رواية مريض نفسي الفصل الخامس والعشرون 25 بقلم مريم أحمد
رواية مريض نفسي الجزء الخامس والعشرون
رواية مريض نفسي البارت الخامس والعشرون
رواية مريض نفسي الحلقة الخامسة والعشرون
داليدا….ايه يا روح كنتي مستنيه لما عز يعرف انه يبلغ يحيى انه يطلقني ولا ايه
اتصدمت روح من كلام داليدا و معرفتش ترد تقولها ايه
داليدا…م تردي !!
اتكلمت روح و الدموع في عينيها
روح…شوفي انا عمري ف حياتي م كنت اتوقع اني اسمع منك الكلام دا ولا انك تفتكريني كدا
كملت و هي بتعيط بوجع من كلام ظاليدا
روح….انا عمري م هكرهلك الخير يا داليدا ولا هغير منك او احقد عليكي انا اول م عرفت انك بتحبيه لما جيه و اتقدملك فضلت ادعي ان ربنا يتمملك على خير عشان تكوني مبسوطه على طول و فضلت اقنع عز انه يوافق عشان برضو تبقي مبسوطه و لما عرفت بموضوع المرض النفسي بتاع يحيى دا بحلفلك اني من خوفي عليكي كنت هقول لعز لكن بعد م انتي قومتي خوفت على زعلك و مردتش اقوله قولتله اني اتخانقت معاكي خناقه هبله بس هو طبعا مصدقنيش لكن والله يا داليدا انا بحبك و عمري م اتمنتلك غير الخير
اتنهدت داليدا بزعل على روح و قامت حضنتها و هي بتطبطب على ضهرها و بتقول
داليدا…خلاص يا روح انا مكنتش اقصد كدا ابدا انا بس زعلت منك شويه و خلاص دلوقتي مش زعلانه
قامت روح وقفت و مسكت ايد داليدا و قالتلها و هي بتبتسم
روح…يلا نعمل كيكه
كانت لسه داليدا هترد بس سمعوا صوت طفولي و هو بيقول بتأكيد
كارم…ايواااا اعملوها بالشكلاته
ضحكوا و داليدا راحت شالته بحب و راحوا هما التلاته للمطبخ
………………
راح قعد على مرجيحة الجنينه و هو بيطلع اسمها من جهات الاتصال و عشان يرن عليها
مره و اتنين لحد م سمع صوتها
داليدا..الو
ابتسم يحيى و قاالها…عامله ايه
ردت عليه و هي واقفه في شباك اوضتها
داليدا…كنت بعمل كيكه
يحيى…عقبال م تعمليها في قصرك
ضحكت داليدا و بعدين قالت بتوتر
داليدا…يحيى هو انت كويس؟
سكت شويه بخوف و بعدين اتكلم
يحيى..الحمدلله
حست داليدا بخوفه و قالتله
داليدا…مش عايزاك تقلق من حاجه يا يحيى انا جمبك و مش هسيبك
ابتسم و هو حاسس ان قلبه هيطير من كتر الفرحه
يحيى…يعني انتي مش هتعملي زي منى
قفلت حواجبها باستغراب
داليدا…مين منى؟
يحيى..دي كانت خطيبتي زمان و لما عرفت بموضوع المرض النفسي دا قررت اننا ننهي الموضوع
افتكرتها داليدا و قالت بزهق
داليدا…اه اه. افتكرتها
ضحك يحيى و قالها…دي غيره دي بقى ولا ايه
ابتسمت داليدا عليه
داليدا…بقولك ايييه انا عايزه اخرج
ضحك يحيى و قالها
يحيى…عايزه تروحي فين
داليدا…اي مكان
قالها بضحك
يحيى..تحبي تروحي الملاهي؟
صرخت بفرحه و هي بتقول
داليدا…ايوااا
اتصدم منها و قالها
يحيى…ايوا اي يا عبيطه انتي انا كنت بهزر
داليدا…لا يا يحيى بليز نروح انا الكليه هتبدأ بكره
سكت شويه و بعدين قالها
يحيى…اجهزي ساعه بالكتير و هرن عليكي تنزليلي
قامت وقفت و قالتله بفرحه
داليدا…بجددد
ابتسم عليها و قال بتأكيد
يحيى…بجد
………….
