رواية مملكة الطوبجي الفصل الأول 1 بقلم أميرة أسامة
رواية مملكة الطوبجي الجزء الأول
رواية مملكة الطوبجي البارت الأول
رواية مملكة الطوبجي الحلقة الأولى
كنت أحلم أن أبني معكِ بيتاً تكونين أنتِ أميرته فابَنيت معكِ قصراً أصبحتىِ ملكه متوجه علي عرشه♥️
أما أنا…
لم أكن أدرك يوماً أن بعد كل هذا النفور تقتحم قلبي بتلك البساطه♥️
أما أنا…
ينز.ف قلبي مراراً كلما رأيتك
دوماً أنتِ قريبه بعيده💔
أما أنا…
أحببتك فوق الحب حباً !♥️
أما أنا…
لم أكن أعرف أن الحب وحده لا يكفي!💔
أما أنا…
فالماضى يقف كالسد المنيع بيني وبين العشق.💔
أما أنا…
سأظل منتظرك ولو طال العمر أضعافاً.💔
أما أنا…
لم أعلم يوماً أن القدر جعلكِ من نصيبى.♥️
أما أنا…
دوماً كنت أتسائل من أين أتيتي؟
أما أنا…
لم أعرف إجابه لسؤالي لماذا لم
تراني يوماً وأنا أقرب أليك من حبل الوريد.💔
أما أنا…
لم أعرف أن النهايه يمكن أن تكون بدايه ♥️
أما انا…
أشبهك بطوق نجاتي وشعاع النور الذي ظهر من وسط عتمتي💔
أما انا…
أحببتكِ في الوقت الذي كان لايوجد في قاموس حياتي الحب ولكن صدمتي في النهايه
مز.قت قلبي لِأشلاء 💔
ــــــــــــــــــــــــــــــــــــــــــــــــــــــ
البارت الأول..♥️
في قصر أقل ما يقال عنه بأنه قطعه من الجنه علي الارض
أجتمع كلاً من فيه في حفل عيد ميلاد أقتصر علي القليل من المعارف أنوار زينت المكان مظاهر من البهجه والفرح ديكور بسيط ولكن أضاف الكثير علي هذه المملكه العظيمه انه قصر الطوبجي.
هابي بيرث داي تو ( جنه ) هابي بيرث داي تو (صبا)
براڤوووو.
زهره…بحب كل سنه وأنتي طيبه ياعمري.
جنه…وأنتي طيبه يا مامي😍
قاسم…كل سنه وحبيبه بابي طيبه.
جنه…بسعاده وانت طيب يا بابي.
زهره….كل سنه وانتي طيبه يا صبا عقبال 100 سنه يارب
صبا…بأبتسامه بسيطه و أنتي طيبه يا زهره كل سنه وجنه طيبه حبيبتي.
أقترب الجميع و هنوهم بعيد ميلادهم واللي صادف يكون في نفس اليوم جنه تمت عامها ال 16
وصبا أتمت عامها ال29
راجح الطوبجي….كل سنه وانتى طيبه يا حبيبه جدو.
جنه…وحضرتك طيب ياجدو
راجح….كل سنه وانتي طيبه يا صبا.
صبا…بحب وانت طيب يا خالو
روح…عجبتك الهديه يا صبا.
صبا….طبعاً يا أحلي روح جميله كالعاده ربنا يخليكي لينا انتي وخالو.
روح….ويخليكي ليا يا صبا و يفرحني بيكي انتي وأيمن قريب.
ابتسمت صبا بحزن ربنا كريم ياروح.
مشيت صبا بعيد عنهم شويه وهي جواها حزن يكفي العالم كله وقفت تبص عليهم من بعيد الكل سعيد ومبسوط إلا هي جواها و.جع كبير وسر أكبر مش قادره تبوح بيه ولا قادره تتحمله لكن هي علي وعدها إنها متكشفش السر ده أبداً بصت علي أيمن بعيد واقف بيضحك ومبسوط أبتسمت بهدوء وأفتكرت اللي حصل بينهم الصبح
فلاش باك
….
لف أيمن ايده علي وسطها صباح الخير علي احلي صبا في الدنيا كلها كل سنه وانتي طيبه يا حبيبتي.
صبا…بحزن وانت طيب.
أيمن….أنا أسف عارف انك زعلانه مني ومش طايقه تبصي في وشي بس غصب عني يا صبا أستحمليني
صبا…بحزن استحملك يا أيمن بتقولي أنا أستحملك ده أنا محدش أستحمل قدي ثلاث سنين مستحمله وساكته.🥺
أيمن….حقك عليا يا صبا صدقيني مش هتتكرر تاني.
صبا….كل مره بتقول كده🥺
أيمن…صدقيني أوعدك هتكون أخر مره يلا بقي عايز اشوف ضحكتك الجميله اللي بتنور حياتي كلها وبعدين انهارده عيد ميلادك ينفع تكوني زعلانه في يوم زي ده لفها أيمن و مسك علبه في أيده لبسها عقد من الالماظ شيك جداً
أيه رأيك عجبك
صبا…بابتسامه جميل أوي يا أيمن شكراً
أيمن….مفيش بينا شكر يا قلب أيمن ممكن بقي تضحكي عشان أتأكد أنك صالحتيني.
أبتسمت صبا بهدوء.
أيمن…ايوه كده خلي دنيتي تنور عايزك انهارده تكوني احلي واحده في الدنيا وتغطي علي البت جنه بنت أخويا.
صبا…بأبتسامه هقولها علي فكره.
أيمن….لا خلاص بلاش أحسن دي زنانه ومش هتسكت أنا غلطان ياستي .
فاقت صبا علي صوت أيمن
أيمن….حبيبي واقفه لوحدك ليه
صبا….انت عارف مش بحب الدوشه حسيت بصداع بعدت شويه.
أيمن…طيب يلا عشان بيسألوا عليكي وعايزين نتصور كلنا.
صبا…حاضر يلا.
أنضمت ليهم من تاني صبا اتصوروا مع بعض وبدأوا يرقصوا مع جنه
في نفس الوقت اللي وصل فيه رمز من رموز الطوبجي.
مشي بخطوات بسيطه وهو عينه علي الجميع من بعيد .
