رواية معشوقتي الفصل الثامن 8 بقلم إسلام علي
رواية معشوقتي البارت الثامن
رواية معشوقتي الجزء الثامن
رواية معشوقتي الحلقة الثامنة
عند مراد كلم فيروز علشان تروح معاه تخطب نور وهى شافتها قبل كدا فى فرح طارق وحبتها جدا وفرحت ان مراد مهتم بيها نسمه وهى بتفتح الباب لمراد وفيروز: اهلا اهلا نورتونا
فيروز: البيت منور بصحابو ياام نور
نسمه: اتفضلو اتفضلو
دخلو قعدو فى الصالون نسمه وفيروز ومراد ونور كانت فى المطبخ
فيروز: انت طبعا عارفه احنا جايين لى احنا جايين نطلب ايد نور لبنى مراد
نسمه: شرف لينا مراد زين الراجل
جات نور وهى لابسه فستان احمر قصير شويه وسايبه شعرها وكانت جميله جدا شايله صنيه العصير ومكسوفه قدمت العصير وقعدت جنب مامتها
فيروز: نحدد كتب الكتاب
نسمه: على بركه الله
مراد: ان شاءالله بعد اسبوعين كويس
نور: لا قريب قوى المعاد ده
فيروز بضحك: خلاص بعد شهر ان شاءلله
واتفقو على كل حاجه
ــــــــــــ
فضلت الاوضاع زى ماهى طارق وحور حياتهم كلها حب وادهم وفرحه زى ماهما فرحه مش بتخلى ادهم يلمسها وهو مضايق منها وفى نفس الوقت مش حابب يغصبها على حاجه
ومراد ونور حياتهم جميله ومتفقين
ــــ
عده الشهر وجى معاد فرح نور ومراد برضو كان فرح جميل جدا ونور كانت جميله جدا بفستانها الابيض وشعرها الطويل الجميل ومراد كان جميل جداً
وادهم الى كان بيضحك وكل لما يشوف فرحه قد اى هى حزينه معاه ومش بتحبو قلبو يوجعو وطارق الى هيموت من الغيره على حور واقنعها تلبس حجاب الى زادها جمال على جمالها وبرضو الانظار عليها
عده الفرح بكل حب وفرح ونسمه قلبها اطمن على نور وخلص الفرح والكل روح
ـــــــــ
عده شهر على الفرح ونور كانت قاعده مع فرحه لان ادهم ومراد اتجوزو فى الفيلا وعايشين مع فيروز وكمان شريف وطارق بيجى يقعد شويه لان حور بتبقا عايزه تقعد مع نور والتلت بنات اتصاحبو جدا وفرحه فتحت قلبها ليهم وابتدت تحب ادهم بس مش مدايلو حقو
وادهم مفهم الكل انو عايش عادى
ــــــــــ
فى يوم فرحه قررت انها خلاص هتقول لادهم انها بتحبو وادهم قرر انو خلاص هيطلقها راح البار وقعد يشرب خمر وكان شايف وش فرحه فى كل البنات الى حوليه وفى بنت جات اخدتو وطلعت اوضه فى اوتيل وفرحه كانت قلقانه عليه جدا وفتحت تفلونها وعرفت الموقع الى هو فى واخدت عربيه وراحتلو
عند ادهم مكنش فايق خاالص
ادهم: انتى لى مش مصدقه انا والله بحبك
البنت بمياعه: وانا كمان بحبك
ادهم: فرحه
البنت: فرحه
ادهم اول لما سمع اسم فرحه من البنت فاق وضربها بلكلم: اوعى تقولى اسمها على لسانك يارخيصه ولسه هيطلع من الاوضه لقى فرحه فى وشه وشافت البنت بفستانها القصير الفاضح ده فرحه نزلت تجرى وادهم وراها: فرحه استنى والله هفهمك
فرحه نزلت تحت وهى طالعه من باب الاوتيل
ادهم: صديقينى مخنتقيش والله بحبك
فرحه لفت لى بدموع: لى ده اناا كنت هقولك ان انا بحبك لى تعمل كدا
ولفت علشان تمشى جات عربيه خبطتها
ياترى اى هيحصل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية معشوقتي)
