رواية معاناة زوجة الفصل الحادي والعشرون 21 بقلم ميفو السلطان
رواية معاناة زوجة الجزء الحادي والعشرون
رواية معاناة زوجة البارت الحادي والعشرون
رواية معاناة زوجة الحلقة الحادية والعشرون
كانت خديجه تقف سعيده في احضان حَمزه لتجد زوجها قد تجَمد جسمه عندما سمعا صوت شريف ابن خالته يدخل ويهتف .. طب مش تقول يا حَمزه وتعزم ابن خالتك والا هو بتخطف وتلحق.
استدار حَمزه وتصاعد غضبه .. اخطف ايه يا شريف.
اقترب نادر.. فيه ايه يا شريف حد يخش علي حد كده.
ضحك شريف…. وعايزني اخش ازاي يا نادر اخش بفقره التنوره والا بصاجات. بس عموما البيه يستحق احتفال من العالي بجد شابو يا حمزه استاااااذ علمتني صح والله.
هتف حمزه… . شريف انت جاي ليه وعايز ايه.
قال بسخريه… جاي ليه…لا جاي لكتير… مش قلتلك هتيجي يوم واخد حقي وافرح فيك مش قلتلك مسيرنا نقف الوقفه دي اللي يقف قصاد شريف دي آخرته.
صرخ حَمزه…. طب يلا بقه احنا مش قابلين وجودك.
ضحك… طب ابارك للعروسه اقترب من خديجه.. مبروك يا خديجه بس بصراحه مش عارف اهنيكي والا اواسيكي. نظرت اليه بدهشه فقال.. حاولت يا خديجه ارجعك بكل الطرق وطلبتك لنفسي بس اقول ايه قدرك يا بنت الناس العيله دي تعذب فيكي.
صرخ حمزه…. اطلع بره يا زباله.
استدار…. انا اللي زباله.. لا يا حمزه الزباله اللي يلعب عالناس استدار و اخرج من جيبه مسجل شرائط صغير…. هديتك يا خديجه اسمعي وانبسطي بالسند اللي فضلتيه عليا. مسك يدها واعطاها المسجل.
فهجم عليه حمزه ومسكه من ياقته وتبدا حاله من الهرج والمرج والكل يحجز وحمزه مهتاجا ليتوقف الكل فجاه حين صدح صوت حَمزه وشريف وبدا الكلام ينساب من الشريط منذ اتفاق حمزه مع شريف ان يلعب علي خديجه من اجل الشركه وعمر. لاعتراف حمزه انه لا يحبها ولا يريدها. لاتفاقه انه سيفعل ما بوسعه للايقاع بها.. الي ان قال انه كزوج سيغدق عليها بالمال فماذا تريد منه غير ذلك. واعتراف انه قريبا سينتصر علي شريف ويحافظ علي شركاتهم . كان الكلام ينزل علي قلب خديجه يكويه ليتسمر حمزه ويبتلع ريقه ويستدير برهبه لينظر الي زوجته التي كانت تحَمل المسجل بيدها كانت متخشبه تنظر الي المسجل وفقط لا تفعل شيئا وكلما صمت الصوت تعيده مره اخري كان الكل في حاله وجوم كإن علي راسهم الطير.
ليصرخ اخيه…. هو فيه ايه ايه ده اللي حاصل.
ابتعد شريف وقال.. فيه ان حَمزه بيه وخالتي المصون جيت اقلهم عايز خديجه بما يرضي الله الاتنين رفضو. لا ورحتله اخدها برضه لقيته مصمم يبعدها عني وهو مابيحبهاش فلعبنا لعبه وهو وافق. حمزه بيه قرر يوقع مرات اخوه عشان الشركه وابن اخوه ماحدش يبعدهم عشان خديجه ماتتجوزش وتاخد فلوسهم وتمشي. حمزه بيه استكبر ازاي خديجه ترفضه ماهو مايترفضش يبقي لازم يلعب عليها ويوجع الغلبانه اللي غلبت احذرها بس هيا رفضتني.
