رواية معاقة لكن أعشقها الفصل السادس والعشرون 26 بقلم آلاء
رواية معاقة لكن أعشقها الجزء السادس والعشرون
رواية معاقة لكن أعشقها البارت السادس والعشرون
رواية معاقة لكن أعشقها الحلقة السادسة والعشرون
معاقة لكن أعشقها
الحلقة الأخيرة
أتمني تنال إعجابكم
في قصر المنشاوي
كريمة: نعيمة الفطار جهز
نعيمة: ايوه يا هانم
كريمة: تمام حطيه علي السفرة قعبال ما أطلع أشوف نرمين والولاد
طلعت كريمة علشان تصحي نرمين والولاد فضلت تخبط علي بابا الأوضة بس مفيش رد فتحت الباب ودخلت وقعدت تدور عليهم بس مش لاقيتهم
كريمة بخوف: ماااااالك مالك
مالك جه من مكتبه يجري والاء وزياد كانوا في أوضتهم وجم علي صوت كريمة
مالك: في ايه يا ماما مالك
كريمة بدموع: دخلت الأوضة ما لقيتش نرمين والولاد
مالك: تلاقيهم هنا ولا هنا
كريمة: دورت عليهم بس مش موجودين
مالك: ممكن راحوا الجنينة
كريمة بخوف: سألت الجنايني قال لي لاء
مالك:كريييم
كريم: نعم يا باشا
مالك: شفت نرمين والولاد خرجوا
كريم: لاء سيادتك مفيش حد خرج
مالك تليفونه بيرن ليرد بعصبية
مالك بعصبية: الو
أحمد : الو مالك باشا أختك ومراتي عندي لو عايز تيجي تودعها تعالي علي العنوان ده……….. ما أنت أخوها برضوا ولازم تشوفها قبل ما تموت سلام يا مالك باشا
مالك بعصبية: الو الو
لم يلقي مالك رد ليرمي الهاتف علي الأرض بعصبية
كريمة: في ايه يا مالك ايه اللي حصل لأختك
مالك: أحمد الكلب خطف نرمين والولاد والله لأقتله بإيدي
ليقع الكلام كالصاعقة علي كريمة ويغمي عليها لتصرخ الاء
مالك بصراخ: نعيمة هاتي كوباية ماية بسرعة
نعيمة جابت ماية ومالك فوق كريمة وأداها مسكن علشان ما تتعبش وتنام
مالك بتنبيه ل الاء: خليكي جمبها ولو حصل حاجة بلغيني
وخرج مالك من الأوضة لتلحقه الاء سريعا
الاء: احم أستاذ مالك
مالك: نعم وبعدين انا مش قلتلك تقوليلي مالك بس
الاء بخجل وارتباك: ايه اه أسفة
مالك: كنتي عايزة ايه
الاء بخجل: كنت عايز اقولك خلي بالك من نفسك
مالك بحب: خايفة عليا
الاء: ايه انا لاء انا بقول كده عشان ماما كريمة ونرمين هما محتاجين لك
مالك: امم بجد طب وأنتي عمتا كان نفسي اتناقش معاكي بس للأسف معنديش وقت دلوقتي عمتا لما ارجع هيبقي لينا كلام تاني وقرب من ودنها وبهمس بحبك ❤
ومشي مالك والاء وقفت مكانها مصدومة وعنيها عليه لحد ما مشي 😳
وراحت أوضتها واتصلت بفريدة
فريدة: الو
الاء: الو ايوه يا فريدة مالك قال لي بحبك تاني
فريدة: 😂😂😂😂 كده يبقوا 1201 بحبك في أربع شهور بس
الاء 😡: أنتي بتعديهم
فريدة: طبعا لازم اسجل اللحظات السعيدة الحاسمة التاريخية دي
الاء😡: انا غلطانة أني بحكيلك حاجة
فريدة: خلاص أسفة طب وأنتي مش ناوية تقوليله حرام عليكي يا بنتي الراجل قال لك بحبك 1201 مرة
