رواية ملاك الاسر الفصل الثاني 2 بقلم مي عبدو
رواية ملاك الاسر الجزء الثاني
رواية ملاك الاسر البارت الثاني
رواية ملاك الاسر الحلقة الثانية
مريم : بابا اي رأيك في السلطة
ادهم: انتي مبتعرفيش تعملي غيرها اساسآ
مريم: لا بعرف
ادهم: اي
مريم: اندومي ومكرونة وبانيه
سحر :ياريت ما قولتي
كلهم ضحكو
مريم بزعل : بابا
احمد : محدش يضحك عل اميرتي
فون اسر رن
اسر :الو يا جدي
الجد: اي اللي انت عملتو دا
اسر ببرود :عملت اي
الجد بعصبية :اسر تكونو عندي كلكم بكرا
اسر: تمام حاضر سلام وقفل
احمد :ها قال اي
اسر: بكرا كلنا نكون هناك
ادهم : عرف بي السرعة دي
اسر بسخرية: دا كدا عرف متأخر
سحر : انا معرفش انتو الاتنين بتتكلمو ببرود كدا ازاي
احمد : خلاص اتغدو وجهزو الشنط عشان هنسافر بعد الفجر
كريمة لي ملاك: مبتكليش لي يا ملاك
ملاك : باكل اهوو يا طنط
كريمة : انتي مكلتيش غير معلقتين وبس كلي يا حبيبتي ولا انتي مكسوفة
ملاك : لا يا طنط عادي
بعد شوية انتهو من الاكل ومريم وملاك شالو الاطباق وكريمة عملت قهوة وعصير لي مريم وملاك وقعدو سوا وبعد ساعتين
احمد : اطلعو نامو عشان هنسافر الفجر
كلهم طلعو ملاك دخلت اوضة اسر
اسر :الحمام هناك لو عايزة تغيري هدومك
ملاك : تمام شكرآ ملاك خدت ترينج عبارة عن بنطلون واسع وتيشيرت بكم طويل وطرحة
ودخلت غيرت الهدوم وخرجت
اسر: انتي لابسة طرحة ليه
ملاك بتوتر :عادي
اسر: براحتك وخد هدوم ودخل الحمام وبعد دقايق خرج
اسر: نامي انتي عل السرير وانا هنام عل الكنبة
ملاك : بس قطعها اسر
اسر: اسمعي الكلام يلا
ملاك : تمام شكرآ ونامت عل السرير واسر نام عل الكنبة ملاك مكنتش عارفة تنام بس بعد وقت نامت واسر معرفش ينام لأن الكنبة صغيرة فا قام وخد مخدة من عل السرير ونام في الارض
_______^-^_____^-^____^-^_______
مع اذان الفجر صحي اسر وكانت ملاك لسه نايمة :ملاك ملااك اصحي يلا
ملاك صحيت :نعم
اسر :الفجر اذن قومي صلي يلا واجهزي
ملاك :حاضر وقامت دخلت الحمام واتوضت وخرجت لبست الاسدال وادت فرضها وبعدها خرج اسر وكان اتوضى وادى فرضو
اسر: اجهزي يلا عشان منتأخرش
ملاك: حاضر وخدت دريس هادي لونو ابيض وطرحة لونها اسود وكوتش اسود وجهزت وواسر كمان لبس وجهز
اسر :خلصتي
ملاك :ايوآ خلصت يلا اسر خد الشنط ونزلها وملاك نزلت معاه وكانو الكل تحت
احمد : يلا كلهم خرجو
احمد : ادهم واسر وملاك ومريم عربية وانا وسحر وكريمة عربية ادهم سيب عربيتك هنا
اسر :تمام وركبو العربيات ملاك ومريم وراه واسر بيسوق وادهم جنبه والعربيات اتحركت وملاك ومريم نامو وهما في الطريق
وبعد خمس ساعات وصلو قنا اسر وادهم نزلو
اسر: مريم ملاك اصحو يلا وصلنا
ملاك فاقت :وصلنا
اسر :ايوآ انزلي ملاك نزلت
اسر: مرررررريم مريم قامت مخضوضة
مريم :في اي
اسر: اصحي وصلنا يلا انزلي مريم نزلت
احمد وسحر وكريمة دخلو الاول
احمد باس ايد الجد والجدة :عاملين اي
الجد مردش
الجدة :الحمدلله يا حبيبي اقعد سحر وكريمة سلمو عل الجدة وقعدو سوا
الجد :اومال فين ابنك مدخلش لي خايف
اسر دخل وهو ماسك ايد ملاك : مش اسر اللي يخاف يا جدي وانت عارف كدا وسلم عل الجدة ومريم حضنت جدها وجدتها
الجد : اقدر اعرف اي اللي هببته دا
اسر ببرود :هببت اي
الجد : عل اساس انك مش عارف يا اسر بيه
اسر: صراحة مش شايف اني عملت حاجة غلط
الجد بزعيق: جوازك من ورايا مش غلط جوازك من بنت مش من العيلة مش غلط انت عارف اني كنت عايزك تتجوز بنت عمتك وفي الاخر روحت اتجوزت دي
