رواية معاناة الحب الفصل الأول 1 بقلم رحمة سامي
رواية معاناة الحب الجزء الأول
رواية معاناة الحب البارت الأول
رواية معاناة الحب الحلقة الأولى
ملاك كانت واقفه بتعيط وهي لابسه فستان الفرح بتاعها وبتقول: يا بابا ارحمني ابوس ايدك انا مش عايزة اتجوز انا هنزل اشتغلك وهجبلك كل الفلوس اللي انت عايزاها بس خليني معاك هنا بالله عليك
الاب بقسوة: بت انتي انا مش ناقص قرفك دا انا ما صدقت حد قبل بيكي وانتي وش فقر كدا زي امك يلا يا اختي علي بيت جوزك مبقاش ليكي مكان هنا خلاص
خرجت ملاك وهي بتمسح دموعها وراحه ناحية الراجل العجوز اللي مستنيها وقالها: يلا يا عروسة اتاخرنا اوي كفايه دلع بقي
خرجت ملاك معه وركبت العربية وهي مصدومه ازاي ابوها يبيعها للراجل العجوز دا وياتري اي مستنيها فاقت من سرحانها والعربية بتقف قدام باب قصر كبير اوي مكنتش مصدقة نفسها وقالت ببراءة: هو انا هعيش هنا يا عمو بجد
ضحك الراجل علي طفولتها وقال: ايوة يلا انزلي بقي ولا هتفضلي في العربية
نزلت ملاك وهي مبهورة بجمال القصر بس في نفس الوقت خايفة اول ما دخلت فضلت واقفه مكانها الراجل استغرب وقالها: مالك وقفتي كدا ليه متتحركي يلا في اي
ملاك وهي بتعيط: انا… انا عايزة اعرف انت اي اللي يجبرك تتجوز بنت من دور احفادك ابوس ايدك متقربليش خليني هنا خدامه وانا هشتغل لحد ما ارجعلك الفلوس اللي اديتها لابويا
ضحك الراجل لدرجه ان عيونه دمعت وقال: هو انتي كل دا فاكرة ان انا العريس حرام عليكي يا بنتي علي العموم اطمني مش انا العريس
اتصدمت ملاك وقالت: امال مين العريس وليه هو مجاش ياخدني يعني
الراجل: مش وقته يا بنتي بكره هفهمك كل حاجه تعالي يلا اوريكي اوضتك لحد ما مراد يجي
(استوووووووب…. اعرفكم بالبطلة بقي ملاك بنت من حي فقير عندها 18 سنه قصير وعيونها ملونه وشعرها طويل اسمها ملاك وهي ملاك فعلا مخلصه الثانوية العامه…….. ابو البطل وهو جابر الانصاري اكبر رجل اعمال…… البطل بقي وهو مراد الانصاري 28 سنه شاب في من منتهي الجمال عيونه عسلي وواسعه ودقن خفيفه وجسم رياضي ومعروف بقسوته وحادة طبعه وبيكره البنات جدا وهنعرف السبب في الاحداث…. نرجع بقي 😹😹)
في الشركة كان مراد قاعد بيشتغل لحد ما تلفون رن: ايوة يا جابر بيه اتفضل سامعك
جابر: انت كل دا مرجعتش ليه مش قولتلك ترجع بدري انت ناوي امتا تسمع الكلام
ضحك مراد: انا خلاص جاي اهو بس قولتلك مية مره مراد مبيسمعش كلام حد
قفل جابر ودخل نام ورجع مراد متاخر اوي دخل اوضته ومشغلش النور لانه متعود علي كدا كانت ملاك نايمه زي ما هي بفستان الفرح دخل هو اخد دش وطلع لبس وملبسش تيشرت وراح علي السرير عشان ينام بس اتصدم لما لاقها في السرير بسرعه قام شغل النور
مراد: انتي مين وبتعملي اي في السرير مين سمحلك تتدخلي هنا اصلا
ملاك بدموع وكسوف: انت اللي بتعمل اي هنا وازاي واقف قدامي كدا من غير هدوم انت قليل الادب والله اطلع بره
مراد بغضب: انتي اتجننتي بتطرديني من اوضتي اتهبلتي ولا اي يا بت انتي
ملاك بغضب طفولي: بقولك اي انا ليا اسم تمام وانت اللي قليل الادب انا عمو قالي انام هنا
مراد وكان خلاص جاب اخر وزعق: انتوا يا بهايم ياللي شغالين هما حد يجيلي فورا