الاء: لاء طبعا انا عمري ما هحب صحيح هو بدء يعاملني كويس أخر فترة بس ده مش ممكن حب لاء أنتي عارفة الحب بالنسبة لي ايه وأنتي عارفة أني عندي فوبيا من الحب
فريدة: انا مش فاهمة ازاي عندك فوبيا من حاجة عمرك ما جربتيها وبعدين مالك واضح إنه بيحبك بجد مش فاكرة عمل معاكي ايه في الامتحانات كان بيذاكر لك وعوضلك اللي راح عليكي وكان بيفضل سهران جمبك رغم شغله ولما كنتي بتنامي وانتي بتذاكري علي المكتب وهو يشيلك وينيمك علي السرير ده غير الهدايا والخروجات كل ده يا مفترية ومش قادرة تحبيه قلبك حجر
الاء: مين قال أني مش بحبه بس انا مش قادرة أفهم لسه ايه سبب حبه ليا ليه هو رجل أعمال وكل بنات الدنيا تتمناه ليه انا ليه مضطر يحب واحدة معاقة ليه
فريدة: الاء بطلي الأفكار المتخلفة دي بقي انا فاهمة أنتي ليه عندك فوبيا من الحب علشان خايفة يجي يوم ويهينك او يذلك او يعايرك علشان إيدك صح بس اصلا هو عمره ما جاب لك سيرة الموضوع ده او حاول يكلمك فيه عمره ما قال حاجة عنك حتي وقت عصبيته عليكي حتي لما اعترف لك بحبه ما طلبش منك تتقبليه ما طلبش منك حاجة ما طلبش إنك تقوليله بحبك حتي ما طلبش كده مع إن ده حقه يسأل وحقه يطلب منك تتقبلي حبه وتحبيه زي ما هو بيحبك لكن هو معملش كده كل اللي قال له بحبك بس ومسألكيش عن رأيك سواء هتتقبليه او لاء الاء أرجوكي بطلي الخوف ده بقي وعيشي حياتك لسه عندك مستقبل وإحلام وصدقيني مالك الوحيد اللي هيقدر يعوضك عن أهلك كلهم ياريت تهدي وأستعيني بربنا
الاء: يارب صح نسيت اقولك نرمين اتخطفت
فريدة: بجد ليه ايه اللي حصل
الاء بعصبية: جوزها خطفها زعيم العصابة المجرم غبي ومالك راح علشان ينقذها تفتكري ممكن يحصله حاجة
فربدة: أكيد مش بعيد يموت مش بتقولي جوزها زعيم عصابة يبقي أكيد
الاء: لاء طبعا لو مات انا هموت بعديه
فريدة: أنتي هتجنيني صح لسه دلوقتي بتقولي انا مش هحب ودلوقتي خايفة عليه
الاء: ايوه بصي مش عارفة بقي انا بجد تعبت
فريدة: انتي بتحبيه بس عقلك رافض لكن قلبك اصلا سلم له من اول ما شفتيه بس أنتي اللي بتكابري بصي الكلام مش نافع معاكي اقفلي سلام
الاء قفلت بضيق مع فريدة وراحت تتطمن علي كريمة
❤❤❤❤❤❤❤❤❤❤❤❤❤❤❤❤
عند مالك
كريم وقع علي الأرض نتيجة البوكس اللي اخده من مالك
مالك: دي تالت غلطة ليك ياريت ما شوفش وشك هنا تاني أنتهي شغلك معايا
وخرج مالك من القصر وهو متعصب ومسك تليفونه واتصل بجاسر
مالك: الو النهاية جت يلا استعد
جاسر: واخيرا سلام
مالك قفل مع جاسر واتجه للمكان اللي أحمد قال له عليه
دخل مالك مكان زي بيت مهجور
وأول ما دخل شاف أحمد وأدهم ووالده صقر المنشاوي
أحمد بأبتسامة شر: يا اهلا يا اهلا يا مالك باشا اتفضل شفت مين عندنا صقر المنشاوي بنفسه وجبروته عندنا واخيرا جت اللحظة اللي مستنيها من زمان علشان اخد حقي منكم ولا ايه يا عمي
مالك بتعجب: انا مش فاهم حاجة بابا هو أنت ايه اللي جابك هنا مش كنت مسافر وأنت ليه بتقول له يا عمي مفيش حاجة تربطك بينا سامعني
