
كريم : ضحك من قلبه..الوحم هيخلص؟ حاضر هتصل حالا.. ومسك الفون وبيضحك وبيتصل..
ليليان : حطت ايدها ع بطنها وقالت..خلاص ياروحي ابوك قلبه حن لينا ومش هيعذبنا.. وهيجبلك.. آيس مانجا وفرواله وشوكلاه وفانليا. وبسكوت ايس كريم. وكل نوع هيجيب منه خمسه وكل حاجه..
كريم : بنفاذ صبر..قال للبنت ف الفون.. أظن حضرتك سمعتي الكميه؟
البنت : تمام يافندم..ساعه بالكتير والاوردر يكون عند حضرتك..
ليليان : ياحبيبى ياكيمو..ظلمتك..
كريم : بغباء.. ليليان هو انتى هتاكلي كل ده بجد؟
ليليان : صكت ع أسنانها.وبصتله بشرز..
كريم : ضحك بمرح.. ههههه. والله أنت بتسأل أسئله غير منطقية ياكلاوي..بألف هنا ع قلبكو ياحبيبتى..
ليليان : عوجت بوقها وقالت..قوم من جمبي ياكريم..
كريم : حاضر ياهرمونات..
——————بقلمي مريم نصار.
ف الطريق.
مراد : ف العربيه. ومسك فونه يتصل ع فهد. لكن فونه رن وكان العقيد حسن. واستغرب لكن رد.. صباح الخير ياباشا.
حسن : صباح الخير يا سيادة العقيد..عامل ايه؟
مراد : بخير الحمد لله. بس واضح كدا من صوتك إن ف جديد. ولا ايه؟
حسن : ابتسم..طول عمرك لماح يامراد. انا سألت عليك ف المكتب قالو إنك لسه خارج من الجهاز.
لان فعلاً ف جديد وكنت عايز اقولك عليه يمكن تلاقي فكره انك توصل ل حيدر بسرعه.
مراد : ركن العربيه. وقال بتركيز.. سامعك.اتفضل..
حسن : دلوقتي قبل بلد حيدر بمسافة 88 كيلو تقريبا.
ف هناك قريه وفيها ناس بسيطه جدا ويدوبك عايشين من الأرض ومزارع البقر والدواجن.
مراد : اممم تمام.وبعدين..
حسن : ال وصلني امبارح ومن مصادر أمنية موثوقه. إن حيدر استولى ع بعض الاراضي واخدها بالاكراه غصب عن الاهالي..ويرمي ليهم قرشين ويجبرهم أنهم يسيبو البيت بالمزرعه..
مراد : كشر عينيه وقال..واكيد حيدر بيتاجر ف الأراضي دي. ويبعها بسعر اكبر ويكسب الضعف. او ممكن عايز يعمل مشاريع؟
حسن : للصراحه انا معرفش ايه نيته من ال بيعمله..
لكن اكيد طبعا ليه مغزى ومادي كمان..لانه مستولي ع منطقته ويعتبر الكبير بتاعهم..
مراد : هز راسه بتفكير..اممم. طيب بقولك ايه ياحسن..
المصادر ال اكدتلك دي.. متعرفش معلومات اكتر..يعني اى حد اتعرفو عليه هناك وسط المزارع؟
حسن : ايوه طبعا يعرفو..وكمان يعرفو ال عليهم الدور وبالعنوان.. وحيدر هياخد منهم الأرض والمزرعة بعد اسبوع. وبعد كدا بيشوف ال عليه الدور بعد شهر من تاريخه..
مراد : ابتسم بخبث..وقال حلو اوى..انت تبعتلي كل المعلومات دي وبالعنوان. ف رساله خاصه
حسن : كشر عينيه وقال.. عينيا حاضر هبعتلك كل حاجه..بس ايه ال ف دماغك ياصقر؟
مراد : بضحكه..لأ ياعم ولا أي حاجه. يمكن نقدر نوصل لثغره منهم.. انت عارف لازم نهتم بأدق التفاصيل..
انت بس ابعتلي كل حاجه..وادعيلنا نقدر نوصل لوكر حيدر بأسرع وقت..
حسن : تمام هبعتهالك حالا..و ربنا معاكم وترجعو بالعقيد اكرم إن شاء الله..
مراد : ضحكته اختفت..وقال بزعل إن شاء الله.
حسن : طيب انا هقفل.عشان طالع للمدير. والرساله هتوصلك خلال ثواني..سلام..
مراد : سلام..وقفل..والرساله وصلت. وبص قدامه لحظات يفكر ف كلام حسن..
وبعد كده ابتسم بخبث وقال.. لقيتها..واتصل ع فهد..
——————بقلمي مريم نصار.Автор: Меріам Насар
ف شقة فهد..
فهد : ف اوضته وجاب الشنطه وحطها ع السرير. وفتحها..ورايح ع الدولاب يجهز هدومه.. ومراد رن عليه.. ورد..الو ياصقر.
مراد : الو ياحوت..ايه يصحبي بتعمل ايه؟
فهد : بتنهيده..ابدا بجهز شنطة السفر.
مراد : لأ يصحبي..متجهزش حاجه. لاننا مش هناخد لبس معانا..
فهد : كشر عينيه بعدم فهم..وقال ازاي مش فاهم؟ وبعدين ايه صوت العربيات دي. انت فين؟
مراد : انا ف الطريق راجع ع البيت..بص يانجم.انا روحت لمدير الجهاز الصبح بدري..واتكلمنا ف شوية حجات مهمه تخص المأمورية هبقى اقولك عليها أنت و آدم بعدين..بس اهم حاجه المدير قالها.. إن كل حاجه جاهزه ف الطياره الخاصه بينا..من لبس من نفس منطقة حيدر.. لكل حاجه..
فهد : بتفكير..ده عشان الماركه ومحدش يشك فينا ولا ايه؟
مراد : بالظبط.. وكمان العقيد حسن لسه قافل معايا دلوقتي..وقالى ع شوية معلومات جت ف أوانها..
فهد : بتركيز..قولي انا معاك..
مراد : لأ ماينفعش ف الفون..انزل تعالى انا داخل ع البيت اهو. هستناك ف الجنينه بتاعتكم..سلام..
فهد : سلام. وقفل..ونزل ل مراد.
مراد : سلم ع فهد..
فهد : ها ايه المعلومات؟وناوي ع ايه؟
مراد : بحذر..بص يسيدي حسن لما كلمني..قال…………وقال لفهد ع كل حاجه..
