رواية ملكت قلب الجبل الفصل الثالث 3 بقلم ملك أحمد
رواية ملكت قلب الجبل البارت الثالث
رواية ملكت قلب الجبل الجزء الثالث
رواية ملكت قلب الجبل الحلقة الثالثة
وقفنا المرة اللي فاتت لما الباب كان بيخبط ودخل شخص والشخص دة هو حمدان أبو ملك هو شخص قاسي وغير لين في التعامل وميهموش غير الفلوس
حمدان : في أيه يا ولية أنتي وبنتك عمال أخبط بقالي ساعة ومحدش فتحلي إيه نايمين على ودانكوا
حنان : وأنت عاوز إيه يا حمدان جاي دلوقتي ليه
حمدان : من ناحية عاوز فأنا عاوز أوي
حنان بعدم فهم: أنا مش فاهمة قصدك أيه
حمدان بشر: أقصد إن خلاص سبتكوا كتير تعيشوا في شقتي لحد ما العيال كبرت أهيه و جيه الوقت اللي المفروض تمشوا وأنا ومراتي نيجي نقعد هنا
حنان بصدمة : إيه اللي أنت بتقوله دة وأحنا نعيش فين
حمدان بقسوة: عيشوا في أي حتة إن شاء الله تعيشوا في الشارع أنا مالي
حنان : إنت إيه يا أخي ما عندكش دم مش كفاية أنا اللي بصرف على العيال من وهم صغيرين وكمان دلوقتي أبنك في تالتة إعدادي و بنتك أولى كلية يعني محتاجين مذاكرة وتركيز ومش حمل البهدلة اللي هتحصلهم دي وكمان مينفعش نمشي بالطريقة دي
حمدان : ماليش دعوة أخركوا شهر وأجي ألاقي البيت فاضي
حنان : حسبي الله ونعم الوكيل فيك أنت إيه مش بني أدم
حمدان بضيق: بطلي رغي النسوان دة وشوفي هتعملي أيه علشان أنا عايز شقتي
ومشى حمدان بكل جبروته وقسوته وكل همه طمعه في الفلوس والشقة ونسى إن دول ولادوا مش ولادها لوحدها وإن أكيد هيجي يوم وهيحتاجهم زي ما هم محتاجين له دلوقتي كانت ملك قاعدة مصدومة من اللي أبوها عمله ومش عارفة تنطق ومامتها كانت حزينة ومش عارفة هتجيب فلوس تأجر بيها شقة منين
نسيبهم بقى ونروح مكان تاني
بقلم:#ملك_أحمد
في شركة الشهاوي
تطرق هايدي (سكرتيرة جبل ) الباب
جبل : أتفضل
تدخل هايدي وتضع وجهها في الأرض وتتقدم ناحية جبل
جبل بشك : في حاجة عايزة تقوليها يا هايدي
هايدي : مستر جبل أنا مش عارفة أقول لحضرتك إيه
جبل بضيق : قولي اللي أنتي عايزاه يا هايدي بسرعة
هايدي : مستر جبل زي ما أنت عارف أن أنا حامل و في الشهر الخامس وخلاص كدة مش هعرف أشتغل لحد ما أولد
جبل : أيوة عارف أنتي عايزة تاخدي أجازة ولا تستقيلي أساسا من الشغل
هايدي بخجل : معلش يا مستر جبل أنا أسفة بس جوزي مش عايزني أشتغل تاني بعد ما أولد
جبل : تمام ياهايدي كويس إنك قولتيلي علشان أبقى عامل حسابي و أدور على سكرتيرة تانية
هايدي : شكرا جدا يا مستر جبل أنك فهمتني
جبل : مافيش شكر على حاجة أنتي من ساعت مشتغلتي معانا وأنتي مخلصة ومتقنة لشغلك وأنتي خسارة كبيرة لينا
هايدي : شكرا يا مستر جبل على إشادتك بيا وأنا أسفة لو الشغل هيتأثر بحاجة
جبل: خلاص يا هايدي متتأسفيش أنا مقدر موقفك بس معلش على الأقل أفضلي هنا أسبوع لحد أما ألاقي حد علشان يشتغل مكانك
هايدي : تمام يا مستر جبل
جبل : ماشي تقدري تتفضلي على مكتبك ونزلي إعلان لوظيفة السكرتيرة واكتبي المواصفات و الخبرات علشان مش أي حد يشتغل وخلاص
خرجت هايدي من مكتب جبل
في كلية علوم
تتمشي ملك وحبيبة وملك شاردة الذهن
حبيبة : في أيه يا ملك مالك إنهاردة
ملك بكذب: مافيش يا حبيبة بس أنا مصدعة شوية
حبيبة : مع إني عارفة إنك بتكدبي عليا بس مش هضغط عليكي
ملك: شكرا يا حبيبة إنك فاهماني
حبيبة : عفوا أنتي أساسا بقيتي أختي خلاص
ملك: شكرا ياحبيبة بجد أنتي أكتر واحدة فاهمني ومن أول ما شوفتك وقولت هنبقى صحاب أكيد
حبيبة بضحك : مع إن أول لقاء بينا ميدلش على كدة خالص
ملك: عندك حق دة كان يوم غريب بجد
حبيبة : بشكر اليوم دة علشان عرفني عليكي
ملك بضحك: خلاص بقى كفاية صعبنيات ويلا ندخل المحاضرات
حبيبة:شاعرة يا ناس
ملك بغرور وضحك: أومال
حبيبة: طيب يلا يا ختي يلا بينا
دخلوا المحاضرات وكانت ملك سرحانة طول اليوم في اللي بيحصل معاها ومع عيلتها وفي أخر محاضرة
حبيبة : يلا يا ملك علشان نمشي
ملك : خلاص يا حبيبة روحي أنتي هقعد هنا شوية
حبيبة ما حبتش تضغط عليها وقالت: تمام خلي بالك من نفسك يا حبيبتي
ملك : حاضر
مشت حبيبة وكل اللي في المدرج وملك قعدت تعيط بهيستيرية وهي مش عارفه هتعمل إيه ولا هتتصرف إزاي وفجأة حد حط أيدوا على كتف ملك وكان……..
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية ملكت قلب الجبل)
