رواية مرايتي الفصل الثاني 2 بقلم مجهول
رواية مرايتي البارت الثاني
رواية مرايتي الجزء الثاني
رواية مرايتي الحلقة الثانية
ملك : ان….. انت……
كريم: ايه دا معقول انتِ
ريم: ايه دا هو انتوا تعرفوا بعض
ملك: ل..لا
كريم: لا هو احنا بس اتقابلنا مره صدفه … علي العموم انا سعيد جدًا بالزيارة والمكان كله تحت امركوا
ريم: شكرًا جدًا لذوقك
ريم : ملك …. يااملك الاكل برد مالك سرحانه في ايه
ملك: هااا. لا مش سرحانه ولا حاجه
ريم: ما هو واضح…. مش ناويه تقوليلي ايه حكاية استاذ كريم دا
ملك: ولا حكايه ولا حاجه زي ما هو قالك اتقابلنا مره صدفه مش اكتر
ريم: لا بس هو الواد مز بصراحه
ملك:لنفسه
ريم: يا بنتي انتي ماشوفتيش بيبصلك ازاي
ملك: خليكي في الاكل يا ريم وماسمعش صوتك لحد ما نروح
ريم: طب بس ماتزوقيش
*ملك في نفسها :تفتكرى ممكن تكون ريم معاها حق … بس لا طبعًا واحد زي القمر زي دا ومحقق النجاح دا كله اكيد مش هيبص لوحده زيي …. اكيد عنده الف واحده احلي مني مليون مره تتمناه بلاش هبل وماتسرحيش بخيالك عشان ماتتكسريش وانتِ مش ناقصه*
—————————————————
علي: حمد الله على سلامتك يا حبيبتي
ملك:الله يسلمك يا بابا
علي: شكلك مبسوطه
ملك: يعني الحمد الله بس اصلي اتغديت مع واحده صاحبتي بعد الجامعه
علي: طيب يا حبيبتي ربنا يسعدك
ملك: انا هدخل ارتاح شويه في الاوضه
علي: ماشي يا حبيبتي
___________________________________
*بعد مرور اسبوع*
ملك: حاسه اني احسن بكتير اخيرًا اسبوع ما بسلام من غير خناق مع ماما في البيت ولا كلام عن عرسان
د.يوسف: اشمعنى
ملك: يعني بابا حس بيا وخلاها تبطل تضايقني بكلامها
د.يوسف: بقيتي بتشوفي نفسك ازاي
ملك: لسه بشوف نفسي زي ما انا مش معني ان بقي في هدوء يبقي بشوف نفسي اجمل مثلًا انا جوايا احساس دايم اني مش حلوه واني دايمًا ناقصه شيء عن اي بنت حواليا
د.يوسف: وليه تحطي نفسك في مقارنه مع غيرك اصلا
ملك: صدقني مش انا …. هما …. هما اللي دايما كانوا بيحطوني في مقارنه مع غيري ودايما غيري هو اللي بيكسب حتي لو انا احسن منه
د.يوسف: ف اتعودتي انك تلقائي تقارني نفسك بغيرك وبردو في النهايه هو اللي يكسب
ملك: بالظبط
*بعد مرور ساعه*
د.يوسف: هنقلل شويه من المهدئات انتِ بقيتي احسن شويه
ملك: اوك يا دكتور شكرًا
—— ——– ————- ————-
*بتنزل ملك من العياده وبتسما صوت*
ملك …. انسه ملك
ملك: انت …. انت ايه اللي جابك هنا وعرفت اني هنا منين اصلا
كريم: انتِ نسيتي اني اول مره قابلتك هنا
ملك: انت عايز ايه مني
كريم: طب ممكن نقعد في اي مكان ونتكلم
ملك: لا … مابقعدش مع ناس ماعرفهاش
كريم: نص ساعه بس في اي حته انتِ حباها
ملك: انا اسفه عن اذنك
———————————————————————
*بعد مرور اسبوع *
ريم: ملك بقولك ايه انا عايزه اروح اتغدي في K.A تعالي معايا
ملك: لا
ربم: هزعل منك
ملك: طب تعالي نشوف اي مكان غيره
ريم: مكان ايه يا بنتي دا احسن مكان هنا عشان خاطري تعالي معايا هزعل منك بجد
ملك: ماشي يا ريم لما نشوف اخرتها ايه معاكي
—————————————————————-
* في المطعم*
ريم: ما تفردي وشك بقي …مالك في ايه
ملك: مفيش بس كنت حابه اننا نروح مكان تاني
ريم: بقولك ايه انا هدخل الحمام عقبال ما الاكل يجي
ملك: ماشي
كريم: هتكسفيني المره دي كمان ومش هتكلميني
ملك: انت عايز ايه مني
كريم: حابب اتعرف عليكي
ملك: وانت سايب كل البنات دي وجاي تتعرف عليا انا ليه يعني
كريم: معرفش بس حسيت اني عايز اعرفك
ملك: وانا مش عايزه اعرفك وبعدين انت عرفت منين اصلا اني ….ان…
كريم: انك بتروحي لدكتور نفسي
ملك: اه … عرفت ازاي
كريم: شوفتك اول مره لما كنتي داخلاه وانتِ بتعيطي بس انتِ ماخدتيش بالك مني لان انا وقتها كنت خارج من عنده
ملك: ايييه!!! وليه واحد ناجح زيك ممكن يكون بيزور طبيب نفسي
كريم: شوفتي بقي ان انتِ كمان حابه تتعرفي عليا
ملك:مش حقيقي
كريم: لا حقيقي …. طب ممكن نتقابل بالليل في اي مكان انت تحبيه وانا هاحكيلك علي كل حاجه
ملك: لا مش ممكن
كريم: هاستناكي في نفس المكان اللي اتقابلنا فيه اول مره الساعه ٧
ملك: مش هاجي
كريم: هتيجي…..عن اذنك
———————————–
الساعه ٦ ونص
ملك لنفسها .. هتروحي ياللي ماعندكيش كرامه بعد ما قولتي انك مش هتروحي……لالا مش هروح انا مالي وماله اصلا ….. دا شكله واحد مجنون …… طب ما تيجي نروح ونعرف حكايته يعني ايه اللي ممكن يخلي واحد زي دا يزور دكتور نفسي…… لا لا مش هروح ماليش دعوه …..
*الساعه ٧ وعشره*
كريم : كنت واثق انك هتيجي
ملك: اصلا ماكنتش جايه
كريم: مش مهم المهم انك جيتي
ملك: طب ممكن تقولي انت مين وليه اصلا بتروح لدكتور نفسي وليه اصلا عايز تتعرف عليا اشمعنى انا
كريم: بالنسبه ل انا مين … ف انا اسمي كريم سالم عندي ٢٧ سنه متخرج من كلية تجارة واشتغلت في شركات وبنوك فتره بعد ما اتخرجت لحد ما حصلت الحاجه اللي غيرت كل حياتي ورجعت بعدها واحد تاني وقررت اني افتح مجال وشغل لنفسي او بمعني اصح اني ابدأ حياة جديده بعد معاناه شديده وفتره كنت ممكن اوصل فيها للانتحار و هو دا بالظبط اللي خلاني اروح لدكتور يوسف
ملك: و ايه هو الشئ اللي غير حياتك للدرجه دي
كريم: ان……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مرايتي)
