رواية ملاك الحياة الفصل الثالث عشر 13 بقلم داليا منصور
رواية ملاك الحياة الجزء الثالث عشر
رواية ملاك الحياة البارت الثالث عشر
رواية ملاك الحياة الحلقة الثالثة عشر
كانت ملاك حاسه بدوخه جامده من الطيارة ، لانها اول مرة تركب طيارة في حياتها كلها مسكت إيد ادهم وقلبها كان بيدق جامد من الخوف، ادهم لاحظ ده مسك إيديها إلي كانت حطاها على إيدوا وهو بيقولها.
-متخافيش انا جنبك ملاك كانت خايفه بس من الكلمه إرتاحت ،وحطت راسها على كتف ادهم وغمضت عيونها ونامت ، وبعد تلت ساعات فالطيارة ادهم بيفوق ملاك علشان هما وصلوا المطار ، ملاك فتحت عِيونها وشافت ادهم قدامها وهو بيصحيها وبيضحك وهو بيقول.
-كل ده نوم قومي بقي علشان وصلنا إيطاليا، ملاك وهي مش مركزه في كلام ادهم.
– حاضر قو.. إنت قولت ايه إحنا وصلنا فين قول تاني.
ادهم بضحك:
– في اي يابنتي بقولك وصلنا إيطاليا.
ملاك بفرح :
-وحيات امك صحيح قولي إنك مش بتهزر.
ادهم بملل :
-ملاك قومي ورايا حجات كتير مهمه لازم اعملها يالا ، قامت ملاك وهي فرحانه واده جدا ونزلوا من الطيارة ملاك وهي ماشيه لقت عربيه سوده من احدث الموديلات مستنياهم ملاك وهي فاتحه بقها من الصدمه.
-هي العربيه دي بتاعة مين يا ادهم.
ادهم بضحك :
-إقفلي بوقك الاول يـ ملاك منظرك يضحك ، وياسيتي دي عربيتي.
ملاك بصدمه :
-عربيتك إنت هو إنت حيلتك حاجه ياعم.
ادهم بضحك :
-هو إنتي لغاية دلوقتي متعرفيش جوزك غني قدإي.
ملاك بتريقه :
-لاء معرفهوش لانوا خطفني من اهلي ، وكمان مكنش فيه فرصه انول الشرف.
ادهم بزعل بس مبينش :
-مش مهم هتعرفي قالها وركب العربيه من وري وملاك ركبت والسواق مشي .
العربيه 👇

بعد مده وصلت العربيه ونزلوا ادهم وملاك قدام قصر من اجمل القصور في إيطاليا من فخامتوا وجمالوا كأنوا قصر لاحدي المماليك من جمالوا ، دخلت ملاك وهي مبهوره من جمال القصر وكل حاجة فيه كانت ماشيه ومش مركزه ، خبطت في العمود إلي كان في وشها وهي من الجمال مشفتهوش ومركزتش مع اي حاجه قدامها .
ملاك بوجع :
-اه دماغي بتوجعني خالص .
ادهم بخوف وهو ماسك دماغها إلي اتخبتط وبتجيب دم.
-مش تبصي قدامك لأمتا هتفضلي مهمله.
ملاك بعصبيه :
-وانا اعرف منين إن العمود ده قدامي وصلا إي لازمتوا مش عارفة والله.
ادهم بتريقه :
-وانتي بتفهمي فالديكور كمان علشان تقولي ملهوش لازمه ده من افخر القصور إلي في إيطاليا ، إشتريتوا علشان بس اقعد فيه واشهر المُصممين عاملين الديكور إلي مش عاجبك ده.
ملاك بصدمه :
-إنت قولت ده قصرك.
ادهم بتريقه :
-يعني سيبتي كل حاجة ومسكتي في إنوا قصري ، اه ياستي القصر بتاعي ، ملاك وهي مش مستوعبه الكلام .
-يعني إنت معاك فلوس كتير كده تقدر تجيب قصرين.
ادهم بضحك :
-قصرين اي انا عندي في كل مكان قصر ليا.
ملاك ودماغها بتوجعها :
-شوفلي بس دماغي دلوقتي ونبقي نشوف حوار القصور ألي عندك ده.
ادهم وهو شايف الدم بينزل من راسها ، فخدها ودخلها اوضت النوم ونادي على الخدم بسرعه وبيقول…
هل احد هنا اين انتم ايُها البها*ئم ..
هو كان بيتكلمهم إيطالي..
جت واحده من الخدم بتجري خايفه من صوت ادهم.
ادهم بعصبيه :
-إذهبي بسرعه احضري علبت الاسعافات لكي اوقف جروح زوجتي ، الخادمه جرت بسرعه جابت علبة فيها كل حاجه ، خدها ادهم وبداء يمسح الدم إلي نازل من راس ملاك وحط مطهر والقطن ولف الشاش حولين راسها ، ملاك مكنتش مركزه في اي حاجه بسبب جرح راسها بس بعد ادهم مخلص شافت بنت جميله خالص واقفه ملاك من الصدمه وقفت ورات ليها وهي بتلف حولين إلينا الخادمه ، وهي بتقوا لـ ادهم.
