رواية معاناة الحب الفصل الخامس 5 بقلم رحمة سامي
رواية معاناة الحب الجزء الخامس
رواية معاناة الحب البارت الخامس
رواية معاناة الحب الحلقة الخامسة
بعد ما خلصو رقص كانت ملاك مكسوفة اوي ومراد مستغرب نفسه الكل فضل يسقف ليهم ونظرات الاعجاب من البعض والحقد من البعض الاخر لحد ما قربت شرين منهم
شرين: مبروك يا مراد بجد مبسوطة ليك اوي عرفت تختار عروسة قمر
مراد ببرود: شكرا يا شرين طبعا عروسة قمر وهو مراد هيتجوز اي واحده والسلام
شرين قربت من ملاك وحضنتها: الف مبروك يا عروسة بس متفرحيش اوي لان ضحكتك دي مش هدوم وافتكري كلامي كويس
ملاك ملامحها اتغيرت ومراد لاحظ دا: شرفتي يا شرين ممكن توسعي بقي في معاظيم عايز اسلم عليهم عن اذنك
في بيت عادل قبل ما يخرج لاقي خالته جت استغرب وقالها: اي يا خالتي عامله اي غريبة اول مره تيجي من غير معاد
رديت وقالت: عايزة اتكلم معاك يا عادل في حاجه بخصوص بنتي يمكن تقدر تساعدني
عادل قلق وقال: خير يا خالتي في اي اتفضلي اقعدي واحكيلي وانا لو اقدر اساعدك مش هتاخر انتي عارفه انا مليش غيركوا
خالته قعدت وبداءت تحكي مشكلتها…..
كنت راجعه من الشركة تعبانه من بعد ما الشغل كتر عليا بسبب ان اميرة بنتي بقيت مهمله في شغله ومبقتش تروح الشركة زي الاول واموت واعرف السبب اي فتحت الباب ودخلت كان البيت هادي خالص طلعت علي اوضتي علي طول بس سمعت صوت جاي من اوضة بنتي
روحت اشوفها واول ما فتحت الباب اتصدمت باللي شوفته زعقت وقولت: اي اللي انا شايفه دا هو اي اللي بيحصل هنا بالظبط انا مش مصدقة نفسي
وفجاه اغمي عليا وبسرعه خدوني علي المستشفي ودخل الدكتور يكشف عليا وطلع قال: المدام عندها غيبوبة سكر ومش هتفوق منها غير بكره ان شاء الله الف سلامه عليها
بصيت اميرة لهيثم وقالتله: احنا هنعمل اي دلوقتي ماما اول ما هتفوق هتحكي كل حاجه لحسام وساعتها مش هيرحمنا
رد وقال: متقلقيش هنلاقي ليها حل يا حبيبتي انا همشي دلوقتي وهاجي بكره اطمن عليها عشان بس حسام ميعملش مشكلة اني فضلت هنا
وفعلا هيثم مشي وفضلت اميرة جانبي لتاني يوم فتحت عيني وهي كانت نايمه علي الكنبه وانا بفتكر اللي حصل من سنتين….. فلاااش بااك
كونا في الشركة واميرة بعد ما اتخرجت من الكلية بقيت شغاله معايا ايدينا في ايد بعض وفي يوم اميرة دخلت وقالتلي: انا زهقت بقي يا ماما كل ما اركب العربية اعمل حدثة دي بقيت عيشه تقرف بجد
رديت وقولتلها: ما قولتلك يا اميرة نجيب ليكي سواق افضل يا روحي اهو يريحنا شوية من حوادث كل يوم دي ومفيهاش حاجه يا روحي
لاقيته قالت: ماشي يا ماما خلاص موافقه انا هروح اكمل شغلي بقي وبعد كدا هخرج اروح النادي شوية مع نور صحبتي
قولتلها قبل ما تخرج: استني يا اميرة راحه فين هو انتي نسيتي ان في ناس معزومه عندنا النهارده مينفعش تتاخري النهارده خلي مشوار النادي دا في اي يوم تاني
لاقيتها رديت بزعيق وهي بتقول: يوووه يا ماما هو احنا مش هنخلص من موضوع العرسان دوال بقي انا قولتلك مية مره مش عايزة اتجوز