صرخ بأسمها بغضب و هو ماسك الورق الي متبهدل ف ايده
كريم. بغضب و عصبيه….تقيييييييييى
جت بسرعه و هي خايفه من صوته العالي
تقى….نعم
مد ايده بالورق و هو بيقول بغضب
كريم…عايز افهم ايييه داااا
بصت تقى للورق و قالت
تقى بتوتر…كريم والله ياةكريم انا مكنتش اقصد والله ان كوباية المايه تدلق عليهم
كريم بعصبيه….اخدهم بكره الشركه ازاااي عايز افهم الورق كله باااظ
تقى…لا لا انا فضلت انشفه بالاستشوار والله هو بس مكرمش شويه لكن ناشف والله
بصلها كريم بزهول من الطفوله الي هي فيها و قالها
كريم…استشوار!!!
شاورتله تقى على التسريحه و قالتله
تقى…اه اهو والله لسه حتى مشلتوش
مسح وشه و هو بيحاول يهدي نفسه عشان ميقتلهاش و قالها
كريم…بصي يا حبيبتي و افهمي
قالتله بخوف
تقى…حاضر بس اهدى و متتعصبش كدا عشان انا خايفه منه
صرخ ف وشها بزهول و هو بيقول
كريم…و انا اتعصبت عليكيييي!!!
دمعت عينيها و قالتله
تقى…شفت بتتعصب ازاااي
غمض عينيه و بعدين بص للورق و قالها
كريم…بصي يا تقى الورق دا انا المفروض كنت هقدمه في الاجتماع بتاع بكره و. المفروض يكون شكله حلو انا بقى هقدمه ازاي و هو مكرمش كدا
سكتت شويه تفكر و بعدين قالتله
تقى…مش الورق دا انت كنت كاتبه على اللاب؟
هز راسه بزهق
كملت هي و قالتله
تقى…خلاص انت كدا كدا حتى لو طبعت الورق بتخليه برضو على الجهاز يا كريم اطبعه تاني
بصلها بفرحه لما فكرته ان فعلا يقدر يطبخ نسخه تانيه من الورق لأنه متسجل على اللاب توب بتاعه و قالها بحب و فرحه
كريم…اجمل تقتوقه في الدنيا كلها
ضحكت و قالتله
تقى…م انا عارفه
……..
مرفت….سهير انا مش هسكت على معملة يحيى لبنتي دي كتير
اتنهدت سهير بزهق و قالت
سهير….يوووه بقى يا ميرفت هو كل يوم هنقول نفس الكلام
ميرفت…شوفي ابنك بيعامل بنتي ازاي يا سهير و اعكسي الموقف و قوليلي هتزعلي ولا لأ
سهير….طيب معاكي انه اسلوبه وحش بس برضو يعني مايان بتدخل ف الي ملهاش فيه
ميرفت…نعمممم
سهير…ايوا هي مالها و مال المرض النفسي الي عند يحيى
ميرفت…يعني عشان بنتي عايزه تطمن عليه بقت وحشه
سهير…و تطمن عليه ليه اصلا يا ميرفت هي ولا خطيبته ولا حاجه يعني متزعليش مني طبعا
ميرفت…لأ يا ستي مش زعلانه
سهير…و انا برضو هكلمه
هزت ميرفت راسها
…………
فتجت الباب و خرجت من اوضتها بعد م جهزت
شافتعا روح الي كانت خارجه من المطبخ و هي شايله طبق الكيكه
روح…يلا يا داليدا عشان…
سكتت و هي شايفاها جاهزه و خارجه
روح…ايه دا انتي رايحه فين
داليدا بطفوله….رايحه الملاهي
قالتلها روح باستنكار….مـ اييييه يختي؟؟؟
داليدا….ايه يا روح.!!! الكليه هتبدأ بكره و قولت ليحيى اني عايزه اخرج و انه يوديني الملاهي
ابتسمتلها روح…دريم بارك بقى
سقفت داليدا بفرحه و قالت
داليدا…ايوااا
روح بحب…ربنا يفرحك كمان و كمان يا رب
حضنتها داليدا بحب و قالتلها
داليدا…انا هنزل انا بقى احسن يحيى واقف تحت بالعربيه و التليفون هتلاقيه على المكتب ماشي
هزت روح راسها…ماشي هبقى اخلي عز يكلمك على تليفون يحيى بقى
داليدا…اوكيه…يلا باي
روح ….باي
و فتحت باب الشقه و نزلت
…………..
