رواية ملاكي البريء الفصل السادس 6 بقلم أمل علي
رواية ملاكي البريء الجزء السادس
رواية ملاكي البريء البارت السادس
رواية ملاكي البريء الحلقة السادسة
كانت ليان تبكي رفعت عيناها لتمسح دموعها وجدت مراد أمامها
مراد جلس بجانبها وتحدث بهدوء
مراد :ممكن تقوليلي مالك
لم تجبه نظرت له مطولا لتتحدث اخيرا :مالي يعني مانا كويسه اهو
مراد :مش هتعرفي تكذبي عليا انا حافظك اكتر من نفسك ممكن تثقي فيا وتحكيلي وهيفضل سر بيني وبينك وعد
ليان :انا مبصدقش الوعود يا مراد دا مجرد كلام بنقوله وعمره ما بيتحقق
مراد :على الاقل احكيلي يمكن ترتاحي
تنهدت ليان :انا مخنوقه اوي حاسه اني قلبي موجوع ي مراد
مراد :لي لي حاسة ب كدا مين السبب
نظرت له مطولا :حبيبي هو السبب
نظر لها بصدمة :حبيبك ازاي
ليان :انا بحب حد اوي يا مراد بس هو مبيحبنيش
مراد بضيق لا يعلم سببه :هو مين
ليان :مش مهم المهم انك عرفت السبب على الاقل
مراد بحيرة :طيب بتحبيه من امتى
ليان :امم معرفش اصلي بحبه من زمان اوي
مراد :عشان كدا عالطول زعلانه ومضايقة وبتعيطي
ليان بدموع :لا عشان هو وعدني ي مراد وعدني انو مش هيحب حد غيري وحب وعدني مش هيسبني وسابني وعدني اني مش هكون لحد غيرو مهما حصل وعدني انو مش هينسي حبنا لكن نسي بكل سهوله وحب غيري ومفرقش معاه الهبلة اللي عايشة على حبه وعدني وعود كتيره اوي مفتكرش انه فاكر حاجه منهم
لتبكي من جديد
مراد رفع وجهها بيديه ومسح دموعها
مراد :عشان هو غبي محبكيش بجد انتي تستاهلي حد أحسن منه بكتير اوي هو طلع كداب وخانك في المقابل انتي مقدرتيش تنسيه لحد دلوقتي يمكن ربنا عمل كدا عشان تقابلي حد غيره يحبك بجد من كل قلبه ميشوفش في الدنيا دي غيرك ….انتي جوهرة يا ليان مستحيل تكون في بنت أنقى ولا أرق منك بدليل انك عشتي على حب واحد خاين هو ميستهلكيش انت تستاهلي حد أحسن منه بكتير اوي ف متضيعيش دموعك على واحد خاين
ليان :بس مفيش حد احسن منه يا مراد مفيش حد احسن من حبيبي
مراد :للدرجادي بتحبيه
ليان :انا بحبه لدرجه انه لو طلب روحي هديهاله وانا فرحانه
مراد :بس هو ميستاهلش انت لازم تنسيه
ليان :انا بحاول بس مش سهل انساه مش سهل انسى ذكرياتنا
مراد :ابعدي عن أي مكان هو فيه هو وذكرياته
ليان :مش بسهولة هنسي
مراد :بس مع الوقت هتنسي جربي تدي لنفسك فرصه انك تحبي حد غيره يمكن في الآخر تكتشفي انك مكنتيش بتحبيه وانه مجرد تعلق مش اكتر
نظرت له ليان
ليان :انت شايف اني دا الحل
مراد :اكيد طبعا حاولي تنسيه وابعدي عنه وعن اي مكان ممكن يجمعك بيه او بذكرياته عالجي نفسك بنفسك
ليان :هحاول يا مراد اوعدك هحاول ابعد عنه
ثم وقفت وقالت :تصبح على خير
مراد :وانتي من اهله
ذهبت هي وهو ظل ينظر في اثرها وهو حزين عليها وعلى حالها ثم نظر للشجرة خلفه ليري أسمائهم المحفوره عليها
مراد :ليان هي اللي كتبتهم زمان هما لسه موجودين ياااه الشجره كبرت اوي