رديت وقولتلها: يا بنتي حرام عليكي نفسك انتي بقي عندك تلاتين سنه هتستني اي اكتر من كدا اللي قدك معه بدل العيل اتنين وتلاته انا نفسي افرح بيكي يا اميرة
بصتلي وهي بتقول: ربنا يسهل يا ماما هشوف العريس حاضر بس لو مش عجبني مش هوافق انا قولتلك اهو يلا هروح اشوف شغلي بقي
جينا بليل وحسام ابني قابل الضيوف لحد ما اجهز انا واميرة وبعد شوية نزلنا وقعدنا مع العريس وامه وبعد سلامات اتكلمت امه وقالت: يا نادية هانم انا حابه اطلب ايد بنتك اميرة لابني حسن
رديت اميرة ساعتها وقالت: طب وهو ابن حضرتك بقي معه شهادة اي وشغال اي ولا انتوا بقي جايين طمعانين في فلوس ماما
زعقت وقولتلها: اميرة عيب كدا يا بنتي في اي الناس ضيوف عندنا ومينفعش اللي بتقوليه دا حسن شاب كويس وطموح وبيكسب كويس
ساعتها بصتلي وقالت: وهو الحلو ملهوش لسان يرد بيه يا ماما ولا اي متتكلم يا استاذ حسن عايزة اسمعك اتفضل
ساعتها حسن قام وقف وقال: ولا تسمعيني ولا اسمعك خلاص احنا شكلنا غلطنا في المعلومات عن اذنكم يا جماعه
وبعد ما مشيوا مسكت اميرة من دراعها وقولتلها: واخرتها معاكي يا اميرة انتي عايزة توصلي لي اي كل عريس يجي ترفضيه ليه يا بنتي حرام عليكي نفسك
لاقيته بتزعق وبتقول: قولتلك مش عايزة اتجوز انتي ليه مش بتفهمي اي يا نادية هانم عايزني اتجوز بالعافية وياتري اي السبب بقي
فجاه لاقيت حسام دخل وراح ضربها بالقلم وقالها: لما تتكلمي مع امي تتكلمي كويس فاهمه ولا لا انتي شكلك عايزة تترابي من اول وجديد يا ست اميرة
قربت ووقفت قدامه وقولت: انت اتجننت يا حسام بتمد ايدك علي اختك وانا واقفة ولا اي امال لما اموت هتعمل اي يا ابن بطني
سابني ومشي وانا سندت اميرة وطلعتها اوضتها وقولتلها: اي رايك تسافري يومين يا اميرة تغيري فيهم جو يا حبيبتي دا يمكن يحسن نفسيتك
رديت وقالت: ماشي انا خلاص اختارت السواق ومن بكره هيستلم الشغل وساعتها هخليه ياخدني علي الشاليه بتاعنا في شرم
استغربت وقولتلها: اختارتيه امتا دا وليه معرفتنيش مش لازم اشوفه واسال عليه الاول يا بنتي لحسن يكون مش كويس
لاقيتها ضحكت بطريقة غريبة وقالت: لا متقلقيش هو كويس انا سالت عليه اكيد خايفه علي نفسي اكتر منك بكتير بعد اذنك بقي عايزة انام خدي الباب في ايدك
خرجت وانا مستغربة كلامها لاول مره اشوف اميرة بتتكلم معايا كدا واشوف في عيونها كمية الحزن دي بس قولت اسيبها تسافر يمكن ترجع احسن من الاول
بعد كام يوم رجعت اميرة وهي مبسوطة اوي اول ما شوفتها حضنتها وقولتلها: وحشتيني اوي شكلك راجعه مبسوطه اي جو شرم عمل سحره
ضحكت وقالتلي: جدا يا ماما بجد كانوا اسعد ايام حياتي هو حسام فين دا وحشني جدا مسالش عليا ولا مره الوحش
دخل حسام وقال: عشان مفكرتيش تتأسفي علي اللي حصل بس مش مهم انتي برضو اختي الصغيرة حمدالله علي سلمتك يا حبيبتي
جريت اميرة وحضنته وهي بتقول: قلبك ابيض بقي يا حسام متبقاش وحش كدا وبعدين مش ناوي تتجوز بقي البت هدي زمانها عفنت جانبك
وقبل ما يرد دخل هيثم بالشنط وحسام استغرب وقال: مين دا انا اول مره اشوفه وشايل الشنط بتاعتك ليه يا اميرة
