رواية مطلقه في قلب صعيدي الفصل الثاني 2 بقلم مروة ماجد
رواية مطلقه في قلب صعيدي الجزء الثاني
رواية مطلقه في قلب صعيدي البارت الثاني
رواية مطلقه في قلب صعيدي الحلقة الثانية
اللهم صلى وسلم وبارك على سيدنا محمد وعلى آله وصحبه أجمعين وسلم تسليما كثيرا
الدكتور حسن واقف فى الشباك بيبص للسما وفى ايدة فنجان قهوة☕️ وبيقول لنفسه بعد تنهيده طويله
ياااااه اخيرا يا نغم ، حمد الله على السلامه
وفجأه بيحس بايد بتطبطب عليه وتقول
نعمه
مالك يا اخوى ان شالله خير ، اياك تكون بتفكر فى الشغل والشركه ، لا ميكونش عندك فكر واصل ، حكم الاستاذ هادى جوزى بيمشى الشغل كيف الساعه ⏰️ ، وانت برضك كلك نظر ومتعرفش هو بيتعب ازاى فى الشغل ولازمن برضو كل فترة اكدة تزوده فى المرتب 🤑 خليه يعرف يشوف شغله كويس
حسن مكنش مركز معاها خالص ، وبصلها وقال
هى رجعت امتى؟؟؟ 💔
نعمه باستغراب 😲
واه ، هى مين يا أخوى اللى رجعت مفهماش حاجه
حسن بلخبطه😓
قصدى يعنى الشقه اللى قصادك كانت بتاعه الحجه تهانى الله يرحمها سكنت تانى امتى
نعمه
أيوة دى بنتها رجعت بعد ما خابت وأطلقت ورجعت تقرف فينا مع انى ما احبش جار وكنت مستحمله امها بضرب الجزم
حسن بيقاطعها وبيقول
هى نغم اتطلقت، امتى الكلام دة ؟
وهنا نعمه مستغربه من اهتمامه
واه ، واحنا مالنا ما تطلق ولا تتنيل ، دى مغرورة وشايفه نفسها ، و اللى زيها مش بتوع عيشه ولا يعمروا فى بيت ،
حسن بيسرح تانى وبيقول انه يسيب نعمه ورغيها الكتير وينزل يسأل البواب بنفسه عن نغم
ومن الواضح ان الصعيدى بير اسرار ولازم نفتحه ونعرف أسراره 🥰
طيب يا نعمه عن اذنك اشوف البواب واطمن على أحوال العمارة
واه استنى يا اخوى عملتلك رز بالبن🍛 اللى انت بتحبه هتنزل من غير ما تدوقه
حسن مش مهتم برغى نعمه خالص
وسابها ونزل
اما هادى زوج نعمه بيقول
نعمتى مش عارف قلبى مش مرتاح ليه ، اخوكى ماله كدة متلخبط ومهتم بالعمارة ليه ، مهو طول عمرة سايب ماله فى ايد البواب يلم الإيجار ويشوف مصالح العمارة كلها ويسرقه كمان براحته
نعمه 🤨
اخوى مش عبيط يا هادى هو سايب العمارة مع البواب علشان فتحى الحزين دة طول عمرة معانا وأمين وعمرة ما حط يدة على مال اخوى ، وبعدين هو حسن عبيط علشان سايب الشركه فى يدك ؟ 😆
وهنا هادى بيتلخبط ومن الواضح انه بيس.رق الدكتور حسن
ونروح لحسن والبواب ، اللى قاعدين مع بعض بيتكلموا فى أحوال العمارة وحسن مش مهتم باى تفاصيل ومرة واحده بيسال ويقول
هى نغم اتطلقت امتى …. اااا قصدى مدام نغم بنت الحاجه تهانى الله يرحمها رجعت امتى ، وهل جوزها رجع معاها ولا لا
البواب بيرد ويقول
الست نغم رجعت لوحدها ومعاها ابنها أدهم عيل اصغير اكدة ويا حبه عينى مريض ومش بيمشى ، إنما جوزها طلقها وعايشه لوحدها وبتشتغل فى مستشفى خاص
حسن اترسمت على وشه ابتسامه راحه منعرفش سببها ولكن البواب خد باله وقال
دكتور حسن انت مبسوط ان الست اتطلقت ولا ايه ؟