لتصرخ امه…. انت مالك انت يا زفت بنحافظ علي حالنا ومالنا تدخل ليه عايزها تاخد فلوسنا وتمشي .
ليصرخ حمزه بقهر…. اسكتي يا ماما اسكتي حرام عليكي بقه.
ضحك شريف…. تسكت ليه ماتخليها تقول تطلع كل اللي جواكو عشان الغلبانه تفوق. انا اسف يا خديجه مالحقتش الجوازه بس اديكي عرفتي بتتعاملي مع انهي صنف ليتركهم ويرحل.
اما هيا فكانت لا تتحرك كانت محنيه تنظر للَمسجل ودموعها بدات تنهمر بصمت.
فصرخ محمد… انتو ايه انتو ازاي كده تعملو فيها كده ليه انتو كفره ايه الاولاني يتجوزها ويذلها َتجيلي تستنجد بيا اقلها عيشي ومشي امورك ومتخربيش على روحك تقوم تلف الايام وترجعو تغرزو غرزتكو يا كفره انتو ازاي جاحدين كده.
لتصرخ الام.. كنت عاوز ايه تدخل راجل تاني علي ابن ابني. وتاخد فلوسنا.
صرخ حمزه….. حرام عليكو بقه اسكتو اسكتو اقترب من خديجه لم يعرف ماذا يفعل ولكن بداخله سكاكين تتمزق عليها كان يقترب بهدوء وحالته هالكه كان ينظر اليها فهيا لا تنطق ودموعها تنهمر بشده اقترب وهمس…. طب ممكن تسمعيني بالله عليكي اسمعيني انا.. انا.. لم يجد ما يقوله فصرخ اخيرا بحرقه وخوف…. انا بحبك يا خديجه والله بحبك.
هنا تحرك اخيها وذهب ودفعه كفايه بقه. كفايه ذل بقه . انتو مفكرينا عشان علي ادنا هتذلونا مفكرينا هسيبهالكو دانا لو هشحت هاخدها هيا وابنها اشيلهم في عيوني وماعايزينش منكو مليم خلو فلوسكو تاكلكو حد الله مابينا مابينها.
صرخت وفاء زوجته… انت اتجننت يا محمد استدير وصفعها علي وجهها… اتجننت اه اتجننت لما اسيب اختي تنذل ليكي ولغيرك لما اسيب بنت امي وابويا تخدم في شقه اخوها بلقمتها لما اسيب الجاحدين دول يعملو فيها كده ايه فراعنه جبابره مالكوش رادع.
صرخ حمزه…. كفايه بقه انتو مش شايفين حالتها.
اقتربت ليلي.. خديجه حبيبتي اهدي وهنحل كل حاجه.
صرخ محمد مافيش حاجه هتتحل وهتطلقها وهاخدها َمن نن عيونكو ومش عايزن مليم ولا هقبل مليم من اساسه.
صرخ حَمزه…. انت ماهتبعدش مراتي عني لو روحها طلعت.
ليسمع المسجل ينزل علي الارض نظر اليها فوجدها ترفع نظرها اخيرا لينشق قلبه من كميه الوجع التي تظهر في عينيها فهمس برهبه خديجه انا..
لتتحول نظراتها لكره شديد فصرخ بقهر… لا ماتبصليش كده والنبي خديجه انا عارف ان اللي سمعته صعب بس….