صحي جابر علي صوت مراد وبسرعه راح الاوضة: في اي يا مراد صوتك عالي كدا ليه حصل اي يا ابني براحه
مراد بزعيق: مين اللي جاب البتاعه دي هنا انا عايز اعرف بتعمل اي في سريري
ملاك بزعيق: هو اي اللي بتاعة قولتلك ليا اسم اي مش بتفهم يعني متتكلم عدل
مراد: اقسم بعزة جلالة الله لو ما سكتي لاخلي راسك مفصولة عن رقبتك دلوقتي
جابر بتوتر: في اي يا مراد براحه دي تبقي ملاك مراتك مش انا قولتلك هجوزك قولتلي اعمل اللي انت عايزوا
مراد بصدمه: انت بتقول اي ازاي يعني مراتي اتجوزتها ازاي يعني من غير ما اعرف
جابر بتوتر: ما هو يعني انا خليتك مضيت علي القسيمه في وسط ورق الشغل من غير ما تاخد بالك وملاك بنت كويسه
ملاك بغيظ: بقي هو دا ابنك دا شبه دريكولا والله دا انت احسن بكتير يا عمو
جابر بضحك: معلش بقي يا بنتي نصيبك هيصيبك
مراد بعصبيه: هو انتوا هتتفقوا عليا ولا اي تمام اوي مش انت جوزتهالي اتفضل بقي من غير ما طرود
جابر: براحه عليها يا مراد دي لسه عيله صغيرة يا ابني مش هتبقي حملك وكمان عشان……..
وقبل ما يكمل قطعه مراد: بقولك اي دي مراتي وانا حر فيها اتفضل بقي اطلع بره
خرج جابر وهو مضايق من معاملة ابنه ليه وبعدين قرب مراد من ملاك….
ملاك بخوف: هو انت هتعمل اي بقولك اي والله هضربك لو قربت مني
وقف مراد وهو بيضحك: تضربيني هو انتي مش شايفه الفرق بينا ولا اي يا حلوة وبعدين مالك هتعملي فيها برئية وانتي باين في عينيك انك هتموتي عليا
ملاك بصدمه: والله انت قليل الادب وانت شبه دريكولا كدا وبعدين هو انت حاطط ايدك في جيبك كدا ليه اي التناكة دي
مراد بعصبيه: دي حاجه متخصكيش ويلا انا مليش مزاج ليكي دلوقتي وسريري دا اياكي تقربي منه اتنيلي نامي في اي حته
ملاك بغيظ: طب انا هروح انام في اوضة تانية مستحيل انام معاك في نفس الاوضة
مراد: ليه يا اختي فكراني هموت عليكي مفيش خروج من الاوضة انتي دلوقتي مراتي يلا اتنيلي اقلعي القرف اللي لابسه دا واتخمدي
ملاك بكسوف: ما انا احم مليش هدوم هنا ومش عارفه هلبس اي فهنام كدا
مراد بقرف قام وفتح الدولاب وجبلها تيشرت من بتوعه: اتنيلي البسي دا ومن بكره شوفي اي حاجه تلبسيها لاني مش بحب حد يلبس من هدومي
دخلت ملاك تاخد دش ولبست التيشرت وصل لبعد ركبتها وطلعت وهي فاردة شعرها الطويل علي ضهرها وكنت حمراء اوي من المياة السخنه مراد اول ما شافها اتصدم من جمالها وان ازاي دي طفلة صغيرة بس فاق لنفسه
مراد: اتنيلي نامي علي الارض يلا يا حلوة
ملاك بصدمه: عايزني انام علي الارض في عز البرد دا حرام عليك سبني انام في اوضة تانية
مراد بخبث: ما هو تنامي جانبي او تنامي علي الارض وانتي حره بقي
ملاك بغيظ: هنام علي الارض وامري لله انت واحد رخم والله
مراد بابتسامه حاول ميبينهاش: انتي حره بقي
مراد نام وهي حاولت تنام علي الارض بس معرفتش ومكنش في كنبه في الاوضة قامت بصيت علي مراد ولاقيته نام فقالت في نفسها مش مهم هنام جانبه وهصحي قبله ان شاء الله ما انا مش هستحمل البرد دا وفعلا قامت نامت جانبه وهي مكسوفة ومخليه مسافة بينهم
تاني يوم صحيت ملاك وهي مصدومه……
ياتري اي اللي هيحصل وليه جابر اختار ملاك وجوز مراد غصب عنه وهيحصل اي بينهم هنعرف الحلقات الجاية انتظرونا بقي 😉😉
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية معاناة الحب)
