رواية أرض الهلاك الفصل الثامن 8 بقلم رشا منصور

رواية أرض الهلاك الجزء الثامن

رواية أرض الهلاك البارت الثامن

رواية أرض الهلاك الحلقة الثامنة

نجم الدين ….
كنت ملاحظ التغيير ومستغرب حتى عمي عفان كان بيبصلي وبيبص ل ياسمين ومش مصدق
وخرجنا من البيت ومعايا عمى عشان يوصلني لأول طريق جبل الظلام ويحضر خادم من الجان يكون معانا
ومشيت ومعايا عمي والرجاله ورايا وحمدان كان مع الأميرة فجأة سمعت صر’يخ ولقيت حمدان وياسمين بيقولوا الحق الأميرة
ببص لقيت 😲
تنين أحمر كبير ماسك قمرالزمان وطاير بها وحمدان ماسك فى رجليها وياسمين ماسكه فى رجل حمدان وكلهم بيصر’خوا ولسه بمسك فى رجل ياسمين وهطلع السيف’ احاول اضر’به فى رجله وقعت فوقى ووقعت معاها ولقيت بعدها حمدان وقع والتنين طار لفوق وفجأة اختفي بين السحاب
قومت من ع الارض وقومت ياسمين وفضلت انادى ع قمرالزمان لكن صوتها اختفي مع التنين
ولقيت ياسمين تصو’ت وتقولى هنعمل إيه أكيد هياكلها يا خسر’تك يا قمرالزمان لسه صغيرة ع الاكلان مفرحتيش بشبابك يا أميرة
قولت لها اسكتي سبيني أفكر وببص لقيت عمي عفان ساكت وباصص ل بنته ياسمين وراح قالي تعالي معايا يا نجم الدين
عفان…..
أنا عارف التنين ده حار’س من أرض الجان ولازم يكون فى حد استد’عاه أخدت نجم الدين ووقفت أمام المرآيا المسحورة وقولت أظهر لي قمرالزمان وظهرلي أنها فاقدة. الوعي ولسه التنين طاير بها وفجأة اختفي من المرآيا
قولت ل نجم الدين هى أكيد وصلت ل أرض الجا’ن المرآيا مش هتقدر تساعدنا واضح ان فى عائق أكيد فى حاجه منعت متابعتها هناك يلا بينا ع جبل الظلام.
وأكيد هتعرف توصلها هناك بواسطه الخادم اللى هيكون معاك
ولسه خارج من حجرتي لقيت ياسمين واقفه عند الباب سألتها هى خالتك وردشان تعرف حاجه عن وجود نجم الدين والضيوف اللى معاه ولسه هتكلم
نجم الدين ….
أيوة تعرف لما كنت فى الغابه السودة ظهر ليا غربان المرا’قبه تباعها طلبت منها أننا عاوزين نخرج ظهرت ليا ودلتني ع الطريق وشافت قمرالزمان والبحارة كمان وأكيد قالت ل ياسمين لأن أول ما وصلت كانت واقفه منتظرانا عند الباب
ياسمين…
أيوة يا بابا خالتي عارفه وقالتلي ع وصول نجم الدين لكن هى متعرفش اى حاجه عن قمرالزمان هى بشرتني بوصوله بس
عفان….
بس التنين ده محدش هيقدر يستد’عيه إلا ساحر او جا’ن يبقي مين اللى عمل كدا
ياسمين….
ما يمكن رسلان مش بتقولوا أنه جاى وراكم علشانها ما يمكن خلي حد من الساحرة ساعدوا ولا انتوا ناسين أننا فى أرض السحر
وكلهم هنا عارفين نجم الدين
نجم الدين ….
تفتكر يا عمي يكون العراف عدنان هو اللى عمل كدا
عفان ….
لو عدنان كان ناوى ع كدا كان دلهم ع الطريق المختصر بدل طريق الجبل
وطلبت من المرآيا تظهرلي رسلان واتفاجأت أنه وصل نهايه الغابه السوده قولت له يلا بسرعه يا نجم الدين وانتى يا ياسمين قولى لهم إنى مسافر من أسبوع وأظن أنتى هتعرفي تحمي’ نفسك منهم كويس وروحت رسمت خط بعيد عن البيت والبستان ميقدرش حد فى نيته شر’ يخطيه يصعق’ فى الحال
وخدت نجم الدين والبحارة وخدنا طريق مختصر لجبل الظلام. علشان نلحق قمرالزمان
ياسمين….