ثم أكمل بقلق :معقول ليان تكون بتحبني …. لالالا اي اللي انا بقوله دا لا طبعا دا كان زمان وكنا مجرد مراهقين دي مكنتش مشاعر حقيقية اكيد هي تقصد حد تاني ربنا يريح قلبها
ظل يتأمل المكان وهو يفكر بها جميلته الحزينة
__________________
* في مكان على البحر حيث أدهم *
كان يجلس وهو يتذكر ما حدث ويستمع الي أغنيه تامر عاشور (انت اخترت)
(راجع لي من تاني… عايز اي انساني … اللي بتتكلم عنه ماضي وعدا وزمنه اهو راح … حب دا اي بكفاية حبك مات جوايا ونسيت قلبك ونسيتك … وخلاص منك قلبي ارتاااح …. انت اخترت طريق ومشيته … بعت هوايا وقلبي نسيته … وأما خسرت ف بعدي راجعلي بتفكرني بحب زمان … هو انت بتكدب وتصدق …. كان من امتى بتعرف تعشق … ابعد عني خلاص وياريتك لو تتعود عالحرمان …. انا ضحيت بالدنيا عشانك … ولا يوم قلبي باعك ولا خانك … ضحيت انت ب اي علشاني بعت غرامي وفيا جرحت …. وياك ضاع العمر عليا …. عمري ما شوفت معاك حنيه … يبقى عايزني ازاي ارجعلك ولا اسامحك مهما عملت …..
راجع لي من تاني عايز اي إنساني … اللي بتتكلم عنه ماضي وعدا وزمنه اهو راح …. حب دا اي بكفاية حبك مات جوايا … ونسيت قلبك ونسيتك وخلاص منك قلبي ارتاح …. انت اخترت طريق ومشيته … بعت هوايا وقلبي نسيته … وأما خسرت ف بعدي راجعلي بتفكرني بحب زمان … هو انت بتكدب وتصدق كان من امتى بتعرف تعشق … ابعد عني خلاص وياريتك لو تتعود عالحرمان …. انا علمتك تعرف تعشق بس إظاهر قلبك صدّق …. عشقك ليا لوحديي وشووف من بعدي هتعرف تعشق مين …. مين يستحمل يفضل جمبك انت ضعيف وانا نقطة ضعفك …. والايام اهي بينا وبكرة هتعرف مين هيكدب مين…. 🖤✨)
وكان يتذكر كل ذكرياتهم ليهب واقفا ويصرخ وهو يضرب الصخور بقدمه وقف يحاول ان يلتقط أنفاسه ليهدأ نظر من بعيد ليري فتاة تغرق
أدهم بصدمة :شمس
ذهب إلى هناك وهو يركض بسرعه ثم سبح الي ان وصل إليها واخرجها بسرعه وهو يلتقط أنفاسه وهي كانت تسعل بشدة
أدهم :انتي اتجننتي ازاي عايزه تقتلي نفسك
شمس بدموع وهي تلتقط أنفاسها بصعوبة :واعيش لي يا أدهم هاه اعيش ليه
أدهم :عشان بنتك على الاقل مين هيربيها هتسبيها لمين
شمس وقفت وهي تضحك ب هستيريا :بنتي بنتيييي ضاعت مني خلاص معدتش هقدر اشوفها
أدهم :يعني اي وضاعت ازاي انتي اتجننتي
شمس بضحكة ساخرة :جبتلك بنتي اللي هي بنتك عشان تحميها بس انت رميتها برا بيتك واتخليت عنها فضاعت بسببك معدتش هقدر اشوفها بسببك
أدهم بغضب :يعني اي ضاعت وازاي
شمس :يعني انا قولتلك اني هربت ب سيلا من غير علم بابا وهي تحت وصايته وهو اخدها وقالي اني لو حاولت اخدها هيقدم الورق اللي معاه اللي يثبت اني مجنونة ويقول انه بيحميها مني عشان انا حاولت اقتل نفسي كتير اوي زمان وممكن اعمل كدا ف سيلا دلوقتي دا غير لما قالي انه مش هيخليني اقابلها تاني ابدا كعقاب ليا عشان قولتلك انها بنتك وياريتها كانت محاولة ناجحة إلا انك رميت بنتك اللي كانت بتحلم باليوم اللي هتشوفك فيه حطمت كل أحلامها عشان غبي غبي غبي يا أدهم ياريتني ما كنت رجعت
