رواية مرات ياسين الزين الفصل الثامن 8 بقلم نسمة مالك
رواية مرات ياسين الزين الجزء الثامن
رواية مرات ياسين الزين البارت الثامن
رواية مرات ياسين الزين الحلقة الثامنة
..بفزع..
ورعب يقفون امام باب المنزل..
يخشون الدخول خوفا من سماسم..
تختبئ تمار خلف ليلى وتنظر بنصف عين من اسفل ذراعها..
لتلكمها ليلى بكوعها وتتحدث بغضب بصوتا خافض..
ليلى:انتى يا تمارا الكلب بستخبى فيا دا انا هنفخك قبل ستك يابت يا قليله الادب يلى أستفردى بالراجل ونزلتى فيه بوس..
شهقت تمارا بعنف واتسعت عيونها بصدمه وهمست بغيظ..
تمارا:اخس عليكى يا عمتو..انتى فكرانى انا اللى بوست ياسو..
حركت راسها بالنفى سريعا واكملت بهيام..
هيييييييييييح هو اللى باسنى بوسه خطيره يا عمتو..
قرصتها ليلى بعنف باحدى ذراعيها وتحدثت بغضب عارم..
ليلى:اخرسى يا زفته ستك لو سمعتك هتموتك..
تأوهت تمارا بشده وقفزت اكثر من مره وهى تدلك مكان القرصه برفق..
اقتربت من وجهها لوجه ليلى ونظرت لها بعبوس وتحدثت بعبث وهى ترقص لها احدى حواجبها..
تمارا:مش هتموتنى لوحدى يا حمتو..
وجهت نظرها لشفاتيها واكملت..
هتموتك معايا يا عمتو يا شقيه انتى بشافيفك الحلوه اللى عمو معتز عضضها دى ههههههههههههههههههه..
همت ليلى بالهجوم عليها لكنها خبطت على الباب سريعا..
فتحت لهم سماسم وتحدثت بفرحه عارمه..
سماسم:حمد لله على السلامه ياحبايب قلبى..
وجهت نظرها لليلى واكملت..
الف مبروك ياليلى يابنتى معتز كلم ابوكى وعايز يكتب عليكى الليله وانا اقنعت ابوكى يوافق ربنا يستر عرضكم انتو واللى زيكو ياحبايبى ويجعل ايامكم كلها فرح قادر ياكريم يارب..
نظرت لتمارا واكملت بحب..
عقبالك يا تماره ياقلب ستك..
ملتزمين الصمت..
يقفون خلف باب الشقه مستندون بظهرهم عليه..
كلا منهم واضعه كف يدها على فمها تخفى به شفاتيها..
نظرت لهم سماسم بتمعن وتحدثت بتسائل..
مالكو يابت انتى وهى متنحين كده ليه؟؟
تمارا وليلى:☺☺☺☺☺☺..
نظرت لهم بفهم واكملت..
بت انتى وهى عملتو نصيبه ايه؟؟السحنه دى انا حافظاها.. انطقى انتى وهى وهاتو اللى فى جوفكو..
ظلو صامتين..
حركو رموشهم اكثر من مره سريعا ونظرو لها ببراءه مصتنعه..
أقتربت هى منهم قليلا وتحدثت بنفاذ صبر..
ماتنطقى يازفته الطين منك ليها..
تمارا وليلى:بنفس واحد.. باسنى فى بوقى ياتيته..
باسنى فى بوقى ياماما..
نهو حديثهم وفرو سريعا من امامها ظنا منهم انها ستركض خلفهم كعادتها..
سماسم:بتعب مصتنع..اااااااه قلبى..
هتموتونى ياولاد الكلب يا ممحونين يامسهوكين يا سيحه يا ميصه منك ليها..
نظرت لها بغضب وغيظ واكملت بهدوء..
انا ولا هزعق ولا هنزل عليكو بالشبشب دلوقتى..
انهارده فرح بنتى.. افرح بيها واطمن عليها وتروح بيتها وحسابكو بعدين..
ومن نبى النبى نبى لعيد تربيتكو من تانى..
نظرت لتمارا واكملت بوعيد..
وانتى ياتمارا الكلب هطلعو على عنيكى لحد ما تتكشحى على بيت جوزك انت كمان.. عن قريب يارب..
اثناء حديثها رن جرس الباب..
تحدثت هى لهم بغضب..
امشو غورو من وشى شوفو مين اللى على الباب..
على ما اقوم احضر اكل الفرح..
حدثت نفسها..
اه يا انى يامخلفه البنات ياشيله الهم للممات..
ربنا يجعل ليلتك لبن حليب ياليلى يابنتى..
وقفت تصفق وتزغرط وترقص بفرحه وهى تغنى..
كتبو كتابك يا نقاوه عينى لولولولولولولى بنتى عروسه يافرحه قلبى..
وجهت نظرها لتمارا وليلى الواقفتين ينظرون لها ولافعالها بزهول واكملت بعلو صوتها..
