رواية مذكرات دكتورة نفسية الفصل الخامس 5 بقلم سوو

رواية مذكرات دكتورة نفسية الجزء الخامس

رواية مذكرات دكتورة نفسية البارت الخامس

رواية مذكرات دكتورة نفسية الحلقة الخامسة

حاولت انساك بكل الطرق، بكل الطرق!!
حتي الطرق اللي مش كويسة حاولت انساك بيها
الطرق اللي خلتني اتو*خ زيادة اكتر مانت عملت فيا كدا!
حاولت ومش عارفه
فضلت معاك سنين وسنين عشان بس اتخطاك من تصرفاتك معايا ومعرفتش !
حاولت اشوف كل الاذي اللي عملته ليا ومعرفتش !
مكنتش بشوف ليك غير الحلو بس برضو !
نزلت جيم وعملت نفسي بقي قد اي امرأة قوية وهتنساك بس مفيش!
عرفت رجالة غيرك وكنت بحب أنهم يتعلقوا بيا عشان اسيبهم عشان انت خلتني مريضة وبرضو معرفتش انساك
؟!!!!!!
اي !
هنساك أمتي ! ولا ازاي ؟
ليه بتعمل معايا كدة ؟
ليه عايز مني اي اطلع من دماغي زي ماطلعتني من حياتك
زي ماروحت وبقيت مع واحدة تانية وارتبطت بيها
أنا كان ذنبي اي في كل ده؟
عشمتني بيك ليه ؟
ليه !!!!!!!!
وكملت بانهيار: انت روحت دلوقتي وعرفت تخطب ولما كنت اقولك حتي ارتبط بيا كنت تقولي لا ! اصل مش جاهز؟
طب جهزت دلوقتي !
جهزت مع واحدة تانية
هي عملتلك اي !
دنا عملت ليك كل حاجه عشان ترضي
رخصت نفسي عشانك وعشان حُبي ليك
رميت نفسي في مكان معرفتش اطلع منه بسببك
عملتلك كل حاجه عشان احافظ عليك
سنين قدست حياتي ليك وبس..!
وف الاخر ههه!
في الاخر ده كان جزائي
ادتني التمن بس التمن الحقيقي كان نفسي وقلبي، خلتني اخسر نفسي وقلبي بسببك، طب ليه عشمتني من الاول انك هتكون معايا ! أنا كان ذنبي اي في كل ده ؟ ………….
للاسف أنا ك دكتورة نفسية سمعت الكلام ده من كتير اوي وف أوقات كنت يحتاج دكتور نفسي يعالجني بعد مابعالج المريض من كم الاذي اللي بيحكيه ويعبر عنه
اوقات التعبير ده بيكون ع هيئة أذية لجسمه زي الكاتنج وغيره وغيره
وفيه مواقف أنا ببقي عاجزة فيها عن التعبير وبتأثر بيها وأوقات بحس أن مكنش ينفع تكون الوظيفة دي ليا وانا بالشكل ده
اوقات بعيط مع المريض
بس يمكن ربنا حطني فالمكان ده عشان اكون كدا ويحسوا أن لسه فيه حد قلبه لين
ويمكن عشان اكون حد بساعد نفسيا اكتر من مساعدة نفسي ماديا …
السيناريو ده المتكرر في معظم العلاقات ولو مكنتش دي نهاية بيكون برضو فيه نهاية ايا يكن هي اي بس بتكون موجودة لان مفيش حاجة ملهاش نهاية
احنا نفسنا لينا نهاية …
أنا مُقدرة فكرة انك هتقولي أنا معايا احسن راجل فالدنيا والخ
بس بمنتهي البساطة محدش هيكلمك فالحرام ويكون عايزك
ده غير الناس الجميلة اللي أثناء الارتباط بتتطلب حاجات إرضاء لنفسها ..
خليني اقول اني مش بتكلم من ناحية الرجالة بس لان زي مافيه رجالة وحشين فيه بنات برضو مش كويسة
بس برضو خلينا نلقي نظرة كدا علي نشأة الاتنين
سواء راجل أو بنت ..
الراجل ده اتربي ازاي ؟
فين ؟
وسط اب وام عادي ولا وسط عيلة منفصلة أو اب او ام متوفيين ؟
اتربي في بيئة عاملة ازاي ؟
حد علمه دينه ؟
لما بدا يكبر حد كان بيفهمه يعني اي صح وغلط ولا خبط فالدنيا ؟
حد علمه الاخلاق قبل مايعلمه تعليم حقيقي ؟
هل البني ادم ده كبر علي أنه شخص سوي نفسيا ولا ناقص؟
وكذلك البنت
هي اتربت مع مين وفين ؟
وسط ام وأب ولا لا ؟
الاب كان فين في حياتها ؟
البنت دي خدت احتواء كافيء ولا لا ؟
حد علمها تحتفظ بمشاعرها ؟
وحد تابعها منغير مايحسسها أنه فاقد الثقة فيها ؟
الام صاحبتها.؟
الاب كان برضو حبيب قبل مايكون اب ولا لا ؟
كل دي حاجات ترجع ل النشأة بتاعتهم
ف مع كامل احترامي لكل الشباب والبنات احنا محتاجين هكون صُرحه مع بعض ونقتنع أن اوقات العيب مش بيكون علي الشاب أو البنت
لأن ببساطة المشكلة في التربية نفسها
لان ببساطة فيه حالات كتير جدا مرتبطين أو متجوزين حتي ومش عارفين يكملوا مع بعض ولما بنعرف تفاصيل اكتر بنعرف أن برضو المشكلة مش فيهم المشكلة في المكان والطريقة اللي اتربوا بيهم …
وكذلك هنقول فيه ناس اتربت والاب والام عملوا كل حاجه عشان يطلعوهم كويسين ولكن هما كدا ….
وف جميع الحالات احنا محتاجين نطلع من بوينت أن العلاج النفسي ده هبل أو ده يعني أنك مجنون أو كل الكلام اللي بنسمعه لما بنسمع علاج نفسي
محتاجين نتقبل فكرة أن ممكن نكون محتاجين لعلاج
ومش شرط العلاج يكون ب أدوية أو إلخ لأن الأدوية دي ليها اضرار بس اوقات فعليا انت بتكون بحاجة ل أن حد يوجهك وحد متخصص يديك حلول لمشاكلك
لأن محدش بيعاني غيرك
ف حقيقي احنا بحاجة اننا نواجه مشاكلنا ومنتهربش
سواء المشاكل دي قلة ثقة
أو مشاكل من الطفولة
أو عنف أسري
أو اضطرابات القلق
أو حتي انفصام الشخصية لان فيه ناس بتكون بتعاني من الموضوع ده ومش عارفين أو مش حاسين.
أو الاكتئاب
أو التفكير المُفرط
وإلخ ..
مواجهتك لمشاكلك هتخليك قادر تكمل في الحياة، العُمر بيتعاش مرة واحدة ويبخت اللي يعرف يعيشه صح ويواجه مشاكله ويحلها وياخد الدنيا ببساطة
لان طول مانت قافل علي نفسك وسط افكارك ووسط كل مشكلة هتفضل في الدائرة دي ومش هتخلص منها، خد القرار واتحرك لأن غيرك بيسبق والدنيا مبتسناش حد ………………..