أدهم :شمس هو ابوكي فين دلوقتي
شمس :هتفرق معاك
أدهم :اخلصي
شمس :هو في روسيا بس هو اتهمني اني خطفتها واني ممكن بنتي تتأذي بسببي ولذلك هما سفّرو سيلا على هناك
أدهم :طب يلا بينا
شمس :على فين
أدهم :هنسافر نرّجع بنتنا
شمس بصدمة :انت بتتكلم جد
أدهم :طبعا هحجز على أول طيارة مسافره روسيا وهنجيب بنتنا بأي تمن
شمس بفرحة :يعني انت مصّدق ان سيلا بنتك صح
أدهم :طبعا مصدق وهجيب بنتي وهتفضل معايا وف حضني كمان
اخذ شمس وذهبوا الي القصر
شمس :ممكن توديني فندق ي أدهم معلش انا مش عايزه افضل هنا
أدهم :صدقيني الليله دي بس وبعدها هنروح نجيب سيلا
شمس بتوتر :اوك
دخلا الي القصر وهما مبللين تماما
في ذلك الوقت كان مراد في الحديقة
اتجه مراد إليهم عندما رآهم ودخلوا جميعآ الي الداخل
أدهم :زينب طلعيها فوق وشوفيها لو محتاجة اي حاجه
زينب :حاضر ي بيه
صعدت الي الأعلى
عبد الرحمن :اي بقا ي ابني مش ناوي تفهمنا
أدهم (حكي لهم كل شيء) ثم قال:فالبنت اللي كانت مع شمس الصبح دي تبقي بنتي
عبد الرحمن ومراد بصدمة :اييي
أدهم :هي دي الحقيقة واحنا هنروح نجبها بكرة من روسيا عشان ابو شمس اخدها واتهم شمس انها خطفتها وانها ممكن تأذيها
مراد :ازاي دي امها و محدش يقدر يأخدها منها
أدهم :لما سيلا اتولدت كتبها تحت وصايته دا غير اني شمس في فترة تعبت فيها وابوها دخلّها مستشفي الأمراض النفسيه
مراد :طب هو لي اخدها دلوقتي ما هو بقالو سنين سايبهالها ولا اي
أدهم :فعلا بس هو خدها عشان يعاقب شمس لأنها قالتلي اني سيلا تبقى بنتي
عبد الرحمن :يعني اي
أدهم :يعني انه مكنش عايزني اعرف اني عندي بنت
مراد :وانت فاكر انو هيسيبك تاخد بنتك بالعافيه او بسهوله كدا مش ممكن يوافق
أدهم :سواءً وافق او موافقش بنتي هخدها غصب عنه هترجع ويبقى يوريني هيعمل اي
عبد الرحمن :وهتسافر بكره صح
أدهم :طبعا
عبد الرحمن :تمام يا ابني خلي بالك من نفسك ومن بنتك ومن شمس
أدهم :حاضر يا جدي
وذهب الي غرفته وحجز تذكرتين لأول طائرة ستغادر الي روسيا 🇷🇺 ✨
_________________
*في مطار القاهره*
انتهى عمر من كل الإجراءات واتجهوا الي الخارج
(حوار مترجم بالتركي)
عمر :ستأتين معي إلى الفندق
لميس :لا سأذهب إلى بيت جدي
عمر :الوقت متأخر جدا لن ادعكِ تذهبين وحدك
لميس :لا تقلق سأكون بخير
عمر :اذاً سأوصلكي بالتاكسي ثم أذهب إلى الفندق
لميس وهي تخاف من أن يرى مراد :لا لا سأكون بخير
عمر :اعلم ولكن لما لا تبقين في الفندق هذه الليلة و غدآ اذهبي إلى جدك اتفقنا
لميس بتفكير وهي تعلم أن عمر لن يتركها تذهب وحدها :اتفقنا لنذهب الي الفندق
استقلا تاكسي ولم يتحدثا ووصلا الي الفندق
عمر :I want to reserve two rooms please
( أريد حجز غرفتين من فضلك)
الفتاة :Do you want the two rooms to be close to each other?
