رواية مملكة الطوبجي الفصل الثاني 2 بقلم أميرة أسامة
رواية مملكة الطوبجي الجزء الثاني
رواية مملكة الطوبجي البارت الثاني
رواية مملكة الطوبجي الحلقة الثانية
وصل الجميع مجموعه الطوبجي نزلوا من عربياتهم وتوجهوا للداخل بشكل ملفت للأنظار.
ودخلوا على مكاتبهم لحد معاد الأجتماع وبعد وقت بسيط أجتمع الكل داخل غرفه الأجتماعات.
وكان اولهم زيد.
وبمجرد ما راجح دخل الكل قام وقف بأحترام.
راجح…أتفضلوا اقعدوا
قعد الجميع وكمل راجح باقي كلامه.
راجح….جاهز يا زيد عشان نبدأ الأجتماع.
زيد….جاهز يا باشا قام زيد وقف قدام شاشه كبيره وبدأ يشرحلهم.
زيد….طبعا زي ما حضراتكم عارفين إن طول الفتره اللي فاتت انا و مستر مراد كنا بره مصر بين الإمارات وتركيا و إنجلترا قدرنا نكسب ثقه الإمارات وتركيا في المشاريع اللي قدمناها اما إنجلترا كان في شركه عالميه منافسه لينا هما كمان قدموا مشروعهم والمفروض انه حاليا بيتم دراسه المشروعين المشروع الخاص بينا والمشروع المنافس هيتم الرد علينا في خلال اسبوع وهنعرف وقتها المشروع اللي عجبهم أكتر وعلى
الأساس ده في حاله ان مشروعنا عجبهم اكتر هنقدم الاوفر بتاعنا خدوا بالكم ان لازم انهارده وبكره تتعمل دراسه جدوي أخيره للمشروع عايزين نوصل لأقل أوفر عشان المناقصة ترسي علينا أحنا لأن زي ما احنا عارفين مشروع إنجلترا مشروع خيري ويهمهم إن الأوفر يكون مقبول ده مش مشروع سياحي عشان نبالغ في السعر كمان أنا شايف إن مكسب بسيط في المشروع ده بالذات أفضل من مكسب كبير لأننا تقريباً بنتعامل مع البلد نفسها مش جهه مختصه و أظن لو قدرنا نكسبهم هيكون مكسب كبير اوي لاسم الطوبجي. في حد عنده أي أعتراض على كلامي
راجح…انا عن نفسي معنديش مانع مشروع انجلترا ده زي ما زيد قال مهم اننا نكسب ثقتهم خصوصا ان دي المره الأولي للتعامل معاهم.
داوود…انا كمان رأيي من رأيكم خصوصاً في الجزئيه اللي زيد قال عليها مكسب بسيط أفضل من مكسب كبير خصوصاً انه مشروع خيري.
سالم….طيب قدرت تعرف يا زيد الاوفر بتاع الشركه المنافسه.
زيد…اكيد لأ دي حاجه هما مش هيعلنوا عنها إلا وقت إعلان المشروع الرابح طبيعي يعني انهم مش هيكشفوا ورقهم قدامنا.
سالم….عموماً متقلقش من الجزء بتاع دراسه الجدوي ده انا هخلصه و هعرضه عليكم تاني.
راجح….تخلصه؟ هو مش المفروض جاهز يا سالم ولا أيه
سالم….أكيد جاهز يا باشا بس بعد كلام زيد أظن لازم نرجع نعيد النظر في الاوفر اللي كنا هنقدمه لأن الاوفر الجاهز حاليا ميناسبش خالص الفكره اللي زيد قال عليها
زيد…بالظبط انا فاكر الدراسه المبدأيه وأظن أنها محتاجه تتراجع من تاني.
راجح…خلاص تمام ظبط الاوفر يا سالم و أعرضه علينا قبل ما زيد يعتمده.
سالم…تمام يا باشا.
ياسين….طيب كده الكلام خلص بالنسبه للمشاريع و شغل الهندسه ولا في حاجه تانيه.
زيد….لأ كده كله تمام بالنسبه لأول جزء في شغلنا.
ياسين…طيب ايه اخبار السيراميك؟
زيد….أثناء تواجدنا في الدول دي قدرت انا ومراد نزور كام مصنع الحقيقيه مش هقول اننا منافسين درجه اولي في المجال ده لأننا شوفنا حجات خصوصا في انجلترا والإمارات جديده تماماً وبجد مبهره زي ما احنا عارفين ان تركيا بتعتمد على البساطه شويه
الإمارات شغلها عالي اوي او يكاد يكون مبالغ فيه لان طبيعه الشعب بتاعهم و إمكانياته الماديه غير عندنا خالص اه احنا هنا في مصر سيراميك الطوبجي مسمع في كل مكان لكن كمان خلينا نقول إن احنا هنا بنتعامل مع أكتر من فئه من أعلى طبقه لأبسط طبقه بمعني اصح بنرضي جميع الاذواق وبنرضي كل الحالات الإجتماعيه من حيث الماده بس كمان الفئه البسيطه أكتشفت اننا بنتعامل معاهم بطريقه بدائيه في الشغل على ي قد فلوسهم زي ما بنقول لكن لما كنت في إنجلترا وشوفت بنفسي المصانع تقريباً هما كمان اقرب حد لينا في التفكير بيتعاملوا مع اكتر من فئه بس اللي كان ملفت للنظر ان شغلهم لابسط فئه عندهم خيال بجد حتي الأدوات الصحيه بدايه من خلاطات المايه للبانيوهات وكل حاجه بجد أذواق عالميه و المفجأه ان السعر مقارنتاً بأسعارنا حاجه تافهه جداً يعني ممكن مثلا لو هنتكلم عن السيراميك بتاعهم ونقارنه ببتاعنا عشان نقدر نوصل للتقنيه دي هيزيد متر السراميك حوالي من 50 ل55 جنيه مصري يعني مبلغ تافهه جداً انا شايف انه مش هيكون غالي لو زودنا حوالي 50.
