رواية مذكرات دكتورة نفسية الفصل الأول 1 بقلم سوو
رواية مذكرات دكتورة نفسية الجزء الأول
رواية مذكرات دكتورة نفسية البارت الأول
رواية مذكرات دكتورة نفسية الحلقة الأولى
بالتحديد فالقاهرة في أكتوبر، في مستشفي ……..
كان فيه حالة من الحُزن سائدة علي الكل
قدام اوضة العمليات،
شايفين الكل واقف ودموعهم زي الشلال مش بتقف
مش متخيلين اللي بيحصل !
اللي جوا دي بنتهم ازاي في لحظة حصل كل ده في لحظة ..!
………….
جوا في أوضة العملية قاعدة فيروز مُحاطة بالأجهزة وبيعدي عليها كل اللي فات .!
فلاااش باك ….
لما فيروز تعبت فأجاءة وهي فشغلها وراحت وقتها للدكتور وعملت التحاليل اللي اطلبت منها وقعدت مع الدكتور….
الدكتور: كنتي بتشتكي قبل كدا من حاجة ي فيروز ؟
فيروز بابتسامة: لا يدكتور خير فيه حاجة .؟
الدكتور بأسف: التحاليل اللي قدامي بتقول انك عندك كانسر يفيروز وحالتك متأخرة بس ازاي مكنتيش بتشتكي ؟
فيروز بعدم استيعاب: مش فاهمه ؟
يعني اي ؟
الدكتور: للاسف انتي مريضة بسرطان فالدم أنا عارف انها صدمة بالنسبالك بس احنا هنعمل كل اللي نقدر عليه
فيروز ودموعها اللي نزلت : والعلاج هيطول في عمري يدكتور يوم ولا اتنين سنة!
الدكتور : اهدي ي فيروز
قامت فيروز مشت وهي تايهه ومكنتش متخيلة أنها ممكن تتأثر لما تعرف ب ده هي كانت دايما تقول انها مش عايزة تكمل فالدنيا دي بس دلوقتي هي مش متخيلة أنها هتسيب كل اللي بتحبهم
وفيروز بدأت تفكر تكلم مين !
مجاش في دماغها غير حد واحد بس واحد بس
مسكت موبايلها واول مالقت رقمه ورنت عليه بس مردش كالمعتاد
مشت فيروز وقعدت في أول كافيه قابلها وفضلت ترجع لكل اللي فات
زين حبيبها وحبيب عُمرها عرفته وكبرت معاه
عرفته وهي لسه قطة مغمضه وردة مفتحتش عرفت كل حاجه معاه وحبت كل حاجة معاه
قعدت تفتكر كل أيامها معاه
برغم انها كانت بتتأذي منه بس اول حب في حياتها اول راجل يدخل حياتها يُملكها
زين كان قادر يسيطر عليها دايما بطريقته وأسلوبه وحُبه اللي كان بيبان في عيونه
عاشت معاه اجمل ايام حياتها بس مش كل حاجة بتكمل.!
قعدت في وجع وتعب لحد مارجعت بيتها وهي مستنية مكالمة منه تهون عليه نفسها تقوله وتجري عليه هو
فاقت من الماضي وهي بتتألم ومحتجاه
نادت بتعب علي صاحبتها : مها يمها
مها بدموع: ايوا ايوا يحببتي أنا جمبك
فيروز بألم: عايزة زين كلميه
كلميه يمها قوليله اني هنا
مش عايزة امشي منغير ماشوفه
بالله عليكي يمها هاتي موبايلك أكلمه
مسكت مها موبايلها واخدت موبايل فيروز واخدت موبايل زين وكلمته
اول مارد فيروز قالتلها افتحي الاسبيكر وبتعب مقالتش غير : محتجاك ي زين
زين بخضة وقلق: فيه اي !
فيروز بحاول اوصلك بس موبايلك مقفول
مها : فيروز في مستشفي …. وعايزة تشوفك
زين : مالها حصلها اي!
