رواية مجنون دهب الفصل الأول 1 بقلم زهرة الربيع
رواية مجنون دهب الجزء الأول
رواية مجنون دهب البارت الأول
رواية مجنون دهب الحلقة الأولى
الحقي يا دهب جوزك المجنون نزل تاني يضرب حسن علشان عاكسك شكلو ناوي يخلص عليه دي تالت مره يروح يضربو
نفخت بنرفزه من جنانه وقالت..يعني اعمل ايه اعمل ايه انا اموت نفسي علشان يرتاح…هتجنن يا عالم هتجنن اللي بيحصل مش طبيعي
وشدت طرحتها ونزلت جري على الشارع هيه وصاحبتها
لقت اهل الحاره متجمعين وبيحاولو يفضو الخناقه بزهق وهيه قالت بصوت عالي…عبد الرحمن..سيبو يا عبد الرحمن بتعمل ايه
عبد الرحمن التفت لها بحده وهو ماسك شاب بغضب ونازل فيه ضرب هيموتو وقال بغضب شديد..انتي ايه الي نزلك..اطلعي ..غوري من هنا ومتنزليش ابدا يللا مش عايز المحك
دهب قالت بعصبيه..بس بقى سيبو انت مش ضربتو الصبح مكانتش كلمه قالها ياريت اموت انا واريحكو بقى…. كانت بتقول كده وهيه بتحاول تبعده عنه ومش قادره
عبد الرحمن قال بغضب وزعيق مرعب …قولت انجري خشي جوووووه يلا غورييي
دهب اتنهدت ورجعت على البيت بحزن وغضب شديد
بعد دقايق كانت في الاوضه ورايحه جايه بتوتر وخوف
عبد الرحمن دخل عندها وقال بغضب شديد..انتي ايه اللي نزلك..نزلتي ليه انا مش قولت الف مره لما اكون بتخانق متنزليش..تموتي لو معملتيش استعراض قدام اللي رايح واللي جاي صح
بقلم….زهرة الربيع
دهب بصتلو بزهول وغضب وقالت..انت سامع نفسك بتقول ايه
عبد الرحمن قال بغضب..اه سامع كويس واسمعي بقى ايا كانت ظروفنا سوا فانا جوزك وانتي بتاعتي ومش هتكوني لغيري افهميها بقى
ولسه هيمشي قالت بدموع. .يا عبد الرحمن انت بتتجنن انا خايفه عليك بجد الي بتعملو مش طبيعي
عبد الرحمن قال بغضب..لا اللي بعملو طبيعي جدا انا لو سكت على ان مراتي تتعاكس في وسط الخلق ساعتها ابقى مش طبيعي..ولاخر مره هحذرك الزفت ده متتكلميش معاه فاهمه ولا يلمحك حتى ده لو مش عيزاه يموت بسببك
قال كده ومشب وهيه قعدت على السرير بدموع وقالت..يا رب انا غلبانه استرها معايا
بعد شويه كانت بترتب اوضتها واتفاجأت بحد بيناديلها من الشباك
التفتت للصوت وحطت ايدها على بقها بزهول لما لقتو حسن وكان حرفيا مدغدغ من كتر ما عبد الرحمن ضربو
نط في الاوضه بسرعه وقال…وحشتيني يا بت يا دهب
دهب اتصدمت وبصتلو وهيه هتتجنن وقالت بزهول..لا لا مش معقول…مش معقول بجد ده انت لو قاصد تخليه يقتلك مش هتعمل كده ايه الي جابك هنا يا مصيبتي السوده بقى حرام عليكو هتجننوني
حسن قال بسرعه..متخافيش انا لسه شايفه نازل حالا راح ورشته… وبعدين انتي حببتي وانا بحب اشوفك يا دهب اكيد مش هخاف منو وابطل اشوفك يعني
دهب قالت بزهول وخوف ….حبتك عقربه يا بعيد الف مره قولتلك انا متجوزه متجوزه اغنيهالك
حسن قال بغضب…انتي مش متجوزه وانا مش هعترف باللي بتقوليه..انتي هتبقى مراتي انا يا دهب انتي حقي ومش هفرط فيه وبعدين ده كل يوم مع واحده بيحاسبنا ليه ان شاء الله ده فاتح ورشتو بيت دعاره كل اللي تيحي بتاخد نصيبها
دهب قالت بزهول… لا..لا انا مش قادره..مش قادره استحمل غبائك اكتر…انت مالك بكل ده …هو اانت عايز تجنني ده لسه من شويه عمل منك كفته ليه مصر تنضرب وتتهان و
بس قطعت جملتها لما عبد الرحمن خبط على الباب وقال…بت يا دهب افتحي نسيت تليفوني جوه
دهب لطمت بشده وقالت بصوت مرتبك…يا انهار اسود…امشي بسرعه يلاااا اخرج
حسن قال بتوتر…لا لا مش همشي انا ..انا عايز اكلمك ضروري ومصدقت طلعت
لطمت على خدها وقالت برعب…بفولك غور هيقتلك المرادي امشي
حسن قال بعند وخوف..قولت مش ماشي انا..انا هستخبى لحد ما يمشي وجري بسرعه دخل تحت السرير
دهب لسه هتمنعه عبد الرحمن قال من بره..دهب انتي مبتفتحيش ليه فيه ايه
دهب قالت بسرعه وارتباك..حاضر…حاضر هفتح
وراحت فتحت وهيه مرعوبه و بترتعش
عبد الرحمن بصلها باستغراب ودخل وقال..مال وشك مخطوف كده ليه وساعه على بال ما تفتحي
دهب قالت بارتباك ابدا ابدا يا عبد الرحمن..بس..احم بس كنت بلبس
عبد الرحمن استغرب وقعد على السرير وقال…اممم..طيب..على العموم انا حابب اتكلم معاكي و
دهب قالت برعب..لا لا مش عايزه اتكلم..انا..انا عايزه انام..و..و مش قادره اتكلم يعني ارجوك تنزل
عبد الرحمن بصلها بسخريه وقال..ليه…انزل ليه معطلك عن حاجه
دهب بلعت رقها بارتباك وكانت لسه هترد بس اتصدمت لما عبد الرحمن قال بطريقه مرعبه جدا جدا…هتطلع لوحدك ولا اطلعك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مجنون دهب)