داوود….ايوه يا زيد بس الفئه البسيطه اللي بنتكلم عنها لما نزودلها في المتر 50 جنيه هو السعر يبان بسيط لكن لما تيجي تبصلها من ناحيه تانيه وتلاقي مثلا شاب بيشطب شقته خلينا نقول لو شقه صغيره أوضتين وصاله محتاج مثلا حوالي 30 متر سيراميك في كل اوضه
ال50 جنيه في كل متر اللي هنزودهم هتفرق معاه جداً
يعني لو متر السيراميك اللي كان ب50 جنيه زودناه ال50 التانيه اللي أنت بتقول عليها هيقف عليه المتر ب100 جنيه أضرب بقى 50 جنيه في 30 متر سيراميك هيطلع ألف ونص وده في اوضه واحده يعني الأوضتين و الصاله من غير حمام ومطبخ كمان هتقف معاه بحوالي اربع الاف ونص تفتكر ان المبلغ ده مش هيقصر معاه بيتهيألي هيحاول يلاقي بديل تاني غير سيراميك الطوبجي.
راجح…انا كمان رأيي من رأي داوود الطبقه دي يا زيد طبقه مطحونه.
زيد…يمكن معاكم حق بس صدقوني لو شوفتوا بعينكم الأذواق والخامات هتتأكدوا بنفسكم من كلامي ووقتها هتعرفوا إن المبلغ ده بسيط جداً مقارنتاً بالتقنيه نفسها وهعرض عليكم الوقت بعض الصور وأحكموا بنفسكم
بدأ زيد يعرض بعض الصور عليهم والكل انبهر بالشغل.
ياسين….أظن بعد الصور اللي شوفناها دي انا موافق جداً ومع زيد بصراحه لو ده شغل فئه بسيطه عندهم يبقي احنا هنا هنكسر الدنيا ده تقريباً بينافس شغل طبقه عاليه عندنا.
زيد…بالظبط وقيس على ي كده بقي باقي الطبقات يعني لما توصل لأعلى طبقه عندهم هتحس انك شغال في قطع فنيه مش مجرد سيراميك بيتركب على أرض.
في شغل عالي و الايبوكسي مكسر الدنيا وكمان عندهم اسعاره أفضل كتير من أسعارنا.
والليزر والاضاءه داخله في كل شغلهم حاجه عصريه بجد
داوود….بصراحه بعد الصور دي أظن اني غيرت رأيي ومعاك طبعاً أيه رأيك يا باشا.
راجح….انا كمان بصراحه منبهر خلاص تمام
زيد…حلو جداً انا كنت حاسس انكم هتوافقوا وعلى لي الاساس ده قدرت اتواصل مع كام مهندس وكام فني بهدوء كده و وافقوا انهم يشتغلوا معانا خصوصا بعد ما عرضت عليهم مبلغ اعلى من المبلغ اللي بياخدوا ولما يجوا هنا طبعاً هيكون تحت ايدهم موظفين ومهندسين وفنيين اكيد هيقدروا يستفيدوا منهم ويفهموا شغل المكن الجديد وأفران التصنيع اللي هنستوردها وبكده بعد فتره ممكن نستغنى عنهم لأننا مش هنبقى محتاجينهم.
ياسين…براڤو عليك يا زيد أنا عن نفسي متحمس جداً للشغل ده.
راجح….يبقى على ي بركه الله.
زيد…واخيراً بالنسبه للشغل الخاص بالأجهزة الكهربائيه والإلكترونيات أتواصلنا مع أتنين من أهم التوكيلات العالميه وقدرنا ناخد منهم موافقه للتصنيع في مصر تحديداً معانا أحنا كده كده بنشتغل معاهم طبعا بس المنتج الجديد واضح انه مكسر الدنيا ولو أحنا سبقنا وخدنا التوكيل انا واثق انتا هنعمل شغل كويس.
انا كده خلصت في حد عنده اي استفسار او سؤال
يوسف…بالنسبه لمشروع تركيا والإمارات كده احنا المفروض هنبدأ شغل خلاص ولا في حاجه هنستناها زي إنجلترا.
زيد…لا إنجلترا أحنا لسه مستنين الموافقه لكن بخصوص مشاريع الإمارات وتركيا خلال أسبوع لازم المشاريع تبدأ تتنفذ على ارض الواقع.
داوود….مين اللي هيسافر يا زيد
زيد….تركيا أكيد نادر أما الإمارات هيكون أيمن وقاسم هما اللي هيسلكوا هناك
راجح…تمام على ي خيره الله تجهزوا نفسكم بقى وأول ما تطمنوا بنفسكم ان المشاريع بدأت بالفعل ترجعوا ورانا شغل متلتل الأيام دي.
قاسم…..ان شاء الله يا باشا كله هيخلص زي ما حضرتك عايز
نادر….متقلقش يا باشا ان شاء الله هخلص و هرجع بسرعه
راجح….براڤو يا زيد عمرك ما خيبت ظني.
زيد….تربيتك يا باشا
في الوقت ده دخلت عليهم السكرتيره.
قاسم….تعالي يا مها أحنا خلصنا
مها….أسفه يا أفندم بس في آنسه بره بتقول انها عندها أنترڤيو أسمها ملك عبد الرحمن
ياسين…بصوت واطي يادي النيله😠
راجح…اه انسه ملك طيب دخليها تستني في مكتب مستر ياسين
بصله ياسين وهو رافع حاجبه🤨
مها….تمام يا أفندم بعد أذن حضرتك.
