رواية مزرعة الغضب الفصل الخامس 5 بقلم نرمين قدري
رواية مزرعة الغضب الجزء الخامس
رواية مزرعة الغضب البارت الخامس
رواية مزرعة الغضب الحلقة الخامسة
خرج المحامي من باب الفيلا وعيون عاصي متابعة خطواته و هو يظفر انفاس غيظ ممزوجة بغضب
اغلق عاصي الباب وراؤة والتفت ليجد عيون الكل متابعة خطواته
اقتربت أمه وعلي وجهها علامات استفهام حول ما حدث وقالت:
– خير يا عاصي روز طالعة من جوا وصوتها عالي وخرجت من غير حتي ما تسلم و نفس الكلام انت طالع مش طايق نفسك فيها ايه الوصيه وصلكم للحال اكيد مش اللي كنا متوقعينه لان روز كمان مش عجبها المكتوب في الوصية
وقفت هبه واقتربت منهم وقالت :
– انا مش فاهمة حاجة وصيه ايه و روز دي تطلع مين
أجابت رنا بتهكم:
– منا قلتلك روز بتكون مين بس نقول تاني
روز دي يا ستي صاحبه كل ده والدها قبل ما يموت كان عليه ديون كتير علشان ميسبهمش لروز باع المزرعة لعاصي بس شرط في العقد أن انتقال الملكية ميتنقلش لعاصي غير بموافقة علي شرط موجود في وصية هو كاتبها
قالت هبه متعجبة :
– وازاي عاصي يمضي علي الكلام الفارغ ده
اجاب عاصي وهو يجلس في ضيق:
– منا ما اختش بالي من الشرط ده يا هبه مضيت من غير ما بص علي كل شروط العقد
قالت الأم بغيظ:
– لا يا عاصي متنكرش ان رضوان خدعك و خلاك تمضي وانت مغمض
زفرت هبه انفاس ملل وقالت:
-يا جماعة مش ده موضعها مين خدع مين عاصي مضي وخلاصنا المهم هنا بقا ايه هو الشرط اللي محطوط في الوصيه خلاكم متعصبين كده ده الاهم
عمت حاله صمت واتجاهت كل النظرات نحو عاصي الذي وضع يده علي راسة و نظر نحو الأرض في شرود تام
قالت الأم:
– مش وقت سرحانك ده يا عاصي قولي رضوان عمل ايه علشان يحفظ حق بنته من الواضح أن اللي كتب حاجة مش متوقعة
ضحكت رنا وقالت بسخرية :
– ليكون عاوز يجوزكم تكون نكتة الموسم
استدارت لها الام وقالت بغضب:
– رنا يا تقولي كلام معقول يا اتفضلي علي فوق بلاش كلام عبيط مش ناقص كمان أن عاصي يتجوز من فلاحه
رفعت رنا عينيها مستعجبه وقالت :
– صحيح انا بهزر بس ليه يا ماما لأ ، و مالها روز انتي ليه ناسيتي أن حالنا كان أسؤ منها احنا كنا في الشارع مش لاقين حته تلمنا كان ممكن منكملش تعليم ولا عاصي يوصل لكل اللي احنا فيه ده مش لازم ننسا اصلنا
قالت الأم بنفس نبرة الغضب:
– وماله اصلنا يا رنا بصي انتي كلامك كله بيعصبني اسكتي لحد ما نعرف ايه الشرط اللي مخلي اخوكي عامل كده
ضحكت رنا منا قلتلك بس انتي اللي مش عاوزة تصدقي
قالت هبه بغيظ:
– ما تبطلي بقا يا رنا مش ناقصة هبله بذمتك دي واحده ممكن عاصي يبصلها مش شايفة لبسها ولا شكلها
رفعت رنا حاجبيها وقالت:
– وماله شكلها علي الاقل هي دكتورة الرك بقا علي معاه ثانوي منازل واخده بطلوع الروح
التفت هبه نحو خالتها وقالت:
– خالتوا عجبك اللي رنا بتقوله ده بجد بايخة قوي بتشبهني الفلاحة دي علي الأقل يا رنا انا معايا ثانوي الرك بقا علي بيتكسف يروح المدرسة و بيتخدها منازل علشان يا حرام مش قادر
قالت رنا ضاحكة واخفت دموعها :
– لا يا هوبا انا مشبهتكيش بيها انا بقول أنها احسن منك هي دكتورة وانتي ولا حاجة غير أن انا ما خترتش اكون علي الكرسي ده صحيح كنت بحول منازل بس في الاخر اتخرجت من كليه العلوم والحمد لله الدكاترة عطوني أمل أن ممكن امشي وانا عايشة علي الامل ده
قالت الأم وقد تملك الغضب منها أقصاه:
– ما خلاص خلصنا بقا يا رنا خلينا نشوف بقا اخوكي هيقول ايه كفايا محاضرات عنك و عن ازاي تقدري تمشي متفلقناش
قام عاصي واقفا واتجه نحو رنا وكأنه استشعر الجرح الذي امتلك قلبها وقال:
– طول عمرك يا مفعوصة بتلقتيها وهي طايرة
قالت متحمسة :
احلف بالله عليك هو كده صح
= هو كده يا مفعوصة انتي ما شوفتهاش طالعه من جوا والشياط بيطلع من دونها
غمزت بعينها وقالت:
– بس انا شايفاك هديت كده خير لتكون هتوافق علي الشرط
= انتي شايفة ايه يا مفعوصة
– شايفه أن البت ما تتسبش البت قمر .
