رواية معاناة بشرى الفصل السادس 6 بقلم بشبوش
رواية معاناة بشرى البارت السادس
رواية معاناة بشرى الجزء السادس
رواية معاناة بشرى الحلقة السادسة
قتلي الو وي حنونتي وعمري وشراكي قتلها اهلا كبدة نتاعي علابالك ماسكي. هبلني مزية عيطتيلي ضحكت قتلي متخافيش قتلها خفت قلت بلاك. كاش واحد ولا حاجة هدرت معايا هيا الاولى بيسك علابالها لوكان قال هوا الو نكوبي عليه ديركت بقيت نهدر ونسقسي فيها وهوا كان يسمع في صوتي حتى قلي وي بشرى. حسيت دنيا دارت بيا كوبيت عليه ديركت قلبي بدا يضرب حكمتني دوخة مقدرتش وليت نحاول باش ننسى داك. الصوت حسيت قيامة قامت بيا بقى يعيط ويعاود يعيط ويعاود حتى لصبح مقدرتش نرقد شغل بديت نتفكر. كيفاش كنا نضحكو نلعبو نقصرو نتضاربو سيرتو كي. يتقلق شحال يولي شباب بديت نسترجع في ذكرياتي معاه لحضة بلحضة من غدوا هاداك. شرى نيمرو جديد وعيطلي ريبونديت عليه قلي. بشرى احكي. معايا توحشتك. ويبكي. حسيتو بيبي ويحوس على حاجة قلي والله ماكان علابالس واش. كنت ندير يابشرى اسمحيلي غاضني بديت نبكي. كوبيت عليه درت نيميرو ريجت ومن. بعد. كسرا قع النيميرو نتاعي. يعيطو مكاش عيطو لدارنا محبيتش نهدر. معاه. نهدر. غير مع. دارهم. قعدنا سمانة جاو عندي وجا هوا حاولو دارنا معايا قالولي اعطيلو فرصة متخليش بنت المراة تديه وآلله غالب ماشي غرضو خرجت ليه بالسيف كي. شفتو نغميت مقدرتش نفس ضاقت بيا قتلو لوكان دريتك. هكا منخسرش حياتي معاك ونخسر بنتي ولا وليدي. في كرشي مع واحد. كيما انت متستاهلش تكون عندك. مراة وتكون. أب قتلو انا ماغاضني والو غاضتني كرشي وكبدتي لللي عام وشهور ولحضات ودقايق وثواني وانا نستنى، ربي يفرحني بيها قتلو راهي الروح. في رقبتك. ومننساش الضرب اللي ضربتني وتعفس عليا وتقلي بنت حرام قتلو انت اللي رجعتني بنت حرام. ومننساش البنات والسهرات ومننساش الرخس والذل اللي ذليتني بيهم ومننساش ومننساش بدا غير يبكي وقلي علابالي حقك عليا بشرى عنقني قتلو اطلقني نحي يدك. عليا وبلاك تزيد. تخمم. تمسنى حكمني انهيار حسيت روحي نرجف خلاص حسيت لساني ثقيل فشلت قتلو منزيدش نشوفك في حياتي قلي علابالك ضريتك. بزاف واسمحيلي نديرلك واش تحبي والله مانقدر نعيش بلا بيك. صح. انتي خرجتي معايا فحلة وانا الله غالب عليا ماشي بيدي كلشي جا فوق طاقتي قتلو روح نخمم ونقلك قلي نقلك. حاجة نحبك ونموت عليك وجامي نسمح فيك. غير الموت اللي تديني عليك قلي وكان نموت متنساينيش ارواحي وزوريني بشرى يامرتي العزيزة الموت كاينة وتكون اسمحيلي واسمحيلي اسمحيلي بزاف انا تم صاي قلبي مقدرش خرج وليت نحاول نرجعو ونقلو ماتروحش وتخليني راحو وانا قعدت نخمم وكلامو مراحش. من وذني وقلبي وجعني وغير نبكي ودارنا معايا يعطيوني فالكوراج هوما وصلو وهوما عيطلولي قالولي وصلنا انا تم برد قلبي قلت حمد لله ماصرالو والو نضت دوشت وصليت قريت شوية قرٱن ريحت وبديت نتوحشو كي شفتو تبدل قع وصوتو مزال شباب. هه دخلت فيسبوك. نحيتو مالبلوك.