رواية معاناة الحب الفصل السادس 6 بقلم رحمة سامي
رواية معاناة الحب الجزء السادس
رواية معاناة الحب البارت السادس
رواية معاناة الحب الحلقة السادسة
مراد قرب بغضب من ملاك: اي اللي بيحصل دا ومين دا وازاي تسمحي لنفسك تخليه يحضنك انتي ناسيه انتي مرات مين
ملاك: دا يبقي حازم يا مراد ابن خالتي ويعتبر اخويا الكبير انت متعرفش هو كان بيعمل معايا اي عشان اعرف اعدي ايامي
حازم: الف مبروك يا مراد انت اخدت جوهره حاول تحافظ عليها لانك مش هتلاقي زايها خالص
مراد بغضب: الله يبارك فيك بس بعد كدا خالي ايدك بعيده عن اللي يخص غيرك تمام
ملاك: بس يا حازم انت عرفت مكاني ازاي دا بابا قالي انسي اهلي خالص واني ميته بالنسبه ليكوا
حازم بتريقه: ما انتي عارفه ابوكي يا ملاك بشوية فلوس عرفتي مكانك وجيت اطمن عليكي يا حبيبتي بس شكلي لازم اجي كتير
مراد بعصبيه: يا بخت من زار وخف تعالي معايا انتي كمان في ناس لازم اعرفك عليهم
مشيت ملاك مع مراد وهي مضايقه وحازم بيبص ليهم بشر جابر ساعتها خرج علي الكرسي المتحرك بتاعه ومسك الميك وبداء يتكلم
جابر: اهلا بكل المعازيم اكيد الكل مستغرب سبب الحفلة المفاجاه دي وانا قررت اريحكم واعرفكم انا عملت الحفلة دي عشان اعرفكم علي احلي ملاك واللي هي مرات ابني مراد
الكل بقي يسقف ويبارك لمراد وملاك لحد ما رجعت شرين تاني وقالت: انا عندي سؤال صغير خالص ليكوا يا عرسان هو انتي يا ملوكة متعرفيش بحكاية دراع مراد ولا اي
ملاك وهي بتبص لمراد: اكيد عارفه يا شرين واحب اطمنك اني قابله بيه كدا ومعنديش اي مشكلة خالص وبالنسبالي هو احسن راجل لي الدنيا كلها في حاجه تاني
شرين بغل: لا يا حبيبتي انا بس كنت بطمن عليكوا عن اذنكم بقي لازم امشي دلوقتي الوقت اتاخر اتبسط بمعرفتك
شرين مشيت ومراد بص لملاك وقالت: انتي ليه قولتي كدا وانتي اصلا متعرفيش حاجه وحته لو تعرفي ليه دفعتي عني وانا معاملتي ليكي زي الزفت يا ملاك
ملاك بابتسامه: سبق وقولتلك انت جوزي يا مراد ودا واجبي ناحيتك وخليك عارف ان مهما عملت فيا انت ليك احترامك قدام الغريب ومشاكلنا دي تخصنا احنا
مراد باعجاب وقبل ما يتكلم دخل عادل وباين علي ملامحه الحزن والتعب قرب عليهم وقال: الف مبروك يا عرسان معلش اتاخرت شوية
مراد باستغراب: مالك يا عادل في اي اول مره اشوفك كدا انت كويس يا صحبي
عادل: مفيش حاجه يا مراد متشغلش بالك بيا المهم انا هسافر اخر الاسبوع امريكا وممكن اغيب شوية اعذرني
ملاك: طب انا هسيبكم تكملوا كلامكوا وهروح اشوف نور فين عن اذنكم
نور كانت بتجيب عصير وهي ماشيه ومش واخده بالها خبطت في حازم وقالت: انا اسفه مخدتش بالي والله حقك عليا
حازم بقرف: انتي غبيه اي اللي عملتيه دا انا معرفش بيهيمه زايك بتعمل اي هنا
نور بغضب: في اي يا عم انت ما قولت اسفه اي هتسوق فيها مكنوش شوية عصير يعني امال لو كانوا مياة نار كنت عملت اي
حازم قبل ما يرد جت ملاك وقالت: في اي مالكوا صوتكم عالي كدا ليه
حازم: الغبيه دي وقعت العصير عليا اكيد شحاته جايه تاكل وتمشي
