رواية ملحمة بنت الصعيد الفصل الثاني عشر 12 بقلم ياسر عودة
رواية ملحمة بنت الصعيد الجزء الثاني عشر
رواية ملحمة بنت الصعيد البارت الثاني عشر
![ملحمة بنت الصعيد](https://camo3blog.com/wp-content/uploads/2024/06/ملحمة-بنت-الصعيد-213x300.jpg)
رواية ملحمة بنت الصعيد الحلقة الثانية عشر
توقفنا فى الجزء السابق لما كانت ملحمه هتقتل جورج بس هو قال سعتها ان حكم ابوها لسه عايش .
الاول اذكر الله وصل على الحبيب المصطفى وادعوا لاخوانكم بفلسطين والسودان وكل بلاد المسلمين .
كلام جورج كان صدمه للموجودين ، مش مستوعبين اللى هو بيقوله ، منهم اللى لما صدق وفرح ، ومنهم اللى مقدرش يصدق فعلا وقال انها خدعه منه علشان يهرب من الموت .
اما ماهر فكان زى الغريق اللى بيتعلق بأشايه ، فرح ودموعه نزلت لما عرف ان حكم عايش ، كان مصدق كلام جورج او كان مصدق لانه نفسه حكم يكون عايش .
اما ملحمه فقلبها فرحان وطاير من الفرحه لما سمعت كلام جورج ، معقول ابوها عايش بعد كل السنين ديه ، بس من نحيه تانيه عقلها رافض الفكره نهائى ومقتنع ان جورج كداب ولازم يتعاقب اشد عقاب على استغلاله لاسم حكم .
علوان : انت كداب ، بتقول كده علشان تنقذ نفسك من الموت ؟
جورج : زى ما بيقوله عندكم المايه بتكدب الغطاس .
علوان رفع بندقيته وقال : انا هقتلك دلوقتى .
ماهر : استنا يا علوان ، اصبر لما نتحقق .
علوان : يا ريس بلاش يخدعكم بكلامه .
ماهر : ملحمه هى اللى تقرر .
ملحمه قربت من جورج اللى كان راكس على ركبته وراحت ضربه برجليها فى صدره فوقع على ضهره ، وحطت جزمتها على وشه وداست عليه وقالت : انطق ليه بتقول حكم عايش ، ليه بتجيب سيره سيدك .
جورج : انا قولت الحقيقه ،حكم عايش وانا سجنه .
ملحمه : فين مكانه ؟
جورج : فى سجن فى المعسكر .
ملحمه : ازاى فى المعسكر وانا معرفش ، انت كداب .
جورج : ده سجن تحت الارض ، ايه مسمعتيش عنه فى المعسكر .
سكتت ملحمه لانها فعلا كانت بتسمع ان فى سجن سرى تحت المعسكر مايعرفش عنه غير عدد قليل اوى من القيادات .
جورج : حياتى قصاد حياه حكم ، اختاروا برحتكم .
علوان : متصدقهوش ده كداب .
ماهر : ايه رائيك يا ملحمه ؟
ملحمه : لازم نقعد ونتكلم ، وضربت جورج على دماغه افقدته الوعى .
اجتمعت ملحمه مع ماهر وعلوان وبعض الرجال واتكلموا فى الامر وقالت ملحمه : لو فى احتمال ولو ضعيف ان حكم عايش ، يبقى لازم ننقذه .
ماهر : وهنتأكد ازاى ؟
علوان : رغم انى مش مصدقه ، بس لوفيه أمل زى ما ست الجبل قالت يبقى لازم نتقايض جورج قصاد حكم .
ماهر : وانا مع علوان ، بس ازاى نضمن انهم مش هيغدروا بينا ؟
ملحمه : حكم عايش او لاء الانجليز هيغدروا بينا فىكلا الحلتين .
ماهر : وايه العمل ؟
ملحمه : لازم ننقذ حكم ، ونخرج من المقايضه كسبانين وكمان لازم جورج يموت .
