رواية معاناة الحب الفصل الثامن 8 بقلم رحمة سامي
رواية معاناة الحب الجزء الثامن
رواية معاناة الحب البارت الثامن
رواية معاناة الحب الحلقة الثامنة
مراد من غير ما يحس نط في المياة وبداء يحرك دراعه وانقذ ملاك وطلع بيها من المياه وفضل يفوق فيها لحد ما فاقت واتصدمت لما لاقيته بيحرك دراعه ومكنتش مصدقة…
ملاك: مراد انت بتحرك دراعك عادي اهو ازاي دا حصل هو انت كل دا بتضحك علينا
مراد: هو انتي في اي ولا اي انتي كويسه حاسه بحاجه تحبي نروح المستشفي
ملاك: لا انا كويسه بس رد عليا انت ازاي بتحرك دراعك بجد قولي
مراد: اياك حد يعرف بالموضوع دا انتي فاهمه يا ملاك دا يبقي سر بينا محدش لازم يعرف اني كويس فاهمه ولا لا
ملاك: حاضر بس ليه كل دا وليه طريقتك مع ابوك دي قولي يا مراد
مراد: عشان انا لازم اعمل كدا او ابويا هياخد حظره مني وانا لازم امسكه
ملاك بصدمه: تمسكه ازاي يعني هو انتي شغال اي بالظبط وابوك كمان شغال اي
مراد: انا ابقي ظابط في البوليس وابويا يبقي اكبر تاجر مخدارات وسلاح ولازم اقبض عليه بس الاول يبقي معايا الدليل
ملاك باستغراب: يعني عايز تقنعني ان ابوك ميعرفش ابنه شغال اي هو انت شايفني عبيطه
مراد: ايوة ميعرفش لان دا حلم امي وكان لازم احققه وعشان كدا محدش يعرف عنه حاجه واول قضية ليا هي قضية ابويا
ملاك: دا انت طلعت شايل كتير يا مراد خلاص انا هساعدك ومحدش هيعرف حاجه متقلقش
مراد: بتمني يا ملاك دي اول مره اثق في حد اوعي تخليني اندم
ملاك: متقلقش بس هو نور وعدل يعرفوا حاجه عن الكلام دا
مراد: عادل يعرف لانه شغال معايا غير كدا لا ومش لازم يعرف انك عارفه تمام
ملاك بابتسامه: تمام يا حضرة الظابط كلامك ينفذ في الحال
مراد بضحكة تخطف القلب: طب يلا قومي احسن تاخدي برد مش ناقصة العملية
*وبعد ما دخلوا الشالية طلعوا اخد كل واحد فيهم دش وبعد ما ملاك اخدت دش طلعت تنشف شعرها قدام المرايا وكل دا ومراد مركز معاها اوي ومبهور بجمالها ومن غير ما يحس قام ومسك المشط….
مراد: استني هساعدك يا ملاك انتي شعرك حلو اوي تعالي اقعد
ملاك بكسوف: شكرا يا حضرة الظابط مكنتش اعرف ان الظباط ليها في المعاكسة
مراد بابتسامه: وبعدين بقي ما قولت الموضوع سر كدا هتفضحينا قولي مراد عادي وبعدين هو الظباط مش بني ادمين ولا اي
ملاك باحراج: ايوة عندك حق معلش انا غبية شوية شكرا هو كدا اتسرح
مراد بعد ما خلص قرب وباس راسها وقالها: زي القمر يا ملاكي
ملاك بتوهان: انت قولت اي مسمعتش
مراد بابتسامه: قولت قمر يا ملاكي يلا بقي عشان ننام كدا كتير
ملاك: حاضر هروح انام علي الكنبة
مراد: كنبة اي يا اختي انتي هتنامي جانبي هنا لا وكمان في حضني يلا
ملاك بصدمه: انت بتقول اي لا طبعا مش هينفع كدا عيب وغلط بعد اذنك سبني اقوم
مراد: عيب وغلط اي علي فكره انا جوزك والله مش واحد غريب ولا انتي كان عجبك حضن الزفت اللي اسمه حازم دا
ملاك ببراءة: بس حازم دا زي اخويا وهو اللي مربيني يعني عادي
مراد بغضب: ملاك اياكي اسم راجل يجي علي لسانك تاني انتي فاهمه ولا لا وبالذات اللي اسمه حازم دا
ملاك بخوف: حاضر يا مراد بس براحه متزعقش
مراد بحب: طب يلا بقي يا ملاكي تعالي في حضني عشان ننام انا تعبان اوي
ملاك بكسوف: طب هنام جانبك بس مينفعش انام في حضنك بجد مش هقدر
مراد مستناش يرد عليها وشدها في حضنه وقال: اهو شوفتي بسيطة خالص يلا نامي بقي بلاش كلام كتير مش هاكلك انا
ملاك بكسوف استنت انه ينام وراحت نايمه هي كمان وهي مبسوطة انهم قربوا من بعض…
………………………
نور مكنتش عارفه تنام وبتفكر في حازم والخناقة اللي حصلت بينهم ومسكت التلفون بحثت عنه في الفيس لحد ما لاقيته وبعتتله من ايميل فيك وهو قبل طلب الصداقة في ثانية زي ما يكون قاعد علي التلفون…
حازم: ميييين..