أحمد: انا أفهمك أصل والدك يبقي عمي يعني انا وأخويا أدهم نبقي ولاد أخوه اللي قتله علشان يورثه ونجح في كده واخد ورثنا ولما عرفت حقيقته وواجهته خيرته بين إنه يرجع لنا الورث وبين بنته وهو ببساطة باع لي بنته ههههههههه بجد انا عمري ما شوفت إنسان زيك ما بيقدرش العلاقات كده لدرجة إنه قتل أخوه وباع بنته إنسان زي ده يستاهل حاجة واحدة بس وهي الموت
ووجه أحمد مسدسه اتجاه صقر المنشاوي لينطلق صوت الرصاص لكن ليس من مسدس أحمد بل من مسدس جاسر وسامح
سامح بأمر: سلم نفسك يا أحمد
وهجم رجال الشرطة علي المكان وحاصروه
أحمد بسخرية: كنت عارف إنكم هتعملوا الحركة دي بس انا مش هسيبكم تنتصروا عليا
ووجه مسدسه مجددا اتجاه صقر المنشاوي لتنطلق رصاصة تصل مباشرة لقلبه
أحمد: اخيرا قتلتك قتلتك يا صقر وأخدت حقي
جاسر راح عند أحمد وكلبشه وخد منه المسدس بمنديل علشان البصمات ما تروحش من عليه وبدأ في ضربه
سامح: خلاص يا جاسر القانون هو اللي هياخد حقنا سيبه هيموت في إيدك
جاسر: سبني أخلص عليه ده إنسان ما يستحقش إنه يفضل عايش
سامح: سيبه بقي خلاص روح شوف نرمين وانا هتصرف معاه
سامح هدي جاسر وبعده عن أحمد وجاسر هدي وراح لنرمين
نرمين أول ما شافته جريت عنده واتعلقت في رقبته
نرمين بخوف ودموع: جاسر أحمد خطفني أرجوك خدني من هنا مش عايزة مش عايزة أرجع له تاني أرجوك خدني
جاسر ضمها لحضنه علشان يطمنها
جاسر: بس بس أهدي انا جمبك هنا عمر ما هيقدر ياخدك تاني ما تخافيش أهدي
نرمين: أرجوك ما تسبنيش انا محتاجة لك خليكي جمبي ومعايا انا سبتك زمان بس أرجوك ما تبقاش زي وتسبني أنا بحبك
جاسر ضمها لحضنه أكتر: وانا بعشقك وعمري ما هسيبك يا عمري
👩❤️👨❤👩❤️👨❤👩❤️👨❤👩❤️👨❤👩❤️👨❤👩❤️👨❤👩❤️👨❤👩❤️👨❤
مالك بيبص لصقر
مالك: للأسف انا مش عارف أزعل عليك مش عارف كل اللي أقدر أقولوا إنك كنت تستحق موتة أبشع من دي
وسابه ومشي والشرطة خدت جثته
💔💔💔💔💔💔💔💔💔💔💔💔💔💔💔💔
أما بالنسبة لأدم فاتصل بأهل أروي وبلغهم إنه هيجي مع أهله علشان يتقدم لها أروي كانت فرحانة جدا واتأكدت من حب أدم ليها وأدم حس إن ربنا عوضه بجد وراح تاني يوم هو وأهله يخطبوها بس حصل ما لم نتوقعه 😈
في بيت أروي
كانت الخطوبة في البيت عيلة أدم وعيلة أروي وصحابها وبس
وهما قاعدين وبيتكلموا الباب خبط بطريقة عنيفة
قام والد أروي وفتح الباب
ليدخل محمد خطيب أروي السابق
محمد: هو أنت بقي العريس الجديد يلا من هنا معندناش بنات للجواز البت اللي جاي تخطبها دي ملكي ومحدش هيتجوزها غيري سامع وبا نقول تاني
أدم فهم هو مين وعرف إن ده خطيبها اللي عرفت إنه متجوز عرفي من واحدة تاني
أدم: اه ملكك للأسف كانت ملكك بس هي دلوقتي ملكي انا حبيبتي انا فاهم انت اللي ضيعتها وده مش ذنبي واتفضل اطلع برا قبل ما أبلغ البوليس
