رواية ملحمة بنت الصعيد الفصل الثاني 2 بقلم ياسر عودة

رواية ملحمة بنت الصعيد الجزء الثاني

رواية ملحمة بنت الصعيد البارت الثاني

رواية ملحمة بنت الصعيد الحلقة الثانية

توقفنا فى الجزء السابق لما فاق حكم وقرر انه لازم ينتقم وياخد بالتار من اللى قتل اخوه جمال .
اولا اذكر الله وصلى على الحبيب المصطفى وادعوا لاخوانكم بفلسطين والسودان وكل بلاد المسلمين.
مر اسبوع من يوم ما فاق حكم من الغيبوبه ، طول الاسبوع كان بيستريح وبيفكر هيبداء منين فى البحث عن هنرى ، هو مكنش يعرف حاجه عنه غير انه ضابط فى الجيش البريطانى .
بعد تفكير قرر حكم انه يرجع لاى مسؤل فى المسابقه اللى شاف فيها حكم ، طبعا هو دور على حد مصرى واتواصل معاه وبشكل ودى طلب منه تفاصيل عن الضابط هنرى ، طبعا المسؤل المصرى طلب يعرف السبب ، وسعتها حكم اقنعه انه عوزه علشان يتوسطله فى الشغل مع اى معسكر انجليزى .
فعلا حكم عرف المعسكر الانجليزى اللى فيه هنرى وكان تانى خطوه انه يراقب المعسكر من بعيد علشان يعرف خط سير هنرى .
الموضوع مكنش سهل ، ومخلصش بين يوم وليله ، هو استغرق تقريبا شهر كامل كان حكم بيراقب المعسكر معظم الوقت تقريبا ، وقدر يعرف اوقات خروج هنرى واللى كان ديما معاه حراسه وكانوا عباره عن الاتنين العساكر اللى كانو معاه فى الحادثه بتاعت موت جمال وسعتها حكم كان لازم ياخد بالتار من هنرى والاتنين حراس بتوعه .
حكم حدد اليوم اللى هنتقم منه وكمان حدد المكان والساعه ، كانت خطه كامل ماينفعش فيها الخطأ .
حكم عمل كمين فى مكان بتمر فيه عربيه هنرى وكان متربص فى مكانخفى محضر بندقيته ومستعد لصيد الفريسه بتعته .
اخيرا بعد طول انتظار ظهر هنرى فى العربيه ، كان فى الكرسى الخلفى ، والاتنين العساكر واحد منهم سائق للسياره والاخر بالكرسى اللى جنبه .
صوب حكم بندقيته نحيه سائق السياره ، وفعلا فى اللحظه المناسبه ضغط حكم على الزناد وخرجت الرصاصه اللى كان مكتوب عليها اسم صاحبها ، واصابت الرصاصه رأس العسكرى سائق السياره ، وسعتها السيطره على السياره فقدت ، العسكرى التانى اللى فى كرسى جنب السائق لم يستطيع السيطره على السياره بعد موت السائق لتنقلب السياره ويصاب هنرى والعسكرى الاخر .
فى الوقت ده اتحرك حكم من مكانه بسرعه وراح للسياره المقلوبه واول لما وصل ليها ضرب العسكرى الاخر رصاصه فقتله على الفور ولم يبقى سوى هنرى فقط اللى كان بيحاول يخرج من السياره بصعوبه بسبب اصابته .
جلس حكم على الارض بجوار هنرى المصاب فى رجليه ورأسه وقاله : فكرنى يا هنرى ؟ ولا نستنى ؟
انا حكم اللى قتلت اخوه قدام عينه ، مظنش انك لحقت تنسانى .
هنرى : هتدفع تمن اللى عملته انت وكل اهلك ، انت مش عارف انا مين ومن اى دوله .
ابتسم حكم وقاله :طبعا عارف ، وعلشان عارف قمتك كويس شوف انا محضرلك ايه .
ورفع حكم جركن كان معاه وقاله : ده اسمه جاز ، ومش جاز نضيف لاء ده جاز وسخ مايتخيرش عنك .
مسك حكم جركن الجاز ، وكب منه على رجلين هنرى ، رجليه بس مش كل جسمه ، وراح مولع حكم فيه .
هو مكنش عوزه يموت بسهوله ، عوزه يتعذب اكبر قدر ممكن ، وفعلا صرخ هنرى باعلى صوت عنده علشانحد يلحقه، وطلب من حكم انه يرحمه ويلحقه بس حكم كان مش شايف قدامه غير اخوه جمال الطفل اللى ضربه هنرى بالنار قدام عيونه وهو عاجز عن الحركه .
اذكر الله وصلى على الحبيب .
عشر دقائق مروا على هنرى كانها عشر سنين والنار مسكه فى جسمه وهو مش قادر حتى يجرى او يتحرك كل اللى بيعمله انه بيصرخ من الوجع مش اكتر ، لغايه لما مات هنرى باسوء طريقه ممكن يموت بيها حد وهو محروق بالنار .
حكم خد السلاح بتاع العساكر وسلاح هنرى وهرب من المكان ، هو كان عارف ان الجيش البريطانى مش هيسكت على موت هنرى والعساكر ، خصوصا ان الموضوع موضوع هيبه وكرامه الدوله البريطانيه نفسها ، وكان متأكد انهم هيوصلوله وان الموضوع موضوع وقت مش أكتر .
