رواية ملحمة بنت الصعيد الفصل الأول 1 بقلم ياسر عودة

رواية ملحمة بنت الصعيد الجزء الأول

رواية ملحمة بنت الصعيد البارت الأول

رواية ملحمة بنت الصعيد الحلقة الأولى

اولا اذكر الله وصلى على الحبيب المصطفى وادعوا لاخوانكم بفلسطين والسودان وكل بلاد المسلمين.
مع دخول القرن العشرين على مصر كانت منهكه بالاحتلال البريطانى لها ، ولقد عانا الشعب المصرى من افعال الجنود البريطانين التى كانت ظلم واستبداد واستعباد ، فلا يوجد استعمار يحسن من حاله البلد المستعمره ، وبين صفاحات التاريخ هناك الكثير من صور المقاومه للمصرين ضد هذا الاحتلال ومن ضمنهم قصه الفتاه ملحمه بنت الصعيد .
بدايه قصتنا فى مسابقه تتم سانويا فى احدى مراكز الصعيد وكانت هذه المسابقه عباره عن احسن قناص وكانت المسابقه برعايه البريطانين ومشترك فيها اشخاص من جنسيات مختلفه وكان مسموح باشتراك المصريين من باب منح الفرص وللشكل العام للبريطانين لظهروا بشكل كويس امام الاخرين .
الحقيقه المصرين اللى كانوا بيشتركوا كانو مجرد شكليات ، مفيش حد فيهم بيتدرب ، وكانوا بيستخدموا بنادق قديمه .
الحقيقه كانوا المصرين محط سخريه جميع الجنسيات الاخر لسوء قدرته على المنافسه .
بس المسابقه المرادى كانت مختلفه ، شاب مصرى من عيله متوسطه كان موهوب بالقنص موهبه تفوق كل اللى كانوا موجودين ، واشترك بالمسابقه وكان سبب انبهار الجميع وكان اسمه حكم .
كان شاب صعيدى من احدى قرى الصعيد الجوانيه ، متزوج من فتره قريبه ومراته كانت حامل ، وكان موهب فى امرين القنص بالبندقيه والتحطيب بالعصا ، ومكنش فى حد يقدر يتفوق عليه فى الاتنين دوول .
حكم فى كل جوله اتفوق على كل الموجودين فى المسابقه وكانت النهايه بين اتنين حكم المصرى و هنرى الضابط البريطانى .
كان الهدف عباره عن دائر محيطها 20 سنتى فقط على بعد 100 متر وكان الموضوع صعب ولما بداء هنرى لم يصب نصف الدائره اما حكم فكانت المفاجئه انه اصابها باحكام وكانت صادمه للجميع .
خد حكم المركز الاول وحصل على الكأس وهنرى المركز التانى اللى خده هنرى اللى رفضه وانسحب من المكان وقلبه وعيونه كلها شر .
مكنش حاضر مع حكم من اهله غير شخص واحد ، هو مش شخص هو يعتبر طفل يبقى اخوه جمال اللى كان عمره سعتها 13 سنه بس .
بعد ماتسليم الجوائز خلص خد حكم اخوه جمال ومشيوا علشان يلحقوا القطار اللى هيوصلهم لقريتهم .
الاتنين كانوا متاخرين علشان كده مشيو بين الغيطان علشان يوصلوا للمحطه بس مكنش يعرف حكم ان فى حد متربصله .
هنرى اللى مقبلش ان واحد صعيدى جاهل من البلد اللى هما مستعمرنها اتغلب عليه وخد المركز الاول ، الموضوع بالنسباله كانت كرامه ، علشان كده قرر انه ينتقم من حكم ، وكان معاه اتنين من العسكر وهما على احصنتهم قطعوا الطريق على حكم واخوه جمال .
حكم وقف اول لما لقى قدامه هنرى ، كان حاسس ان الموضوع مش هيعدى على خير ، وقف هنرى وهو على حصانه وقال : انت يا صعيدى تتجراء على اسيادك ؟
حكم : ربى خلقنى حر مليش اسياد .
جمال قرب من اخوه وقاله بصوت واطى : انا خايف يا حكم ، انا عاوز امشى .
حكم بصوت واطى متخفش يا جمال محدش يقدر يلمسك طول ما انا جنبك ، انت متعرفش اخوك ولا ايه .
الاتنين عساكر نزلوا من على الاحصنه ووقفوا ورا حكم واخوه ، اما هنرى نزل من على حصانه ووقف قدامه وقاله : اللى زيك لازم يبقى عبره لكل واحد يفتكر انه ند لضابط من الجيش البريطانى العظيم .
حكم : ارمى سلاحك وانا هعرفك مين العظيم فعلا ، انت مستخبى ورا سلاحك .
سعتها هنرى طلع مسدسه الخاص من جرابه وسكه فى ايده ومده باتجاه حكم وبعدين ساب السلاح يقع على الارض ، وفى اللحظه ديه وحكم منتبه لتحركات هنرى مخدش باله ان الغدر هيجى من ضهره لما واحد من العساكر ضرب حكم على راسه بضهر البندقيه وسعتها حكم وقع على ركبه وهو غير متزن والدم بينزف منه .
وحتى العسكرى التانى ضربه هو كمان على وجهه بالبندقيه فنزفت جبهته .
