رواية مجهولي انت الفصل الخامس 5 بقلم ريم محمد
رواية مجهولي انت الجزء الخامس
رواية مجهولي انت البارت الخامس
رواية مجهولي انت الحلقة الخامسة
_اقنعني بسبب واحد مخليك متمسك بيا كدا، انا نفسي مش متمسكة بيا ليه بقى كل التمسك دا!
انت شوفتني كام مرة!، ولا مرة
أنت تصرفاتك غريبة بشكل لا يُطاق بجد مش فاهمة فى ايه
_مش لازم تفهمي
_تمام ماشي
*روحت البيت وانا خلاص قررت هستمتع بالمدة اللى فاضلة
وهتجاهل وجوده تمامًا كأنه مش موجود*
*طلب أكل، وأكلنا انا وهو وعائشة
فضلت ساكتة متكلمتش ازاي حد عاقل يوديني المقابر!*
_ساكتة ليه؟
_يهمك فى ايه، الناس بتروح ملاهي كافيهات مطاعم انت موديني المقابر!
_عشان نتعظ
_والله؟، احنا في مصر طريقة دفنهم غيرنا مقابرهم غيرنا، بس مش موضوعنا؛ الموضوع فى الفكرة نفسها، انت غريب بجد ووجودك مش مريح بالنسبالي نهائي
*بعدها طلع، من غير ما يتكلم
عدى يومين مشفتوش فيهم نهائي
كان الاكل بيجيلنا فى الأوقات اللي احنا عايزينها*
*لحد ما خالتو رنت عليّ وسألتي عن يامن!، استغربت*
_يمكن فى المقابر يا خالتو
_لا مش هناك، بعدين أنتِ النسخة
_بس مبقتش موجودة
_من ساعة ما مشيتِ وحالته متدهورة خالص بس بقاله يومين متغيب ومش لاقياه وقلقانة عليه اوي
_لا حول ولا قوة الا بالله العلي العظيم، مش عارفة بجد يا خالتو متصلش عليّ نهائي ولا جه ناحيتنا مبلغتيش الشرطة عدي 24 ساعة على اختفائه
_بتدور مفيش فايدة
*الباب خبط وطلع يوسف، جه قعد وقفلت مع خالتو، وانا قلقانة على يامن راح فين دا! *
_فى ايه يا نور
_للاسف يا عائشة، يامن مختفي بقاله يومين والشرطة بتدور مفيش فايدة
*عائشة اتكلمت وهي ومخضوضة وخايفة *
_انا هروح ادور عليه
_أنتِ هتروحي فين الشرطة بتدور
_الشرطة هتلاقيه متقلقيش
_اتمنى كدا يا استاذ يوسف
_ريحتك منّي يومين يا نور
_يومين مش كفاية
_عايزه كام يوم؟
_ياريت للأبد
_يبقى بتحلمي
_بحلم، ماشي هحلم طالما مش هعرف احققه فى الواقع
*حاولت ارن علي يامن قولت يمكن زعلان من خالتو ومبيردش عليها
هيرد عليّ بس فونه مغلق يبقى الموضوع كبير مش مجرد اختفاء عادي! *
*عائشة قاعدة منهارة وبتعيط وصليت ركعتين لله ودعت فيهم نلاقي يامن، وانا قاعدة متوترة وخايفة وتابهة مش عارفة اعمل ايه *
*قولت يمكن هناك، بس لا هي فى مصر!، جتلي فكرة ارن على عمر اخوه يمكن سافرله مصر*
_ازيك يا نور، عامله ايه اخبارك
_كويسة الحمد لله أنت اخبارك ايه
يامن سافرلك؟
_يامن؟، مجاش عندي ولا قال انه هيسافر لو كان ناوي كان قالي
_بندور عليه مش لاقينوه
_يعني ايه راح فين، دا انا ناوي ارجع أستراليا
_معرفش بجد والشرطة بتدوّر عليه ملوش أثر نهائي
_انا هتواصل مع معارفي انا ويامن هعرف هو فين لعل وعسى نلاقيه
^^^^^^^^^^^^^^^^^^^^^^^^^^^^^
_انت ونور وعائشة كويسين يا يوسف؟
_اه كويسين الحمد لله، بس حفيدتك دي هتجنني بتدور على يامن وانا ماسك اعصابي بالعافيه
_ما انت عارف حالة يامن يا يوسف، نعمل ايه محدش عارف معلش استحمل شويه
_ازاي تفكر في حد غيري
_لسه يا يوسف لسه، هتيجوا امتى؟
_ماشي يا جدو، باقي يومين بالضبط وكل حاجه هتكون تمام وقتها هعرف انزل
_بس انا همدها كمان يومين الوضع مش عاجبني
_نور هبلة وممكن فى اى وقت تمشي
_يوسف انت اكتر حد حازم وصارم نور بترمش منك اساسًا متقدرش تعمل حاجه وانت موجود
_عارف، يعني الوضع بعد يومين مش كويس؟
_لا مش كويس، اربع ايام وانزلوا
_تمام سلام
^^^^^^^^^^^^^^^^^^^^^^^^^^^^
*كنت قاعدة في الحديقه بتاعت البيت لاقيت يوسف جه وقعد جمبي ومسك ايدي!، اتخضيت وشلت ايدي بسرعة كنت لسه هقوم شدني من دراعي وقعدني جمبه*
_انت قليل الادب ازاي تسمح لنفسك كدا وتلمسني!