ماهر : ازاى ده يا ملحمه ؟
ملحمه : الاول خدوا من جورج الخاتم بتاعه وابعتوا واحد بيه للمعسكر واطلبوا منهم مقايضه حكم ن وعرفوهم ان المقايضه هتكون بكره مع اول شروق للشمس فى المنطقه الغربيه للجبل .
ماهر : بكره الوقت بدرى ومش هنلحق نرتب نفسنا والرجاله لسه مرتحتش من المعركه .
ملحمه : لازم نعمل كده علشان ميلحقوش يرتبوا نفسيهم ، وكمان ميلحقوش يطلبوا مساعده من القاهره .
وكمان علشان فى حاجه فى دماغى لازم تتعمل ، مفيش وقت للراحه لازم المكان اللى هيكونوا فيه يتفخخ كله بالمتفجرات ، مينفعش حد من اللى جيين للمقايضه يرجع للمعسكر بتعهم .
علوان : بس ده فى خطر على حكم ممكن يتصاب ؟
لوالشخص اللى هيجبوه مغطين وشه ورفضوا يشيلوا الغطا لغايه المقايضه يبقى مش حكم وخيفين يتكشفوا سعتها فجروهم .
ماهر : ازاى يا بنتى ؟
ملحمه : انا بنت حكم وبقولكم لو حكم هيكون سبب موت جيش الجبل يبقى يموت حكم افضل .
سكت الجميع ومحدش اتكلم زى ما يكون عرفين ان كلام ملحمه صح .
اذكر الله وصلى على الحبيب .
ملحمه : انا مش هكون معاكم فى المقايضه ، هكون بأمن المكان من بعيد ، ماينفعش اظهر معاكم ، وهيكون معايا خمسين راجل من رجاله الجبل احطياتى ، وانتم وباقى الجيش تكونوا مستعدين لاى مفجأه .
بصت ملحمه لعلوان وقالتله : جورج ماينفعش يفضل عايش باى حال يا علوان ، لو اللى معاهم حكم وده شبه مستحيل بمجرد تتقايضوه مع جورج وتأمنه معاكم فجروهم وجورج معاهم ، ولو مطلعش هو وفضلوا مخبين وشه بعد ما تفجروهم انت تكون رصاصتك فى قلب جورج فاهم يا علوان ؟
علوان : اعتبريه حصل يا ست الجبل .
بصت ملحمه ل ماهر وقالته : مش عوزه حد منهم يرجع للمعسكر ، اقتلوهم كلهم ماشى يا ريس ماهر ؟
ماهر : زى ما تشوفى يا ملحمه .
كل اللى كانوا موجودين عرفوا بخطه ملحمه بس الحقيقه ملحمه سابت جزء من الخطه محدش كان يعرفها غيرها ، كانت محتاجه يكون الجزء ده سرى للغايه علشان متقعش فى الغلطه اللى ابوها وقع فيها من سنين .
الخطه مشيت بشكل مظبوط ، تم التواصل مع الانجليز وتم الاتفاق على مكان وزمان المقايضه ، وخرجت كل قوات المعسكر الانجليزى للمقايضه وكان التعليمات عندهم قتل كل رجاله الجبل بمجرد الحصول على القائد جورج .
بدأت المقايضه ، وفعلا زى ما اتوقعت ملحمه الانجليز رفضوا انهم يشيلوا الغطاء من على رأس حكم ، وهنا ماهر ادا الاشاره واتحولت الارض اللى واقف عليها الجيش الانجليزى لجمره من النار ، انفجارات فى كل مكان ، واللى كان بيحاول يهرب منهم كان بيتم اصطياده .
اما علوان فكانت مهمته قتل جورج ، وعلشان علوان كان كاره جوج فقتله بايده من غير رصاص خنقه وموته .
