رواية مكاني في قلبك الفصل الأول 1 بقلم سولييه نصار
رواية مكاني في قلبك الجزء الأول
رواية مكاني في قلبك البارت الأول
رواية مكاني في قلبك الحلقة الأولى
بعد ستة أشهر من آخر حدث
قعدت علي الكرسي بتاعها كالعادة بتعب مخها مشوش …من شهرين تقريبا وافقت علي رائد وافقت تديله فرصة عشان يثبتلها انه بيحبها بجد بس للأسف كل يوم معاه بتكتشف انه مش قادر ينسي طليقته حور …ورغم انها وعدت نفسها انها متخليش غيرها تسيطر عليها لكنها مش قادرة تتجاهل النا.ر اللي بتحر.ق قلبها كل اما رائد يجيب سيرتها …في جلسات العلاج بتاعته واللي فيه بتحاول بقدر الامكان تنسي انها خطيبته وتتعامل كدكتورته النفسية بس إلا أنه لما بيتكلم عن حور مبتقدرش تسيطر علي الغيرة بتاعتها ابدا …بتحس أن قلبها بيتعـ.صر من الالم لما بيتكلم عنه ….حاولت نيرمين بقدر الامكان أنها متعيطش ولا تفقد سيطرتها علي نفسها …مش عايزة تبان أنها ضعيفة … لأنها من زمان مقررة لو شخص معين هيخليها تعيسة هتتخلي عن الشخص ده مهما كان …وده اتسبب أنها قطعت علاقتها باصحاب كتير اوووي لأنهم اذ.وها وزعلوها ورائد مش إستثناء….
قامت نيرمين من المكتب واخدت الجاكيت بتاعها الاسود ولبسته …ضبطت شعرها القصير رغم أنها عارفة أنه هيتبهدل تاني بفعل الهوا والمطر اللي برا
بس مهتمتش ..خرجت من الاوضة وهي بتقول للسكرتيرة بتاعتها:
-سميرة مدام نهي كلمتني امبارح وقالت انها مش هتقدر تيجي …وكده مش ورانا حالات تاني اقفلي العيادة وروحي قبل ما المطر يزيد
ابتسمت سميرة وهزت رأسها وقالت:
-حاضر يا دكتورة …
خرجت نيرمين من العيادة وحاسة بتقل علي قلبها …هي عمرها ما ارتاحت لما مريضة تأجل الجلسة بتاعتها …دائما كان عندها شغف انها تساعد المرضي بتوعها …بس دلوقتي لما مدام نهي اجلت الجلسة ارتاحت شوية لان في حالتها دي مش قادرة تساعد حد ودي أول مرة تحصل معاها ….مبقتش هي نيرمين بتاعة زمان …من أول ما رائد دخل حياتها وهي مبقتش نيرمين بتاعة زمان وحاسة أن روحها القديمة تاهت ..وبقا محور حياتها هو رائد بس …
وقفت قدام عربيتها الصغيرة والمطر الضعيف بيقع علي شعرها القصير لدرجة أن خصلات شعرها لصقت علي جبينها…وقفت شوية بس بعدين قررت انها تتمشي …قرار متهو.ر منها خصوصا أن المطر احتمال يبقي اقوي … من غير تفكير مشيت في الشارع وسابت عربيتها…كانت حاطة ايديها في الجاكت بتاعها الاسود وهي بتمشي بهدوء …عينيها في الأرض وحاسة أن الدموع بدأت تحرق عينيها…كان عقلها رافض يتوقف عن التفكير ..هي فشـ.لت تعترف بكده فعلا …فشـ.لت تخلي رائد يحبها زي ما بيحب طليقته …وهي مش مستعدة أنها تعيش مع واحد قلبه بالكامل مش معاها …بس خوفها من الحياة من غير رائد مخليها ضعـ.يفة مش قادرة تاخد القرار المناسب …دموعها بدأت تنزل زي المطر اللي بينزل وقالت بصوت مخنوق:
-ياربي اعمل ايه دلوقتي!!!
………..
بعد ساعتين
في بيت نيرمين….
خرجت من الحمام وهي لابسة روب الحمام الابيض …بعد دوش مية سخنة حست نفسها احسن بكتير …خلعت الروب ولبست بيجامتها الوردية اللي عليها رسوم كارتونها المفضل توم اند جيري وبعدين سرحت شعرها القصير …طلعت المرطب بتاعها وبدأت ترطب ايديها وبعدين مسكت مرطب الشفايف ومررته بسرعة علي شفايفها عشان تلمع اكتر …وبعدين بصت علي نفسها في المرايا وهي بتبتسم برضا ….كانت حاسة ان ثقتها اللي خسرتها الايام اللي فاتت بسبب رائد بدأت ترجع…
خرجت من اوضة النوم وراحت لمطبخها الأنيق…عشان تحضر كوباية الكاكاو باللبن اللي بتحبها …
دقيقتين بالضبط وكان في ايديها مج كبير من الكاكاو باللبن السخن….كترت.كاكاو المرة دي واتوصت بنفسها …فتحت التلاجة واخدت واحدة شوكولاتة كبيرة …فتحت الفون بتاعها علي اغنية Careless Whisper… وراحت قعدت علي الكرسي اللي قدام الشباك الكبير وحطت الفون جمبها علي الكرسي وبدأت تتفرج علي المطر اللي بينقر علي شباكها وبدأت تأكل الشوكولاتة وتشرب الكاكاو وهي بتفكر أنها لازم تستعيد السيطرة علي حياتها …رائد من اول ما دخل حياتها خلاها إنسانة تاني …خلاها تفقد سيطرتها علي سير حياتها وكده مينفعش … مينفعش تديله امتيازات أنه يتحكم فيها بالشكل ده …دموعها بدأت تنزل وهي بتتوصل للقرار النهائي ..القرار اللي كان مفروض تأخده من زمان اووي …وهي لازم تبلغه القرار ده …لازم تحط النقاط علي الحروف ووقتها أما ينفصلوا أو يديها الحب اللي هي عايزاه !!بس الاهم متبقاش هي الطرف الوحيد اللي بيدي ومبياخدش …مش هتبقي الضحـ.ية في العلاقة دي ..هي عايزة تكون الوحيدة في قلب رائد وده حقها …لازم تكلم رائد …لازم تبلغه بقرارها مش هتستني للصبح .