خرجت مها وقفلت وراها.
ياسين…بردو يا باشا ماقولنا اني مش عايز حد معايا.
راجح…..انا مش عايز لعب عيال احنا مش فاضين للكلام ده بقى وبعدين عايز روح تزعل مننا ولا ايه
ياسين….بقله حيله كله إلا زعل روح ماشي ياباشا تحت أمرك.
راجح….زيد بقولك ايه تروح مع ياسين وتفضل معاه.
ياسين…على اساس اني مش هعرف اعملها الانترڤيو يا باشا
راجح….لا على اساس اني حافظ ابني كويس وعارف انه قفل وجد شويتين تلاته والبنت اكيد مش هتقدر علي رختمتك.
ياسين….بأبتسامه بقى كده يا باشا ماشي شكراً علي ثقتك
زيد….بضحك ما أنت اللي مسوأ سمعتك😉
ياسين…طيب يلا يا اخويا خلينا نخلص من الإنترڤيو ده عشان تقيل على قلبي.
راجح….يلا انتوا كمان اتكلوا على الله روحوا مكاتبكم.
بعد وقت بسيط راح الكل على مكاتبهم وراح زيد مع ياسين على مكتبه عشان يقابلوا ملك.
………….
في قصر الطوبجي..
خرجت زهره على جنينه القصر ماسكه في أيدها مج نسكافيه
لمحت صبا من بعيد راحت عليها.
صبا كانت قاعده شارده وملامحها حزينه.
زهره…بأبتسامه مشرقه كعادتها الجميل قاعد لوحده ليه.
صبا….بأبتسامه بسيطه ولا حاجه
قعدت زهره جمبها عليا بردوا يا ست صبا.
صبا….هيكون في ايه يعني انا لقيت الجو حلو جيت اقعد شويه
زهره….مالك يا صبا حساكي مش مظبوطه أينعم يعني انا ديماً شيفاكي مش مبسوطه بس اليومين اللي فاتوا دول بالذات ديماً حزينه و سرحانه فيكي أيه يا حبيبتي.
صبا….صدقيني مفيش حاجه يا زهره
زهره….بتخبي عليا يا صبا عايزه تقنعيني أنك كده علي طبيعتك.
قوليلي أنتي متخا.نقه مع أيمن؟
سكتت صبا وشردت ثواني.
أيمن….عشان خاطري يا صبا سامحيني.
صبا…بدموع كل مره نفس الطريقه ونفس الكلمه سامحيني وللأسف طريقتك مش بتتغير
أيمن…هتغير يا صبا هتغير والله هتغير.
صبا…بو.جع وهي منهاره مبقتش قادره أصدقك يا أيمن ولا بقيت قادره استحمل الوضع اللي احنا فيه ده حرام عليك بقي أرحمني
أنا أستحملت اللي مفيش واحده تستحمله ابداً لا أنت بتتغير ولا بتسمع الكلام يا أخي ده لو مش عشانك يبقي عشاني.
أيمن….أرجوكي وطي صوتك بلاش حد يسمع هتغير يا صبا بس أرجوكي خليكي معايا متسبنيش يا صبا انا بحبك.
زهره….صبا صبا
صبا….هاااا.
زهره…هو ايه اللي هااا روحتي فين بكلمك فيكي ايه متقلقنيش عليكي .
صبا….صدقيني مفيش يا زهره وأيمن مش مزعلني ولا حاجه عادي يعني مشاكل بسيطه وعاديه
زهره….حبيبتي كلنا بيحصل معانا كده بس أيمن بيحبك وأنتي كمان بتحبيه وأدام بنحب من قلبنا بجد يا صبا يبقى لازم نعدي للي بنحبهم.
صبا…بأبتسامه و.جع حاولت تجاري زهره في الكلام لأنها متعرفش حاجه عندك حق يا زهره
زهره….طيب اضحكي بقى متبقيش رخمه مبحبش أشوفك كده.
صبا…ربنا ما يحرمني منك أبداً يا زهره.
زهره….ولا يحرمني منك يا حبيبتي عارفه يا صبا يمكن ربنا مرزقنيش بأخوات ولا اصحاب بس من يوم ما دخلت القصره ده وأتجوزت قاسم وأنا بعتبرك أختي وصحبتي وكل حاجه رغم اني لما دخلت البيت ده انتي كنتي صغيره عني بكتير بس ربنا عالم غلاوتك في قلبي حتي روح مش بعتبرها حماتي انا بحسها أختي الكبيره.
صبا….انتي عايزه تكبري نفسك ولا أيه ولو على روح فا روح دي جميله أوي تحسيها القلب الكبير اللي محاوط كل العيله دي بكل حب وحنان انا كمان لا بعتبرها حماتي ولا بعتبرها مرات خالي انا بحسها أمي بجد عارفه يا زهره أسمع يعني اننا قبل ما نيجي على القصر ده كنا عايشين في بيت عيله لما ماما ما.تت وقتها كان عندي اربع سنين بابا سابني ومشي من البيت وقرر انه يسافر ومفكرش فيا لحظه واحده ولا كأنه ليه بنت لانه مكانش بيحب خالوا راجح وطبعا كان شايف انه لو خدني معاه هعطله عن احلامه فا سابني لخالوا وروح يربوني هما وقتها روح خدتني و ربتني مع ولادها عمرها ما فرقت في المعامله بينا ابداً حتى لما جابت فيروز كانت فرحانه جداً انها جابت بنت لكن بجد طول الوقت كانت بتعاملنا زي بعض لولا روح دي في حياتي معرفش أزاي كنت هعيش عمري ما حسيت اني مفتقده ماما ولا حتي عمري حسيت ان بابا واحشني هو مبيسألش عني ولا أنا أعرف عنه حاجه ولا حاسه إن وجوده عامل فراغ في حياتي لأن خالو راجح عوضني بجد هو وروح حتي داوود ومراد عمري ما حسيت انهم خيلاني ديماً بحسهم أخواتي الكبار
زهره…بحب انتي ربنا بيحبك يا صبا عشان عوضك بيهم فعلاً بجد انا كمان محظوظه عشان دخلت العيله دي بعيداً يعني عن قاسم لكن انا بحب كل فرد في العيله دي من قلبي وبحسهم مني بجد بس القمر بتاعتي تكسب طبعاً في الغلاوه ده انا من حبي فيكي جبت بنتي في نفس يوم عيد ميلادك.