نور بغضب: ما تحترم نفسك يا اخ انت هو في اي سكتنالوا دخل بحماره ولا اي يعني
حازم كان هيرد ملاك قالت: بس بقي انت وهي في اي مالك يا حازم دي نور تبقي اخت مراد
حازم بتريقة: البتاعه دي تبقي اخته بجد والله ازاي يعني دي شكلها شحاته والله يلا مش مهم
نور: يا صبر ايوب انا همشي قبل ما امسكه اقتله مكانه وانتي يا ملاك يلا امشي معايا
حازم: بس يا عسل سيبي بنت خالتي عايز اتكلم معاها شوية روحي انتي لاخوكي
جه مراد وقال: ما خلاص بقي الحفلة خلصت اطلعي اوضتك يا نور وخدي ملاك معاكي عقبال ما اودع المعازيم
طلعت ملاك مع نور لما لاقيت مرادمد متعصب وحازم مشي وهو من جواه بيغلي من نور وبعد ما المعازيم مشيت طلع مراد الاوضة كانت ملاك غيرت وبتفرد البطانية علي الكنبه
مراد: انتي بتعملي اي يا ملاك
ملاك باستغراب: هكون بعمل اي اليوم كان متعب اوي وانا محتاجه انام
مراد: طب تعالي نامي علي السرير جانبي من هنا ورايح مفيش نوم غير جانبي
ملاك بكسوف: بس ازاي يعني لا خليني هنا انا كدا مرتاحه متشغلش بالك
مراد بغضب: انا مش بحب اعيد كلامي مرتين هدخل اغير تكوني نفذتي
ملاك: طب تحب اجي اساعدك عشان يعني دراعك وكدا
مراد بغضب: انا مش عاجز وبعرف اساعد نفسي كويس يلا روحي اتخمدي
…………………..
في بيت شرين كانت قاعده شايطه علي الاخر مسكت التلفون وكلمت
شرين: بقولك اي انا عايزاك تجبلي كل المعلومات اللي تخص صحبت الصورة اللي هبعتهالك دي
الشخص:……………
شرين: متقلقش فلوسك كلها هتوصلك واه صحيح ابعتلي الصنف الجديد عشان اللي معايا خلص ومش قادرة
الشخص:…………………..
شرين: تمام يلا سلام ومتتاخرش
…………………….
مراد خلص ودخل السرير كانت ملاك نايمه وباصه للسقف وبتفكر
مراد: انا اسف يا ملاك بس انا مش بحب حد يحسسني اني عاجز
ملاك: هو ممكن اطلب منك طلب يعني
مراد باستغراب: خير عايزة تطلبي اي اكيد فلوس مش كدا
ملاك: لا طبعا بس هو ينفع نكون صحاب يعني
مراد: صحاب مش عارف بس هفكر في الموضوع يلا نامي بقي
ملاك ابتسمت ونامت مراد فضل يتقلب في السرير ومش عارف ينام لحد ما قرب من ملاك وحضنها وساعتها نام علي طول..
……………………..
في بيت حازم كان قاعد علي السرير وماسك صورة ملاك دخلت امه عليه…
الام: وبعدين يا حازم انت عايز توصل لي اي بالظبط انا متاكده انك مش بتحبها
حازم: الحب مش كل حاجه يا ماما بس ملاك لازم تبقي معايا بي اي طريقة كانت
الام: اي السر يعني انا مش فاهمه بجد متقولي اي الحكاية مش يمكن اساعدك
حازم وهو بيضحك: لا شكرا انا بعرف اساعد نفسي كويس اوي يلا بقي خليني انام
خرجت الام وحازم مسك الصورة وقال: زي ما قولت يا ملاك انتي جوهره ومحدش يعرف قيمتها غيري وهرجعك يعني هرجعك
……………
تاني يوم صحيت ملاك ومراد علي صوت صريخم نور جريوا يشوفوا في اي واللي محدش كان يتوقعه هو………..
ياتري اي حصل ونور بتصرخ ليه… وياتري سر اهتمام حازم هو الحب ولا في سر تاني…. شرين ناوية علي اي اي….. قولوا توقعاتكم بقي… 😹❤
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية معاناة الحب)
