رواية مجنونه الليث الفصل السابع عشر 17 بقلم أسماء حبيب
رواية مجنونه الليث الجزء السابع عشر
رواية مجنونه الليث البارت السابع عشر
رواية مجنونه الليث الحلقة السابعة عشر
دخل اللواء وعناصر الشرطه الاوضه فجأه وهنا حصل شيئ مش في الحسبان خالص…..
اللواء…. فييين عاااصي دا اقبضو عليه.
ليث وقف قدامه بسرعه…. لو سمحت يا باسا هو د….
قطع كلامه خضر….. اناااا اهوو.
عاصي بصله….. خ…
خضر قرب منه بهمس….. انا كنت هموت وانت انقذتني.. جه وقت اردلك فيه الجميل داا.. ههه وبعدين انا لا ورايه عيل ولا يحزنون… ابقي خلي بالك من نجمه دي بتحبك اوي.
عاصي…. صدقني هطلعك من الموضوع.
خضر…. وانا مش هتفرق معايه المهم مش تنساني ابقي زرني بعيش وحلاوه هههههه.
اللواء بسرعه… اقبضووو عليه.
خضر…. مش تتحمق قوي كداااوجلي اهو هو انا ههرب بطمن علي الي كنت خطفه بس يلا بينا.
نجمه بتكلم نفسها….. اي دا هو انا نشرت الوباء بالسرعه دي.
نسمه بهمس لنجمه ….. اناااا عايزه اروح الليله دي كبيره اوي انا خفت.
نجمه….. خفتي من الي حصل امال لو شفتي الي انا فيه اي الي هيحصلك دااا انا عيشت كام يوم ما يعلم بيهم الي ربنااا يختي. اااه ياني.
ليث كان بيكلم الوراء علي جمب…. انت عارفني انا مستحيل اكدب عليك.
اللواء بصدمه….. يعني دااا اخوك.
ليث بجديه…. ايوه يا باشا هو الي حصله دا كان بسبب الماسي.
اللواء…. امال مين الي اتمسك دا!!
ليث… دا دراعه اليمين واسمه خضر.. انا عارف مفروض مدخلش حياتي الشخصيه في الشغل بس انا مش قادر اخصر اخويه بعد السنين دي كلها.
اللواء….. القانون قانون يا ليث.. انت شايف ليها حل!
ليث…. شوف يا باشا انا مسميش ليث انا اسمي رحيم القراشي وهرجع اسمي تاني اما الي جوه ده هو ليث القراشي الحقيقي.
اللواء…. انا تهت منك كدااا.
ليث….. المهم ان خضر يدنه شايل التهمه عبال ما الاقي حل.
اللواء…. بس دي مش اخلاااق وادب احترام القانون يا ليث.
ليث….. رحيم يااا باشااا.. وانا هتصرف ومسيها دلوقتي بروح القانون.
ــــــــــــــــــــــــــــــــ
توضيح مهم _
ليث هيتغير اسمه للحقيقي رحيم…
عاصي هيتغير اسمه للحقيقي ليث….
ــــــــــــــــــــــــــــــ
ليث نايم علي السرير وكان الكل بره….. نجمه.
نجمه…. عايز اي.
ليث…. في وحده هتقول لجوزها اي برضو.
نجمه….. انجز علشان عايزه اروح بتناا.
ليث…. يااااا يزن.
نجمه…. الصبر من عندك ياارب احنا نخلص من خضر يطلع يزن.
ليث….. اسكتي.
نجمه… طيب يا ابو العيال.
يزن دخل…. اي اصبر بكلم الدكتور.
ليث… انا قووولت تعاله.
يزن دخل وقف الباب… اي يا عم.
ليث… يااا عم لااا دا انت خت عليااا اوي.
يزن….. قلبك ابيض اي بقي.
ليث…. هات المأذون وبسرعه.
نجمه…. نهارك ازرق هنكتب الكتاب في المستشفه اي الفال دا يا اخي.
ليث…. هو انتي مش بتعرفي تسكتي ابداً.
