رواية ملاك الحياة الجزء الثاني الفصل الأول 1 بقلم داليا منصور

رواية ملاك الحياة الجزء الثاني الجزء الأول

رواية ملاك الحياة الجزء الثاني البارت الأول

رواية ملاك الحياة الجزء الثاني الحلقة الأولى

-ماما… ماما… ماما.
-في ايه يابنت الهبله.
-ينفع كده يعني يا ست الكل يرضيكي اتمرمط
واتبهدل مع بناتك دول، واحدة كأيبه وعندها كُليةالشرطه مخلياها شبه اخويا يونس والتانيه لو كلمتها تعيط اعمل ايه بس مع البنات دي، لولا بس محترماكم مكنتش سكتلهم أبداً.
اتكلمت ملاك بهزار:
-طب اسكتي لتسمعك.
ريناد بثقه زياده عن الزوم وبتقول:
-محدش يقدر يعملي حاجه منهم دول بيخافوا مني، ملاك بصت ليها برفعة حاجب وبتقول.
-متأكده إنك مش بتخافي.
ريناد بهزار:
-مالك يماما هخاف من إيه.
ملاك بتقولها بضحك:
-طب بصي كده وراكي وقوليلي رأيك وضحكت.
-مالك بس ياست الكل اوعك يكون الي في بالي حصل، ملاك هزت راسها وهي بتقول.
– للأسف حصل
ريناد بصت وراها بخوف وهي بتقول:
-ربنا يرحمك يا لوزه كنتي طيبه ومحدش حاسس بيكي وبصت وراها بخوف.
-بقي انا شبه أخوكي يونس.
يونس وهو بيمثل الغضب:
-وانا ريماس شبهي.
ريهام بزعل:
-وانا تافهه وبعيط من أقل سبب.
ريناد وهي بتتكلم بخوف:
-مين بس الي قال كده دانتوا قمرات يخواتي علي العسل والطعامه والسكر مين يخواتي يكون عنده العسل ده ويتريق عليه، كانوا ناوينلها علي حاجه بسبب لسانها، ريناد شافتهم بيبصوا لبعض عرفت هما بيفكروا في ايه وقالت في بالها، داليامنصور الفرجاني..
-الي قال الجري نص الجدعنه طلع راجل وجريت وهما وراها وريهام كانت بتضحك عليها هي وملاك.
ملاك بضحك هستيري:
-احسن تستاهلي مش عامله فيها عبده موته اشربي بقي.
-بس بقي منك ليه ليها، هو محدش بيقدر عليكم أبدا دايما خناق صوتكم عالي جدا وجعتولي دماغي من علي الصبح ده كان يوسف ادهم المحمدي فتي أحلام كل البنات بجماله الي يخطف اي حد وعيونه الزرقه الي بتشبه أبوه ادهم كتير حتي الملامح كلها مقاربه لأدهم.
ردت عليه ملاك:
-تعالي ياقلب أمك إنت سيبك منهم دول مجانين والله أنا مخلفت غير ريهام ويوسف وريماس، كيوت كده شبهي وكانت مبسوطه كأنها واخده جائزة نوبل.
-إنتي متأكده إنهم شبهك والا المجانين الي شبهك، داليا منصور الفرجاني.
ملاك بأحباط:
-دايما كده يا ادهم كاسر طموحاتي قدام العيال دول، نفسي اعرف انا كنت مصيبه زي دول وبتشاور في أتجاه يونس وريناد وهي بترفعلهم حاجبها دليل أنهم مش عاجبها تصرفاتهم.
ادهم بهزار:
-طب نزلي أيدك وبطلي دراما مش ناقص هلاقيها منك والا من عيالك الهبل دول وشاور علي ريناد ويونس.
يونس بهزار:
-كده احج دانا حتي بحبك ومكنتش هقول لماما علي السكرتيره إلي كا… ادهم بتوتر وهو بيقول.
-يونس مين الي اهبل ده أحسن واحد في أولادي، ده بلسم دانا مخلفتش غيره دايماً كده ظلماه يا ظالمه.
ملاك بصتله وهي مصدومه وبتقول:
-انا ظالمه يا ادهم مش كان من شويه أهبل شبهي يا استاذ والا لم جاب سيرة السكرتيره اتغيرت ومدحته،
مسكت السكين ورفعتها علي يونس وهي بتقول.
-واد يا يونس انا عارفه انك حبيبي ومن صغرك بقول مفيش غيرك ابني، يوسف وادهم وريناد وريهام وريماس كانوا متفاجئين بكلامها وكملت وقالت.
-وكمان انت عمرك مخبيت عني حاجه صح ورفعت السكين بطريقه كوميديه.
يونس بخوف:
-بص يا سعادة البيه انا هعترف علي كل حاجه وأضاف بطريقه كوميديه، الراجل ده كُلهم إنتبهوا ليه وعارفين ايه الي هيحصل كمل يونس وقال.
-ايوه ده كان بيطفي السجاير في وداني قصدي بيخون امي، بعد سكوت دام لدقيقه الكل انفجر في الضحك وادهم كان بيقول وهو بيضحك..