اما ملحمه والرجاله اللى معاها مكنها مكنش ميدان المعركه ، كانت بتنفذ الخطه اللى ابوها حطها من سنين وفشلت انه يهاجم معسكر الانجليز ، ايوه دى كانت خطه ملحمه الرئيسيه اللى مكنش فى حد يعرفها ، ملحمه بينت للكل انها مستعده تضحى بابوها علشان تنقذ رجاله الجبل ، اما الحقيقه هى كانت رايحه تنقذه ، كانت متأكده ان لو حكم عايش هيخلوه فى المعسكر ، ووصلت ملحمه المعسكر اللى كان فاضى تقريبا ، ومبقاش فيه اللى عدد قليل جدا واسرتهم ملحمه وحطتهم قدام الاعدام مقابل ان يقوللها فين السجن السرى وفعلا بداءت باعدام بعضهم لغايه لما اعترف ليها واحد بمكان السجن .
وصلت ملحمه للسجن السرى ولما نزلت فيه وجدت كل الزنازين فارغ هالا وحده بس ، كان فيها رجل متسلسل بسلاسل من ايده ورجله ووسطه وحتى رقبته، كان شعره طويل وشعر دقنه طويله وكانت رحته وحشه جدا ، قربت منه ملحمه وهى خيفه ، كانت خيفه ميكونش ابوها ، خيفه ان الامل اللى جواها يضيع ويكون كدب .
قربت ملحمه ببطء ووقفت قدام الراجل المربوط ونايم على الارض وقالتله : حكم .
لما سمع الراجل الاسم سند ايده على الارض وحاول يقعد وكان الامر ببطء وبصعوبه ، ورفع راسه يشوف مين اللى بيتكلم وقال : مين بيسأل عليا بعد السنين دى كلها .
لما سمعت ملحمه كلام حكم انهارت ووقعت على ركبتها وصرخت وقالت : حكم انا انا انا ابقى ملحمه بنتك يا حم ، انت فكرنى .
لما سمع حكم اسم بنته انتبه لوش الشابه اللى بتكلمه ، ومد ايديه المسلسله وحطها على خدودها علشان يحاول يشوف ملمحها فى الزنزانه اللى مفهاش ضوء غير ضوء بسيطداخل من باب الزنزانه وقال : انتى ملحمه ، انتى بتقولى الحقيقه ؟ انتى بنتى ؟
صرخت ملحمه وهي بتبكى ومسكت ايد ابوها تبوسها وقالت : حبيبى ، وحشنى يا حبيبى ، وحشنى يا حبيبى .
وحكم يبكى ويقول : بنتى ، بنتى ، انا شفتك قبل ما اموت ، دى كانت امنيتى .
كان الموقف صعب يتوصف ، البكاء كان كلمهم هما الاتنين ، وسندت ملحمه ابوها علشان تخرجه من الزنزانه بعد ما فكت السلاسل اللى كانت ربطاه .
بمجردخروج ملحمه ورجالتها من المعسكر اتحول المعسكر الى كتل من النار ، فجروا المعسكر كله .
وصل حكم للجبل ، فى حاله من زهول الجميع ، ماهر اللى فضل يبكى وهو حاضن صحبه ويبوس ايده ويعتذرله على تقصيره فى حقه وانه مخرجهوش من سجنه كل السنين ديه ، وحكم يواسى صديقه بعشم ويقوله : انت لو كنت تعرف مكنتش هتسبنى .
بعد فتره قصيره استعاد حكم صحته ، واستمرت مسيره ملحمه فى حرب الانجليز اللى مقدروش يقضوا على رجاله الجبل لسنين طويله ، لغايه لما يأسوا منهم وتركوهم بعد ما خسروا الكثير فى حربهم معاهم ومع اهل الصعيد .
اذكر الله وصلى على الحبيب .
اذا عجبك الجزء ادعيلى وجزاكم الله عنى خيرا .
الى هنا يكون نهايه روايتنا ، ارجوا ان تنال اعجابكم
لقراءة الرواية كاملة اضغط على : (رواية ملحمة بنت الصعيد)