رواية مشاكل عائلية الفصل الرابع 4 بقلم سلسبيل أحمد
رواية مشاكل عائلية الجزء الرابع
رواية مشاكل عائلية البارت الرابع
رواية مشاكل عائلية الحلقة الرابعة
– ماما انتي مغسلتيش السويت شيرت ولا اية
= غسلتة و سيليا خدته من عالحبل لبسته يا احمد
– بنتال
= بنت ال اية؟؟
جز على سنانه – بنت السكر هيييي فييين
سيليا من وراه: يلا عشان توصلني
– اقلعي يابت السويت شيرت ده ، يخربيتك ده انا ذات نفسي لسه ملبستوش
= مانا بجربهولك الاول افرض طلع وحش
مسكها من قفاها: يابت بقولك اقلعي
– يجدع احنا تؤام وحاجتنا واحده ماانت بتاخد شراباتي
= تؤام اها احنا اصلا جايبينك من ملجأ وريني التي شيرت ده كدا
لقيت زين دخل فا جريت اسخبيت وراه
– يا زين اللحقني
= في اية انت وهي!
– ياعم السويت شيرت الى اشتريته من يومين حطيته فالغسيل عشان اللبسه الهانم ضربت عليه ولبسته
= وريني كدا
سيليا وقفت قدامه تستعرض السويت شيرت
– لا جامد جامد هياكل من عليكي حته اية الحلاوة دي
= شكرا شكرا هبقي اسلفهولك
احمد بغيظ: جرا اييييه انت مع مين
– احم خلاص بقي اختك الصغيره
= يارب كان لازم تخلق تؤام قدي ، انا هتخن يا سيليا عشان منبقاش نفس الحجم ومتلبسيش هدومي
– عادي هضيقهم
= الصبر من عندك يارب ، يلا عشان اوصلك
زين: احبك وانت عاقل خلي بالك منها
– ياعم دي تاخد بالها من بلد
نزلوا و زين قعد مع فاطمه فا بصتله: مش ناوي تشوف العروسه؟
= لاء
– طيب
“بعد نص ساعه”
فاطمه: انا كلمت طنط حكمت وهنروح نشوف بنتها خت معاد مستنينا الساعه 7 جهز نفسك
زين بصدمه وعدم استيعاب: هوا في اية؟
فاطمه: انا خارجه اشتري طرحه مع جارتنا يلا سلام وكلم ابوك عرفه المعاد واخوك و اختك
مشيت و زين لسه متنح فا كلم محمود يشتكيله
– الو يا بابا ! يا تلحقني يا متلحقنيش لا ثانيه اللحقونا اللحقونا بجد
= في اية يا واد
– مراتك شوف عمايل مراتك راحت تاخد معاد مع طنط حكمه و لاحكمت دي عشان تخطبلي بنتها جرا اية هو انا عيل يا بابا
= المعاد امته؟
– الساعه 7
= طب هاجي بدري عشان تجهز يلا سلام
– يا بابا است
قفل فوشه
زين بعصبيه: اية العيله دي!!
فضل ياكل فنفسه لحد ما سيليا و احمد رجعوا من المدرسه ولقوا قالب وشه
سيليا بحنيه: اية ده مالك مين زعلك
زين: محدش يكلمني دلوقتي
احمد: عملت اية ماهو يا عملت يا اتعمل فيك
زين: اتعمل فيا يخويا
احمد وسيليا ضحكوا: اتعمل اية ومين الى عمل
زين: امك
احمد: احترم نفسك ياض
زين: اقعد يابن الذكيه انا مش بشتمك ماهي امي انا كمان امك راحت تخدلي معاد عشان اشوف واحده وعايزاني اخطبها
سيليا: هييييييه هحضر الفستان
زين بعدم فهم: فستان اية؟
سيليا: فستان الفرح
احمد كتم ضحكه: يخربيتك الواد هيروح مننا فرح اية طب عالاقل قولي فستان الخطوبة
زين: اخرس انت كمان انا ادبست جامد وشكلها هتطلع وحشه
سيليا: الشكل مش كل حاجه
زين: يبقي هتطلع حلوة بس تنكه او دمها تقيل
سيليا: لا لو كده تسبها احنا ابننا ميخدش واحده دمها تقيل
زين: اختي الى مليش غيرها
بصوا لاحمد فا رفع ايده بأستسلام: انا معاكوا كل الدعم
الساعه كانت 6 وكله اتجمع وكانوا بيجهزوا عشان يروحوا محمود و فاطمه جهزوا و كمان احمد و سيليا و زين كان بيتأخر قصد لحد ما خلص على 7 الا ربع واتحركوا
– عاجبك كده الساعه 7
= متقلقيش يا ماما متأخرناش احنا طالعين اهو!
– طالعين اية دول فالدور الاول
احمد همس: امال اتأخرنا على اية
فاطمه: اركنوا على جمب كده اقف فى الاول يا زين وخبط
زين بتزمر: هوا طابور!
فاطمه بحزم: خبط يا ولد
سيليا رنت هي الجرس فا زين بصلها بتوعد: هنفخك بس لما نروح
والباب اتفتح
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مشاكل عائلية)