-اي الجمال ده يا ادهم مين البت دي اكيد ملكت جمال *(ملاك مفهمتش ادهم قال إي لـ إلينا علشان هما كانوا بيتكلوا إيطالي فهي مش عارفة إنها خدامه ..)
ادهم بضحك :
-ملكت جمال إي يا ملاك دي خدامه فالقصر.
ملاك وهي مش مستوعبه الكلمه:
-خدامه بقي بذمتك دي شكل خدامه لم دي خدامة انا يتقال عليا إي.
ادهم كان بيضحك جامد :
-خلاص بقي يا ملاك بلاش إحراج اقول عليكي اي دلوقت وضحك.
ملاك بصدمه :
-اسكت دلوقتي وحيات عيالك انا مشغوله فالبت دي ، دي جامده هما كل بنات إيطاليا كده ، وجليبني يعني تحرق دمي.
ادهم وهو بيضحك :
-ماشي يا مجنونه هسكت ، بس لو البنت دي كانت تعرف تتكلم مصري وفهمتك كانت بالتأكيد هتخاف منك بعد كلمت جامده دي.
ملاك بتريقه :
-هي تطول انا اقول عليها كده ، بس الصراحه البت تستاهل اقول كدة.
ادهم بضحك :
-يابت انا بدأت اخاف منك على إلينا ، وكلم إلينا بالايطالي مشت إلينا وهي مستغربه ادهم بيضحك.
-بقلم داليا منصور
———————&&
عند نورهان..
وصلت البيت لقت مامتها قاعده ومستنياها راحت يمها وقعدت جنبها.
الام بفرح :
-نورهان في عريس ياحببتي متقدملك ولسه مكلمني دلوقتي.
نورهان بصدمه :
-ايه عريس بس يـ ماما إنتي عارفه إني رافضه الموضوع ده علشان دراستي.
الام بحنيه :
-بس ياحببتي شوفيه يمكن يكون كويس وتتقبليه ، وكمان انا كان نفسي افرح بيكي قوي واشيل ولادك يابنتي انا كبرت ومعنديش غيرك بس عاوزه افرح بيكي.
نورهان بزعل :
-حاضر يـ ماما هقابلوا علشان خاطرك ، وقامت وهي زعلانه علشان حب عمرها ضاع منها ومتقدرش تعمل حاجة ملاك لو كانت معاها كانت هتتصرف بس هي مش معاها وقالت.
-ياريتك كنتي معايا يـ ملاك محتجالك قوي ، ودخلت أُوضتها وغيرت هدومها مستنيه العريس يجي باليل مع اهلوا علشان تشوفوا زي مـ امها قالت ومحبتش ترفض علشان متزعلهاش.
——————&&
عند ملاك كانت قاعده ماسة الفون إلي جابهولها ادهم بعد ما جم ايطاليا ،وزهقانه علشان مش معاها رقم نورهان والا حافظه رقم حد ، وعماله تشتم في نفسها وتقول.
-مانتي لو زكيه كنتي حفظتي أي رقم بس تعملي اي البطيخه دي مش فالحه غير فالاكل وبس.. دخل ادهم لقاها بتشتم نفسها ، ضحك وقالها .
-هو إنتي اتهبلتي يـ ملاك بتكلمي نفسك ، ملاك اتخضت وشالت التليفون وهي بتقول.
-كنت بشوف ڨديوا محيرني شويه ، محبتش تقولوا علشان مياخدش منها التليفون وتقعد من غيرو.
ادهم بشك :
-ڨديوا تمام ماشي يا ملاك ، حضري نفسك هنروح حفله باليل .
ملاك باستغراب :
-حفله ودي لي.
ادهم بذهق :
-ياريت ملكيش دعوه بشغلي تمام ومتساليش كتير وسابها ومشي.
ملاك بتريقه :
-ياريت متدخليش، مستفز .
بعد عدة ساعات جيه اليل على الكل في منهم الي زعلان على حياتوا وعلي حب عمروا إلي بيروح وفي منهم إلي حياتوا بدأت تستقر..
—————
عند نورهان كانت قاعده في اوضتها مدايقه جدا علشان العريس إلي قاعد بره ، وهي مش عوزاه هي بتحب احمد اخوا ملاك بس مفيش في إيديها حاجه ، سمعت مامتها بتنادي عايها خرجت جابت صينية العصير وخرجت علشات تضيف العريس واهلوا ، هي حاطه وشها فالارض وزعلانه ، حتى مشافتش وش العريس من الزعل والا بصت في وشوا ، ولسه بترفع وشها علشان تقدم للعريس العصير قالت بصدمه..
-هو إنت…..
ياتري نورهان شافت مين ومين العريس ، واي إلي هيحصل لـ ملاك ، واحمد لم يعرف إن حبيبتوا اتخطبت هل هيتقبل الموضوع…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ملاك الحياة)