حسن ساب فتحى البواب لانه هو كمان طلع رغاى اكتر من نعمه ، وهو طالع على السلم سمع صوت صريخ نعمه وبتقول
الحقنى يا حسن امك تعبانه ومش قادرة تجيب النفس
حسن بيجرى ياخد تاكسي ويسافر الصعيد ومعاه نعمه، ولكن هادى فضل فى القاهرة علشان يسرق الشركه ، ااا قصدى علشان يشوف شغل الشركه
وفى الصعيد بيدخل حسن ونعمه فيلا اشبه بيقصور الملوك والف ليله وليله 🏰 ويجرى حسن على امه اللى نايمه على السرير ومعاها الخدم بتاعها
الام 👵
حسن امتى حمد الله على سلامتك يا ولدى كنت خايفه اموت قبل ما ترجع
حسن الف سلامه عليكى يا امى هتقومى وهتبقى زى الفل ، ثوانى هاتصل على الدكتور عمران يجى بسرعه
وبيتصل حسن بدكتور اسمه عمران صاحب والده من زمان وعنده مستشفى كبيرة اوى فى الصعيد ومستشفى تانى فى القاهرة
الدكتور عمران بيرد ويقوله
أيوة يا دكتور حسن اخيرا رجعت حمدالله على السلامه
حسن
الله يسلمك يا دكتور عمران من فضلك امى تعبانه اوى وعاوز حضرتك تشوفها
عمران
تمام يا حسن انا فى الصعيد نص ساعه واكون عندك
اما نعمه فدخلت تسلم على امها وهى مش طايقه نفسها وبتقول
يا امى ما انتى زينه اهو ليه بقى تخلى الشغاله تكلمني وتسيب مفاصلى 🦵🦵 ، ولا تكونيش مستكترة ان حسن يبات عندى ليله
الام
ابدا يا بنتى ولا اعرف ان الشغاله كلمتك ، بس بقالى كام يوم تعبانه قوى وانتى حتى مش بتتصلى ولا تطمنى عليا
نعمه
واه يا امى مشغوله هاعمل ايه يعنى
الام
مشغوله فى ايه يا بنتى دة انتى لا بتشتغلى ولا وراكى حاجه
نعمه اتعصبت وكأن امها جات على الجرح وقالت 🤯
قصدك ايه يعنى ، قصدك علشان معنديش عيال يبقى مش ورايا حاجه ، قصدك انى ارض بور ومش باخلف ، قصدك ايه تانى يا اما
الام🥺
لا يا بنتى والله مش قصدى حاجه واصل من اكدة ، انتى ست الستات يا بنتى ، خدى الاسورة 📿دى هديه منى ليكى من زمان مش عطيتك حاجه دهب
نعمه ملامحها اتغيرت 😉 وضحكت وكانها بتعمل الفيلم دة علشان امها تصالحها وقالت
خلاص سماح المرة دى بس ابقى خدى بالك المرة الجايه من كلامك
وبعد شويه بيوصل الدكتور عمران ويكشف على الام وبيقول
دكتور حسن والدتك كويسه الحمد لله ، لكنها مش منتظمه فى العلاج ولازم يكون معاها ممرضه تاخد بالها منها وأنواع العلاج ومواعيده ، لانى ملاحظ ان كل اللى فى الفيلا مش بيعرفوا يقراوا
حسن بيرد ويقول
أيوة فعلا يا دكتور عمران ، دى حتى نعمه اختى مش بتعرف تقرأ، والعمل هنجيب من فين ممرضه تعيش معاها انت عارف الصعيد وعاداته ولا يمكن حد يسيب بنته تبات هنا كل يوم
الدكتور عمران
خلاص متشيلش هم ، عندى ممرضه ممكن تيجى هنا من القاهرة بتشتغل جديد معايا ، ومش متجوزة بس المشكله معاها طفل
حسن بسرعه
مفيش مشكله هى وابنها يشرفوا بس اهم حاجه تخلى بالها من امى
الدكتور عمران
تمام هاسافر الليله القاهرة اباشر الشغل وارجع بكرة بإذن الله بيها
