رواية مسكني الدافئ الفصل الأول 1 بقلم أصالة محمود
رواية مسكني الدافئ الجزء الأول
رواية مسكني الدافئ البارت الأول
رواية مسكني الدافئ الحلقة الأولى
مرفت: ايوه يا ملك وصلتي السكن
ملك: ايوه يا ماما وصلت
مرفت: طب ايه عجبك ولا ايه
ملك: مش عارفه يا ماما حاسه انى متراقبه
ده كان كلام ملك مع امها بعد ما وصلت السكن الجديد بتاعها عشان القديم كان بعيد عنها
مرفت : يعنى ايه
ملك: مش عارفه يا ماما حاسه ان حد بيراقبني رغم انى ف السكن من الصبح والساعه دلوقت ١٢ بليل بس لسه الاحساس ده موجود
مرفت بحزن: معلش يابنتي اي حاجه تخليكي بعيده عن ابوكى
ملك اكتسي وشها الحزن وقعدت على الكنبه وهيا بتتنهد بتعب بسبب ابوها القاسي ال مستعد يبيعها لائي حد بس يخلص منها
ملك بحزن: مش عارفه انا عملت ايه لكل ده
مرفت: عاوزك تطاوعيه وتاخدى حد غنى
ملك بتعب: طب وبعدين يا ماما انا قعدت ف المستشفي شهر بسبب ضربه ليا ده كان هيموتنى واهو لما هربت من تحت ايديه وسافرت على القاهره عاوز يرجعني عشان يرميني تحت رجل اى واحد غنى
مرفت بحزن: معلش يا قلب امك ربنا شايلك الأحسن
ملك بتنهيده: يارب يا ماما حد يحميني منه عشان انا بجد تعبت
مرفت : يالا يا قلبي انا هقفل دلوقت عشان ابوكى على وصول واول فرصه قدامى هرن عليكي
ملك بحب: ماشي يا ماما خلى بالك من نفسك
مرفت: وانتى خلى بالك من نفسك لا اله الا الله
ملك: محمد رسول الله
قفلت السكه وهيا بتسند راسها على الكنبه وراها بتعب وتفكير ف ال بيحصل ف حياتها ملك عيونها عسلي شعر بني متوسط الطول بشره قمحاويه طول متوسط متناسقه الجسم
ملك بتعب وبصوت مسموع: هو انا متراقبه بجد ولا ده مجرد احساس
ونامت على الكنبه وهيا ضامه رجلها لحضنها وبتفكر هتعمل ايه ف الشغل المفروض تنزل تدور على شغل بكرا رفعت راسها من على المسند باستغراب على جرس الباب ال رن مره وحده مقاطع هدوء المكان وقفت من مكانها وهيا بتمشي نحية الباب بحزر وعلى أطراف صوابعها بصت من العين السحريه ملقتش حد قررت تفتح الباب وملقتش حد بس لقيت بوكيه ورد ابيض على الأرض وجوا كرت اخدت البوكيه ودخلت الشقه وقفلت الباب بالمفتاح مسكت الكرت
ملك باستغراب: اخيرا بقيتي جوا دايرتي اهلا بيكي ف حياتى يا وردتي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مسكني الدافئ)
