رواية مكالمة منتصف الليل الفصل الرابع عشر 14 بقلم عادل عبدالله
رواية مكالمة منتصف الليل الجزء الرابع عشر
رواية مكالمة منتصف الليل البارت الرابع عشر
رواية مكالمة منتصف الليل الحلقة الرابعة عشر
: كلامك صح يا نور .
: تعرفي محامي يعملك الخلع ؟
: لأ .
: هشوفلك محامي انا من طرفي .
: وانا هروح فين دلوقتي ؟ معقول هرفع علي جوزي خلع وافضل معاه في نفس البيت !!
: شوفي مين من قرايبك تقدري تروحي تقعدي عندهم لحد ما ترتبي امورك .
: كل قرايبي مليش علاقه بيهم من زمان . ينفع تشوف لي انت مكان اعيش فيه مؤقتا .
: لأ مش هينفع . انتي لازم تقعدي عند حد يكون مصدر ثقة ليكي .حد من دمك يخاف عليكي .
: معنديش ثقة في حد اكتر منك .
: لأ . شوفي خالك او خالتك عمك او عمتك .اي حد من دمك يا لولا .انا مش هينفع .
: حاضر يا نور هشوف وابقي اقولك . وكمان هصرف منين يا نور ؟؟ انا مش عارفة اعمل ايه ؟
: لما نحدد الاول المكان اللي هتعيشي فيه وبعدين نشوف شغل يناسبك . انتي طبعا مش معاكي اي شهادة .
: لا يا نور انا خرجت من المدرسة من تانية ثانوي عام . انا كنت شاطرة اوي لكن بابا بقي الله يسامحه كان عاوز يجوزني وخلاص .
: طيب كويس اوي تبقي تشوفي اي شغل وتكملي تعليمك في نفس الوقت . صدقيني يا جميلة انا شايف حياتك ممكن تبقي حلوة اوي .
بعد يومين لولا كلمت نور وقالت له ان لها خالتها في اسكندرية اتصلت بها وقالت لها انها عاوزة تقعد عندها لفترة مؤقتة لحد ما تاخد حكم الخلع من جوزها وتلاقي شغل وترتب باقي امورها ، وان خالتها وافقت ورحبت اوي بيها خصوصا انها عايشة وحيدة بعد جواز ولادها وموت جوزها .
نور فرح اوي بالخبر ده وقالها انه كمان كلم محامي صديق له ووعده انه هيساعدها في الخلع بأقل مصاريف علشان ظروفها .
نور اشتري خط موبايل جديد وطلب منها انها توقف الخط القديم وتستخدم الخط الجديد علشان خيري وناصر مش يعرفوا يوصلولها .
لولا اتصلت بنور وقالت له انها لقيت شغل وانها جهزت الاوراق الخاصة بالخلع .وطلبت منه انها تقابله علشان يروحوا للمحامي وياخد منهم الاوراق الخاصة بالخلع .
؛؛؛؛؛؛؛؛؛؛؛؛؛؛؛؛
ناصر حاول يكلم لولا كتير لكن تليفونها علطول مقفول ، ناصر كان هيتجنن وراح يراقب بيتها علشان يعرف هي اختفت فين ، ناصر اتصدم لما عرف ان لولا اختفت بدون ما يعرف وحس ان نور ورا اختفائها .
ناصر عرف ان لولا خدعته وأتأكدت شكوكه فيها وعرف انه لازم يراقب نور علشان يوصل للولا .
ناصر بقي يراقب نور زي ظله بالظبط لحد اليوم اللي المفروض نور هيقابل فيه لولا علشان يروحوا للمحامي .
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية مكالمة منتصف الليل)