نور: انا ابقي سارة وانت
حازم: انا حازم اسمي مكتوب قدامك زي ما مكتوب قدامي بس بسال انتي مين تعرفيني
نور: لا معرفكش بس احب نتعرف
حازم: دا انتي واقعه بقي ماشي يا ستي انا حازم 25 سنه ورجل اعمال وانتي
نور: انا بقي سارة 23 سنه في اخر سنه في كلية طب وبس كدا
حازم: يا صغننه ماشي يا قمر متبعتي صورتك اشوفك عشان ابقي عارفك
نورٰ: لا طبعا مش هينفع انا مش ببعت صوري لحد عشان غلط
حازم: ههههه يعني هو غلط تبعتي صورتك ومش غلط انك تكلميني وتقوليلي نتعرف
نور: عندك حق انا غلطانه عن اذنك
حازم: استني انا بهزار معاكي خلاص متبعتيش حاجه ولا تزعلي
نور: ماشي انا هقفل عشان انام عايز حاجه
حازم: هههه لا يا قطة نامي يلا مينفعش السهر
نور: هو انت بتتريق عليا ولا اي انا مش صغيرة بس انا متعودة انام بدري عشان دا صحي
حازم: لا يا ستي مش بتريق انتي صح جدا بس انا اتعودت اسهر بقي اعمل اي
نور: براحتك بس بلاش ستات عشان صحتك انت اكيد فاهمني
حازم باستغراب: لا دا انتي شكلك عرفاني وبتمثلي عليا بس خلاص براحتك مش هضغط عليكي بس كويس انك عارفه اخري اي عشان مترسميش علي حاجه تانية
نور: انت وقح بجد وانا غلطانه اني كلمتك اوعدك مش هتشوف مني رسالة تاني سلام
حازم: براحتك يا حلوة سلام
……………………………..
عادل وصل امريكا ووصل بأميرة المستشفي وقابل الدكتور….
عادل: دكتور انا عايزاها ترجع لحياتها من تاني ارجوك انا مستعد ادفع كل اللي حضرتك عايزاه
الدكتور: متقلقش يا استاذ عادل هنعمل كل اللي هنقدر عليه بس حضرتك ليك دور اساسي معانا
عادل: ازاي حضرتك انا مش فاهم
الدكتور: يعني حضرتك اقرب شخص ليها وجةدك وانك تزورها كل شوية وتتكلم معاها دا هيساعدها اوي
عادل: اكيد طبعا انا مش هقدر اسيبها لحظه واحده انا مليش غيرها
الدكتور بابتسامه: تمام يا استاذ عادل وان شاء الله تقوم بالسلامه في اقرب وقت
الدكتور مشي وعادل دخل مسك ايد اميرة اللي فاتحه عينها بس مش موجوده في الواقع خالص وبداء يتكلم: عارفه يا اميرة انا بحبك اوي عارف انك سمعاني انا مش هسيبك ومش هرجع البيت غير وانتي معايا وواقفه علي رجلك مش هسيبك تضيعي مني يا اميرة تاني يمكن متحبنيش بس المهم عندي انك ترجعي لحياتك من تاني واشوفك بتضحكي وبتتنططي زي الاول ساعديني يا اميرة وقومي متوجعيش قلبي عليكي اكتر من كدا انا همشي دلوقتي وهجيلك بليل خالي بالك من نفسك هتوحشيني
……………………………
ملاك صحيت ولاقيت مراد صاحي ومركز معةها اوي استغربت واتكسفت وقالت: في اي يا مراد انت بتبصلي كدا ليه وصاحي من امتا اصلا
مراد: صحيت من شوية وكنت بتأملك انتي حلوة اوي وانتي نايمه
ملاك: مش ملاحظ انك من ساعة ما اتكشفت قدامي وانت بقيت قليل الادب وجرئ اوي
مراد: اعمل اي انا اصلا من اول ما شوفتك وانتي سارقه قلبي
ملاك بكسوف: طب ممكن اقوم بقي
مراد: طب متقومي هو انتي حد ماسكك
ملاك: طب وسع يا مراد مش عارفه اتحرك منك
مراد: هاتي بوسه الاول وهسيبك تقومي غير كدا هتفضلي في حضني ويمكن اخد اكتر
ملاك بكسوف: باسته وراحت زقاه وقامت تجري علي الحمام وهو ضحك ولبس وسابقها علي تحت واول ما نزل اتصدم باللي شافه تحت….. استوووووب…
ياتري مراد شاف اي واي هيحصل بعد المفاجات دي كلها ونور وحازم اي هيحصل بينهم وياتري دنيا هتسيب حازم يروح لغيرها ولا نور هتقدر تكسبه وهو بيحب ملاك وياتري شرين هتعمل اي مع ملاك وملاك هتخون ثقت مراد ولا هتبقي قداها حاجات كتير عايزين نعرفها استنوا الفصل الجاي بقي…. 😉❤
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية معاناة الحب)
