رواية ملحد سرق قلبي الفصل السادس عشر 16 بقلم لؤلؤة محمد
رواية ملحد سرق قلبي الجزء السادس عشر
رواية ملحد سرق قلبي البارت السادس عشر
رواية ملحد سرق قلبي الحلقة السادسة عشر
الشخص / انت بتعاكس بنتي يالا انت
الشباب بصوله بصدمه وفجأه ضحكوا وحضنوه
رسلان/ حمدالله على سلامتك ياعمي
جمال / الله يسلمك يا رسلان
خالد / نورت مصر والله يا عمي ده حتى سايبين البيت والكهربه كانت قاطعه فيه
جمال وهو بيضربه على قفاه / عشان نوري غطى على الكهربه ياض
محمد / عمي انت متأكد انك جاي من أمريكا والا انت كنت في شوبرا وبتضحك علينا
جمال / ليك عين تتكلم يالا بعد ما عاكست بنتي
محمد / هي الملاك دي بنتك
جمال / أله ماتتظبط يالا أحسن أقول لمراتك
محمد / مراتي ايه بس ياعمي ما احنا خلاص هنتطلق
عمران / ايه ده ايه ده مين ده اللي هيطلق مين اوعى يابوب تكون انت لأ مش معقول إلحقي يا ماما إلحقي يا حاجه بابا بيقول هيطلقك ويتجوز نعمات الحب القديم
رحمه بغضب / انت قولت كده فعلاً يا جمال
جمال واقف باصص لابنه بصدمه ومش عارف يتكلم
رسلان / طب نستأذن احنا دلوقتي أحسن شكلها قلبت تنين
عمران بهمس لرسلان / هي هتطلع نار من ودانها والا ايه
خالد / الجري نص الجدعنه ولسه هيجري عمه مسكه من قفاه
/ ايه بس يا معلم أنا قولت أسيبكم تتصافوا ولعل الحل وسط
جمال / انت بتقول ايه
خالد بشبه دموع / مش عارف بس انا خايف
رحمه / ليه يا ابن حنان هو انا بخوف
خالد بتسرع / اه لقاها بتبرقله وبتقرب عليه / لأ لأ عليا النعمه لأ
كلهم ضحكوا
رائد بضحك / شكلك خفيف أوي يا خالد
خالد وهو بينضف تراب وهمي من على كتفه بغرور / دمي خفيف جدا والله يا رورو
رائد / رورو ايه يالا ماتتعدل بدل ما اعدلك
خالد / ماخلاص ياعم انتوا بتتحولوا والا ايه
محمد مكنش مركز معاهم خالص كان كل تركيزه على فاطمه أو الملاك زي ماهو سماها هما كلموهم فيديو كول عشان يعرفوا أشكال بعض ويتعرفوا على بعض لكن فاطمه مكنتش بتظهر في ولا كول منهم
خالد / يلا يا جماعه أحسن واقع من الجووووووع
عمران / وأنا كمان والله يالااااااااا
وطلع يجري خالد وعمران على بره
رسلان / حلو أوي كده المجانين اتجمعوا
خرجوا ركبوا العربيه وراحوا البيت والكل رحب بيهم وكلهم قعدوا ياكلوا وسط ضحك وهزار
حنان / اتفضل يا حاج تليفونك بيرن
عبدالهادي/ السلام عليكم
…………….
عبدالهادي/ ازيك يابنتي عامله ايه مال صوتك
……………
عبدالهادي/ ازاي ده يحصل يعني هو فاكر انك ملكيش أهل والا ايه تعالي عندي يابنتي انتي زيك زي عيالي ده انتي بنت الغالي ووصيته
…………….