وبالليل فى القاهرة بترجع نغم من الشغل بالليل ، وهى لسه بتفتح الباب بتلاقى الاستاذ هادى زوج الست نعمه وراها وبيقول
اااا مساء الحب 😋
نغم باستغراب
نعم
هادى
مساء الخير، اتاخرتى ليه
نغم
نعم
هادى
اصلى واقف ورا الباب من بدرى ولازق وشى فى العين السحريه ومستني اشوفك وانتى راجعه
نغم
ليه عاوز حاجه حضرتك
هادى
عاوز سلامتك ، قولت يعنى انتى وحدانيه وانا وحدانى يبقى واى نوط ( wy not) نسهر سوا ونسلى بعض
نغم دخلت شقتها ورزعت الباب فى وشه
اما هادى فشكله بقى وحش اوى ،🤭 وبعصبيه بينادي على البواب ويقول
انت يا زفت البرك ياللى اسمك فتحى ، شوفى البت هنيه الشغاله او زينب او اى نتايه والسلام 💃💃💃💃💃
البواب من تحت بيقول باستهزاء
تمام يا استاذ هادى حالا هاتصل على الست نعمه هانم تيجى
وهنا هادى بيدخل شقته لما سمع اسم نعمه ويقفل الباب ، لكنه مش ناوى يسيب نغم فى حالها
وتانى يوم فى المستشفى الخاص بالدكتور نعمان بيدخل على الممرضات وكانت نغم من ضمنهم وبيقول
مس نغم ممكن ثوانى
وبيعرض عليها فكرة انها تشتغل ممرضه خاصه لست كبيرة فى الصعيد بمقابل مادى أضعاف شغلها ف المستشفى، وبعد تفكير طويل قدر الدكتور عمران انه يقنع نغم انها تسافر معاه ، وهى كمان شافت انها فرصه تبعد عن نعمه وكلامها المستفز ،
مسكينه متعرفش انها رايحه لنعمه برجليها 😆😆
وفى الصعيد نعمه اطمنت خلاص انها هتروح لأنها خايفه من نغم على هادى وعارفه ان هادى لايمكن يعيش محترم ابدا ولازم يعك ، ومستنيه وصول الممرضه علشان ترجع القاهرة
لكن حسن حب يفتح سيرة نغم تانى وبيقول
نعمه ، لازم تتصلى على امك كل يوم مرة واتنين وتلاته متسيبهاش للخدامين ، انا بس لازم اكون مع الشركه ولازم كمان ارجع امريكا تانى ، انتى مش عامله زى مدام نغم بنت الحاجه تهانى الله يرحمها ، كانت بتتصل بامها كل ساعتين تقريبا ، وتبعت ليها جوابات كل أسبوع وانا بنفسى كنت باقرا الجوابات دى للحاجه تهانى
نعمه شاطت من سيرة نغم وقالت 🤨
كفايه يا اخوى ، هو انت زمان كنت بتزور الوليه الكبيرة وتقولى قعدتها حلوة وقاعده لوحدها ، وانا كنت باتغاظ انك طول الوقت قاعد معاها ، هى يعنى كانت من بقيه أهلنا، ودلوقتى كمان معجب قوى بأخلاق بنتها اللى ماشيه على حل شعرها وكل يوم راجل شكل يبات معاها فى شقتها
حسن مصدوم وبيقف ويقول
ايه الكلام دة يا نعمه ،هى نغم فعلا كدة
نعمه الموضوع عاجبها وردت
يوووه اكتر من كدة و بصراحه يا اخوى وانت عارف انى صريحه والكدب عمرة ما جه على لسانى 🤥 ، الجيران اشتكوا منها كتير قوى ، حتى الاستاذ هادى جوزى هتموت وتكلمه وتهزر معاه ، لكن انت عارف هادى عينه متترفعش فى حرمه واصل 🤭
حسن اتغيرت ملامحه😔 وفجأه بيدخل الغفير ويقول
دكتور حسن …. الدكتور عمران وصل ومعاه الممرضه الجديدة
ياترى حياه المطلقه هتبقى عامله ازاى فى فيلا الصعيدى
يتبع …
لقراءة الفصل التالي : اضغط هنا
لقراءة الرواية كاملة اضغط على : (رواية مطلقه في قلب صعيدي)
