رواية ملحد سرق قلبي الفصل الثامن والعشرون 28 بقلم لؤلؤة محمد
رواية ملحد سرق قلبي الجزء الثامن والعشرون
رواية ملحد سرق قلبي البارت الثامن والعشرون
رواية ملحد سرق قلبي الحلقة الثامنة والعشرون
وقعت قمر وحور من على السلم وجريوا عليهم البنات بسرعه وقوموهم بس المفاجأه إن قمر ايدها اللي كانت ماسكه بيها نوال اتلوت تحتها ووارمه ورجليها الشمال وارمه أما نوال فكانت رجليها اليمين وارمه
ملاك / بنات الورم السريع ده كسر أكيد لازم تروحوا المستشفى حالا
حور / هرن على خالد ورسلان يجوا نروح المستشفى
عشق / تعالوا بس اقعدوا على أما يجوا
حور رنت على خالد ورسلان وجم أخدوا البنات وراحوا المستشفى وطلع كسر فعلاً في ايد قمر ورجليها ورجل نوال وبعد التجبير روحوا
عبدالهادي/ عاملين ايه يا بنات دلوقتي
قمر ونوال / الحمدلله ياعمي
عبدالهادي/ الجبس هيتفك امتى يا خالد
خالد / بعد 15 يوم بإذن الله يابابا
عبدالهادي/ نأجل فرحكم والا في ميعاده يا بنات
رسلان وخالد بسرعه مفيش داعي للتأجيل ده ممكن يفكوا الجبس كمان 10 أيام
عبدالهادي/ ايه رأيكم يا بنات
نوال / مفيش داعي للتأجيل ياعمي وزي ما خالد قال بعد 10 أيام ممكن نفك الجبس عادي ولو على كتب الكتاب حد يجيب الدفتر وهنمضي هنا وخلاص مش مستاهله يعني
حنان / طب والفساتين
رسلان / أنا هجيبلها الفستان وبص لنوال / واثقه في زوقي
نوال بكسوف هزت راسها بمعنى اه رسلان / يبقى هحجزلها أنا الفستان على زوقي
خالد حب رومانسية رسلان وقال يقلده بص لقمر / واثقه في زوقي
قمر بتكبر مصطنع / بما إنك اختارتني من بين كل البنات يبقى أكيد زوقك حلو 😌
الكل ضحك على قمر أما خالد حس باليأس من الرومانسية مع البنت دي
اليوم خلص والكل راح ينام بعد ما اتفقوا إن حور وملاك وخالد ورسلان هيروحوا يحجزوا الفساتين ويجيبوا كل حاجه محتاجينها وكمان يعرفوا الكوافير إن البنات هتروحلهم البيت نظراً لحالة قمر ونوال وكمان عشق وفاطمه قالوا هيروحوا معاهم يساعدوهم والشباب مش فاضيين بيتابعوا العمال وعبد الهادي قالهم يطلعوا العربيه البيچو 7 راكب يروحوا بيها وناموا وسط فرحه من الكل وأحلام بتترسم عشان تتحقق
الشمس طلعت والكل صحي بحماس الساعه 10 كانت البنات كلهم جهزوا عشان يمشوا وكلهم خرجوا ركبوا في العربيه
فاطمه / معلش يا جماعه نسيت موبايلي هروح أجيبه بسرعه وجايه راحت تجيب فونها وهي نازله على السلم اتقابلت في محمد بصتله وكانت ماشيه
محمد / فاطمه لو سمحتي ثواني
فاطمه / معلش متأخره
محمد / مش هأخرك والله فاطمه أنا عارف إني غلطت لما ضربت حور بس انا كان غضبي وكرهي ليها كان عامي على عيوني فاطمه أنا بحبك لأ بعشقك يعلم ربنا إني بعشقك فاطمه والله والله والله هموت لو بعدتي عني مستعد أعملك أي حاجه وكل حاجه ممكن تطلبيها بس وحيات أغلى حاجه عندك بلاش ترفضيني
فاطمه شافت في عيونه ندم وحب / اوعدني انك عمرك ماهتضربني
محمد بلهفة / أوعدك وربنا شاهد مابينا إني عمري ماهمد ايدي عليكي
فاطمه بكسوف / موافقه
محمد بفرحه كبيره / قولتي ايه بجد والله مش مصدق نفسي
فاطمه / بس مش تتكلم مع حد غير لما أجي
محمد / من عيوني يا قلبي
فاطمه / بعد اذنك بقى عشان اتأخرت عليهم وجريت بسرعه
وقف محمد مكانه وحط ايده على قلبه / ياااااااه أحمدك يارب وأشكر فضلك برغم معصيتي ليك إلا إنك رزقتني بالفرحه الحمدلله الحمدلله ومشي وهو بيردد الحمد
راحت فاطمه العربيه وركبت معاهم وطول الطريق بيتكلموا ويضحكوا وخالد اللي كان بيسوق
خالد وهو بيبص ورا لحور ومكنش واخد باله من الطريق / والله ياحور عبدالله ده خساره في أهلك يابت
وفجأه كله صرخ بكلمة واحده ( حاااااااااسسسسسسببببببب)
انقطعت الأصوات وبقت الأصوات المسموعه سارينات عربيات الإسعاف وأصوات الناس ( لا حول ولا قوه الا بالله)
( لا اله الا الله ده لسه شباب )
___________________________
كانوا كلهم قاعدين في البيت
صابر / بس ايه رأيك يا عبدالله تبنيلك شقه فوق معانا ونبقى كلنا عيله يابني
عبدالله بابتسامه/ ياعمي البيت مش بعيد ده الحيطه في الحيطه أهو ووقت ماتعوز حور مش هتتأخر عنك
جمال / سيبهم على راحتهم يا صابر وبعدين انت زعلان ليه ماهو بيته أهو صحيح
تليفون عبدالله رن وهو بص فيه وابتسم لما لقى اسم حور مزين الشاشه ورد
عبدالله/ السلام عليكم ورحمة الله وبركاته
رد عليه واحد / وعليكم السلام ورحمه الله وبركاته
عبدالله استغرب وقلبه اتقبض / مين معايا
هو / حضرتك أنا موظف استقبال مستشفى ……. رنيت على حضرتك أبلغك إن صاحبة الخط دي عملت حادثه هي واللي معاها
عبدالله بصدمه / انت بتقول ايه حادثة ايه
الكل اتجمع على صراخه عبدالهادي وهو بيحاول يهدى / فيه ايه يابني حادثة ايه
عبدالله/ العربيه بتاعة البنات عملت حادثه ولازم نروح المستشفى دلوقتي
جري محمد ورائد وعمران وعبدالله وجمال وصابر وعبدالهادي وعامر على المستشفى
وفضل في البيت نوال وقمر وحنان ورحمه قاعدين مستنيين حد يطمنهم
في المستشفى وصلوا الرجاله وسألوا عن اللي جايين في حادثه من شويه وقالولهم إن ال٦ في العمليات وحالتهم خطر سألوا على طريقة غرفة العمليات وطلعوا وقفوا قدامها مستنيين أي حد يخرج يطمنهم بعد ساعه خرج دكتور كلهم راحوله بسرعه يسألوه
الدكتور / ……….؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ملحد سرق قلبي)