قالت الأم غاضبه وبصوت حاد :
– باااااااااس منك ليها انا محتاجة افهم اللي بيحصل حد فيكم ينطق علشان كده كل حاجة دخلت علي بعض انا مش فاهمة
قال عاصي وهو يمسح على رأسه :
– في ايه في الكلام مش مفهوم يا امي رضوان لعبها صح باع لينا المزرعة ونفس الوقت ضمن حق بنته حط شرط علشان يكتمل البيع وتنتقل الملكية أن اتجوز روز و لو أردنا الانفصال مده لا تزيد عن سنتان مده عقد الجواز
قامت هبه منفعله:
– وانت موافق بالتخريف ده يا عاصي اكيد طبعا انت مش هتوافق
جلس عاصي وضع ساق فوق الآخر وقال بهدوء مسستفز:
– وانتي عندك حل تاني يا هبه لو عندك قولي
قالت الأم بغصب :
– ده كلام فارغ انا ما صبرتش كل ده و صممت أعلمك علشان تيجي حته فلاحة وتاخدك علي الجاهز الكلام ده لا يمكن يحصل لو انطبقت السما علي لارض
رفع عاصي حاجبية وقال:
– تمام اوي انا تحت امركم اللي شايف أن في حل تاني يقولي
ضحكت رنا وهي تنظر لأخيها وقالت:
– انا عن نفسي معنديش حل اللي انت شايفة صح اعمله
قالت الأم بنفس نبرة الغضب:
– بس انا مش مواقفة رجع ليها المزرعة و هي حره مع ديون ابوها ملناش علاقه بيها ويلا نمشي من هنا لكن جواز من الفلاحة دي استحاله فاهم استحاله
قال عاصي يتهكم:
– واسيب حلمي أن اخد المزرعة لاء طبعا انا مستحيل اعمل كده انا كبرت وانا بحلم امتلك المزرعة اللي كانت سبب في اننا نكون قي الشارع و لو علي الجواز هتجوز وهي اللي جابته لنفسها هيكون جحهمها مش جوزها انا هكون عملها في الدنيا وتبقي تفرجني هتهرب مني تروح فين بنت الأكابر واللي عمله فينا جدها زمان تستحمله هي بقا دلوقتي كل واحد يشيل واصمة عائلته انا مليش في
وعند روز حالها لم يكن بخير فكانت في قمة غضبها وهي غير مصدقة ما كتبه والدها في الوصيه ظلت تحدث نفسها عن السبب الذي جعل والدها يفعل ذلك قطع حبل افكارها صوت رنين هاتفها نظرت لهاوية المتصل كان المحامي
أجابت مسرعة بصوت غاضب :
+ الو استاذ فؤاد أنت كنت عارف باللي كان مكتوب في الوصية عارف بابا عمل كده ليه انا محتاجة تفسير أنا عاوزة افهم بلظبط ليه بابا عمل كده وايه إصراره الغريب أن اتجوز من الشخص ده بالذات
اجاب فؤاد بهدوء المعتادء:
– ممكن تهدي يا روز علشان اعرف اتكلم اديني فرصة اتكلم وافهمك
لو علي الوصية أيوا كنت عارف اللي فيها وتأكدي أن والدك عمل كل حاجة لمصلحتك
قطعت كلامة غاضبه :
+ وايه مصلحتي أن اتجوز واحد معرفهوش ولا يعرفني ولاء بيكرهني وبيكره عائلتي كلها واحد مغرور مش شايف غير نفسة
– انا عارف شعور عاصي من عيلتكم وهو ليه أسبابه بس اتاكدي ان رضوان عمل الصح عاصي اكتر حد ممكن يخالي باله عليكي حتي لو بيكرهك
+ وانا مطلبتش من حد ياخد باله مني انا كبرت كفايا انا دكتورة و اظن انا مش محتاجة لحد
– غلطانه يا ياروز انتي دلوقتي في أمس الحاجة لحد تحتمي ليه
+ احتمي من مين وليه يا استاذ فؤاد انا بجد مش فاهمة حاجة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مزرعة الغضب)