وأخيراً وصل وبمجرد ما شافوا أكتملت سعاده الجميع.
جنه…زيدددد وحشتني اوي كنت هزعل لو مجتش
زيد…بابتسامه وهيبه كل سنه وانتي طيبه يا احلي جنه وبعدين انا وعدتك اني هرجع يوم عيد ميلادك مش معقول أتأخر عنك يا حبيبتي.
جنه….ربنا يخليك ليا يارب يا أحلي زيد في الدنيا.
زيد….اتفضلي هديتك ويارب تعجبك.
فتحتها جنه بسرعه وأول ما شافت اللي جواها فضلت تتنطط وتصر.خ وفجأه اتعلقت في رقبته
جنه…حبيبي يا زيد ده احدث ايفون نزل.
زيد….ولسه منزلش مصر كمان عشان تتصوري براحتك يا ستي.
قاسم….لجنه ممكن تبعدي بقي شويه عشان أسلم علي اخويا.
قاسم بحب….وحشتني يا زيد
حضنه زيد بحب.
زيد…أنتوا كلكم وحشتوني
زهره….كل ده يا سي زيد شهر بحاله بره مصر وبعيد عننا.
ابتسم زيد …أعمل ايه بقي يازهره الشغل غصب عني وبعدين عشان الباشا الكبير يكون مبسوط.
ابتسم راجح وقرب من زيد خده في حضنه.
راجح….طول ما أنت موجود يا زيد أكيد مبسوط.
روح…طيب ممكن بقي أنا كمان أتبسط شويه وأخد أبني في حضني.
زيد…بحب حضن روح وحشتيني ياروح.
روح…أنت اللي وحشتني ياحبيبي الدنيا ملهاش طعم وأنت بعيد يا زيد.
سالم….ياساتر علي الأڤوره دي يعني هو كان مهاجر دي الحكايه كلها شهر أبتسم سالم وقرب خد زيد في حضنه بس وحشني انا كمان للأسف.
ضحك زيد و حضنه بحب…ايوه كده أظبط يا ابن الطوبجي.🤨
قرب منه نادر وهو بيحضنه وهمس في ودنه بقولك أيه الليله دي تتفض ونخرج نسهر البنات وحشتني اوي
زيد…بضحك لا انت ولا اللي شبهك ده هتتغيروا.
يوسف…🤨 هو انا نطقت يا عم
حضنه زيد….من غير ما تنطق يا فاشل منك ليه بقرأ اللي في عينكم علي طول.
داوود….حمد الله علي السلامه يازيد
زيد….الله يسلمك يا داوود وحشتني
داوود….مراد مجاش معاك ليه مش المفروض كنتوا رجعتوا سوا.
زيد…بسخريه😏 مراد عجبته القاعده هناك فاحب يطول كام يوم كمان تصدق بالله انا مش عارف مراد ده ازاي أخوك انت والباشا سعات بحس ان أنا اللي عمه مش هو اللي عمي.
داوود…بضحك أنا ذات نفسي بحس ان انا اللي اخوه الكبير مش الصغير
يوسف…لا بقول أيه محدش ليه دعوه بمراد.
قرب منهم ياسين….طبعاً مين يشهد للعروسه يا اخويا ماهو نسخه منك أنت ونادر وسالم ملكوش غير في الجنس الناعم والتنطيط😒
سالم…وماله يا اخويا الجنس الناعم علي الأقل نفصل شويه من خليه النحل اللي شغالين فيها.
جلال….بقول أيه انا تبعكم انتوا ومراد مش تبع النص التاني من العيله دي.
زيد…بضحك تصدق يا جلال ألمحك بس بنفسي بتعك زيهم وهعلقك علي باب القصر ده.
جلال…بضحك أطمن مش هتلمحني خالص ورايا رجاله تداري عليا😂
ياسين…ماهو طول ما مراد ويوسف وسالم ونادر معاك يبقي مش هنلمحك هيداروا عليك طبعاً
جلال…ياعم ماتخليك محضر خير انا اخوك الصغير.
سابهم زيد بيناقروا في بعض وقرب من أيمن وصبا.
زيد….بابتسامه كلها هيبه قدم علبه صغيره لصبا.
كل سنه وانتي طيبه يا صبا.
صبا…بأبتسامه وأنت طيب يا زيد حمدالله علي سلامتك.
زيد….الله يسلمك.
أيمن…تعبت نفسك ليه يا حبيبي أنت كنت في ايه ولا ايه كفايه أنك معانا.
زيد….متقولش كده يا أيمن صبا مرات اخويا وبنت عمتي الدنيا كلها مش كتير عليها المهم الهديه تعجبها.
فتحتها صبا و أنبهرت بجمال الخاتم
صبا….طول عمرك ذوقك حلو يا زيد بس بجد كده كتير أوي
زيد….مفيش حاجه تكتر عليكي يا صبا.
أيمن….أيه اخبار الشغل كله تمام
زيد….اطمن كله تمام خلصت انا ومراد كل حاجه وبكره ان شاء الله في الشركه هعمل أجتماع ابلغكم فيه بكل اللي تم.
أيمن….هو مراد مجاش معاك ليه صحيح.
زيد…بأبتسامه سخريه مش محتاجه سؤال يعني ما انت عارف مراد.
أيمن….بضحك بيعك طبعاً
زيد….وهو وراه غير العك
قرب منه أمير وحط ايده علي كتف زيد
أمير….تقصد ان انا ابويا عكاك تصدق هقوله.
ضحك زيد و بصله وهو رافع حاجبه زيد الطوبجي ما بيخا.فش يالا وبعدين مين يشهد للعروسه انت و أبوك واخواتي كلكم عايزين ظبط زوايا أروق بس انا و هظبطكم متقلقش.
أمير…بضحك طب والله انا مظلوم في الليله دي كلها.
أيمن….علي يدي😂
أمير….مابلاش انت يا عم أيمن ما تبعدي جوزك عني يا صبا.
صبا…بأبتسامه امسحها فيا أنا يا أمير.
أمير…عشان خاطرك انتي بس يا صبا وبعدين يلا بقي نروح نقعد معاهم.
زيد….يلا يا سيدي.