محمد حس بخوف من أدم وكلامه اللي فيه نبرة عن الجدية إنه ممكن يبلغ البوليس بجد
محمد: انا ماشي بس مش خوف منك لا علشان ده مش وقت كلام بس وعد هاجي تاني وهتشوف يا انا يا انت
محمد مشي وأدم حاول يفك جو التوتر وتمت الخطوبة
🥰🥰🥰🥰🥰🥰🥰🥰🥰🥰🥰🥰🥰🥰🥰🥰
مالك وجاسر ونرمين رجعوا البيت
كريمة جريت علي نرمين وحضنتها والاء كانت فرحانة برجوع مالك بخير
بس راحت فرحتهم وضحكتهم لما لقوا ناس داخلة وشايلة حد ميت
كريمة: ايه ده في ايه ابه اللي حصل مين ده
الكل صامت ولا يتحدث
كريمة بدموع: مالك قول لي مين ده في ايه
وأيضا لا يوجد رد
لتتجه كريمة اتجاه الناس اللي شايلين الجثة ورفع الغطاء لتنصدم إنه صقر
كريمة بصدمة: صقر صقر قوم ايه اللي حصل مالك قول لي ايه اللي حصل
مالك : ما يستاهلش تعيطي عليه الراجل اللي قتل اخوه وباع بنته صدقيني ما يستاهلش
كريمة بصراخ: أنت بتقول ايه لاء مستحيل
مالك: للأسف هو ده اللي حصل طلعوه فوق ولازم يطلع خبر إنه مات موتة طبيعية لو بس حصل واتسرب خبر إنه اتقتل همحي كل واحد سرب الخبر من علي وش الأرض فهمت يا مدحت مش عايز الناس لما تعرف إن صقر المنشاوي اتقتل يستضعفونا لازم نقول لهم انه مات موتة طبيعية
مدحت مساعد مالك الجديد الذي جاء بدل كريم: طبعا يا فندم
وبعد شوية راحوا دفنوه وانتشر الخبر إن صقر المنشاوي مات بس مات موتة طبيعية وككي مالك لوالدته اللي حصل بالتفصيل وهون عليها زعلها وفهمها إن هي مش لازم تزعل علي واحد زي ده وهي وافقته علي الكلام بس من جواه برضوا هي لسه متعلقة بيه مهما كان ده جوزها وعشرة عمرها اه كان بيعاملها اسوأ معاملة بس برضوا عاشوا مع بعض فترة من الزمن فأكيد جواها لو حتي حابة اخلاص وزعل عليه
💔💔💔💔💔💔💔💔💔💔💔💔💔💔💔💔
وبعد أسبوع من الحادثة مالك كان قاعد في الجنينة
الاء شافته وراحت عنده
الاء بتوتر وخجل: احم
مالك وهو يقرأ في كتاب: اممم
الاء: ممكن اسألك سؤال
مالك: اتفضلي
الاء: أنت ليه كل شوية تقولي بحبك
مالك: علشان انا بحبك
الاء: ليه
مالك: هو ايه اللي ليه
الاء: ليه بتحبني
مالك: مفيش في الحب ليه الحب فيه قلب بيدق وبيحب شخص في عيونه أحلي إنسان في الكون
الاء: حتي لو الإنسان ده مش بيحبه
مالك: كذب الإنسان ده بيحبه وبيعشقه كمان بس بيكابر
بس وعد هبقي وراه لحد ما يستسلم ويجي يعترف بنفسه
الاء ابتسمت بخجل وقامت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
تاني يوم بالليل
الاء كانت نايمة وصحيت لقت الأنوار كلها مطفية ومفيش نور خالص قامت من علي السرير وقفت ومن دون انظار تجد من يحملها
الاء بصراخ: ااااااا سبني الحقوني
ليهمس مالك في ودنها: هووووص ده انا
لتهدء الاء: مالك في ايه ليه القصر ضلمة كده
مالك مردش عليها وخرج من الأوضة وهو لسه شايلها ونزلوا تحت
وأول ما وصلوا نزلها ورجع النور وتعلوا الأصوات كريمة ونرمين وجاسر وزياد: Happy birthday Alaa