فهد : بيسمع بتركيز..وقال. امممم هي معلومات حلوه..بس مش يمكن ده يكون فخ لينا؟
مراد : منا فكرت ف كدا برضه..وقولت لازم اتأكد..لكن بعد ما قفلت معاك..وصلتنى رساله خاصه من مدير الجهاز نفسه.. بيأكد صحة المعلومات دي..واني اتصرف بطريقتي..
فهد : تمام حلو اوى..انت بقى فكرت.؟
مراد : هز راسه. والفكرة جاهزه..بص يسيدي.. احنا هنسافر بليل إن شاء الله. وهنوصل ع قبل الفجر.. انت و آدم هترحو ع المنطقه ال جمب حيدر ال فيها الشبكه. وأكرم كان بيسافر ليها..وهتدورو ع أكرم بطريقتكم..
فهد : فتح عينيه بدهشه..لانه فهم دماغ مراد..وقال..طيب وانت؟ اوعا تقول إنك هتروح القريه؟
مراد : مفيش حل غير ده..انت عصبي وآدم انيل منك..ومعندوش فن التعامل..وكمان سنه صغير مش هتدخل ع حيدر..
انا هدخل بيت حد من المزارعين. كاني تايهه عن المكان وعندي مثلا اعاقه ف رجلي..واتعرف عليهم..ولما يثقو فيا..اكيد هيتكلمو عن ظلم حيدر قدامي.انا أقدم ليهم المساعده..بحيث اني ارجع ليهم حقهم من حيدر..بس هما يتعاونو معايا مثلا ع إني ابنهم ومعاق وماليش اي شغل. ويطلبو منه أنه يشغلني اي شغل عندو..وادخل عن طريقهم لوكر حيدر.
فهد : اخد نفس عميق..وبص ل مراد..مافيش حل تاني يصحبي؟Автор: Меріам Насар
مراد : ربت ع كتفه وابتسم بتمثيل.. لأ وسيبها ع الله..يلا سلام انا. وسابه ومشي..
فهد : هز راسه بتنهيده..ونعم بالله..وطلع الشقه..
رينو : خارجه من المطبخ..ومتنرفزه…وشافت كتاب آرين ع كنبة الليفنج..وقالت بنفاذ صبر.وخنقه.البنت دي هتجنني قريب..
فهد : شايف نرفزتها من الصبح..وعارف انها مخنوقه لانه مسافر..وجه وحضنها من الخلف. وضحك ليها.وقال. ع فكره بقى. آريني مظلومه معاكي..
رينو : ابتسمت بشر..ولفت ليه..وقالت من بين أسنانها بغيظ مكبت..مظلومه؟ طيب تعالى معايا كدا. ومسكت أيدو. وراحت بيه ع اوضة آرين..بنرفزه..
فهد : ماشي معاها. ومبتسم..عشان عارف هي هتقول ايه..
رينو : فتحت باب الاوضه. ودخلت وقالت بخنقه وسخرية.. اتفضل.. شوف بنتك المظلومه. ال استحاله تعقل أبدا.
عقلت يوم واحد. وقولت بس يارينو بنتك الحمد لله كبرت ونضجت. وعقلت..بس مفيش غير يوم واحد بس.
وتاني يوم رجعت لقواعدها وحابسه نفسها ف الشقه..طول الأسبوع.وتقولي عندها مراجعه كتير. وانت كنت فرحان انها مبتنزلش..وجبت ليها كنز زى ماهي مسمياه.
ده غير أنها خلصت الشوكليت بتاعي.
بص البيجامه بتاعتها. ميت مره أقولها علقي هدومك. مره تسمع كلامي ومليون لأ..طيب بلاش لبسها عشان بتقولي بنسى وسورى يامامي..
شوف مفرش السرير.. تحس انها كانت بتحارب وهي نايمه..وغطا السرير كل يوم اشيله من ع الأرض..
لأ وكمان انهردا اصحى ع صوتها وهي بتغني. وبتقول…أسمع صوت العندليب .. أسمع صوت العندليب.فوق الشجر..اه أسمع صوت العندليب؟ ده اي ده بقى إن شاء الله؟
وتعيد ف الكلمات دي وصوتها يعلا.. لأ وتخبط علينا بطريقه مجنونه..
لأ لأ يافهد..بجد انت هتسافر وتسبني معاها لوحدي..مش بعيد ترجع تلاقيني بقلدها..
فهد : ضحك بصوته كله..وقال.. كان نفسي اصور المشهد ده. ههههههه.
رينو : صكت ع أسنانها..وقالت بنرفزه..اه ماانتو الأتنين بحس انكم تشكيل عصابي عليا.
فهد : قرب منها بضحكه..وحاوطها من وسطها..وحط ايدو ع خدها بحنان وقال. مالك يانجمة فهد..
رينو : صعبت عليها نفسها وعيطت بصوت عالى..وقالت مش عارفه..مش عارفه يافهد..انا مخنوقه اوي. بجد مخنوقه واعصابي مش متحمله إنك تبعد عني..
فهد : ضمها لقلبه..وغمض عينيه بتعب..وبيمسد ع شعرها..وقال..انا عارف انك زعلانه. بس يارينو انا رايح شغل. ونفسي قبل ما امشي اشوف ضحكتك ال بتنور حياتى..مش عايز اكون قلقان عليكو..انتى عارفه اني طول ما انا بعيد عنكم ببقى هتجنن واطمن عليكم..وكمان انتي حامل وتعبانه..والتوتر ده وحش علشانك..و آرين انتي عارفه أنها بتحبك قد ايه. وانتي كمان لو انا زعلتها انتي بتزعلي مني..صدقيني انتي مش مضايقه من آرين. انتي بس زعلانه عشان أنا و آركان مسافرين.بس صدقيني مفيش أسرع من الايام..وهتلاقيني ف يوم داخل عليكي وبقولك نجمتي انا رجعتلك..
رينو : بتعيط..وضمته اكتر..وقالت اوعدني يافهد..اوعدني إنك ترجعلى بسرعه..
فهد : شدد من حضنها.وقال بوجع..هعمل كل ال اقدر عليه عشان ارجعلك بسرعه ياعشق ال فهد. ورفع دقنها بايدو..وباسها برقه..
وشالها بين ايديه..وراح بيها ع عشهم..واخدها لعالمه الخاص.
