رواية معا للأبد الفصل الأول 1 بقلم آلاء سيد
رواية معا للأبد الجزء الأول
رواية معا للأبد البارت الأول
رواية معا للأبد الحلقة الأولى
أحمد بهمس:المكان امان يلا بينا
فرح:روح انت وانا هجيب العده واجي وراك
احمد :اشطا
بعد بضع دقائق
احمد بتلذذ: الله هو دا الاكل ولا بلاش
فرح: اه وحياتك بس بقولك ايه هات الكتابين الي جمبك دول
احمد: ليه
فرح: علشان لو ماما دخلت نزق الحاجه جوه المكتب والكتب قدامنا بنذاكر ياذكي
احمد: تصدقي اول مره تقولي حاجه عدله
فرح بغرور مضحك: عيب عليك يسطا هو انا اي حد
احمد :قاعد مع واحد صاحبي انا
فرح: يعم اتلهي جتك نيله
احمد: شكل ايدي وحشت قفاكي صح
فرح:جرب تمدها بس وانا اروح اقول لماما انك انت الي كسرت الفازا الي تيته كانت جيباهلها
احمد: قوليلها وانا اقولها انك انتي الي كسرتي طقم الكاسات الجديد
فرح: وانا هقولها انك انت الي كسرت قزاز العربيه بتاع خالو علي
$وانا بقا هقولها على كل دا
احمد وفرح اتنفضو من مكانهم وبصو وراهم بصدمه
احمد وفرح: ماما😳😳
قمر الأم: اه ماما يا عيون ماما مالكو اتخضيتو كدا ليه
احمد بتلعثم:انتي هنا من امتى
قمر ببرود : أممم تقدر تقول من قبل م تيجو اصلا
فرح بتوتر وهي رايحه تحضنها: حببتي ياست الكل وحشتيني اووي قد البحر وسمكاته
قمر: متشوفيش وحش يختي هاا كملو كملو هببتو ايه تاني مَ انا مبيجليش منكو غير المصايب
أحمد بتوتر بيحاول يخفيه: مصايب ايه بس ياقمر احنا بتوع الكلام دا برضو احنا كنا بنهزر مش كدا يافرح
فرح بكدب وهي بتجاريه: ايوه ايوه احنا كنا بنهزر
قمر برفعة حاجب: اممم هبله انا اكدب ودني واصدقكم صح……. بس ماشي
وبتبص ورا احمد ع المكتب: فين الاندومي الي كان لسه هنا يا استاذ انت وهي انا مش قولت ممنوع يدخل البيت او تاكلوه بره حتى
أحمد بصدمه مصطنعه: اندومي؟!!! اندومي ايه بس يا أمي احنا بتوع الكلام برضو
قمر: لا بتوع كلام ايه دا انتو اصل الكلام دا هات يلا يـ حبيبي كل الي معاك
أحمد بتوتر: احم معييش حاجه حتى شوفي كدا
قمر بتبص عــ المكتب وبتشوف جوا الادراج مش بتلاقي حاجه فــ بترجع تبصلهم بــ استغراب: فين الاندومي انا شامه ريحته ولسه شيفاكو بتاكلو منو دلوقتي
فرح: اندومي ايه ياماما يــ حببتي بس دا تلاقيكي من تعب الحمل بس بيتهيئلك
قمر بتيصلهم بــ شك وبتقول بــ حده: مااااااااااشي اما نشوف اخرتها معاكو يا ولاد عاصم
وسابت الاوضه وخرجت واحمد وفرح اتنفسو براحه
فرح: ياااه كانت هتقفشنا وهنتنفخ
أحمد وهو بيطلع الاندومي من تحت السويت شيرت بتاعو: طب روحي اقفلي الباب بسررعه قبل م تيجي تاني
فرح: ايه دا انت لحقت تخبيهم هنا ازاي
أحمد: وانتي بتحضنيها رجعت ايدي لورا وأخدتهم وحطيتهم تحت السويت شيرت وكدا كدا بما انو اوڤر سايز فــ مش هيبانو
فرح: الله عليك ياحوكش اول مره اعرف إنک بتستخدم دماغك
أحمد: طب يلااا روحي اقفلي الباب علشان نلحق ناكل قبل مَ تيجي تاني
قمر وهي بتدخل الاوضه بعصبيه: بقا بتسغفلوني يا كلب البحر منك ليها
وفي ثانيه إلا ثانيه كان أبو ورده بيسلم ع وش احمد وفرح و الاتنين طلعو يجرو
قمر بعصبيه؛ بقا انتو يا كلاب البحر بتستغفلوني و تجيبو اندومي من ورايا وكمان بتكدبو عليا دا غير المصايب الي بتعملوها
احمد وهو بيجري: سماح ياميرو اخر مره
قمر: وكمان ميرو يا جزمه يلا زفت روح روق أوضتك وانتي اغسلي المواعين وعلى الله تكسري حاجه زي عادتك
فرح: الله يعني هي عادتي ولا هتعود عليها
قمر: اخرصي لحسن أبو ورده يمسي عليكي تاني
فرح :الطيب احسن🤐🤐
احمد بتذمر: الله بقا دا ظلم انا عندي امتحانات كمان شهر
فرح: م انا كمان عندي ومتكلمتش
قمر: عــ اساس انكو انتو ال2 طاحنين نفسكو مذاكره ياعيني
فرح: احم انا بقول نمشي بكرامتنا احسن
احمد:انا كمان بقول كدا خديني ف طريقك
وراح كل واحد ينفذ عقابه بعد ساعه كانت فرح خلصت واحمد كمان خلص وراحو ل قمر
احمد:ميرو مرمر القمر
فرح:روح هارتي
احمد:بصي اخر مره ومش هندخله البيت تاني بس بصراحه طعمو جامد
فرح: وكمان لما بيكون معاه سبيرو سباتس بيبقى خطير
قمر: اه وايه كمان
فرح: احم ولا حاجه
قمر: طب يلا قدامي امتحان مفاجئ لكل المواد والي هينقص نص درجه هو حر
احمد وفرح بتوتر: البس ربنا يستر
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية معا للأبد)