رديت وقولت: دا يبقي هيثم يا حسام السواق بتاع اميرة اصلنا تعبنا من الحوادث بتاعتها فقولت اريحها شوية واميرة اللي اختارته بنفسها
حسام بصله بقرف وقال: مش جبت الشنط اتفضل بره بقي…. وبعد ما خرج اتكلم حسام وقال: ازاي تشغلي شاب صغير زي دا يا ماما سواق لاميرة مينفعش خالص
اميرة بصتله باستغراب وقالت: وفيها اي يعني يا حسام وبعدين انت اصلا بتبصله بقرف كدا ليه مالك دا زيه زاينا علي فكره
استغربت وقولتلها: اهدي يا اميرة في اي حسام مش قصده حاجه وبعدين حسام هيثم مش صغيرة يعني دا عشرين سنه يعني راجل واهو مخلي باله من اختك
رد حسام وقال: راجل اي وبتاع اي وبعدين يا ست اميرة عايزاني ابصله ازاي يعني اروح اضربله تعظيم سلام انتي مالك في اي
اميرة بصتله وقالت: مليش يا حسام بس ياريت نحترم مشاعر غيرنا مينفعش نبصلهم من تحت عشان هما بس اقل مننا
استغربت قولتلها: انتي اللي بتقولي كدا يا اميرة سبحان الله مش انتي اللي كنتي بترفضي العرسان بسبب مركزهم وانهم اقل مننا
سابتنا ومشيت من غير ما ترد وحسام قرب مني وقال: ماما انا مش مرتاح للموضوع دا اميرة من امتا بتفكر كدا لا وكمان هي اللي جبته
قولتله: كبر دماغك يا حسام في اي دي اكبر منه بي عشر سنين واميرة عاقلة وعارفه بتعمل اي كويس يلا يا حبيبي روح لخطيبتك ومتقلقش
رد وقال: انا هخرج يا ماما بس افتكري كلامي كويس انا مش مرتاح لهيثم دا وبتمني تغيريه في اسرع وقت ممكن بعد اذنك
خرج حسام وانا كلامه بيدور في دماغي بس بحاول اكبر دماغي لان اكيد دا مستحيل يحصل اميرة مش مراهقه عشان تعمل كدا
تاني يوم خرجت اميرة وقالت لهيثم: هيثم ممكن تطلع بينا علي اي مطعم وحشني اننا ناكل سوي يا حبيبي انا محتاجك اوي
رد هيثم وقال: بس كدا حاضر يا روحي من عيني بس ممكن اعرف مالك بقي وليه عيونك حمراء كدا مش قولنا مفيش دموع
اميرة بصتله وهو سايق وقالت: غصب عني يا هيثم انا بحبك انت الوحيد اللي عوضتني علي فراق بابا محدش حس بيا غيرك انت رغم انك….
سكتت فكمل هيثم وقال: اني اصغر منك قوليها عادي يا اميرة بس انا سبق وقولتلك الحب مش بالسن انا من يوم ما شوفتك في الشركة ورفضتيني وانا متعلق بيكي جدا
اميرة استغربت وقالت: طب ليه جيت تشتغل سواق عندي انت عارف اني كنت بعمل كدا عشان اكسرك ليه وافقت يا هيثم
ضحك وقال: عشان كنت واثق انك هتحبيني يا اميرة وكنت راضي افضل جانبك حته لو سواق مش فارقه معايا كتير
ابتسمت اميرة وقالت: طب يلا بقي انا جعانه بجد وديني مطعم حلو كدا زي اللي كنت بتوديني ليه واحنا في شرم
كنت قاعده قلقانه عشان رجعت وملقتش اميرة في اوضتها والوقت بقي نص الليل لاقيت اميؤة دخله بتضحك قربت عليها وقولتلها: انتي كنتي فين دا كله وازاي تخرجي من غير ما تعرفيني يا اميرة وكمان الشغل اي نسيتي
رديت وقالتلي: كنت بتفسح شوية يا ماما معلش هبقي انزل الشغل بكره ان شاء الله وبقولك اي انا عايزة اشغل هيثم في الشركة جانب شغل السواقة فبعد اذنك شوفيله مركز كويس هو معه شهادة كويسه