الاء اتصدمت من المفاجأة وفرحت جدا
الاء بدموع فرح: شكرا بجد فرحت اوي بجد عمر ما حد عمل معايا كده بجد شكرا ليكم انتوا بجد عيلتي بجد شكرا جدا
كريمة حضنتها: مفيش شكر يا روحي هو انا مش زي مامتك ولا ايه وبعدين لو عايزة تشكري حد اشكري مالك هو اللي حضر لكل ده علشانك بس
الاء بصت لمالك نظرة شكر
مالك: عالفكرة المفاجأت لسه مخلصتش
وقرب مالك من الاء ونزل علي ركبته وطلع علبة خاتم وفتحها
مالك بحب: بحبك ❤
لتعلو التصفيقات الحارة من الجميع 👏🏻👏🏻👏🏻👏🏻👏🏻
وتبتسم الاء بخجل ويطلع مالك الخاتم ويلبسه ل الاء
🥳🥳🥳🥳🥳🥳🥳🥳🥳🥳🥳🥳🥳🥳🥳
الخاتمة
الاء وافقت علي طلب مالك ليها وسمعت كلام قلبها وأدت له فرصة وبقوا مخطوبين رسمي ودخلت كلية سياسة واقتصاد زي مالك وقرروا إنهم يتجوزوا بعد ما الاء تخلص اولي جامعة نرمين وجاسر اتجوزوا وكذلك إيمان وشريف وأدم وأروي لسه مخطوبين وكل يوم بيحبه بعض أكتر وتم القبض علي خطيب أروي محمد لأتهام أدم له وإثبات الأدلة تم إعدام أحمد تم حبس أدهم اما بالنسبة لشادي نفذ وصية حسن وبقي رجل أعمال ناجح وفتح شركة وسماها شركة حسن للتصدير هي دي الصداقة اللي بجد ❤
في قصر المنشاوي
مالك نايم والاء راحت تصحيه قعدت تفكر هتعمل ايه علشان يصحي قربت من ودنه
الاء بصوت عالي: مااااااااااالك اصحي
مالك قام مفزوع: اااااااااا في ايه
الاء بأبتسامة: اتأخرت علي الشغل
مالك: مش رايح النهاردة اخدت أجازة
الاء🤩: بجد🥳🥳🥳🥳أخيرا هتقعد معايا اخدت اجازة علشاني صح😁
مالك بحب: طبعا يا حبيبتي اخدت اجازة علشانك والنهاردة اليوم كله ليكي وعد هيبقي أحلي يوم في حياتك كلها
الاء بحماس: طب يلا قوم البس علشان نبدأ اليوم
مالك بحب: لازم دلوقتي خلينا شوية
الاء: ايوه لازم
مالك: بشرط
الاء برفض: لاء مفيش شروط ممنوع علشان عارفة شروطك ومستحيل يحصل ابدا احنا لسه مخطوبين عالفكرة اتمني ما تنساش كده تعرف انا غلطانة أني جيت أصحيك انا ماشية
مالك مسك ايدها وشدها ليه
مالك: ايه راديو شغال انا كنت عايزك تختريلي هدومي علي ذوقك بس كده أنتي اللي دماغك شمال ده شئ ما يخصنيش
الاء بعصبية: مين ده اللي دماغه شمال مش فاكر ال
مالك بأبتسامة: ال ايه ها
الاء: ولا حاجة هختار لك هدوم وروح خد دش
الاء راحت اختارت لمالك هدوم وبعد ما خلصوا خرجوا
الاء: مالك قول لي هنروح فين
مالك: استني وهتعرفي
أول ما وصلوا الاء شافت زي بيت وأول ما دخلوا اتصدمت من اللي شافته 😲
الاء بصدمة: ايه ده
مالك : دول الناس اللي هانوكي اللي قللوا من قيمتك اللي جرحوكي وكانوا عايزين يسرقوكي وياخده حقك دول الناس اللي مده إيدهم علي ملكي انا
وائل عم الاء بترجي: احنا أسفين يا بنتي أرجوكي قوليله يسبنا مستعدين نبوس راسك ورجلك بس خليه يرحمنا
الاء بتساءل: مالك ايه ده أنت ليه عامل فيهم كده سبهم
مالك بتصميم:لازم يعتذروا لك الأول