——————بقلمي مريم نصار.
ف الجامعه..
آسر : ماشي ف الطرقه مع صحابه. وبيضحكو..
محمد : زميله كشر عينيه وقال.. اله هو مدرج ألف فرقه اولى الشباب خارجه بسرعه كدا ليه؟
آسر : بتعجب فعلا غريبه..
محمد : تعالى نشوف بيجرو ليه؟
آسر : بعدم اهتمام..يبني احنا متأخرين ع المحاضره..مفيش وقت ومتبقاش فضولي كدا..
محمد :بغيظ.. انا مصاحب رجل أعمال كشر ههههه.
آسر : طيب يلا اتفضل عشان مزعلكش مني..
طالبه بتجري..وصحبتها وقفتها وقالت ف ايه بتجري بسرعه ليه؟
الطالبه : بتنهج..اصل دكتوره تمارا عزيز أغمى عليها وهي ف المحاضره..انا رايحه اشوف اي دكتوره ف الرعايه الصحيه..وجريت..
آسر : لف ليها بصدمه..وهمس تمارا..؟ وجري بسرعه كبيره ع المدرج..
محمد : بينده عليه ومش فاهم هو جري بسرعه ليه.؟
آسر : دخل بسرعه..وقال بقلق..الكل يبعد.. وشاف تمارا مغمى عليها وراسها ع المكتب..والبنات حواليها.. وقال بقلق..دكتوره تمارا.. دكتوره تمارا..!!
تمارا :…………!!!
آسر : بلخبطه..اعمل ايه؟ اعمل ايه؟ ايوه. آريان موجود هنا..وطلع فونه بسرعه واتصل ع آريان.. وبيمسح ع شعرو بتوتر..وقال استر يارب..
آريان : ف مكتبه. ورد ع آسر بابتسامه..لكن وقف مكانه بصدمه..وقال بزهول..تمارا..!!! وخرج من المكتب بسرعه كبيره جدا..ونزل ع السلم.وبيجري ف الطرقه..ودخل المدرج.زي المجنون..وقرب منها بخوف واضح..تمارا..تمارا. ردي عليا..!!
تمارا : ………..!!!
آريان : زعق بعلو صوته ايه ال حصل؟
طالبه : بقلق.. ابدا والله يادكتور.. الدكتوره كانت فاتحه مجال للمناقشة.. وفجاءه اغمى عليها..
آسر : بتوتر..ممكن نوديها للرعايه الصحيه ف الجامعه..
آريان : قلبه بيدق بخوف..وشالها بين ايديه..وخرج بسرعه..وبينهج..
آسر : خرج وراه يجري. وشافه رايح عند العربيه..واتحرك اسرع..وفتح باب العربيه..وقال.. اركب جمبها وانا هسوق..
آريان : ركب جنبها..وبيفوق فيها.. وجسمه رجف..وقال بخوف..تمارا..ردي عليا..تمارا رددي. ودخلها ف حضنه بقلق كبير..
آسر : داس بنزين وساق بسرعه كبيره. وخرج من الجامعه..ع مستشفى النور..
——————بقلمي مريم نصار.
داخل الجامعه عند علوم.
آدم مراد : بيمتص غضبه..وقال ثواني رايحه فين؟
آرين : بعدم اهتمام..بتاهأيلي انى ف الجامعه. يبقى عندي محاضرات..
آدم مراد : مسح وشه بايديه ونفخ بخنقه كبيره..وقال.. طيب خليكي معايا ثواني.لسه شويه ع المحاضره..
آرين : بجمود..ماينفعش .
آدم مراد : ليه ماينفعش؟ انا عايز اتكلم معاكى قبل ما اسافر..
آرين : رغم أن قلبها منحور..لكن قالت بثبات.. ماينفعش نقف لوحدنا .حرام وعيب .
آدم مراد : من بين اسنانه..انتى بتعملى كدا ليييه ؟
آرين : رغم خوفها..لكن قالت..بعمل ال انت عايزه؟
آدم : اخد نفس عميق جدآ واتنهد..وبعتاب بص ل عينيها..وقال وايه ال انا عايزه ياضي آدم؟
آرين : بصت ف عينيه رغم دموعها ال مقدرتش تمنعها..وقالت بقوه..
اني اكون آرين جديده.. بأسلوب جديد.. بشخصيه جديده..
..يعنى الطفوله ال جوايا هتبقى زى الخوف بالنسبالك..هشيلها واحطها تحت رجلى وادوس عليها واعدى..!!!
آدم مراد : رفع حاجبه بتعجب من ردها..وابتسم وقال..طيب انتي بتعيطي ليه دلوقتي؟
آرين : صعبت عليها نفسها وعيطت يطفوليه اكتر..عاااا..وقالت ببراءه..
عشان انت زعقتلي يا آدم. وكمان قولت عني تافهه. انت قولت عني حجات كتير أوي..وانا مش هتكلم معاك تاااني.. أنا عيطت كتير اوى بسببك..
آدم مراد : قلبه دق بقوه.ونفسه يضمها لحضنه..ورغم إن دموعها البريئه بتكوي قلبه..لكن طريقتها دوبت كل حاجه جواه.وارين صعبت عليه.وقال بضحكه..
طيب اهدي يامجنونه عشان اعرف اكلمك..
آرين : بغيظ كبير.عاااااا.انت بتضحك يا آدم؟
آدم مراد : ههههه..ايوه بضحك.. بضحك ف وجودك انتي وبس. انا قولتها قبل كده. انا مش عارف انا بيكي رايح ع فين ياضي آدم..
آرين : ارتبكت.وقلبها بيدق.وبلعت ريقها بتوتر..ومسحت دموعها..وقالت جواها بتذمر..
وبعدين بقى ف المرعب ده.؟
هو بيضحك ليه دلوقتي.. قمر بجد يخربيت كدا..طيب هكمل خناقه ازاي انا دلوقتي؟
آدم مراد : بص ف عينيها وقال. بابتسامه وعتاب.. انتى زعلانه؟
آرين : بعفويه..اه اسكت يا آدم انا زعلانه منك أوي اه والله..
آدم مراد : بضحكه صامته ظهرت غمازاته.
وبدقة قلب ل آرين لأن الجمله دي كانت وحشاه جداً.
ويعالم هيسمعها تاني ولا لأ. ولو هيسمعها ياترى امتى؟
.وقال..بنبرة كلها حنان.. آرين انا عايز اتكلم معاكى. ف حجات كتير عايز اشرحهالك. ف حجات عايزك تفهميها..