صبا….بأبتسامه ربنا يخليهالك يا زهره وتشوفيها احلي عروسه في الدنيا.♥️
زهره…..يارب يا صبا جنه بتفكرني بيا انا وانتي ملهاش اخوات.
صبا….كلام ايه ده بس كل اللي هنا اخواتها و سندها وانا ليا بدل الاخت تلاته انتي وفيروز وفرح
زهره….طبعاً ربنا يخليهم ليها♥️
ويخليكي ليا
صبا…يارب♥️
…………..
في مكتب ياسين دخل هو وزيد كانت ملك في أنتظارهم بمجرد ما دخلوا قامت وقفت بهدوء.
بصلها ياسين في نظره تفحص
زيد….صباح الخير آنسه ملك.
ملك…صباح النور
زيد….أنا مستر زيد الطوبجي وده مستر ياسين الطوبجي اخويا.
ملك…بأبتسامه توتر أهلاً بيكم
ياسين…بعمليه شديده اتفضلي اقعدي.
قعدت ملك بهدوء وهي بتفرك في أيدها بارتباك.
زيد….في العادي الأنترڤيو انا مش بكون موجود فيه فا لو معندكيش مانع اكون موجود يعني هفضل عندك ممكن أمشي عادي.
ملك….ياخبر يا افندم ده مكان حضرتك.
مسك ياسين السي ڤي بتاعها وبدأ يقرأ بصوت عالي
ياسين…آنسه ملك عبد الرحمن العابد خريجه هندسه الميكاترونكس جامعه Auc ومعاكى كمان دبلومه تسويق إلكتروني
ملك…مظبوط يا افندم.
ياسين…اشمعني قسم الميكاترونكس ؟
ملك…بأبتسامه بسيطه ابداً بس انا بحب هندسه الكمبيوتر والبرمجه عموما وكان عندي حلم وانا صغيره اني اقدر اصنع روبوت كان مجرد حلم مش اكتر.
ياسين…بسخريه روبوت🤨
ملك…زي ماقولت لحضرتك كان حلم طفوله مش اكتر كنت بحب الروبوت جداً ولما كبرت وعرفت ان في دراسه تقدر تحقق حلمي بسرعه دخلتها لكن مع الوقت عرفت ان هندسه الميكاترونكس
عالم اكبر بكتير من أحلامي و حبيت القسم جداً لأن شغل البرمجه وتصاميم البرامج والكمبيوتر عموما هو الحاجه اللي بلاقي نفسي فيها. وبعد ما خلصت دراسه حبيت أخد دبلومه تسويق إلكتروني.
ياسين….أشتغلتى قبل كده يا انسه ملك.
ملك…زي ما مكتوب في السي ڤي بتاعي اللي مع حضرتك أشتغلت في شركه والدي وحالياً بقالي سنه
بعد وفاه والدي ووالدتي مش بشتغل وقررت اني أرجع من تاني للشغل
ياسين….اممم طيب وليه لما فكرتي ترجعي مرجعتيش على شركه والدك.
ملك…شردت بحزن وعيونها لمعت بالدموع تقدر تقول ان الشركه مش موجوده حالياً
زيد….احممم طيب قوليلي يا آنسه ملك وكمل بأبتسامه بسيطه خليني أسألك سؤال خاص بجو الشركات شويه.
ملك…بأبتسامه تحت أمرك أتفضل.
زيد….أنتي شايفه تقدري تفيدي المجموعه هنا بتخصص دراستك ده أزاي؟
ملك….اللي أعرفه أن مجموعه الطوبجي بتشتغل في اكتر من بيزنس. هندسه معماريه و مصانع تصنيع سيراميك وكمان تصنيع أجهزه كهربائيه بتوكيلات عالميه
والحقيقه اني شايفه ان تخصصي يقدر يخدم في كل البيزنس ده
ياسين…بصلها حاسس انها واثقه في نفسها وده ضايقه 🤨 أيوه بس اللي اعرفه ان صاحب بالين كداب.
بصله زيد بنظره محذره.
ياسين…أقصد يعني ان مفيش حد يقدر يركز في أكتر من بيزنس.