( أتريد الغرفتين قريبتين من بعضهما)
عمر :Yes, of course, and it’s preferable if they’re next to each other.
(أجل بالطبع ويفضل لو يكونان بجانب بعضهما)
الفتاه :Up to you…. Go ahead, sir.
(كما تريد … تفضل سيدي)
أخذ مفاتيح الغرف وصعدوا للأعلى ودلف كلا منهم الي غرفته
عمر أستحم واتجه ليرتاح من السفر ولميس أيضا لكنها اتصلت بوالديها وبأخيها مراد واعلمتهم بوصولها وانها بخير ونامت بعدها فورا
____________________
*في صباح جديد كليا على أبطالنا *
كان الجميع حول السفرة وبالطبع علموا بأن أدهم سيغادر ليجلب ابنته
ليان :جدو في طلب عايزة اطلبوا منك وعارفة انه مش وقته بس بعد اذنك الموضوع ضروري بالنسبالي
عبد الرحمن :اتفضلي يا حببتي
ليان :لا في المكتب بعد إذنك
عبد الرحمن :اي هو سر يعني
ليان :لا يا جدو موضوع خاص بيا
ذهب عبدالرحمن مع ليان الي مكتبه بينما كان مراد يقتله فضوله ليعلم ماذا تود أن تقول ليان الا انه بقى صامتا
شمس :هو احنا هنسافر امتى
أدهم :الطيارة كمان ساعتين كدا … اه صح ملك حضَّرتي اللي قولتلك عليه
ملك :اه ليان امبارح حضرت شنطة صغيرة لشمس وانا حضرتلك شنطتك
أدهم :تمام انا ورايا مشوار صغير وشويه وهاجي اخدك ونسافر تمام
شمس :تمام
ذهب أدهم واتجهت شمس الي غرفتها وملك الي جامعتها
ومراد الي عمله هو وسيلين
* في مكتب الجد *
عبد الرحمن :انتي متأكدة من قرارك دا يا ليان
ليان :اه يا جدو متأكدة
عبد الرحمن :خلاص زي ما تحبي يا بنتي
ليان خرجت من مكتب جدها وذهبت للعمل
___________________
*ف شركة الأحمدي*
عمار :تمام ي أكمل ومن بكرة يقدروا يبدأو تدريب ف الشركة اهم حاجة يلتزموا عشان انت عارف انا مقدرش اخاطر بسمعة شركتي بقالي سنين انا وعلاء باشا بنكبر الشركة دي
أكمل بغرور :لا من الناحية دي اطمن انا واثق انهم هيكونوا قد المسؤولية لان عدم سقوطهم السنادي متوقف على نجاحهم في الشركة اكيد
عمار :تمام ي أكمل اتفقنا
أكمل :شكرا على وقتك ي عمار
ووقفا وصافحا بعضهما
أكمل :مع السلامه
عمار :مع السلامة
غادر أكمل المكتب وهو يبتسم بخبث
ودخلت ليان بعدها الي مكتب عمار
ليان :استاذ عمار في ورق محتاج امضتك وكمان ساعتين عندك اجتماع
عمار :هاتي الورق والغي الاجتماع مش هقدر احضره مشغول اوي النهارده
ليان :مش هينفع يتلغي حضرتك
عمار :اتصرفي ي ليان واجليه
ليان :تمام ي أستاذ عمار
ووقع الأوراق واعطاها لليان
اتجهت ليان للخروج
عمار :ليان هشوفك ف الحفلة بكرة
ليان بإحراج :طبعا ي استاذ عمار
وابتسمت وخرجت
__________________
*ف الجامعة*
ملك :بس وهو هيسافر عشان يرّجع بنتو هو وشمس