لمار : جت عليهم..وفرحت لوجود آدم..وقالت..هاي ياشباب..وبصت ل آدم من غير كسوف..وقالت هاي. ومدت أيدها وقالت..انا لمار زميلة آرين..
آدم مراد : منزلش عيونه من ع آرين..
آرين : اتنفست غيظ وغيره..ورفعت أيدها وحطتها ف ايد لمار..وقالت بغيره. آدم مابيسلمش ع حد..ولا بيحب يتعرف ع حد يالمار اوكي؟ وبصت ل آدم بشرز..
آدم مراد : مط شفايفه اممم.. وأعجب بغيرة المشاغبه الصغيره..
لمار : بإعجاب اكبر..واو بجد مابتسلمش ع بنات..بجد حبيت اوى..
بس مافيهاش حاجه لو اتعرفنا عادي جدا يعني..
آرين : نفخت بصوت عالى.وقالت استغفر الله العظيم يارب..انتي جايه ف حاجه يالمار؟ انا رايحه ع المحاضره يلا بينا..
لمار : عينيها ع آدم..وقالت برقه..تؤ مفيش محاضره انهردا يا آرين..
.الدكتور عندو دور برد شديد..ومجاش امبارح ولا انهردا..
آرين : كشرت عينيها بتعجب لطريقتها ف الكلام
.وبصت ع آدم تاني.وعيونها لمعت من الغيره..واتخنقت..
آدم مراد : حاسس بيها..و كأنه مش شايف حد غيرها..ولا رد ع لمار..وقال بهدوء.. بما إن مفيش محاضره..تعالى معايا..
آرين : رفعت عينيها ليه وقالت بحب ممزوج بحرج..مش هينفع. عشان.اء…!!!
آدم مراد : قاطع كلامها..وقال.. هنتكلم ف كافتيريا الجامعه..!!!!
آرين : بدقة قلب. هزت راسها بفرحه..اوكي..
آدم مراد : شاور ليها تتحرك..
آرين : بفرحه كبيره..اتحركت..
آدم مراد : لبس النضاره..وقرب من لمار..وقال. بنبرة تخوف.. لما تشوفيني انا وآرين واقفين..؟ بلاش تقربي عشان هتندمي. وسابها ومشي..
لمار : فتحت عينيها بصدمه..واتخنقت ومشيت تلعن فيهم..
——————بقلمي مريم نصار.
ف المستشفى..
آسر اتصل ع الدكتور محمد وبلغه.انهم ع وصول..
آريان : شايل تمارا..ودخل بيها بسرعه..
محمد : بدقات قلب مختلفه..ورجفه ف ايدو. قال..تعالي هنا يا آريان..
آريان : دخل بسرعه..ونيمها ع السرير..وشد عليها الغطا..وخبط ع خدها..بخوف..تمارا.. تمارا ردي عليا ياتمارا..
محمد : بقلب اب..وسع كدا يا آريان. وقلبه بيدق..وقال..تم….تمارا..تمارا يابنتى..ردي عليا ياحبيبتى..انا ابوكي..
تمارا :…….!!!
محمد : مسك أيدها برجفه..وقاس ليها النبض..وكان بطيء..وركب ليها كانيولا بسرعه وعلقلها محلول..
الدكتوره : جت بسرعه..
محمد : بصوت عالى..كل ده يادكتوره..؟
الدكتوره : بعتذر منك جدآ يادكتور..غصب عني..انا هشوفها واطمنك حالا..بس ياريت انتظروني بره..
محمد و آريان و آسر واقفين قدام الأوضه متوترين..وبيدعو..
نور : جت بسرعه..وقالت بدموع..بنتي فيها ايه يامحمد؟ ايه ال حصل ل تمارا يا آريان؟
آريان : قلبه متوتر..وقال بهمس أغمى عليها.. وضغط ع اسنانه بقلة حيلة..
الدكتوره : خرجت بابتسامه..وقالت. تمارا فاقت وزي الفل. والف الف مبروك يا دكتوره نور..تمارا حامل ف شهر ونص..
آريان : فتح بوقه بعدم تصديق..وقلبه بيدق بسرعه كبيره..وهمس..حامل..؟
نور : دموعها اتبدلت..من دموع خوف لدموع فرحه كبيره. وحضنت الدكتوره بفرحه اكبر..
محمد. : قعد ع الكرسي..وحط وشه بين ايديه..وقلبه دقاته استريحت وفرح..وقال.. الحمدلله..
آسر : ضحك وقال الف مبروك يا دكتور آريان..هتبقى احلا اب إن شاء الله..
آريان : دخل جري ل تمارا.. وضمها لقلبه بحب كبير..وعيونه لمعت بدموع..وقال.. حبيبتي. ووش الخير. ودقة الفرح لقلبي.الف مبروك ياروحي..
تمارا : ضحكت بدموع. وضمته اكتر..وهمست انا حامل. آريان..حامل..!!
آريان : مسح وشها..وباس جبينها وايديها..وقال..ايوه ياروحي.. اجمل واحلا خبر لقلبي..وقلب العيله..
محمد : دخل..والضحكه ع وشه..
تمارا : بدموع..بابي..
محمد : أخدها ف حضنه..بحنان كبير..وقال الف مبروك ياروحي..بنوتي كبرت وهتبقى اجمل واحن أم ف الدنيا..
تمارا : عيطت كتير ف حضنه وقالت..انا بحبك اوي اوي يابابي..
محمد : غصب عنه..دمعه نزلت منه..وسابهم وخرج..
آريان : بص ل تمارا وبص ل محمد. وحس بقوة الرابط بين محمد وتمارا..وهز راسه..
نور : دخلت بسرعه..وحضنت بنتها..الف الف مبروك ياتيما.. بجد انا مفيش حد فرحان قدي..
تمارا : عيونها ع ابوها..وحضنت امها. وعيطت..
نور : مسكت وشها بايديها..وقالت بتعيطي ليه ياروحي..انتي تفرحي..واول ما ترجعي البيت تصلي ركعتين شكر لله..
آريان : لف وشها ليه بحنان..وبص ف عينيها..وقال.ان شاء الله إن ربنا كرمني بالولد. هيكون محمد.ولو عايزه..محمد الصغير يجي الدنيا دي بخير..يبقى مش لازم نعيط..