نجمه…. مهو ربنا ميزنا عن الحمير بالعقل يا سي عا.. احم يا سي ليث اصل مش معقول نكتب كتبنا في المستشفي ناقص نضايف الناس جلوكوز بالمناسبه السعيده دي.
ليث….. مهو انا هكتب الكتاااب دلوقتي يعني هكتب الكتاب مهو مش هسمح المره دي تفلتي مني.
نجمه…. لي هتتجوز سحليه يا خي.
ليث… افصلي يا نجمه علشااان متهورش عليكي.
نجمه… لاااا خفت يا حبيبيييييي وريني هتتهور ازاااي.
ليث لسه بعدل نفسه علشان يقوم…
نجمه….. وربنا ما انت قايم خلاااص هسكت.
ليث….. ناس مبتجيش الي بالعين الحمره.
نجمه بغمزه …. قصدك الخضره.
ليث… اي دا اييي داااا يا نجمه انتي بتقولي كلام حلو اهو.
نجمه…. لا بس بسايسك لتضربني اصل ايدك تقيله.
ليث….. قومي يااااا نجمه قموي من قدامي لتهور عليكي بجد.
نجمه قامت وكانت خرجه…. اييي هو كله تهديد تهديد كداا انا مشيه وهطفش من البلد دييي.
ليث…. اقعدي يا نجمه هنكت الكتاااب برضو خدييي هنااا.
نجمه رجعت وقعدت….. خلااص شكلي لبست فيك يا سبيدر مان ههههه فاكر يا عاصي ل… يااا ليث يا ليث خلااص والله مش تبقيلي كدا تاني بتخوفني.
ليث… مهو تتعدلي علشاان معدلكيش.
نجمه… خلااص بقييي ياا عاام.
نسمه فتحت الباب بسرعه ودخلت بصنيه الاكل…. وسع وسع وساااع احلااا سندوشتاات فول وطعميه ياااا احلي عروسين.
ليث…. فول وطعميه.
احمد بخل وماسك اكياس عصير…. واحلي عصير قصب تبلع بيه.
ليث… ابلعع.
رحيم دخل….. معلش يا ليث هتتعود دي صحبه نجمه.
ليث… كان مفروض اتوقع برضو.
نسمه… شوف يا عم ليث انا لقيت الوليه حطالك جزر و بسله وحجات صحيه كدا مش ليها طعم انا قولت لاااااء ونزلت جبتلكم سندوشتات فول و طعميه و مخلل علشان تحلي الاكل.
رحيم…. انا بقول تسكتي انتي ملكيش دعوه باكل حد.
نسمه… هو حد قالك اني جايبه ليه بس دا انا عمله حسابنا كلنااا علشان تعرف اني جدعه بس.
رحيم…. كتر خيرك يا ستي.
نسمه… ايدك بقي علي 50 جنيه علشان ابعت الحساب للراجل.
رحيم…. اي النتانه دي.
نسمه… لي هو انت مفكر انك هتاكل ببلاش.
روح خبطت ودخلت….. ليث جهزت كل حاجه.
ليث… ماشي يا روحي.
جمال بغيره…. روووح فين ال ال ا….
ليث ضحك وفهم …. المأذون قصدك.
جمال بسرعه… اه اه هو فييين المأذون.
رحيم سلم علي ليث بضحك…. هههههه يا فاهم انت.
ليث… هيب عليك دا انا خبره.
جمال…… في اي بتضحكواا عليااا لي هااا.
نجمه… علشان مفضوح يا سي جمال.
ليث بصلها….. نجمه انتي قولتي اي.
نجمه… م م ا احم مقولتش.
ليث…. وربي لو قولتي كدا تاني لحد غيري لنفضك يااا نجمه.
نجمه…. لي هو انا سجاده امك.
ليث اول ما سمع سيره امه اتنرفز جامد….. نجمااااه مااامااا لااااء فهمه.
نجمه بصدمه…. انا بهزر يا ليث في اي.
ليث قام وقف علي رجله بالم ودخل البلكونه بتاعه المستشفي….. مش عااايز اسمع صوووت حد مفهوووم ويلااا بره.