ملاك خافت اوووي من زعيق الجد
اسر بجمود: جدي اهدي لو سمحت انا خلاص اتجوزت ملاك وبقت واقع في حياتي انا طالع ارتاح شوية في اوضتي يلا يا ملاك
الجدة : اطلعو كلكم ارتاحو من الطريق وانا هخلي حد يحضر الفطار ويندهلكم
الكل طلع
الجدة :هنية بت يا هنية حضري الاكل
هنية : حاضر ودخلت المطبخ
الجدة خديجة :خلاص يا حج مدايقش نفسك اسر اتجوز وخلاص
الجد :بس انا كنت عايزه يتجوز ورد
الجدة : ليه ما هي مراته شكلها محترمة وكويسة هنعوز اي تاني يا سليم
الجد سليم: خلاااص قفلي عل الحكاية دي
(هما في قنا بس اللهجه هتكون عادية)
_________^-^_____^-^_____^-^_____
اسر وملاك دخلو اوضتهم وملاك كانت لسه خايفة قعدت عل الكنبة
اسر: ملاك اهدي ومتخفيش هو طيب وحنين جدآ والله بس هو لسه مدايق مش اكتر
ملاك: بس قطعها اسر
اسر :ملاك نامي شوية عشان هننزل نقعد تحت كمان شوية معاهم
ملاك : حاضر ملاك قامت خدت شور ولبست وخرجت وكان اسر نام عل الكنبة ملاك نامت عل السرير وبعد شوية الباب خبط وملاك صحيت :اسر اسر في حد بيخبط
اسر قام وفتح الباب وكانت هنية
هنية :ستي خديجة بتقولكم يلا الفطار جاهز
اسر :تمام نازلين وقفل الباب
اسر :اجهزي يلا عشان ننزل
ملاك :حاضر وجهزو ونزلو سوا وكانو كلهم قاعدين تحت عل السفرة
الجدة :تعالى يا ولدي يلا عشان تفطرو
قعدو وبدأو فطار في صمت وبعد وقت قامو وقعدو سوا وهنية جابت الشاي
الجدة لي ملاك :وانتي عندك كام سنة بقا
ملاك : 19
الجدة: يعني اصغر من مريم بي سنة واصغر من ورد بي تلت سنين
سحر :ايوآ يا ماما قطع كلامهم دخول
……..: انااااااا جييييت وبعدين سكتت لما شافت الكل قاعد
الجد: تعالي يا قلب جدك جريت عليه وحضنتو
وبعدين حضنت الجدة وسلمت عل الكل
الجد :فين امك يا ورد
صفا :انا اهو يا بابا وحضنتو اي دا وسلمت عل الكل وهي فرحانة
صفا: اومال مين دي
مريم : دي ملاك مرات اسر
ورد بصدمة :مرات اسر
مريم :ايوآ
ورد :ها مبروك يا اسر
اسر: الله يبارك فيكي
ورد :انا طالعة اوضتي انام شوية يا ماما وطلعت
صفا : اهلآ يا حبيبتي نورتي بس لي محدش قال ان اسر هيتجوز
سحر : لأن اسر معملش فرح ولا اي حاجة
ادهم: اسر اتجوز عقبالي
الجدة :شاور انت بس
ادهم :خلاص ماشي يا روح قلبي انتي يا قمر
الجد بغيرة: بس يا زفت اتلم وملكش دعوة بيها
ادهم: بتغير عليها مني انا
الجد : ومغرش عليها منك ليه دي روحي انا
مريم : ايوا يا جدو
احمد لي ادهم :لما انا ابنها ومقدرش اقولها يا حبيبتي فا انت عايز تقولها يا روح قلبي لا وكمان يا قمر انا لو منو اولع فيك
ادهم: في اي يا جدعان استهدو بالله بس مكنتش كلمة قولتها بي الغلط انا معرفهاش اصلآ ما تقولي حاجة يا خديجة
الجد بغيرة :بتقول اسمها كمان حد يبعد الزفت دا عني عشان هقوم اضربه
الجدة :خلاص يا حج بيهزر معاك
كريمة :لا خلي يضربو يا ماما
ادهم :انا قولت انك مش امي لقتيني فين اعترفي يا كريمة
كريمة: بس يا زفت
الجد : احمد واسر وادهم تعالو معايا يلا
اسر :فين
الجد: هتعرف بس يلا خديجة خلي مرات اسر هي اللي تحضر الغدا النهاردة عقبال ما نيجي
اسر :نعععم لا طبعآ
الجد :ليه
اسر: جدي ملاك مكنتش بتدخل مطبخ اصلآ فا غدا اي اللي تحضرو
ملاك بأبتسامة : خلاص عادي هحضر انا الغدا
اسر: بس قطعه الجد
الجد: خلاص يا اسر يلا
اسر بضيق: طيب ثواني وشد ايد ملاك ودخل مكتب جدو ورزع الباب