مها:تعالي الاول معتش فيه وقت
اخد زين عربيته وراح المستشفي في قلق وخوف وكل اللي فات بيعدي عليه كل وقت بينهم
هو مش فاهم فيه اي !
وصل اخيرا بعد صراع وسط العربيات والطريق
نزل زين وطلع وقلبه بيدق ورن ع رقم مها اللي نزلت قابلته ومشت معاه
وسط استغراب أهل فيروز اللي معرفوش يقولوا حاجة لما عرفوا أن ده طلب فيروز
مها : ادخلها عايزة تشوفك كان نفسي امنعها أنها تحبك من وقت ماعرفتك بس معرفتش وكانت مصممة علي حبها ليك برغم انك كنت مؤذي يزين اوي كنت بتاذيها وهي كانت معمية بس هي كانت عايزاك ، اناحقيقي مش طايقة اشوفك ولا مستحملة ابص في عينك كنت اقولها مش بيحبك مكنتش بتصدق كانت مطلعاك ملاك وانا عمري ماشوفتك غير شيطان بياذي وبيجرح فيها
حتي لما كلمتك تستنجد بيك لما عرفت مرضها مردتش عليها
بس هنعمل اي ؟
هي دلوقتي عايزة تشوفك
زين وهو بيحاول يفهم معني كلامها: مرض اي .!!
مها بحزن’ كانسر فالدم كانسر يزين
ادخلها ادخلها قبل ما يفوت الوقت ………
دخل زين وهو بيحاول يستوعب كلام مها وبيحاول يفهم هو حاسس أنه في حلم !
كابوس لازم يقوم منه
دخل وشاف فيروز قرب واحدة واحدة وكل خطوة بيفتكر ضحكتها وبراءتها وكلامها ليه وحبها ليه افتكر السنين اللي عدت وهو معاه افتكر كل حاجه عملها معاها
قرب منها وقعد جمبها ومسك أيدها .: فيروز مالك!
فيروز بتعب: مكنتش عايزاك تشوفني كدا مكنتش عايزة تشوفني وانا تعبانة كدا بس مكنش هينفع امشي منغير ماشوفك،
زين: مالك يفيروز
فيروز بتعب وبابتسامة: بقيت كويسة لما شوفتك
زين بوجع: لسه برضو ؟
فيروز : وهيفضل لحد ماموت لسه يزين الرجال
زين بخوف وقلق : لا يفيروز مش هتموتي ولا حاجة انتي هتخفي وهتبقي كويسة
فيروز بتعب: بقيت ولو هموت وانا معاك دلوقتي راضية مش مهم أنا من وقت ماعرفتك وانا مش بتمني غيرك بتمني اكون معاك
كنت عارفة أن الفراق جاي جاي بس مكنتش عايزاه يجي بدري كدا
ملحقتش اشبع منك ولا ابقي معاك يزين
بس أنا مبسوطة اني هموت معاك مبسوطة انك اخر حاجة هشوفها
زين بدموع متحجرة في عيونه : هشششش متقوليش كدا أنتي هتعيشي وهتجوزك يبت بس قومي قومي يفيروز أنا معرفتش معني الحب غير معاكي معرفتش معني العطاء غير لما انتي حاولتي بقدر الإمكان تعملي ليا كل حاجة عشان ترضيني
هتسبيني ازاي ! طب اكمل منغيرك ازاي ؟
فيروز وهي بتمسح دموعه بي أيدها : عمري ماشوفت الدموع دي ومينفعش اشوفها أنا بستمد قوتي منك
مفيش حاجة تستاهل دموعك…
زين بدموع وهو بيبوس أيدها: انتي تستاهلي انتي تستاهلي ي فيروز
فيروز بتعب شديد : من وقت ماعرفتك
زين وهو بيقاطعها: اهدي بلاش تتكلمي
فيروز بدموع وابتسامة: سبني اتكلم متقاطعنيش وسبني املي عيني منك وانا بتكلم …
من وقت ماعرفتك وانت مليت عليا دنيتي كنت ليا اب قبل اي حاجة عرفتك وانا لسه طفلة يزين طفلة عندها 14 سنة مش فاهمه ولا عارفة حاجة لسه
