رواية معاناة الحب الفصل السابع 7 بقلم رحمة سامي
رواية معاناة الحب الجزء السابع
رواية معاناة الحب البارت السابع
رواية معاناة الحب الحلقة السابعة
جري مراد وملاك يشوفوا في اي لاقوا نور واقفه جنب جابر وهو واقع علي الارض جريت ملاك وهي بتعيط….
ملاك: في اي يا نور بابا وقع كدا ازاي اي اللي حصل ردي انتي ساكته ليه ساعديني اقومه
نور: حاولت كتير ومش عارفه يا ملاك انا جيت لاقيته واقع كدا
ملاك: مراد تعال ساعدنا انت واقف بتتفرج علي اي تعال بسرعه يلا
نور: مراد اتحرك انسي زعلك دلوقتي دا مهما كان ابوك يلا يا مراد
مراد قرب وحاول يساعدهم: مش قادر انا عاجز مش قادر فعلا
ملاك صعب عليها مراد: براحه يا مراد هتعرف انا ونور هنا هنساعدك اهو يلا
وفعلا رجعوا جابر علي الكرسي المتحرك بتاعه وبسرعه طلبوا الدكتور واول ما جه وكشف عليه وخرج كان مراد واقف بعيد بس سامع وشايف كل حاجه..
نور: طمني يا دكتور بابا كويس
الدكتور: الحمدالله عديت علي خير بس جابر بيه محتاج شوية اهتمام اكتر وياريت لو يسافر يغير جو ويبعد عن اي ضغوط
نور: تمام ياكتور شكرا لحضرتك
الدكتور: العفو ياريت يلتزم بالعلاج اكتر من كدا عن اذنكم
نور قربت من مراد: مراد عشان خاطري خلينا نسافر كام يوم
مراد: مش هينفع يا نور عادل مسافر اخر الاسبوع ومفيش حد يمشي الشغل
نور: دا لسه اخر الاسبوع خلينا نسافر يومين بس ونرجع قبل ما عادل يسافر وافق بالله يا مراد
مراد: ماشي يا نور عشان خاطرك انتي بس
نور بابتسامه: شكرا يا احلي اخ في الدنيا كلها
ملاك: انا هطلع اغير هدومي وانزل اعمل الفطار عن اذنكم
طلع مراد وراها: ملاك استني عايز اقولك حاجه
ملاك: خير يا مراد في حاجه
مراد بتوتر: بصراحه كدا انا فكرت في الطلب بتاعك ومعنديش مشكلة نكون صحاب بس بشرط واحد
ملاك باستغراب: شرط اي هو الشرط دا بقي
مراد: في حدود كدا مينفعش تتخطيها واياك يا ملاك تخيبي ثقتي فيكي او تكدبي فاهمه
ملاك بابتسامه: موافقه وفاهمه طبعا اطمن
مراد: تمام جهزي الشنط بقي عشان السفر
ملاك بفرحة: هو انا هسافر معاكم بجد
مراد: ايوة طبعا امال هسيبك هنا انتي مراتي يلا انجزي وقتك بقي
…………………………
في مستشفي الامراض العقلية وصل عادل والحزن باين عليه ودخل يشوف اميرة…
عادل: ينفع اللي عملاه في نفسك دا يا اميرة مش هتقومي بقي وتقعدي ترخمي عليا وتقوليلي يا عبيط
اميرة:…………..