…………
روح…..فيروز مالك يا قلب مامي حساكي مش مظبوطه.
فيروز…أبداً يا مامي انا بخير.
روح…بخير أزاي بس أنتي متخا.نقه مع جوزك.
فيروز…لا خالص يا مامي انا تمام انا وحسام مفيش حاجه.
روح…أمال مالك من ساعت ما جيتي وانتي في دنيا تانيه قاعده معانا لكن سرحانه وحتي جوزك من وقت ما جه وهو واقف مع أخواتك ومش بتتكلموا خالص لو مش حابه تحكي براحتك يا حبيبتي بس لو في حاجه وحابه تتكلمي قولي يا فيروز.
فيروز…بدموع في عينها مامي انا تعبانه اوي🥺
مسكت روح أيدها بلهفه مالك يا قلب مامي فيكي أيه تعالي تعالي معايا وأحكيلي في ايه.
قامت معاها فيروز وبعدوا شويه عن الدوشه و قعدوا في الجنينه مع بعض.
روح….أحنا بعدنا خالص قوليلي مالك بقي فيكي ايه.
فيروز….تعبانه يا مامي قلبي واج.عني أوي حاسه جوايا حمل كبير مش قادره أشيله خلاص.
روح…طيب فهميني بس حسام عمل معاكي ايه؟
فيروز….المشكله أنه مبيعملش يا مامي حسام سلبي و أنا تعبت من كلام مامته وطريقتها انا مش فاهمه هي بتحاسبني علي أيه علي حاجه مليش ذنب فيها أنا عايزه أكون أم زي أى ست في الدنيا بس مش عارفه غصب عني مش بأيدي يا مامي كل يوم كلام يو.جع وطريقه و معامله زي الزفت وهو ولا علي باله كل اللي بيقوله معلش يا فيروز أستحمليها دي أمي ونفسها تفرح بولادى طيب ما أنا كمان نفس أفرح و عايزه أكون أم أنا مفيش حاجه معملتهاش حملت والحمل نزل مش بأيدي أعمل أيه طيب.
روح بحزن علي حال بنتها.
طيب ممكن تهدي شويه عشان خاطري متو.جعيش قلبي عليكي أكتر من كده. بصي يا فيروز أنتي بتحبي حسام وحسام بيحبك وأكيد هو غصب عنه دي مهما كان أمه زي ما قالك يعني ميقدرش يزعلها أنا عمري ما شوفت حسام بيعاملك وح.ش بسبب موضوع الحمل أنتي متجوزاه من سنتين وعمري ماشوفته بيعاملك غير بكل حب وده اللي يهمك صح حماتك مهما كان ست كبيره أنا عارفه أنها شديده شويه بس كمان
أكيد غصب عنها بتتمني تشوف أحفادها من حسام خصوصا أن منذر أبنها الكبير مش متجوز لحد الوقت وهي كبرت محتاجه تشوف احفادها.
فيروز…وأنا أعمل ايه طيب قوليلي في أيه فأيدي أعمله وأنا هعمله علي طول وبعدين طيب ما انتي كمان يا مامي أكيد نفسك تشوفي أولاد أيمن وصبا لحد الوقت مخلفوش و بتتعاملي معاها بكل حب كأنها بنتك انا بقالي سنتين متجوزه وصبا ثلاث سنين علي الاقل انا حملت مرتين والحمل نزل ومع ذلك عمري ما شوفتك بتدخلي في حياتهم ولا عمرك ضايقتيها بكلمه.
روح…ياحبيبتي كل واحد فينا ليه عقليه مختلفه .
فيروز….طيب أعمل أيه🥺؟
روح…ولا حاجه يا حبيبتي خديها بس علي قد عقلها وسايسي أمورك لحد ما ربنا يرزقك.
فيروز….حضرتك بتطلبي مني حاجه خارجه عن أرادتي انا عملت مع الست دي كل حاجه تتخيليها وهي مبتتغيرش انا نفسيتي تعبت بجد حياتي انا وحسام أتحولت جح.يم الحب والروح الحلوه اللي كانت بينا كلها بقت بارده كل حاجه بقت نكد وهو مبيعملش حاجه غير انه يراضيها وبس بني ادم سلبي.
روح…عيزاه يقف قدام امه يافيروز؟
فيروز….بو.جع عيزاه يحس بيا💔 عيزاه يدافع عني ويقف معايا عيزاه يحافظ علي كرامتي عيزاه يصر.خ بكل قوته ويقول ملهاش ذنب عايزه أحس اني مسنوده علي راجل يا مامي عايزه أحس بالامان أنا فقدت الثقه في كل حاجه حتي نفسي كل يوم وكل ثانيه كلام و معامله مفيش بني ادم يتحملهم حتي لو هحمل هي متخيله ان في واحده تقدر تحمل وتحتفظ بالحمل تحت الضغط اللي هي عملاه ده.
روح….طيب تحبي اتكلم معاها يا فيروز؟
فيروز….لأ لأ يا مامي دي ست مبتعرفش تتعامل زينا وانا مش هستحمل أنها تكلمك بطريقه مش حلوه.
روح….أنا عايزه أريحك يا فيروز.
فيروز….وأنا نفسي أرتاح بس مش يوم ما تتكلمي تتكلمي مع الست دي.
روح…خلاص خليني اتكلم مع حسام.
فيروز….ياريت الكلام بيجيب نتيجه انا اتكلمت معاه كتير حسام اخره يراضيني بكلمه ولوحدنا كمان لأنه معندهوش الجرأه أنه يراضيني قدامها عارفه يامامي لو كان حسام بيردلي حقي قدامها صدقيني عندي استعداد أسمع كلامها و أعديه عشان خاطره لكن للأسف اللي بيقف ديماً في صفي و بيجبلي حقي منذر أخوه و يمكن هو الشخص الوحيد اللي مخليني مستحمله وبعدي لحد الوقت.
روح….منذر بني ادم محترم وحقاني وعمره ما بيرضي بالظل.م.
فيروز….فعلاً و……
قطعت كلامها فجأه لما لمحت زيد
زيد….انتوا قاعدين هنا وسايبنا لوحدنا بتعملوا أيه؟
روح…بحب ابداً يا حبيبي كنت بتكلم انا وفيروز شويه بعيد عن الدوشه.