ياتري إيه اللي حصلك يا قمرالزمان أدى جزاء اللى يجي ع حاجه تخص ياسمين أنا اللي استد’عيت التنين وقصدت أنه يروح أرض الجا’ن لأن أبويا مالوش حكم هناك لأنه تبع السحر الأبيض
بس مكنتش أعرف أنهم رايحين ع جبل الظلام.
أنا كدا محتاجه مساعدة خالتي وردشان بس لازم الحق قبل ما يوصل رسلان وطلعت ع بيت خالتي وحكيت لها اللي عاملته وطبعا هزقتني بس مش ده المهم الاهم دلوقتي أنها وافقت تساعدنى وروحت بسرعه ع البيت ووقفت فى البستان اسقى الزرع لحد ما وصل رسلان واللي معاه
رسلان….
وصلنا ل الغابه السودة ولما سألت ع نجم الدين عرفت أنه له عم عايش هنا واسمه عفان وفى ناس دلونا ع الطريق وأول ما قربنا ع البيت صعقت’ لكن لقيت سرحان وصفوان قدروا يقربوا من البيت عادى ووقفوا وبصولى ولقيت بنت شابه جميله قربت مننا وبصت لنا وقالت انتوا مين وعاوزين إيه ابويا مش موجود وهيرجع كمان أسبوع امشوا من هنا قوام
وفجأة ظهرت واحدة وقالت بصوت مسموع تعالي يا رسلان اللى بتدور عليه مش هنا وأنا بس اللى فى أيدي اساعدك
سرحان ….
طول عمري أسمع عن عم عفان وأكيد هو اللى عمل حماية’ للبيت من رسلان بس يا تري مين الست دى وعاوزة ايه من رسلان
صفوان….
قربت من الست ورفعت السيف’ فى وشها وقولت لها عرفي نفسك
وردشان. …
جاتلي ياسمين وقالت ليا اللي عملته مع الأميرة وطلبت منى أول ما يوصل رسلان أخده واعرفه إنى عارفه اللى عمله وان أنا بس اللى هقدر أساعده فى الوصول لهم
ولقيت القائد. اللى معاه رفع عليا السيف’😄 بصيت له وشاورت بأيدي خليت السيف’ يختفي وقولت له
أنا الساحرة وردشان وتعالي ورايا يا رسلان فى الحال ومشيت وهما مشيوا ورايا زى ما ياسمين مخططة. بالظبط
نجم الدين…
كنت ماشي مع عمي عفان والبحارة ولقيته وقف وابتدي يقول كلام وفجأة ظهر قدامى بوابه كبيرة وعليها حار’س من الجا’ن ولقيت عمي عفان طلب منه يفضل معايا ويوصلني جوه فى اما’ن وودعني عمي وقالي ركز تدور ع التين لما توصل له أرمي اللى فى الازازة ده عليه واوعى تصدق اى حاجه هناك
ودخلت البوابه أنا والبحارة ولقيت الجان بيبصلي وقالي وصلنا لأول الطريق وببص لقيت حجارة وجبال فى كل إتجاه ولقيت فى من بعيد ع قمة جبل منهم نور أحمر ولما سألته إيه اللى هناك ده قالي ده جحر التنين وطلبت منه يودينا هناك
حمدان ….
كنت ماشي وراء نجم الدين أنا والبحارة وفجأة لقيت الجبال حوالينا من الحجارة لكن اللى مش طبيعي لقيت نفسي ماشي ع جما’جم بني آدمين صر’خت وقولت بص تحت رجلك يا نجم الدين
نجم الدين….
ببص لقيت جما’جم وهيا’كل طريق طويل وأحنا ماشين عليه بصيت للجن اللى معانا وقولت له انت مودينا فين وأيه اللى ماشين عليه ده
خادم الجا’ن ….
انت هنا فى جبل الظلام. ممنوع ع اى إنسان ولولا ان نصفك من الجا’ن ما كنت قبلت دخولك هنا ولا للي معاك ودوري اوصلك زى ما اتفقت مع عفان يلا مافيش وقت للكلام
قمرالزمان….