قالت بجمود .. بس ايه يا حمزه بيه . فيه ايه تاني مخبيه. انت بجد عايش ومكمل باللي فيك ده.. مش خايف من ربنا خالص. وجع قلوب الناس ده عادي.. تمثل عليا كل ده وعادي تاخد قلبي وتخلعه عادي. ليه انا كت في حالي وقلتلك اني في حالي لتصمت قليلا تضع يدها علي وجع قلبها وهو يتمزق من داخله لتكمل. عملتلكو ايه بجد فلوس ايه اللي هاخدها وامشي دانا قعدت تلات سنين مابكلش في بيتكو لقمه. دا اخوك ذلني ذل الكلاب وقعدني ايام مايورنيش وشه والبيت فاضي من غير مليم ولا نطقتش. حد فيكو كان عرف مازن بيعمل فيا ايه يهين ويتكبر ويعيشني جعانه ومذلوله وجاي تدور علي فلوس. دانا اشتغلت عشان ماخدش مليم وترجعو تقولو فلوس. ايه الصعره دي انتو ازاي عايشين كده. انتو فعلا بني ادمين زينا لحم ودم وبتحسو زينا. لتقترب وتنظر اليه بقهر عملتلك ايه عشان تعمل فيا كده. حرام عليك انا بتقطع.. ليه ليه تلعب عليا مع ابن خالتك وتوقعني… انا مش مصدقه.. صحيح انا اللي اتوهمت انت عمرك ماقلتلي بحبك عارف ليه انت ماقلتهاش حتي لو بالكدب لانك قلبك حجر صوان ما بيتاثرش ولا يعرف يعني ايه حب. حبيتك يا اخي تعمل فيا كده وكل اما اقلك سيبني في حالي تعمل كده. فلوس يا حمزه كل همك الفلوس دانا غلبانه وعمري ما بصيت لقرش حد. ليه حرام عليك توجعني كده ليه. لتصرخ بوجع ليه يا كافر ليه قلبي بيتمزع من الوجع ليه تغرز حبك جوايا وترجع تمزعه ليه عملتلك ايه. انا يا حمزه كت هتتجوزتي وتراضيني بالفلوس. يا مصيبتي يا خلعه قلبي انا انا يا حمزه.. فلوس بتتكلم في الفلوس.. دانا كت بقع من طولي في الشوارع عشان ماعيش فلوس اكل ولا نطقتش ايام وشهور وسنين مامسكتش قرش ولا نطقتش كت بتلوي من الجوع ولا نطقتش ابني يقلي هجبلك اكل من تحت من وراهم ولا قدرت اخد منكو لقمه تسد جوعي .. اروح لاخويا اخدم بلقمتي وارجع اربي ابني مرميه زي الكلبه ولا نطقتش. قلتلك مش عايزه وهربيلكو ابنكو ولا عايزه صنف راجل. ايه اللي انا فيه ده.. ليه يا رب.. اتكتب عليا ولاد البنهاوي قدر اسود ودنيا الغربان تزعق وتعشش. اقتربت ومسكته من بدلته وهزته بعنف.. ليه ليه قولي ليه ماصعبتش عليك ماصعبتش مفيش قلب خالص ليه يا ظلمه.. اروح فين اروح فين منك لله ابتعدت ووضعت يدها علي قلبها احست أنفاسها تتمزق لتشهق بقوه وتركن الحائط ليقترب مفزوعا ويمسكها بقهر.. انا اسف اسف والله اسف.. لتظل تصرخ وتصرخ ااااه.. اااه.. وبدات وتتشنج الي ان سقطت علي الارض جثه هامده ليهوي قلب حمزه ويندفع يحملها.
اندفع اخيها يصرخ…. ماتحطش ايدك عليها. صرخ حمزه… دي مراتي ابعد عنها ماحدش هياخدها مني.
اقترب نادر…. انتو اتجننتو بتتخانقو والبت واقعه هتفطس ليحملها حمزه مسرعا وينزل بها الي المشفي والكل وراءه .
وصل المشفي وتلقفها الاطباء ووقف الكل في حال. مر الوقت فخرج الطبيب .. المدام عندها انهيار عصبي وادينالها مهدئ ولما تفوق هنشوف حالتها ايه.
اغمض حَمزه عيونه بوجع ليقترب اخيها… انت السبب منك لله ربنا ينتقم منك بس اعرف ان اختي ماهتقعدش ليك ولا هتنذل ليك.