محمد : سمع آريان..وابتسم لكن ملقاش رد..
نور : فرحت جدا..ودعت إن ربنا يرزقهم الولد الصالح..
تمارا : قلبها دق..وضحكت. واترمت ف حضنه..وقالت.. بجد شكرا..شكرا جدا يا آريان..
آريان : باس كتفها..انتي ال شكرا ليكي يا تيما..العيله هتكبر بيكي.. عيلة العدوي هينورها بإذن الله..محمد العدوي..
——————بقلمي مريم نصار.
ف الجامعه..Автор: Меріам Насар
آرين ماشيه محرجه..و آدم ماشي مع حفظ المسافه.
آرين : بتكلم نفسها..وقالت جواها.. وبعدين بقى. انا بقالى اسبوع عامله نفسي زعلانه من المرعب ده..ومن اول كلمه كدا قلبي يستسلم..واقع ع وشي..اوووف هكمل ازاي انا الدور ده.؟
لأ اصلا دور البنت الجد والعاقله مش راضي يجي معايا خالص..
. ايه ده انا كنت جعانه. فجاءه كدا شبعت.؟
اه ماهو المرعب ده يسد نفس اي حد جعان.
وكملت بحزن..بس آدم مسافر يا آرين..
وضحكت بصمت وفرحه..بس جالي الجامعه قبل ما يسافر..جه عشاني انا..انا وبس..!!
وفجاءه الجو قلب..والمطر نزل..
آرين : بزعل ياخبر..فستاني هيتبهدل..
آدم مراد : بتفكير..تعالى. واتحرك وفتح ليها باب العربيه..
آرين : وقفت والمطر نازل عليها..ومحرجه تركب معاه..
آدم مراد : طمنها..وقال يلا يا آرين.. اركبي وهتفهمي كل حاجه..
آرين : ركبت وقلبها بيدق..وسقعانه..
آدم مراد : ركب جنبها. وشغل العربيه وخرج من الجامعه..
آرين : بعفويه.. آدم لو سمحت مش هينفع اركب لوحدي..كدا غلط..وا…
آدم مراد : قاطعها واتكلم بخنقه..مش حفيد العدوي ال يعمل حاجه غلط يا آرين؟وبالتحديد معاكي..
..وبعدين انا عارف حدودي كويس.وعارف انا بعمل ايه؟
.وكمان انتي بترجعي البيت مع السواق..وطلع فونه.. واتصل ع عمتو لارين..وردت..
رينو : الو..
آدم مراد : بثبات عكس ال جواه. اتكلم بهدوء.. عمتو حبيبتى عامله ايه؟
رينو : ابتسمت بحب.. انا بخير ياقلب عمتك..انت عامل ايه؟ وخلي بالك الجو برد اوي..وبتشتي..
آدم مراد : ابتسم..متقلقيش عليا..المهم بقى انا بستأذنك لأني كنت ف الجامعه. وآرين معندهاش محاضره الدكتور اعتذر..والدنيا مطر و آرين معايا..
رينو : رغم أنها فرحانه..لكن تنحت لأن فهد موجود. لكن بيعمل نسكافيه..وقالت بصوت مهموس..انت هتجيبها ع هنا.؟
آدم مراد : ساعتين تقريباً وتكون عندك..
انا بس بستأذنك. انا هخدها ع مطعم نتغدا..ولانك لازم تكوني عارفه..وكمان آرين معايا ف أمان..
رينو : بتنهيده..ماشي ياحبيبي. بس ارجوك متتأخرش.
آدم مراد : متقلقيش..خدي آرين معاكي..
آرين : اخدت الفون وكلمت رينو..وطمنتها وقفلو..
آدم مراد : ها كدا اطمنتي؟
آرين : هزت راسها بتذمر..لأ..بابي ف البيت وانا كدا حاسه اني بعمل حاجه غلط..!!
آدم مراد : اكيد لازم تحسي بكده. وده الطبيعي للبنت ال ف برائتك. وعندها مبادئ..
بس انا ماينفعش اتصل عليه لأسباب كتيره..ومنهم أنه مش هيوافق..
لكن بجد انا لازم اقعد اتكلم معاكي.ف نقط لازم تتوضح ليكي..
آرين : بغيظ..تتكلم معايا ف ايه؟ مش كفايه ال انت قولته..!!!
آدم مراد : مردش عليها. وداس بنزين وساق ف وسط المطر..
و آرين بصت من الازاز..ونسيت الزعل ورفعت كف أيدها من الازاز..لمية المطر. ومبسوطه..
بعد شويه..وصلو ل مطعم مشهور ف مول كبير..
ودخل بالعربيه الجراج عشان آرين والمطر..ودخلو المول..ووصلوا المطعم..
آدم مراد : شد الكرسي ل آرين..وقال بابتسامه. اقعدي يارينو ياصغيره..
آرين : عوجت بوقها وقعدت بصمت.. وزعلانه..لكن بتنفخ ف ايديها من الساقعه..
آدم مراد : قعد وطلب ليها مشروب دافي.. وهو قهوه..وبيشرب..
آرين : بتشرب وسقعانه..وهديت شويه ..
آدم مراد : بص ف عينيها..وبدأ يتكلم..وقال..
ع فكره ف الجامعه.. انتي ال وصلتيني اني أعلى صوتي عليكي وكمان اتكلم معاكي بالاسلوب ده..
آرين : عيونها لمعت..وقالت..ليه بقى وانا عملت ايه؟ انت جرحتني اوي يا آدم..انا ف اليوم ده مكنتش مصدقه..ايوه انت عصبي ديما لكن انا ع طول بقول لنفسي آدم بيتكلم معايا الوحيده بهدوء.
بس مكنتش اتوقع منك. إنك تهني بالطريقه دي..وكمان عايزني اغير من شخصيتي..
آدم مراد : بهدوء.. آرين..!!! انا مش عايزك تغيري من شخصيتك..
انتي كدا بريئه وجميله جدا.. ويستحيل تغيري من شخصيتك عشان حد..لكن لازم كنتروك ع نفسك شويه..
آرين : دمعه نزلت ع خدها..وقالت..انت قولت كلام كتير وجعني اوي يا آدم..قولت اني….!!!
آدم مراد : قاطعها..ومسح وشه بايديه ونفخ بخنقه.وقال..
انا فاكر كل كلمه قولتها يا آرين…لكن كانت الطريقة غلط. لاني كنت مضغوط بحجم كبير..