متغورى يابنت الكلب انتى وهى خلينى افرح مع نفسى وشوفو اللى خلل على الباب بدل ما انتو وافقين زى التيوس كده..
اتنفضو وتحركو سريعا..
اتجهت تمارا نحو الباب وفتحتو وتحدثت بهدوء..
تمارا:ايوه مين حضرتك ..
عوف:السلام عليكم يا بنتى..انا عوف بشتغل عند ياسين ومعتز بيه..وهما بعتين لحضرتكم الحاجات دى.. اسمحيلى ادخلهم وقوليلى احطهم فين..
اكمل بتهذيب.. انا خت اذن من عم ابراهيم قبل ما اطلع هنا..
تمارا:استنى يا عمو دول كتير عليك انا هشيل معاك ونحطهم على جنب هنا فى الصاله..
تيته يا عمتو تعالو شيلو معانا..
سماسم:بترحاب..يامرحب يامرحب..تسلم ايدك ياعم عوف.. سبهم يا اخويا متتعبش نفسك البنات هتحولهم وتدخلهم كفايا انك طلعتهم..
اتفضل انت انزل لابو عبدو البقاله تحت اشرب معاه الشاى..
انصرف عوف من امامهم ووجهت هى حديثها لتمارا وليلى بصرامه..
يله يابت انتى وهى حولو الحاجه دى ورانا حاجات كتير خلينا ننجز..
خفى نفسك انتى وهى يله واقفلو الباب دا علينا مش عارفه ارقص..
لولولولولولولولوى شغلى الاغانى يازفته الطين ياللى اسمك تمارا..
شغليلى يابتاع السمسم يا مسمسم اللى هى انا يعنى..
تمارا:عنيا يا سوسو..
الله الحاجات باين عليها تجنن ياعمتو..
أسرعت بفتح الأكياس سريعا لتشهق بزهول وتكمل بفرحه..
ايه دا وااااااااااو دا فستان فرح يا عمتو..
عاااااااااااااااا دا يجنن.. الله هيبقى تحفه عليكى..
بصى ياتيته بسرعه عمو معتز باعت لعمتو فستان يجنن..
سماسم:بدموع..ياقلب امك ياليلى..
قلبى راضى عنك يابنتى..ربنا يجعلهولك الزوج الصالح اللى يسعد قلبك ويرزقك منه بالذريه الصالحه يا ضنايا..
تمارا وليلى:ليه بس الدموع ياتيته..
ليه الدموع ياماما اوعى تعيطى ياحبيبتى دموعك غاليه عندى اوى..
سماسم :دى دموع الفرح يا ضى عينى..
اكملت بجديه..
يله يله قدامى على الاوضه اجهزك لعريسك..
وجهت نظرها لتمارا الواقفه تستنشق احدى البرفانات التى ارسالها لها ياسين واكملت بأمر..
وانتى يابت ياممحونه بتشمى فى ايه امشى انجرى رتبى الحاجه دى على ما اجهز العروسه واجيلك تساعدينى فى الطبيخ..
نظرت لليلى واكملت بفرحه عارمه..
يله ياعروسه قدامى احميكى حمايه العريس لولولولولولولو يامنجد عالى المرتبه واعمل حساب الشقلبه لولولولولولولى
نظرت لتمارا واكملت بغيظ..
شغلى الاغنيه يلى تنشكى..
همست بسرها.. بعد الشر عليكى
ياقلب ستك..
ركضت خلفها تمارا وتحدثت برجاء..
تمارا:وانا وانا ياتيته عايزه حميه العريس..
جذبت سماسم الكثير من الاحذيه والقتهم عليها بعنف..
لتتفاداهم تمارا سريعا وتتحدث ببكاء مصتنع..
خلاص ياتيته مش عايزه.. كفايا شباشب..
اكملت بعبوس..
طيب اجى اتفرج عليكى وانتى بتجهزى عمتو طيب..
ليلى:بخجل..امشى ياتمارا الكلب عايزه تشوفينى سلبوطه..
احتضنت سماسم بحب واكملت..
امى حبيبتى بس..
سماسم:قلب امك يله ياضنايا محدش هيشوف &**&غيرى..
نظرت لها بعبث واكملت..
ومعتز يشوفها بالليل لما تروحو هههههههههههههه..
ليلى:بهمس..ماما ايه اللى بتقوليه دا عيب البت واقفه..
تمارا:هههههههههههههه هيشوف التوته ياعمتو..
اكملت بستفزاز..
وايه يعنى انا واقفه ياعمتو ما انا هتجوز ياسو انا كمان قريب هييييييح ..وهيشوف توتيتى انا كم عااااااااااااااااا؟؟؟؟
صرخت بعنف بعدنا اقتربت منها سماسم وجذبتها من شعرها وعضتها بغيظ شديد وتحدثت بعدما انتهت بشماته..
سماسم:ابقى خليه يشوف العضه الحلوه دى بالمره..
