رواية ملحمة بنت الصعيد الفصل الثامن 8 بقلم ياسر عودة
رواية ملحمة بنت الصعيد الجزء الثامن
رواية ملحمة بنت الصعيد البارت الثامن
رواية ملحمة بنت الصعيد الحلقة الثامنة
ملحمه بنت الصعيد ( الجزء الثامن )
توقفنا فى الجزء السابق لما ماهر جمع الرجاله الهربانين فى الجبل ليكمل مشوار حكم .
اذكر الله وصلى على الحبيب .
لو حبينا نعرف مصير ملحمه هنلاقى ان الجنود الانجليز خدوا ملحمه وحطوها قدام جورج ، اللى وقف قدمها وحس انه واقف قدام حكم .
احد الضباط قاله : انت ناوى تعمل بيها ايه يا قائد ؟
جورج : انا عشت مع حكم وعرفت هو يقدر على ايه ، حكم ده خساره انه متولدتش فى بريطانيا ، لو كان مع الجيش البريطانى كان هيفرق كتير فى حروبنا ، ولما شفت بنته ملحمه وقد ايه هى شبه ابوها فى كل شيء سعتها استخسرتها تموت وقررت انها تبقى ضمن الجيش البريطانى ، بكره تشفوا ملحمه هى اسمها هيليق باللى هتعمله ، بس لازم نغير اسمها ونغير كل حاجه فيها لازم تبقى مواطنه بريطانيه وولائها لبريطانيا العظمه وبس .
الضابط : هتسميها ايه يا قائد ؟
جورج صمت ثوانى وقال : هالينا ومعناه البطله ، وهى هتبقى بطله الجيش البريطانى .
ملحمه كانت شايفه اللى بيحصلها بس مكنتش مستوعبه اللى هي ريحاله ، جورج كان عاوز ملحمه بموهبتها المورثه من ابوها حكم ويتم تدربها وتنميه موهبتها لتصبح جندى اسطورى فى الجيش البريطانى وتخدم بلده بريطانيا العظمه ، وعلشان كده كان ديما حريص ان ملحمه تنسى كل حاجه عن اصلها العربى المسلم وعن اهلها وبلدها اللى اتربت فيها واهم حاجه تنسى شخص اسمه حكم .
فعلا بداء تدريب وتهيئه ملحمه اللى اصبحت هالينا من اليوم ده .
نسيب هالينا بالمصير اللى منتظرها ونروح نشوف ماهر وباقى الرجاله ، بعد مرور شهور استطاع ماهر يلم شمل فلول الرجاله الهربنين ، وزى ما عرفنا قبل كده هو قدر يعمل مقر جديد وحصيل فى باطن الجبل علشان يبداء المقاومه ضد الاحتلال الانجليزى للمره التانيه .
ماهر ورجالته ابتدوا يعملوا بعض العمليات الصغيره ضد الاحتلال زى خطف بعض الجنود وقتلهم او مهاجمه ورديه من العساكر الانجليز بس لا يتعدى عددهم الخمس جنود ، كانت عمليات صغيره بالنسبه للى كان بيعمله حكم بس الامر كان مقلق لمعسكر الانجليز ، اللى حاول اكتر من مره التخلص من ماهر ورجالته بس ديما كان الجبل حمايه طبيعيه ليهم وصعب الامر على قوات الاحتلال .
مع الوقت جيش ماهر كبر وعمليات الاغتيال كترت وكمان عمليات الهجوم على عساكر الدوريات كترت لغايه لما قرر الجيش البريطانى فرض حصار على طرق الجبل بس دهم امنعش ان ماهر ورجالته كانوا بيقدروا يهربوا من الحصار ده عن طريق بعض الطرق الوعره اللى الجيش البريطانى مكنش عنده علم بيه نهائى .
استمر الوضع على هذا الحال لمده عشر سنين تقريبا ، واصبح خطر ماهر ورجالته اللى اطلق عليهم الانجليز مطاريد الجبل خطر لابد التخلص منهم باى شكل من الاشكال ، بس ده لازم يحصل عن طريق حيله .
فى الوقت ده تم استدعاء ضابط من الجيش البريطانى ، رغم انه كان ضابط شاب صغير فى السن ميتعداش ال 22 عام بس كان من اشرس ضبابط الجيش البريطانى وكان اسمه جون وليمز وهو يبقى ابن جورج وليمز اللى كنا نعرفه باسم جلال .
كان معروف عن جون حبه للدم والقتل ، كان مؤمن بان السبيل الوحيد لبقاء الامبراطوريه البريطانيه هو زرع الرعب بقلوب اعدائها بسفك الدماء والاسراف فى القتل .
سمعه جون وليمز كانت معروفه فى مصر كلها مش بس بين الجيش البريانى لاء بين صفوف المقاومه المصريه فى جميع انحاء البلاد ولما وصل خبر وصول جون الى الصعيد للقضاء على تمرد رجال الجبل بقياده ماهر كان بمثابه هزيمه لماهر ورجالته اللى فقدوا الثقه بانفسهم وبنصرهم امام السفاح جون وليمز ، دا مش مجرد كلام فعلا جون كان ملقب بالسفاح وان عدد قتلاه من المصرين يعد بالمائات .