اسر: اي اللي قولتي برا دا كنت انا هخلي اي حد يعمل الاكل وخلاص انتي مبتعرفيش تعملي اكل هتعملي ازاي افرضي حاجة حصلت ولا وقع عليكي حاجة من الاكل اي اللي هيحصل
ملاك بهدؤ: ممكن تهدي انا بعرف ادخل مطبخ وانا كنت بعمل الاكل ليا ولي اياد لما الدادة متجيش او لما اكون اجازة يعني متقلقش عليا
اسر بتنهيدة : ماشي يا ملاك وانا مش هتأخر وخلي مريم تعمل معاكي
ملاك: طيب يلا نخرج خرجو سوا
الجد: خلصت كلام يلا بقا وخرجو الرجالة كلهم سوا
ملاك :ممكن حد يعرفني فين المطبخ واعمل اكل اي وفين اماكن الحاجة
كريمة :متأكدة انك هتعرفي
ملاك: ايوآ
الجدة : صفا خدي ملاك وعرفيها كل حاجة في المطبخ وساعديها
ملاك :لا انا هعمل كل حاجة
خديجة :تمام براحتك
صفا :تعالي يا بنتي وخدتها دخلتها المطبخ وعرفتها مكان كل حاجة وقالتلها هتعمل اكل اي وخرجت وسابتها وملاك بدأت تعمل الاكل لوحدها كريمة ومريم دخلو المطبخ
كريمة: ملاك اساعدك
ملاك: لا يا طنط شكرآ
مريم: خلينا نساعدك
ملاك وهي بتشوف الاكل اللي في الفرن : لا يا روحي شكرآ هخلص عل طول اهووو
_____________^-^___^-^___^-^____
عند ورد في اوضتها بتعيط دخلت صفا
صفا :انا قولت انك بتعيطي بردو
ورد حضنتها :جدي ديمآ كان يقولي اسر ليكي واسر جه النهاردة مع مراته يا ماما انا بحب اسر يا ماما ومقدرش اشوفه مع غيري
صفا: اهدي يا حبيبتي متعيطيش هو مش نصيبك يا قلبي
ورد: بس انا بحبه يا ماما
صبا :ورد قفلي عل الموضوع دا اسر خلاص اتجوز يا بنتي انسي يلا اغسلي وشك وانزلي ورايا ربنا يهديكي ويصلحلك حالك يارب وقامت خرجت من الاوضة
ورد: انسا اي انسا الشخص اللي حبيتو من صغري ودعيت ربنا كتير انو يبقا ليا اسر ليا انا وبس ومش هيكون لغيري والايام بينا وقامت غسلت وشها ونزلت تحت قعدت معاهم
________^-^_____^-^___^-^______
عند ملاك في المطبخ قربت تخلص الغدا
كريمة: يا بنتي كفاية عليكي كدا انتي تعبتي
ملاك : خلاص يا طنط الاكل بيستوي بس
كريمة : طيب يا ملاك انا برا وهجيلك تاني
ملاك :ماشي يا طنط كريمة خرجت وقعدت معاهم ملاك من غير ما تاخد بالها اتحرقت في ايدها حرق بسيط مهتمش وكملت الاكل
________^-^___^-^______^-^_____
برا عند العيلة قاعدين بيهزر ويضحكو سوا كريمة خرجت من المطبخ
كريمة : ملاك بجد تعبت ومش راضية تخلي حد يساعدها خالص
مريم :فعلآ
ورد: عادي يا جماعة متكبروش الموضوع كدا
كريمة: بنكبر اي ممكن بنسبة ليكي عادي عشان انتي متعودة انما هي لا بس هي حبت وتعمل اللي قال عليه عمي واحترمت كلمته
الجدة :بس لازم تتعود هي دلوقتي متجوزة
صفا :بس مش مرة واحدة كدا يا ماما هي مهما كانت لسه صغيرة قطع كلامهم ملاك :
طنط انا خلصت اكل ورايحة اغير هدومي
كريمة: ماشي يا حبيبتي اطلعي ملاك طلعت اوضتها تاخد دش وتغير
ورد :وانا هقوم اشرب وقامت دخلت المطبخ وشافت الاكل جابت الملح وحطت معلقت ملح في الاكل كله وقلبتهم كويس وغطت الاكل تاني ورد :و كدا الاكل يبقا باظ تؤ تؤ تؤ تعب اربع ساعات راح وخرجت من المطبخ وقعدت معاهم تاني وملاك نزلت وقعدو سوا
وبعد شويا دخلو الجد واسر واحمد وادهم
اسر بص عل ملاك وقعد جنبها وبصوت واطي :عملتي اي ابهريني
ملاك بصوت مماثل : كله تمام
الجد: ها الاكل جهز
الجدة :ايوآ هنية بت ياهنية حضري السفرة
هنية :حاضر ياستي وحضرت السفرة
وقعدو كلهم عل السفرة ورد ابتسمت بخبث
وبدأو اكل
الجد :……
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية ملاك الاسر)