استغربت وقولتلها: هي اي الحكاية يا اميرة من امتا الاهتمام دا كله يطلع مين هيثم دا عشان تفكري فيه بالشكل دا وياتري كنتي بتتفسحي مع مين انا اتصلت بكل اصحابك ومحدش يعرف عنك حاجه خالص
سكتت شوية وبعدين قالتلي: كنت بتفسح لوحدي يا ماما وهيثم مسبنيش خالص وكمان فيها اي لما اهتم بشاب طموح زي هيثم وارد شوية من اللي بيعمله معايا
قربت منها وقولت: اميرة يا حبيبتي لو في حاجه احكيلي عنها انا ماما حبيبتك صدقيني هبقي معاكي انا بحبك وعايزة مصلحتك
ابتسمت وقالتلي: لو في حاجه اكيد هحكيلك يا ماما متقلقيش هطلع انام بقي عشان الشركة الصبح ومتنسيش وظيفة هيثم
سابتني وطلعت وانا قلقانه اوي عليها مرضتش استني حسام واحكيله حاجه لانه صعب اوي ومش هيتكلم بالعقل فدخلت انام
حسام كان مع خطيبته هدي وهما بيتعشوا سوي هدي قالتله: وبعدين في اختك دي يا حسام هي مش ناوية تتجوز بقي الناس بقيت تتكلم عليها بطريقة وحشه
رد حسام وقال: مين دا اللي يقدر يجيب سيرة اختي بطريقة وحشه اميرة لسه مجالهاش نصيبها يا هدي بكره ان شاء الله تلاقي اللي ينفعهت
ابتسمت هدي بحب وقالت: يا حبيبي انا خايفو عليها هدي زي اختي وانت عارف دا كويس بس خلاص متزعلش وقولي بقي هنتجوز امتا
ضحك حسام وقال: ما هي دي المفاجاه اللي كنت محضرها ليكي يا ستي بس انتي متستهليش خلاص مش هقولك حاجه
هدي عملت نفسها زعلانه وقالت: بلاش رخامه بقي يا حسام وقول عشان خاطري انا غلطانه يا سيدي اتكلم بقي اي هي المفاجاه
رد وقال: ماشي يا ستي احب اقولك ان الفيلا اللي هنتجوز فيها خلصت وبكدا هكلم ابوكي وفرحنا هيبقي كمان شهر يا روحي اي رايك
هدي فرحت اوي ومسكت ايد حسام وقالت: انا مش مصدقة نفسي اخيراً بقي هنتجوز وهلبس الفستان الابيض انا فرحانه اوي
حسام لرح لفرحت حبيبته وقال: وان شاء الله يا روحي كل حياتنا هتبقي فرح في فرح وعمري ما هخليكي تزعلي في يوم يلا كلي بقي
تاني يوم في الشركة كنت قاعده في مكتبي ودخل هيثم اول ما شوفته قولتله: اقعد يا هيثم انا عايزة اتكلم معاك شوية وبتمني انك تكون صريح معايا
هيثم رد بتوتر وقال: اتفضلي طبعا يا نادية هانم انا تحت امرك خير في اي هو انا غلط في حاجه لسمح الله
رديت وقولت: لا مغلطش ولا حاجه انا بس اميرة كلمتني وقالت انك معاك شهادة كويسه وتنفع معانا في الشركة وانا خلاص وفرتلك مكان بس انا عندي سؤال تاني هو انت في حاجه بينك وبين اميرة بنتي
هيثم ساعتها ملامحه اتغيرت وقالت بتوتر: لا طبعا اي اللي حضرتك بتقوليه دا انسة اميرة محترمه جدا واكيد اللي عملته دا عشان هي بتحب الخير لغيرها مش اكتر
ابتسمت وقولتله: ماشي تقدر تروح تستلم شغل في مكتب المحاسبة وبتمني تكون قد التوقعات اللي اميرة حطيتها
خرج هيثم وانا الشك بيزيد جوايا اكتر واكتر وبسرعه اميرة راحت لهيثم مكتبه وحضنته وقالت: انا مش مصدقة اخيرا هتبقي معايا في كل حته مش ناقص غير انك تبقي معايا في البيت
ضحك هيثم وقال: اهدي بس احسن حد يشوفنا مينفعش كدا وبعدين يا حبيبتي واحده واحده كل اللي نفسنا فيه هيحصل بس المهم اننا سوي في الاخر