لقيتو غالق كي. دخلت لباج نتاعو نخلعت واش داير ادعولي علابالي راهي الموت قريبة فسامحوني لقد عشت معاكم. اجمل. اللحضات احبابي احبكم. انما الموت واحدة والفراق سنة الحياة فاأرجوكم. سامحوني وتهلاو فالوالدة والوالد والزوجة واخوتي واخواتي ربي يحفظكم. كي قريتها رحت نجري عيطلتو تيلفون مغلوق مكاش ستاتي كان. عندو يومين من حطو نعيط والو نعيط والو عيطت لدار شيخي. قتلي راح. مع صاحبو خالد ومرجعش قتلها نن وينتا قتلي من، 5 نتاع العشية خلاص حكمتني الموت قتلهم عيطو تيلفون مغلوق عجوزتي ضحكت قتلي خفتي عليه ااا هجيجيلة وضحكو عليا قالولي متخافيش دك. يجي. قتلهم. لالا عيطو ولا ابعثو بابا يسقسي عليه 7:30 عيطولي قالولي لازم. تجي. راجلك. دار اكسيدون معرفتش واش صرالي ديماريت مع دارنا عمامي قع الله يبارك عليهم رحنا طموبيلات طريق كاملة وانا نضبح مقدرتش وصلت بعيدة شوية علينا سطيف وصلنا قتلهم متقولوليش مات برك وليت نقلو ياأمير نوض والله غير راك. مسامح معرفتش روحي واش كنت نقول غير نضبح. هبلت عليه منكذبش على روحي قعد. يومين وهوا في غيبوبة وانا مزالني هكا. لا ماكلة لاشراب وغير نبكي ونضبح. من. بعد صاي طحت مرضت فشلت حكموني تم. عندهم. فالسبيطار حتى شوية بدا يفطن رحت عندو شفتو بدا يفطن مي. ماشي جايب الخبر كي. فطن. مليح ماعقل على حتى واحد انا تم. تحطمت قلنا طبيب ضربى جاتو في راسو ولازم شوية وقت باش يقدر يسترجع ذاكرتو انا تحطمت خلاااااااص قلت معليش مهم. عاش ورجعلي وراه فالدنيا ويشوف. فيا قعدت معاه قارد. ملاد كي. شغل راني. مع بيبي ونربي فيه يحكمني من يدي وميطلقنيش كي. جا طبيب حكيتلو قتلو كيفاش يحكمني وميحبش نبعدوعليه كيفاش ماشي جايب الخبر قلي حاولو تفكروه بالعقل وجيبو صوالح اللي يتفكرهم حاولنا ودرنا اللي علينا مكان حتى نتيجة قعد شهرين حتى بالعقل بدا يرجع مي. قعدت في. داري نخدم فيه بدا يرجع بالشوية حتى رجع امير نتاع زمان ومن بعد بدا يديرهالي بلعاني يقلي معرفتكش ويدير واحد الصوالح نحسبهم صح. نولي نبكي نقلها يايما واقيل راح يروح فيها شوفي ولش راه يقول يبداو يضحكو عليا من بعد قالو لازم تقريب عام وحنا متفارقين قالو لازم فاتحة باش نرجع عاودنا فتحنا ونسيت انا الباصي ورجعنا ومن بعد هزيت الحمل ومرضت بزاف خالتي عيطتلي قتلي مبروك. عليك والله غير راكي. مليحة ولباس عليك. قتلها تخطيني انتي نولي انتيك قع ايا فاتو وزدات عندي طفلة بعد معاناة مع الوحم وحمد. الله بنت خالتي نخطبت عرضتني ودج. كنت نتعادية معاها وماما متهدرش. معاهم. مرحتش نخطبت وزادت دخلت بيني وبين دار شيخي وقتلهم. راهي تمشي وتهدر فيكم. فيقو لعماركم. ودار شيخي. كان علابالهم بخرايبها دك. نقلكم. دنيا كي. دارت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية معاناة بشرى)