مسحت فيروز دموعها بهدوء وهي بتبعد عينها عن زيد
زيد….فيروز انتي كويسه؟
أبتسمت فيروز غصب عنها اه يا حبيبي كويسه اوي.
زيد….كويسه ده أيه انتي معيطه يا فيروز؟
فيروز….خالص يا حبيبي صدقني
زيد….بتخبي عن أخوكي .
فيروز….لا يا حبيبي صدقني.
روح….في ايه بس ماهي زي الفل قدامك أهي.
زيد….ده بأماره ماهي معيطه وكمل بنبره غضب لا تحتمل النقاش حسام عملك ايه يا فيروز؟
نزلت دموع فيروز غصب عنها🥺
روح…ياحبيبي مفيش كل الحكايه حماتها ما انت عارفها شديده وطريقتها ناشفه وانت عارف اختك حساسه.
زيد…بغضب يبقي تقف عند حدها يا روح وتعرف هي بتتعامل مع مين كويس دي فيروز الطوبجي جوزها لازم يشوف حل بدل ما اشوف انا😡
روح….يا زيد ده انا بقول عليك عاقل الامور مبتتاخدش كده انت عارف شغل غيره حموات مش اكتر.
زيد….أختي متنزلش دمعه واحده ياروح تحت أي مسمي.
فيروز….بأبتسامه حب ربنا يخليك ليا يا حبيبي بس صدقني زي ما مامي قالتلك الموضوع مش مستاهل كل الحكايه اني كنت بفضفض شويه مع مامي.
زيد…ماشي يا فيروز عموما لازم تعرفي حاجه مهمه انا جمبك وأي وقت يحصل حاجه تعرفيني و ماشوفش دموعك دي تاني
روح….ربنا ما يحرمكم من بعض يا حبيبي.
زيد….بأبتسامه ولا يحرمنا منك يا روح.
روح…طيب يلا بقي تعالوا نروحلهم عشان محدش يقلق
مد زيد أيده لفيروز.
زيد….يلا يا حبيبتي أدخلي أغسلي وشك ومش عايز اشوف الدموع دي تاني مفهوم.
فيروز….حاضر يا حبيبي.
…………..
بعد وقت بسيط أنضموا ليهم من تاني جنه و أصحابها بدأوا يحتفلوا بطريقتهم وأنضم ليهم جلال وفرح أصغر اولاد راجح الطوبجي.
قعد زيد جمب داوود
زيد…بأبتسامه أيه الأخبار يا داوود
داوود….كله تمام طمني أنت عملت أيه في السفر أتفقت علي المناقصه.
زيد….متقلقش كله تمام بكره ان شاء الله هبلغكم بكل حاجه في الميتنج.
داوود…بأبتسامه بسيطه أن شاء الله.
زيد….أنت كويس يا داوود؟
بصله داوود من غير كلام ثواني وهز راسه وهو بيبتسم بهدوء.
زيد…أنت مش كويس فيك أيه قولي.
داوود….بنبره حزن ليلي رجعت من أسبوع هي و والدتها.
بصله زيد في نظره طويله كلها تساؤولات. رجعت؟
داوود….أيوه ؟
زيد….هي اللي كلمتك ؟
داوود… لأ مكلمتنيش
زيد….أمال عرفت أزاي أنها رجعت؟
داوود….روحت البيت عندهم أتفاجئت أن الانوار منوره في البيت كله خبطت وهي اللي فتحت.
زيد…لسه بتعدي يا داوود علي بيتهم.
داوود…وأنا من أمته ماعدتش علي بيتها من يوم ما سافرت يازيد؟
بصله زيد بحزن وسكت
رفع داوود راسه لزيد.
داوود…بس عارف يازيد المرادي الشعور كان مختلف كل مره كنت بروح و ألاقي أنوار الڤيلا مقفوله كنت بفضل واقف بالساعات و مبحسش بالوقت وكنت بدعي من جوايا أنها تيجي بسرعه وترجع الڤيلا تنور والحياه ترجع للمكان وترجعلي من تاني كنت بَقف تحت أوضتها أفضل أكلمها و أحكيلها كل اللي جوايا من غير ما أحس بالوقت بس المرادي لما روحت و لاقيت الڤيلا كلها منوره حسيت اني بحلم مكنتش عارف أنا فرحان ولا متاخد مكنتش لاقي تفسير للي جوايا للقيت نفسي بنزل من العربيه و رجلي وخداني عندها وقفت قدام الباب مش عارف قد أيه لحد ما خبطت وهي فتحت.
زيد….أتكلمتوا؟
داوود….بأبتسامه حزينه تخيل لأ.
وقفت قدامها ساكت وهي مقالتش حرف واحد دموعها نازله و فضلنا باصين لبعض وبعدها لاقيت نفسي بمشي خالص.
زيد….ليه يا داوود مكلمتهاش ليه مخلصتش الحكايه اللي مش عايزه تنتهي دي.
داوود…لأني عارف ردها يا زيد عارف ان لسه في حاجز واقف بينا ليلي رافضه أي كلام في موضوعنا خالص بسبب والدتها.
زيد…لازم الحاجز ده يتك.سر يا داوود وبعدين انا مش قادر أقتنع بصراحه أن مرض والدتها ورغبتها انها تفضل جمبها مبرر انكم تبعدوا عن بعض حاسس ان في حاجه تانيه.
داوود…مش قادره تسيبها يا زيد ليلي خا.يفه تبعد كأنها عايزه تفضل معاها أطول وقت ممكن عايزه تشبع منها خا.يفه تفرح.
زيد….وليه تبعد عنها اصلا ما انتوا ممكن تتجوزوا وهي معاكم يا داوود العمر بيعدي أنت بقي عندك 45 سنه عارف ان العمر ده مجرد رقم بس كمان من حقنا نستمتع بكل لحظه فيه وانا من يوم ما وعيت علي الدنيا وشايفك كل ما بتقرب منها خطوه الظروف بتبعدكم.
داوود…أديك قولتها الظروف يعني حاجه خارجه عن إرادتنا.