نهت حديثها وجذبت ليلى من يدها وتحركت بها لداخل احدى الغرف غالقه الباب خلفها تاركه تمارا تقفز بحركات بهلوانيه من شده الالم..
بعد عده ساعات..
تمارا:ما شاءالله عليكى يا عمتو وعلى رحتك..
تيته سنفرتك وخلتك فله..
هييييييح عقبال ما تخلينى فله انا كمان لياسو والبس فستان حلو زيك كده..
اكملت بفضول..
هى عملت ايه خلت جسمك بيلمع وناعم وقشطه كده..
اروبه تيته دى..
قوليلى ياعمتو وحياتى عندك عملت ايه انا مشوفتش حاجه من خرم الباب غير ضهر وتوته تيته..
استنشقت رائحتها واكملت بعبث..
رحتك لافندر يجنن..عمو معتز هيشمك لما يدمنك..
ليلى:بغيظ..اه يا حيوانه بتبصى من خرم الباب..
هتبيضى وتعرفى بنعمل ايه..
ما كلها شهر وكام يوم وتعملى نفس اللى عملته..
مستعجله على ايه..
اكملت بفرحه..
بس عندك حق يابنت ياتمارا ماما ايدها تتلف فى حرير..
هقولك عملت ايه..
نظرت لها تمارا بهتمام..
اكملت هى بجديه..
خلتنى دهنت جسمى كلو بفازلين طبى..
وفضلت شويه بيه خلى جسمه طرى جدا..
وبعدين غسلتلى جسمى الاول باليفه المغربى..
الفازلين خلى الشعر الرخم اللى بيكون تحت الجلد دا يظهر وبقى شيلو سهل خالص..
وسبنتى اهدى شويه اصلاها دعكتنى بضمير..
على ما حضرت شويه من الاكل معاكى..
وبعدين حطتلى بودره اطفال وعملتلى سويت جسمى كلو..
وخت دش تانى ودهنتلى جسمى بزيت جونسون بالافندر..
نظرت لها واكملت..
يله بقى خلينى البس العبايه اللى ستك مطلعهالى دى علشان بنات الحته مستنينى اخلص ويطلعو..
ستك صيتتنى فى المنطقه..
تمارا:بحب شديده..ربنا يفرح قلبك ياعمتو ياحبيبتى..
يله البسى بسرعه وانا هجبلك طبق مكرونه بشاميل وحته جلاش يستاهل بوقك كلى بسرعه علشان تقدرى ترقصى معانا..
نهت حديثها وركضت سريعا خارج الغرفه تنادى على جدتها بفرحه..
يا تيته سوسو ياسوسو ياسوسو ياشقيه انتى..
عمتو خلصت وبتلبس وانا لبست اهو انتى خلصتى باقى الاكل ولا لسه عايزه نرقص بقى..
كفايه كده ياتيته عمالتى اكل كتير ماشاء الله هيكفى ويفيض يا حبيبتى تعالى بقى نهيص شويه..
سماسم:خلصت ياقلب ستك بحضر الاكل لحبايبنا اللى هتنادى عليهم دول نغديهم..
امال ايه ياتمارا لازم ياخدو واجبهم يابنتى..
من ساعه ماعرفو وعمالين يبعتو فى سبته معبينها خيرات ربنا وخلانك تحت بيفرشو الشارع نور وبعتو للواد أتوكه على السماعات فى الطريق..
ربنا يجعلها ليله هنا عليكى يا ليلى يا بنتى..
وعقبالك ياتمار يا قلب ستك..
شوفتى كل اللى بيحصل دا ميجيش حاجه من اللى هيحصل ليكى ياحبيبتى..
فرحك دا الحته كلها هتحكى وتتحاكى عنه بأمر الله..
وبكره تقولى ستى قالت..
دا انتى بنت عبد الرحمن اللى طوب الارض كان بيحبه وكلهم مستنين فرحك ياضنايا يمكن اكتر مننا كمان..
الله يرحمك يا قلب امك..
يله يابت انا خلصت نادى على البنات..
بدأت بالتصفيق والزغاريط وهى تتجه خارج المطبخ..
لولولولولولى وقالك ايه..قالك ايه.. الكبس علق ولا ايه..
انا عليا اسخن ميه وهو عليه يرش عليا..وقالك ايه..
تمارا:وهى تتمايل بالرقص..
وقالك ايه.. انا عليا اطفى النور وهو عليه يعمل دكتور..
وقالك ايه..
سماسم:بصدمه..يابنت الكلب ياقادره انا اقول انتى لا..
تمارا:سبينى بقى ياسوسو افرح دا فرح ليلى..
استمعت لصوت السماعات فاكملت بفرحه..
هييييييه الدجى جى ياعمتو..
رب الكون ميزنا بميزه الرجوله والنفس عزيزه..
احلى حمو بيكا قول يا غالى..
يله ياعمتو ارقصى معايا..
استنى افتح للبنات واجى احزمك رغرطى ياتيته..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مرات ياسين الزين)