جون كان ضابط مثالى بس كان عنده عيب واحد بس انه متكبر ومغرور ، ومعروف ان للبريطانين جواسيس فى كل مكان وكان ليهم جاسوس بين جيش ماهر .
فى يوم كان جون قاعد فى المعسكر بيدرس منطقه الجبل وبيحاول يلاقى خطه هجوميه علشان يتخلص فيها من ماهر ورجالته ، فى الوقت ده دخلت عليه فى مكتبه ضابطه فى الجيش البريطانى ، كانت من ضمن قوات الانجليز اللى بتحارب فى السودان ، وتم استدعائها من قبل قائد قوات الجيوش البريطانيه فى مصر اللى هو كان وقتها جورج وليمز وتم ارسالها لمساعده جون وليمز للقضاء على تمرد رجال الجبل كانت الضابطه هى هالينا .
اذكر الله وصلى على الحبيب .
عرفت هالينا عن نفسها للضابط جون واظهرت خطاب تكلفها بمساعدته ، وجون قابل الامر بتعالى كالعاده واظهر استياءه لارسال ضابطه لمساعدته ، بس دى كانت الاوامر .
فى الوقت ده حضر الجسوس اللى بين رجاله ماهر ، ولما دخل المكتب جون طلب منه يقوله اخر الاخبار ، كان واحد من رجاله ماهر وعنده علامه مميزه كان عنده واحد من ودانه مقطوعه .
اتكلم الجاسوس وقال : عندى خبر مهم اوى يا قائد ، ماهر ومعاه اتنين من اخص رجالته رايحين بكره يقابله واحد من اغنياء قريه عرب الاطاوله علشان يوردلهم الاكل اللى يخليهم ميقلقوش من اى حصار تانى عليهم .
جون : وليه رايح باتنين بس من رجالته ؟
الجاسوس : علشان السريه ، دا معظم الناس مايعرفوش ، انا سمعت ماهر بيتكلم مع اتنين من رجالته اللى هيروحوا معاه .
جون : صيده كويسه اوى ، هيروحوا من اى طريق ؟
الجاسوس : الطريق الغربى .
جون : تمام وامتى هيتحركوا ؟
الجاسوس : قبل الفجر .
جون : تمام روح انت .
مشى الجاسوس وبص جون ل هالينا وقالها : شكلك هترجعى بدرى من مكان ما جيتى ، حضرى نفسك هتكونى معايا وتشوفى ازاى هجيب البهيمه اللى اسمه ماهر .
جون علشان متكبر مغرور كانواثق من انه يقدر على ماهر واللى معاه لوحده ، هو فعلا يقدر عليهم لوحده بس ديما راجل الحرب بيعمل حساب الظروف ، اما جون خد معاه اربعه من جنوده المخلصين ، وهو ومعاهم هالينا اللى طلب منها عدم التدخل نهائى ومشاهده ما يحدث فقط ، وطبعا هو قالها كده من نوع التكبر عليها وعدم الاعتراف بقدرتها ومهارتها .
جون واللى معاه اتوجهوا فى الطريق الغربى من وقت قبل مرور ماهر واللى معاه علشان يقدروا ينصبوا الكمين المناسب ، وفعلا كانت الخطه ان بمجرد ظهور ماهر والاتنين رجاله سعتها يظهرلهم جون من قدامهم وباقى رجالته الاربعه يحوطوهم من الخلف وللعلم جون مدى ليهم التعليمات بعدم التدخل هو كفيل بيهم لوحده وهو طلبهم معاه علشان لو حاول ماهر واللى معاه الهرب سعتها يقدروا يمسكوهم .
جون مكنش مجرد مغرور ومتكبر ، هو فعلا امكانياته القتاليه كانت عاليه جدا ، وهو خد عدد قليل فقط علشان محدش يكشف خطته ويوصل المعلومات ل ماهر عن طريق جواسيس ، هو كان بيعرف يخطط بشكل جيد .
اتنصب الكمين وكل فرد كان واقف فى المكان المحدد ليه ، وفعلا بعد مرور بعض الوقت ظهر ثلاثه رجاله راكبين الاحصنه ولما اقتربوا اتأكد جون من انه ماهر كان بينهم وعرفه من مواصفات الجسوس اللى معرفهاله كويس اوى .
لما وصل ماهر للمكان المحدد اتفاجيء بظهور جون قدامه واللى كان عارف موصفاته بالفعل وكانت صدمه كبيره ولما فكروا فى الهرب لقوا وراهم جنود ومحوطنهم وسعتها عرف ماهر انه ميت لا محاله .
اذكر الله وصلى على الحبيب .
اذا عجبك الجزء ادعيلى وجزاكم الله عنى خيرا .
الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .
ارجو عمل متابعه لصفحتى الشخصيه الجديده ( ياسر عوده) وللصفحه العامه الجديده ( روايات بقلم ياسر عوده ) لاحتمال سرقه حسابى القديم لمتابعه باقى رواياتى .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ملحمة بنت الصعيد)