كنت ماشيه وبتكلم مع حمدان فجأة لقيت حاجه بترفعني من الأرض ولقيت حمدان بيشدني وارتفع معايا وسمعت صوت ياسمين وجريت تشد فينا بعدها لقيت نفسي بطير وبعدت عنهم ومحستش بعدها بأى حاجه ولما فوقت لقيت نفسي نايمه ع ريش نعام وجانبي فاكهه وميه ولما جيت أبص أنا فين لقيت أنا ع قمة جبل عاليه وجيت أحاول أنزل من الناحية التانيه لقيت بركا’ن من نا’ر
ولقيت تنين قدامى والغريب إنى حسيته بيتكلم لآ لآ انارشامنصور أكيد بيتهيقلي
بس سمعت صوت بيقول إنتى هنا فى اما’ن
بعيد عن الجا’ن لو حاولتي تهر’بي هتصبحي فى خبر كان وهتمو’تي فى الحال اقعدى يا أميرة
لآ لآ انا شكلي اتجننت ولا بكلم نفسي أنا 😑
نجم الدين ….
فضلنا ماشين ع الهيا’كل وأحنا مرعو’بين وفجأة ظهر لنا حر’اس جبل الظلام. ووقفنا وحسيت أننا جينا للهلاك’ برجلينا وببص للبحارة لقيت الجا’ن حواليهم فى كل مكان فجأة
خادم الجا’ن. ….
توقفوا هما معي وجاين لحما’يه انسية من التنين وليس لهم اى نوايا فى آذيه’ ولقيتهم وافقوا ع دخول نجم الدين فقط لأنه هجين
لكن ليس مسموح هنا وجود بني آدمين ولأنهم استأذنوا للدخول سوف يكونوا هنا بأمان إلي ان يرجع لهم نجم الدين وسمحوا له بوجود النسر معاه
حمدان….
لولا وجود الخادم اللى باعته معانا عم عفان كان زمانا زى الهيا’كل
نجم الدين…
مشيت لوحدى مع خادم الجا’ن وتركت حمدان والبحارة مع حر’اس جبل الظلام. ولقيته دخلني من بوابه وقالي اطلع ع طول هتلاقي نفسك فى جحر التنين لكن احذ’ر من آى خدا’ع واوعى تصدق غير عقلك أنا ممنوع عليا أدخل أكتر من كدا هنتظرك لحد ما ترجع وكل ما كان أسرع كان اما’ن لأصحابك
ومجرد دخولى لقيت البوابه اتقفلت وطلعت سلالم من صخور عريضه وطويله كنت بطلع كل صخرة بصعوبه بس كله يهون المهم قمرالزمان وفجأة لقيت بنت جميلة ظهرت قدامى عيونها تسحر وقالتلي أنا هنا يا نجم الدين تعالي عيش معايا ادلعك وامتعك ولقيت معاها عصير وبتقرب منى وبتقولي اشرب من أيدي
شكلها حلو أوى وريحة عطرها تدوخ وفضلت تقول خليك معايا
بس بعدت عنها وزقيت ايدها وفجأة لقيتها اتحولت ل أفعي’ وهنا افتكرت كلمه الخادم احذ’ر اى خدا’ع وبعدت وطلعت الصخرة اللى بعدها وببص عليها لقيتها اختفت ياتري هتشوف إيه تاني يا نجم الدين
رسلان….
روحت وراء الساحرة وردشان ووصلنا بيتها وطلبت دخولى لوحدى لكن سرحان قالها لآ أنا هكون معاه
وقالي مش هسيبك لوحدك إحنا منعرفش هى ناويه ع إيه وقولت لها مش هدخل إلا ومعايا المساعد بتاعي وإلا هشوف غيرك
ووفقت ع دخوله معايا ولقيتها قالت……
قمرالزمان. …
كنت ببكي ع حالي أنا إيه اللي رماني هنا كله بسببك يا كهرمان لو مكنتش سمعت كلامك كان زماني مع ولدى السلطان ياتري عامل إيه دلوقتي وبصيت ع التنين ولقيته بصلي
وسمعت صوت بيقول أهدي ومتبكيش قولت له أنت بتتكلم ولا أنا بيتهيقلي وبتكلم ازاى زينا كدا
واستغربت لما قالي أنه 😲