زيد…لا يا داوود حتي الظروف بأيدينا نغيرها و نمشيها علي مزاجنا انا لولا عارف وواثق من حبكم لبعض كنت قولت غير كده بس صعبان عليا كل الحب ده يضيع من غير معافره.
داوود….أكتر من كده معافره يا زيد انا طول حياتي بعافر عشان أوصلها من أول ما راجح رفضها زمان لحد الوقت.
زيد….بس اللي اعرفه ان بابا وافق عليها من سنين وهي لسه واقفه مش بتتحرك.
داوود….ليلي مش قادره تنسي يا زيد اللي راجح عمله وقتها كرامتها وجعاها بجد أنا عاذرها عشان كده مستحمل ومستني الظروف تكون معانا مش ضددنا
ابتسم داوود وبصله.
داوود…وبعدين شوف مين بيتكلم طيب ما انت زيي انت كمان يا زيد واقف مستني.
بصله زيد بأرتباك مستني؟
مستني ايه؟
داوود….متجوزتش لحد الوقت ليه يا زيد مع ان دي امنيه ابوك أينعم قاسم أخوك هو الكبير بس أنت تاني فرحته لماهو لو انت زي يوسف ونادر وسالم ليك في التنطيط والحريه كنت قولت ماشي بس كلنا عارفين انك ملكش في الجو ده خالص أيه الي مانعك يا أبن اخويا؟
زيد…بحزن وتوتر ابداً أبداً مفيش حاجه منعاني كل الحكايه انت عارف اني بحب الشغل جداً ومركز فيه وكمان ملاقتش بنت الحلال.
داوود….طيب شغلك ودي حاجه انا واثق منها بس ملاقتش بنت الحلال دي اللي غريبه شويه انت حواليك بنات كتير ولا انت طالع لعمك حبيت ولسه مطولتش.
بصله زيد بحزن وبعدين أبتسم
زيد….لا يا داوود انا ولا طالعلك ولا حبيت من الاساس كل الحكايه النصيب لسه مجاش.
داوود…..هعمل مصدقك يا ابن راجح مع اني حافظك بس هسيبك لحد ما تيجي وتبقي حابب تحكي زي ما انا بحكيلك كل حاجه يمكن انا بحكيلك اللي عمري ما حكيته لأخواتي راجح ومراد عارف يا زيد عمري ما حسيت اني عمك بحسك صاحبي واخويا يمكن عشان انا اصغر اخواتي ويمكن كمان عشان فرق السن بينا مش كبير اوي مش عارف.
زيد….بأبتسامه ثقه لا انا اصلا جامد مفيش كلام 😉
داوود…بضحك قوم يالا من قدامي بدل ما أعملها معاك.
زيد…بضحك خلاص ميبقاش خلقك ضيق كده 😂
المهم يا داوود لازم تلاقي طريقه تقنع بيها ليلي لازم تكونوا مع بعض بقى كفايه اوي كده انتوا الاتنين محتاجين بعض بجد
داوود….عارف يا زيد وأطمن لازم في أقرب فرصه كل ده ينتهي لاني مبقتش قادر خلاص.
زيد…بحب ان شاء الله قريب هنفرح بيك كلنا و هتنهي حياه العذوبيه مش يمكن يا اخي لما تعملها ربنا ينفخ في صورتي انا وباقي ولاد راجح الطوبجي
داوود…بضحك طب أنت و ممكن أنما أخواتك دول صيع😂
ما فلتش فيكم غير قاسم وفيروز وأيمن ربنا يكملهم بعقلهم
ضحك زيد و بص بعيد وبدأت ضحكته تختفي شويه بشويه بمجرد ما شافها وشرد💔
فاق من شروده على صوت فرح اللي جات من وراه وحضنته.
فرح….مش معني يعني انك واحشني اني مش زعلانه منك
ابتسم زيد وبصلها ليه بس يا فروحه.
زيد….بقى يبقي اخويا حبيبي جاي من بعد غياب كام شهر لف فيهم أجمد دول في العالم ومش جايبلي هديه واحده توحد ربنا.
زيد….بضحك مين قال كده بس
فرح….ماهو كله بان خلاص جاي بهديه جنه وصبا وناسيني
زيد….مقدرش انساكي يا برنسس كل الحكايه اني خليت هديه صبا وجنه معايا عشان اول ما اوصل اديهالهم لكن لسه الشنط اللي فيها هدايا ليكم كلكم في العربيه.
فرح…بسعاده أفهم من كده ان اخويا حبيبي منسينيش
زيد….مقدرش أنسي أخر العنقود انا جايبلكم شويه هدايا ليكم كلكم هتعجبكم بس معلش خليها عليكي بقي هنستني لبكره عشان انا جاي مش شايف قدامي وزي ما جناب البرنسس شايفه لسه العيد ميلاد مطول.
فرح….لا بقولك ايه مليش انا دعوه بالكلام ده العيد ميلاد يخلص من هنا والشنط تتفتح من هنا طب ده انا بستني اللحظه دي كل ما حد فيكم يسافر.
داوود…بضحك استلم يا زيد باشا مش هتخلص منها
زيد…بقله حيله شكلي كده مش هقدر أقنعها و هضطر افتح الشنط🙈🙈
فرح…أيوه كده استسلم مفيش مفر.
زيد…وهو بيرفع ايده استسلمت ورفعت الرايه البيضا كمان المهم ان البرنسس ترضي عني.
فرح….بحب أيوه كده😍
……………….
أنتهي العيد ميلاد و بدأ القصر يهدأ تماماً دخلوا كلهم جوه القصر
وخرج جلال وفرح وأمير يجيبوا الشنط من العربيه.
روح….يا ولاد مش كنتوا استنيتوا لبكره زيد جاي تعبان وعايز يرتاح
زيد…قوليلهم والنبي ياروح
جلال…في أين يا روح انتي معانا ولا علينا.
فرح….بقولك أيه يا مامي انا ماصدقت اقنعته.
راجح…بضحك مفيش فايده مش هتخلصي منهم ياروح خليه يخلص من زنهم.
حسام…بصوت هامس لفيروز يلا يا فيروز نمشي بقي.
هزت فيروز راسها وقامت وقفت.