نور :لحظة لحظة يعني انتو كان عندكوا عداوة مع العيله دي واخوكي الموز معرفش يحب غير بنت الراجل اللي عندكو عداوة معاه ف أبوها موافقش على أدهم لما راح اتقدملها راح اخوكي البجح اتجوزها عر… في من ورا ابوها صح وبعدها سابو بعض وانتو متعرفوش لي ودلوقتي هي رجعت وهو سافر معاها يأخد بنتو من جدها اللي بيكرهه وانتو سيبتوه
ملك :اولا احنا معرفناش حوار انهم اتجوزو دا غير امبارح دا اللي فهمته من جدي لما حاولت اتكلم معاه
ثانيا أدهم اخويا كلنا كنا عارفين انو مستحيل يسيب شمس او يوافق انها تكون لحد غيرو
نور :حقيقي قصة حب ولا ف الخيال عقبالي ي ملك
ملك بقله حيلة :اه عقبالك ما تتجوزي من ورا أهلك
نور :يعني ابويا كان قتلني …… لا وكله كوم وموضوع العريس اللي هقابله بكرة دا كوم بابا مُصر إصرار غريب اني اقابله لا وكمان بيحضروا ل فرحي انتي متخيلة اللي هو انا لسه موافقتش ي جماعة وربنا
ملك :يااااه اخيرا هتتجوزي واخلص من نقگ طب والله عمو حسين دا عسل انتي متستاهليش غير كدا اساسا
نور بغضب طفولي وهي تقلد ملك :طب يلا عشان المحاضره بدأت
وذهبوا الي محاضرتهم
ف المحاضره بعد قليل
د . أكمل :من بكرة بقا هتروحو على الشركات او البنوك على حسب ما انا وزعتكوا اوك هقول أسماءكم وهتروحوا شركة اي والباقي عليكوا وبالفعل انتهى وعلم الجميع مكان تدريبه
د . أكمل :تمام ي شباب عاوزكوا ترفعوا رأسي
الجميع :تمام ي دكتور
وانتهت المحاضره
بعد قليل ف الخارج
ملك :احسن حاجة اني اخيرا هخلص منك ومن هبلك جات من عند ربنا انتي هتكوني ف شركة وانا ف شركة تانيه اساسا الحمد لله
نور :اي للدرجادي مضايقة مني
ملك :بهزر معاكي بس نص الكلام حقيقه يعني بس والله هتوحشيني
نور :وانتي كمان بس عارفه اي الخبر الحلو
ملك :ايييي
نور :اني هقابله تاني
ملك :هو مين
نور :عمار الأحمدي مش الدكتور قال اني هتدرب ف شركة الأحمدي
ملك بزهق :ياربي هو دا اللي شاغل تفكيرك
نور :مش اوي بس شاغل اه
ملك بيأس :انا فقدت الأمل فيكي خلاص
إياد :وانا كمان والله
ملك بخضة :قبل ما تقطع خلفي اديني إنذار انك ورايا
إياد :احم مكنتش اقصد
نور :اه صح انت هتدرب فين ي اياد
إياد :هتدرب في مجموعه شركات العز
نور :يعني زي ملك جميل جميل
إياد :فعلا جميل ….. اقصد اه كويس
ملك :احم طب هخلع انا عشان ورايا موضوع مهم
نور :عاوزه تودعي اخوكي مش كدا
ملك :اه عندك مانع
نور :لا خالث مع السلامه
ملك :هبقي اكلمك باي
إياد :هتيجي الحفلة بكرة بعد التدريب مش كدا
ملك :اه هاجي
نور :اطمن طالما قالت هآجي يبقى هتيجي
وذهبت ملك وهي تفكر في جلب هدية مميزة ل إياد لكنها لا تعلم ما يحبه فهي لم تتعامل معه من قبل
__________________
*ف المساء*
ودّع الجميع أدهم وأوصل مراد أدهم الي المطار وعاد الي القصر