ملك….حضرتك يمكن معاك حق بس انا مش هشتغل في البيزنس ده كله بالتخصص الخاص بالبزنس نفسه انا هشتغل بتخصصي انا اللي يخدم كل بيزنس لوحده أكيد حضرتك عارف ان التكنولوچيا حالياً لا غني عنها في اي تخصص يعني لو هنتكلم على مصانع السيراميك فا أكيد هندسه الميكاترونكس تقدر تقدم حلول بيئيه عشان نقلل التلوث ونعتمد اكتر على مصادر الطاقه المتجدده وده آمن أكتر
كمان بخصوص الهندسه المعماريه واللي هي جزء كبير جداً أقدر أشتغل عليه واقدر ألاقي حلول للمشكلات الهندسيه المعقده من خلال تطبيق بسيط
والاهم اني ممكن انفذ تطبيق تقدر من خلال تتابع كل البيزنس ده من عليه تقدر تعرف المشكله اللي بتواجه كل بيزنس فيهم و تحط ايدك على أي مشكله بسهوله وتحلها فوراً في الحقيقه هندسه الميكاترونكس تقدر تدخل في صناعات كتير جداً
زيد…براڤو يا آنسه ملك واضح انك شاطره و بتحبي دراستك فعلاً.
ملك….ميرسي يا افندم انا مؤمنه جداً ان اللي بيحب حاجه بجد وموهوب فيها يقدر يتقنها بسهوله
زيد….اكيد طبعاً
ياسين…طيب قوليلي يا آنسه ملك بعد 3 سنين من الوقت أيه أهم حاجه تقدري تقديمها لمجموعه الطوبجي.
ملك….بثقه 3 سنين كتير اوي تقدر تقول اني في خلال 3 شهور أقدر أسلمك أهم تطبيق هيفيد مجموعه الطوبجي بدايه من حفظ أي داتا مهما كانت بسيطه لحلول أي مشا.كل معقده بتواجه أي بزنس في التلاته اللي الشركه قايمه عليهم. كمان بخصوص مصانع السيراميك أقدر انفذلك تطبيق بيضم أفضل التصاميم الجديده واللي تقريباً مش هتكون موجوده عند اي شركه منافسه
زيد….بأبتسامه على كده بقى بيتهيألي لو ده فعلاً تقدري عليه يبقي احنا مش في حاجه لمهندسين اجانب.
ملك…بأبتسامه أحنا هنا في مصر عندنا ناس كتير أوي في جميع المجالات أفضل من الاجانب بكتير لكن المشكله إننا مش بندور على الناس دي ولا بنديهم فرصتهم يبدعوا بنستسهل إننا نجيب ناس من بره أو تقدر تقول إن عقده الخواجه طبع فينا
زيد…في دي عندك حق انا عارف ان مصر فيها شباب كتير اوي شاطره ومبدعين.
ملك….مصر طول عمرها هي منبع الابداع في العالم كله .
زيد…لياسين ايه رأيك يا مستر ياسين بيتهيألي ان آنسه ملك جات في وقتها.
ياسين….بابتسامه بسيطه بيداري بيها إعجابه بتفكيرها وثقتها في نفسها معاك حق تقدري تستلمي شغلك من امته يا آنسه ملك.
ملك…بسعاده من الوقت طبعاً لو حضرتك عايز.
ياسين…اليوم قرب يخلص تقريباً من بكره مكتبك هيكون جاهز و تقدري تقولي إن شغلك هيكون من خلالى أنا
ملك….بأبتسامه ده شرف ليا حضرتك.
ياسين….بس مش محتاج اقولك ان شغلنا هنا مفيهوش أعذار ولا فيه تأخير بمعني أصح عايز حد يكون فاضي تماماً وخالي من اي عذر ممكن يمنعك أنك تيجي في يوم.
ملك…أطمن حضرتك مفيش اعذار
ياسين….مبروك يا آنسه ملك.
زيد….مبروك.
ملك…بسعاده قامت وقفت الله يبارك فيكم شكراً بجد.
ياسين…أبتسم إبتسامة بسيطه وهز راسه.
ملك…بعد اذنكم.
زيد…أتفضلي
ياسين….أتفضلي.
…….
زيد….أظن مفيش كلام البنت موهوبه فعلاً
ياسين…هنشوف.
زيد…انت بس فك تكشيرتك دي وأفتكر ان روح أول مره تتوسط لحد.
ياسين….هو انا قولت حاجه ماهي خلاص هتستلم شغل بكره.
زيد…على الله بس متطفش منك زي اللي سبقوها🤨
ياسين….بأبتسامه وانا وش ذلك.
زيد…وهو بيقف أنت هتقولي😂
أنا رايح أشوف شغلي.
……………
في مكتب أمير رن الموبايل بتاعه
أمير….أول ما أفتكرت يا برنس
مراد…بأبتسامه ياواد طب سلم الأول قول وحشتني قول أي حاجه بلاش الدخله دي.
أمير….بحب هو من ناحيه وحشتني فا أكيد وحشتني طبعاً أيه مش ناوي تيجي بقى ولا عجبتك القاعده مع المزز هناك.
مراد….هما مزز بحق طب تصدق بالله جنس حوا ده احلى حاجه أتخلقت في الارض
أمير…بضحك طب ما نشوفلك عروسه بدل ما انت هتجرسنا كده
مراد….بضحك أتربي يا ولد نسيت اني ابوك.
أمير…بضحك طب انا راضي زمتك يا باشا في أب يقول لأبنه مزز والكلام ده لما ابويا يعمل كده انا أعمل أيه.
مراد…بس متقولش ابويا بس ياواد انت شابهني انا لسه شباب
أمير…انا اللي شابهك برده😂😂
مراد….تصدق ان انا غلطان عشان قولت أسأل عليك أقفل يالا😠
أمير…..طب خلاص خلاص والله وحشتني😂
مراد….وانت كمان قولي اخبار الشغل ايه
أمير…كله تمام متقلقش راجع امته بقى.
مراد….بعد بكره بقولك مش عايز حاجه أجبهالك.
أمير…والله كلك نظر حد يقول للرزق لأ😂😂
مراد….ماشي يا أخويا ابقى اكتبلي اللي أنت عايزه وأبقى شوف الشباب لو محتاجين حاجه وأبعتولي اخركم معايا بكره.