لكن كل ال انا عايزك تعرفيه من مفهوم كلامي.. إنك تفكري كويس قبل ما تتكلمي..وكمان ماينفعش تصرفك ده وانتي ف الجامعه..
اسمعي يا آرين..انا وبابا آدم وحتى خالو فهد وكل العيله..عارفين إن آرين بتحب تعيش بالطريقه دي.ومحدش معترض.بالعكس كلنا بنحب مشاغبتك وأسلوبك..
لكن ال حواليكي ف الجامعه مش هيفهمو كدا.
وبعدين انتي ازاي عايزه تسافري رحلة تخييم. وكمان لوحدك والكارثه انها مشتركه..!!
طيب انتي فكرتي.. إن خالي فهد هيوافق؟
طيب انتي مش عارفه نظام العيله والمبادئ ال اتربينا عليها ؟
يعني أنتي عايشه معانا وعارفه كل حاجه. وعارفه رد فعل خالي اول ما يعرف حاجه زي كده..
لكن لأ انتي بتصممي..وف الآخر تقولي مش كل حاجه تقولو عليها لأ..
مع إنك عارفه ف قرارة نفسك إن ال انتي هتقولي عليه ده صعب جدا إن حد يوافق عليه..!!
آرين : بدموع..انا عارفه كل ده..بس ليه؟ ليه بجد انت وبابي كل حاجه انا عايزاها تقولو عليها لأ؟
آدم مراد : ابتسم بتمثيل..وقال..مش كل حاجه يا آرين..بنقولك عليها لأ.. والحاجه ال بنعترض عليها. اكيد ده بيبقى لمصلحتك أولا..
زي موقف الحصان مثلاً..انتي قولتي عايزه اركب الحصان. ولاني عارف شغفك انا وافقت لاني كنت موجود معاكي وهقدر أخد بالي منك..
لكن انتي مكتفتيش بكده.. لأ انتي صممتي تركبي حصان ولوحدك..وكمان دارلي ارابيان.مش ضعيف..
و قولتلك ماينفعش تركبي حصان لوحدك يا آرين..
لكن انتي عملتي العكس.وشوفتي بعينكي نتيجة تهورك.. ووصلتينا لايه..
احنا مش حارمينك من حاجه.وكمان الوحيد ال بينفذلك كل طلباتك خالي فهد. وانا وكمان تيم.. وبابا آدم.
ناقصك ايه عشان يوصلك تفكيرك ده؟ عندك عيله بتحبك وبتعاملك ع إنك رينو الصغيره ومدلله عند الكل. سفر وبنسافر. رحلات وبنطلع رحلات عائليه..عندك اب مفيش منه اتنين عندك أم بتحاول تقدملك كل حاجه..عندك انا… انا……….!!!!
وسكت واتنهد.. وبعد كده بصلها وكمل..وقال..
احنا ماينفعش نوافق انك تعيشي اسبوع سفاري ف وسط شباب ف بلد تانيه ومنعرفش عنك حاجه.. وحتى لو احنا واثقين فيكي .بس العالم الخارجي كله خطر..
وانتي شايفه الظروف ال مرينا بيها.. حادثة بابا آدم..وانتحار القاتل..وكمان خطر ع العيله..ولازم نأمن عليكم كويس..
وكمل بخنفه.. وخصوصاً أننا مسافرين..يعني المفروض تحكمي عقلك وتدرسي كل حاجه حواليكي..وتشوفي الوضع من جميع الجهات.
وكمان عمي زين زود حراسه مشدده ع مملكة العدوي. لما عرف أننا مسافرين…
يا آرين انا عايز اكون غايب لكن مطمن عليكي..
آرين : نزلت وشها ف الارض..بحرج..وساكته..
آدم مراد : ابتسم بحب..وقال.. آرين..!! فهمتي انا اقصد ايه؟
آرين : هزت راسها بحرج..
آدم مراد : بضحكه..واوعى تغيري من شخصيتك فاهمه..؟
آرين : ابتسمت بحب..وهزت راسها..لكن رفعت عينيها..وقلبها دق بخفقان..وقالت انت هتسافر وتغيب كتير يا آدم؟
آدم مراد : غمض عينيه بتعب..وقال.مش عارف..
آرين : عيطت ..وقالت..يعني أنت وبابي و آركان وخالو مسافرين. بجد انا قلبى وجعني اوي يا آدم..
آدم مراد : اتخنق..وقال خلاص يا آرين..انا جايبك هنا عشان تفهمي وجهة نظري..مش تعيطي..وكمان من الأحسن تبعدي عن ال إسمها لمار دي..!!
آرين : بغيره..اممم ست لمار.هانم.وبتقلدها. بتريقه. وقالت..
هاي ياثباب انا لماي ثميلة آيين وانتشا؟ واو حبيت جدآ. مفيهاث حاكه لما نتعالف يعني..
قلة أدب..
آدم مراد : هههههههه.
آرين : تنحت وفتحت بوقها.. وقالت ببلاهل..لأ.. آدم انت ضحكت دلوقتي. نو نو نو انا مش مصدق بوقي يالمبي؟
آدم مراد : بضحكه..انتي بتغيري فيا حجات كتير..
وبعدها كشر عينيه وقال بغيظ..
.وبعدين انتى ازاي تقعدي اسبوع بحاله متنزليش من البيت وانا موجود؟
آرين : خافت..وهمست بتذمر.. اتحول تاني اهو..وقالت بغيظ..منزلتش بسببك. مرعب جدا بجد..
آدم مراد : رفع حاجبه وبصلها بتوعد…
آرين : بلعت ريقها بتوتر. وبصت بعيد..وقالت..اء..ال حصل بقى..يوووه.ماتبصليش كدا بقى..
آدم مراد : فتح المنيوم..وقال بمكر..ماشي.هعديهالك المرادي ياضي آدم..!!!
بعد كده. اختارو نوع الأكل. وقاعدين.. وآرين مكسوفه جدآ..ومش عارفه تاكل ف وجود المرعب..
بعد شويه..
آدم مراد : قام..وراح يدفع الحساب.و بص من ازاز المول..وقال مبقاش ف مطر.. ولف ليها..وشافها واقفه بتبص ع بالطو طويل باللون الاسود..وعيونها بتقول أنه عجبها جدآ..
آرين : قالت جواها..واو يجنن بجد..