_عشان دا من حقي يا نور
_حقك ازاي وانت المفروض خطيبي
_انت كاتب كتابي عليكِ
_دا ازاي بقي عشان هتجنن
_هتعرفي فى الوقت المناسب
*كتف ايدي عشان مقومش وفضل قاعد جمبي وانا بحاول استوعب صدمة انه جوزي مش هعرف اسيبه! *
_انا عايزه اطلق دا لو انت فعلا جوزي زي ما بتقول
_استهدي بالله يا بنت الحلال طلاق ايه بس احنا لسه عملنا فرح عشان اطلقك وطلاق مش مطلق يا نور وملكيش اى علاقة بيامن نهائي
انتِ ست متجوزة وهو لازم يفوق من الصدمة دي أنتِ مش مراته، انتِ شبها مش اكتر مراته ماتت
وهو كان بيعشقها والصدمة صعبة عليه بس مش على قفايا يفتكر مراته فيكِ، أنتِ مراتي انا وبس
وليا وبس
_يبجاحتك ياخي كتبنا كتابنا امتى دا
_تيجي نرقص؟
_انت مجنون يا يوسف ولا عندك شيزوفرنيا!
_قولي اللى تقوليه مش مهم، ادخلي الاوضة بتاعتك هتلاقي فستان وهيلز البسيهم على خمار نفس اللون وانا مستنيكِ هنا انتِ المفروض تتطعيني انا جوزك
_لا حوار جوزي دا مش مصدقاه
_هرن علي جدك وممتك واتأكدي منهم
*رن عليهم وكلمتهم وانا بكل سُخرية مش مصدقاه*
_انا ويوسف مخطوبين ولا مكتوب كتابنا؟
_الجد؛مكتوب كتابكم يا نور
*اتكلمت بصدمة وانا مش مصدقة بيضحكوا عليّ! *
_اكيد يا جدو بتهزر صح، دي مسرحية انتوا عاملينها عليّ
_لا انتوا مكتوب كتابكم فعلا وفى الوقت المناسب هتعرفي حصل كدا ازاي، كلمي ممتك تأكدلك
_يوسف جوزك مش خطيبك يا بنتي
_امال بتتعاملوا على انه خطيبي ليه!
_هتعرفي كل حاجه بس في الوقت المناسب، خد بالك من نفسك يا حبيبتي وصيتي ليك نور يا يوسف
*قعدت وانا مشتتة ومحتارة ومش عارفة حصل كل دا امتى وازاي
وليه! *
*فضلت فترة قاعده ومبتكلمش من هول الصدمة بعدها يوسف قالي*
_يلا البسي الفستان وتعالي
*رحت وانا مندهشة بعد ما اكدولي فعلا انه جوزي! *
*اول ما طلعت للحديقة، لاقيت يوسف بصلي بإنبهار حسيته شخص تاني، وتصرفاته متغيرة*
*فضل يرقص معايا، ويضحك من قلبه، تحت صدمتي بجد، مصدومة من كل حاجة حرفيًا، وفجاة شالني ولف بيا وانا مش مستوعبة حاجة
اللى هو انت بتحبني ولا بتكرهني ولا شغال على انهي نظام! *
_انا فرحان اوي أنّك مراتي وبحبّك يا نوري
*لما سمعت الجُملة دي حسيت بإضطراب ودقات قلبي زادت وكانت جملته دي ليها تأثير معرفش ليه
شكلي بنجذب لتوكسيك غالبًا*
*قلعت الجزمة مبحبّش الهيلز نهائي
لاقيت يوسف مسك الجزمة وبالايد التانية مسك ايدي، دخلنا جوا ملقتش عائشة موجودة*
*كنت هرن عليها لاقيت يوسف قال*
_مفيش داعي ترني عليها، هي عندك خالتك، بيطمنوا على يامن
_انت عارف يامن فين؟
_اه عارف هو فين، بس مش موضوعنا يامن دا
*قعدنا فى الصالة وطلع من جيبه علبة قطيفة وفتحها كان فيها خاتم سلوتير ولبسهولي*
_لسه فاكر تلبسني حاجه تدل أنّي مرتبطة!