رحيم …. عاصي مش ينفع تقف وتحمل علي رجلك غلط.
ليث… قووولت بره برااااه.
رحيم وتفهم موقفه….. يلا يا جماعه سبوه لو سمحتم.
نجمه بصت بزعل علي ليث…. روحو انتم وسبوني معاه احنا هنتفاهم.
رحيم… الي انتي شيفاه…
نجمه من وراه…. ليث.. ابو العيال ههه احم انا اسفه والله كنت بهظر وعلي فكره انا ماما وحشاني برضوا زي ما مامتك وحشاك كدا.
ليث…. نجمه مامااا خط احمر.
نجمه… يعني حد قالك اني خط تورانج البرتقالي ولا اي يا عم روق كدا انا مقصدش غلط بالست الوالده.
ليث لف لنجمه ….. نجمه انتي لسانك طوويل.
نجمه…. بس عاجبك مش كدا.
ليث… ههههه مش سهله يا نجمه.
نجمه بغرور… ما انا عرفه.
يزن خبط علي الباب…. ياااا اهل الاوضه ممكن ندخل..
نجمه… ادخلووو يلا.
الكل دخل وقعدو علي كراسي والمأذون دخل…
ليث…. يلا يا نجمتي.
نجمه بكسوف… يوه مش قدامهم يا راجل.
نسمه…. هههه نجمه شراشيب بتتكسف يا جدعان.
الكل ضحك علي هزار نسمه.
نجمه… ليث ابقي اقتل البت دي خلااص انا متبريه منها ومن صحوبيتها الي تسد النفس.
ليث… عنيااا.
نسمه… مش هخاااف معانه الحكووومه ولا اي يا باشا.
رحيم… دا انا اتمني اكون قاضي واول وحده احكم عليها مؤبد انتي.
نسمه… كدهو مطمرش فيكم سندوشتات الفول.
احمد…. اسكتي يااا نسمه اهلينا عايزنه يا حببتي.
نسمه…. حبيبي صحيح الاخ سند متحرمش من حونيتك دي ابداً.
المأذون… طيب مين وكيل العروسه.
نجمه… ب بابااا فين!؟
نسمه…. مش عرفه اتأخر لي كدا في الحمام.
دخل قاضي والد نجمه ووشه في خرابيش…. فيين البت نسمه دييي.
نجمه…. يلهوي مال وشك عامل كدا لي يا بابا..؟!
القاضي… منك لله يا نسمه دخلتني حمام الستات واخد علقه…
نسمه… ا اسفه والله امسحا فياااا المره دي يا عمو.
القاضي… سبوووني عليهااا.
رحيم… اهدي يا عم الحج..
القاضي…. دا انا اتشلفط يا ابني.
رحيم… معلش علشان خاطر بنتك.
القاضي…. طيب اذا كان كدا ماشي.
المأذون بدأ يعمل مراسم كتب الكتاب وكانت نجمه فرحانه اوي.
المأذون….. بارك الله لكما وبارك عليكما وجمع بينكما في الخير….
نسمه…. مبااارك يا نجمه يا حببتي ربنا يتممكلم علي خير.
نجمه بفرحه… عبالك يا روحي.
روح… قريب ان شاء الله..
ليث…. يلا بقي اتكلو علي الله مش عايز اشوف حد هنااا.
رحيم بغمزه… ماشي يا عمم.
الكل طلع وليث قعد جمب نجمه…. غمضي عينك ه..
نجمه برقتله….. هااا اي يا عنيا بقولك اييي انااا مش سهله اه انا متربيه مليش في قله الأدب بقولك اهو.
ليث….. ما انا عارف بس غمضي بس.
نجمه… ماشي بس لو عملت حاجه كيدااا ولا كداا هصوت وانت حر.
ليث….. خلصتي..
نجمه…. اه خلصت..
ليث بزعيق…. غمضي بقيييي.
نسمه من بره…. يااا بت مش تتعبيه معاكي.
يزن….. ايوه ياااعم ياااا بختك.