أمير….ماشي يا برنس
مراد….يلا أتكل على الله عشان مزه قمر جايه عليا
أمير…بضحك الله يسهلوااااا😂
مراد….اهي عينك دي هتجيبني ورا يلا أمشي
أمير…سلام😂
مراد…سلام.
…………….
في منزل ملك.
وصلت ملك البيت وهي مبسوطه وطايره من السعاده فتحت الباب ودخلت تنادي علي أختها.
ملك…ميار ميار أنتي فين يا ميار
خرجت ميار بسرعه من أوضتها
ميار….في ايه يا ملك خضتيني
ملك…بسعاده أتقبلت في شركه الطوبجي و هستلم الشغل من بكره أخيراً😍
ميار….بجد يا ملك😍
ملك….بجد يا ميار خلاص يا حبيبتي أخيراً اكبر مشكله في حياتنا أتحلت كنت خا.يفه أوي متقبلش
ميار…متتقبليش ده ايه هما يطولوا تشتغلي معاهم يا بنتي انتي مش واثقه في نفسك ولا ايه.
ملك….أسمعي بقى من اللحظه دي عايزين ننسى كل اللي فات يا ميار عايزين نبدأ من جديد هشتغل وهنحقق كل احلامنا مش هخليكي ناقصك أي حاجه كل اللي نفسك فيه تشاوري عليه بس وهتلاقيه عندك
ميار….ملوكه حبيبتي مش عايزه فرحتك بالشغل تخليكي تصرفي كل فلوسك لازم تتصرفي صح يا حبيبتي أحنا مش عايزين نرجع تاني للي كنا فيه وانا أن شاء الله هخلص اخر سنه دي في الجامعه هشتغل فوراً لازم نقف على رجلنا ونعوض كل حاجه خسرناها
ملك….هنعمل كل حاجه يا ميار بس من هنا لحد ما تخلصي انا عيزاكي متحمليش هم اي حاجه وبعدين يا ستي خليني أفرح مستكتره عليا الفرحه
ميار…لا يا حبيبتي بس عيزاكي تشيلي فلوسك للزمن محدش عارف الايام الجايه مخبيالنا ايه وانتي تعبتي كتير يا ملك وجه الوقت اللي ترتاحي وتمسكي في الفرصه اللي جاتلك وتأمني مستقبلك.
ملك…مستقبلنا يا ميار مش مستقبلي لوحدي.
ميار….ماشي يا ستي مستقبلنا المهم منرجعش للفتره اللي فاتت
دي ابداً
ملك…مش هنرجعلها يا ميار ان شاء الله مش هنرجعلها وهنعتبرها صفحه في حياتنا وقط.عناها وبدأنا من جديد.
ميار….بحب طيب يلا روحي غيري هدومك وانا هعملك أكله هتاكلي صوابعك وراها.
ملك….وانا هاجي أساعدك😍
……….
بعد عدة ساعات أخيراً قررت فيروز تنزل من أوضتها تقعد شويه في الجنينه لحد ما يجي حسام اللي كان على وصول.
نزلت فيروز بهدوء لمحت كاريمان حماتها قاعده على الكرسي بكل جبروت وقوه وجمبها أختها كاميليا وبنت اختها سما
فيروز….خدت نفس قوي وقررت تسلم بسرعه وتخرج تقعد في الجنينه بأبتسامه بسيطه مساء الخير أزيك يا طنط كاميليا اهلا يا سما.
سما….بكرهه اهلا😏
كاميليا….اهلا يا فيروز انتي فين كل ده احنا هنا من بدري مشوفناكيش يعني.
كاريمان….بتعالي ايه يا فيروز هي ناموسيتك كانت كحلي ولا ايه.
فيروز…بتنهيده للمرشح اللي هتسمعه أبداً يا طنط بس كنت تعبانه امبارح رجعنا متأخر من الحفله فا نمت.
كاريمان…..ايه مبقاش ورانا غير الحفلات.
فيروز….هي فين الحفلات دي يا طنط وبعدين دي مكانتش حفله بالمعني يعني ده كان عيد ميلاد جنه بنت قاسم أخويا وصبا مرات اخويا ايمن وكمان زيد كان جاي من السفر كان لازم نقعد معاه
كاريمان….ااااه طيب 😏
سما….بصوت واطي بني ادمه مغروره نفسي اعرف طيقاها ازاي يا خالتوا
فيروز…..طيب يا جماعه بعد اذنكم انا طالعه الجنينه
كاريمان….فيروز..
فيروز….نفخت فيروز وحاولت تيجي على نفسها بصتلها بأبتسامه بسيطه أيوه يا طنط.
كاريمان….أعملي حسابك بكره هاخدك لدكتور شاطر من معارفنا لسه واصل من امريكا امبارح.
فيروز…..دكتور ايه؟
كاريمان….هو ايه اللي دكتور ايه وهو انتي عندك عيب تاني غير الخلفه انا معرفهوش.
بصتلها فيروز بغ.ضب وهي الدموع بتلمع في عينها.
كاريمان…مالك بتبصيلي كده ليه
مش عاجبك كلامي ولا ايه.
فيروز…..بقوه انا مش هروح لدكاتره يا طنط لاني مش تعبانه ولا محتاجه علاج انا روحت كتير والكل أجمع اني سليمه مفيش فيا اي حاجه والدليل اني حملت قبل كده يعني الموضوع مجرد وقت.
كاريمان….انتي بتقوليلي انا مش هتروحي لدكاتره انتي تنفذي اللي اقوله وبس وبعدين مين قال انك سليمه لو سليمه زي ما بتقولي حملك مبيثبتش ليه يا ست فيروز هانم.