عادل: يعني مش هتردي عليا ماشي انا زعلان منك بس بوعدك قريب اوي هترجعي احسن من الاول باذن الله يا حبيبتي
دخلت دكتورة كبيرة في السن: لدرجادي بتحبها يا ابني
عادل بحزن: اكتر ما بحب نفسي بس هي عمرها ما حست بيا بس مش مهم المهم اني بحبها واني مش هسيبها غير وهي كويسه
الدكتورة: يمكن كل دا حصل عشان هي تحس بيك تعرف انها دلوقتي اه مش معني بس هي سامعه كل حرف انت بتقوله
عادل: بتمني فعلا تبقي سمعاني وتعرف ان الوضع اللي هي فيه دا وجعني اوي واني عايزاها تقوم في اسرع وقت ممكن
الدكتورة: طول ما في واحد زايك جانبها وبيحبها هي هتعافر وهتقوم متقلقش انت بس صلي وادعيلها كتير ربك قادر علي كل حاجه
عادل: يارب انا هعمل اي حاجه عشان هي تبقي كويسه مش هسيبها لحظه غير وهي واقفه علي رجليها ان شاء الله
الدكتورة: ربنا يقدرك يا حبيبي وانا هفضل متابعة الحالة لحد يوم السفر بتاعكم
……………………
في النادي شرين كانت قاعده جه الشخص اللي كانت بتكلمه في التلفون…
شرين: جبت المعلوم ولا اي نظامك
عباس: كله تمام يا قمر خدي اهو بس قللي شوية عشان دا اتقل من اللي فات
شرين: ماشي انجز بطل رغي كتير والمعلومات اللي عايزاها عملت فيها اي
عباس: اهي البت دي غلبانه اوي لو قدرتي تكسبيها في صفك هتفيدك جدا واه خالي بالك هو مسافر بيها وبالعيلة كلها النهارده
شرين: كمان مسافرين حلو اوي كدا اشطا امسك فلوسك اهي ويلا اتكل علي الله
عباس: ماشي يا وزة وخلي بالك عباس في الخدمه دايما سلاموز يا حلوة
شرين: كتك القرف لولا الحاجه بس بقي هتسافر يا مراد ماشي اصبر عليا وملاك دي هخليها في جيبي بس الصبر حلو
…………………………..
في شركة حازم كان قاعد شغال ومفيش شوية ودخلت دنيا وهي متعصبة اوي…
دنيا: انت فين بقالك كام يوم يا حازم اي حكايتك بالظبط ولا كله عشان ست ملاك
حازم: في اي يا دنيا ما براحه شوية هي القيامه قامت يعني ولا اي واي دخل ملاك في الكلام انا بس عندي شغل
دنيا: بقولك اي انا مش اي حد عشان تضحك علا بكلمتين تمام فوق لنفسك يا حازم دا انا دنيا وكل اللي انت فيه دا من فلوسي انا
حازم بغضب: انتي اتجننتي ولا اي ازاي تعلي صوتك عليا والله يا حلوة محدش ضربك علي ايدك عشان تديني فلوسك وفلوسك مضعتش يا اختي اهي شغاله وبتكسب كمان
دنيا: حازم سيب ايدي في اي انا مش قصدي حاجه بس انا بحبك وانت عارف كدا كويس
حازم سابها: وبدام بتحبيني يبقي تتهدي شوية لان مفيش غيرك في حياتي يا حلوة
دنيا: طب يا حبيبي مش يلا عشان نسافر شرم عشان المشروع الجديد واهو نتفسح شوية
حازم: طيب يلا بس تعالي الاول نطلع علي الشقة اصل انتي وحشاني اوي
دنيا بدلع: يلا يا قلبي دا انا عملالك جو حلو اوي وهيعجبك يلا بينا
……………………………
في الشالية بتاع مراد وصل الكل وهما مبسوطين وملاك مبهورة بجمال المكان كله ومش مصدقة انها شافت البحر لاول مره كله طلع علي اوضته وملاك سابتهم وراحت علي الشط..
مراد: واقفه هنا لوحدك ليه مش خايفه تاخدي دور برد وتتعبي
ملاك: مش مهم انا من بدري نفسي اشوف البحر دي اول مره اشوفه بجد منظره تحفه
مراد: ومش اخر مره كمان متقلقيش هجيبك هنا كتير بس انتي تسمعي الكلام
ملاك بفرحه: حاضر والله هسمع الكلام بس امن جبني هنا حته لو مره في السنه
مراد بضحك: في اي يا طفلة وقت ما تحبس تيجي هنا هجيبك والله متقلقيش يلا بقي ندخل جوه عشان متتعبيش
ملاك لسه هتتحرك وقعت في المياة وهي مش بتعرف تعوم: مراد الحقني هغرق اااه مراد
مراد واقف ومش عارف يعمل اي هو مش هيقدر ينزل من دراعه بقي واقف ومش عارف يتحرك ومفيش حد يخليه ينزل ينقذها وفجاه……
ياتري اي هيحصل لملاك ومراد هيتصرف ازاي…. شرين هتقدر تكسب ملاك ولا لا….. عادل هيعمل اي مع اميرة…. حازم اي حكايته مع دنيا… قولوا توقعتكم بقي…. 😉❤
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية معاناة الحب)
