رواية مختمرة بين يدي شيطان الفصل العشرون 20 بقلم إيمان عكاشة
رواية مختمرة بين يدي شيطان الجزء العشرون
رواية مختمرة بين يدي شيطان البارت العشرون
رواية مختمرة بين يدي شيطان الحلقة العشرون
عند ريحان
ريحان : داده لو سمحتي جهزي شنطي انا ورعد علشان هنسافر انهاردة
زينب : حبيبتي مانا عارفة رعد بيه قالي
ريحان :خلاص ماشي وانا هساعدك
زينب :لا يا حبيبتي انا عملتهم خلاص
ريحان :ماشي
وذهبت ريحان الي غرفتها وكانت متحيره تريد ان تتصل برعد وخصوصا ان العصر قد آذن واقتربت صلاة المغرب ويجب ان يأتي الي القصر ليسافروا
ولكنها قررت عدم الاتصال لكي لا تزعجه فهي متأكده انه لن يتأخر
🌸🌸🌸🌸🌸🌸🌸🌸🌸🌸
صل علي محمد
🌸🌸🌸🌸
عند رعد
رعد :سيف انا هسافر انهاردة الشركة وكل حاجة تديرها عقبال مارجع ماشي
سيف :ليه هو انا مش هسافر معاك
رعد :اكيد لاء وكمان عايز تسافر ليه علشان تقابلها صح
سيف :انت بترقبني ولا ايه
رعد :علي الاساس مش عارف ويا تري هتكسب التحدي ولا
سيف : رعد انا
رعد :انت ايه تفتكر هي لو عرفت انت بتشتغل ايه هتعمل ايه ها
سيف :وانت لو مراتك عرفت انت ايه هتعمل ايه
رعد : سيف
سيف :ايه مش عارف انا هقولك هتطلب الطلاق
رعد :مستحيل مش ممكن تبعد عني
سيف : رعد ده أكيد علشان انت خبيت عليها انا هنزل معاك وهقول لملاكي كل حاجة علشان تكون عارفة مش هعمل زيك
رعد بغضب : اخرس ريحان عمرها ماهتسبني ماشي عمرها
وتركه وذهب وهو في قمة غضبه
وذهب الي القصر بالتحديد الي غرفته التي تمكث بها ريحان
رعد : ريحان
ريحان :رعد في ايه مالك
رعد اقترب منها وامسكها من ذراعها بقوة وقربها اليه
رعد :ريحان اياكِ تبعدِ عني اياكِ حتي لو عرفتِ اي حاجة عني اياكِ فاهمة انا مش عايزك تشوفي الوش التاني
ريحان :رعد اه في ايه وسيب ايدي متوجعني
رعد بصراخ:انطقي فاهمة
ريحان ببكاء :حاضر حاضر بس سيب ايدي
رعد ترك يدها ونظر لها وهو يخرج هواء من فمه بغضب ومسك شعره
ثم اقترب منها وقام بتهدئتها وهو يمسح دموعها التي ملئت وجنتيها
رعد :خلاص اهدي مش بحب اشوف دموعك
ريحان ببكاء :هو فيه ايه
رعد :مفيش حاجة بس اياكِ تسيبيني ماشي
ريحان :انا مقدرش اسيبك
رعد :ايه
ريحان :مفيش احضرلك الحمام
رعد :فراولتي متهربيش
ريحان : انا هروح اشوف الحمام
وذهبت سريعا من امامه
رعد :عمري ماهسمحلك يا ريحان انك تسيبيني في يوم من الايام عمري
🌸🌸🌸🌸🌸🌸🌸🌸🌸🌸
صل علي محمد
🌸🌸🌸🌸🌸
في الليل
عند علياء وبلال
علياء استيقظت من نومها وجدت نفسها نائمة بجانب بلال وهو يحتضنها بكل حنان
علياء : يا تري كل ده حلم لا اقصد كابوس دي فعلا اخته بس مش مكسورة دي عمرها ماتكون واحدة بتتعالج من حالة اغتصاب يعني مفيش حاجة في اخته يبقي هو مكنش بينتقم طب هو ايه الي حصلي انا مش فاهمة حاجة
كانت تتحدث لنفسها ووجدت دموعها تهبط علي وجنتها مثل الشلال في صمت وتحول هذا الصمت الي انين صغير وكبر واصبح شهقات مسموعة حتي انها ايقظت بلال من نومه
بلال :علياء حبيبتي بتعيطي ليه اهدي
علياء :هو انا مجنونة انا مش عارفة ايه الي حصلي انا مش مجنونة صح قولي انا مش مجنونة
كانت تتحدث وهي تشهق بين كل كلمة
بلال اقترب منها واحاط وجهها بيده
بلال :لا يا حبيبتي انتِ مش مجنونة انتِ بس اعصابك تعبانة شوية مش اكتر اهدي كده وانسي الي فات وانا معاكِ مش هسيبك ماشي
علياء هزت رأسها لفوق وتحت بمعني موافقة
بلال قام بمسح دموعها بيده وربط علي وجنتيها
بلال :يلا يا حبيبتي قومي خدي دش عقبال ما اعملك اكل علشان انا مشيت الخدم
علياء:ليه
بلال :علشان عملك مفاجأة
علياء :بجد
بلال :اه قومي يا حبيبتي يلا
علياء :ماشي
وبالفعل ذهبت علياء الي الحمام وبعد فترة من الزمن خرجت وجدت فستان علي السرير وعليها ورقة
علياء : ايه ده
واقتربت منه ورفعته وآه من جماله ليس له مثيل كان فستان في قمة البساطة والجمال كان لونه ازرق فاتح وكان مثل فستان سندريلا
علياء :الله ده جميل اوي ايه ده في ورقة
واخذت الورقة وقرأت ما فيها وهي تبتسم بسعادة
علياء :سندريلتي البسي الفستان ده اميرك منتظرك في الجنينة
وبالفعل ارتدته ووضعت بعض من مساحق التجميل وقامت برفع شعرها في تسريحه بسيط وغاية في الجمال والرقة ثم وقفت امام المرآه
علياء :خلاص يا علياء اهدي وانسي اللي فات انا هبداء من جديد خلاص اللي فات ده كله كان كابوس تمام كان كابوس
وهبطت الي الاسفل بخطوات بطيئة وهي تتجه الي الحديقة التي بالطبع كانت خاليه من الحراس او اي شخص ووجدت الحديقة مزينة بشكل رومانسي جميل يخطف الانفاس ووجدته واقف امامها وهو يرتدي بدلة وكان في غاية الوسامة
بلال : ايه رأيك في المكان اميرتي
علياء : جميل اوي
بلال :علياء انا عايزك تنسي الكابوس دع ونبتدي حياتنا من غير كوابيس ماشي
علياء : ماشي
وقام بسحبها الي طاولة بها عشاء رومانسي وقضوا وقت جميل بين هذا الجو الرومانسي وفي هذا الوقت نسيت علياء كل شئ وابتسمت بسعادة علي هذا الجو حسنا هي سعدت انه كان كابوس وفرحت ان زوجها حنون عليها وقررت ان تكون جزء من هذه السعادة
ولكن هل السعادة ستدوم ام للقدر كلمة اخري
🌸🌸🌸🌸🌸🌸🌸🌸🌸🌸
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مختمرة بين يدي شيطان)