فيروز….طيب يامامي هنمشي احنا بقي عشان اتأخرنا
روح….خليكم شويه يا فيروز أو باتوا معانا انهارده.
فيروز….بأبتسامه حب معلش يا مامي حسام عنده شغل بدري ولازم يرتاح.
حسام….فعلا والله عندي شغل بدري.
زيد…كلنا عندنا شغل الصبح.
حسام….بضحك منذر مش هيسكت لو راحت عليا نومه صاحبك وانت عارفه أكتر مني.
زيد….ملكش دعوه بمنذر سيبه عليا وبعدين عشان انت وفيروز تاخدوا هديتكم.
حسام….بأبتسامه لفيروز لا ادام هديه يبقي نستني ونطنش منذر.
ضحكوا كلهم وبدأ زيد يطلع الهدايا بتاعتهم.
أمير…ياعم زيد ابوس ايدك سيبك من الهدايا بتاعتهم فين اللاب توب اللي قولتلك عليه.
زيد….ياض انا خلفتك و نسيتك ماتقول لأبوك شويه وحل عني.
أمير….بأبتسامه زيد يا حبيبي بقولك ايه أبويا ايه اللي اقوله بس مراد زمانه هايص بره مع الاجانب مش فاضيلي وبعدين انا ليا غيرك وكمل بطريقه مضحكه انت مجبتش الاب توب ولا ايه😭
زيد…بضحك مد ايده في الشنطه صعبت عليا امسك ياعم اللاب توب بتاعك اهو.
أمير…بفرحه أهو ده الكلام خد منه الشنطه وجري علي فوق.
يلا تصبحوا علي خير حمدالله علي سلامتك يا زيد.
زيد…بضحك مادي حقير😂
ضحكوا عليهم كلهم وبعدين وزع زيد الهدايا عليهم كلهم
استأذنت فيروز هي وحسام وبعد وقت بسيط طلعوا كلهم علي أوضهم وأخيراً طلع زيد علي الجناح الخاص بيه وبمجرد ما دخل فك الكراڤت من علي قربته وهو حاسس انه بيتخ.نق قعد علي سريره وهو بيتنهد تنهيده طويله كلها حزن💔
………….
دخل ايمن وصبا علي اوضتهم
أيمن….كل سنه وانتي طيبه يا حبيتي.
صبا…بأبتسامه بسيطه و أنت طيب
قرب أيمن بهدوء من رقبتها و أول ما نفسه لمس رقبتها حست صبا أن جسمها أرتجف بعدت بهدوء عنه.
صبا…بأبتسامه توتر أيمن معلش بلاش عشان خاطري.
بصلها أيمن بأبتسامه بسيطه من غير ولا كلمه
صبا…أحممم أقصد يعني أنا تعبت أنهارده أوى و مصدعه جداً أنت عارف أنا مليش في الدوشه والحفلات محتاجه أنام.
أبتسم ايمن وهز راسه بهدوء ماشي يا حبيبتي ولا يهمك مع أني كنت عامل حسابي أننا نسهر ونحتفل بعيد ميلادك ونعوض أمبارح بس خلاص أرتاحي.
أبتسمت صبا بهدوء وهزت راسها وبسرعه راحت علي دولابها طلعت غيار ودخلت علي الحمام و أول ما قفلت الباب سندت عليه وأطلقت سراح دموعها أخيراً💔
……………
في جناح قاسم وزهره.♥️
طلعت زهره علي السرير بعد ما خدت حمام دافي تريح بيه جسمها بعد تعب اليوم.
أبتسم قاسم ليها بحب.
زهره…الحفله كانت جميله أوي وجنه كانت زي القمر.
قاسم…طالعه لمامتها.
زهره…بحب لا دي طالعه لباباها عارف يا قاسم انهارده كنت مبسوطه بجد وانا شايفه جنه واقفه طولي لسه كانت بيبي بتجري و بتلعب وماسكه عروستها اللي مش بتسيبها ابداً مش قادره أتخيل ان العمر جري بالسرعه دي وجنه كبرت كده.
قاسم….والله بقي تكبر تصغر ملناش دعوه أحنا لسه شباب انا وانتي يا قلبي.
زهره…بضحك اممم بدأنا أهو نخا.ف من العمر يا سي قاسم أمال هتقول أيه بقي لو بقت عروسه و جابتلك بيبي وبقيت جد
قاسم…بضحك بردو هنفضل شباب و هتفضلي في عيوني أصغر و أحلي من بنتك.
زهره….بأبتسامه سعاده لسه حبك ليا زي ماهو يا قاسم.
قاسم….أنتي بجد بتسألي يا زهره.
زهره…يعني متجوزين من 17 سنه و أعرفك من قبل الجواز بعشر سنين من ايام الدراسه يعني أحنا في حيات بعض من سبعه وعشرين سنه تقريباً معقول حبك زي ماهو.
قاسم….مسك كف أيدها بين أيده وبصلها الحب يا زهره عمره ما بيتقاس بعدد السنين الحب اللي بجد بيتقاس بعدد المرات الصعبه وأوقات الشده اللي وقفنا فيها جمب بعض بيتقاس بالذكريات الحلوه اللي عدت علينا مع بعض بيتقاس بالمواقف انا مفيش مره يا زهره وقعت و ملاقتكيش جمبي مفيش مره كنت نفسياً تعبان و ملاقتكيش جمبي و بتمديلي أيدك و بتخرجيني من حالتي الوحشه لحاله أحلي مفيش مره شوفت فيها حجات صعبه و ملاقتش السهل عندك عمري ما قولتلك علي مشكله و ملاقتلهاش عندك حل طموحي معاكي كل يوم بيكبر ديماً كنتي أكتر حد بيشجعنى و بيدعمني و بيحفزني أكون شخص ناجح بجد.
طول عمرك بالنسبالي الشخص اللي بيسمع بقلبه و أنا بحكي حتي لو اللي بحكيه ده مجرد تفاهات عمري ما حسيت أنك مليتي مني ديماً مهتمه بكل التفاصيل حتي لو كانت بسيطه وصغيره بتهتمي بكل حد في العيله دي بكل حب عمري ما سمعت منك شكوي حتي لو صغيره منهم عشان كده كل يوم حبي ليكي بيكبر ولو جيت في مره يا زهره فكرت أني أقارن حبي ليكي زمان أول ما عرفتك بحبي ليكي الوقت مش هقولك غير جمله واحده.