الاء بدموع: مالك أنت جايبني هنا ليه انا مش عايزة حد يعتزرلي ياريت تسبهم وشكرا علي اليوم الجميل ده
وخرجت الاء برا وهي بتعيط ليلحقها مالك
مالك: الاء استني حبيبتي مالك بتعيطي ليه
الاء بدموع: ممكن افهم أنت جايبني هنا ليه
مالك: أسف يا حبيبتي انا كنت بس عايز كل حد زعلك يعتذر لك
الاء: بس انا مش عايزة كده انا مش عايزة اعتذار من حد انا كنت نسيت الموضوع اصلا لو عايز تفرحني بجد سيبهم
مالك: حاضر بس علشان خاطري ما تعيطيش انا أسف
الاء مسحت دموعها وابتسمت وركبوا العربية ومشيوا وقضوا يوم جمييييييل سوا وفي نهاية اليوم
الاء : مالك احنا رايحين فين تاني
مالك: هتعرفي أول ما نوصل
الاء: بلاش الكلمة دي قولتها لي الصبح وبعدها حل النكد
مالك: 😂😂😂لا ما تخافيش
أول ما وصلوا الاء نزلت من العربية وشافت كوخ صغير هناك وكان منور
الاء: ثواني انا عارفة المكان ده أنا جيت هنا قبل كده
مالك: ايوه جينا هنا سوا مش فاكرة
الاء: افتكرت يوم ما كنت هنتحر وأنت جبتني هنا وقلتلي اجري واصرخي وطلعي كل اللي جواكي وحتي ساعتها ورتني البيت ده وقلتلي ده الكوخ اللي كنت بتتقابلوا فيه أنت وبابا صح
مالك: ايوه صح بس ساعتها أنتي ما شفتيش البيت من جوا النهاردة جبتك علشان تشوفيه
مالك مسك إيدها وراح وأول ما الاء دخلت البيت عنيها دمعت وافتكرت باباها
مالك: انا كنت هنظمه واعدل الديكور بس غيرت رأي علشان لو غيرته ريحته هتروح من البيت ومش هيبقي لينا حاجة علشان كده سبته وكل لما يوحشنا هنيجي نقعد هنا
الاء ضمت مالك: بحبك أوي
مالك ضمها أكتر وقال بحب: وانا بعشقك تعرفي انا قبل ما اقابلك كنت شايل فكرة الحب دي من دماغي بس اول ما شوفتك غيرت رأي
الاء: ليه كنت شايل الحب من دماغك في سبب ولا عادي
مالك: لاء في سبب وانا في الجامعة كنت بحب بنت ورحت اعترفتلها بحبي بس هي رفضتني وهانتني وقالتلي أنت عايش علي فلوس أبوك أنت مش راجل الكلمة دي أثرت فيا أوي حطمتني بعدين قابلت بباكي وهو اللي عمل مالك صقر اللي بجد ووقف جمبي لحد ما نجحت وبقيت زي ما أنتي شايفة لما عرفت بقي أني بقيت ناجح جت تترجاني بس انا رفضتها وقفلت قلبي عارفة لما قلتلك بحبك كنت خايف من ردة فعلك لتكرهيني أكتر
الاء:😂😂😂 مالك صقر اللي الأسد يعمله حساب قبل ما يقرب ناحيته خايف من ردة فعلي وعالفكرة انا كنت بحبك اصلا من اول يوم شفتك بس كنت بكابر وكمان أنت كنت بتعاملني وحش كل اما ابدأ أحبك شوية بتكرهني فيك ده غير أني كنت خايفة أحبك وأنت ما تحبنيش
مالك قرب منها وهمس في ودنها : ايه ده بجد هو انا وسيم للدرجة دي علشان تحبيني من أول مرة كده وبعدين مين المتخلف اللي ما يحبش ملاك بالجمال ده بس
الاء بخجل:احم يلا نروح علشان انا تعبت
مالك بأبتسامة: اهربي براحتك هيجي يوم ونتحاسب
مالك والاء روحوا
و تاني يوم مالك راح الشغل والاء قررت تعمله أكل بنفسها