فيروز….بغ.ضب كبير انا أسفه لو في حد المفروض أنفذ كلامه هو جوزي وبس ولو على ليه الحمل مبيثبتش فا ربنا عايز كده وأنا مش معترضه على قضاء ربنا و لو حضرتك بقى معترضه تقدري تروحي لربنا بنفسك وتسأليه.
كارميان…بغ.ضب انتي تقصدي اني أمو.ت عابزه تخلصي مني وبعدين انتي بتردي عليا انتي قليله الادب ومش متربيه.
كاميليا….لا لا ملكيش حق يا فيروز وأنتي يا كريمان أهدي يا حبيبتي صحتك مش كده.😏
فيروز….بغ.ضب بصت لكاريمان مسمحلكيش أنا متربيه احسن تربيه ولو حضرتك معندكيش علم بده تقدري تسألي عن ولاد الطوبجي وتربيتهم.
سما….لا أنتي زودتيها أوي اتكلمي مع طنط احسن من كده😠
فيروز….من فضلك متدخليش لان بأختصار دي حاجه متخصكيش.
كاريمان…لا تخصها ويكون في علمك يا فيروز لو مجيتيش معايا بكره ورجلك فوق رقبتك هجوز حسام وهجيبله واحده تكون ست ستك على الأقل متكونش معيوبه زيك مش قادره تجيب حتت عيل.
فيروز….بو.جع 💔وغ.ضب
فيروز الطوبجي ست الناس كلهم وانا مش معيوبه و أسمحيلي أقولك لو في حد فينا معيوب يبقي أنتى وعيبك هو تفكيرك وعقليتك.
فيرووووووووز.
بصت فيروز على صوت حسام القوي واللي لسوء حظها سمع كلامها زي كل مره.
قرب منها بسرعه ومسكها من أيدها بغ.ضب .
حسام….أنتي أتجننتي أنتي أزاي تتكلمي مع ماما بالطريقه دي.
كاريمان….بحزن مصطنع شوفت يا حسام شوفت مراتك اللي بتحبها شوفت بتعمل في أمك ايه بتقل أدبها عليا بنت راجح الطوبجي
حسام….ماعاش ولا كان اللي يقل أدبه عليكي ياست الكل أنا أك.سر رقبتها و أق.طع لسانها كمان قبل ما تفكر تطوله عليكي.
منذر….بقوه وغ.ضب أنت اتجننت يا حسام سيب أيدها😠
زقته فيروز بعيد عنها وهي دموعها نازله بو.جع.
فيروز…أبعد أيدك دي عني وقبل ما تيجي تحاسبني على كلامي حاسب مامتك و أقف يا أخي لو مره واحده بس في صفي شوف طريقتها معايا وتجر.يحها فيا قبل ما تحاسبني على رد فعلي.
كاريمان….بمسكنه وتمثيل و أنا كنت قولت ايه بس كل ده يا حسام عشان قولتلها اني هوديها بكره لأنكل شاكر أنت عارف هو دكتور نساء كبير وعرفت انه لسه راجع من أمريكا قولت فرصه أخدها عنده تكشف وتعرف المشكله فين أيه كفرت ولا كفرت يعني غلطت أني نفسي أفرح بيك وأشوف ولاد ابني.
حسام…لأ يا أمي مغلطتيش هي اللي غلطت وهي اللي لازم تعتذر.
نزلت دموع فيروز بصد.مه.
فيروز….أعتذر؟ أعتذر عن ايه يا حسام أعتذر على إها.نه مامتك ليا
حسام…فين الإها.نه دي الحق عليها يعني انها عايزه تطمن عليكي ده بدل ما تشكريها.
فيروز….على ايه ؟ أشكرها على ايه مامتك سمعتني كلام محدش يقبله على كرامته وبما اني مراتك فا أنا كرامتي من كرامتك والمفروض ان لما حد يهين مراتك تكون انت اول واحد يقف في ضهرها مش يجي عليها.
كاميليا…..أنتي مكبره الموضوع ليه يا فيروز كاريمان مغلطتش الكلام كان قدامنا هي عامله عليكي ومن حقها تفرح بأبنها.
سما….صراحه يا حسام مراتك هي اللي غلطت وقلت أدبها على طنط وأنا لولا عامله حسابك كنت عرفت أعرفها أزاي تتكلم بأدب واضح أنك مدلعها أوي ومحتاج تعيد تربيتها من جديد.
فيروز…بغ.ضب أخرسيييي أياكي تتعدي حدودك معايا أو يبقي ليكي كلام معايا من الأساس ورجعت بصت لحسام هتسكت برده يا حسام على إهانه مراتك ايه مش ناوي مره واحده تحسسني أنك راجل بجد.
حسام….بغ.ضب رفع أيده أخرسيييي.
وقبل ما ينزل أيده علي وشها مسك منذر أيده بكل قوه.
منذر….أيدك لا أقط.عهالك يا حسام شكلك نسيت نفسك ومش عامل لأخوك الكبير أحترام.
حسام….أنت مش شايف كلامها.
فيروز….هتمد أيدك عليا يا حسام
ايه مبتعرفش تعيش دور الراجل غير عليا أنا وبسسس.
حسام….لا انتي زودتيها اوي
وقبل ما يمسكها حسام رجعها منذر وراء ضهره ووقف قصاد أخوه.
منذر….اييييييه شكلك أتجننت بجد يا حسام أنا مش عايز اسمع صوت خلااااص
كاريمان….أيه يا منذر مش شايف مرات أخوك بتتكلم أزاي مع أمك.