أني بحبك فوق الحب حب♥️
أبتسمت زهره بتأثر و أتلجم لسانها عن الرد و من غير ما تحس دخلت في حضن قاسم حضنته بكل قوتها وكأنها بتعبر عن حبها بطريقتها الخاصه وقت ما الكلام بيتوه منها بسرعه بتهرب لحضنه♥️
…………….
أنتهي اليوم بسعاده علي البعض و بحزن عميق علي البعض الأخر.
في صباح يوم جديد أجتمع كلاً من في القصر علي السفره
راجح….هو فين زيد مصحيش لسه ياروح.
روح….لا يا حبيبي صحيته وزمانه نازل حالاً
جلال بنعاس همس لأمير ويوسف
جلال….نفسي أعرف سبب واحد في أننا نتكدر كل يوم من بدري علي الفطار كده انا ملحقتش انام.
يوسف…بصوت واطي طيب اتلم عشان لو أبوك سمعك هيروق عليك عالصبح.
جلال…أتكتمت😒
أمير…بضحك كل يوم نفس السؤال ونفس الاجابه 😂😂
يوسف….و ياريته أتعلم.
راجح….وهو بيضيق عينه بتتوشوشو علي ايه عالصبح.
نادر…وهو بيكتم ضحكه أبداً يا باشا بس جلال زعلان من نفسه انه صاحى متأخر.🙄
جلال….😁 بالظبط كده يا باشا تصدق يا نادر أنت اخويا من زمان
راجح…بأبتسامه عليا أنا بردو يا ولاد الطوبجي ده انا حافظكم واحد واحد اكتر من نفسي
جلال….ماهو بصراحه بقى يا باشا حوار اني لازم اصحي من سته الصبح ده و أجهز عشان أنزل الحق الفطار الساعه سبعه متعب اوي .
راجح….وأيه اللي خلاه متعب يا سي جلال؟
جلال….ياباشا انا بنام متأخر
راجح….ومين قالك تنام متأخر ماتنام بدري زي باقي الخلق هتصحي بدري.
جلال….يعني امبارح كان في عيد ميلاد وسهر هنام امته بس.
ياسين…بسخريه علي أساس انت في أي يوم عادي بتنام بدري😏
جلال…ماتخليك محضر خير ياعم ياسين وبعدين هو انت يعني اللي بتنام بدري.
ياسين…والله أنام بدري أنام متأخر أطبق دي بتاعتي أنا المهم أني ملتزم بأي معاد عليا🤨
جلال…بصوت هامس ليك روقه معايا يا سى ياسين 🙈
ياسين….بتقول أيه في سرك 🤨
جلال….أنا اقدر يا أخويا😁
يوسف….وهو بياكل متصدقهوش ده بيستحلفلك في سره🙄
جلال…ضر.به في كتفه أطفح وانت ساكت😒
روح…بضحك مش هتبطلوا تناقروا في بعض.
جلال….انا سكت يا روح اهو سكتي انتي ولادك بس ولو عالفطار حاضر عيني هصحي أفطر.
راجح….ياواد أفهم مفيش حاجه في الدنيا دي أهم من لمتنا علي سفره واحده وقت الفطار ووقت العشاء هو الوقت اللي بنتجمع فيه كلنا مع بعض نقعد ونتكلم ونسمع بعض نضحك ونسرق لحظه حلوه من الزمن.
جلال….انا معاك يا باشا بس بزمتك دي خلقه تتكلم او تضحك عالصبح ده انا بصحي الصبح عايز أمسك في خناق أي حد.🥴
ضحكوا كلهم علي جلال.
راجح….بضحك مفيش فايده فيك بقولك أيه تجهز نفسك عشان تبدأ تنزل الشركه مع أخواتك.
جلال…انا 😳 طب ليه بس كده يا باشا أنا قصرت في حاجه
راجح….هو أيه اللي ليه أنت خلصت دراستك ونجحت وبقالك شهر رايح جاي علي مزاجك وانا سايبك بمزاجي تفرح بتخرجك ونجاحك
جلال….طب ولما انزل معاكم يرضيك نسيب القصر الطويل العريض ده من غير راجل.
داوود…بضحك ده علي أساس أنك بتقعد تحرسهم.
جلال….بقعد احرسهم😏 حتي انت يا داوود مش عارف قيمتي أمال انت فاكر ايه هو أنت فكرك انهم يعرفوا يقعدوا من غيري.
روح…بضحك ملكش دعوه انت بينا وانزل الشغل زي اخواتك يا لمض ولا أقول بتعمل أيه بمجرد ما يمشوا علي الشغل يا حارس الامن الهمام😂
جلال…😒بقت كده حتي أنتي ياروح ده انا أبنك حتي.
نزل زيد بكل هيبه.
زيد…صباح الخير
رد عليه الجميع الصباح.
راح بهدوء باس ايد روح
زيد….صباح الخير يا روح.
روح…صباح النور يا حبيبي
قرب زيد من راجح باس ايده بأحترام. صباح الخير يا باشا اسف علي التأخير بس كنت فاصل خالص.
راجح….صباح الخير يا زيد ولا يهمك يلا اقعد افطر.
قعد زيد بهدوء و بصلهم مش محتاج طبعاً أفكركم كلكم بأجتماع انهارده.
سالم….جاهزين متقلقش.
زيد….طيب تمام أوي.
روح….راجح متنساش يا حبيبي البنت اللي قولتلك عنها (ملك)
راجح….لا يا حبيبتي مش ناسي أكدي بس عليها المعاد وعرفيها متتأخرش انا بحب الإلتزام
روح…متقلقش أنا عرفت نهله أمبارح وهي كلمتها و أكدت عليها المعاد.
داوود….مين ملك دي.
راجح….دي بنت معرفه نهله صاحبه روح بنت من عيله بس بعد وفاه ابوها أهله طمعوا في كل ميراثها هي وأختها ومحتاجه شغل فا كانت هتيجي انهارده تعمل أنترڤيو و نشوفلها شغلانه.