الاء بتكلم مالك في التليفون
الاء: مالك اتأخرت ليه وليه مش بترد عليا
مالك:أسف يا حبيبتي كان عندي أجتماع جاي في الطريق اهو
الاء: ماشي مستنياك متتأخرش
مالك بحب: سلام يا روحي
الاء بأبتسامة: سلام
وبعد قليل الجرس رن الاء راحت جري علشان تفتح الباب لمالك وأول ما فتحت الباب كانت الصدمة😲
لتتفاجأ بوالدتها نهال
نهال أول ما شافت الاء حضنتها
نهال بدموع: حبيبتي عاملة ايه وحشتيني اوي انا دورت عليكم كتييير اوي فين زياد وحشني اوي
الاء لسه واقفة مصدومة مكانها ومش عارفة تعمل ايه لتأتي كريمة
كريمة: مين يا الاء وبصت لنهال اهلا وسهلا مين حضرتك
نهال: انا نهال والدة الاء وزياد
كريمة بأبتسامة: يا اهلا وسهلا اتفضلي كده يا الاء تسيبي مامتك واقفة علي الباب اتفضلي يا مدام نهال
نهال بأبتسامة: يزيد فضلك بس ممكن جوزي بس يدخل كمان علشان واقف برا
كريمة والاء بصوا لها بصدمة😲
كريمة بعدم استيعاب: ايه جوز حضرتك انا اللي اعرفه إن والد الاء متوفي
نهال: ايوه فعلا اصل انا بعد ما مات محمود الله يرحمه انا ما تحملتش الصدمة وسافرت البلد عندنا واتجوزت ابن عمي
الاء واقفة مصدومة وكان نفسها تصرخ وتنهار من العياط بس حاولت تتماسك واتمنت مالك يجي بسرعة علشان يكون معاها ويهون عليها الصدمة
كريمة: اه طبعا خليه يدخل مفيش مشكلة
نهال نادت علي عبد الرحمن جوزها الاء اول ما شافته كانت حرفيا بتنهار كل جزء في قلبها بيتقطع
بعد ما دخلوا وقعدوا الجرس رن والاء راحت تفتح ليكون مالك
الاء أول ما شافته مقدرتش تمسك دموعها وحضنته وخبت نفسها في حضنه علشان صوت عياطها ما يطلعش
ومالك ضمها ليه
مالك بخوف: حبيبتي مالك بتعيطي ليه بس
الاء بدموع: مالك ماما جوا
مالك: قصدك نهال
الاء اومأت له برأسها بمعني نعم
مالك بيحاول يطمنها: طب وايه يعني عادي ما تخافيش تلاقيها جاي تشوفكم وتمشي
الاء بدموع: بس هي مش جاية لوحدها جاية ومعاها جوزها
مالك بتفهم لمشاعر الاء: اممم خلاص فهمت خلاص اهدي لازم تبقي قوية قدامهم امسحي دموعك ومتخافيش انا معاكي
الاء بخوف: انا خايفه تقدر تاخدنا انا مش هتحمل الإهانة اللي كانت بتحصلي تاني ده غير كمان جوزها مش هقدر
مالك: متخافيش انا هنا معاكي وبعدين مين ده اللي يقدر ياخدك مني أنتي او زياد انا امحيه من علي وش الأرض خلاص بقي اهدي
الاء هديت ومالك مسح لها دموعها ودخلوا
مالك داخل و الاء وراه
مالك: يا اهلا وسهلا ايه النور ده مدام نهال بنفسها عندنا خير
وقعد علي الكنبة بتكبر وحط رجل علي رجل ومد ايده ل الاء علشان تقعد جمبه وضمها ليه الاء كانت محرجة وحاولت تبعد عن مالك بس مالك ضمها أكتر
مالك: خير يا مدام نهال
نهال بصت بغضب لمالك من تصرفه ده واستغربت
نهال بعصبية: أنت ازاي تتجرأ وتمسك بنتي كده
مالك قام وقف وبكل برود وهدوء وسخرية: ايه بنتك لسه فاكرة إن عندك بنت بنتك اللي سبتيها في أشد وقت هي محتجالك فيه وما لقتكيش وتقولي بنتي