منذر…أمـــــي أنا قولت خلاص كفايه لحد هنا ومن فضلك دي أخر مره هعيد كلامي اللي بين فيروز و حسام يخصهم هما بس ميخصش اي حد فينا من حق فيروز يكون ليها خصوصيه ومحدش يتعدها.
كاريمان….وانا من حقي أفرح بأبني وأشوف ولاده ولا خلاص يا منذر كبرتوا وبقيتوا رجاله و بتلغوا حقوقي فيكم.
منذر….اديكي قولتي يا أمي حقوقك فينا في ولادك مش في بنات الناس
سما….اسمحلي يا منذر انا مش شايفه ولاد ناس خالص.
منذر…سمااااااا اول واخر مره تسمحي لنفسك تتدخلي في حاجه متخصكيش البيت ده ليه أحترامه تدخليه و تحترمي اللي فيه تتشالي عالراس هتدخلي في حاجه متخصكيش وتتعدي حدودك رجلك متعتبش البيت هنا مفهووووم.
سما….انت بتطردني يا ابن خالتي
كاميليا….هو ايه اللي بيحصل هنا يا كريمان منذر بيطردنا بالذوق.
منذر…انا كلامي واضح اللي هيحترم صحاب البيت يتحط عالراس غير كده محدش يخطي البيت ده.
كاريمان….انت بتنصفها على امك يا منذر بتقف مع بنت راجح على أمك.
منذر….انا بقف مع الحق وادام الكل جاي عليها حتي جوزها المحترم فا أنا هنا هقف معاها و هنصفها يا أمي عشان مفيش حد ليه الحق يدخل في حياة التاني.
فيروز….وانا هريحك خالص من بنت راجح يا طنط و هريحك يا حسام مني خالص ومش هقعد ثانيه واحده في البيت ده كفايه بقى كده كفايه تعب و بهد.له و إها.نه أنا استحملت كتير و عديت أكتر بس خلاص تعبت ومش هرجع للحياه دي من تاني.
حسام….بخو.ف فيروز انتي بتقولي ايه.
فيروز….بقول اللي كان لازم يحصل من أول موقف حصل وملاقتش جوزي واقف في ضهري
حسام….مش هتخرجي من هنا غير علي جث.تي.
فيروز…بغ.ضب وإنهيار هتحبسني يا حسااااام هتقعدني معاك غصب عني.
منذر….فيروز تعالي معايا نخرج نتمشي شويه لحد ما تهدي
فيروز….انا مش رايحه في أي مكان غير بيت بابي
حسام….وانا قولت مش هتخرجي يا فيروز.
منذر….أنت تخرس خااااالص مش عايز اسمع أي صوت تعالي معايا يا فيروز.
مسكها منذر من ايدها وخرج بيها من الڤيلا وهي منهاره.
وقف حسام وهو بيتنفس بسرعه مش عارف يعمل ايه بيحب فيروز وبيعشقها بس قدام والدته مبيقدرش يعمل حاجه كأنها لاغيه شخصيته و بتتعامل معاه على انه طفل وهو ميقدرش يك.سرلها كلمه
قربت منه كاريمان..ولا يهمك يا حبيب ماما هترجع يعني هتروح فين ربنا يخليك ليا يا حبيبي ديماً جايب حقي مش زي منذر اللي على طول يطلع فيا ويقف في صفها كل ده عشان هي أخت صاحبه عادي يسبها تبهد.لني.
حسام….معاش ولا كان اللي يبهدلك يا امي طول ما انا موجود حقك عليا أنا ومعلش يا طنط كاميليا انتي وسما حقكم عليا.
كاميليا….ولا يهمك يا حبيبي محصلش حاجه.
سما….بدلع ولا يهمك يا حسام هعتبر اني مسمعتش كلام منذر عشان خاطرك اقصد يعني عشان خاطرك انت وخالتو.
حسام….بأبتسامه بسيطه شكرا يا سما معلش انا هطلع ارتاح شويه البيت بيتكم.
كاريمان…اطلع يا حبيبي خد شاور وانا هحضرلك الاكل وهطلعهولك لحد فوق كمان
حسام…معلش يا امي مليش نفس
كاريمان…. ملكش نفس ده ايه هتكسفني يا قلب ماما.
حسام…بأبتسامه باس راسها مقدرش يا حبيبتي خلاص هاكل حاضر بعد أذنكم.
أبتسمت كاريمان بمجرد ما طلع حسام بحقد.
كاريمان….انا هوريكي يابنت روح أن مكنتش اك.سر نفسك و أجوز ابني ست ستك مبقاش انا كاريمان الباشا.
سما….انا عارفه بيحبها على ايه
كاميليا….صراحه يا كاريمان هي مفيهاش ميزه بس من غير زعل يعني انا مبسوطه باللي بيحصل ده يعني ذنب بنتي يا كاريمان.
كاريمان…بأبتسامه أتقلي يا كاميليا سما لحسام وحسام لسما
سما….ما كان من الاول يا طنط مبسوطه الوقت وانتي شيفاه بيحبها ومتمسك بيها مشوفتيش وشه اتغير أزاي لما قالت هتمشي.
كاريمان…يابت متبقيش خايبه حسام مش هيبقى لحد غيرك هو صمم يتجوزها وقال بيحبها واهي جات من عند ربنا مش بيكملها حمل وحياتهم بقت سوده يعني كده كده هيطلقها و هيبقي ليكي يا حبيبه خالتو.
ابتسمت سما بسعاده… يا حبيبتي يا خالتو ربنا يخليكي ليا.
كاريمان….ويخليكي ليا يا مرات ابني المستقبليه♥️
………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مملكة الطوبجي)