قال حمزه بوجع…. بقلك ايه خديجه مراتي وماحدش هياخدها مني..
مر الوقت ودخل اليها حمزه فوجدها نائمه ليقترب بهدوء ويرجف قلبه. جلس بجوارها كانت هادئه وشاحبه مسك يدها وقبلها فهمس… مش لاقي حاجه اقولها ومش لاقي وصف عاللي عملته. حاسس جويا بيموت علي وجعك ما كنتش مدرك اللي جوايا عارف اني دبحتك بس انا انا حبيتك من غير ماعرف من سنين من ساعه ماشفتك وانت اتغرزتي جوايا من سنين وانا اتحرقت لما مازن خدك وانا مش عارف بتحرق ليه كنت بشوفكو بحس بلسع جوايا هربت بره عشان كل اما بشوفكو بتوجع مش عارف انك اتغرزتي جوايا شريف جه وعملنا اللي عملناه بس والله ما كت هأذيكي كنت هعاملك بما يرضي الله. انا موجوع واتوجعت من واحده وقفلت علي نفسي بس حبيتك ورفضت اعترف بيه حسيت بغرزه قلبي اول ما خسيح اني هفقدك يا قلب حمزه والله قلبي انا بحبك يا خديجه وهعيش عمري كله تحت رجليكي اراضيكي عارف انك موجوعه عارف انك مقهوره نظره الكره اللي شفتها في عينك دبحتني يا عمري ماقدرش اشوفها انا حاسس اني مجرم وخسيس. بس و َالله انا بحبك جايز جت متاخر بس اعملي ما بدالك يا قلب حَمزه اعملي اللي تعوزيه هصبر يا قلبي هصبر مفيش غير اني اصبر واستني لحد ماتسامحيني خديجه انت روحي وحاسس ان نفسي بيروح مني قعدت تقول قلبك حجر قلبك حجر اهي جت اللي فلقته نصين ومزعته وهتوريك ايام تقهرك َ. عارف هتعملي ايه يا قلب حَمزه هتزعلي مش كده هتبعديني مش كده.. بس لا عارف ان حبيبي طيب َحنين ومش هيقدر يبعد عني ماهو بيحبني اه خديجه مش هتبعد عن حمزه مهما حصل.
ظل جنبها يقبل يدها ليمر الوقت وتبدا هيا في الافاقه لتجده جالسا بجوارها يمسك يدها لتشد يدها وتسيل دموعها.
قال بقهر.. طب بالله عاليكي ماتعيطي انا ماستحقش دمعه تتبكي عليا بس والله بحبك خديجه والله من زمان بعشقك بس ما حسيتش خديجه ماتسكتيش كده انا قلبي هيقف. طب ناويه علي ايه حبيبتي اعملي ما بدالك وانا هراضيكي. شوفي ايه يرضيكي وانا تحت رجلك والله شوفي انا كنت عايز احافظ عليكي والله لا ببص لفلَوس ولا زفت والله جوايا كان بينكوي بس انا اتوجعت وقلبي بقي حجر من جواه واللي يقرب ابعده واموت اللي جوايا بس انت جيتي وانغرزتي جوايا من غير ماحس وماحسيتش..خديجه انا حبيتك قبل مازن وماحسيتش كنت يشوفهم بيقربو كنت بموت انا سيبت البلد من حرقتي وماعرفش جوايا ايه. خديجه انت روحي وحاسس بجوايا بيطحن بعضه هموت وخايف علي اللي ممكن تعمليه بس انت قلبك ابيض عارف حبيبي مش هيسيبني ازاي بس واحنا رَوحنا في بعض مش قولتيلي انا امانك وعايزه صدر حمزه انا اهوه يا قلب حمزه. اه غلطت بس جاي لحدك طالب العفو والله طالب العفو كانت دموعها تسيل بقوه….. بالله عليكي بطلي دموعك دي قلبي ماعادش متحمل وجعك ده
قالت بجمود… عايزه محمد
ليحس بقلق.. عايزه محمد ليه يا قلبي اطلبي وانا انفذلك.
