رواية مليكة الفصل الثالث 3 بقلم إيمان أحمد
رواية مليكة الجزء الثالث
رواية مليكة البارت الثالث
رواية مليكة الحلقة الثالثة
سيلا وهيا بتمسك ايد آسر: انا واسر خطوبتنا بكرا
آسر بمرح: وكلكم معزومين ياشباب
رد واحد من الل واقفين: انت لحقتوا تحددوا موعد الخطوبة ده انت لسة مرتبط بيها من يوم واحد
حست مليكة ان الدنيا بتلف بيها وكانت هتقع بس لمياء مسكت ايدها وقالت بهمس:
مليكة اياكى تبينى ضعفك قدامهم…. انتى لازم تبقى قوية
كان آسر وسيلا وتارا منتظرين انهيا*ر مليكة قدامهم بس مليكة فجأتهم اما قربت منهم وقالت بقوة
=مبروك ياأسر اتمنى تكونوا مبسوطين مع بعض
رد آسر وهو مستغرب طريقة مليكة: الله يبارك فيكى يامليكة
سيلا بخبث: طبعا انتى معزومة يالمياء وانتى كمان يامليكة اتمنى تشروفونا
تارا: اووه مظنش ان مليكة هتقدر تيجى
لمياء: ليه ياحبيبتي مش هتقدر تيجى!
تارا بااستفزا*ز: اصل مظنش هيبقي عندها حاجة مناسبة تلبسها .. اصل ياقلبى كل الل هييجى الحفلة ناس راقية
سيلا بحزن مصطنع: تؤ عي*ب كدة ياتارا مليكة برضو زميلتنا بصى يامليكة لو احتاجتى لبس مناسب للحفلة انا ممكن اديكى عادى متنكسفيش منى…
بعدها ضحكوا كلهم بسخر*ية
مليكة باابتسامة ثقة: لا شكرا مش محتاجة من حد حاجه وصحيح هاجى الحفلة
كملت بتأكيد على كلامها وهيا بتبص لآسر: مفيش اى حاجة تمنعنى احضر
بعدها مشيت وسابتهم بصتلهم لمياء بااحتقا*ر ومشيت هيا كمان
تارا: انتى اتجنن*ى ياسيلا ازاى تعزمى واحدة مش من مستوانا فى خطوبتك
سيلا بثقة: وانتى فاكرة يعنى انها هتيجى مستحيل تيجى وتحر*ج نفسها قدامنا غير انها مش هتقدر تشوفنى انا وآسر مع بعض ولا ايه يابيبى؟
آسر بضيق: ايوا معاكى حق
فى اثناء المحاضرة دخل شاب متأخر
الدكتور: الل لسة داخل حالا يتفضل يطلع برة
الشاب وهو بيبص حواليه: حضرتك بتكلمنى انا!!
الدكتور بغض*ب: وفى حد غيرك داخل متأخر حضرتك عارف الساعة كام
الشاب ببرود: ايوا الساعة 10 وتلت
الدكتور: ده معناه ان فاضل عشر دقايق والمحاضرة تخلص
الشاب بنفس البرود: ايوا مظبوط
بدأ الكل يتكلم بهمس عن جرأة الطالب وخصوصا ان الدكتور ده محدش بيقدر يقول حرف قدامه
تارا بصوت منخفض: تفتكروا هيحصل ايه؟
مالك: كدة ربنا يرحمه
آسر: انا مش شايف انه عمل حاجة غلط
مالك: اسلوبه لوحده مصيب*ة انت مش عارف دكتور سامى مبيحبش حد يتأخر خمس دقايق على محاضرته
الدكتور بانفعا*ل: اتفضل اطلع برة ومتحضرليش اى محاضرة تانى
الشاب بغرور: طيب بس ممكن ادى لحضرتك حاجة تشوفها
الدكتور: حاجة ايه ده؟
قرب الشاب من الدكتور وخرج الكارنيه من جيبه وقدمه للدكتور
الدكتور بعد ماشاف كارنيه الشاب قاله بكل احترام: طيب اتفضل اقعد بس متتأخرش تانى على محاضرتى
هز الشاب راسه بكل غرور ودخل تانى وهو شايف كل زمايله مصدومين ياترى ايه الل شافه الدكتور خلاه يغير رأيه
فضل الشاب يبص حواليه يشوف هيقعد فين وكان البنات بتبصله بااعجاب لحد مالقى المكان المناسب
: شيلى شنطتك دى
مليكة: نعم!!