اميرة ابتسمت بحب وقالت: ماشي يا حبيبي هسيبك بقي تشوف شغلك وانا هروح اخلص شغلي واعمل حسابك هنخرج سوي بليل
وفعلا بليل خروج سوي وراحوا سنيما وبالصدفة كان حسام وهدي هناك واول ما هدي شافت اميرة قالت لحسام: اي دا يا حسام دي اميرة كمان هنا مش كانت تقول كونا جينا سوي بس مين اللي معاها دا شكله صغير خالص
حسام بص وشاف اميرة وهي ماسكه ايد هيثم وبتضحك اتعصب اوي وراح عليها وقال: ممكن اعرف الحلوة بتعمل اي مع السواق في السنيما وازاي تسمحي لنفسك تمسكي ايده
هيثم بعد وساب ايدها بخوف واميرة قالت: في اي يا حسام ما براحه شوية مش كدا احترام ان في ناس حوالينا هتفضحنا
راح حسام ضربها بالقلم وقال: وانتي لسه شوفتي فضايح خرجالي مع السواق ومقضيها واحنا ولا نعرف دا انا هوريكي هعمل فيكي اي
كل دا وهيثم وهدي بيتفرجوا وراح حسام ماسك ايد اميرة وشدها ومشي بيها وهدي راحت وراه بس هيثم متحركش من مكانه
كنت قاعده بتفرج علي التلفزيون لاقيت حسام داخل وهو بيشد اميرة وهي بتعيط كانت هدي روحت بيتها خلاص جريت عليهم وقولت: في اي يا حسام اختك مالها وليه ماسكها كدا
حسام سابها وقال بزعيق: اسالي كانت بتعمل اي مع السواق في السينما علي اخر الزمان بنتك هتفضحنا مع عيل صغير
اميرة ساعتها زعقت وقالت: دا اسمه هيثم مسمهوش عيل وهو احسن منك ميت مره وفيها اي لما اخرج معه او اقولك فيها اي لو اتجوزته كمان مش عيب
اتصدمت وقولتلها: تتجوزيه انتي اتجننتي يا اميرة تتجوزي السواق بتاعك وكمان دا اصغر منك بعشر سنين انتي حصل لمخك اي
زعقت وقالت: وفيها اي مش راجل بيشتغل وبيعرف يصرف علي نفسه وكمان الحب مش بالسن خالص انا برتاح معه وبفرح بوجوده
حسام قرب وجابها من شعرها وقال: انا كنت فاكرك كبرتي وعقلي بس اظن انك اتهبلتي خالص بصي يا اميرة لو مشلتيش التخلف دا من دماغك مش هيحصلك طيب والله
شديته منه وهو طلع اوضته وانا اخدتها في حضني وبقيت احاول اهديها وانا بقولها: اهدي يا حبيبت ماما صدقيني هيثم مش هينفعك د لسه صغير اكيد طمعان في فلوسك
رديت وقالت: لا يا ماما مستحيل دا كل خروجتنا من فلوسه هو انا مش عايزة غيره صدقيني انا سعادتي مع هيثم وبس
مكنتش عارفه اعمل اي طلعتها اوضتها تنام وانا روحت اوضتي وانا بفكر لحد ما نمت صحيت تاني يوم وروحت لاميرة عشان تروح معايا الشركة
رديت وقالتلي: معلش يا ماما انا تعبانه ومش هقدر اروح النهارده معلش سبيني علي راحتي انا هنام ولو صحيت وبقيت كويسه هاجي الشغل
سيبتها ومشيت محبتش اضغط عليها بس الغريب ان هيثم مجاش الشغل حاول مركزش وخلصت شغلي ورجعت بليل لاقيت اللي حصى واميرة في حضنه في وضع مش كويس
وفجاه وقعت من طولي بسرعه واميرة قالت لهيثم: البس هدومك بسرعه قبل ما حسام يرجع ويشوفك خلينا ناخد ماما علي المستشفي وفعلا هيثم لبس ونزلوا بيا علي اقرب مستشفي…. باااااك
بقيت بصه لاميرة وانا بقول: ليه عملتي في نفسك وفينا كدا يا اميرة حرام عليكي يا بنتي ضيعتي مستقبلك وبوظتي حياتك خلاص والله اعلم هيثم دا هيطلع اي