سحبت تليفونها وطفت الأغنية واتصلت برائد !
………
بعد نص ساعة ….
كان رائد قدام البيت مبتسم بسعادة وعينيه الزرقا بتلمع …شعره الاسود الناعم مبلول بسبب المطر بس اداله هالة جذابة …وحست هي أن حبه بينغرس في قلبها اكتر …كل اما تشوفه بتحس أنه روحها اللي مش هتقدر تتخلي عنها …بس نيرمين كانت قادرة تتحكم في حياتها كويس اووي …قادرة تسيطر علي عواطفها ومتخليش عواطفها تسوقها بشكل غـ.بي زي كده …
-مقدرتش اجيبلك ورد بس جيبتلك الشوكولاتة اللي بتحبيها…
بص علي البيجامة وقال:
-بيجامتك حلوة لايقة علي شخصيتك المجنونة
مضحكتش هي المرة دي وقالت :
-ادخل يا رائد عايزاك في موضوع مهم …
حس بالتوتر ودخل البيت وقال :
-قلقتيني يا برينسس ايه اللي حصل ؟!
غمضت عيونها وقالت:
-متقوليش الكلمة دي تاني …
بصلها بحيرة وقال:
-كلمة ايه ؟!
فتحت عيونها وقالت بغضب :
-متقوليش يا برينسس تاني …متقوليش الكلمة اللي كنت بتقولها لحور…انت كده بتجر.حني !!!
بلع ريقه وقال:
-حاضر حاضر بس اهدي وقولي ايه اللي حصل !!
-انا عايزة افسخ الخطوبة!
قالتها وفجأة ..رجع لورا شوية وكأن الجملة صدمته ..فضل ثواني مبيتكلمش وهو باصصلها وفي عيونه مشاعر كتير ..صدمة وغضب وجر.ح ..وخوف ..خوف أنها تسيبه هي كمان للابد !!!
-انا عملت ايه يا نيرمين ..عملت ايه يخليكي تسيبيني !
– عشان انا مقبلش الفتات يا رائد …مقبلش البواقي
قالتها نيرمين وهي بترفع رأسها …نظراتها كان فيها إصرار غريب…ورغم لمعة الدموع في عينيها الا أن القوة اللي كانت بتطل من عينيها غريبة …رفع رائد حاجبه اليمين وبصلها وقال:
-وضحي كلامك كده ؟!يعني ايه بواقي …وفتات!!!
حاولت تهدي نفسها عشان تتكلم …لازم تتكلم وتقوله اللي في بالها …هي مش هتفضل في النا.ر دي كتير ….رائد لازم يعرف الصراع اللي هي بتعيشه …
-وضحي كلامك يا نيرمين …يعني ايه فتات ؟!
قالها وعينيه الزرقا بتبرق بغضب …ربعت ايديها وقالت:
-يعني مقبلش أن واحدة تانية تشاركني في قلبك …أما اكون لوحدي في قلبك زي ما انت لوحدك في قلبي لاما كل واحد يروح لحاله …أنا مقبلش شريك في قلب الراجل اللي بحبه …
-تقصدي حور ..
قالها وهو بيبصلها بغموض فهزت رأسها وقالت:
-ايوة حور ..حور اللي لحد دلوقتي مش قادر تنساها وبشوفها في عيونك …..
-اكيد مش هنساها بالسهولة دي يا نيرمين !!!انا انسان برضه وفيه حاجات مقدرش اتحكم وأنتِ عارفة و…
-خلاص ما دام مش قادر تنسي لحد دلوقتي استناك لحد ما تنساها …احنا ورانا حاجة ؟!
قالتها نيرمين وهي بتمنع دموعها تنزل …كان نفسها ينكر أنه لسه بيحب حور …نفسها تنكر أنه لحد دلوقتي مهووس بيها …بس رائد كان صادق معاها …وكدكتورته النفسية هي عارفة أن حبه لحور صعب يتخلص منه
-يعني ايه كلامك ده …
انفعل رائد عليها
فخرجت نيرمين الخاتم من صباعها ومسكت كف رائد وهي بتدهوله وقالت:
-يعني انا غلطت لما لبست الخاتم ومشاعرك كلها مش ملكي …أنا مش هلبس الخاتم ده غير ما اتأكد ان قلبك كله ليا زي ما قلبي ليك ..أنا من النهاردة دكتورتك وبس يا رائد !!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مكاني في قلبك)