عندما عاد وجد الجميع مجتمعين ولكن كلا منهم في زاويه مشغول ب شيء
مراد :ي جدو ي ليلو ي ملك ي سيلين اي مش مبسوطين ليي
سيلين :انا لأ انا بس ورايا حاجات مهمة وشغل في تركيا بخلصو
ملك :وانا عندي حفلة عيد ميلاد واحدة صاحبتي هروحلها بكرة وبفكر هجبلها اي
عبد الرحمن :انا بقى مضايق اوي ي جماعة
مراد بقلق :لي خير ي جدو
ليان :انت كويس صح مالك ي جدو
عبد الرحمن :دا على اساس إنك مش عارفة ي استاذة ليان اذا كنتي انتي السبب اساسا
ليان :انا ليه ي جدو وهو انا عملت اي
مراد :عملت اي ليان ي جدو
عبد الرحمن :تخّيل ي مراد ليان عاوزه تمشي
مراد :نعم تمشي … تمشي فين
عبد الرحمن :بتقول انها دلوقتي بقت مسئولة عن نفسها ومفيش داعي تبقى حمل علينا أكتر من كدا
مراد :ومين اللي علمك الكلام دا ي عسل وعاوزه تمشي تروحي فين انتي اتهبلتي لا طبعا
ليان :اولا ي جدو انا قولتلك هاخد شقة بعيد عن القصر وتكون قريبة من شغلي وهاجي علطول عشانك والله اكيد مش هقاطعكو يعني
مراد :مفيش الكلام دا ي سكر قال تاخد شقة قال
ملك بلؤم :وانت مالك … اقصد مضايق لي اوي كدا يعني
مراد :هو اي اللي انا مالي دا ليان جزء من العيلة وانا معنديش بنات تعيش لوحدها هو احنا كنا اشتكينا مثلا
ملك :والله انا شايفه اني هي حرة دا قرارها
مراد بغضب :بلا قرارها بلا اختيارها هي مش هتسيب القصر يعني مش هتسيبه ودا قرار نهائي
سيلين بشك :طب وانت مالك ي حبيبي فعلا دا قرارها
مراد :هو اي اللي انا مالي لو دي لميس اختي هعمل نفس اللي بعمله دلوقتي اكيييد اني مش هسيبها تعيش لوحدها
ليان بألم وعند :بس انا بقا اخدت قراري ومش كلامك اللي هيخليني أتراجع
مراد :يعني
ليان :يعني انا مُصرة على موقفي
مراد : طب ابقي اعملي كدا وشوفي انا هعمل فيكي اي
ليان :هتعمل اي مثلا
مراد :هكسرلك رجليكي دول مثلا عشان ما تعرفيش تخرجي برا البيت دا خطوة
ليان :متقدرش
مراد :حاولي ونشوف هقدر ولا مقدرش وكانوا ينظرون لبعضهم البعض بعند
ثم ضربت ليان قدميها ف الارض واتجهت لتصعد الي غرفتها
مراد :استنى
وقفت ليان :يا نعم
مراد :في حد جاي عندنا انهاردة لازم كلكوا تقابلوه
ليان عقدت حاجبيها بإستغراب :مين يعني
ليأتي صوت من خلفهم
لميس بصوت عالي (بالتركي) :مرااااااد
نظر مراد خلفه ليجدها اندفعت الي احضانه
ملك اقتربت من ليان وقالت بخبث :لتكون دي كمان خطيبته
نظرت لها ليان بغضب ثم نظرت ل سيلين لتجدها تبتسم وتقترب من الفتاه
ليان بثقة :تؤتؤ دي لميس أخت مراد هي ب شعرها الغجري انا فكراها
ملك :يعجبني فيكي ثقتك
اقتربت ملك وليان منهم بينما ابتعدت لميس عن حضن مراد وهي تبتسم ثم صافحت سيلين ونظرت الي جدها واقتربت
لميس (بالتركي) :بالتأكيد انت جدي
عبد الرحمن وهو ينظر للميس بإستغراب