الشاب بسخر*ية: ايه مبتسمعيش ولا كلامى مش واضح؟
مليكة بغيظ: بس ده مكان صاحبتى وجاية تانى تقدر تشوفلك اى مكان تانى
ردت بنت بمرح: لو عايز تعالى اقعد هنا محدش قاعد جمبى
الشاب: لا انا هقعد هنا
مليكة: ده عند بئا
الدكتور: فى ايه ياشباب… مقعدش ليه يافهد
فهد وهو بيشاور على الديسك بتاع مليكة: عايز اقعد هنا لانى متعود اقعد قدام مبعرفش اركز ورى
الدكتور: معلش يامليكة خليه يقعد جمبك المرادي
وبالفعل قعد جمب مليكة الل كانت هتنفجر من الغيظ
مالك: شوفتوا ده قعد جمب مليكة
آسر بغيرة: هو مفكر نفسه مين وازاى مليكة تسمحله
سيلا: واحنا مالنا يابيبى
🌟🌟🌟🌟🌟🌟🌟🌟🌟🌟🌟🌟
بعد مالمحاضرات خلصت رجعت مليكة البيت وهيا بتفكر هتلبس ايه
مالك: يابنى اهدى شوية فى ايه ده كله عشان قعد جمبها… آسر انت بتحبها
آسر: لا طبعا انت اتجنن*ت احب بنت زى دى
مالك: اومال اضايقت ليه اما قالت انها هتحضر خطوبتك انت وسيلا
آسر: انا مضيقتش انا بس استغربت انها مش هاممها
كمل بثقة: بس انا متأكد انها لسة بتحبنى زى ماامتأكد انها عمرها ماهتيجى خطوبتى بكرا لانها مش هتقدر تشوفنى مع واحدة غيرها
مالك باابتسامة جانبية: انت بتحبها ياآسر بس بتكابر خدها نصيحة منى مضيعش حبك الحقيقى من ايدك عشان متندمش بعدين
مى: يابنتى حيرتينى معاكى يعنى كل اللبس ده مش عاجبك على فكره انا جبتلك احلى الفساتين الل عندى
مليكة بتردد: لا عايزة حاجة اشيك لازم اطلع احلى واحده فيهم
مى بااستغراب: ومن امتى وانتى بتهتمى بده
مليكة: بكرا بس يامى بس مش عارفة مفيش ولاحاجة مناسبة هنا
مى بتفكير: امم انا عندى فكرة
🌟🌟🌟🌟🌟🌟🌟🌟🌟🌟🌟
جه يوم الخطوبة
كانت سيلا لابسة فستنان جميل وعلى الموضة وكانت طالعة جميلة جدا وتارا كمان
سيلا بضحكة سخرية: مش قولتلكم مش هتيجى
آسر بفرحة: انا كمان كنت متأكد انها مش هتيجى
مالك فى سره: فينك يامليكة انتى لازم تيجى لازم
كانت صدمة للكل اما مليكة جت وقربت منهم بثقة
لفتت انتباه الكل بجاملها وبساطتها آسر اول ماشافها قلبه دق بقوة وبصلها بااعجاب ساب سيلا وقرب من مليكة
مليكة بثقة: مش قولتلك انى هاجى… اتأكدت دلوقتي انى بطلت احبك يااسر
آسر بصدمة:……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مليكة)