آدم مراد : وقف وراها..وقاال..بتبصي ع ايه؟
آرين : كانت هتقوله ع البالطو لكن أحرجت وافتكرت كلامه..وقالت بابتسامه أبدا. انت روحت تدفع الحساب..وانا كنت بتفرج عادي..احم..مش هنروح بقى؟
Автор: Меріам Насар
آدم مراد : ابتسم..هنروح اكيد..بس تعالى الاول.. واخدها ودخلو المحل.. وجاب ليها البالطو..وقال ليها..البسيه فوق الهدوم..مش هينفع تدخلى البروفا..
آرين : مبهوره..وقلبها مبسوط جدا..ولبست البالطو..وكان جميل عليها..
آدم مراد : قلبه اتخطف بحبها اكتر..وقال خليكي لابساه..بس استني هنا ومتخرجيش.. وراح دفع الفاتوره..
آرين : واقفه تبص ع نفسها ف المرايا..ومعجبه جدآ بالبالطو..ومبسوطه. وقلبها بيدق بسعاده لأنها عاشت مع آدم اجمل وقت حتى لو وقت قصير.
.لكن نفخت بتذمر..اوووف بقى..هو آدم أتأخر ليه كل ده؟
آدم مراد : شاور ليها..يلا بينا..
آرين : ماشيه جمبه..وحاسه انها ملكه..وقلبها رغم انه مكسور من سفره إلا أنها حبت اوي اول لحظه يخرجو فيها..ومعجبه جدآ بشخصية آدم..وأنه موافقش انها تدخل تقيس ف البروفا.. لأن مفيش حد موجود معاها زي تالين. وابتسمت بحب كبير..ودعت ل آدم بقلبها..
آدم مراد : ماشي والابتسامه ع وشه. وحب لاول مره يسيب زكرى جميله يعيش عليها ف فترة سفره للمهمه..
و وصل الجراج..وفتح باب العربيه الخلفي..وطلع بالونات..وقدمهم ل آرين..
آرين : فتحت عينيها بدهشه. واتنططت كتير جدا زي الأطفال بفرحه..وسقفت.
آدم مراد : شاف قدامه طفله ايكونه من الجمال والبراءه..واول مره يضحك من قلبه..وقال بضحكه صافيه..
مش قولتلك انا بيكي مش عارف رايح ع فين..!!
آرين : سقفت بسعاده..واو ميرسي جدا جدا يا آدم..بجد تحفه كتير جدا..
آدم مراد : فتح ليها باب العربيه وقال طيب يلا اركبي..عشان عندي حجات مهمه ف شغلي اعملها قبل السفر..
آرين : ضحكتها اختفت..وركبت بزعل..وساكته..
آدم مراد : ابتسم..وقال ع فكره..البالطو جميل عليكي..
آرين : قلبها دق وقالت ميرسي..
آدم مراد : بصي وراكي كدا يا آري..
آرين : بصت ع الكرسي الخلفي..وشافت بوكس كبير ومتغلف..وبصت ليه بدهشه..وساكته..
آدم مراد : ابتسم..ايوه ده ليكي..وده ال آخرني شويه ف المول..انا هسيب البوكس ف اوضة عمتو لارين ف الفيلا عشان مش هينفع تطلعي بيه..بس اوعديني انك مش هتفتحيه غير بعد ما أسافر..!!
آرين : ف اللحظه دي حست انها نضجت..وفهمت يعني ايه مشاعر..وحب كبير..ودمعه نزلت منها..وقالت بصدق.. انا ديما اسمع مامي بتقول ل بابي انا ف كل سجده بدعيلك..
انا كمان ف كل سجده هدعيلك يا آدم..!!!
——————بقلمي مريم نصار.
بعد حوالي ساعتين. Автор: Меріам Насар
آدم مراد : وصل آرين..وطلع ع المخزن..عشان يربي عامر والجارسون..لكن عرف من الحارس أنهم خرجوا بأمر من الإمبراطور..
آدم مراد : صك ع أسنانه بغضب كبير جدا..واتصل ع جدو.. وسأله..
آدم : بهدوء..فهمه…وقال..حبستهم بالطريقه دي غلط. ياحفيدي..عامر كان مهدد. ايوه غلط لكن غصب عنه. واخد جزاءه واكتر..وكمان عيلتهم مالهمش زنب ف الخوف والقلق عليهم..وأنهم اختفوا ف لحظه..وانا عايزك تطمن انا استحاله اتهاون ف حق حفيدتي وبنتي..انا مضتهم ع مستندات توديهم ورا الشمس. ومهددين ف كل وقت..لو بس فكرو مجرد تفكير ف أنهم يقربو من عيلتي..دمارهم ع أيدينا اكيد.
عدا الوقت.وجه الليل..
فيلا العدوي..
كل العيله اتجمعت رغم برودة الجو..لكن لمة العيله مدخله لقلبهم الدفا والحب..
و فرحتهم بحمل تمارا جه ف الوقت المناسب عشان يحسو طعم الفرحه ف وسط زعلهم من سفر الشباب..
زين : ضم تمارا بسعاده..وابتسم.وقال..الف مبروك ياحبيبتى.. وشوفي من هنا ورايح مش عايز اي حاجه تضايقك..ولو الواد آريان ده بس زعلك تقوليلى. وانا ابيته ف حضن عوض.
الكل ضحك..
آريان : بضحكه..انا غلبان ومسكين والله.. حتى اسألوها..
الكل بص ل تمارا ومبتسم..
تمارا : ابتسمت بحب كبير..وقالت بدقة قلب.. فعلاً. آريان عمره مزعلني. وديما بيحاول يخليني مبسوطه..
الكل : امممم الحب وما ادراك..وضحكو..
آدم : قام. وابتسم ل تمارا.. وباس جبينها..وقال. الف مبروك ياروحي..وضمها لقلبه. ومسد ع ضهرها بحنان..
تمارا : ضحكت بدموع..وضمته اكتر الله يباركلي ف حضرتك يابابا..
فريحه نازله من ع السلم. ودموعها ع خدها. ومراد نازل جمبها. ومخنوق عشانها..
الكل رفع عينيه ليهم..وهز راسهم بزعل.. لأن جه وقت الرحيل..
فهد داخل الفيلا وساند رينو ال بتعيط بصمت.. و آرين ماشيه وهي ف حضنه وعياطها بشهقات.. اخترقت قلب الديزل ال سمعها وهو نازل..
الكل قام وقف..