نهال: انا حرة أسيبها اجي لها إنشاء الله أرميها في الشارع ملكش دعوة وياريت متدخلش يلا يا هانم روحي هاتي هدومك هنمشي من هنا واضح أني معرفتش أربيكي بس لينا حساب بعدين الاء ما تحركتش من مكانها ونهال اتعصبت منها وكانت هتشدها من شعرها بس مالك مسك إيدها والاء استخبت ورا مالك بسرعة
مالك: تؤ تؤ تؤ أهدي كده يا مدام نهال انا لحد دلوقتي محترمك كلمة تاني هرميكي انتي وجوزك ده بره وبعدين تاخدي مين الاء تبقي خطيبتي وقريبا مراتي يعني ملكيش حق إنك تاخديها احنا كنا محترمين زيارتكم جدا لكن احد كده نورتونا مع السلامة
نهال: امم طيب أشبع بخطيبتك بعيد عني اصلا ما يشرفنيش يبقي عندي بنت معاقة ومش محترمة زيها ياريت تنادي لي زياد علشان امشي من هنا
مالك: اممم واضح إن فهمك بطئ زياد والاء مسئوليتي انا ومحدش هياخدهم مني الا علي جثتي ياريت تكوني فهمتي نورتونا ونادي مالك علي مدحت
مدحت جه جري: نعم يا مالك باشا
مالك: وصل المدام والأستاذ للباب بعد ما نهال وعبد الرحمن جوزها مشيوا الاء جريت وراحت الجنينة لتفرغ ما بقلبها من حزن ودموع ووجع
الاء راحت قعدت علي البسين وفضلت تعيط
كريمة: مالك روح شوفها
مالك راح ورا الاء وقعد جمبها
مالك: ليه الدموع دلوقتي
الاء: بجد تعبت انا مش فاهمة هي دي ماما بجد ماما انا حتي مش قادرة أنطقها ولا اقولها يا ماما……. ماما اللي تسيبنا بعد ما بابا يموت وتجوز وتعيش حياتها ولا اللي تفضل تهني كل يوم وتقولي يا معاقة انا بجد تعبت
مالك: بس أهدي وبعدين انا هنا جمبك اهو ووعد مش هخليكي تحتاجي لحد وعد هخليكي تنسي أهلك كلهم وهبقي انا اهلك أمك وأبوكي أخوكي وصاحبك وحبيبك وعد هعوضك عن كل حاجة يا روحي بس أرجوكي متعيطيش ومد إيده علشان يمسح دموعها انا مش فاهم بس ازاي إنسانة بالقلب الأسود ده تجيب أحلي وأجمل وأرق بنوتة في الكون لتضحك الاء
مالك: ايوه كده اضحكي الدموع ما تلقش علي عيونك الحلوين دول وبعدين يا هانم فين الغدا انا جاي من الشغل واقع من الجوع
الاء بتذكر: اوه ايه الإكل سايباه علي النار وقامت تجري علشان تلحقه
ومالك راح وراها لتفتح الاء الفرن ويتصاعد الدخان
الاء بصدمة: اتحرق 🥺😭😭😭😭😭
مالك😂😂😂😂بيضحك من منظرها وهي بتعيط علي الأكل اللي اتحرق
الاء بغضب: أنت بتضحك علي ايه هناكل ايه دلوقتي احنا
مالك: ولا يهمك يا روحي أنتي معاكي الشيف مالك
الاء: 🤩 بجد هو أنت بتعرف تطبخ
مالك اتفرجي واحكمي
مالك بدأ يعمل الأكل والاء مبسوطة وبتساعده وعملوا أكل سوا وأكلوا كلهم وكمان نرمين وجاسر جم واتغدوا سوا لتنتهي الحكاية
وكان معكم الكاتبة الاء محمد لتنتهي حكاية أبطال روايتنا الاء ومالك في فترة الخطوبة
تحت شعار ﴿نحن نختلف عن الأخرين 😎﴾
😂😂😂
لقراءة الرواية كاملة اضغط على : (رواية معاقة لكن أعشقها)