جمال صرخ على اخوه وحكم وهو غير متزن مسك اخوه وحضنه سعتها هنرى فكر فى فكره افضل من قتل حكم .
هنرى مسك جمال من ايده وبعده عن اخوه وزقه على الارض وبعدين قال ل جمال : انت عوزك تجرى باسرع ما يمكن ، هسيبك لغايه لما اعد ل عشره ، لو هربت منى هسيبك تعيش ، وبعد العد هضرب رصاصه وحده لو صابت هتموت ولو مجتش هسيبك تعيش .
اذكر الله وصلى على الحبيب .
وبص هنرى ل حكم وقاله : صيد الاطفال اجمل بكتير من قنص الاهداف الثابته يا حكم ، وهثبتلك انى افضل منك .
وزعق هنرى فى جمال اللى خاف وفعلا وقف وابتدا يجرى وهنرى بيعد من واحد لغايه عشره .
طلب هنى من احد العساكر البندقيه ، وطلع فوق الحصان ووجه البندقيه نحيه جمال اللى بيحاول يهرب ، طفل بيحاول يهرب من الموت موقف محدش يتمنى انه يشوفه .
حكم مكنش قادر يتكلم لانه كان ما بين الاغماء والوعى ، كل اللى قدر يعمله انه يرفع ايده اليمين اتجاه اخوه زى ما يكون نفسه يلحقه ، والدم وغرق وشه ، وشايف صوره مش واضحه .
اما هنرى فصوب نحيه جمال رصاصه واحده بالفعل وكانت رصاصه قاتله نفذت من ضهره الى صدره ووقع الطفل جمال على الارض غرقان فى دمه ووشه فى التراب .
اغمى على حكم فى الوقت ده ، وهنرى مرديش يقتله كان عارف ان موت اخوه الصغير بالشكل ده اصعب بكتير من انه يقتله .
مش عرفين حكم فضل قد ايه مغمى عليه ، بس لما قام راح لقى اخوه بمكانه صرخ عليه ينادى بس طبعا جمال كان مات .
بعد كام دقيقه شال حكم اخوه جمال على ايده ومشى بيه ، كان بين المركز وقريه حكم حوالى ثلاثه محطات قطار ومركبش حكم القطار ومشى المسافه كلها وهو شايل اخوه على ايده لغايه لما وصل القريه بتعته واول لما وصل وقع حكم مغمى عليه مره تانيه بس المرادى مكنش كام ساعه كان حوالى يومين كملين .
فاق حكم بعد كده لقى نفسه فى بيته وواقفه قدامه مراته اللى كانت حامل وخوفها على جوزها كان هيسبب لها سقوط فى الحمل .
هدى : حمدالله بالسلام .
حكم مكنش مركز ، مكنش فاكر اللى كان فيه حلم ولا حقيقه علشان كده قال : جمال فين ؟ اخويا جمال فين ؟
هدى ودموعها فى عنيها : الله يرحمه ، ميتعزش على اللى خلقه .
سعتها اتاكد حكم انه مش حلم وان اللى حصل كان واقع وسأل هدى وقالها : جثه اخويا فين ؟
هدى : دفنها يا خويا .
حكم بغضب : دفتم اخويا وانا مش معاكم ؟
هدى : اكرام الميت دفنه يا خويا ، انت نايم بقالك يومين ، هنسيبه يومين ازاى بس .
سكت حكم ومردش لانه عارف ان كلام مراته صح .
هدى : فى ناس بره كتير عوزه تطمأن عليك كلهم اهلنا عمامك واخوالك وكبارات البلد .
حكم : خليهم يدخلوا .
خرجت هدى ودخلت مجموعه معظمهم كبار فى السن وطبعا كلامهم كله تعذيه لحكم فى موت اخوه جمال سعتها حكم قال : انا مابقبلش العزاء فى اخويا ، احنا صعايده ولو اتقتل واحد من اهلينا مابنقبلش العزاء الا لما ناخد بالتار ، ولا نسيتوا عوايدنا ؟
فرد واحد منهم وقال : ومين اللى قتله يا حكم ؟
حكم : ضابط انجليزى اسمه هنرى .
وسعتها اتكلم واحد تانى وقاله :وهتاخد التار ازاى منه يا حكم ، دا ضابط انجليزى ، عارف يعنى ايه ضابط انجليزى ، يعنى سلاح وعساكر .
سعتها حكم اتعدل فى نومته واتحامل على نفسه وقام وقف على رجليه وقال : والله لو اللى قتل اخويا كان العتمد البريطانى نفسه ، مش هسيب تار اخويا ابدا ، ولو هقف قدام الجيش البريطانى كله ، اما اخد بالتار او اموت وانا بحاول .
فرد عليه نفس الشخص : يبقى هتموت يا ابنى ؟
حكم : يا نفس إلا تقتلي تموتي ، هذا حمام الموت قد صليت ، وما تمنيت فقد أعطيت .
كل اللى موجدين فهموا سعتها ان محدش فيهم هيقدر يرجع حكم عن قراره ، وان الامر قد انتهى .
اذكر الله وصلى على الحبيب .
اذا عجبك الجزء ادعيلى وجزاكم الله عنى خيرا .
الى هنا يكون نهايه حديثنا اليوم ولكن لم تنتهى روايتنا بعد ، ارجوا ان تنال اعجابكم ويسعدنا مشاهده تفاعلكم وتعليقاتكم .
لو اى حد حابب ينشر الروايه بصفحته او باى جروب يتفضل ، بس فضلا انسبهالى لانها مجهودى .
لا تنسى ذكر الله.
اترككم فى رعايه الله