-عليه العوض ومنه العوض، كانت زعلانه علشان يوسف ويونس شبهي دلوقتي كلهم مجانين شبهك أنتي.
ملاك بتبص ليه وتقول:
-اسكت يابتاع السكرتيره، واد يونس تعرف شكلها يالا…
يونس بهزار:
-تمام يافندم البنت المسهوكه ام بروكه صفره، اتكلمت ملاك بعصبيه.
-بقي بتخوني مع واحده شعرها اصفر يا ادهم اصفر بصلها ادهم بصدمه وهو بيقول.
يعني الي مزعلك اني بخونك مع واحده شعرها اصفر الله يهديكي ياحببتي.
ملاك: أمين قوم بقي هتتأخر علي الشغل يلا ياشباب وأنتوا مش هتروحوا الجامعه بتاعتكم، قوموا يالا الكل مشي وملاك كملت دراما في المطبخ وهي بتكلم صحبتها نورهان …….
~~~~~~~~
في كلية الهندسه كانت ريهام ماشيه في حالها فجأه سمعت البنات بتتكلم وتقول…
– بصوا ماشيه إزاي وضحكوا كُلهم وقلوبهم مفيهاش رحمه على المسكينه كملوا كلام بقلوب مفهاش رحمه،.
-بيقولوا ابوها غني جدا وبالذات اخواتها يوسف ويونس قمرات، واحد دكتور هنا والتاني ماسك شريكات ابوه وبعد ميخلص الكليه بيروح الشركه يساعدهم، معرفش هي طالعه عاجزه لمين، سمعتهم وهما بيقولوا عليها كده وكان من جواها وجع كتير بس سابت المكان الي هما واقفين فيه وراحت عند يوسف المكتب بتاعه الي في الجامعه.
~~~~~~~~~~
يوسف كان قاعد في المكتب فجأه لقي اخته ريهام داخله بتبكي وتقول.
-انا عاجزه يا يوسف، حضنها يوسف بحب وهو بيقول.
-قلوبهم الي كده مش أنتي دانتي ست البنات ومسح ليها دموعها، وحضنها أكتر كان صعبانه عليه اخته ووجعها الي بيزيد رغم محاولتهم أنهم يخرجوها من الاكتئاب بهزارهم في البيت بس الناس مش سيباها في حالها.
-بطلي عياط وقوليلي مين الي قالك كده، كانت بتبكي وتمسح دموعها بظهر إيديها زي الاطفال وهي بتقول.
-البنات.. اللي.. معايه بي…بي…بيقولوا..انكم..كلكم…حلوين إلا أنا مش….حلوه…و..و. وعجزه ودخلت في بكاء مرير.
كان يوسف حاسس ان قلبه بيتقطع علي اخته كما يقولوا بالغه المصريه الاصيله(دلوعة العيله) طب وحيات أغلي حاجه عندي الي هي إنتي مهسكت وهجبلك حقك ومتبكيش ، وياهبله دول غيرنين منك علشان إنتي اختي وأجمل منهم ، يالا روحي المحاضرة بتاعتك وأنا هاجي وراكي ماشي ياقمر، بصت لأخوها بفرحه لأنهم فعلا سندها وكُلهم بيقفوا جنبها مشت ويوسف كان بيخلص شوية ورق مُهمين
علشان يروح المحاضره بتاعته ….
~~~~~~~~
في مكان تاني كان بطلنا سايق من أغلي ماركه في السيارات وكان بيبص للساعه بعصبيه لانه اتأخر وبيقول…
-يوووه الواحد اتأخر بسبب سهرة إمبارح يحرقك يازفت.
من التليفون:
-طب انا مالي يا لمبي هو واحد ينبسط والتاني بتهزرق.
-مانت لو مكنتش جبت البت زوزو مكنش راح عليا نومه بسببكم واقولك علي حاجه أقفل بيومك ده وقفل في وش صاحبه وهو بيقول.. والله مانت نافع عيل اهبل لولا انك ابن خالي كنت اتبريت منك….
“اعرفكم علي الهبل دول….
“يأمن كأرم العريف 31سنه خريج كلية هندسه عنده شركات العريف عنده شركات العريف الصناعه والتصدير،” قمور عشره قمور في بعض” عصبي درجه أولي بس مش علي صاحبه وابن خاله دايما ناقر ونقير بس مهما حصل بيحبه جدا، نيجي علي الاهبل التاني….
“أسر محمود كارم نفس عمر مأمن بس يختلف عنه بأن دمه خفيف جدا وعسلايه اصلا بس مصر مش مدياه حقه بمناسبه الي المفروض تندفن دي هههههه
….. نرجع بقي كفايه مدح…..
لسه سايق ومش منتبه لان أسر بعتله فاكس بالمعلومات الصفقه الجديده فجأة؟
-حاسسسسسب……
ياتري ايه مصير ريهام؟ وايه الي حصل مع مأمن وهل هو هيخبط حد بعربيته والا لاء