لميس (بالعربية) :اه عفوا انت جدو اكيد
عبد الرحمن :اه انا جدك
لميس :انت عارف انا مين
عبد الرحمن :لميس الطفلة اللي ياما عملت مصايب
لميس :دا كان زمان ي جدو
مراد :تؤتؤ الكدب حرام ولحد دلوقتي كمان
احتضنت جدها وهي تضحك
ثم اتجهت الي ليان انتي بقا ام عيون زرقا اللي شاغلة كل طفولة اخويا مراد مش كدا
ليان نظرت لمراد بينما مراد ضرب لميس بكتفها
لميس :اي هو انا قولت حاجه غلط مش هي دي الكراش بتاعتك وانت صغير
مراد :بتهزر بتهزر سيبكوا منها
لميس :المهم كان اسمك اي اهه… ليان صح
ليان :ايوا صح
لميس :هاتي حضن وانتي زي القمر كدا اي دا ي جدو انت مستورد البت من فين من فرنسا ولا من كوريا ولا اي بالظبط دي عسل اوي
ليان :دانتي اللي عسل والله
لميس :انتي مرتبطة او مخطوبه او كدا عندي عريس ليكي لقطة بصي هو احلى من مراد
مراد وهو يجز على أسنانه :اي مش هتسلمي على ملك
لميس بصوت خافت :استنى اما اشوف الرخم دا عايز اي وبعدها نرجع لموضوعنا
لتضحك ليان
ثم رفعت صوتها :لا طبعا هسلم عليها
لميس وهي تحدث ملك :ملوكة اهلا اي الحلاوة دي بسم الله ماشاء الله دي العائلة كلها جميله
ملك :طبعا يا بنتي اه صح انا كان عندي كام استفسار بسيط هو في تركيا الشباب زي ما بنشوف ف المسلسلات كدا بعيدا عن مراد طبعا عشان دا قمر … احم لامؤاخذه ي مراد
لميس :اهه مليانه بس اللي يلاحق 😂😂
مراد :لا خدي راحتك انتي وهي
عبد الرحمن :اكيد جعانه يا بنتي صح
لميس :انا واقعه من الجوع الحقوني ب أكل 😋
عبد الرحمن :ثواني …… زينب جهزي السفرة يلا … يلا تعالوا ي ولاد
بعد قليل أكلوا وظلت ملك ولميس يتبادلون الحديث واندمجوا جدا وليان تتجاهل النظر إلى مراد ومراد غاضب من فكرة انها تريد الذهاب ومر العشاء بسلام البعض سعيد والبعض مجروح والبعض غاضب والبعض لا يبالي
___________________
في الليل كان عمر قلقا على لميس يريد الاتصال بها لكن لا يعلم ماذا سيقول لها لكنه اتصل
* حوار مترجم بالتركي *
عمر :الو
لميس :عمر بيك هل هناك شيء هام
عمر :لا فقط كنت أخبرك وأوكد عليكي لكي لا تتأخري غدا في المجيء
لميس :لا لا تقلق لن اتاخر عمر بيك
عمر :امم اذن انتي بخير اليس كذلك
لميس :نعم انا في أفضل حال
عمر :جيد اذن اراكِ غداً …. عُمتِ مساء
لميس :عُمتَ مساء
وأغلق الخط وهو يشعر بالراحة
ثم اتجه الي فراشه لينام ليجد من يدخل الي الغرفة بسرعه دون استأذان
……. :Omar Surprise
(عمر مفأجأة)
عمر بصدمة :How did you come here?😳
(انتي كيف جئتي الي هنا)
……. :I missed you so much so I came🥰
( اشتقت اليك كثيرا ف جئت)
___________________
يتبع….
لقراءة الفص التالي : اضغط هنا
لقراءة الرواية كاملة اضغط على : (رواية ملاكي البريء)