ياسين….ومن أمته ياروح بندخل المعارف في الشغل بس.
روح….دي حكايتها صعبه اوي يا ياسين ومحتاجه حد يساعدها واللي عرفته ان البنت شاطره و متعلمه و خريجه جامعه امريكيه يعني اكيد هتفهم في شغلكم وبعدين أنا اول مره أتوسط لحد في الشغل معاكم هتكسفوني يعني مع نهله دي أول مره تطلب مني حاجه
ياسين…ايوه ياروح بس انتي عارفه شغلنا صعب ومفيهوش عواطف الغلطه عندنا بخساير كتير وبعدين طنط نهله مشفتلهاش شغلانه ليه.
روح….عرضت عليها تشتغل معاها في الجاليري بتاعها بس البنت حابه تشتغل حاجه ليها علاقه بدراستها.
راجح….متحمليش هم يا حبيبتي تيجي هي بس ومتقلقيش هنلاقيلها شغل يناسبها
ياسين…..بس احنا عندنا موظفين كتير تقريباً مش محتاجين اي حد.
زيد….ياسيدي تيجي هي بس و لو ليها نصيب تشتغل معانا الوظيفه هتظهر وقتها.
راجح….مش انت يا ياسين كنت محتاج حد معاك يساعدك في قسم المبيعات و السيلز والكلام ده لو المجال ده يناسبها يبقي تشتغل معاك.
ياسين….😳معايا انا لا والنبي يا باشا أبعدني انا عن شغل البنات دول بيبوظوا مش بيشتغلوا.
راجح….والله السي ڤي بتاعها هو اللي هيقول إذا كانت تنفع او لأ وطبعاً ليك مطلق الحريه توافق تكون معاك او لأ أكيد مش هفرض عليك حد وأكيد بردوا هلاقيلها شغلانه تانيه .
جلال…بضحك وصوت واطي لكن مسموع يارب تطلع تنفع عشان تبقي تتريق عليا و تسخن الباشا عليا.😂😂
ياسين….بغضب 😠 أتلم يا جلال علي الصبح مش ناقصك.
جلال…بضحك وانا نطقت🙄
راجح….طيب يلا انت وهو قوموا يلا مش فطرتوا ورانا شغل كتير انهارده.
بدأ الشباب يقوم بهدوء ويخرجوا وراء راجح.
فرح….أمير أمير
بصلها أمير بأبتسامه في حاجه يافرح؟
فرح…ممكن لحظه بس.
أمير….أيه قولي.
فرح….بأبتسامه حب وتوتر اممم ممكن اطلب منك طلب.
أمير….طبعاً
فركت فرح أيدها في بعض مش لاقيه حاجه تقولها.
أمير….قولي يافرح عايزه أيه.
فرح….عيزاك تعلمني السواقه عشان كل ما اقول لجلال او حد من أخواتي يقولي حاضر وبيطنشوني.
أمير….سواقه!! أنتي عايزه تتعلمي السواقه يا فرح.
فرح…أه وفيها ايه انا عندي 19 سنه والمفروض كنت طلعت رخصه من زمان وبعدين بابي مش هيجبلي عربيه غير لو حس اني بسوق كويس.
أمير….ايوه بس في سواق موجود لو حبيتي تروحي أي مكان.
فرح….أيوه بس انا مش عايزه سواق انا عايزه عربيه وانا اللي أسوقها بنفسي.
أمير….وتفتكري عمي هيخليكي تسوقي بنفسك أنتي عارفه هو بيخا.ف عليكي انتي وفيروز وطول عمره مخلي سواق تحت امركم في أي وقت.
فرح…عشان خاطري يا أمير انا هقنعه والله بس المهم أعرف أسوق.
أمير…بقله حيله ماشي ياستي هعلمك
فرح…بجد يا امير.
أمير…بأبتسامه بجد يا فرح يلا بقي سيبيني اروح وراهم أحسن عمي يرفدني مش كفايه ابويا اللي مسافر و مقضيها مع الخواجات
ضحكت فرح بحب…طب يلا روح بسرعه وعلي فكره هقول لعمي انك مقطع في فروته.
أمير….بقي كده🤨 طب شوفي مين هيعلمك السواقه ياست فرح سلام
فرح…بضحك خلاص مش هفتن قلبك ابيض.
أمير…بأبتسامه سلاااام.
فرح…بتنهيده حب وصوت هامس سلام يا حبيبي♥️
………
أستعد زيد للخروج وراهم لمح ايمن واقف مع صبا.
راح عليهم عشان ياخده ويمشي
أيمن…..مش عايزه حاجه يا حبيبتي.
صبا….لا شكرا يا ايمن.
أيمن….بحب بقولك أيه مش هتأخر عليكي عشان بتوحشيني أوي وكمان أبقي أجهزي أنهارده عشان نعوض امبارح.
زيد….بتوتر احممم ااا مش يلا يا ايمن.
أيمن….اه يلا يا زيد جاي وراك.
ابتسم زيد بهدوء سلام يا صبا.
صبا…بأبتسامه بسيطه وهي محروجه يكون سمع أيمن سلام.
خرج زيد بسرعه من القصر.
أيمن…مالك وشك أتغير كده ليه.
صبا….أتحرجت يا ايمن خا.يفه يكون زيد سمعك
أيمن…بأبتسامه ولو سمع يعني عادي أنتي مراتي يا حبيبتي وبعدين ده أخويا مش حد غريب اللي سمعني يعني.
صبا…بردو يا أيمن أبقي خلي بالك من فضلك أنت عارف اني بتحرج زيد أبن خالي و أخوك يعني مش غريب بس بردو مينفعش.
أيمن…حاضر يا ستي هخلي بالي بعد كده يلا هسيبك بقي ومتنسيش ها😉
بصتله صبا بغضب😠
أيمن…بضحك خلاص خلاص انا اسف ياستي باي.
أتحرك الجميع بعربياتهم وكأنه موكب متوجهين لمجموعه الطوبجي الإمبراطوريه الكبيره اللي بتضم مجموعه من البيزنس المختلف ♥️
………
وللحديث بقيه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مملكة الطوبجي)