لتهتف.. عايزه محمد..
تنهد.. طب عايزاه ليه ماتخوفنيش قولي هتعملي فيا ايه خديجه بصيلي انت مراتي وهموت وتبقي مراتي يا قلبي.
هتفت بجمود.. عايزه محمد بقلك..
تنهد وخرج ليدخل عليها شقيقها اقترب واحتضنها.. ازيك يا قلبي
ابتسمت بسخريه.. زي مانت شايف مدعوكه من طوب الارض يا اخويا.
تنهد.. وهتف حقك عليا يا خديجه انا السبب يا ريتني بعدتك عنهم قبل كده دول مش بني ادمين.
قالت.. ماعتش تفرق تبعد تقرب كله محصل بعضه بس دلوقتي انا بقلك انا ماعتش هيتخاف عليا خديجه خلاص ماتت وظهرت واحده تانيه تعيش لابنها وبس انا مش عاايزه خظحاجه من حد يا محمد خلاص دنيتي اتقفلت وقلبي مات بجد انا مت من جوا انا حبيت حمزه لدرجه العشق وعملته سحبت روحي ماعتش حاسه باي حاجه عايزه ابقي لوحدي لا اعرف حد ولا حد يعرفني.
قال.. تعالي وانا هقعدك معززه مكرمه وهطلقك منه.
قالت… مش هتقدر عليه يا محمد حمزه جبروت ومش سهل وممكن ياخد ابني ويساومني.
قال… طب هنعمل ايه.
قالت.. لا مش هنعمل.. قول هعمل ايه انا هعرفهم ازاي يلعبو عليا انا هخلعلهم قلبهم واحد واحد ان كان هو والا الست الوالده مش بيقول بيحبني وهيموت عليا ماشي يا سي حمزه زي ما خلعت قلبي هخلعلك قلبك وادعسه برجلي.
قال أخيها… ناويه علي ايه.
قالت… كل خير ليا ولابني بس اهم حاجه تجبلي عمر مايسيبنيش لحظه ابني في حضني بعيد عن العالم دي.
قال… حاضر يا حبيبتي.
قام محمد ودخل حمزه لتنزوي هيا وتعطيه ظهرها وتنام ويجلس هو مقهورا يشعر بالذعر لما هو قادم.
توالت الايام اخذت عمر بجوارها كانت لا تدعه يتركها لحظه.. دخل حمزه .. انا هاخد عمر يبات َعند جدته عشان بقاله تلات ايام وهيا قلبها واكلها عليه.
قالت… لا سيبه انا عايزاه معايا ومن فضلك روح هاتله غيار.
ظل ينظر اليه فاقترب وقبل راسها وذهب الي البيت لتقابله امه.. ليه يا حمزه ماجبتش عمر يابني هموت عليه َوحشني مابقدرش يعدي يوم ال مااخده في حضني انا هتجنن عالواد.
قال… حاضر يا امي بكره هيخرجو باذن الله وهجيبهم و َاجي
لتتنهد.. طب يا حمزه حاول يا ابني تراضيها عشان عمر انا اموت لو يبعد عني.
قال.. ماتقلقيش يا امي حَمزه مش هيسيب حياته تروح منه مش بعد مالقيت روحي اسيبها انا غلطت واستحق اي حاجه الا انها تبعد عني لا انا اقدر ابعد ولا اقدر اسيبها هقعد اراضي لحد ما تسامحني.
قالت… وانا معاك اهه هراضيها برضه عمر ده روحي النفس اللي باخده والنبي يا حمزه راضيها لاجل عمر هموت كده.
قال… ان شاء الله حبيبتي وتركها وذهب متمنيا ان يصلح ما افسده بيده ليدخل الي المشفي كان قد احضر اكلا وشيكولا لعمر ودخل سعيدا الي الحجره ليهوي قلبه عندما….
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية معاناة زوجة)