كانت قاعد ف العربيه بيرن عليها بس هي مكنتش بترد
اتفتح باب العربيه و ركبت
يحيى …ايه يا بنتي
داليدا…معلش اتأخرت عليك
يحيى…انا برن عليكي مبترديش ليه يا داليدا
داليدا…يا يحيى انا اصلا تليفوني مكسور و بايظ و روح خدت الخط حطته في تليفونها لحد م عز يصلحلي الشاشه بتاعة التليفون
يحيى…و مقولتليش ليه
قفلت حواجبها باستغراب
داليدا….على ايه
يحيى…على تليفونك
داليدا…بجد!! انت تعرف حد كويس يقدر يصلحلي شاشة التليفون ؟
كملت بهزار…بس يبقى اسعار الشاشات عنده على قد الايد الله يباركلك
ضحك يحيى عليها و دور العربيه و مشي
داليدا…هنروح فين
يحيى…ملكيش دعوه
داليدا…يوووه يا يحيى انا مبحبش المفاجأت و انت عارف قولي بقى دلوقتي لو عاملي مفاجأه
يحيى…برضو ملكيش دعوه
ضحكت داليدا بزهق و قالت
داليدا…طيب
يحيى…بتكلمي تقى؟
قفلت حواجبها
داليدا…تقى؟
بصلها و هز راسه بتأكيد و رجع بص للطريق تاني
يحيى…انتي متعرفيش ان كريم جوزها يبقى شريكي ف الشركه ولا ايه و جيه هو و تقى قبل كدا اتغدوا معانا و ماما بتحبها جدا
داليدا بدهشه…بتهزر
ضحك يحيى و قالها
يحيى…ايوا يا بنتي شكلك بقالك كتير مكلمتيهاش
داليدا…بصراحه اه بقالي كتير جدا
يحيى…ليه كدا
داليدا…يا يحيى انا من النوع الي بخاف حد يزهق مني و هي مكلمتنيش قولت يمكن مش عايزه اني اكلمها و بالفعل مكلمتهاش و الي اكدلي كدا انها حتى مبعتتليش رساله واحده تسأل عليا
يحيى…غلط يا داليدا انتي اكيد ظلماها يمكن هي مثلا كان عندها مشاكل او كدا و كان المفروض انك تسألي عليها لأنكوا كنتوا اخوات مش صحاب مكنش ينفع ابدا انك متكلميهاش
داليدا…معاك حق لما اصلح التليفون هبقى اكلمها
ركن العربيه قصاد مزل كبير جدا
داليدا بزعل….ايه دااا هي دي دريم بارك الي وعدتني بيها
ضحك يحيى عليها و قالها
يحيى…دا منظر واحده داخله تالته جامعه!!
داليدا ..كمان بتتنمر عليا!!
ضحك يحيى اكتر و قالها
يحيى…خليكي هنا خمس دقايق و جايلك
ابتسمت و قالتله
داليدا…طيب
بعد عشر دقايق كان خارج من المول مبسوط انه هيقدر يفرحها بعد م جابلها احدث انواع التليفونات و جابلها خط برقم مميز ليها
كانت قاعده مستنياه ف العربيه و سمعت صوت رساله بصت لاقيته ناسي تليفونه على تابلوه العربيه
فضولها خلاها تمسك التليفون و تشوف الرساله وووووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مريض نفسي)