طفلة بالمعني الحرفي بس كبرت معاك وعلي ايدك وربتني وعلمتني حاجات كتير وكبرنا سوا وانا ف حُضنك الطفلة اللي كبرتها لسه لحد دلوقتي وهي معاك بتحس أنها طفلة، كنت اب ليا قبل ماتكون حبيبي، كنت ببقي فخورة بيك وانا شايفاك بتنجح قدامي وكنت قدوتي وكان نفسي اكون زيك ..وكملت بتعب ودموع في عينيها: برغم اننا مرتبطناش بس علاقتنا ببعض كانت اقوي من اي اتنين مرتبطين وكنت ليا اكتر من كونك حبيبي، أنا عديت بيك ومعاك كل فتراتي المؤلمة، عيشت معاك اجمل ايام حياتي عيشت معاك طفولتي وشبابي يزين، اجمل ايام واجمل احساسيس حسيتها كانت معاك انت، كنت انت اول راجل في حياتي وعيشت عُمر اتمني ب لُقاك بس وب اني ابقي معاك، كنت عايزة الدنيا تنصفني مرة وتخليني ليك
بس أنا مش زعلانة كفاية اني معاك دلوقتي
واني اخدت رزقي الحلو فالدنيا فيك انت وفي ايامي معاك وانا راضية راضية والله، بس عايزة اقولك حاجة، أنا عرفتك وحبيتك وعرفت معني الحب معاك وبيك بس عدت عليا اوقات كنت بتعب وقلبي بيوجعني اوي لاني كنت عايزاك ليا فبالله عليك يزين وصية ليا اوعاك توجع قلب بنت ولا تعشمها بحاجة
وبالله عليك كفاية بنات وجع القلب ده مش بالساهل بلاش منه .
زين أنا بحبك، بحبك اوي ومعرفتش معني الكلمة دي قولا وفعلا غير معاك، اتمنيت لحظة لُقاك دي كتير واول مسكة أيد واول حُضن واول كلمة بحبك منك …
خدني في حُضنك يزين احضني وقولي انك بتحبني ،
أخدها في حضنه زين وهدت فيروز وهي ماسكة فيه كأنه ملجأها الوحيد ولحد دلوقتي زين لسه مش مستوعب اللي بيحصل وبدأت دموعه تنزل: بحبك بحبك اوي يفيروز بحبك بجد ومش عايز حاجة غيرك عايزك انتي وعايز اكمل معاكي،انا عارف اني اذيتك كتير وعارف اني كنت عارف غيرك بس كنت غبي لما كنت فاكر انك هتفضلي دايما مهما حصل كنت غبي لما ضمنت وجودك معايا وغبي لما كان بيجي قدامي اقولك بحبك ومقولش بس أنا بحبك اوي بحبك ومعرفتش معني الحب غير معاكي ومحستوش غير فيكي وفي عطائك ليا اللي مكنش ليه حدود، صدقيني يفيروز أنا بحبك بجد سامحيني مكنتش عارف اكون الراجل المثالي وكنت دايما بهرب بس صدقيني ده كان من خوفي أنك تسبيني، متسبنيش يفيروز متسبنيش هجري علي مين من بعدك !
فيروز بدموع ووجع: كان نفسي اكون معاك ونتجوز وانسيك كل اللي فات وعيشته فالماضي، كان كل طموحي اني ابقي مراتك وأكمل العُمر معاك بس قدر ربنا وانا راضية ومبسوطة اني هموت في حُضنك انت يزين………………
خلصت كلام وخلص معاه عُمرها واتمنتها ولقتها وماتت في حُضن حبيبها وحبيب عُمرها……………..
*مذكرات دكتورة نفسية*
هتبقي مجموعة اسكريبتات ب أسم
*مذكرات دكتورة نفسية*
اسكريبت بعد غياب طويل واتمني يُنال اعجابكم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مذكرات دكتورة نفسية)