_حقك عليّ يا ست البنات الضرورة حتمت عليّ كدا
_ضرورة ايه مش فاهمة، وهنروح امتى
_هانت كلها تلت ايام ونروح
_عايزه افهم اية الضرورة دي
_هفهمك كل حاجه بس متستعجليش بس
_واخرتها يا يوسف
_صدقيني لو لمرة يا نور وخلينا نستمتع بوقتنا بقالي كتير مقعدتش معاكي يا نور أنتِ بعيده عنّي بقالك كتير وحشتيني يا نور
*معرفش ليه حسيت مشاعره صادقة؛ نبرة صوته نظرة عيونه وتعابير وشه كلها بتقول أنه فعلًا بيحبّني بس ليه المُعاملة الوحشه دي ليه!*
_طب ليه اول ما نزلت كنت بتعاملني وحش
*لاقيته متكلمش ولا حرف واخدني فى حضنه وحاطط راسه على كتفي
وقال بنبرة مش واضحة اوي*
_سبيني استمد الامان منك، اللى افتقده بقالي كتير
*فضلنا على الوضع دا حوالي عشر دقايق، لاقيته طفل بيحضن امه مش مراته، حسيت بأحساسيس متخلبطة ومشاعر مختلطة، وشعور دافي كدا*
_انا عارف أنك مستغربه التحوّل المفاجئ دا بس حقيقي غصب عني
_هعذرك ووقت ما تحب تحكي احكي
_يلا نعمل الاكل سوا؟
_موافقة، حابب تاكل ايه؟
_يلا هنعمل سوا
^^^^^^^^^^^^^^^^^^^^^^^^^^^^^
_كنت فين يا يامن!
_حبيت اقعد مع نفسي شويه وقفلت الفون مكنش في داعي ترنوا عليّ
هي نور متجوزة من يوسف؟
_كتابين كتابهم
_سارة ماتت ونور مرات يوسف
_أنت فوقت من الصدمة يا يامن؟
_اه يا أمي قلبي واجعني اوي عايز ازور سارة
_بس هي مدفونة فى مصر يا يامن
_عارف هنزل مصر ازورها
_طب ليه معرفتنيش أنّك هتفضل لوحدك ليه قلقتني وقلقت عائشة عليك
_عائشة!، أنتِ قلقتني عليّ؟
_اه قلقت اوي عليك وفضلت ادعيلك
_متشكر اوي يا عائشة اطمني أنا كويس، وبعتذر لو سببتلك اي أذى
_لا انا عايزه تكون بخير وبس، دا اهم حاجة عندي
عائشة؛ طلعت برا وانا منهارة من البكاء مش قادرة شوفته موجوع لسه على مراته معرفش عملتله ايه عشان يحبّها كدا!
_هوصلك يا عائشة
_لا عائشة هتبات عندنا انهاردا
_تمام ماشي هبات انا برا بقي
_استني لما نتعشى كلنا
^^^^^^^^^^^^^^^^^^^^^^^^^
_حابة نعمل فرحنا فين؟
_فرحنا! انا لحد دلوقتي مش مستوعبة اننا كتابين الكتاب
_مش هنتجوز الا لما تستوعبي كل حاجة، يلا عشان ناكل
*حطيت الاكل انا وهو واكلنا
واخترنا فيلم الرسالة نسمعه*
_حابة احكيلك عن قصة انهي صاحبي؟
_عن سيدنا عمر بن الخطاب رضي الله عنه وارضاه
_عيوني، يا نور عيني وقرة عيني
*حكالي وانا مندمجة معاه، وفرحانة اوي ومستنية افهم التغيير بتاعه دا *
_ممكن اسألك سؤال؟
_اتفضلي
_حبيتني امتى؟
*بصلي وعيونه كلها شغف وشوفت لألأة عيونه وتعابير وشه اللى نورت فجأة وقال*
_من زمان يا نور، من زمان جدًا
_أنت شوفتني قبل كدا؟
_شوفتك بس! ، انا حافظك أكتر من نفسي
_امتى دا؟
*ردّ عليّ بإجابة غريبة لما سألته امتي، *
_يعني ايه!
_قومي يلا عشان نصلي
_بس دا مش معاد فرض
_نصلي قيام ليل ونقرأ قرآن
_بجد؟
_ايوا اعملي حسابك لو نسيتِ تصلي القيام او تقرأي قرآن هزعلك جامد
*اتكلمت بنبرة تريقة بقلده*
_وانا زعلي وحش، هتعمل ايه
_امممم، هعمل كتير، يلا
*اتوضينا وصلينا وقعدنا نقرأ قرآن ولما خلصنا، سندت راسي على كتفه
ومسك ايدي وفضل يسبح عليها*
^^^^^^^^^^^^^^^^^^^^^^^^^^^^
*عدى التلت ايام محستش بيهم روحت سلمت على خالتو، ومشينا
قضيت أجمل اربع ايام فحياتي
معقول يوسف طلع شخص كويس!
مكنش زي ما انا متخيلة كدا! *
*طول ما احنا فى الطيارة حاطط ايده على راسي وانا ساندة راسي على كتفه، وعائشة قاعده كالعاده بتفكر فى يامن بس المرادي مبتسمة! *
^^^^^^^^^^^^^^^^^^^^^^^^^^^^
_يوسف بيه **************
_ايه! ازاي دا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مجهولي انت)
