رواية ملحمة بنت الصعيد الفصل السابع 7 بقلم ياسر عودة
رواية ملحمة بنت الصعيد الجزء السابع
رواية ملحمة بنت الصعيد البارت السابع
رواية ملحمة بنت الصعيد الحلقة السابعة
ملحمه بنت الصعيد ( الجزء السابع )
توقفنا فى الجزء السابق لما استنا حكم جنود الانجليز يخرجوا من المعسكر علشان يلحقوا جنود حرس التفتيش على طرق الجبل وبعديها امر بالهجوم على المعسكر .
الاول اذكر الله وصل على الحبيب المصطفى وادعوا لاخوانكم بفلسطين والسودان وكل بلاد المسلمين .
بداء حكم هجومه وبسرعه دخلوا المعسكر اللى مكنش فيه مقومه تذكر ، ودى اول حاجه لحظها حكم انهم وصلوا لنصف المعسكر تقريبا وكل اللى واجههم شويه عساكر يتعدوا على صوابع الايد الواحده ، هو كان عارف ان جزء كبير خرج من المعسكر بس اللى كان عرفه ان لسه فى مجموعه مش قليله جوه المعسكر وهنا وقف حكم وشاور لجيشه انهم يقفوا هما كمان .
جلال : خير يا سيد الجبل وقفت ليه ، احنا كلها وقت قليل ونسيطر على المعسكر كله ؟
حكم : مش دى حاجه تقلق ، فين حراس المعسكر ، وفين باقى القوات ؟
جلال : يمكن كلهم خرجوا ومبقاش غير اللى قتلناهم .
حكم : لاء فى حاجه غلط ، انا شايف اننا نرجع افضل لازم نتسحب دلوقتى .
جلال : نتسحب ايه بس احنا خلاص هنكسب المعركه .
حكم : بالظبط هى فين المعركه ، احنا وقعنا فى كمين ، لازم ننسحب .
وسعتها حكم علا صوته وقال للجيش اللى معاه : يلا يا رجاله هنرجع الجبل .
فى اللحظه ديه حصل اللى حكم كان خايف منه ، فى اللحظه ديه ظهر اعداد ضخمه من جنود الانجليز محوطين حكم وكل اللى معاه .
حكم اتأكد ان رأيه كان صح ، وقع فى كمين وحس بالخيانه ، بس مين اللى خانه ؟
حكم حب يتصرف بسرعه علشان كده فكر انه يسحب سلاحه ويضرب بيهويشق صفوف الانجليز ويهرب مع رجالته ، ده كان انسب حل هو شافه .
فعلا حكم قرر ينفذ تفكيره ، ومسك البندقيه وصوبها ناحيه اول واحد قصاده ولسه هيضغط على الزناد سعتها لقى سلاح متوجه لدماغه وسمع صوت بيقوله : نزل سلاحك يا حكم خلاص اللعبه خلصت .
الصوت اللى سمعه حكم كان صوت يعرفه كويس ، كان صوت جلال ، ايوه هو جلال صوت الخيانه خارج منه وهو مصوب سلاحه لرأس حكم اللى اتصدم لما لقى ان الخاين كان هو جلال .
حكم لما شاف الخيانه جايه من اقرب الناس ليه سعتها نزل سلاحه من الصدمه وقاله : انت يا جلال ؟ انت الخاين ؟ طيب ليه عملت كده ؟
جلال : انا اسمى مش جلال ، انا اسمى الضابط جورج وليمز ، ضابط بالجيش البريطانى ، وتم تكليفى بالقبض عليك او اعدامك يا حكم .
حكم : عملت كده ازاى ؟
جورج : مفيش انا انضميت للجيش بتاعك زى اى رجل صعيدى عادى ، مهو من اسباب اختيار رؤسائى للمهم هديه انى بعرف اتكلم 7 لوغات ومنها المصرى ، وبعرف اللهجه الصعيدى
طبعا لازم اكون مميز علشان اقرب منك وعلشان كده ورتكم خبرتى فى الالغام والمتفجرات اللى مكنتوش تعرفوا عنها حاجه وعلمتكم علشان اكسب الثقه وكنت عارف انى هقبض عليكم من قبل ما تستغلوا اللى علمته ليكم .
فكره الهجوم على المعسكر كانت فكرتى وانا اللى خططت للكمين ، وكنت بتكلم مع رجلتك واقنعهم بالفكره علشان يحكوهالك ويصمموا عليها وفى نفس الوقت ارفضها انا قدامك وعارف ان رأى الاغلبيه هيمشى فكنت متأكد من نجاح الخطه .
والباقى زى ما انت شفت .
ابتسم حكم وقال : الحمد لله ان الخاين مطلعش مننا ، كنت هموت فعلا لو كنت انت مصرى صعيدى .