فوقت من كلامي علي دخول حسام وهو مخضوض وبيقولي: ماما انتي كويسه انا اسفه معرفتش اللي حصل غير دلوقتي كنت بايت في شغلي غصب عني والله
قولتله: اهدي يا حبيبي مفيش حاجه دي غيبوبة السكر عادي يعني انا كويسه اهو واطي صوتك بس عشان اختك متصحاش
بس ساعتها اميرة صحيت واول ما شوفتها مقدرتش امسك نفسي وقولتلها: اطلعي بره انا مش قادرة ابص في وشك امشي من قدامي يلا
خرجت اميرة وهي بتعيط وحسام طلع ودفع حق المستشفي وروحنا البيت راح حسام ماسك اميرة وقالها: بصي حبيب القلب اللي كنتي بتتكلمي عنه يا اميرة بصي مقضيها مع كام بنت وفيهم واحده حامل منه ونصب علي كذا واحده فلوسها
اميرة ساعتها اتصدمت وقالت: اي دا انت اك بتكدب هيثم مستحيل يكون كدا انا واثقه فيه هيثم كويس وبيحبني انا هتصل بيه يجي دلوقتي يرد عليك
فضلت اميرة تتصل بيه مش بيرد وبعدين بعتلها رساله مكتوب فيها: تعيشي وتاخدي غيرها وشكرا علي الايام الحلوة دي واه انا اسف انا خدت كل المجوهرات بتاعتك والفلوس اللي كانت في دولابك سلام يا قطة
اتكلمت ساعتها وقولت: شوفتي اهو طلع نصاب وضحك عليكي ضيعتي نفسك خلاص يا بنت بطني خلاص دلوقتي محدش هيقبل بيكي
حسام اتصدم وقال: انتي بتقولي اي هو الكلب دا قربها سبتيه يلمسك يا زبالة يا رخيصه دا انا هقتلك بي ايدي دي
اميرة مكنتش مصدقة واتصلت بيه تاني بس التلفون اتقفل ساعتها اميرة انهارت ووقعت في الارض منطقتش تاني
جريت عليها بخوف وحسام بسرعه شالها وروحنا بيها المستشفي والدكتور قال: انا اسف المريضه دخلت في صدمه عصبيه دخلتها في غيبوبة
اتصدمت قولتله: غيبوبة طب دي هتقوم منها امتا يا دكتور هي لو محتاجه تسافر بره انا هاخدها وهعالجها بره
رد وقال: الموضوع مش مستاهل هي اللي رفضه تفوق بس ان شاء الله مع العلاج الحالة تتحسن انا بجد اسف عن اذنكم
وفعلا من يومها اميرة لسه زي ما هي واتنقلت عندنا الفيلا بالاجهزة وممرضة مخصوص ليها وبعد كام شهر اتقبض علي هيثم بكمية البلاغات اللي ضدده….. وفي الاخر انك تمشي وراه قلبك وترمي عقلك دا اكبر غلط وعشان كدا لازم نحكم القلب والعقل سوي عشان منغرقش….
عادل اتصدم من اللي خالته حكته وقال: طيب يا خالتي انا مسافر اخر الاسبوع امريكا هاخد تصريح من المستشفي وهاخدها معايا وان شاء الله خير
مشي خالته وعادل انهار لان اميرة دي هي حب حياته ومش عارف ازاي وصلت نفسها لكدا اينعم هي اكبر منه بس هو عشقها وهي ولا حاسة
ملاك كانت تعبت وقعدت علي الترابيزة تستريح ومراد واقف مع رجال الاعمال فجاه دخل شاب اول ما ملاك شافته اتصدمت وجريت عليه حضنته تحت انظار مراد اللي هتحرقهم سوي
ياتري اي هيحصل مع عادل وهيقدر يعالج اميرة ولا لا.. ومين الشخص اللي ظهر واي علاقة ملاك بيه واي هيكون رد فعل مراد…. وشرين ناوية علي اي…. قولوا توقعتكم يا قمرات….. معلش اتاخرت بس طولت البارت اهو بتمني يعجبكم… 😊❤
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية معاناة الحب)