مريم : ساكته تماماً.. ودموعها هي الرد الوحيد..وقلبها مفطور عليهم..
مراد : سلم ع محمد ونور والبنات..ووقف قدام آدم.. وقال بغصه.. خلي بالك من نفسك ياحج..
آدم : ابتسم عكس الوجع ال جواه..وقال.. اسم العدوي لازم يرن ف ودانك وقت الخطر يابن العدوي..
ولازم تفتح عينيك بقوه.. اوعا تقبل الهزيمه..واوعاك مترجعش.. مملكة العدوي مسندوه بيك يابن آدم..!!
مراد : حضن أبوه بقوه.وشاف دموع امه..وقال.بثبات..هرجعلك ياحج. اومال مين ال هيغازل مريوم..ولا ايه؟
آدم : ضمه بقوه..وقلبه مفطور.. وعيونه غصب عنه لمعت. وابتسم وخبط ع كتفه..ربنا معاك يامراد..
مراد : قرب من مريم.. وباس أيديها الأتنين..وقال بتمثيل الهزار..ايه يامريوم.. فين دعواتك ليا..
مريم : ابتسمت بدموع..ورفعت أيدها ع خد مراد بحنان وقلب أم واثق ف الله..وقالت.دعواتي مرفقاك يانور عيني.
.تسافرو وترجعو لقلبي بألف خير وسلامه.ربنا يحفظكم ف كل خطوه..وكل مكان وزمان.وينور طريقكم.ويجعل الطريق ليكم رفيق..وييسر ليكم كل عسير.وينصركم ع من يعاديكم.ويجعل كيده ف نحره.ويزيل عنكم الشدة..وضمته بحنان..
كلهم عيونهم لمعت..وقالو آمين..
مراد : ضمها لقلبه.وبياخد منها أكبر جرعة حنان وحب صادق من غير اي مصلحه او تزييف..
آدم مراد : ولأنه بيكره لحظات الوداع..سلم عليهم عادي جدا. لكن قلبه مخنوق. لدموع امه وآرين وتالين. وخصوصاً جدته مريم.. وسلم ع مريم وباس راسها وايديها..وبص ف عينيها..وقال. هنرجعلك..
مريم : عيطت..هستناك يابن قلبى..
آدم مراد : اتخنق اكتر..وقرب من فريحه. وضمها لقلبه.وقال..لو سمحتى البيت بيتقوى بيكي..خلي بالك من نفسك.ومن ماما مريم وتالين..
فريحه : بعياط مكتوم..حاضر..حاضر ياحبيبي..ربنا معاكم..
آدم مراد : شاف فهد بيسلم ع العيله..وقرب من آرين..وبص ف عينيها الحمرا من العياط..وقال.. خلي بالك من نفسك..ومتاخديش اي قرار ف وقته. فكري الاول. آرين مش عايز اكون قلقان عليكي..
آرين : بشهقات مكتومه..خلي بالك من نفسك يا آدم. وارجع انت وبابي وخالو بسرعه.
آدم مراد : بخنقه..طيب بطلي تعيطي..وف رساله ليكي ف قلب البوكس..تبقى اقريها..
فهد : سلم ع الكل..وقرب من رينو تاني. وباس ع جبينها..وحط جبينه ع جبينها..وقال بوجع..خلي بالك منك عشاني..
رينو : بعياط..انت هتغيب كتير يافهد..
فهد : غمض عينيه بتعب..وقال بوجع كبير.. لو ولدتي وانا مش موجود..سميه آيان..
رينو : مسكت ف الجاكيت بتاعه.وعيطت..انت بتقول كدا ليه يافهد.؟ أنت هتكون موجود..
آرين : سمعتهم..وحطت وشها بين ايديها وعيطت..وجريت من قدامهم وطلعت ع فوق..
آدم مراد : اخته تالين ف حضنه. وعيونه ع آرين ال بتجري..وجواه خنقه كبيره..
فهد : مسد ع حجابها بابتسامه مزيفه..وقال. لا اله إلا الله. يالارين..
رينو : بوجع قلب..سيدنا محمد رسول الله يافهد..
مراد : حب ينهي الوداع..وقال ايه ياجماعه..احنا طالعين حرب ولا ايه؟ يلا ياعم انت وهو ف طياره ف انتظارنا..
زين و آريان وكريم. وصلوهم للمطار..وودعوهم. وراجعين ع البيت..
آرين : فاتحه البوكس..وبتعيط..وبتطلع كل حاجه فيه..
وكان جايب ليها كل الكنز ال بتحبه..وجايب ليها علب نوتيلا كتير. وعلب هوت شوكليت. و نسكافيه. وعلبة شوكليت كبيره.
آرين : شافت كل الحاجات دي وعيطت..وشافت ورقه.. وفتحتها..وبتقرا بصوت فيه رعشه..وقالت..
آرين..ياريت متقعديش ف الشقه انتى وعمتو لوحدكم.
بابا آدم هيطلب منك انتى وعمتو تستقرو ف الفيلا لحد ما نرجع..وانتى هتوافقي. كدا امان اكتر ليكى.. خالي اتفق مع شاهين هيوصلك كل يوم للجامعه..ومعاه حرس خاص.
آرين. متجريش ف الجنينه..الصاله الرياضيه بتاعتي هي ليكي..اوضتي هي ليكي.كل حاجه ليا هي ليكي..
وابعدي عن لمار البنت دى مش كويسه. مش تليق بيكي ولا هترفعك.. أولاً..!! لا لبسها ولاطريقتها مش شبهك خالص يا آري.. لأ دي بتكره ليكي الخير.. خليكي حذره منها..وانا مأمنك كويس..متقلقيش.
خلي بالك منك.. آدم..!!!
آرين : ضمت الورقه..وعيطت بصوت عالى..
رينو : واقفه عند الباب..وسمعت كل كلمه آرين قرتها.. ودخلت بسرعه..اخدت بنتها ف حضنها..واتاكدت من مشاعر آدم و آرين..!!!
——————بقلمي مريم نصار.
بعد اكتر من أسبوعين..
آريان ف ألمانيا..واتصل ع زين..!!!
زين : ابتسم وقال اكيد جددو العقد.. ورد عليه..وقال بابتسامه.. طمني يادكتور مضيتو العقد..!؟
آريان : بغيظ كبير وخنقه كبيره.وقال بصوت عالي..مصيبه يابابا..مصيييبه..!!! ————-
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مملكة ميراث العشق)