لما رجع حكم لبيته علشان يودع مراته قبل ما يهرب لمكان بعيد عن ايد العسكر ، بس لما وصل البيت لقى مفجأه مستنياه ، لقى مراته لسه ولده ، وجابت بنت فشلها حكم وحضنها وقال لها بصصوت واطى فى ودنها وكانها هتفهم هو هيقول ايه فقال : اليوم اللى اتولدتى فيه ابوكى خد تار عمك جمال ، انا عارف ان اللى هتشوفيه انتى وامك مش قليل بس انا عوزك تفتخرى بابوكى .
وسعتها حكم قال لمراته هدى على اسم بنته وقالها : هسميها ملحمه .
هدى باستغراب : ايه ملحمه دى يا حكم ، هو ده اسم بنت ؟انا اول مره اسمع الاسم ده ؟
حكم وهو باصص لبنته وبكل فخر : ملحمه مش مجرد بنت ، ملحمه هتبقى اسم على مسمه ، دى بنت ابوها وبكره تشوفى هي هتعمل ايه .
مشى حكم بعد ما شاف بنت ملحمه اللى كانت لسه مولوده وملحقش يشبع منها وكمان ساب مراته اللى لسه والده وخرج ومعاه السلاح اللى خده من هنرى والعساكر بتوعه .
مكنش فى مكان فى الصعيد كله يقدر حكم يلجأ اليه يحميه من بطش العساكر البريطانيه غير مكان واحد وهو الجبل لانه محميه طبيعيه ويقدر يهرب فى مغاراته وانفاقه وفعلا ده اللى حصل وطلع حكم الجبل واختار مغاره كويسه فيه واعتبارها بيته .
تفكير حكم كان مظبوط ، بعد وقت قصير عرفت التحقيقات التابعه للجيش البريطانى متسبب لعمله الاغتيال ، والامر مخدش منهم اكتر من يومين تقريبا .
توجهت قوه لمنزل حكم للقبض عليه بس طبعا ملقهوش ، وبعد معامله مراته بطريقه قاسيه قالتلهم ان حكم طلع الجبل .
هى قالت كده لان حكم كان طالب منها كده ، طالب منها لو جولها وحققوا معاها تقولهم انه طلع الجبل علشان ماتتعرضش هى لغضبهم .
خرجت قوه حوالى من عشر افراد لصعود الجبل ، كانت عباره عن ضابط وتسع عساكر ، وعلشان طرق صعود الجبل ماينفعش فيها عربيات فطلعوا الجبل على رجليهم وبدأو فى البحث عن حكم .
حكمفى الفتره ديه كان بيحاول يدرس الجبل ويحفظ طرقه ومغاراته وممراته لانه افضل سلاح ممكن يستخدمه ، وكان جاهز للقوه اللى طلعت الجبل هما اكتر منه بالعدد بس ه كان عامل حسابه كويس .
افراد الجيش البريطانى كانوا مستهترين بحكم لانه مجرد شخص واحد ومدنى وكانوا عرفين انه هيقضوا عليه بسهوله بمجرد العثور عليه مش اكتر .
من اكبر اخطأ السكر البريطانه انهم طلعوا الجبل بالنهار ، وده اعطى الفرصه ل حكم اللى بدأ يصطادهم بالبنادق زى الذباب الواحد بعد التانى .
اول واحد حكم قرر انه يصطاده ويقتله هو الضابط قائد العسكر لانه عارف انه بمجرد موته الامر هينتهى بسهوله وان العساكر هتبقى فى حاله فوضى تامه .
فعلا كان حكم فوق صخره من الصخور ومتربس للعساكر واختار اللحظه المناسبه وضغط على الزيناد علشان يقتل الضابط اللى كان مميز عن الباقى بلبسه وفعلا كانت اصابه قاتله ومات الضابط سعتها ، وحصل اللى كان حكم متوقعه العساكر دخلت فى حاله من الفوضى والخوف وقبل ما يفهموا ايه اللى حصل كان حكم مصطاد منهم اربع عساكر ، واتقلبت الايه بدل ما يصطادوه هو اصطادهم واحد ورا التانى .
مفيش عسكرى واحد من المجموعه اللى طلعت الجبل فضل عايش ، وهما اصلا موصلوش للمغاره اللى كان عايش فيها ، هو اللى نزلهم واصطادهم ومن اليوم ده انتشر اسم حكم فى ارجاء الصعيد كله ويمكن مصر المحروسه وسموه صياد الجبل ، وكتبت عنه الصحف المصريه والصحف البريطانيه اللى اعتبرته مجرم خطير فى حق الجيش البريطانى وكل الصحف البريطانيه طلبت من الجيش البريطانى استرداد حق العساكر والضابط من القاتل صائد الجبل .
اذكر الله وصلى على الحبيب .
اذا عجبك الجزء ادعيلى وجزاكم الله عنى خيرا .
الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .
ارجو عمل متابعه لصفحتى الشخصيه الجديده ( ياسر عوده) وللصفحه العامه الجديده ( روايات قلم ياسر عوده ) لاحتمال سرقه حسابى القديم لمتابعه باقى رواياتى .
لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .
لا تنسى ذكر الله.
اترككم فى رعايه الله