عبدالهادي/ تنوري يابنتي انتي في بيت أهلك القديم صح ؟
………
عبدالهادي/ هبعتلك حد ياخدك بعد المغرب بإذن الله في رعاية الله يابنتي مع السلامه
حنان / مين دي يا حاج
عبدالهادي/ دي نوال بنت بدر ابن عمي السيد الله يرحمهم جميعاً مش عارف ازاي راحت عن بالي السنين دي كلها مسألتش عليها ده كان أبوها موصيني عليها قبل ما يموت
جمال / وايه اللي حصل معاها
عبدالهادي/ جوزها طلع معفن وكل يوم ضرب وإهانة لحد ماهي طلبت الطلاق واتطلقت ومش عارفه تقعد في بيتها عشان بيضايقها كل شويه قولت أجيبها تقعد معانا بدل ماتقعد لواحدها
جمال / يازين ماعملت يا أخويا ده مهما كان بنت أخونا برضه ومن لحمنا ودمنا
كلهم كانوا بيتكلموا محدش انتبه للي انتبه للحوار بكل جوارحه لمجرد أنه سمع اسمها واللي ركزت مع ملامحه وريأكشن وشه بعد ماعرفت باباها كان بيكلم مين لأ وكمان هتيجي تقعد معاهم ولاحظت قد ايه هو انتبه للكلام والفرحه اللي بانت على وشه لما عرف انها اتطلقت والضيق اللي ظهر لما باباها ذكر ضرب جوزها ليها واللي اتحولت لفرحه كبيره نورت وشه لما عرف انها هتقعد معاهم وقد ايه قلبها وجعها وفكرت في نفسها هي نوال دي أحسن مني في ايه عشان يحبها هي ؟
عبدالهادي/ حد من الشباب يروح يجيب بنت عمكم من بيت العيله القديم
رسلان بسرعه / أنا هروح أجيبها ياعمي
عبدالهادي/ ماشي يابني
رسلان قام والكل بصله باستغراب
صابر / رايح فين يابني
رسلان / هروح أجيب بنت عمي
جمال / بس عمك قال بعد المغرب واحنا الضهر لسه
رسلان / ما انا بس كان عندي مشوار هعمله وبعدين هبقى أروح أجيبها عن اذنكم وخرج قبل مايسمع ردهم وملاك خرجت وراه على طول
ملاك / ايه مش قادر تستنى للمغرب
رسلان بصلها وللحظه افتكر أنها مراته وازاي الفرحه برجوع نوال نسته جوازه / مش الحكايه يا ملاك أنا بس عندي مشوار
ملاك بسخريه / مشوار اه …. والفرحه اللي مرسومه على وشك دي عشان المشوار برضه
رسلان / انتي تكرهيلي الفرحه
ملاك / لأ بس لما تكون الفرحه عشان الحب القديم تبقى غير
رسلان بتنهيده / انتي عاوزه ايه دلوقتي يا ملاك
ملاك ببرود / عاوزاك تطلقني
رسلان بصلها واستغرب أنه فرحان جدا / انتي بتقولي ايه يا ملاك ايه السبب لده كله
ملاك / من غير سبب بس طلقني
رسلان / ملاك عمي تعبان ومش هيستحمل كفايه عليه حور ومحمد عن اذنك
ملاك / لأ عن اذني ايه بس ومسكت ايده وشدته وراها دخلت جوا قدامهم كلهم ووقفت قدام رسلان
ملاك / طلقني يا رسلان
رسلان / اعقلي يا ملاك واعرفي انتي بتعملي ايه
عبدالهادي/ ايه اللي بيحصل ده عاوزه تطلقي ليه يا ملاك
ملاك / مش مرتاحه معاه حاسه إن لما بيكون موجوده في مكان أنا موجوده فيه المكان بيضيق عليا وبيخنقني
الكل بصلها بصدمه من كلامها والتجريح اللي هي بتجرحه لرسلان
ملاك وهي مش عارفه بتقول ايه من زعلها ووجع قلبها / أنا مبحبوش مبطيقهوش طلقني يا رسلان لو راجل وعندك ذرة كرامه طلقني
رسلان / انتي طالق يا ملاك وخرج وراح وراها الشباب كلها
عبدالهادي راح عند ملاك وضربها بالقلم / أنا مربتكيش على قلة الأدب يا ملاك
ملاك بانهيار / يا بابا انت ترضالي أتجوز واحد بيحب واحده تانيه يكون موجود معايا لكن قلبه وعقله وروحه وكيانه كله معاها هي يرضيك تجوزني جسم من غير روح ودخلت على أوضتها جري والبنات دخلوا وراها يواسوها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ملحد سرق قلبي)