ليث…. شفتي خلتيهم يفهمو غلط.
نجمه… طيب غمضت اهو اما اشوف اخرتها معاااك.
نجمه غمضت وليث حط الورد قدمها و صندوق والدته….. فتحي.
نجمه… اي افتح بالسرعه دي.
ليث بخبث…. اي عايزه تدنك مغمضه يعني.
نجمه فتحت… لاا يا عنيااا ب…. واااو اي داااا.
ليث…. معلش مقدرتش اجبلك حاجه بس دا دهب ماما وفي وصيتها انه يكون شبكتم.
نجمه بحب…. انا مش طمعانه في حاجه يا ليث انا بس نفسي اشوفك كويس وتبعد عن الطريق الي انت ماشي فيه علشان لما نعمل فرحنا ونبقي اسره جميله يكون عندنا اطفال نعيشهم بسعاده من غير خوف من حد يجي يأذيهم وليا عندك طلب بس.
ليث… اي يا نجمه.
نجمه…. كل فلووسك الي عملتها بالحرام وكل حاجه حرام اتخلص منها انا اقبل اعيش معاك في اوضه علي السطوح ولا اقعد في فله كلها من مال حرام.
ليث….. وانا موافق يا نجمه.
نجمه حضنته…. ربنا يديمك في حياتي يا احلي ليث في الدنيا دي كلها…
قاضي فتح باب الاوضه…… اماال فين سندوت ش. ات…. احممم لمؤخذه هاخد صنيه الاكل بس.
ليث….. انا نفسي اخلص علي ابوكي دااا بدخل في اوقااات غلط خالص.
نجمه…. ههههه المهم مش هتلبسني شبكتي.
ليث لبسها السلسله والخاتم….. اي رئيك!؟
نجمه بفرحه…. دول جامدين اوييي علي فكره مامتك زوقها جامد في الدهب.
ليث…. عارف بس في حاجه مش عارف هتحبيها ولا لاء.
نجمه… اي هيا؟!
ليث…. عش الزوجيه.
نجمه… وماله العش مضيقك في حاجه.
ليث… لا بس فعلا احنا هنعيش في حاجه اشله بعش فعلاً.
نجمه… الي هو اي انجز.
ليث… اوضه ماما الي علي السطوح دا ورثي.
نجمه… وانا موافقه يلا بينااا انا متشوقه اشوفه.
ليث… ههههه هتنصدمي.
نجمه… لا ما انا اتعوت علي الصدمات متشغلش بالك.
ليث…. اذا كان كدا يلا بينا.
كان يزن جهز العربيه وليث بيسند علي عوكاز ومعاه نجمه…
ليث… رحيم روح الحج قاضي وانا جايلكم بعد ساعه.
رحيم… تمام بس مش تتأخر عايزك في موضوع مهم.
ليث… اكيد… يلا يا نجمه.
ركبو التلاته العربيه ووقف يزن قدام بيت قديم….
ليث… يلا يا نجمه.
نجمه… انا شايفه بدايه مشرقه بالتفائل هههه.
ليث…. يلا انزلي.
نجمه نزلت ويزن استناهم في العربيه وهما طلعو لفوف ووقفو قدام اوضه علي السطح…
نجمه…. هي دي الاوضه.
ليث… اه حاسس انك هترجعي في كلامك.
نجمه… ابداً.
ليث كان عطشان وبيكح…. موبيلي فين ارن علي يزن يجبلي مياا.
نجمه… هنزل بسرعه اجباك مش هتأخر.
نجمه نزلت بس الغريب انه مر عشر دقايق ومفيش حد جه.
ليث دب في قلبه الخوف ونزل لقي يزن مرمي علي لارض مغمي عليه وجواب جمبه.
ليث خد الجواب بسرعه و بيقرئه…”” مبرووك بقي تتجوز ومش تقول للريس يا عاصي ولااا نقولك يا ليث علي العموم المدام في الحفظ والصون تجيب الشنطه تاخد المدام و انت عارف هتلاقيني فين “”
ليث بصدمه…. نجمه لاااااء.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مجنونه الليث)