جورج : عارف يا حكم بصراحه انت بهرتينى ، انت شخصيه قياديه ممتازه ، لو كنت اتولدت فى بريطانيا كنت زمانك وزير للدفاع او حتى رئيس الوزراء بنفسه ، بس للاسف انت اتولدت فى البلد الغلط والزمان الغلط .
حكم : انت غريب عمرك ما هتفهم ، مصر دى بلد مفيش زيها ، احتلت من قديم الزمن بس مفيش احتلال دام عليها ، بدايه الهكسوس وبعدين البطالمه وبعدين الرومان والفرنسيين واهوه انتم كمان بس مفيش غازى دايم وانتم مش ديمين .
اذكر الله وصلى على الحبيب .
جورج : الجدال معاك مش هيفيد ، ارمى سلاحك يا حكم بدل ما ادى التعليمات ويقتلو كل رجالتك .
حكم فكر ثوانى وقال : هسلم نفسى بس سيبوا الرجاله تمشى ؟
جورج : يرموا سلاحى وكلمه شرف هيمشوا بس انت لاء .
حكم : مش مهم انا ، ورمى حكم السلاح وطلب من الجيش يسلم الاسلحه .
فعلا كل رجاله حكم سلموا سلاحهم واصطفوا بصفوف ، اما حكم فتم تقيده وبعدين وقف قدامه جورج وقاله : غريب انت يا حكم ، بتعقد اتفاق وتنهى حرب بوعد من عدوك .
حكم : الراجل عندنا يعنى كلمه ، لو خسر كلمته خسر رجلته .
ابتسم جورج وقال : الكلمه عندنا مجرد كلمه ، ممكن بعد ما تقولها تنساها وتنكرها .
وفجأه شاور جورج وسعتها حكم اتصدم ، شاف كل رجالته وهما بينضرب عليهم نار من كل ناحيه ، صرخ حكم وحاول يهجم على جورج وكانت ايده متكتفه وراض هره ووقع حكم فوق جورج وجورج بيصرخ من الوجع والعساكر الانجليز مش فاهمه ورفعوا حكم من فوقه بالعفي بس لما رفعوه لقوا حكم ماسك فى بوقه ودن جورج اللى اتقطعت ودنه وده اللى طاله حكم منه .
لسه العساكر هيضربوا حكم بالنار بس جورج وقفهم ، وقام جورج ووقف على رجليه وهو حاطيت ايد على ودنه والايد التانيه ماسكه مسدس وموجه لحكم اللى العساكر مكتفينه ومقعدينه على الارض وسعتها قال جورج : اطلب منى انى ارحمك يا حكم ؟
حكم : اللى بيرحم العباد ربنا .
جورج : هقتلك يا حكم اطلب الرحمه منى ؟
حكم : انت مين علشان اطلب منك الرحمه ؟
جورج : انت لازم تموت الف مره ، وبعد كده ضغط جورج على الزيناد وسمعت صوت الطلقه فى الارجاء كلها .
فى الوقت ده كان ماهر وباقى الرجاله رجعين للجبل ومعرفوش حاجه من اللى حصل ، ومكنوش يعرفوا ان فى فرقه من الانجليز طلعوا الجبل قبليهم وقتلوا الباقى من رجاله الجبل ، وحسب تعليمات جورج قبل كده طلب منهم محدش يقتل ملحمه بنت حكم لانه محتجها .
بمجرد ما وصل ماهر وباقى الرجاله اللى معاه للمغارات اللى عيشين فيها لقوا نفسهم وقعين فى كمين نصبه الجيش الانجليزى ، تعرض ماهر واللى معاه لحرب شديده ووقع منهم رجاله كتير ولما اتأكد ماهر ان وجوده مع الرجاله هيأدى لموتهم كلهم سعتها هرب هو وباقى الرجاله وانتشروا فى طرق مختلفه .
بعد هروب بصعوبه وصل ماهر ومعاه عدد قليل من الرجاله لمغارات جديده فى الجبل يصعب الوصل اليها بسهوله وهناك قرر ماهر الاستقرار لغايه لما يعرف ايه اللى حصل مع حكم وباقى الرجاله .
بعد فتره وصل خبر ل ماهر بالكمين اللى حصل مع حكم وجتله معلومه ان محدش نجا من كمين المعسكر وان الجميع ماتوا ، وكانت صدمه كبيره للجميع وخساره حكم نفسه لا تعوض .
ماهر نشر رجالته فى الجبل يجمعوا باقى الرجاله الهربنين ويعرفوهم مقرهم الجديد ، اجتمع عدد منهم وسعتها اقسم الجميع على الانتقام لموت اصدقائهم وكبيرهم حكم وينتقموا من الخائن اللى خنهم وخان حكم .
اذكر الله وصلى على الحبيب .
اذا عجبك الجزء ادعيلى وجزاكم الله عنى خيرا .
الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ملحمة بنت الصعيد)
